الفصل 19
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم فتاة الزعيم`*
*❴🔢❵الـــبـــــــــــ❴9️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
عنوان القصة
#فتاة الزعيم
Hanenبقلم
البارت التاسع عشر
كانت مكلبشة ايدا اليمين بأيدو اليسار كانت صافنة بالسقف وعم تفكر ومهاب متسطح جنبا وعم يطلع عليها
شغف بقلبا: يا الله معقول كل يلي عملو فيني وانا لسا بعشقو ليييش
عقلا: ما لازم تسامحي عالشي يلي عملو فيكي ابدا
قلبا: بس هوة ندمان
عقلا: اي اهلين ندمان اذا بكرا صار شي يمكن يقتلك
قلبا: لا شغف مهاب بيعشقك لا تصدقي هالحكي يلي عم يقولو
عقلا: لاء انتي لازم تصدقيني ما تنسي وقت رماكي بالغابة للوحوش وعمل كتييييير شغلات بشعة فيكي بتحبي زكرك صدقيني اذا لزم الامر مهاب بيقتلك وما بيسأل
قلبا: لاااء هالحكي مو صح مو متذكرة وقت كنتي بالمستودع كيف كان بيبكي متل طفل صغير ووقت اجا لهون وشافك ما شفتي كيف صار يبكي وبعدين هوة بعد ما رماكي بالغابة راح ودور عليكي
عقلا: انت سكوت لاتردي على هالمتخلف هاد هوة بس بجرك للمشاكل اوعك تسامحي لمهاب اوعك
قلبا: سمعيني انا عطي فرصة تانية سامحي يا شغف سامحي وبعدين انتي بتعشقي لازم تسامحي والمسامح كريم والله بيغفر لعبادو اذا غلطو ونحنا لازم نسامح ونعطي فرصة تانية
شغف بعياط: خرسووو انتو التنيييين
مهاب: بسم الله شو صرلك ما حدا عم يحكي
شغف بإحراج: اااااا لا يمكن شكلي شردت
مهاب بضحكة: شكلك جنيتي
شغف: نننننننننن😒
مهاب: نامي نامي والصباح رباح
شغف: والله بس لانفك عنك لحتى العن مخن لهالجوز هدول انا بفرجين
تاني يوم فاقت الصبح كان مهاب نايم فتحت عيونا(مهاب كان فايق بس مغمض عيونو وما حابب يزعجا لانو اذا بدو يقوم بدو يقيما معو)
تطلعت في وبدون ما تحس قربت وطبعت بوسة خفيفة على خدو حس قلبو نقلع من مكانو
مسكا وجزبها لعندو
شغف بغباء: صباح الخير كيفك
مهاب: صباح العسل انا اليوم رواق عالآخر وبالاخص انو تصبحت بوجه مرتي الحلوة
شغف: انا مو مرتك عم تفهم مو مرتك
مهاب: مرتي وبتحبي بسبتلك هالشي هلق😉
شغف: واحد منحرف قليل ادب
مهاب: هلق اذا الواحد حكى مع مرتو هيك بكون قليل ادب؟
شغف:نننننننننن فلتني
مهاب:هلق انتي اخدتي بوسة مني بس انا ما اخدت لهيك ياللهعطيني بوسة احسلك
شغف بإحراج وخجل: اناا قصدي انوو قاطعا مهاب ببوسة سريعة ع تما
مهاب: هيك صرنا تعادل
شغف: نننننننننن واحد منحرف
مهاب: انتي المنحرفة يلي بلشتي
شغف وهية وعم تقوم: نادي لرفيقك يفكني بدي آخد دوش
مهاب: منفوت سوا😉
شغف ضربتو ع صدرو: فعلا انك منحرف حكت بعياط بعد ما فتحت باب الغرفة راكاااااان لك يا راكااااان شهمممممم حدا فيكن يجي فاقو كل يلي بالقصر ع صوتا
مهاب: انتي فضحينا ايي فضحينا لقلك
شغف: تكرم لك يا بطيييييخ تعاااااااال
طلع راكان وشهم (كانو نايمين سوا)
راكان: يا فتاح يا عليم يا رزاق يا كريم شو في ليش العياط من عند الصبح؟
شغف: والله يا روح امك شتقنالك قلت انو هيك ما بدي اتصبح بخلقتك الحلوة هي
راكان وهوة وعم يتاوب: تسلمي مرت اخي تسلمي
شغف بعياط: لك الله لا يسلم فيك ولا عضمة لا انت ولا هالتيس يلي جنبك
شهم: الله يسامحك شو عملنالك
شغف: تعلم العصي ع جنابك اللهي
شهم: الله يعينك يا اخي على هالبلوة هي شو هاللسان يلي عندا
مهاب: شايف
شغف: اي بلا علاك وتعى نقبر فكني بسرعة
شهم: نجوم السما اقربلك اذا ما بتسامحي اخي ما لح فكك
شغف: بلا هالمسخرة بدي فوت عالحمام
راكان: انتي سامحي لنفكك
شغف: لح تجي تفكني ولا لح فرجيك قيمتك
راكان طلع على مهاب وغمزلو انو فكا
راكان: طيب طيب امري لالله لح فكك وبس تطلعي لح ارجع كلبشك شو قلتي
شغف: وافقت شرف فكني
شهم:لا لا مرت اخي مو هون
شغف: لكن وين؟
راكان: جوا منفكك ومنكلبشاخي مهاب بالتخت كرمال ما يعمل ايا تصرف وبس تطلعي منحطك مكانو وبس تخلصو جنابكن منرجع منكلبشكن
شغف: لككككك الله يشلكن انتو التنين فاتو لجوا وفعلا فكو شغف وكلبشو ايد مهاب برجل التخت مع انو مهاب كان بيقدر بنفضن ضرب يكسرن بس ما عمل شي اجت شغف لتطلع من الغرفة وقف شهم بوجها
شهم: لوين مرت اخي؟
شغف: بدي جيب تياب من غرفتي ولا حتى هي ممنوع
شهم: لا مو ممنوع تفضلي بتروكي بتدوشي بغرفتك وبتلبسي وبتجي لهون منكلبشك بدون مشاكل مشان ما تحيجينا لاسلوب تاني تمام
شغف بغيظ: تمام مشت لغرفتا
مهاب: شو عم تعمل. انتو التنين جنيتو شي؟
شهم: هدول افكار راكانو مو افكاري
مهاب: مع انك جحش بس احيانا بتشغل مخك براڤو عليك
راكان: يعني هاد مدح ولا ذم ما عم افهم
مهاب: ههههههه لا مدح مدح
راكان: يعني عجبك
مهاب: معلوم عجبني لكن شو بس هلق تعال فكني لفوت عالحمام
راكان: امو تكرم عينك مهابوو
مهاب: تعال فكني وبلا علاك
شهم: راكان بركي عم يحكي تيك مشان نفكو
مهاب: يا جحش لو بدي كنت من وقت فكيتو الكلبشات من ايد شغف خبطتكن كل واحد ضرب جبت اجلكن شغل مخك يا فهيم
راكان: قلك شغل مخك
شهم: ما بدو يشتغل آخد اجازة ساعية والله
مهاب: الله ياخدك ليش في مخ اساسا
شهم: ما بعرف بقولو انو لا بس يا اخي انا بحس بوجودو بشرفي بحس
راكان: ولو معلوم موجود بس احيانا بيفصل ما هيك شهوم
شهم: مظبوط
مهاب: راكان لتفكني ولا بكسر التخت ع راسك
راكان: لا لا لح فكك تمام قرب لعندو وفكو وفات عالحمام
طلع بعد شي عشر دقايق بالمنشفة
راكان: ييي استغفر الله كيف بتطلع قدامنا بهالمنظر يا عيب الشوم🫣
شهم وهوة مخبي وجهو كمان: تستر يا اخي تستر
مهاب: لح تاكلو خ** انت ويا ولا بفرجيكن شي ما يعجبكن
راكان: متل شو اخي😉
مهاب: لح البس واجي فرجيك متل شو جاي ليكني
شهم: لا اخي يستر على عرضك ما بدنا تفرجينا شي ما هيك راكانو
راكان: هيك هيك لكن شو
لبس مهاب لبس اسود وخلص وكل شي
مهاب: يا زلمة عالبنات خلصت ولبست وهية لسا ما خلصت ومع اني فتت عالحمام بعدا
شهم: شو مفكر البنات متلك لا حبيبي اذا ما طلعو من الحمام وضلو ساعة يختارو وحطو مكياجن ولبسو وعملو نظرة ع حالن بالمراية شي نص ساعة وضلو عم يمشطو شعرن شي ربع ساعة ما بيمشي الحال
مهاب: الظاهر عندك خبرة كتير😉
شهم: لكن شووو حبيبي اذا صعب عليك شي بالمستقبل تذكر عمك شهم وتعال خود استشارتي بإذن الله كل مشاكلك مع مرتك بتكون محلولة وكمان في عمك راكان عندو خبرة متلي هي اذا ما اكتر بيمشي حالو
راكان: اي ولو انا بالخدمة اخي
مهاب: شو رأيكن تاكلو خ** انت ويا
شهم: تسلم اخي بتمون
فاتت شغف وهية ولابسة بجاما صفرا عريضة وتاركة شعرا ع راحتو وشحاطة من نفس اللون وربطة ع شعرا من نفس اللون ومنزلة غرتا من تحتا
شغف: خلصت🙄
مهاب: نسطل فيا وكيف طالعه بتجنن كان كل مرة بشوفا بحس حالو كأنو اول مرة بشوفا وبينصدم من جمالا
راكان: تعالي مرت اخي العنيدة ما بدك تسامحي اخي تسطفلي لح تضلي معلقة في لحتى تقرري تسامحي
كلبش ايدين ببعض
شهم: هيك تمام صار فيكن تنزلو
شغف: هييك😳
راكان: اي مرت اخي هيك الفطور جاهز
شغف: اي انا مو جوعانة ما بدي انزل
مهاب شدا من ايدا بإتجاه الباب: بس انا جوعان
مشي وهية ورا وراكان وشهم نزلو وراهن وعم يضحكو ع شكل مهاب يلي نازل وكأنو ماسك ايد ولد صغير وعم يمشي ع مشيتو وخايف علي ليوقع وصلو لينصدم الكل
سيف: شو هاد اخي ليش هيك انتو
ميار: مهاب ليش هيك مكلبش البنت معك؟
اينجي بهمس: ليكي م أحلاهن
آيلا بنفس النبرة: عنجد بجننو
ليزا: ما شاء الله شو حلوين مع بعض
ايلين: اي والله
مهاب: تسلمو
اسد: اي اخي ما حكيت ليش هيك مكلبشين
سلطان طلع ع شهم: ما بعرف حاسس هاد التيس الو ايد بالموضوع مدري ليش
كنان: انا مو حاسس انا متأكد
آدم: ما تحكي انت وياها
شهم: سلطان كنان خرسو وسمعونا شو لنحكي انا وراكانو
راكان: شهوم تحكي انت ولا انا؟
شهم: لا لا احكي انت
راكان: طيب ماشي سمعو يا جماعة انا واخي شهم قررنا انو نكلبش شغف بمهاب وبس الست شغف تقبل تسامح اخي مهاب نحنا منفكن وبدا تسامحو قدام الكل او لح تبقى مكلبشة في كل عمرا(طبعا كان حكيو تركي)
كنان: قلتلك لانو ما في مصيبة بتصير وما بكون هالتيس وراها كنا بتيس واحد صرنا بتنين لحتى تكمل
آيلا: والله فكرة حلوة يعني حبيتا براڤو عليك شهم صاير تشغل مخك
شهم: اولا هي فكرة راكان وتانيا شو انا ما كنت شغلو مثلا العما م اوقحك حترمي ابن عمك الاكبر منك
آيلا: ننننننن لح تصرعني بهالكم يوم يلي انت اكبر مني فين
شهم: المهم اكبر منك لهيك خرسي
اينجي: ع فكرة الفكرة جدا سخيفة وتضربو انتو وهيك تفكير
راكان: انتي مين طلب رأيك يا حلوة سمعينا سكوتك اوك
اينجي نغاظت من حكيو: ننننننن خراس انت
آدم: ومين طلب منكن تعملو هيك؟
شهم: فعل خير وفعل الخير ما لازم حدا يطلب منا لحتى نعملو🙂
شغف: اخي آدم شو رأيك تعمل خير وتخلصني من هالجوز للابد
آدم: كان بودي بس صح جحوش بس والله يا اختي لا انا فيي بلا التيس شهم ولا مهاب في بلا التيس راكان لهيك بنصحك تنسي هالقصة
شهم: يسعدوووووو ابن العم الله لا يحرمنا منك
راكان: سمعتيي😌
آدم: شهم خراس مشان ما غير رأيي
شهم: خرست
ام آدم: اي شو ما ناويين تعدو يلا ولعية
قعدو عالسفرة مهاب كان عم يتقصد يحرك ايدو اليسار وايد شغف بأيدو
آدم: ما تاكلي؟
شغف: كان بودي آكل بس مع الاسف ما بقدر آكل بأيدي الشمال
مهاب: ما تحكي من الاول حبي مسك لقمة فتحي تمك حبيبتي معقول تكوني جوعانة وانا موجود حدك
شغف: ما بدي
مهاب: فتحي تمك ولا تعانديني
شغف: اكلت اللقمة وعضت ايدو
مهاب: اخخخخخ العما ليش عضيتي ايدي
شغف بجكر: هيك حبيت عضا
مهاب: اي فداكي حبيبتي فيكي تعضيني ايمت ما بدك ووين ما بدك😉
شغف خجلت وضربتو بكوعا ع خاصرتو وحكت من بين سنانا: الله يخجلك اللهي خراس
راكان: شوووووو شو هالحكي اخي عيييب حترم الموجودين
مهاب: حط راسك بصحنك ولتهي بأكلك احسلك ايي
راكان: ماشي بتأمر
تطلعت شغف عالكل كانو عم يطلعو علين(طبعا بس الشباب لانو كانو عم يحكو عربي) نزلت راسا وحمرو خدودا وحكت من بين سنانا: مهاب ليك الكل كيف عم يطلعو بلاها هالحركات
مهاب بصوت عالي: حركات شو حبيبتي
شغف دعستلو ع رجلو وحكت: حركات؟! انا ما قلت هيك شي
مهاب: اااا معناها انا سمعت غلط
لفلا لبنة
مهاب: يالله حبيبتي فتحي تمك بس لا تعضي
شغف بغيظ: بطلت آكل
مهاب: حبيبتي مو بكيفك فتحي تمك يالله
شغف: ماشي فتحت تما واكلت
مهاب: ها شفتي م احلاكي وانت مطيعة
شغف: ننننننننن
مهاب: عيب عليكي وليك وحدة بتلاوق زوجا يا قليلة الادب
شغف: قلتلكك مانك زوجي
مهاب: لكن مين زوجك؟
شغف: ولا حدا انا ما متزوجة
مهاب غمزلا: عنجد😉
شغف حمرو خدودا خجل ودعست ع رجلو
شغف: راكان الله يخليك تعال فكني من هالمتخلف الله يوفقك
راكان: شرطي وبتعرفي
شغف: طيب طيب ماشي انا مسامحتو بس فكني
راكان: عالآخر يعني ما بقى حاملة تلي ابدا
شغف: اي انا مسامحتو بس فكني
راكان: وبترجعي بتتزوجي؟
شغف: بس ما هاد الاتفاق
راكان: مبلا معنى انو تسامحي يعني بترجعي معو وبتتزوجي
شغف: طيب طيب هالموضوع بدو تفكير بعدين بقرر
راكان: شو وراكي مرت اخي خدي وقتك بالتفكير
شغف: يعني ما لح تفكني؟
راكان: قبل ما تقبلي تتزوجي من اخي مهاب ما لح فكك
شغف: راكااااااااان انا بفرجيك بس لانفك يا واطي
شهم: يالله مرت اخي قرري بسرعة
شغف: طيب بوافق بس بالوقت يلي بدي وعندي شروط
مهاب: شروطك مجابة وشو ماكانت تكون اذا طلبتي روحي بقدما هدية الك
شغف طلعت بعيونو وسكتت
شغف فاقت من شردتا: اي راكان شهم فكونا
راكان: طيب ماشي شهم فكن
شهم: تكرم شريك
قام وفكن وشغف صارت تحرك ايدا بحرية وطلعت على راكان وشهم والشرار بين عيونا ووقفت ومشت بإتجاهن
راكان: شهم هالنظرة خطيرة كتير لهيك هرووووووب وركدو تنيناتن وشغف راكدة وراهن
شغف: تعو لهون يا جبنااااااء
راكان: مالنا جبناء وليك
شغف: وقف انت وياااااااا
شهم: ما حزرتي عنا شغل والله ركبو سياراتنوطارو فيا
بفوتة عقاب(عقاب ترك البيت وراح ع بيتو)
عقاب: شبك ليش عم تلهتي هيك؟
شغف: من هدوك الكلاب الله يشلن
عقاب: شو عاملين؟
شغف: عم يتزانخو بجية مهاب
مهاب: خا عقاب هون لك كيفك
عقاب: الحمدلله تمام وانت كيفك
مهاب: مافي احلا من هيك
عقاب بضحكة: شايفك مبسوط ع غير العادة شو سر هالرواق يا ترى؟
مهاب: والله يا عقابو اليوم فقت مروق ما بعرف ليش وطلع على شغف بطرف عينو
عقاب: لاااا ما بصدق مهاب وعم يقلي عقابو شكلو شي خطير
مهاب: لك خراس ولاك انت صرت متلك متل ايا واحد من رفقاتي ولو انا مدين الك بحياتي
عقاب: تسلم مهابو تسلم ولو هاد واجبي انا لح فوت عن ازنك عاوز آدم بشغل
مهاب: تفضل تفضل فات عقاب وبقت شغف ومهاب اجت لتمشي مسكا مهاب من ايدا
مهاب: لويييين؟
شغف بلبكة: ل لجوا
مهاب: سحبا من ايدا ومشي عالجنينة يلي كانت بتجنن
وقعد تحت شجرة وقعدا جنبو
مهاب: شتقتلك
شغف حمرو خدودا وتلبكت: اااا شكرا
مهاب رفع حاجبو: شكرا؟! يعني انتي ما شتقتيلي
شغف بلبكة وقلبا صارو نبضاتو الف: مبلا قصدي لا يعني ما بعرف
مهاب قرب منا ولزقا بالشجرة: بس انا كتييييييير شتقتلك
شغف تلبكت من قربو وحاولت تبعدو وما قدرت
مهاب: انا زوجك يا هبلة زوجك ولسا بتتلبكي وبتخجلي مني
شغف وراسا بالارض ومتلبكة وخجلانة وحكت بصوت دوبو: مهاااب
مهاب: عيونو لمهاب قلبو لمهاب روحو لمهاب حياتو لمهاب
شغف: بعد عني بركي حدا شافنا
مهاب: اي ويشوفونا وين المشكلة يعني مرتي وانا حر
شغف: بس انا لسا ما صرت مرتك
مهاب: مبلا مرتي وبإسمي انتي ملكي انا
شغف: ودانيا
مهاب: شغف دانيا نتهت انسي انو كان في وحدة اسما دانيا وقرب ع شفافا وسرق بوسة طويلة
شغف: فعلا واحد منحرف قليل ادب
مهاب: اذا الواحد باس مرتو بكون قليل ادب ومنحرف؟
شغف: اي انت قليل ادب
مهاب: شكرا حبيبتي بتحبي فرجيكي قلة الادب كيف بتكون😉
شغف: فعلا انك بلا حيا وركدت لجوا
مهاب: لح شوف وبعدين معك لأيمت لك تضلي عم تهربي مني بسيطة يا شغف هانت
لحقا وفات لجوا كانو الكل بالصالون ما عدا هدليك الجوز يلي هربو
مهاب: اي ست شغف هاتي لنشوف شو شروطك؟
شغف: اولا بدك ترجعني لعند اهلي وبتجي بتطلبني منن
تانيا قبل ست شهور ما بقبل اتزوجك
بس هدول شروطي
مهاب: يا حبيبييييي وليش قبل ست شهور ما بتقبلي
شغف: تيتة ما صرلا اسبوع ميتة وعم تسأل ليش
مهاب: طيب طيب كيف لح نرجعك عند اهلك وبركي
آدم: وبركي طلبك وما وافقو
مهاب: من هالناحية طمن انا بعرف كيف آخدا بوقتا
شغف: لا مو بهالطريقة انا عندي خطة
مهاب: هاتي لنشوف
شغف:.......................
مهاب: اووووه تمام هيك كتييير منيح وما لح يقدرو يقولو لاء
آدم: قديش صرلك عم تفكري بهالموضوع
شغف بلبكة: اااااا لاااا ما عم فكر بس هلق خطرتلي
مهاب: بكرا لح نمشي من هون
اسد: ع فكرة لسا ما خبرت اهل البيت بالشي يلي صار يعني لح يتفاجئو كتير
مهاب: احلا خلين بتفاجئو
شغف: ماشي لكن لح ضب غراضي انا
مهاب: ماشي حبيبتي ضبين
ضبت تيابا وغراضا وجهزت كل شي وفعلا تاني يوم الصبح بكييييير طلعو بحيث انو يوصلو عالساعة 8الصبح
مهاب: طالعة حلوة كتير
شغف: اول مرة بتشوفني حلوة؟
مهاب: شغف انا كل ما بشوفك بحس حالي عم شوفك للمرة الاولى وبنصدم من جمالك
شغف: ههههههه مو لهالدرجة
مهاب: واكتر..... بدي اسألك
شغف: امممم سآل
مهاب: انتي شو لون عيونك يعني عم يحيروني احيانا زرق احيانا خضر واحيانا عسلي شو لونن
شغف: هههههههه هلق اللون الاساسي لعيوني هوة الاخضر يعني بلبس الوان غامقة ببينو عيوني خضر واذا بلبس سماوي ببينو سماوي بلبس عسلي ببينو عسلي بس اللون الاساسي هوة الاخضر
مهاب: واذا لبستي ابيض؟
شغف: بوقتا بتحتار فين لانو عنجد ما بتعرفلن لون
مهاب: اااااااخ قديشك حلوة يا شغفي انتي بتجنني
شغف بإبتسامة: شكرا
مهاب: ليكي شغف لا تخجلي مني لانو بتجننيني بزيادة
شغف: خلص مهاب لتهي بالسواقة
مهاب: تكرم عيونك
وصلو عالقصر عالساعة 8الا ربع
فاتو شغف ومهاب واسد للبيت
شغف: انا بدي فاجأ نايا
مهاب: ماشي فاجئيا
ركدت شغف لجوا وكان الكل نايم فاتت لعند نايا وكانت نايمةقربت شغف من التخت وصارت تمسد شعر نايا المفرود
شغف: نيوش حبيبتي فيقي يا روحي فيقي
نايا: اممممم روحي ما بدي
شغف: لك قومي يا كسلانة فيقي شوفي انا اجيت
نايا بالرغم من انها كانت نايمة بسميزت صوتا ونطت عن التخت
نايا ونية وعم تفرك عيونا ومفتكرة حالا بحلم
نايا: وبعدين معك لايمت لح تبقي تطلعيلي بالحلم وتوهميني انك هون لايمت
شغف: بس هالمرة مو حلم هالمرة حقيقة قربت وقرصتا من خدودا
شغف: نيوش حبيبتي انا هون انا ما متت
نايا وبعدا تحت تأثير الصدمة: ش ش ش ش شغف اااااانتي انتي حقيقة مو؟ مو حلم صح؟
شغف مسكت كاسة المي وكبت منا عوجها لتصحى منيح
شغف: وهيك صدقتي انو مو حلم
نايا هرو دموعا ع عيونا: الحمدلله يارب الف الحمدالله وركدت على شغف وضمتا بقوةومن صوت عياطا فاق الكل
نزلو لتحت وفكرو صاير معا شي
كانو مهاب واسد بالصالون
رقية: رجعتو حبيبي ليش ما خبرتونا
اسد: قلنا انو مافي داعي نخبركن يعني لينكا اجينا
ريتاج: الحمدلله على السلامة حبيبي وقربت وباستو ع خدو
ميرا: باباااااااا وركدت وضمتو
اسد: حبيبة بابا تعي واخدا بحضنو
مهاب بضحكة: شو حبيبة عمو ما لدا تسلم ع عمو
ميرا: مبلا ورمت حالا بحضن مهاب
رقية طلعت بريتاج بصدمة: مهاب انت ضحكت صرلك من وقت ماتت شغف ما ضحكت
مهاب توسعت ضحكتو وكان عيونو عم يشعو فرح
بنزلة ايهاب
ايهاب بنعس: شو في ليش نايا عيطت ولتفت لاسد ومهاب ونصدم وقت شاف مهاب عم يضحك
ايهاب: اهلا وسهلا بأخواتي شوووو مهاب بيك شايفك مبسوط كتييير شو القصة ياترى؟
مهاب: لح تعرفو كل شي
عند نايا كانت لسا ضاممتا وعم تبكي
رقية: ابني احكي شو في؟
مهاب: قررت اتزوج
رقية وريتاج وايهاب عم يطلعو ببعض بصدمة
ايهاب: تتزوج؟!
مهاب: اي اتزوج شو اول مرة بتسمعو حدا بدو يتزوج شبكن
ريتاج: لا والله اخي مو اول مرة بس آخر حدا منتوقعو يتزوج هوة انت
مهاب: ليش لا طالما البنت موجودة وين المشكلة؟
رقية: حبيبي بس انت لسا ما تخطيت شغف
مهاب: اي ولا لح اتخطاها
رقية: كيييييف بدك تظلم بنت الناس معك وانت كل تفكيرك ببنت تانية هاد الحكي ما بيرضي الله ولا بيرضيني يا اما بتنسى شغف نهائي يا اما مافي تتزوج
اجا صوت من وراهن خلا الكل ينصعق
شغف: بس يا مرت عمو ليش لينساني؟
لتفتو كلن وكأنو ما حدا مصدق عيونو
رقية مصدومة وحالة ريتاج وايهاب ما بتقل صدمة عنن
رقية قربت منا وعم تتلمس وشا بأيديها: حبيبتي انتي عايشة كيف هيك؟
شغف: اي انا عايشة بس الموضوع بدو شوية شرح
ايهاب وهوة وعم يفرك عيونو ويتأكد انو ما نايم
ايهاب: انا ما نايم ما لك وشرفي انا فايق
مهاب بضحكة: ليك المسطول لسا ما ادرك انو هالشي حقيقة مو حلم
اسد: يعني صعبة كيف واحد يرجع من الموت اشي ما بيتصدق
كانت ريتاج ورقية ونايا حوالين شغف وايهاب لسا ما مصدق وميرا واقفة مصدومة
ميرا: خالتو شغف انتي ما متي
شغف: نزلت لمستواها: حبيبتي شو هي خالتو ناديلي شغف وبعدين لا انا لسا عايشة هه شوفيني
ميرا: بس عمو خبرنا انك متي
شغف: لا حبيبتي عمو كان غلطان انا مو ميتة
ميرا: يااااااااي الحمدلله لانو عمو بكي وزعل عليكي كتير
رفعت شغف نظرا لمهاب وبتسمت
شغف: يالله حصل خير حبيبتي وهي انا اجيت وما عاد عمو يبكي بعمرو
ميرا: ياااااااي واخيرا اجيتي الكل هون بحبوكي كتير
شغف: وانا بحبكن يا روحي
رقية: بنتي كيف هيك انا هلق بدي اعرف
شغف: ماشي خالة لح احكي بس بدي افطر بالاول لانو ميتة جوع
ريتاج: خسا الجوع نادت للخدم وقالتلن يحطو الفطور
شغف: شبك ايهاب ليش لسا واقف متل المضروب ع راسو؟
ايهاب: هلق عنجد انا ما عم احلم
قربت شغف وطرقتو ع راسو طرقة خفيفة
شغف: لا ما عم تحلمليكني قدامك
ايهاب: لك يا مرت اخي هيك خوفتينا عليكي يعني ما بتعرفي قديش زعلنا عليكي
شغف: ههههه خلص ليكني رجعت
الخدامة لرقية: مدام السفرة جاهزة
شغف ركدت عالسفرة وضحك الكل ع حركتا
شغف: انا جوعانة لا تضحكو هيك
نايا: لك مو خسا الجوع يا روحي وقعدت محدا وقعدو الكل وبلشو ياكلو
شغف: الحمدلله
نايا: يالله احكي لشوف شو صار
شغف: ههههههه ليش كتير مستعجلة لاحكي طولي بالك
نايا: شغوف حبيبتي حركاتك المستفزة بلاها اي احكي يالله
شغف: طيب هي بعد ما اخدوني للمستودع..................................
شغف: وهاد كل شي صار بالحرف الواحد
نايا بصدمة: انتي يلي خطتي لقتل هشام؟!
شغف: اي انا يلي خططت
ايهاب: مانك قليلة يا بنت
شغف: مهاب ايمت لترجعني عند اهلي؟
مهاب: بكرا الصبح حضري حالك
شغف بفرح: شكرا مهاب🥹
مهاب: وحضري حالك لترجعي لهون مرة تانية
شغف هزت براسا بسرعة وفعلا تاني يوم فاقت الصبح واخدت دوش ولبست بنطلون اسود عريض مكسر وكنزة بيضة وبوط ابيض وتركت شعرا مفرود
نفتح الباب وفات
شغف: مهاب دق الباب ما بصير تفوت بهالطريقة هي
مهاب: مرتي انتي واذا فتت هيك
شغف: مهاب خلينا ننسى الشي يلي عشنا ونعتبر قصتنا بلشت من وقت تطلب ايدي من عمي شو قلت
مهاب قرب وباسا ع شفافا: انا موافق
شغف: مهااااب شو تفقنا
مهاب: خلص خلص عتبريا اول بوسة باخدا منك
شغف: مو معقول انت
بفوتة نايا
نايا: صباح الخير عصافير الحب ليش بالغرفة لحالكن؟
مهاب: نايا فيكي تنخرسي شوي
نايا: ههههههههه تكرم اخي لح انخرس
شغف: كلكن رايحين معي مو؟
نايا: اكيد لح نروح كلنا
شغف: يااااي شكرا الكن بس ما بعرف متوترة
مهاب: حبيبتي ما دام انا معك انسي التوتر والخوف نهائيا
شغف: الله يخليلي ياك
المهم خلصو فطور وطلعو الكل بالسيارات والمرافقة وبطريقن لعند اهل شغف
بعد ساعات وصلو لانو كان في مسافة طويلة لانهن بغير مدينة وصلو للبيت ونزلت شغف من السيارة ونزلو الكل من السيارات
وكل يلي بالحارة نصدم وقت شافو شغف
بهاد الوقت كان علاء جاي عند عمو ابوها لليليان ونصعق وقت شافا
بقلمHanen
....... يتبع.........
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`