الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `*.ميته.على.قيد.الحياة.tt
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
*بعد عذاب امي معي لشهور مشان انحف فشلت امي و فشلت انا كمان لانو كنت انطرها تطلع من البيت لحتى اكل و لما روح عالجامعة كنت اكل بشكل ما طبيعي ، ما حسيت بالذنب ابدا حسيت انو امي همها الوحيد تبعدني عن اكتر شي بحبو ، خلال هالشهور زاد وزني 40 كيلو ...
ام تامر : ما عرفانة شو اعمل هالبنت عم يزيد وزنها ماعم ينقص .
ابو تامر : خلص تركيها بدون ريجيمات على الاقل قبل الريجيم كانت انحف من وقت بلشتيلها بالريجيم .
ام تامر : لا ما رح استسلم وما رح اتركها رح اسكت شوي لبين ما تتخرج باقيلها سنة و بتتخرج وبعدين رح ارجع استلمها .
_________
ام مايا : عملتلك فنجان قهوة .
مايا : حبيبتي يا ماما ليش لهلأ صاحية .
ام مايا : معقول بنتي حبيبتي و بكري اتركها بفترة الامتحانات و نام انا يا بنتي حتى لما بدخل عالغرفة بضل صاحية عم ادعيلك .
مايا : الله يخليلي ياكي حبيبتي و يطول عمرك .
ام مايا : بكرى اخر امتحان ركزي منيح بدي افرح بنجاحك .
مايا : ان شاء الله ولا يهمك .
ام مايا : انا رايحة اقرألك قرآن .
*باليوم التاني قدمت اخر امتحان كنت مرتاحة و حاسة حياتي رح تتغير للاحسن بنجاحي و دخولي للجامعة و على مجتمع جديد خطيت اول خطوة بطريقي يلي ندرتو لحتى اخد حقي و حق امي و اخواتي من عمومي ...
(بعد مرور اسبوع)
ام مايا : مايا يا مايا .
مايا : نعم امي .
ام مايا : حبيبتي مسكي هي الطنجرة و نزليها لعند جارتنا ام يحيى بتعرفي مرة كبيرة ومافي حدا يطبخلها .
مايا : اي حاضر .
*حملت الطنجرة و نزلت رنيت الجرس اكتر من مرة ما فتحتلي ، توقعتها نايمة بس انتبهت انو باب البيت مفتوح شوي ...
مايا : يمكن نايمة و نسيانة الباب مفتوح رح ادخل حط الطنجرة بالمطبخ و طلعت .
*دفشت الباب برجلي و دخلت لقيت ام يحيى واقعة بالارض وجهها ازرق و رقبتها دم .
مايا : بسم الله
*وقعت الطنجرة من ايدي و طلعت عالبيت ركض و عيوني مليانة دموع ...
ام مايا : شوفي ؟
مايا : ام ام يحيى .
ام مايا : شبها ؟
مايا : لقيتها ميتة كأنو حدا قاتلها .
ام مايا : شووو .
مايا : متل ما عم قلك شو نعمل امي ما منعرف وين بيت ابنها لنخبرو .
ام مايا : عم تقولي حدا قاتلها لازم نخبر الشرطة .
مايا : الشرطة !
ام مايا : اي اي الشرطة .
_________
تامر : يا عيسى .
عيسى : نعم سيدي .
تامر : في جريمة قتل اجمعلي العساكر و الحقني .
عيسى : امرك سيدي .
*وصلت على مكان الجريمة باقل من خمس دقايق ...
تامر : انتي يلي خبرتينا ؟
ام مايا : اي انا .
تامر : تفضلي معي على المخفر .
مايا : ليش شو دخلها امي .
تامر : ما تخافي بس بدنا ناخد افادتها .
مايا : بس امي ما دخلها انا يلي دخلت لعند ام يحيى و شفتها .
تامر : معناها انتي تفضلي معي .
ابو ايهم : شوفي خير شو صاير ؟
تامر : لو سمحت خليك بعيد ، تفضلي معي يا انسة .
ام مايا : انا بدي ضل مع بنتي .
ابو ايهم : شو عاملة مايا ، يا حضرة الضابط انا عمها للبنت .
تامر : بالمخفر منفهم كلشي تفضلو معي ، عيسى .
عيسى : نعم سيدي .
تامر : بتتصل بالاسعاف خليهن ياخدو المرحومة عالمشفى و بتروح معهن لتعرف تقرير الطبيب الشرعي و بتخلي دورية عند العمارة ممنوع حدا يدخل او يطلع منها الا اذا كان من سكان هي العمارة .
عيسى : امرك سيدي .
تامر : يلا تفضلو .
ابو ايهم : امشو .
*دخلت على المخفر هي كانت اول مرة بحياتي بدخل هيك مكان صرت اتأمل كل التفاصيل ...
تامر : شو اسمك يا انسة ؟
مايا : اسمي مايا .
تامر : انسة مايا معلش تحكيلي كلشي بالتفصيل شو صار معك و شو بتعرفي عن المرحومة .
مايا : اي اكيد ، متل العادة امي بتبعتلها طنجرة من الطبخة كل اسبوع ، هي مرة وحدانية و كبيرة بالعمر لهيك امي بتشفأ عليها ، اليوم نزلتلها الطنجرة هي سمعها خفيف ما بتسمع الا اذا رنينا الجرس وانا رنيت الجرس اكتر من مرة ما فتحت شفت الباب مفتوح دخلت لحط الطنجرة بالبيت و شفتها ميتة و الكمالة عندك .
تامر : كيف بتدخلي على بيتها يمكن يكون عندها حدا .
مايا : حسب معرفتنا هي ارملة و عندها ولد واحد ما بيزورها بالسنة مرة و اصلا لما بدو يزورها بتبلش احتفال قبل اسبوع و منساعدها انا و امي بكل الاكلات يلي بدها تجهزهن لابنها .
تامر : كيف ممكن نوصل للابن ؟
مايا : ما بعرف .
تامر : وانتي يا مدام بتعرفي ؟
ام مايا : لا ما بعرف شي عن ابنها ولا وين ساكن .
تامر : تذكري انتي ما بتعرفي ابنها شو بيشتغل يعني المرحومة ولا مرة حكت ؟
ام مايا : مبلا كأنو قالت ابنها بيشتغل بشركة بترول .
تامر : تمام يعطيكن العافية فيكن ترجعو على بيتكن هلأ و أي اسئلة تانية بجي بنفسي و بسالكن ياها .
ابو ايهم : يعطيك العافية .
تامر : الله معكن .
_________
ابو ايهم : انتي شو دخلك يا مرت اخي تخبري الشرطة ؟
ام مايا : كيف شو دخلني الجيران شافو بنتي طالعة من عندها للمرحومة شو بدك الجيران يخبرو الشرطة و يتهمو بنتي با
لقتل ؟
ابو ايهم : انتو شو دخلكن بالجيران لك مين سمحلك تتعرفي عليها .
مايا : لحظة عمي انت يلي شو دخلك فينا و على مين منتعرف ما بكفي صار سؤالكن عننا مرة بالشهر و هلأ جاي تحاسبنا على مين منتعرف .
ابو ايهم : انتي روحي من خلقتي اصلا كل البلا من تحت راسك روحييي .
ام مايا : روحي حبيبتي .
مايا : اي رايحة .
ابو ايهم : مرت اخي اذا بدك شي بتتصلي فيني او باخواتي اذا بيلزمك علبة محارم بتقوليلنا ولا عاد تتعرفي على حدا و لا تقربي صوب حدا نحنا ما ناقصنا مشاكل .
ام مايا : ان شاء الله .
ابو ايهم : رح ابعت ايهم يضل عندكن يومين لبين ما يهدى الوضع .
ام مايا : اي يكتر خيرك .
ابو ايهم : يلا سلام .
ام مايا : مع السلامة .
_________
عيسى : احترامي سيدي .
تامر : شو صار معك يا عيسى .
عيسى : حسب تقرير الطبيب الشرعي ام يحيى مقتولة مخنوقة و في اثر اضافر على رقبتها .
تامر : اضافر ، طيب اديش الها ميتة ؟
عيسى : الها يومين تقريبا .
تامر : يومين ، طيب يا عيسى بدي تروح على شركة البترول مافي غيرها بالبلد ، وقت دوام الموظفين بتروح و بتسال عن شخص اسمو يحيى العامر .
عيسى : امرك سيدي بكرى وقت الدوام بروح و بسأل .
تامر : انصراف .
عيسى : امرك سيدي .
تامر : اثر اضافر القاتلة مرة و اكيد معها نسخة عن مفتاح البيت دخلت قتلتها و طلعت و من الخوف نسيت تسكر الباب ، بس مين ممكن تكون هي المرة ؟!
#ميتة_على_قيد_الحياة
#الجزء_الرابع
#بقلم_فتاة_من_ورق_بسمه_السباعي
*باليوم التاني ...
عيسى : احترامي سيدي .
تامر : شو يا عيسى .
عيسى : هي رجعتي من شركة البترول .
تامر : يلا خبرني .
عيسى : لبست مدني على اساس اني صديق يحيى العامر ، عرفت انو اليوم هو اليوم التالت ما اجا على الشركة و قدرت اعرف وين بيتو .
تامر : اليوم التالت .
عيسى : اي .
تامر : المرحومة الها ميتة تلت ايام هه شو هالصدفة يعني .
عيسى : بتشك فيه ؟
تامر : عمملي اسمو و روح على بيتو لازم يلتقى لو كان تحت سابع ارض .
عيسى : امرك سيدي .
_________
ام مايا : مايا قومي فطري .
مايا : بردانة ماما غطيني .
ام مايا : شبك حبيبتي .
*قربت من بنتي و حطيت ايدي على راسها حرارتها مرتفعة كتير .
ام مايا : ايهم يا ايهم .
ايهم : نعم مرت عمي .
ام مايا : مايا مرتفعة حرارتها كتير احكي مع ابوك خلي يجبلها دكتور .
ايهم : حاضر مرت عمي .
_________
نورة : شبك امي ليش زعلانة ؟
ام تامر : دايق خلقي اخوكي الو تلت ايام ما اجا عالبيت و بعدين مع شغلو يلي ما بيخلص .
نورة : معلش يا امي ادعيلو الله يوفقو .
ام تامر : والله عم ادعيلو بس ماعم يرتاح اخوكي بيضل بشغلو .
نورة : بس هو هيك مبسوط .
ام تامر : وانتي .
نورة : شبني انا ؟
ام تامر : ايمتا بدك تصيري متل باقي البنات .
نورة : بشو .
ام تامر : انتي فهمانة عليي منيح بشو بس فتحي هالمخ فتحيه لك كل العالم بيهمتو بحالهن الا بنتي همها تاكل و ما بهمها شي تاني .
نورة : رجعنا لنفس الموضوع .
ام تامر : هاد الموضوع ما رح يخلص لتنحفي .
نورة : معناها ما رح يخلص بحياتو ، انا طالعة على غرفتي .
ام تامر : اي طلعي .
_________
عيسى : يعني ايمتا غادر البيت ؟
ابو طاهر : اليوم الضهر طلع من بيتو هو و عيلتو و كان معهن شناتي سفر ، سألتو شو مسافر يا جار ما رد عليي .
عيسى : طيب يعطيك العافية .
_________
ابو ايهم : شو دكتور ؟
الدكتور : مرتفعة حرارتها الظاهر اكلة رعبة حاليا عطيتها خافض حرارة بس بدها تحليل دم ، هي الورقة كتبتلكن عليها التحاليل المطلوبة بس تطلع النتيجة ودولي ياها عالعيادة .
ابو ايهم : حاضر دكتور .
الدكتور : معافاية ان شاء الله ، بالاذن .
ابو ايهم : الله معك دكتور .
ام مايا : الله يعافيكي يا روحي .
ابو ايهم : قومي عمي خليني اخدك عالمخبر تعملي التحليل .
مايا : ساعديني ماما .
_________
تامر : معناها مقرر يسافر .
عيسى : اي .
تامر : اول ما يوصل عالمطار او عالحدود بتجييوه لهون .
عيسى : حاضر سيدي .
تامر : انصراف .
عيسى : امرك سيدي .
تامر : بدك تهرب يا يحيى بسيطة .
بعد مرور ساعتين ...
عيسى : سيدي .
تامر : خير ؟
عيسى : يحيى و عيلتو صارو عند الباب .
تامر : جيبوهن .
يحيى : خير شوفي ؟
تامر : شو لوين مسافر ؟
يحيى : ليش هالسؤال انا شو عامل ؟
تامر : بتعرف انو امك انقتلت .
يحيى : امي !
تامر : اي اتفاجأ كمان يعني ولا كأنو انت عرفان انو امك انقتلت و هربان .
يحيى : انا انا ما بعرف بهالشي .
تامر : ما عندك مجال غير انو تحكي .
*التفتت على زوجة يحيى كانت عم تفرك ايديها و ومبين على وجهها التوتر .
تامر : شو يا مدام .
نهال : شو ؟
تامر : ليش قلتلتي حماتك .
نهال : انا ؟!
تامر : لك اي اي لا تعملي حالك اتفاجأتي ، انت
ي دخلتي على بيت حماتك قتلتيها خنقتيها و خفتي و هربتي من البيت و بسبب توترك ما سكرتي الباب منيح و حكيتي لزوجك ومبين انو زوجك كتير مرضي لهيك قرر ياخدكن و يسافر و يكمل حياتو برا البلد .
يحيى : لا مو صحيح هالحكي مو صحيح .
تامر : صحيح مية بالمية ، و الدليل اضافر مرتك ، شو يا مدام بلاقيكي بلشتي بكي !
نهال : اي انا قتلتا .
تامر : شو السبب شو يلي خلاكي تقتلي حماتك ؟
نهال : لانو معها كتير مصاري و ما رضيت تحن على ابنها بولا ليرة تقاتلنا انا وياها و بالاخير صارت تصرخ لحتى ما حدا يسمعها حاولت سكتها حطيت ايدي على تمها لحتى تسكت صارت تصرخ اكتر حطيت مخدة على وجهها و بايدي التانية مسكتها من رقبتها بعد دقايق سكتت و ارتخت قتلتها بدون قصد والله بدون قصد .
تامر : حطيتي ايدك على رقبتها و بتقولي بدون قصد ! حتى في اثار اضافرك على ايديها .
نهال : اي اخدت السنسال يلي على رقبتها لهيك خرمشتها بدون قصد و اخدت من ايدها الاساور لما شفتها ارتخت و اخدت المصاري يلي بالبيت و طلعت .
تامر : وطلعتي مستعجلة من البيت وما سكرتي الباب .
نهال : ما بعرف انا بتذكر اني سكرتو بس يمكن ما طبق منيح .
تامر : وانت سيد يحيى اخدت سلفة من الشغل و بعت سنسال و اساور امك و قررت تهرب انت و مرتك المجرمة .
يحيى :.....
تامر : تفه عليك كرمال المصاري قبلت تنقتل امك ، يا عيسى .
عيسى : حاضر سيدي .
تامر : نزل هالاندال عالزنزانة و الاطفال خدهن على دار الرعاية لبين ماحدا يجي يستلمن .
نهال : لاااااااا بترجاك لا .
تامر : نزلهن .
عيسى : امرك سيدي .
_________
ابو ايهم : شو دكتور ؟
الدكتور : متل ما توقعت مايا انصابت بمرض (اليرقان) وهاد المرض بيجي بسبب الرعبة متل ما خبرتك او مي ملوثة ، هلأ رح اكتبلها على ادوية و شوية تعليمات لازم تتبعها .
_________
*بعد مرور اسبوع طلعت نتيجتي ناجحة و بمعدل عالي بس مرضي خرب عليي فرحتي .
ام مايا : الف مبروك يا روحي .
مايا : الله يبارك فيكي حبيبتي .
سارة : يلا اختي طيبي بسرعة مشان نعمل حفلة .
مايا : هههه ان شاء الله .
_________
ام تامر : ما خبرتني امي لشو عزمتنا عالمطعم ؟
تامر : لحتى خبركن الخبر يلي مستنيه من زمان .
ابو تامر : خير ؟
تامر : ارتفعت رتبتي بالشغل .
نورة : الف مبروك اخي والله فرحتني .
ام تامر : الحمدلله يا ابني الله يعطيك ليرضيك .
ابو تامر : معناها ماعاد الك حجة صار لازم نفرح فيك .
تامر : اي رح تفرحو فيني .
ام تامر : يا روحي انت من بكرى رح بلش دورلك على احلى بنت و اخطبلك ياها .
تامر : مافي داعي تدوري او تعذبي حالك .
ام تامر : ليش ؟
تامر : انا لقيتها للبنت .
نورة : عنجد اخي الله يسعدك .
ام تامر : ومين هالصبية يلي امها داعيتلها بليلة القدر ؟ انا بعرفها ؟
#ميتة_على_قيد_الحياة
#الجزء_الخامس
#بقلم_فتاة_من_ورق_بسمه_السباعي
تامر : انا لقيتها للبنت .
نورة : عنجد اخي الله يسعدك .
ام تامر : ومين هالصبية يلي امها داعيتلها بليلة القدر ؟ انا بعرفها ؟
تامر : لا ما بتعرفيها بس بتتعرفي عليها .
ام تامر : طيب احكيلي عنها .
تامر : صبية حلوة كتير واثقة من نفسها لما بتطلعي على عيونها بتنسي الدنيا وما فيها لونهن بذكروكي بالبحر .
نورة : شو اسمها ؟ وين تعرفت عليها ؟
تامر : اسمها مايا ، الصدفة يلي جمعتنا غريبة شوي بس كانت سبب برفع رتبتي .
ام تامر : بتعرف بيتها ؟
تامر : اي بعرف بيتها بعد اسبوع بتروحي لعندها و بتطلبيها .
ام تامر : ليش بعد اسبوع .
تامر : لانو لسا بدي اسبوع لحتى استقر .
ام تامر : على راحتك حبيبي المهم تكون مبسوط .
_________
بصباح اليوم التاني...
الدكتور : ما شاء الله صحتك تحسنت كتير يا مايا .
ام مايا : الحمدلله .
الدكتور : رح نوقف الادوية بس خليها متبعة الحمية .
ام مايا : اي ان شاء الله .
الدكتور : الحمدلله على سلامتها ، بالاذن .
ام مايا : الله يسلمك دكتور ، الله معك .
مايا : ماما .
ام مايا : نعم يا روحي .
مايا : ايمتا بدنا نروح نسجل بالجامعة .
ام مايا : بكرى حبيبتي ، بس هلأ ارتاحي مشان بكرى تصحي متحسنة عالاخير .
مايا : ان شاء الله .
_________
اية : كيفك نورة .
نورة : الحمدلله تمام انتي كيفك .
اية : منيحة و مبسوطة كتير .
نورة : شو السبب ؟
اية : السبب الرئيسي اني خطيبة عمر .
نورة : هههه وين الجديد .
اية : بتعرفي الله يبعتلك واحد متل عمر .
نورة : ان شاء الله .
اية : قررنا انا و عمر نعمل العرس الشهر الجاي .
نورة : اي بس هي السنة الاخيرة النا بالجامعة استني لتتخرجي .
اية : بتخرج على مهلي المهم هو تخرج .
نورة : اها الله يقدم يلي فيه الخير .
اية : تسلمي يا رب ، ليكي نورة عمر عم يبعتلي بحكيكي بعدين .
نورة : اوكي حبيبتي الله معك .
*سكرت تلفوني و وقفت قبال المراي
ة...
نورة : ليش انتي هيك يا نورة ليش شكلك هيك انتي بشعة و سمينة و رح تبقي طول عمرك هيك ، كل رفقاتك رح ينخطبو و يتزوجو و انتي رح تعفني بغرفتك رح تعفنيييييي .
*حملت مزهرية و رميتها على المراية ، تكسرت المراية و صرت اتطلع على حالي بالقطع المكسورة و ابكي .
ام تامر : بنتي شبك .
ابو تامر : بعدي بعدي عن المراية لا تنجرحي .
نورة : طلعو و تركوني لحالي تركوووووني لحالييييي بكرهكن و بكره حالي اطلعووووووو .
*طالعت اهلي من غرفتي و قفلت الباب و ضليت ابكي حتى غفيت .
ابو تامر : انتي محكيتيها شي ؟
ام تامر : لا والله ما حكيتها ولا حرف .
ابو تامر : ليش هيك تصرفت ؟
ام تامر : ما بعرف يمكن هي بلشت تحس انو عنجد بدها ريجيم هي نقطة ايجابية لازم نتركها .
ابو تامر : كيف نتركها هي بنتنا .
ام تامر : لانو بنتنا لازم نتركها تحسن من حالها بكفيها سمن واكل كلو عم يضر بصحتها .
_________
*سجلت بالجامعة هندسة عمارة ، انبسطت كتير و كنت متحمسة لوقت بلش دوام و حقق حلمي يلي بحلم فيه من انا و صغيرة .
سارة : نيالك يا اختي كتير حلوة الجامعة ايمتا بدي صير بالجامعة انا .
مايا : بتصيري حبيبتي .
ام مايا : يلا يا بنات تعالو ساعدوني بتحضير الغدا .
مايا : حاضر ماما ، يلا سارة قومي .
_________
*باليوم التاني طلعت من غرفتي و قعدت مع اهلي وانا عم اضحك...
ام تامر : يلي بيشوفك مبارح ما بيعرفك اليوم .
نورة : اليوم بدي روح عالسوق اشتري شوية تياب .
ابو تامر : تكرم عينك حبيبتي بتروحي بتشتري شو ما بدك .
ام تامر : برأيي تستني لتنحفي بتشتري تياب .
ابو تامر : بس تنحف بترجع بتشتري كمان تياب .
نورة : يلا معناها انا طالعة نضف غرفتي و بدل تيابي مشان ننزل عالسوق .
_________
*مضى الاسبوع وراحت امي على بيت مايا لتخطبلي ياها ...
ام مايا : شرفتينا .
ام تامر : الله يزيدك شرف .
ام مايا : معناها انتي امو للضابط يلي حقق معنا بخصوص وفاة ام يحيى .
ام تامر : اي انا هي و بصراحة زيارتي هلأ لحتى اطلب ايد ينتك مايا لابني تامر .
*التفتت على بنتي كانت واضحة عليها الصدمة .
ام مايا : انا ما بعرف شو بدي قلك يا ام تامر بس بصراحة ابوها لمايا متوفي و انا لازم احكي مع عمها للبنت قبل ما رد بأي شي .
ام تامر : اي طبعا حبيبتي هي الاصول وانا ناطرة ردكن على احر من الجمر ، ما شاء الله عنك يا مايا متل ما وصفلي ياكي ابني و احلى .
ام مايا : تسلمي يا رب .
ام تامر : انا هلأ بدي امشي و ناطرة الرد ، يلا سلام .
ام مايا : الله معك ام تامر شرفتينا .
مايا : ماما شو دخل عمي بالموضوع ؟
ام مايا : طبعا يا بنتي لازم يعرف هو ولي امرك .
مايا : انا ما بدي ياه يعرف ولا بدي اتزوج بالاساس .
ام مايا : حتى لو ما بدك تتزوجي عمك لازم يعرف .
مايا : انا رايحة نام و خبري عمي انو اجاني خطابين وانا مو موافقة ، تصبحي على خير .
ام مايا : وانتي بخير .
_________
تامر : اي لازم تسأل عمها هاد الصح .
ام تامر : الله يقدم يلي فيه الخير يا ابني .
تامر : بس شو رأيك فيها ما خبرتيني ؟
ام تامر : كاملة مكملة حلوة و مؤدبة بس
تامر : بس شو ؟
ام تامر : بس كانو صغيرة شوي لسا ما صار عمرها 19 .
تامر : هي عاجبتك ؟
ام تامر : اي عاجبتني .
تامر : معناها لا تهتمي لشي تاني .
ام تامر : اي الله يسعدك يا ابني .
ابو تامر : معناها منروح انا وياك بكرى يا تامر و منطلبها من عمها رسمي .
تامر : امرك ابي .
_________
ابو تامر : السلام عليكم .
ابو ايهم : وعليكم السلام .
تامر : شلونك يا عم .
ابو ايهم : اهلين فيكن تفضلو .
ابو تامر : ما رح نطول عليك يا ابو ايهم انت اكيد بتعرف طلبنا .
ابو ايهم : شو طلبكن ؟
ابو تامر : انا بشرفني اطلب ايد بنتك مايا لابني تامر .
ابو ايهم : انا بتشرف فيكن بس بدي اخد رأي البنت .
ابو تامر : طبعا خود رأيها .
ابو ايهم : تفضلو شربو قهوتكن .
ابو تامر : يزيد فضلك يا ابو ايهم .
_________
ابو ايهم : اليوم كانو عندي و انا وافقت مرت اخي .
مايا : انا مستحيل اتزوج هلأ لسا ما شفت شي من الدنيا .
ام مايا : بس عمك عطاهن كلمة للجماعة .
مايا : كيف بيعطيهن كلمة بدون ما يستشيرني انا صاحبة العلاقة .
ابو ايهم : انتي بتخرسي و بتنفذي كلمتي انا ولي امرك وانا يلي بقرر ايمتا تتزوجي و مين تتزوجي .
مايا : بس يا عمي انا لسا ما داومت بجامعتي ما حققت حلمي لسا ما شفت شي من هالدنيا .
ابو ايهم : بس تتزوجي تامر رح تدعيلي يا عمي انا بدي مصلحتك و راحة بالك .
مايا : مصلحتي بعرفها كتير منيح ما ناطرة منك تعرفلي ياها انت .
ابو ايهم : اخرسي ولي و جهزي حالك لكتب كتابك بكرى غصب عنك واذا بتقولي لا رح ادفنك وانتي عايشة فهمانة .
مايا : يا ربي تاخدني و تريحني .
`يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`