الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم فتاة الزعيم`*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
عنوان القصة
#فتاة الزعيم
Hanenبقلم
البارت السادس
اسد فايت عالمشفى شاف الشباب واقفين
اسد قرب من سيف وعم يعيط: شو صار مين تجرأ وقوص اخييي
سيف بقهر: لحد هلق ما عرفنا
ايهاب اخو التاني لاسد: كيييييبف
امو وهية وعم تبكي: خلص بكفي عياط اخوكن بين الحياة والموت
نايا اختو لمهاب بدموع: لا ياربي لاء الله لا يسامح يلي قوصو نهارت بالارض وصارت تبكي بهسترية
دانيا مرتو وبنت عمتو: لااا مين هيك عمل في
عمتو: اهدي حبيبتي اهدي
ميرا بنت اسد بدموع: يا الله لا تأذي لعمو
ريتاج مرتو لاسد: اهدي حبيبتي عمو بطل ولح يطلع منا بخير ان شاءالله
المهم كانت حالة الكل كتير صعبة
بعد ساعة طلع الممرض وهوة وراكد وفرحان
الممرض: دكتور دكتور بسرعة تعال
اجا الدكتور راكد والكل ركد عالممرض
اسد بعصبية مسك الممرض: احكي شو حالتو احكيييي
الممرض بخوف: الحمدلله وضعو تمام فاق من الغيبوبة بس لساتو تحت تأثير البنج
بتسم الكل وكأنو نردتلو الروح ركد سيف عالارض ويجد سجدة شكر وهوة وعم يبكي
طلع الدكتور وهوة وعم يهنين بسلامتو
اسد: ايمتا فينا نشوفو
الدكتور: لح نطالعو من غرفة العمليات لغرفة عادية وبعدين فيكن تشوفو
هز راسو اسد: شو ناطرين بسرعة طلعوووو
هز راسو الدكتور
تتكرم يا بيك
فاتو الممرضين وطلعو لغرفة عادية
فاتت امو لعندو وقربت منو
رقية امو لمهاب بدموع: يا حبيبي مين عمل فيك هيك ياعيون امك
مهاب بتعب: لا تخافي امي انا منيح يا حنونة
رقية: ليش ما سافرت معنا هي اخواتك
مهاب: عندي شغل ما بقدر اتركو وسافر
رقية: واخواتك كان عندن شغل
مهاب: ايهاب كان عندو مصالح واسد عندو مرة وبنت
رقية: وانت عندك مرة شبك
مهاب عصب وقت سمع سيرتا وعيط: انا ما مليون مرة قلت مالا مرتييييي خلص بكفي تقولو مرتك ومرتك بكفيييييي ومسك جرحو وصار ينزف فاتو الكل على صوتو والدكتور كمان
رقية بدموع: خلص حبيبي خلص لاتعصب انت وكلشي بصير يا عيون امك
اسد: شبك اخي شو صار
مهاب بوجع: مافي شي
قرب الدكتور منو
الدكتور: الكل لبرا اذا سمحتو مالاذم يعصب ابدا
طلعو لبرا ضلو اسد وسيف
مهاب لاسد: حملو حالكن وروحو عالبيت تعبانين من السفر انا منيح
اسد: انا بذات نفسي لح حقق بالموضوع ولح جيب يلي عملا
مهاب: لا تعزب حالك يلي قوصني حدا كتير بخصني
اسد رفع حاجب ونزل التاني: بخصك؟.. ليكون متزوج وخايف تحكي ياولد اذا متزوج قول انا بساعدك
مهاب بضحكة مسخرة: انا لح خاف منك لانو
(طبعا كل هالحكي والدكتور عم يغيرلو عالجرح)
خلص الدكتور وطلع هوة واسد
ضلو سيف ومهاب بالغرفة
سيف واقف وعم يطلع على مهاب...... ركد لعندو وضمو وصار يبكي
سيف: يا واطي ما بتعرف قديش خفت عليك
مهاب وبادلو الضمة: ايييي يخربيتك بعد عني ليقوم حدا يفوت ويفهمنا غلط🤣🤣
سيف: يا جحش هيك بتخوفنا عليك
مهاب: بعد عني ولاك الجرح ياحيوان
بفوتة راكان وميار
راكان: ياحبيبي انتو ضامين بعض ونحنا برا عم نتفلفل تضرب منك الو اي
سيف: ولييييي علقنا بلسانو
ميار: الحمدلله عالسلامة شريك
راكان: لو تشوف كيف كان سيف عم يبكي وكأنو شي طفل صغير وحدا خابطو قتلة🤣🤣 ومو بس هيك والزلمة صار فيو دين راح صلى ودعالكو والله
سيف: خراس راكان اي احسن ما العن يلي نفضك
راكان: خلص تمام سكتت
مهاب: شيلونا من هالسيرة شغف وينا
راكان: هربت
مهاب: كييييييف لك كيف بتهرب هالحيوانة والحراس
حكولو الشباب كل شي
مهاب بصدمة: قتلتا😳😳
سيف: اي ضربتا بنص قلبا
مهاب: مالاذم اهلي يعرفو شي مفهوم
سيف: لا تاكل هم من هالناحية
مهاب: غرفتي يا شباب اهلي مالاذم يفوتو غرفتي
سيف: شيلنا من هي ليش شغف قوصتك
مهاب: ما دخلكن
راكان: بالله
مهاب: والله ليكون ما عجبك
راكان: لا ما عجبني
مهاب: اي لصرمايتي لا يعجبك
راكان: العما مأحقرك يازلمة
مهاب: بتجيبولي ياها من تحت الارض فهمانين
سيف: وين بدنا ندور عليها
مهاب: ما بعرف بس بدي ياها
ميار: شو بدك فيا يا اخي تركا اذا هي المرة ما قتلتك رصاصتا يمكن المرة الجاية تقتلك
مهاب بعياط: بتجيبوا من تحت الارض هي البنت صارت بتخصني بتعرفو شو يعني بتخصنييييي
راكان: اي انا بقطع ايدي اذا هالصبي مو عشقان
مهاب: اي وعشقان انت شو خصك ليكون بدي آخد رأيك اذا بدي اعشق
راكان: اووووووو سجل ياتاريخ مهاب عترف واخيرا عترف انو عشقان وصفر🥳🥳
سيف: نحنا بمشفى يا محترم
راكان: من الفرحة طلعت معي
سيف تطلع بمهاب: انت عنجد عم تحكي
مهاب: وليش لامزح
سيف: انت زلمة متزوج
مهاب عصب كتير: حاج بقى تزكروني بجرحي مالا مرتي عم تفهمممم مالا مرتيي وصار ينزف جرحو
ركد سيف علي: خلص ماشي اهدا مالا مرتك تمام ولح نجيب شغف انت بس رتاح
هدي مهاب وحكى: اهلي مالاذم يفوتو غرفتي قلو للدكتور انو بكرى الصبح لاذم اطلع من هون
سيف: بس ما بصير لاذم تبقى هون عالاقل اسبوع
مهاب: قلت بكرى لاذم اطلع
هز راسو سيف وحكى: تمام
***************
نزلت لتحت كانو عم يتعشو
ام عمر: بنتي تعالي كلي
قربت شغف وقعدت اكلت كم لقمة ورجعت لورا
ام عمر: يووو لسا ما اكلتي شي
شغف: والله الحمدلله شبعت
ام عمر: تسلميلي لاذم تاكلي منيح
شغف: والله انا هي اكلتي ياخالة
ام عمر: براحتك حبيبتي
شغف: بدي احكي بس خجلانة لتدايقو مني
ام عمر: احكي حبيبتي احكي
شغف: بدي شوي تياب اذا في مجال
ام عمر: تكرم عينك وانا بكرى بدي انزل عالسوق بتنزلي معي
شغف: ما بتصدقي ياخالة قديش ساعدتوني والله يلي متلكن قلو كتير
ام عمر واب عمر: تسلمي
************
تاني يوم
بيرجع عالبيت غصب عن الكل وبيطلع لغرفتو فورا بتكون على حطة ايدو بيرتاح بقرب على خزانتو وبيقفلا وبنادي لنايا بتططلع نايا بتفوت لغرغتو بتنصدم
نايا: ليش هيك غرفتك😳😳
مهاب: دقي للخدامة تجي تنضف الغرفة
نايا: اخي هي غرفة ولا مسلخ ليش هيك الدم عالارض وبعدين ليش هيك ريحة الغرفة زنخة
مهاب: لانو تقوصت هون
نايا: طيب لح دق للخدامة وخليها تجي
مهاب: ماشي
نايا: اخي بدي اسئلك
مهاب: شو بدك
نايا: ليش غرغتي منكوتة والدوج متوحين
مهاب بتجاهل: بس تجي الخدامة خبريني وهلق طلعي بدي ارتاح
هزت راسا وطلعت حكت مع الخدامة واجت نضفت غرفة مهاب وما سمحلا تقرب من الخزانة نضفت الغرفة وراحت
***********
بعد مرور اسبوعين
واقفة شغف بالمطبخ وعم تغلي قهوة وتغني (طبعا كانت بتعرف انو مهاب عايش) حست على ايد لتفت على خصرا
لتفتت ونصدمت
***************
مهاب: انا اليوم لانزل عالشغل
اسد: لسا بكير لاذم ترتاح
مهاب: ما بكير صرت منيح
اسد: طيب متل ما بدك
طلعو تنيناتن عالشغل
************
راكان: وبعدين ما عرفنا شي عنا هي صرلا اسبوعين مختفية وهداك مجحش وراسو والف سيف الا بدو ياها شو نعمل
ميار: ما بعرف هي ما خلينا مكان وما لقيناها في
سيف: هاد مهاب جن عالآخر
راكان: اي وشو نعمل
سيف: ما بعرف
فات مهاب وقعد على مكتبو ورفع رجلي عالمكتب
ميار: وينو اسد
مهاب: عندو شغل هوة ومراد
هزو راسن
مهاب: شو صار معكن
سيف: ما لقيناها
مهاب: ومسميين حالكن مافيا وانتو شقفة بنت ما عم تعرفو كيف تلاقوها
راكان: لاقيا لحالك يا مافيا انت
مهاب: اي لح لاقيا
راكان: شو ناوي تعمل فيا اذا لقيتا
مهاب: مافكرت
ميار: بس انا متأكد انو مقوصتك مشان سبب مقنع
مهاب: لا تدخلو
**************
شغف بخوف: ممممين انت ببعد عني تملو عيونا دموع وعم تحاول تفك حالا منو وما عم تقدر
مجهول: انتي مين يا حلوة
شغف: اااا ااناا انا انا بس بعد عني اذا سمحت
مجهول: يقبرني العيون الخضر لاجلك
شغف بدموع: ببببترجاك فففلتني الله يخليك
مجهول: غمازاتك طبيعي ولا عملية
شغف: عم قلك فلتني الله يوفقك
مجهول: انا بحياتي ما شفت هيك شعر انا بحلم اذا عم احلم لا حدا يفيقني
شغف بعصبية: بعد عني بعد ولاك
مجهول: ولييي لك يقبرني العصبي ايي
سمع صوت ورا
ام عمر: ابني شو عم تعمل بعد عن البنت تركا وركضت لورا ام عمر وتمسكت فيا وهية عم تبكي
عمر: اهلين امي كيفك قرب ومسك ايدا وباسا وحطها على راسو
ام عمر: أهلين حبيبيشو ايمتا رجعت
عمر: هلق رجعت وتطلع على شغف
عمر: مين الحلوة
زورتو شغف وحكت بعبوس طفولي: خالة هاد ابنك قليل ادب
ام عمر: ابني هي ضيفة عنا اصحك تدايقا
عمر بخبث: لا ليش لدايقا
طلعو وقعدو بالصالون وشغف طلعت لغرفتا وقفلت الباب على حالا
شغف بينا وبين حالا: انا مالاذم ابقى هون ولا ثانية بعد هلق ما لح اقدر ضل عايشة هون ابدا
لاذم ارجع عند مهاب عالقليلة هوة تعودت علي بس ياترى لح يستقبلني بعد يلي عملتو... اي هوة يلي خطفني هوة يلي بيتحمل اي هوة بيتحمل
تاني يوم الساعة ستة الصبح اخدت دوش وطلعت لبست افرول اسود وتحتو قميص ابيض عريض شوي وربطت شعرا دنب حصان ولبست بوط ابيض واخدت تيابا بشنتاية وطلعت
الحارس: لوين يا آنسة
شغف: المدام مبارح سمحتلي اني امشي فيك تروح تسألا
الحارس: خلص لاء ما في داعي بس وصل سلامي لام عمر واب عمر ما حبيت ازعجن تركتن نايمين
الحارس: تكرمي آنسة لح خلي الشباب يوصلوكي
شغف: لا ما في داعي ما بعيد البيت شكرا الك
مشت من نفس الطريق يلي اجت منو
ضلت ماشيه شي ساعة شافت القصر رتاحت نوعا ما
وقفت قدام الحراس
شغف للحارس: فتاح الباب
الحارس: عفوا
شغف: شو ما بتسمع فتاح الباب
الحارس: شو اذا حلوة فكرك خليكي تفوتي لا مافي فوتة
شغف: الظاهر انك حيوان وما بتفهم
الحارس: معنا اوامر انو ما نفتح الباب لحدا الا اذا كان شخص منعرفو
شغف بعياط: عم قلك فتااااااح
الحارس: يا آنسة لو سمحتي امشي من هون بلا مشاكل
كان ايهاب عم يحكي تلفون بالحديقة وسمع عياط مشي لناح الحراس
ايهاب: شو عم يصير
تطلعت في شغف ببرود
شغف بقلبا: مين هاد يا ترى
الحارس: معلم هي طريقة شحادة طالعة جديد نحنا منتصرف
ايهاب: عطوا يلي بدا يت ومشوا
شغف: شحادة يا حيوانات والله لندمكن
ايهاب: مين انتي؟
شغف: ما دخلك خلي الحراس يفتحو الباب ولا توجع راسي
ايهاب:طيب قولي مين لافتح
شغف: مادخلك
ايهاب: انتي عنجد قليلة ذوق
شغف: خليتلك الذوق لالك
واذ اجت سيارة سيف
سيف: شغف
شغف: اي انابدي فوت والحراس ما عم يدخلوني
(لانو مهاب كان مغير كل طقم الحراسة)
سيف: فتحو الباب
الحارس: حاضر معلم فتحو الحراس الباب وفاتت هية وسيف وهية وعم تمد لسانا وتلاوق الحراس
جرت شنتايتا وفاتت
ايهاب: اهلين سيف شو مين هي؟
سيف:هلق بتعرف بفوتو بكونو بالصالون عم يفطرو
رقية:اهلين حبيبي اجيت بوقتك
سيف: اهلين خالتي... في معي ضيغة
رقية:مين هية
سيف:فوتي شغف
سمع مهاب اسما وتشردق وصار يسعل
فاتت ووقغت جنب سيف
نبهرت رقية بجمالا
رقية:ما شاء الله مين هالصبية الحلوة؟
سيف تطلع لجهة مهاب
مهاب:خادمتي الشخصية
الكل:خادمتك؟
شغف بعياط:بالله خادمتك (دعسلا سيف على رجلا)وحكت بهدوء:اي اي انا بكون خادمتو😁
اسد:بس نحنا ما منفوت على بيننا مين ماكان
نايا:مزبوط اخي مولاذم ايا حدا
دققت شغف بملامحا وعرفتا بس ما حكت شي
شغف لسيف:مين هدول
سيف:اهلو لمهاب
شغف:امممممم
مهاب وعم يضيع السيرة:الساعة سبعة الصبح فنجان القهوة لاذم يكون بغرفتي
غرفتي دائما لاذم تكون مرتبة ونضيفة
بس ارجع من شغلي فنجان القهوة لاذم ينزرع بمكتبي
وغرفتك لح تكون الغرفة يلي بالحديقة
شغف بعياط:شو امرتتتتتت يالحديقة(دعسلا سيف على رجلا)رجعت حكت بنبرة هادية
اي تمام ماشي بالحديقة بالحديقة
مهاب:شو ما بحتاج بتنزرعي قدامي مفهوم
هزت براسا بمعنى اي
(طبعا الكل كان موجود عدا دانيا لانو كانت نايمة مع رفقاتا)
شغف:فيك تدلني على غرفتي اذا سمحت
مهاب:انا لح روح عالشغل قام وطلع وطلعت ورا شغف وسيف
شغف:شو يا افندي بالحديقة لكن انا بفرجيك
مهاب ببرود:اي بالحديقة وانا بفرجيكي ياحيوانة
شغف:لك يا ريت مصوبة على راسك ياريت بس
مهاب: خرسي ونقلعي من وجهي
شغف: ننننن يقطع عمرك مأغلظك
فاتت عالغرفة وكانت منكوتة بشكل مو طبيعي
شغف: الله لا يوفقك يا مهاب
رفعت شعراتا ورفعت عن زنودا وبلشت شغل طلع ايهاب كانت عم تنضف الغرفة
ايهاب: مين انتي؟
شغف: عندك مشكلة يالسمع شي؟
ايهاب: خرسي ولي كيف بتتجرأي
شغف: انا عم اسألك
ايهاب: انتي مو خدامة مستحيل تكوني خدامة
شغف: بس مع الاسف انا هيك
ايهاب: منين بتعرفي لمهاب؟
شغف: سآل البيك انا ما لح فيدك بشي
مشي ايهاب وهوة متجاكر من طريقة حكيا معو
طلع اسد بعد شوي
اسد: هييي يا بنت تعالي لهون
قربت شغف
شغف: تفضل
اسد: منين بتعرفي لمهاب من قبل
شغف: كأنكن عم تحققو معي مو؟
اسد صرخ بوشا: جاوبي عقد السؤاااال
شغف نقزت وقت عيط وحكت: مما بعرفو من قبل
اسد: ماشي انا بعرف بطريقتي
طلع وركب سيارتو ومشي
شغف: العما هاد مو بس هوة مجنون الحمدلله عندن الجنان وراثة بالعيلة
**********
فات سيف ومهاب عالمكتب
قعد مهاب على مكتبو
سيف: ليش هيك حكيت؟
مهاب: مالقيت غير هالكذبة بوشي
فاتو ميار وراكان
راكان: صباح الخير شباب
مهاب: منين بدو يجي الخير وانت موجود
راكان: خير شو عملتلك؟
مهاب: ولا شي بس بحب نكد عليك
راكان: ايواااا شكلك رايق ومفسوط شو السر يا ترى؟
سيف: اي لكن لقى حبيبة قلبو
ميار: بشرفك؟
سيف: والله
راكان: وكيف؟
سيف: هية اجت لحالا
ميار: ووين كانت
جلس مهاب قعدتو
مهاب: لك صح وين كانت كيف ما خطرلي اسألا
سيف: اليوم بتسألا بس بتعرف يا مهاب طلعت ممثل شاطر
مهاب: خراس هلق
ميار /راكان: ممثل شو؟
سيف: قال لاهلو انها خادمتو الشخصية
راكان بصدمة: وهديك ام لسان سكتتلو
سيف: لاء بس انا عرفت سكتا والا كانت فضحتو للافندي
نسينا نعرف عالشخصيات الجديدة
(رقية: مرة محترمة حنونو وقلبا طيب عمرا 55سنة
اسد: الاخ الاكبر لمهاب عمرو 35سنة بعيون سود وشعر اسود وبشرة حنطية طولو185بعضلات مفتولة بيشتغل متل مهاب مافيا
ايهاب: الاخ الوسط لمهاب عمرو32سنةبعيون عسلي وسعر اسود وبشرة حنطية وعضلات مفتولة وطولو183 ما الو علاقة بالمافيا نهائيا هوة لس صاحب شركة ادوية
نايا: البنت الصغيرة ودلولة الكل عيونا سود وشعرا اسود وسبل لسفل ضهرا طولا165 عمرا22سنة ماحدا بيرفضلا طلب
ريتاج: مرتو لاسد عمرا 30سنة حلوة وعيونا عسليات كبار وشعرا اسود طولو لنص ضهرا وبيضة وطولا166
ميرا: بنتو لاسد حلوة بعيون عسلي وشعر اشقر وبشرة بيضة وامورة كتير عمرا5سنين
آخر شي دانيا: مرتو لمهاب بشعة كتير للصراحة عيونا بني سمرا وشعرا عاملتلو لونو باللون الاصفر تقريبا عمرا 29 سنةطولا فارع175وعاملة عمليات نفخ لخدودا وشفافا وشكلا ما بدل غير على وحدة بنت ليل(ماحدا بيسترجي يحكي قدام اي حدا انو دانيا بتكون مرتو)
عمتو لمهاب: مرة انجس خلق الله وملعونة اكتر من بنتا عايشين معن لانو هي وصية ابوهن قبل ما يموت)
ضلت كل النهار عم تشتغل صارت الدنيا تمطر نبلت بالمطر وقميصا الابيض تحول لشفاف وما نتبهت على حالا نبلو شعراتا ووجها صار ينقط مي كانت خالصة الغرفة تنضيف وكانت طالعة من غرفتا وقت دقت بشي صلب رفعت راسا شافت مهاب وجنبو اسد شغف توترت
شغف: ااهلين يا بيك (كانو شفافا باللون الازرق ودقنا عم تنقط مي)
مهاب تطلع عليها وكيف جسما وحمرو عيونو واسد عم يراقبو مشي اسد وتركن
مهاب: ليش هيك شكلك
شغف: شبو شكلي
مهاب: عاجبك جسمك كيف مخايل كلو تطلعت على كتافا وصدرا وبطنا وكان جسما مخايل لانو كان الافرول متل البنطلون بس الو شيالات
خجلت وحمرو خدودا وحكت: ما كنت منتبهة
مهاب فوتي بدلي عالسريع هزت راسا بسرعة بتسم عليها وكفا مشي لجوا كانو الكل بالصالون
رقية: اهلين حبيبي طلاع بدل وتعال بكون العشا جاهز
هز مهاب راسو وطلع
بدلت شغف ولبست بجاما بيضة عريضة وعملت شعرا جدلة
نزل مهاب واسد سوا كانو الكل عالعشا طبعا ايهاب كان جاي
رقية: البنت يلي جبتا اليوم كل النهار عم تشتغل لح ناديلا تتعشى معنا
سكت مهاب وما حكى شي
اسد: هاد الناقص خدامة تاكل معنا
نايا: اي اسد معو حق
مهاب ساكت ومعصب
ايهاب: شبكن واذا اجت اكلت معنا ما فيا شي
ريتاج: اي والله ايهاب معو حق
عمتو: لاااا شو هالحكي الخدم طول عمرن بياكلو بالمطبخ
شغف كانت سامعة الحديث ومقهورة من قلبا
شغف: لا تتخانقو انا مالي جوعانة وما لح آكل معكن تطمنو
اسد: انتي كيف بتتجرأي تتنصتي علينا وليك
شغف: انا كنت واقفة وراكن وما كنت متخبية
رقية: حبيبتي تعي كلي تعبتي كتير اليوم
بتسمت شغف انو في حدا معبرا وبينو غمازاتا وحكت: لا خالتو مالي جوعانة
نايا: شو قلتي خالتوو حبيبتي هي الكلمة بتقوليها وقت بتكوني شخص عادي مو وقت تكوني خدامة
هزت راسا وحكت: ماشي نايا خانم
نايا: انتي منين بتعرفي اسمي
مشت شغف بدون ما ترد وكفت على غرفتا
وتسطحت على تختا وسمحت لدموعا ينزلو
بقلم Hanen
*****يتبع*****
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`