الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *جحيمي.وجنتي.tt*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
الجزء الاول
وقف مصدوم من الحكي الي عم يسمعه من ابوه وبعصبيه كبيره صار يصرخ
اياد: انت شوو عم تحكككي ابي؟ انا مستحيل اتزوجهاا...مستحيلللل !!!
ابو عابد : الي عندي حكيته وغير هيك مارح يصير
اياد: كيف يعنيي؟؟ فهمني !!! ليشش بدك اتزوجها ؟ فش اشي بالاجبار
ابو عابد : البنت ابوها ما اله فتره متوفي ومرة ابوها كتير صعبه معها ..
اياد: وانا شو دخلني!!
ابو عابد: انا حكيت الي عندي والجمعه كتب كتابكم
اياد: لااا ابي اسمحلي .. هاي الحياه حياتي ومارح اسمح لاي مخلوق يقرر عني خصوصي بامر الزواج
ابو عابد: هالمره بالزات رح اجبرك
اياد: انا ماني ابن ٢٠ سنه تجبرني!!! انا رح اصير ٣٠ كبير ومسؤول عن قراراتي ..
ابو عابد: كل هاد الحكي مابهمني .. انا مستحيل اضيع حياة البنت بينهم..والله باكلوها بلا ملح ..
اياد:يعني ازا اتزوجتها رح انقذهاا مثلا؟؟انا مادخلنييي فيها وبحياتها !!
ابو عابد: ماتعاند .. لانه اول عن اخر رح يصير هاد الزواج
اياد: وانا حكيتلك مارح اتزوج .. بعدين ليش انا من بين اخوتي؟؟
ابو عابد: لانه اخوك الكبير عابد متزوج وعنده ولاد واخوك هيثم لسا ماصار ٢٥ ولساته ولد بنظري وانت انسب اشي الها
اياد: ليش اديش عمرها؟
ابو عابد: بتيجي ٢٣ سنه ..
اياد:وهي شو موقفها اتجاه الموضوع بالله؟
ابو عابد: مابتعرف لسا بكره رح احكيلها
اياد: ابي .. انا مارح اتزوجها والي عندي حكيته
تركه وطلع برا الغرفه كلها خبط الباب وراح .....
طلع برا البيت شغل السياره وصار يسوق بعصبيه كبيره كتير مش شوي .. (هاد ابيي من وين طلعلي بهالقصه؟ لا وشكله مصر عالموضوع وابي ازا اصر على اشي ياحبيبي ...اووووف شو بدي اعمل؟ مابدي اتزوج ولو كنت بدي اتزوج بدي اتزوج وانا مقتنع بالبنت مش هيك خبط لزق يلزقوها فيي حتى لو كنت بدي اياها مجرد ماجبروني عليها رح ابطل .. )
اتنهد وهي الافكار براسه ماعم تهدا .. مسك جواله ورن على صاحبه وليد نطره ليرد ...
وليد: ايش ياشريك ..
اياد: وين انت؟
وليد: هي وصلتي البيت ليش؟
اياد: تمام انا مسافة الطريق وبكون عندك ...بدي امر عليك نطلع شي مكان
وليد: خير في اشي؟
اياد: بس اشوفك بخبرك ...
وليد: ماشي بانتظارك ...
سكر الخط وكمل بطريقه على بيت وليد مساافة الطريق وكان واصل بعتله انو هو تحت عم ينطره وشوي وكان وليد نازل... فتح الباب وفات ...
وليد: شووو اخبارككك شريك
اياد: رح انجلططط والله
وليد: ليشش؟
شغل السياره ومشي وكمل حكيه
اياد بقهر: ابي رح يزوجني
وليد: شو؟ طيب ليش مدايق؟
اياد: شو ليش مدايق؟ابيي رح يجبرني ع هاد الزواج
وليد: هههههه شوو؟؟ ليش حتى يجبرك؟ بعدين وين عايشين احنا في حدا بهاد الزمن بجبر حدا عالزواج؟
اياد:شايف؟؟ بربك شايف؟؟ لا وبحكيلي هالمره بالزات رح اجبرك .. مفكرني ابن ٢٠ سنه
وليد: طيب وانت ليش مابدك م انت اخر فتره حكيت انك حطيت موضوع الزواج ببالك ورح تتزوج
اياد:صحح ..مزبوططط هالحكي.. انا لما بدي اخطب وحده واتزوجها بدي اكون مقتنع فيها ..بس لما احس انو الاشي انا انجبرت عليه اكيد رح انفر من كل الموضوع وازا كنت بدي اياها تلقائي رح ابطل ..
وليد: طيب مين بتكون البنت وليش رح يجبرك عليها؟
اتنهد ومسح وجهه بايديه
اياد: بتكون رهف بنت ابو خالد الله يرحمه ..
وليد: ابو خالد ماغيره صاحب ابوك؟
اياد: هو بزاته ..
وليد: طيب انت بتعرفها للبنت او عمرك لمحتها؟
اياد: مره او مرتين لمحتها فايته مع ابوها عالشركه
وليد: طيب جرب اعطي حالك فرصه ممكن جد تتقبلها مع الايام ..
اياد: اتقبلها؟ انا مجررد ماسمعت الحكي من ابي واصراره اني اتزوجها تلقائي طلعت من نفسي البنت
وليد: ليش ابوك مصر؟
اياد: لانه عايشه مع مرة ابوها وكتير صعبه معها ...
وليد: يازلمه لاتكبرها ...بشرفي انك مكبرها .. ممكن تنبسط معها وتكون بنت حلال ومستوره
اياد: مابدي .. انا رح اعمل المستحيل حتى ما اتزوجها ..
وليد: مابعرف شو بدي احكيلك ..بس ازا صار نصيب واتزوجتها اصحك تظلمها
ضحك اياد بضحكة استهزاء
اياد:هههه ان شاءالله
التفت عليه وليد : عم تتمسخر؟
اياد: ......
وليد: اياد .. لاتظلم البنت ازا مابدك ياها
اياد: هالحكي تعال احكيه لابوي مو الي ..
وليد: وعسى ان.تكرهوا شيئا وهو خير لكم
اياد: ...........
...................
كنت اعده بغرفتي وصفنانه وعم اتزكر كل ايامي مع بابا الله يرحمه كان كتير بحبني وحنون عليي ويدللني اكتر من اخوتي وخواتي الي من مرة ابي... ممكن لاني وحيدته من ماما الي اخدها عن حب وقتها.. امي اتوفت وهو عمري ٥ سنين وبعد اصرار الاهل عليه وافق يتزوج.
اتزوج من مرة ابي وجابت ٤ بنت وتلت ولادد.. اكبرهم ١٩ واصغرهم ٩ سنين ..
من يوم مااتزوج ابي وهي مرته عم تعاملنيي معاملة سيئه وتفرق بيني وبينهم وكتير شغلات ..كبرت وانا هيك بس الاشي الوحيد الي كان مصبرني حنية باابا ماكنت اشكيله عنها لانها طول عمرها بتهددني.. بس اخر فتره اتوفى بابا من فترة كتير صغيره للاسف وتركني بينهم لحالي انا..ياترى شو رح يصير فيي وكيف رح تصير حياتي؟ انا كتير خايفه وضايعه والله متأكده مارح تتركني بحالي حسبي الله فيها
عمري ٢٣ سنه ماكملت جامعه بسبب مرة ابي الي لعبت بعقل ابي اني ما ادرس وحاليا بالبيت .. ماعلينا .. اتنهدت واتمددت عالتخت فتحت جوالي اتصفح الفيس بس بتفاجئ بمسج عطلبات المراسلة .. فتحته اشوف من مين .. كان واحد اسمه اياد مين هاد اياد؟ انا اول مره بشوفه بس بنفس الوقت وجهه مش غريب علي فتحت الرساله وقرئت
اياد: مرحبا كيفك؟ ياريت تردي علي ضروري بدي احكي معك موضوع مهم ..
هاد شو بده ؟ ومن وين لوين حتى ارد عليه وشو هالموضوع المهم الي بدو يحكيه معي؟ هاد اكيد عم يتخوت متله متل كل الشباب ..طنشت المسج وكملت اتصفح عالفيس بس انتفض قلبيي لما شفت تاني مسج منه ...قلبي صار عالأرض من التوتر ..
اياد: انا ابن ابو عابد صاحب ابوكي ..الموضوع كتير ضروري وبتمنى تردي ..
اه اتزكرته هاد ابنه لابو عابد وانا بقول وين شايفته ..
ارد ولا ما ارد ؟ خلص رح ارد شو بدو يصير يعني..
قبلت طلب المراسله بايدين بترجف ودقات قلب بتزيد والتوتر صار مليون ...
رهف: اهلا اتفضل ..
اياد: كيفك شو اخبارك؟
رهف: الحمدلله تمام ..
اياد: في مجال احكي معك موضوع مهم؟
رهف: اتفضل!!
اياد: بصراحه ومن الاخر .. ابيي رح يحكي معك بكره
رهف: يحكي معي؟ بخصوص شو؟
اياد: مهو هاد موضوعنا .. رح يحكي معك وبدو يخبرك انو رح يطلب ايدك الي
رهف: يطلب ايدي؟ والك؟ طيب ليش حتى تبعتلي وتخبرني ؟
اياد: لانو مصر علي اتزوجك وانا مابدي اتزوج وشايل كل الموضوع من بالي ..فبدي منك لما ييجي يحكيلك عن الموضوع تحكيله انك مانك موافقه .. بدي الرفض يكون منك مش مني
رهف: والله؟؟ انا لو بدي ارفض رح ارفض مش عشان انت طلبت مني .. رح ارفض لاني مابدي اياك اصلا ولاتفكر اني ممكن اوافق عليك
اياد: كتير منيح .. ريحتيني ..
رهف: انت حدا مجنون رسمي ..
عملتله بلوك مباشره بدون ما استنى الرد...هاد شو بتهيأله؟ جاي وبحكيلي هيك بكل عين وقحة بعدين ليش بدو ابوه بدو يطلبني اله؟ وليش حتى هو رافض؟ شو عرفني هاد شكله واحد مجنون وعنده جنون العظمه مصدق حاله كتير مش شوي .. مابنكر انه حلو ..شفته بالصور قبل ارد عالرسائل .. شب طول بعرض وبشره سمراويه شوي مش كتير مع عيون مايلين عاللون الاخضر وشعر اسود .. وشوية عضلات .. بس هاد كله مابهم لانه اسلوبه بخزي .. معقول رح يتصل علي بكره عمو ابو عابد؟ شو عرفنيي احسن اشي احط راسي وانام الساعه صارت ١ بعد نص الليل ..
غمضت عيوني وبعد مليون محاوله نمت ....
صحيت تاني يوم على صوت خبط ع بابي كالعاده مرة ابي سماهر عم تصرخ من برا وتصحي فيي عشان اقوم..
اتنهدت وقمت فتحت الباب ..
رهف: شو بدك؟
سماهر: شو بدي؟ شمستك عاليه اليوم شرفي مدي ايديك وساعديني بشغل البيت بدها تيجي عندي اختي اليوم ..
هالمره مارح اسكت لو بدها تقوم طوشة .. دايما بشتغل من تم ساكت عشان بابا مش اكتر بس ابي اتوفى وازا سكتلهم كتير رح يتمادوا صح اني من جوا ميته خوف بس مارح اسكت ... اتنهدت وحكيت بكل برود عكس النار الي جواتي
رهف: وانا شو دخلني بأختك؟ هي ساره ويارا عندك خليهم يساعدوك
سماهر:طولان لسانك بشوف
رهف: والله الي بدق الباب بسمع الجواب
سماهر: اي بلا علاك فاضي ويلاا الحقيني بدي انظف البيت ...
رهف: ماحزرتي
سماهر: شو شكله بدنك عم يحكك لقتله؟
رهف: ايدك بكسرها ازا بتنمد علي
سماهر: ايي لااااا انت زودتيها وصار بدك ترباي بعد موت ابوكي وانا االي رح اربيكي تعي لهون
قربت عندي وهجمت علي صارت تضرب فيي وتشد شعري وانا ماقصرت فيهاا صرت اضربها واشد شعرها واصرخ .. اخر اشي اجوا ساره ويارا فزعوا بيناتنا
ساره: لك شبكمممم؟
سماهر: هاي الكلبه عم تمد ايدها علي..ليكي وليه بهالبيت ما الك قعده هلا بتضبي اغراضك وبتنقلعيي برات هاد البيت
رهف: مافشرتي... هاد بيت ابي قبل يكون بيتك
سماهر: هههههههه ياحبيبتي شكلك مابتعرفي
رهف: شو بدي اعرف؟
سماهر: ابوكي كاتب البيت باسمي انا
رهف: لاتقعدي تكزبيييييي
رجعت سماهر هجمت علي بعصبيه
سماهر: عم تحكيلي كزابه؟ انا بورجيكي وازا مانك مصدقه بفرجيكي الوارق ..
بعدت عنها وانا بصرخ ويارا وساره وقفوا بيناتنا يهدوا فينا ...
ساره: امي خلصصصص شبك
سماهر: اخرسي انتي..
رهف: ابعدييي...الله يكسر ايديك
يارا: اخرسييي لاتدعي على امي ..
رهف: انت مادخلك وانتيييي فرجيني الوراق ازا ماعم تكزبي
سماهر: اي انا بفرجيك اياهم بس بعد ما افرجيك اياهم بدك تطلعي من هاد البيت ...
تركتني وراحت على غرفتها غابت شوي واجت معها شوية اوراق وبلشت تفرجيني ورقة ورقة كانو كلهم وراق قانونيه.. كنت مصدومه كتير مش شوي .. شو هاد؟ ليش هيك ابي عامل وبدون مايحكيلي ؟وايمتا عمل هيك؟ طيب ليشش ماحكالي؟ شو بدي اعمل بحالي؟ وين بدي اروح؟💔💔الله يسامحك يا ابييي دمرتني بهالعمله...
كنت مصدومه كتير مش شوي .. قطع تفكيري صوتها
سماهر: : ان شاءالله هلا صدقتي؟ يلا ضبي اواعييكي وانصرفي برات البيت.. حلوه هاي عايشه معنا وبدهاش تشتغل معي .. منيح اتحملتك هاي الفتره بعد وفاة ابوكي واصلا ناويه من زمان اقلعك بس اجت على رجليها
رهف: وين بدي اروح بحالي؟
سماهر: مابهمنيي .. حكيت الي عندي لاتتاخري ..
رهف: اي لا ماحزرتي مارح اطلع ..
سماهر: حذرتك .. صدقيني ببعتلك اخييي وانت بتعرفي اخي شو ممكن يعمل
تركتني وراحت هي وبناتها وانا لسا واقفه تحت صدمتي ... بدها تنادي اخوها؟ لا مستحيل اخليه يشوفني او ييجيي..كتير بدايقني بالنظرات والحكي وصايع ... منظره مش مريح...خلص انا رح اترك البيت بس وين بدي اروح؟ بلشت اضب اواعيي وحطيتهم بشنته كبيره وسكرتها .. مسكتها وجريتها وراي بعد مالبست وجهزت حالي ..طلعت برات البيت وقبل اطلع وقفتني ساره
ساره: لوين رايحه؟
رهف: مابعرف ...
ساره بهمس: طيب اي وقت بدك اشي رنيلي اه؟
هزيت راسي بدون م احكي اشي كانت هي احسن وحده فيهم وبتحس فيي واكتر وحده شافتني اديش اتعرضت لظلم ...
سماهر: مع القلعه ..
يارا: اخيرا حنرتاح منك ...
لفيت وجهي عليهم وحكيتلهم
رهف: حسبي الله فيكمم خصوصي انت سماهر خانم الله ياخد حقي منكم تفووو عليكممم ..
تركتهم وطلعت ... بلشوا ينزلوا دموعي وانا عم امشي واجر شنتتي مش مستوعبه اشي كيف هيك فجاه طلعت برات البيت ووين بدي اروح بحالي ؟
ماكنت عارفه وين بدي اروح ...خطر عبالي صاحبتي تسنيم رنيت عليها ونطرت ترد ..
رهف: كيف تسنيم؟
تسنيم: اهلا رهف كيفك؟
رهف: تسنيم بقدر اجي عندك زياره كم يوم؟
تسنيم: رهف شبك عم تبكي؟ شو صاير معك؟
رهف: بس اشوفك بحكيلك بس في مجال اجي عندك ؟
تسنيم:يالله!! بعيونيي بس انا مسافره انا واهلي الي فتره
نزلوا دموعي بزياده
رهف: طيب خلص حبيبتي مو مشكله
تسنيم: شو بدك تعملي؟
رهف: مابعرف
تسنيم: طمنيني عنك اه؟
رهف: ماشي يلا انا لازم اسكر...
سكرت الخط معها وضليت اجر الشنته وابكي لقعدت على مقعد بالشارع ... مابعرف شو بدي اعمل م الي عمام بابا وحيد على بنتين وخواته في وحده من زمان اتوفت واالتانيه مسافره برا .. وخوالي تلاته بس ولا واحد منهم بحكي معي ومحاربيني انا وابي لانه اتزوج ع امي بعد ما اتوفت ...
ضليت اعده مدة ٣ ساعات ادن الظهر وانا على نفس القعده لا افطرت ولا اشي ...
ع ٢ بالزبط رن جوالي كان رقم غريب كنت عارفه انه ابو عابد ..كان ناقصني بس هو ...اعصابي بلشت ترجف وحالتي حاله اخدت نفسس ورديت وانا بهدي ضربات قلبيي ..
ابو عابد: السلام عليكم بنتي رهف كيفك معك ابو عابد صاحب ابوكي
رهف: اهلا عمو الحمدلله بخير ...
ابو عابد: طمنيني عنك كيفك وكيف مرة ابوكي معك ان شاءالله ماعم تزعجك؟
رهف: .......
ماقدرت اجاوب انفجرت بالعياط مره وحده ودموعي رجعت تنزل ...
ابو عابد بتوتر: خيرر في اشي؟
رهف: سماهررر ...
ابو عابد: شو عملت هالمره ؟
رهف: .....
ابو عابد: احكي يابنتي ولاتخوفينيي .. اخوها رجع دايقك اشي؟
رهف: انت ..انت كيف عرفت؟
ابو عابد: مو مهم هاد الحكي... جاوبيني ؟
رهف: ابي ياعمووو ..ابي طلع مسجل البيت باسمها وطردتني من البيت
ابو عابد: وانت هلاا وين؟
رهف: بالشارع
ابو عابد:اعطيني الموقع مسافة الطريق وبكون عندك
اعطيته العنوان ونطرته ييجي ..مع اني كنت مش حابه احكيله بس ماكان عندي حل تاني... بقيت عشر دقايق او ربع ساعه وانا بنطره وعم اتزكر كل اشي .. قطع تفكيري صوت زامور السياره وهو بزمر ..
...................
رهف حلوة كتير مش شوي وغير هيك ادب ..اخلاق وهدوء .. يمكن مرتين شفتها بسس انا بقدر اعرف البنت من نظرة وحده .. بس لو ما ابي جبرني عليها كان ممكن يكون الي رأي تاني فيها بس لما شفت اصراره عالموضوع دغري طلعت من نفسي ..
ماكان عندي حل غير اني ابعتلها عالفيس وهي الي صار
بعتلها واخر اشي اتوقعته انها تعمل بلوك ...هههه ولا شو متوقع يعني؟ اكيد حدا اجا هيك خبط لزق بعتلها رساله مضمونها هيك رح تعمل بلوك ..
كنت اعد بالشركه لما اجا ابي من مكتبه لعندي مستعجل وعلامات وجهه بتدل انه في اشي...
ابو عابد: اياد اترك الشغل وتعال معي بسرعه
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`