الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *جحيمي.وجنتي.tt*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الثاني
اياد بقلق: لوين؟ حدا صايرله شي من العيله؟
ابو عابد: لا بس انت تعال معي بسرعه
ماقدرت اناقشه طلعت معه والقلق براسي وكل الطريق عم اساله شوفيه وليش تركنا الشغل ماكان يرد....
وصلنا عمكان واول ماوصلنا نزل ابي لعند وحده قاعده بالشارع ع مقعد اول ماعيني اجت عليها انصدمت..انصعقت لككككك شو هاد الي عمله ابيي؟ وليش حتى يجييبني هون؟ وهاي ليش معها شنتة سفر واواعي؟ الله اكبر ع هيك يوم ... شفت ابي راح عندها اخد الشنتة منها وسحبها حطها بالسياره من ورا .. وطلب منها تطلع بالسياره ..انا كان فيي اعصاب وطاروا
النار طلعت لراسي .. يارب بس اقدر امسك حالي وما اعصب قدام االبنت ... ليش هيك عم يتصرف ابي؟ وليش هاي عم تبكي؟ معقول حاكيتله اشي عن الي بعتلها اياه؟ والله ازا دريت انها حكت حرف واحد لامسخها ...
طلعت عالسياه وسكر ابي الباب وطلع شغل السياره ومشي ...
اياد: شو ابي؟
ابو عابد: بالبيت بنحكيي ..
هزيت راسي بدون ما احكي حرف ..شغلت سيجاره وصرت انفخ ..كانت اعده بالمقعد الي وراي ..طول الطريق وانا اطلع عليها واجحرها ...مابكزب عليكم اتأملت تفاصيلها عن قرب كانت كتير حلوه.... بس كل هاد ماهمني ابدا ..كل همي اعرف ليش جاي معنا؟
ماصدقت نوصل البيت .. نزلت ونزل ابي وهي نزلت ورانا مشينا وفتنا عالفيلا
ابو عابد: ام محمود خبري حدا يروح يجييب شنتة الصبيه من السياره
ام محمود: حاضر ...
كمل مشي والتفت على رهف الي كانت ماشيه وراه بتوتر كتير كبير
ابو عابد: الحقيني على مكتبي ...
ع مكتبه؟ شو عم يصير وشو بدو يحكي معها؟ انا خايف تروح تحكيله على الرساله وتحكيله سبب رفضها لما يسألها احسن اشي افوت معهم حتى ما اخليها تحكي اشي من الي حكيتلها اياه
اياد: ابييي انا جاي معكم بدي افهم شو صاير
هز راسه وحكا
ابو عابد: ماشي وابعت ورا امك ..
تركني وراح هو ورهف ع مكتبه باالبيت وانا رحت ركاض خبرت امي ورحت عالمكتب بلمح البصر عشان مايكونوا حاكيين كتير .. بدي اسمع كل اشي ..دقيت الباب وفتت ..كانت اعده وحاطه ايديها وشابكتهم ببعض وعيونها عالارض.. مشيت خطوتين وقعدت عالكرسي قبالها ...والتفتت على ابي
اياد: خير ابي؟ شو صاير؟
ابو عابد:خبرت امك؟
اياد: خبرتها شوي وبتلحق
هز راسه وكمل حكي وهو ملتفت على رهف...
ابو عابد: احكيلي رهف وفهميني الي صار مافهمت اشي من الي حكيتيه عالجوال ..
رهف: قلعتني من البيت ..
ابو عابد: ليش؟
رهف: لاني جاوبتها ماسكتلها
ابو عابد: ليش شو عامله حتى جاوبتيها؟
اتنهدت وحكت: بدها اياني اساعدها بشغل البيت عشان اختها جاي زياره عندها وبناتها قاعدين ..حكيتلها انا شو خصني باختك هي بناتك موجودين ماتحملها عقلها وهجمت عليي ضربتني ...اخر اشي حكتلي ما الك قعده بهاد البيت ..حكيتلها هاد بيت ابي قبل يكون بيت ابوكي بس اتفاجئت انو ابي كاتبه باسمها وهو مش مخبرني .. مابعرف ليش هيك عمل!!! ليشش خبا عليي كل هالمده ...
ابو عابد: ماخبرني على هاي الشغله ..
رهف: ..........
شوي وفاتت اميي قعدت عندي....وكانت تسمع الحكي..
كمل ابي الحكي
ابو عابد: رهف انتي بتعرفي ليش رنيت عليك اليوم؟
سكتت شوي ورفعت نظرها عليي بخوف وحيره كبيره
ابو عابد: شووو يابنتي؟
رهف: انا.!! لا مابعرف
ابو عابد: انا يابنتي اتصلت عليك حتى احكي معك موضوع .. بدي احكيلك واخبرك اني طالبك لابني اياد
كنت متاكد انها رح ترفض بعد الي سمعته مني لهيك ما اعطيت ردة فعل تحت استغراب ابي ...سكتت شوي وحكت
رهف: عموو انا مابدي اتزوج
ابو عابد: ليشش ؟ وين رح تروحي بحالك؟ وانت صبيه وحيده بهيك زمن ..
رهف: مابعرف بس عمو لاتزعل مني انا ماني موافقه
ابو عابد: بس ابوكي قبل مايموت وباخر ايامه كان يضل يوصيني فيكي ولما حس انو المرض سيطر عجسمه حلفني ووصاني ادير بالي عليكي خصوصي من مرة ابوكي
رهف: ههههه ! خايف علي من مرة ابي؟ خايف علي وهو خبى علي انو كتب البيت باسمها؟
ابو عابد: ماتزعلي منه بجوز هي لاعبه بعقله ...بس مع هيك ماببرر عملته .. لانه الاشي الي عمله مش سهل.. عشان هيك بتمنى انك توافقي..
رهف: عمو لاتضغط علي انا مالي موافقه ..
ابو عابد: ليشش؟
قاطعتهم وحكيت
اياد: خلص ابي لاتضغط عليها ماسمعتها يعني ؟ حكت مابدها ..
ابو عابد : اياد!!!
اياد: شو؟ ماحكيت اشي ...
ابو عابد: شو يارهف؟
رفعت نظرها باتجاهي بحقد وجحرتني وبعدها اطلعت بابي .. واخر اشي اتوقعته انها تحكيله ...
رهف: عموو ...بدك تعرف لي مش موافقه؟
ابو عابد: اكيد ..
رهف: لانه ببساطه امبارح ابنك باعتلي رساله وحكي مابنحكى ولو كنت بدي اوافق رح ابطل اوافق غصب عني ..
مدت جوالها وصارت تفرجيه الرسائل... انا هون وجهي صار احمر من العصبيه وصرت اتحلفلها بعيوني واعصابي فرطت ... لك ليش هيك تعمل الكلبه؟ ليش هيك تخبص وتحكي؟ ما اتوقعتها تحكيي بس شكلها مش قليله وقويه .. ماشي انا بفرجيككك ...
كان ابي عم يقرأ ومصدوم اخر اشي وجه نظره عي بعصبيه وحكا
ابو عابد: اياد!!! شوووو هاد الي شفته؟
اياد: بعتت الي كان لازم ينبعت ...
ابو عابد: هاد حكي بنبعت لبنت حتصير بيوم خطيبتك؟
اياد: مارح تصير خطيبتي ..
ابو عابد بعصبيه: اياااااادددد...شو عم تخبص؟
اياد: انا ماعم خبص انا عم احكي الصح ...حكيتلك ورح ارد احكيلك واحكيلها مو انا الي بنجبر ع اشي ...
ابو عابد: مو عخاطرك هالزواج رح يتم
قاطعتنا رهف : معلش عمو بعد اذنك انا مابدي ابنك ومارح اوافق لاتتخانقوا ...
طنشها واطلع علي بعصبيه كبيره وحكا : علي الطلاق من امك بال ٣ الا اتوافق .. وازا ماوافقت امك ما الها قعده بهاد البيت ورح تحرم علي طول العمر
شهقت امي وبلشت دموعها تنزل من الي سمعته تحت صدمتي انا ورهف ...مااتوقعت توصل مع ابي لهاي الدرجة .. ماكنت مستوعب اصلا شو سمعت ...
بدو يطلق امي ازا ماوافقت على رهف؟ لا عنجد ابي هالمره مش ابي الي بعرفه .. حسيت جبال ووقعت على صدري ساعه اطلع ع امي الي عم تبكي وساعه على ابي اخر اشي امي تركت المكان وطلعت وهي دموعها على وجهها ...
ابو عابد: شوو قلت؟
اياد: يعني رح تحطني تحت الامر الواقع
ابو عابد: انا مابدي احطك تحت الامر الواقع انا عملت هيك لمصلحتك انت والبنت
اياد: وشو مصلحتي فهمني؟
ابو عابد: مارح تلاقي متل رهف ...
اياد: وانت شو عرفك اني مارح الاقي متلها؟
ابو عابد بعصبيه: اياد حاج تخبص بالحكي .. احكي خلصنييي ...
ماكان عندي حل غير اني اوافق ..بس مش رح يصير زي مابدهم وهاي رهف حسابها عندي ...اهم اشي هلا اميي مابهون علي فيها ولو بضحي بعمري كله بس ما اشوف دمعه بعيونها .. وهاي رهف رح اطلقها بعد فتره ماشي ....
اتنهدت وحكيت: وهلا شووووو؟
ابو عابد: بتوافق عليها عشان امك تبقى هون
اياد: انت كيف هيك بتهون عليك امي؟
ابو عابد: ماخصك بيني وبين وامك ... جاوبني هلا شو قررت؟
اياد: ماشي .. رح اوافق ..
رهف: بس انا مالي موافقه
التفتت عليها بعصبيه وحكيت: لا هالمره رح توافقي..لانه ازا ماوافقتي حضرتك امي رح تطلق بسببك
رهف: لاتحكي معي بهاد الاسلوب عم تفهم؟
اياد: انا بحكي بالاسلوب الي بعجبني ..
ابو عابد: خلص انت واياها ...
رهف: عمو مانك سامعه كيف عم يحكي معي؟
ابو عابد: انسيكي منه وجاوبيني شو قررتي؟
رهف: مابعرف..
.................
اجا اخدني ابو عابد والي فاجئني وجود اياد بالسياره وحسيته اتفاجأ بس شافني مابعرف ليش وطول الطريق وانا الاحظ عليه يطلع علي بس انا عملت حالي مالي منتبهه .. ماني ناقصته ووجوده عاملي توتر كبير..
ماصدقت نوصل ونزلت ورا ابو عابد وفتنا عالمكتب ...
بس سمعت حكيه لاياد وحقارته قررت اتحاقر معه وخبرت ابوه عن الرسائل ..ههههه واخر اشي اتوقعته من ابو عابد انو يحلف يمين طلاق على مرته بسببنا .. للحظه اتمنيت الارض تنشق وتبلعني واتمنيت لو ما اجيت معهم ولا حكيت الي صار من مرة ابي ..
حسيت حالي وقعت وماحدا سما علي واحلى اشي اياد الي كان بدو اياني ارفض صار بدو يااني اوافق عشان امه ههههه .. مابكزب عليكم ماكان عندي حل غير اني اوافق لسببين السبب الاول انو مارح اعرف وين بدي اروح بحالي وتاني سبب عشان امه ودموعها .. مارح اسمح لبيتها يخرب بسببي بس مع هيك رح اوافق فتره وبعدها اطلق .. كنت حاسه كل اشي صار وحيصير بسببي .. 💔
ابو عابد: شو رهف؟
هزيت راسي بتردد كبير
رهف:انا موافقه عمو..بس مو كرمال اياد ..كرمال خالتو ام عابد مش اكتر
ابو عابد بابتسامه:صدقيني يابنتي انا عملت هاد هاد الشي لمصحلتكم انتو التنين ..
اياد:لاتضلك تقول لمصلحتنا !!! انت دمرتني ..
ابو عابد:اياد .. لاتحكي هيك .. المهم هلا يابنتي بكره رح نطلع ونكتب الكتاب عشان تبقي هون .. وبعدها بنعملك عرس وبنشتريلكم بيت تستقروا فيه لحالكم
اياد:لا ابيي.. انا رح اسكن هون وبغرفتي كمان ..
ابو عابد:بس مارح تاخدوا راحتكم
اياد:لاتخاف بناخد راحتنا وزياده .. ازا بدك اياني اتزوج بنسكن هون ..
ابو عابد:طيب ماشي .. معناها بنجيب طقم نوم جديد.
اياد:بس انا طقم النوم عندي كبير وواسع وما الي سنه مجدده ..
ابو عابد:وحق البنت؟
اياد:لاتخاف على حقها كله بوصلها ماباكل حق حدا انا
ابو عابد:وجهازها؟
اياد:انا رح اوصيه اون لاين ومارح انقص عليها اشي
ابو عابد:والعرس؟
اياد: ماعندي مشكله المهم انت ترتاح احنا الله لايردنا
ابو عابد:ايااااااااد!!
قاطعتهم وحكيت
رهف:عموو انا مابدي عرسس..ابي ما اله زمان ميت وانا ما الي نفس لشي
ابو عابد:بس هاد حقك واي بنت بتنطر هاد اليوم الي تعمل فيه عرس وتلبس بدلة بيضا
رهف: معلش عمو هيك انا برتاح اكتر
ابو عابد:متل مابدك مع اني حابب نعملكم عرس بس مابدي اضغط عليك
اياد:اي اريح ..
جحرته بعيني ومش طايقته والله الا افرجيك يا اياد مفكرني رح اسكت ...
ابو عابد:قوم اياد طلعها عغرفة خواتك ترتاح شوي عشان بعدها ننزل نتغدى ...
هز راسه وقام
اياد: الحقيني...
العمى ما اتقل دمه وقفت وصرت امشي وراه بدون ولا حرف وخرجنا من المكتب ... كان يطلع كل درجتين مع بعض وانا درجه درجه مش ملحقته .. اخر درجه طلعها وقف والتفت علي وحكا
اياد: صدقينييي لتشوفيي معي كتير يارهف ..
رهف: وانا شووو خصني بالله؟
اياد: خصك انك طلعتي بحياتي فجاه وكركبتيها ..وحسابك بعدين على الي حكيتيه لابي عشان الرساله
رهف: ع اساس انت الي ماطلعت بحياتي فجاه كمان؟
لاتشوف حالك كتير طيب؟ لانك متل ما انت مش حابب الموضوع انا كمان مش حاببته وعلى عيوني ووافقت كرمال ما يخرب بيت بسببي
اياد: كتير منيح انو طلع عندك شوية احساس
رهف: ومين حكالك اني بلا احساس؟ بالعكس الي شايفته انك انت الي بلا احساس لانك من اول ماشفتني وانت نازل تسمع حكي بسم االبدن وتجرحني فيه
اياد: انا بحكي الي بدي اياه سواء عجبك او لا ..
رهف: واحد زنخ ومتكبر ...
اياد: اصحككك!!
طنشته وطلعت وهو نفس الشي .. مشينا لوصلنا غرفة دق الباب وفات .. مدلي ايده كنت واقفه وخجلانه افوت ..
اياد: شرفي فوتي ..
تركني وراح اما انا بقيت واقفه اجوا بنتين من جوا واستغربوا ..بس شكلهم عارفين القصه
جوليا: رهف؟
هزيت راسي بدون ما احكي اشي ..
جوليا: اهلين حبيبتي فوتي ليش خجلانه
مشيت خطوتين لجوا وانا حاسه بشعور بخزي وتوتر ..
جوري: انت بنت ابو خالد صح؟
رهف: صح ..
جوليا: اهلا وسهلا حبيبتي فوتي ارتاحي عبين مايجهز الغدا تحت ..
قعدت معهم وانا حالتي حاله بس هما كانوا كتير مناح مش شوي ولطيفين عكس اخوهم..كانت جوليا عمرها ٢٥ مخطوبه لابن عمها وجوري عمرها ٢١ بتدرس اقتصاد
........
ام عابد: ليش هيك تحكي وتعمل؟ انا وين كرامتي قدامهم؟
ابو عابد: صدقينيي انجبرت ..انت بتعرفي اني ما ممكن ابدلك بالدنيا ..
ام عابد: كل هاد ومابتبدلني؟ افرض ماوافقوا التنين شو رح يصير فيي ساعتها؟
ابو عابد: انا لو مو واثق انهم رح يوافقوا ماكنت حكيت هيك ...
ام عابد: لاتحكي معي ابدا ...
ابو عابد: لاتقلبيها نكد ...هيهم وافقوا وخلصنا ...
ام عابد: مارح انسى اشي من الي صار
مسك ايدها وباسها
ابو عابد:بعد الغدا جهزي حالك نطلع شي مشوار
ام عابد: مابدي اطلع مكان ...
ابو عابد: مش عخاطرك ...انا فايت ارتاح شوي وبتصحوني عالغدا بس يجهز ...
فات حط راسه ونام بينما ام عابد كانت كتير مقهوره منه بس بنفس الوقت انبسطت من جواها انه وافقوا
بس مع هيك رح تنجلط منه وماخده موقف ومش قادره تتحمل ... حست الاشي هان كرامتها قدامهم ..
.............
هاي شكلها مش قليله ولسانها اطول منها ورح تغلبني...
وصلتها عند خواتي وفتت عغرفتي عملت دوشش يريح اعصابي ولبست تريننج وبعدها مديت حالي شوي ووعم فكر بالي صار والي رح يصير .. هاي مرة ابوها ضروري اتقلعها؟
كيف اجاها قلب تقلع صبيه وحيده من االبيت؟ الناس انجنت واالله ... اتنهدت وكل اشي بشع عم يطلع ببالي..
قطع تفكيري صوت الباب عم يندق كانت جوري عم تناديني عشان الغدا جهز .. اتنهدت وقمت لبست باجري وطلعت ..كانوا كلهم عالطاوله وباقي بس انا .. اول مانزلت لمحتها قاعده بين جوري وجوليا ..
كانت لسا بالحجاب واعده خجلانه كتير مش شوي حتى راسها مارفعته .. بلشنا اكل والوضع كان تمام لحد مانطقت جوليا
جوليا: ابي بعد مانتغدى بدي اخد رهف عالسوق ونجبلها شوية تياب عشان بكره كتب الكتاب
ابو عابد: كتير منيح ..
رهف: لا عمو عندي تياب شكرا الكم ماتغلبوا حالكم
جوليا: اسكتي انت عروس ولازم بكره نجيب اشي يليق بكتب كتابك ...
جحرت جوليا الي كانت مبتسمه ومطنشتني ...
صرت اتوعدلها بس ولا كاني هون ...
ابو عابد: خلص تمام بس تخلصوا انزلوا وجيبوا كل الي بدكم اياه ..
جوليا: هو هيك بابا ...
ابو عابد: الله يهدي البال بس ...
التزمت االصمت خليهم يعملوا ويكتروا ..والله مابكون اسمي اياد ازا مافرجيتها لهاي رهف...
خلصنا الغدى واجيت اطلع عغرفتي بس وقفني صوت ابي...
اياد: شو بدك؟
ابو عابد: بدي توصل خواتك ورهف بالسياره
اياد: وصلهم انت ..انا كتير تعبان ...
ابو عابد: انا علي مشوار انا وامك ..
اياد: انت لشو عم تخطط؟
ابو عابد: ماعم خطط لشي بس امك زعلانه مني وبدي اخدها شي مكان اراضيها ..
اياد: حقها تزعل ولو انا محلها مابرضى كمان
ابو عابد بعصبيه مكبوته: ايااددد اختصر وروح غير اواعيك ووصلهم ...
حكا هيك وترك المكان وطلع يغير اواعيه .. والله ابي رح يجبلي الجلطه والله ... يارب بسس المشكله انه هيثم مش هون حتى ياخدهم ...
اطلعت عالغرفه وبدلت اواعيي لبست بنطلون جينز ع جاكيت اسود وتحته بلوز لون ابيض حطيت عطر ومسكت مفاتيح السياره وطلعت .. مشيت بالممر ورحت دقيت ع غرفة خواتي .. انفتح الباب وكانت جوري
اياد: يلا هيني تحت لاتتاخروا
جوري: انت حتوصلنا؟
اياد: للاسف
جوري:ههههههه كل هاد عشان تشوف عروسة الهنا
عصبت عليها كتير مش شوي وهمستلها بعصبيه مكبوته
اياد: اخرسييي .. يلااا امشي ..
مشيت وراي ونزلنا سبقناهم تحت طلعت بالسياره ننطرهم شغلت سيجاره وبلشت ادخن ...
جوري: ليش هيك معصب؟
اياد:ليش هيك معصب؟ لانه حضرة ابوكيي اجبرني بطريقه ماعمري اتوقعتها...
جوري: شو عمل؟
اياد: حلف ع امك يمين طلاق بال٣ ..
شهقت جوري : شوووو؟
اياد: متل ماسمعتيي ..
جوري: طيب انت ليش رافض؟
اياد: لانه اي اشي بنجبر عليه بكرهو بصير
جوري: عاد والله رهف حبابه شكلها ...وقعدتها حلوة
اياد: هههه حبابه؟ هاي شكلها لسانها اطول مني ..
جوري: انت اتعامل معها منيح وشوف كيف حتكون
اياد: حلي عني انتي التانيه ماكان ناقصنيي غيرك وهاي التانيه جوليا من وين طلعتلي بهالمشووار مابعرف رح انجلط منها انا ...
جوري: اياد لاتحملها كتير ..
اياد: اسكتيي.. انت مش حاسه بالنار الي جواتي وهاي رهف حسابها حيكون عسير بس اكتب الكتاب
جوري: ليش شو عملت؟
اياد: ولشي ..
جوري: مش لهالدرجه انت التاني ..
اياد: خلص جوري اختصرييي مش طايق اسمع حرف
جوري: اي تصطفل ..
خمس دقايق ونزلوا جوليا ورهف طلعوا بالسياره شغلتها ومشيت ..
اياد: بس بدكم ترجعوا بترنوا علي وبرجع باخدكم
جوليا: لاا... شو تروح وترد ترجع .. احنا مارح نطول رح نروح عمحل واحد بس .. مارح نتاخر بتنزل معنا
اياد: نعم؟؟؟ بدك اياني انزل معكم؟ هاد الي ناقص ست جوليااااا ...
جوليا: والله مامنتاخر انزل معنا عشان تشوف الفستان عخطيبتك
اياد بعصبيه مكبوته : جولياااااا سمعينيي سكوتك ..
جوليا: طيب خلص لاتنزل بسس انطرنا بالسياره
اياد: اديش بدكم تقعدوا ؟
جوليا: بالكتير ربع ساعه
اياد: استغفر الله العظيم بسس ...طيب ماشي ازا اتاخرتوا دقيقه زياده مارح تلاقوني
جوليا: طيب ماشي ..
طول الطريق ورهف ملتزمه الصمت وماتحكي غير ازا خواتي حكوا معها وصلتهم واكدت عليهم مايتأخروا...
مسكت جوالي ورنيت على وليد ..نطرته لرد
وليد: اهلين اياد
اياد: وليددد رح انجلط انا والله
وليد: ليش شوفي؟
اياد: انا خلص بكره رح اكتب كتاب
وليد: شووو؟ كيف هيك ؟ ما انت رافض
اياد: ابي جبرني بطريقه ماااتوقعتها
وليد: كيف؟
اياد: حلف ع امي يمين طلاق اتخيل؟
وليد: اووف لهالدرجة وصلت ؟
اياد: شايف؟ بالله عليك تحكيلي الي عمله صح ولا غلط؟ معي حق ازعل ولا شووو ؟فهمني؟ فهمني شو اعد بصير ...
وليد: اهدى اياد
اياد: لاتقلي اهدى!!! والله حاسس بدي اروح اقتلها
وليد: وحد الله يازلمه ولاتحملها زياده ..
اياد: والله الا تشوف بس اكتب كتابي عليها
وليد: شو بدك تعمل؟
اياد: والله لاندمها عاليوم الي قرر فيه ابي يزوجني اياها
`يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`