الفصل 11
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم فتاة الزعيم`*
*❴🔢❵الـــبـــــــــــ❴1️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
عنوان القصة
#فتاة الزعيم
Hanenبقلم
البارت الحادي عشر
مهاب: يالله بس لا تبكي اذا خسرتي
شغف: 😒😒😒مغرور
مهاب: يالله لا تضيعي وقت مشت شغف لمربط الخيل
شغف: اسد بيك بتسمحلي استعار فرسك
اسد: على حسابك
مشت وفكتو ومسحت عراسو وطلعت على ضهرو ومهاب كذلك الامر بفوتة رفقاتو
راكان: يا حبيبي شو باهن هدول
ايهاب: منافسة
راكان: ههههههههه هي الفصعونة بدا تنافس هاد الجحش
ايهاب: هلق بتشوف قدرات هالفصعونة
شغف عم تطلع على مهاب نظرات تحدي وبدا تكسر راسو مشان الحكي يلي حاكاها يا الصبح
ايهاب: انا الحكم
شغف/مهاب: ماشي
ايهاب: 1/2/3
ونطلقو بأقصى سرعتن
مهاب نصدم لكمية المهارة يلي عندا كانت عم تطير عن ضهر الحصان وترجع وشعرا طاير وراها يعني بإختصار اجمل فارسة بتقابلا بحياتك
راكان بصوت عالي ومشجع: يالله شغف خسري لهالمغرور وكسريلو انفو يلي رافعو للسما يالله شغوف رفعيلنا راسنا
سيف: واحد بشجع رفيقو ولاك
راكان: انا دائما بحب شجع البنات يا اخي هيك الله خلقني
نايا: يالله شغف خسريه
رقية: اخوكي ما بيخسر بركب الخيل مستحيل حدا بهزمو
نايا: شوفي لحد هلق ما قدر يسبقا
بعد منافسة شرسة بينن واخيرا كانت النتيجة تعادل
راكان: برافوووووو ما سمحتيلو يهزمك
شغف: مو شغف يلي بتتقبل النتيجة
سيف: بس ما فزتي
شغف: ما تنسى انو متصاوبة من اسبوع
سيف: صح بهي معك حق
مهاب: انا تساهلت معك انتي ما بيطلعلك معي
شغف بعصبية: ليك ولا مغرور لا تعملي فيا الشخص يلي ما في متلو فهمنا بقى لسا ما شايف غير حالو بالكرة الارضية
مهاب: خرسي ولا تعلي صوتك
شغف: حابة اهزمك بأيا شي
مهاب: تسؤ ما بتقدري
شغف: تنافس مرة تانية
مهاب: بركب الخيل يعني؟
شغف: لاء هالمرة بالتصويب
مهاب: هه انتي ما بتعرفي انو لقبي القناص
شغف: ما بهمني شوممتازةشو قبلت ولا خايف تدوق طعم الهزيمة
مهاب: قلتلك مهاب الزعيم ما بيخسر
شغف: طيب خلينا نشوف
مهاب: ما شي
اخدت مسدس اسد وخرطشت ووجهتو عراكان
راكان: الله يشلك مو انا يا حمارة ما دخلني
شغف: اذا لح تتحرك لح صوب بنص راسك
راكان: يلعنك كلبة لك هي سيف وميار وايهاب واسد والكل مالقيتي غيري انا هالدرويش المعتر تقوصيني حرام عليكي خافي الله فيني يبنت
شغف: خراس العما شو بتلعي
كانت سيجارة راكان بأيدو نزلت المسدس على ايدو وغمضت عينا بدقة شديدة وضربت كان الكل متخيل انو يكون الزلمة الله يرحمو بس تطلعو عالسيجارة يلي بأيدو وكانت طايرة من ايدو
نصدم الكل من دقتا بالتصويب
ايهاب: لاا انتي مو طبيعية
راكان: الله لا يسامحك فكرت حالي متت قلت حرام روح ولسا لا لقيت شريكة حياتي ولا شفت ولادي ولا احفادي
تطلعت شغف بمهاب
شغف: شو رأيك
مهاب: هلق رأيي انك ممتازة
تطلع على سيف وبتسم
بتسم سيف وعملو دائرة صغيرة بين السبابة والابهام👌ليطلع مهاب الرصاصة من بين اصابعو
تطلع لشغف وغمزا: شو رأيك
شغف: برافو ممتاز بس وانا فيي جيبا متلك
رفع مهاب ايدو متل سيف دائرة صغيرة بسبابتو وابهامو👌وعنجد شغف جابتا بنص ايدو
مهاب: برافوووو
شغف: اي لكن لتعرف صار دورك بالسيجارة وكانت السيجارة بأيد دانيا وعم تدخن ليتطلع لناحا ويبتسم
دانيا بخوف: لي عم تطلع عليي؟
مهاب بدون ما يحكي رفع مسدسو وضرب رصاصة لتصيب السيجارة يلي بأيدا وهديك واقفة وجافلة من الخوف
شغف: برافوووو هلق بعترف اننا تعادلنا
راكان: يلعنك شو طلعتي داهية
شغف: ما بتتذكر الشبين عمو البياع
راكان: خرسييي العما ما عاد عليي غير حضرتك
شغف: حكيت شي غلط مو كنت اشتري من عندك بسكوت كل يوم
راكان: يلعنك كلبة خرسي العما شو فضيحة
شغف: ههههههههه بس كانو البسكوتات طيبين ها🤣
راكان: يقطع عمرك كان ناقصني مهاب تاني
ميار: خرسو انتو التنين لسا عم تتخانقو متل الولاد الصغار
راكان: ما شايف هالفصعونة عم تتنمر عليي
نايا: ما عم افهم شي بياع شو؟
شغف: اول ما تعرفت على عمو راكان كان بياع بسكوت جنب المدرسة
راكان: خرسي ولحقا وهية تركد
نايا: هههههههه راكان بياع بسكوت
راكان: خرسي انتي التانيه
شغف: خلص خلص سكتت
ميار: بالمناسبة بما انو الكل موجود الخميس الجاي عرسي
مهاب: مبروك جوازة الدهر يارب
ميار: الله يبارك فيك عقبالك
دانيا: ما بتعرف انو متزوج كيف بتقلو عقبالك
ميار: مبلا بس بحكم العادة خربطت وطلع على مهاب وغمزو وبتسمو تنيناتن
باركولو الكل
رقية: اليوم الكل جايين يباركو لمهاب بعرسو خليكن انتو كمان
راكان: ماشي خالتي شو ورانا
راكان لميار: بعيلة مرتك وعيلتك في بنات حلوين
ميار: نشالله بعدمك انت كل شي بتسئل عالبنات
راكان: اسألك عالشباب مثلا
ميار: لا انت خراس ولا تسأل فاتو الكل عالصالون لانو بلشت تمطر
نايا: شو بتحبي تعملي بهي الاجواء؟
شغف: بحب كون بمكان هادي وصوت المطر يكون عالي وانا عم اشرب نيسكافيه وعم اقرأ شي كتاب او رواية
نايا: واااو متلي عينا تعالي فرجيكي المكتبةمشيو تنيناتن وفاتو على مكان كبير وكلو كتب اضائتو خافتة نوعا ما وكان المكان بجنن بكل معنى الكلمة
شغف: ياالله مأحلا هالمكان عنجد بجنن وقعدو يتفتلو بين الكتب
نايا: بس نكون فاضيين منجي لهون لانو اليوم بدن يجو العيلة
شغف: ماشي طلعو وقعدو بالصالون يحكو
دق الباب فتحت الخدامة فاتو العيلة وسلمو عالكل وقعدو (هشام وبناتو ما اجو)
ميرال قربت من شغف
ميرال: ياروحي كيف ايدك صارت
شغف: لا الحمدلله انو الرصاصة كانت سطحية يعني ما خترقت العضم
ميرال: الحمدلله
كلن باركو لمهاب وتطمنو على شغف
جهاد: اما شو بطولة يعني عنجد أنتي اسطورة يا بنت
شغف: لا ولو لا تبالغ مو لهالدرجة
قعدو يحكو يكرو
ليان: تعو نلعب
نايا: شو نلعب؟
ليان: اممممم تحدي او صراحة
لين: اي امانة
شغف: انا ما عندي مانع
ميرال: ولا انا
نايا بعياط لانو ريتاج بعيدة شوي: ريتاج تلعبي
ريتاج: يبعتلك حمى انا بدي العب هاد الناقص
نايا: لك اي شو فيا تعالي كلنا لنلعب
ميرال: وانتي مرح تعالي لعبي
مرح: هاد الناقص اجي العب(مرح مرتو لجهاد يعني مرت اخوا لميرال)
ميرال: لك ايي ليش مكبرين الموضوع انتي وريتا يعني شو فيا
راكان: وصغر منك الها عمركن هالعمر وبدكن تلعبو تضربو مجنين
شغف: عندك مانع ليكون
راكان: لاء ما عندي
شغف: كتير منيح لكن سمعنا سكوتك
قربو كلن وجتمعو حد بعض
دانيا: وانا بدي العب
شغف بهمس: اكلنا هوا
قعدو كلن وتفقو انو يلي ما بجاوب او ما بنفذ التحدي لح يوقعو بالمسبح والجو كان كتييير برد
المهم من اول دق اجت بين شغف ودانيا
شغف: تحدي او صراحة
دانيا بمياعة: لا يو ما بحب الصراحة تحدي
شغف: حلو امممممم شو بدي اتحداكي(طبعا كانو حد الشباب يعني في بينن مسافة صغيرة)
حكت راسا وهية وعم تفكر وحكت: اي لقيتا بتحداكي انك تنسحبي من اللعبة
دانيا: نعم بس لسا ما لعبت
شغف: خلص مو مشكلة هلق بتعمليلك شكة بالمسبح بهالبرد وبيمشي الحال وبتكفي لعب
دانيا: طيب تمام انا نسحبت نترت حالا وطلعت على غرفتا
ريتاج: منقول عن نايا كلبة طلعتي اكلب منا
شغف: مو بأيدي مبحبا
نايا: مين بحبا يقطع عمرا
ميرال: برافوو عجبتيني
شغف: اي لكن😌
راكان: انتي داهية يا بنت
شغف: ههههههه انااااا اعوذ بالله
نايا: كفو كفو لعبو كذا دق
اجت بين ميرال وشغف
ميرال: تحدي او صراحة
شغف: امري لالله صراحة
ميرال: اممم حلو طيب ايمت اول مرة دق قلبك
شغف: اول ما خلقت بتصور كان قلبي بدق
ميرال: لك يقطع عمرك يعني قلبك دق كيف بدي اشرحلك يعني ايمت اول مرة حبيتي حدا
شغف: قولي هيك من الاول
ميرال: اي هاد يلي بدي اوصلو
شغف: حبيت ماما وبابا
ميرال: يعدمني ياكي شو مستفزة
شغف: لوين بدك تصلي😉
اذا قصدك انو يلي ببالك فأنا ولا مرة حبيت حدا رتحتي
ميرال: انتي كنتي فهمانة عليي من البداية؟
شغف: مالي غبية لهالدرجة لما افهم
ميرال: ااااا يعني انتي على اساس ولا مرة حبيتي حدا
شغف: يمكن لا
ميرال: كذابة
شغف:ليش لكذب؟
ميرال: ما لحل عنك لتجاوبي بصراحةوالا والله لح قوم واشحطك للمسبح ها
شغف: انتي شو دليلك اني كذابة ما معك دليل
ميرال: بس بعرفك كذابة بدك تحكي تفقنا عالصراحة
شغف: وانا جاوبت بصراحة اصلا انا بكره كل هاد الجنس منيح
ميرال: ومع اني بعرفك كذابة بس ماشي كغو لعب
لعبو كلن وصارو يسألو بعض ويتحدو بعض
اجت بين ريتاج ونايا
ريتاج: سمعينا صوتك غنيلنا بعرف صوتك حلو
نايا: طيب ماشي شو بدك تغني شو اي لقيتا جابت المايك وبلشت تغني
انا العاشق لعينيك
برب العشق فارحمني
وخذ بي بين يديك
نبض القلب اسمعني
وضمد جرحي الدامي
ومني اليك فأخذني
وشافي مر علقمك
حيث الشؤم يحملني (2)
وداويني ببعض الحب
طمئني وصبرني
وخذمني ياروح القلب
صدق ليس يشغلني
او حتى فخذ بالروح
حطمني واخبرني
بأن القلب منك ملك
لغير عنك ابعدني
خذ لكل قسوتك
لكره منك وتركني
فلا ادري مابال القلب
مني اليك يهجرني
وخياره حصار انت
اراها روحي ترمقني
تقول بكل قسوتك
لغيرك سوف تقتلني
اراني اذوب ياعمري
ولا ادري ما يجبرني
نيران فتشعلني
ودمع الذات يغرقني
وانت اراك تأسرني
مني اليك تسرقني
اراني اذوب يا عمري
وليس سواك ينقذني
اراني اذوب يا عمري
ولا ادري ما يجبرني
نيران فتشعلني
ودمع الذات تغرقني
وانت اراك تأسرني
مني اليك تسرقني
اراني اذوب ياعمري
وليس سواك ينقذني
شغف: برافو نيوش صوتك حلو ما كنت بعرف ولا مرو سمعتك
نايا: شكرا... سمعينا صوتك
شغف: لا ما بدي
نايا: امانة بس غلاظة غني
شغف: ما بدي بخجل غني قدام الكل
نايا: امانةة غني واذا شو فيا يعني
شغف: طيب شو بدي غنيي شو اي لقيتا اخدت المايك
عيناه والروح سواء
عهد العاشقين وفاء
يا اصما عن النداء
والوعد رياء
عيناه والروح سواء
عهد حب فيه وفاء
قلب اصم عن الهوى
والبعد شاء
اذا نسيت عهود القلب
تذكر انك من اساء
جاء الي معتزرا
ولكن بعد ماذا جاء
عشقت هواك فعلمي
كفاك هجرا يا ظالمي
تباريح ثغرك في دمي
لانك وحدك قاتلي(2)
عاشق قد خان الهوى
وحبيب وعد وغدر
الى اين يا قلب اجب
الى متى سنبقى ننتظر
جميعنا في البداية رائع
وفي الختام الكل انكسر
الا هل من حبيب هنا
سقط القناع اللغم انتشر
عشقت هواك فعلمي
كفاك هجرا يا ظالمي
تباريح ثغرك في دمي
لانك وحدك قاتلي(2)
ميرال: عم تقولي لنايا صوتك حلو اي سمعي صوتك احلا من صوت نايا بميت مرة
نايا: عنجد كسحتيني ههههههه
شغف: صار دور الباقي سمعونا صوتكن
ريتاج: انا صوتي مو حلو ابدا
ميرال: انا صوتي بقرف كتير
ليان: انا اذا بغني بتخرسوني
لين: وانا متلا
مرح: وانا متلن
شغف: طيب ليش بس انا ونايا مو عدل
نايا: صح
طبعا الشباب سامعين صوتن لانو مو بعاد
راكان: اي شو هاااد شو هالصوت نيوش من ايمت بتغني وانت شغوف
نايا: انا من زمان بقولو صوتي حلو
شغف: وانا متلا عندي حنجرة جوهرية وشكل جوهري الحمدلله
نايا: +1
ميرال: اي انتو شو رأيكن تسمعونا صواتكن
ايهاب: نحناااا
ميرال: اي شو رأيك مهاب غني لنسمع صوتك
مهاب: نعااااااام شو تفضلتي
ميرال: اي سمعنا صوتك شبك تكهربت
راكان: ههههههههههه لا اوعكن اذا بتسمعو صوتو بتصيرو بتقولو نيال الاطرش
ايهاب: اي بشرفي هيك بتقولو🤣
مهاب: خراس منك الو
ورد: اي عنجد يعني هوة صح انو صوتو متل الديك يلي عم يتعلم عالصياح بس عيب التنمر
مهاب: وانت خراس على اساس صوتك يلي بجنن قسما بالله اذا سمعتك عم تغني لح انطرش
ميار: خلصنا ولو العما شو صرلكن غني انت راكان
سيف: برأيي لا حدا يغني لانو عنجد صواتكن نشاذ كتير
اسد: وانا متلو
راكان: وانت يا صرماية ليش مين اخد رأيك اصلا انت بدك توقف بطريقي للنجومية مشان ما صير نجم مشهور وما ارضى وقعلك وقت تلحقني بس انا ما لح اسمحلك تدمر الموهبة يلي الله عطاني ياها ولح غني هاتي هالمايكريفون من عندك لقلك
نايا: خود سمعنا
راكان: هاتي
لي بتقصر تنورة لي بتقصر تنورة
تلحقها عيون الشباب اييييي
هية بحالا مغرورة
بتمشي وبتهز بخصرا
وكان ملكة عصرا
وللي ما يحب النسوان
الله يبعتلو علة
وانا شخصيا نسونجي نسونجي
والتوب النيلي
بس ضلي مقابيلي
والتوب الازرق
قلبي بيتحرك
شغف: الله يشلك شو هالصوت
نايا: امانة خرااااس
ميرال: راكان شكرا على صوتك النجومي بس خلص سكوت الله يحفظك لامك
راكان عم يغني ويفوت بغنية ويطلع من التانية ويخبص وهوة وعم يعيط عياط ويشوبر بأيديه يمين وشمال
مهاب: الله يشل هالصوت والنجومية تبعك كرمال الله خراس
اسد: هيييي لك خراس بقى العما صوتك متل الجاروشة الله ياخدك
سيف: قلتلي بدك تصير نجم لكن اي صرمايتي بتصير وانت ما بتصير
ميار: هاد فاصل فات بالحالة اذا ما قام حدا خبطو قتلة ما بيخرس
جهاد: لك خراس يازلمة خراس الله ياخد النجوم لاجلك
راكان: هاللذة العجيبة
مش عاجبها اتيكيتي
يؤبش حبيبي يؤبش
متل الفستق عم يقرش
نقشت مع كل الشباب
ومعي ما كانت تنقش
مهاب: والله لالعن ابوك ع***
قام لعندو وسكرلو تمو بأيدو
راكان عضلو ايدو
مهاب: يا ابن الكلب هيك عم تعض انا بفرجيك
راكان: لكن يا محترم عم تسكر تمي
مهاب: ما خلصت تحشيش ولا جحش
راكان: انا كنت عم غني كوكتيل يا فهيم
مهاب: الله يشلك انت والكوكتيل سوا اي
راكان: انت غيران مني انا بعرف
مهاب: يلعنك على شو بدي غار
اسد بمسخرة: على صوتو الجوهري وحياة الله ما تكون امك يلي هية امك لتقوم تضربك بكعب كندرتا على راسك تلعن ابوك على هالصوت
راكان: هه من وانا وصغير كانو كل البنات يلحقوني ويقولولي غنيلنا
ايهاب: والله يا صاحبي عندك صوت ولا حدا بالكرة الارضية بيحسدك علي
مهاب: يا زلمة صوت البقرة احلى من صوتك بخمسميت مرة
راكان: اذا بفكركن انو انتو لح تأثرو على موهبتي بالغناء بتكونو غلطانين
مهاب: عقبال ما يأثر على عقلاتك جني اكتر مالو مأثر
مضي نهارن على ضحك وجنان
راح كل مين لبيتو
ومر اسبوع وهنن عم يمضى وقتن بشكل روتيني بس يلي تغير انو صارو نايا وشغف يمضو وقتن بالمكتبة
اجا يوم العرس لبست شغف افرول اسود وبنطلونو عريض وتحتو قميص ابيض وكندرة عالية سودا وربطت شعرا دنب حصان وحطت بخة خفيفة من المكياج
ونايا لبست فستان لونو اسود لحدود الركبة ديق عقد الجسم وسكربينة سودا وبخة مكياج وتركت شعرا مفرود على ضهرا
ريتاج: اخدت فستان طويل احمر ناري ديق وكندرة من لونو وحطت مكياج خفيف
دانيا الزفت لبست فستان ابيض قصير كتير وقطع وفاضح اكتر ما يستر مكياج تقيل وشعرا متل الغولة
فاتو عالصالة وكانت بتجنن قعدو يحكو سوا فجأة نطفت الاضواء وحطو غنية هادية ونزلو العريس والعروس وهنن ماسكين ايدين بعض وابتسامة خفيفة نرسمت عوجهن وكانو بجننو عنجد وبلش يعلا صوت التصفيق والتصفير قعدو مكانن وقامت العروس ترقص وكل البنات طلعو يرقصو معا
نايا: قومي رقصي معي
شغف: مستحيل
نايا: ليييش
شغف: مستحيل ارقص ولي هاد الناقص
دانيا: تعالي نايا انا برقص معك
نايا: لا خلص اذا شغف ما طلعت انا ما بطلع
دانيا: ماشي تعي ريتاج
ريتاج: مابدي بخاف عالبيبي(نسيت قلكن ريتاج حامل بالشهر الخامس)
دانيا: طيب انا طالعة لحالي طلعت وبلشت ترقص وكأنها رقاصة
شغف: ييي الله لايوفقك نايا انتي متأكدة انو مرت اخوكي ما بتشتغل رقاصة
نايا: لا والله ما متأكدة ابدا
خلصت الغنية وحطو بعدا غنية رومنسية والكل قام يرقص الا ايهاب وشغف يلي ضلو متل المرة الماضية
ايهاب: تقومي نقلدن
شغف: لا دخيلك لانو مجرد ما حطيت ايدك على خصري لا ارادي لح تلاقي كف اجا عوجهك
ايهاب: لا خلص بطلت
شغف: اي برافو
***********
سيف: نايا
نايا: اممممم
سيف: بدي قلك شي بس خايف تصديني
نايا: قول وانا بقرر
سيف: بدي قلك اني بحبك من وانت صغيرة
نايا حمرو خدودا وحكت: عنجد القلوب عند بعضا
سيف: قوليا الله يوفقك
نايا تطلعت بعيونو وحكت: بحبك سيف
سيف: ااااااخ بتعرفي قديش صرلي ناطر هالكلمة
نايا: هههه قديش
سيف: تقبرني هالضحكة يا سيدي ناطرا من اكتر من 15سنة
نايا: وانا كنت مستعدة قولا من 15سنة
سيف: اخ لو ما اخواتك هون لامسكك ودور فيكي
نايا: اصحك تعملا ها
سيف: مالي متهور لهالدرجة
خلصو رقص ورجعو كل حدا لمكانو ومضي العرس على خير ورجعو عالبيت
نايا حكت لشغف انو عترفلا سيف وفرحتلا كتير
ميار اخد عروستو وراحو شهر عسل عأوروبا
بعد شهر ونص
كانو قاعدين عالفطور
مهاب: انت ايمت طالع عالشغل
اسد: العصر تقريبا لانو هلق ما عندي شي
مهاب: امممم
شغف: الحمدلله تطلعت بنايا وحكت: بس تخلصي تعالي عالجنينة
هزت نايا راسا وراحت شغف اخدت قراطة الاظافر وطلعت قعدت عالمقعد يلي بالجنينة وصارت تقص اظافرا
طلع مهاب وكانت قاعدة
شغف بينا وبين حالا: اليوم ما نكدتي علي عيشتو ما بصير 😈😈
حطت القراطة بجيبتا الورانيةولحقتووصلو لعند الباب وهية لاحقتو ركد بس المفاجئو انو الحراس كانو بالارض وقت اجا مهاب ليطلع مسدسو اجت ضربة قوية على راسو افقدتو الوعي بس شغف كانت لتعيط وقت اجت محرمة على انفا
كان ايهاب طالع على شغلو وقت شاف سيارة مهاب والحراس بالارض وشغف مو باينة ركد لجوا
ايهاب: اسدددد تعال شوي
رقية: شو في ابني
ايهاب: ما في شي امي بس شوي شغل.. اسد تعال عاوزك
قام اسد وطلعو تنيناتن
اسد: شو في احكي
ايهاب سحبو من ايدو واخدو عند الباب الرئيسي ليشوف الشي يلي شافو
اسد بعياط: والله لالعن سلالتكن يا ولاد ال***
نايا بشهقة من وراهن: لا تقولو انهن نخطفو وتعبو عيونا دموع
ايهاب قرب منا: حبيبتي نايا لا تخبري حدا مشان امك وتطمني لح نلاقين اذا الله راد
نايا: وعدوني
اسد: بوعدك بس لا تخلي حدا يعرف مفهوم
هزت راسا ومسحت دموعا
اسد عمل اتصال وجاب طقم حراسة جديد بينما فاقو الحراس يلي غميانين وطبعا اسد كان ليصفين لولا ايهاب هدا وما خلا يعملا
بقلم Hanen
****يتبع****
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`