الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *جحيمي.وجنتي.tt*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة* :*
الجزء الرابع
اعطيتها الشنته عشان تضب الاواعي ونزلت تحت عند كان الكل مروح وخواتي وامي عم ينظفوا البيت .. قعدت بالصالون عند ابي..
ابو عابد: شو طمني كيف الوضع؟
اياد: كله تمام
ابو عابد: انت فاهم قصدي صح؟
هزيت راسي وشغلت سيجاره وبلشت انفخ ..
ابو عابد: شوف يا اياد انا مابدي تزعل مني ع الي عملته بس بدي انا اصريت عليك لانها ما الها حدا... خوالها اصلا مابحكوا معهم عشان ابوها اتزوج ع امها وحاليا شفت كيف مرة ابوها زتتها بالشارع ...
اياد: احنا مضطرين نتحمل كل العالم عشان ظروفهم ..
ابو عابد: اياد .. لاتجنني .. زواج واتزوجت وياويلك ادرى انك عم تدايقها وتزعلها ..
اياد: ههههه بعيوني لاتخاف ..
ابو عابد: بكره رح تعرف انه كله لمصلحتك ...
اياد: ههههه اكيد طبعا ولوووو ..
ابو عابد: لاتتمسخر .. صحيح انا اخدتلك اجازه اسبوع زمن من الشركه
اياد: ليش؟
ابو عابد: شو ليش عريس جديد اتهنالك كم يوم
اياد: ابي.. انا بضيق خلقي من قعدة البيت
ابو عابد: اخدت ومشي الحال
طنشته وبقيت ادخن ..قعدت تحت مده منيحه خلص صار لازم اطلع اكيد بتكون خلصت ..استاذنت واطلعت عالدرج لوصلت الغرفه فتحتها بهدوء واتفاجئت فيها لافه حالها بالمنشفه وماسكه اواعيها ..وشعرها كله ميي
للحظه انسيت حالي ونسيت شو حكيتلها قبل شوي وصرت امشي بخطوات سريعه بس هي مجرد ماشافتني هيك ركضت عالحمام وقفلته عليها ..
لككك شو عم تعمل اياد!! اصحى..اوعك تضعف اوعك خليك على موقفك وكلامك الي حكيته بس والله حلوه هالبنت كيف بدي اصبر مش عارف اوف ياربي احسن اشي اطلع عالبرنده .. طلعت عالبرنده وبقيت واقف صفنان لوقت سمعتها خرجت طلعت من البرنده عندها استفزتني بكم كلمه اخر اشي مسكتها من شعرها وجريتها للتخت .. مالقيت حالي غير مقرب عليها ووجهي قريب عوجهها .. صرت اتامل بشرتها عن قرب ومابكزب عليكم ماقدرت الا ابوسها وكنت رح اضعف بس هي دفشتنييي بقوه كبيره هالشي خلاني اعصب مسكت شعرها وشديته وخليتها تترجانيي عشان اتركها
ولما تركتها حكيتلها انت بشعه وعملت هيك حتى اذلك بس انا كزابب... انا حبيت شكلها كتير رغم اني رافضها ولحد هلا رافضها بس شكلها كتير حلو...
كنت سامع شهقاتها وعياطها تحت الحرام ...كنت عالجوال اعد .. صح اني حقير كتير مش شوي بس جد مش عارف اتقبلها وغير هيك شكلها قويه ..
بقيت عالجوال وهي عم تبكي ... ماقدرت اسكت رفعت عنها الحرام بعصبيه وسرعه كبيره ..
اياد: مطوله وانت بتبكي؟
رهف: مادخلككك .. حل عنييي انا بكرهكك
اياد: مش ضروري تحبيني ..
رهف: لاتحكيي معييي ..اتركني بحالي
اياد: لاتفكريني قاتل حالي احكي معك ..بس وطيه لصوتك وبكفي عياط وجعتيلي راسي .. صرعتيني
قامت عن التخت وفاتت عالحمام ...خبطته وبقيت جوا رجعت اتصفح الفيس شوي .. قعدت ١٠ عشر دقايق جوا وفش الها صوت معقول صايرلها اشي؟.. وانا شو خصني تنفلق .. بس ماقدرت اضل قاعد .. قمت اتجاه الحمام ودقيت عليها ..
اياد: افتحييي....مطوله عندك؟
رهف: ......
اياد: افتحي ولاتخلينيي اكسر الباب عليكي ..
رهف: ....
حطيت ادني عالباب بس فش ولا صوت .. بس شكله في صوت مي...حسيت جد صايرلها اشي .. دفشت الباب بكل قوتي عليها وفتت لقيتها حاطه حالها باواعيها بالشاور وواقفه تحته والمي عم تنزل عليها والبخار معبي الدنيا .. شكلها حاطه مي نار .. كانت واقفه وسانده حالها عالحيط بتعب ومغمضه عيونها لك هاي مجنونه شو عم تعمل؟ ركضت بلمح البصر وسكرت الشاور وفتحت الشباك حتى يخرج البخار .. قربت عندها وصرت اصرخ عليها ..
اياد: لكك شو عم تعملي؟ مجنونه انتييييييي؟؟
كانت مغمضه ولساتها سانده عالحيط بتعب ..
قربت عندها وصرت اهزها بعصبيه كبيره بس بسرعه وقعت بين ايدي .. لكك شو عم يصير معها .. نزلت عالارض وحطيت راسها بحضني وصرت اخبط عوجهها..
اياد: رهف ... رهف انت سامعتيني؟
ماكانت ترد .. حملتها بين ايدي وخرجت ركاض حطيتها عالتخت ... ورحت جبت عطر وقربته عند منخارها ..بلشت تصحصح وتنزعج من العطر..
اياد: رهف.. انت منيحة؟ .... سامعتيني؟
فتحت عيونها شوي شوي وصارت تطلع عليي..
اياد: انت منيحه؟ بشو حاسه؟
هزت راسها ب ولاشي بدون ماتحكي حرف..
اياد: ليش هيك تعملي؟
رهف: .......
بلشت شوي شوي تصحصح .. وتستعيد وعيها ..جلست حالها بتعب حطيتلها مخده ورا ظهرها وخليتها تسند عليها ..
اياد: ليش هيك تعملي؟
رهف: .......
اياد: مجنونه وشرفيييي ... انا قايم اجبلك اواعي جديده تغيري اواعيكي عشان ماتاخدي برد ..
قمت عالخزانه وجبتلها كل الاواعي وحطيتهم عالتخت
اياد: انا خارج عالبرنده قومي غيري اواعيكي .. وازا مش قادره ببعت ورا حدا من خواتي يساعدك ..
شغلتلها المكيف وخليته على اعلى درجة حراره ...كانت عم تتلوى من الوجع ..
خمس دقايق وطلعت جوليا معها كاسة الميرميه اعطتها اياها تشربها .. اخدتها وصارت تشرب فيها شوي شوي ..
................
صحيت ع وجع بطن مش طبيعي ماكنت قادره بالمره قعدتت عالارض وسندت راسي عالتخت وصرت ائن من الوجع .. صحي علي اياد وسالني مالك والي احرجني اكتر لما سالني ازا هي السبب بوجع بطنيي .. يي يي شو انحرجت .. ماكان عارف شو يعمل خرج برا وبعد شوي فات هو واخته جوليا... اعطوني حب مغص ونزلت تعملي ميرميه ... اخدت الكاسة وصرت اشرب واياد شغل المكيف .. شوي وحسيت الوجع خف.. اتمددت عالتخت بتعب وغمضت عيوني ..قربت عندي جوليا وقعدت قدامي عالتخت..
جوليا: كيف حاسه حالك؟
رهف:: احسن شوي
جوليا :ماعقلبك شر دفي حالك منيح ..
رهف: ماشي ..شكرا غلبتك معي ..
جوليا: انطمي مش بينا .. بعدين انتي عروس اتدللي..
اياد: جوليااا
جوليا: نعم؟
اياد: ولشيي .. شكرا الك ..
جوليا: عفوا ..انا بدي اروح ازا بدك اي اشي احكي الي او لاياد اه؟
هزيت راسي بدون ما احكي حرف .. تركتنا وطلعت .. اما اياد سكر الباب وراها وراح عزاوية الغرفه وجاب حرام حطه عليي ورجع اتمدد بدون مايحكي معي .. يروح يحل عني مش طايقته والله .. يارب بس تعطيني الصبر عهيك حياة زوجيه مبينه من اولها .. انا كيف هيك حياتي بيوم وليلة انقلبت؟ لسا امبارح كنت بتختي وهلا صرت نايمه بتخت واحد صار زوجي ..
الله يجعله زوج بسس .. مابعرف كيف من التعب غفيت وسحبتها نومه .. صحيت تاني يوم بتعب ووجع راس مش طبيعي اطلعت عندي ماكان في حدا .. فتحت جوالي اشوف الساعه كانت ١١ ...اووووف كيف هيك نايمه لهلا وليش ماحدا صحاني يالله !!
قمت عالحمام غسلت وجهيي وفرشيت سناني وغيرت البيجامه ..لبست بنطلون جينز من الي عندي وبلوزه نص كم ضيقه ع قد الجسم لونها احمر ...طلعت برا وقفت عالمراي مشطت شعري وعملته دنبة الفرس ..
اتنهدت وطلعت برا ... مارح البس حجاب لانه اكيد اخوه هيثم مش بالفيلا .. كنت ماشيه وانا متوتره وحاسه بشعور غريب اني صرت ساكنه هون ..
نزلت عن الدرج ورحت عالصالون ماكان في حدا غير حماتي ام عابد .. صبحت عليها وقعدت
رهف: خالتو ليش تاركيني لهلا نايمه؟
ام عابد: لكك شو ليش تاركينك لهلا ؟ انت عروس جديده نامي واشبعي نوم واتدللي كمان ..
ابتسمت باحراج اخ بس لو تعرفي الحكي الي سمعني اياه ابنك ...
رهف: خالتو انا اسفه عالموقف الي انحطيتي فيه امبارح بسببي .. جد ماكنت حابه اول لقاء يصير بينا هيك ...بس خلص صار الي صار وحقك عليي
ام عابد: مو مشكله ..انت ماخصك باشي من الي صار الحق على اياد وابوه ..طمنيني انت كيف امورك مع اياد كله تمام؟
رهف: ......
ام عابد: احكي ولاتخجلي
رهف: تمام ..
ام عابد: رهف .. اسمعي رح احكيلك شغله ...انت لبسك كتير حلوو وانت ماشاءالله حلوة .. بس بدك تنتبهي انو هون في هيثم ساكن معنا ...يعني بدك تعملي حسابك انك تلبسي قدامه حجاب وهاد اللبس بس قدامنا وقدام زوجك ..
رهف: بعرف خالتو بدون ماتحكيي.. بس انا لبست هيك لاني عارفه انه هيثم مو هون بالشغل ..
ام عابد: الله يرضى عليكي يارب ..
رهف: وينه اياد؟
ام عابد: مابعرف حكالي طالع مشوار ومابتأخر ..
اتنهدت براحه كبيره انه طلع لانه وجوده عامليي خنقه مش طبيعيه ..
ام عابد: حدا بترك عروسته القمر وبطلع ..
انحرجت كتير مش شوي ووجهي صار احمر ..
ام عابد: ههههه لك شو حكيت .. لاتخجلي عادي ..
رهف: خاله .. انا انا بدي اعمل قهوه بتحبي اعملك معي؟
ام عابد: اقعدي ماتعملي اشي هلا بحكي للخدم يعملولنا فنجانين قهوه ..
رهف: وبدي احسب حساب جوري وجوليا
ام عابد: جوري وجوليا طلعوا عالسوق عشان يجهزوا لعرسها ..
حسيت بغصه كبيره لاني طول عمري نفسي اعيش هاللحظات متل اي بنت بسس ظروفي حكمت علي هيكك ..
رهف: طيب ماشي بنشربها انا وانت ..
ام عابد: انا قايمه احكيلهم يعملولنا القهوه
هزيت راسي ..قامت عالمطبخ وبعد شوي اجت كملت قعده معي ..
ام عابد: اياد اليوم رح يوصيلك ع جهازك كامل
رهف: هو حكالك؟
ام عابد: الصبح اجا عندي وطلب مني اكتبله كل اشي بتحتاجه العروسس .. وسالني عمقاسك .. انا مابعرف اديش بتلبسي بالزبط بسس انت حجمك من حجم جوري تقريبا ...
رهف: شكرا خالتو
ام عابد:ووكتبلته من بين الااغراض اشياء عرايسيه هاا مش تحطيهم بالخزانه ..
رهف: ههه ..
هههههههه والله رح افرط ضحك انا وانجلط .. مصدقه كتير انه احنا متزوجين .. نفسي افضحه لابنك بس الا ماييجي ويوم واخليه يتربى .. مفكرني قليله .. مابعرف اني بوجوده رح اتحول لتس.. وابخ سمي عليه طيب يا اياد انا واياك والزمن طويل ..
ام عابد: اسمعيي يارهف .. هون بالبيت مابتمدي ايدك ع اشي.. بس غرفتكم طبعا انت بتنظفيها لانها اشي خاص ومابصير يفوت عليها حدا من الخدم .. هون التنظيف مسؤولية الخدم .. الطبخ احنا بنعمله انا وبناتي وعادي لو مديتي ايدك او حبيتي تطبخي ..
ومش معناته انه عنا خدم احنا متكبرين .. لا الحمدلله بالعكسس منعاملهم احسن معامله ..
هزيت راسي ...خمس دقايق وجابولنا القهوه بلشنا نشرب فيها ..
ام عابد: هلا بس تخلصي قهوه عشان تفطري احنا افطرنا وسبقناكي .. ماحبينا نصحيك ونزعجك حكتلي جوليا انك تعبتي امبارح
رهف: لا خالتو مو جوعانه
ام عابد : شو هاي مش جوعانه؟
رهف: صدقيني ..
ام عابد: اشربي قهوتك هلا ..
هزيت راسي وبقينا نحكي ونشرب قهوه كنت حاسه حاالب خجلانه .. كنت متوقعه تكون حاقده علي من الموقف بس الحمدلله مرت عخير ... بس خلصنا ماقدرت افطر وحكيتلها باكل عالغدا .. اصريت عليها لحتى تركتني عراحتي ..
كنت مش جاعباالي اطلع عالغرفه وكتير زهقانه..ادن الظهر طلعت صليت ونزلت تحت كانت ام عابد بالمطبخ وشكلها بدها تبلش تطبخ فتت عندها بتردد كبير ..
رهف: خالتو عادي اساعدك؟
ام عابد: لا ارتاحي انت عروس جديده ملحقه عالطبخ
رهف: بس..
ام عابد: ولا حرف .. اقعدي هون ارتاحي
مااعطتني مجال اناقش قعدت تحت امر منها ..
مسكت جوالي كانت الساعه ١ ونص .. اتصفحت عالفيس شوي .. بعد عشر دقايق بالزبط انفتح الباب وطلع صوت اياد ..مجرد ما اسمعت صوته قلبي رجف كتير مش شوي ..
ام عابد: اياد هيني هون ..
شوي وطل راسه من المطبخ ..ماكنت مسترجيه ارفع راسي واشوفه .. الخوف اتملكني مابعرف ليش ..
اياد: شو الطبخه اليوم؟
ام عابد: بدي اعمل جاج محشي ..
اياد: كتير منيح ..
التفت عليي واتفاجئ ..
اياد: انت شو عم تعملي هون وليش هيك نازله انا شو حكيت؟ ..
ام عابد: شبك اياد؟ ليش هيك عم تحكي معها؟ ..
اياد: امييي ..بعد اذنك ماحدا يتدخل ...وانتييي الحقيني عالغرفه ...
حكا هيك وراح بعصبيه كبيره ..
ام عابد: روحي شوفي شو بده ..
رهف: مابدي ...شكله معصب هلا بلاش نتخانق خليني هون
ام عابد: روحيي بلاش هلا ييجي والله اعلم شو يطلع معه ..
رهف: لا خليني هون...
ام عابد: متخانقين يعني؟
رهف: مابعرف..
ام عابد: لحقتوا؟
رهف: اساااليه هو ...
ام عابد: اخخ بس الله يهديكم ..
الحقه؟ والله مابلحقه لو بدها تقوم حرب.. ميته خوف منه بس مارح اسمحله يمشيني ع كيفه مفكر حاله اشي واو ... خمس دقايق بالزبط ونزل بالبجامه واجا عالمطبخ معصب وصوت صراخه عبى الدنيا
مشي اتجاهييي وبعصبيه كبيره مسك ايدي قدام كل الخدم وقدام امه ..
اياد: اناااااا شووووووووووووو حكيييييييتلك؟ حكيتلك الحقينيي ولا لاااا؟؟؟؟؟؟؟ انت مابتفهمي؟
رهف: اترك ايديييي....امبلا حكيتلي بس انا مابدي اطلع هو بالاجبار؟
اياد بعصبيه اكبر : رهفففف لاتتحددييييينننيييي
ام عابد بصراخ: لكككككككك اياد اتركها للبنت ليش هيك معصب ؟
اياد: لاحدا يتدخل ... وانتي؟؟؟؟؟؟ بتحبيييي افرجيكي وجهي التاني وحقارتييييي ؟
رهف: ماحدا بطلعله معيييي ... واصحك تفكر اني ممكن اسمحلك تتمادى معي اكتر من هيك طيب؟
اياد: هاد الحكي الي؟
رهف: اه الكك...
اياد: انت اد الكلام الي حكيتيه؟
رهف: اه اده ..
عصب كتير وماوعيت عليه غير ساحبني بكل قوته من ايدي ومطلعني معه عالدرج فات عالغرفه وفوتني بقوه كبيره خبط الباب وسكره بالمفتاح وهو لسا ماسك ايدي بقوه .. لزقني عالباب وقرب عندي .. كان ماسك سيجاره بايده .. مسكها وحطهااا عرقبتييييي طفاهاا فيها..اجيت اصرخ من الوجع الي لايحتمل بس حط ايده وسكرلي تمي ...قرب وجهه عوجهيي وحكا بعصبيه وصراخ..
اياد: والله لاندمك حياتك والله .. انا ييجي حدا يتطاول علي ...بعدين شو هاد الي لابستيه ونازله فيه تحت وبدون حجاب انا شو حكيتلك؟
كانوا دموعيي ينزلوا ومش قادره احكي من ايده الي محطوطه ع تمي..نزل السيجاره وهو لسا عم يطلع علي بحقد وعصبيه ..
قام ايده عن تمي ومسك فكي بايد وحده وشد عليه بكل قوته .. والايد التانيه صار كل شوي ضربني كف عخدي اقوى من الي قبله
اياد: والله لاربيكي ع ايدي ... مفكره حالك متمرده وجاي تتمردي علي؟ مفكرتيني بسكت؟ انا من يوم اتزوجتك وانا مش طايقكك ..
كان يحكيلي هيك ويذلنيي وانا دموعي بس تنزل وعيوني بعيونه ..
اياد: شايفه ما احلاكي وانتي هيك ذليله بين ايديي؟
شايفه محلاكي وانتي مخروسه؟ ....
دفشني بقوه كبيره لوقعت عالارض .. صرت اشهق وابكيي..
اياد: البسيي عليكي اشي مستر بلاش ييجي هيثم وانزلي اعمليلي فنجان قهوه كبير عشان اروق راسي وبعدها ساعدي امي بالطبخ يلاااااااااااااااا
حكا هيك وهو بصرخ وطلع لبرا.. اما انا ماكان مني الا اني اقوم اغير اواعيي وانزل ...مسحت دموعي ورحت عاالمطبخ كان بالصالون .. حاطط اجر ع اجر ومسحل حاله وعم يدخن ..قاعد بكل حقاره وعم يطلع علي بنظرات مستفزه .. فتت المطبخ بدي اعمل قهوه
رهف: خالتو وين ابريق القهوه؟
ام عابد: ليش شو بدك تعملي؟
رهف: بدي اعمل قهوه لاياد
ام عابد: لاتعملي اشي انت...هلا بحكيلهم يعملوله
رهف: بس هو طلبها منييي ...
ام عابد: شو عملك فوق؟ وليش هيك رقبتك؟
نزلت دمعتي ..
ام عابد: فهميني شو عمل؟
ماقدرت اسكت ..
رهف: طفا السيجاره برقبتي ..
شهقت مصدومه ومش مستوعبه شو سمعت تركت من ايدها وراحت عالصالون ...
ام عابد: شو هاد الي عامله فيها؟
اياد بهدوء مستفز: شو عامل؟
ام عابد: ليش طافي السيجاره برقبتها؟
اياد بعصبيه: حكتلك؟
ام عابد: لا ماحكتلي انا شفت رقبتها وسالتها ....ليش هيك تعمل فيها مجنون انت ... اتخيل ابن عمك ناصر هيك يعمل بجوليا شو موقفك؟
اياد: مابعملها لانه ماخدها عن حب .. اما انا عن اجبار ..
ام عابد: لاتحكي هيك ... كل الي صار رح يوصل لابوك يا اياد ..
اياد: قسما بالله اي اشي بوصل لابي لاخدها من وجههكم واخفيها عن وجه الدنيا وشو مااعمل ماحدا يعرف اشي..
ام عابد: لكك شبك جنيت؟ شو عم يصير معك؟
اياد: مش طايقهااااا ..
كنت سامعه كل اشي انا والخدم الي بالمطبخ ودموعي تنزل ... سالتهم عالابريق اخدته وبلشت اعمله قهوه بدموع عيوني .. كلهم يوم وليله الي عشتهم معه وطلع معه كل هاد .. شو خلى لقدام؟ ..
عملت القهوه ورحت قدمتله اياها .. كانت امه لسا عم تحكي معه .. اجيت ارجع عالمطبخ وقفني صوته
اياد: وين رايحه
التفتت عليه : شو بدك؟
اياد: ليششش تحكي لاميييي الي بصير بينا اه؟؟؟
مسكت الصينية وهي بايدي فاضيه وزتيتها عالارض بعصبيه كبيره ورحت وقفت عنده .. وصرت اصرخ
رهف: لككككككك خلصصص حل عنيييييييييي .. بتعرف شووووووو انا مارح اقدر اتحمل اعيش معك ...طلقنييييييي.......
ام عابد: اهدي رهف ..
رهف: خالتوووو هاد ابنكككك مش طبيعييي والله .. مش معناته اني وافقت عليه يقعد يهيني ويذلني ...
انا مابقبل عحالي هيك .. انا من بيت عالم وناس ومابسمح لاي مخلوق يهيني ..عم تفهممممممم؟؟؟
حط الفنجان عالطاولة قباله وصار يزقف بمسخره
اياد: حلووو .. حلووو كملييي .. كملي دراما اشوف ..
رهف: دراما؟؟؟ دراماا؟؟؟ بتحب احكي لامك الحكي الي حكيتلي اياه امبارح؟
اياد: احكي حرف واحد وشوفي رح اعمل ؟
رهف: مابهمنييي شو تعمل .. لاني هالمره ايدك رح اكسرهااااا ..
اياد: اي لا انت زودتيها .. قام عن الكنباي واجا وقف قبالي وضربني كف من قوته وقعت عالارض .. تركني وطلع عالغرفه فوق ماخد معه فنجانه .. اما امه نزلت عالارضض ومسكتني ..
ام عابد: صرلك اشي ؟ انتي منيحه؟
صرت امسح الدم الي نزل من تمي .. وهزيت راسي ..
قمت وانا عم انفض اواعي وحكيت بصوت برجف
رهف: انا... انا رح اضب اواعي واطلع من كل هاد المكان
ام عابد: وين بدك تروحي؟
رهف: مابعرف .. المهم ماابقى مع هاد المجنون ..
ام عابد: هلا رح اتصل بابوه واخبره كل الي صار
رهف: لاتخبريه ولشي .. بالنهايه اياد مش مضطر يتحملني مدام مابدو اياني وانا مش مضطره اتحمل اهاناته وضربه ..
ام عابد: شو الحكي الي حكالك اياه امبارح؟
رهف: ولاشي بس حكالي انو مش طايقني وبجوز مع الايام يتزوج علي
خفت احكيلها وقتها وافضحه وافضح حالي ..
ام عابد: مااتوقعناه هيك يعمل معك من اول يوم
هزيت راسي .. وقمت صرت امشي وطلعت عالدرج وهي لاحقتني ...فتحت باب الغرفه ورحت مسكت شنتتي وصرت اضب اواعي بالشنته .. كان اعد عالتخت عم بدخن ..
اياد: شووو !! ع وين؟
رهف: عجنهم الحمرا رايحه
اياد: اي ضبي اواعيكي واجرك بكسرها ازا طلعت برات الفيلا ..
ام عابد: اياد ...انا كل اشي رح احكيه لابوك
اياد: امييي وشرفي بتحكي لابي لتشوفي شو رح اعمل
ام عابد: ليش هيك عم تتصرف؟
اياد: مش ابي بدو اياني اتزوج؟ هي اتزوجت خلص ماحدا دخله
ام عابد: نتركك تعمل معها هيك ونسكت؟
اياد:.......
كنت اضب كل اواعيي بس خلصت سكرت الشنته وحطيتها عالارض .. مسكت عبايتي وشالتي ولبستهم ..
ام عابد: طولي بالك رهف ..
رهف: انا كان عندي طولة بال بس هاد ابنك ماخلا فيي ولا فيوز...
تركتها ومشيت وانا بجر الشنته وراي ..
رهف: طلقني ..
اياد: اتخيلي اطلقك بصباحية عرسك وبعد يوم من زواجك!!! شو بدها تفكر فيكي الناس ؟هههه
ماوعيت عحالي غير ضاربته كف بكل قوتي ..
رهف: اخرس .. انا اشرف منك ..
مسكني وسحبني لعنده بقوه كبيره وبلش فيي ضرب بكل وحشيه ..
كنت اصرخ وامه تحاول تفك بينا...بس كان مطنشها ..كان يضرب متل االمجنون وبعصبيه كبيره
اخر اشي ضربني باجره ع ظهري وطلع ..
وانا عالارض مش قادره اقوم ودموعي عوجهي .. كانت ام عابد عم تبكي وتضرب حالها.... نزلت لعندي وحاولت تقيمني بس انا ماكنت قادره.. كل جسمي صار يوجع يامحلا طوشي مع سماهر وضربنا لبعض قدام هاد ..
صرت امسح دموعيي وامسح الدم عن وجهي وتمي ..
سندتني ام عابد وبصعوبه قمت .. قعدتني عالتخت وقعدت عندي....
ام عابد: مابعرف شو بدي احكيلك ... بس خلص هلا رح اتصل بابوه واحكيله...الله يكسر ايديه هاد مش ابني
رهف: بضل ابنك .. لاتدعي عليه ..
ام عابد:حقك علينا ....
رهف: الي صار صار بس انا بحكيلك مارح ابقى دقيقه وحده هون ..
ام عابد: وين رح تروحي؟
رهف: مابعرف بس الله مابنسى حدا ..
ام عابد: بس مستحيل نتركك تروحي .. انت صبيه وبعدين متزوجه ..
رهف: ههههه مابهم .. المهم ماابقى معه
ام عابد: والحل؟
رهف: يطلقني ..
ام عابد: مابعرف شو بدي احكي ..
رهف: لاتحكي اشي انا صار لازم اقوم ..
قمت وكل جسمي لسا بوجع رجعت لفيت شالتي ولبست عبايتي وطلعت وانا جاره الشنته وراي كانت ام عابد وراي ومش عارفه شو تعمل .. نزلت عن الدرج وصرت امشي لوصلت باب الفيلا... فتحته وخرجت ..
ضليت امشي بساحة الفيلا وهي ام عابد وراي لحد ماوصلت للبوابه .. فتحت الباب وخرجت ...بس مالحقت اخرج الا صوت اياد وراي عم يصرخ ..
طنشتته وضليت امشي بالشارع بسرعه كبيره ..شفته طلع من البوابه الكبيره ولحقني بخطوات سريعه صرت اسرع بالمشي اكتر بس اخر اشي وبخطوتين كان معترض طريقي....
اياد: ارجعي عالفيلاااااا بلاش افرجيكي
رهف: انا سكتلك كتير مش شوي .. وهلا ماعاد الك سلطه علي.. طلقتني ولا ماطلقتنييي مابهمني اصلا ... صح يا اخوي هههههههههههه
اياد: لاتسمعيني صوتككك ...
رفعت وجهي وعيوني بعيونه بكل تحدي
رهف: مش معناته اني بدون اب وبدون سند بهاي الدنيا تفكر انك بتقدر تستوطي حيطي وتذلني ..
اياد: ارجعي عالبيييت صرنا فرجه قدام العالم
رهف: مابهمني حدا .. ولاعاد تعترض طريقي...
اياد: فضحتيناااا
رهف: والله ماشفت اشي مني .. واالله لافضحك قدام اهلك وبتشوف...
اياد: اخرسييي ولاتخليني اعصب ..
سحبني من ايدي بكل قوته ورجعني عالفيلا ..
خبط البوابه وضل ساحبني لجوا وطلع فيي عالغرفه ..
كل هاد تحت نظر الخدم وام عابدد...
خبط باب الغرفه وقفلها ...
رهف: لككككك افتح االباب انت شو بدك مني؟
اياد: اسمعي رهف .. انا ماعندي حركات ولدنه ..
تمسكيلي الشنته وبدك تحردي وبدك وبدك ... كله هاد مابهز شعره فيي...
رهف: وانا ماعندي حركات ضرب وتبلييييييي
اياد: اقعدي نتفاهم ...
رهف: ليش هو ضل بينا تفاهم؟ بعدين من ايمتا حضرتك بتتفاهم؟ ما انت ايديك والضرب
اياد بنفاذ صبر: وانت لسانك وجواباته ..
اتنهدت وغمضت عيوني حاسه بدي جن منه ...اعصابي تعبت ....
اياد: يلاا اشلحي العباي وخلينا نحكي ...
رهف: مابدي ..مش قادره اسمع منك حرف ..
اياد:اقعدي بحككككي
رهف:حل عني مابدي اقعد ولا بدي اسمع اشي كل هاد يطلع منك بس بيوم وليله؟ شو دخلني انا ازا انت انجبرت علي؟ شو دخلنيي انا ازا انت مش متقبلني؟ شو دخلني انا ازا انحطينا تحت هيك ظرف؟ من شان النبييي تحل عني.... انا متلي متلك واكتر يمكن ...بكفي طيب؟ مقهور انك انجبرت علي؟ عادي مين ماسكك روح اتزوج عزوقك هالمره مش عزوق ابوك .. وانا براسي بخطبلك .. بس حركات انك تحسسني اني راميه حالي عليك وقاتله حالي لتكون منيح و وواو وهالقصص مش عندي ..طيب؟
اياد:خلصتي؟
رخف: اه خلصت ...
اياد: شايفه هاي شنتتك ؟ كل الاواعي الي فيها خلال ساعه بس بترجع عالخزانه ...واصحك اسمعك تحكي لابي او خواتي اشي من الي صار وانا رح انبه عالي تحت واولهم امي لاني ورب العزه كله رح يطلع عراسك انت ..فاهمه؟؟؟
رهف: والله؟ خايف من ابوك يعني؟
اياد: انا مابخاف غير من الي خلقني فاهمه
رهف: طيب ...
اياد: انا نازل تحت ..اسال الله اطلع وما الاقيكي ضابه اواعيكي وشالحه حجابك ...
تركني وخبط الباب وربي انه واحد مجنون مش طبيعي
........................
`يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`