الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم غرام مختلف🥹✨`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
غرام مختلف ..
الجزء السادس ..
في الصباح الباكر ..
قمر غاطة بنومها بعد ليلة ما كان ممكن تنتسى بالنسبة لالها ، بيرن موبايلها وبتفيق ع الرنة ..
بترد بصوت منعوس : الو
رامي : بتعرفي انو هاي احلى الو سمعتها بحياتي ..
قمر بتبتسم وهي بعدها مسطلة : رامي هاد انت
رامي : ايه انااا كيف الك قلب تنامي ، مو مشتاقتيلي وحابة تشوفيني انا ما سدقت ويطلع الضوو ..
قمر جلست قعدتها : بس انو لسة بكير
رامي : لا مو بكير يلا مو قادر انطر اشوفك اكتر من هيك ، انا جاهز وناطرك بالسيارة مكان ما تقابلنا مبارح ..
قمر : ماشي ما رح اتاخر عليك
رامي : اساسا ممنوع تتاخري
قمر ابتسمت : حااضر
رامي : تقبر قلبي هالضحكة يلا ناطرك
قمر : يلا اقفل الخط خليني اجهز حالي
رامي بضحكة : مااشي
قمر قفلت الخط وقامت بحماس كبير فتحت خزانتها واختارت منه فستان زهر بارد قصير للركبة ، بدلت تيابها وتانقت وصارت جاهزة لحتى تقابل رامي ...
نزلت من غرفتها وتفاجات بوجود اهلها بالصالة بوقت مبكر .. اتلبكت بس حاولت ما تبين هالشي ..
قمر : صباح الخير
الجميع متفاجئ : صباح النور
علاء : خير ان شاءالله مو من عوايدك تفيقي بكير
قمر : رح ندرس شوي انا والبنات قبل المحاضرة لهيك
رائد : اهاا حكتيلي
قمر : ما بدي اتاخر يلا سلامات ... ما اعطت مجال لحدا يحكي وطلعت هرولة من قدامهم ..
قمر مع نفسها : اووف كانو قلبهن حاسس عم يحققو معي ...
كانت عم تمشي وتتلفت يمين وشمال ، ولما شافت سيارة رامي ركضت لعنده وفتحت باب السيارة وقعدت حده : صباح الخيير
رامي عم يتطلع عليها بكل حب واشتياق : صبااح الوورد والعسل والقشطة وكل الزواكي ..
قمر ابتسمت بخجل : يلا اتحرك من هون قبل ما حد يشوفنا ..
رامي بقي صافن فيها وبجمالها وما اتزحزح من مكانه ، لدرجة انو نظراتو خلت قمر تتلبك وتتكركب ودخلت ببعضها من الخجل ..
قمر : راامي ليش هيك عم تطلع فيني ؟
رامي : ماني مسدق انك قدام عيوني وبدي ملي عيوني منك ، فيي احلى من هيك قمر ممكن الواحد يتصبح بوجهه ..
قمر : عم تخجلني بكلامك وغزلك
رامي : اخجلي وادللي واعملي كل شي بدك ياه وانا حدك ..
قمر : ع وين رح نرووح
رامي : اول شي رح نعملو رح نفطر سوا اكيد ما افطرتي
قمر : لااء ما افطرت
رامي : اذن هاد اول مشروع لالنا ...
شغل السيارة واخدها ع مكان لحتى يفطرو فيه سوا ، بعد وقت قليل وصلو للمكان ونزلو من السيارة اول ما نزلو من السيارة رامي راح لعند قمر ومسكلا ايدا ..
قمر : رامي شو عم تعمل هلا حد بشوفنا
رامي : ما بهمني وانتي ما يهمك ، خلينا نفكر بحالنا وننسى كل الدنيا ونعيش اللحظات الحلوة اللي انحرمنا منها كتير ..
قمر : معك حق
رامي : يلا تعي معي نفوت لجوا ..
دخلو لجوا كان المكان فاضي طلبو الاكل وقعدو .. رامي كان شارد انتبهت عليه قمر ..
قمر : رامي وين شردت ..
رامي اتبدلت ملامح وجهه : ما في شي ما بدي نكد هلا
قمر : شوو فيي احكي
رامي : خاايف اسأل ..
قمر : خايف تسال عن شوو ..
رامي : عن مجددي ..
قمر : شبوو مجدي ؟
رامي بغصة : انا لما قلتي انك بتحبيني نسيت كل الدنيا ونسيت كل شي صار بينا ، بس انتي اعترفتي قدامي انه حبيبك هلا شو رح يصير وشو وضعكم ؟؟
قمر : انا ولا بيوم حبيتو ل مجدي ايه هو عرض عليي انو نكون حبيبين وانا وقتها قبلت اعطيه فرصة بس ما قدرت اكفي معه وصارحته بهالشي ، بس لما شفتك مع دعاء جن جنوني وحكيت هيك قدامك لاقهرك
رامي : اايه قهرتيني وموتيني كمااان ، لو تعرفي شوو صار فيني لما سمعت هالكلمة طالعة منك لحدا تاني يا الله هالشعور بيخنق ما بدي اتذكرر
قمر ضربتو ع صدرو : عملتك كمان ما بتنعمل لا تخلينا نقعد نحاسب ببعضنا ما رح نخلص ..
مسكلا ايدها : قمرر انا حبيبك وبس وانتي الي انااا ورح تبقي الي طوول العمر ..
قمر : وانا الكك ما رح اتركك واتخلى عنك ابداا
قرب منها وباسها بوسة صغيرة ع راسها : الله ما يحرمني منك
قمر : ولا منك يا رب ..
رامي : واخيرا اجى الفطور رح طعميكي بايدي وما بدي اعتراض منكك
قمر : هههه حاضر
رامي : يسلملي المطيع انا
قمر : رح اتعود ع هالدلال
رامي : اتعودي رح دللك طول العمر وكماان انتي رح تدلليني ما هيك ، لازم تعوضيني عن السنين اللي حرمتيني منك فيهم ..
قمر : اكيد رح دللك وهي اول لقمة رح طعميك ياها بايدي ..
رامي اكل من تحت دياتها : يا سلااام هي ازكى لقمة بذوقها بكل حياتي .. وباسلا ايدا
قمر خجلت كتير : اووف رامي
رامي : لا تتأفأفي ممنوع الاعتراض
قمر : أمرك يا سيدي ..
بهالوقت بيقاطع حديثهم ورومانسيتهم تلفون مجدي ل قمر ...
رامي لما يشوف اسمه ع تلفون قمر بتتبدل كل ملامحه وبيجن جنونه ..
قمر بتفصل الخط لما تنتبه على رامي ..
رامي بنبرة حادة وجدية كلها غضب : لييش عم بيدقلك ؟؟
قمر بلبكة : يمكن لانو ما رحت ع الجامعة
رامي : استفقدك يعني ؟
قمر : شبكك رامي ، انا ومجدي اتفقنا نضل رفقاااترامي بعصبية : رفقااات شووو قمر من عقلك عم تحكي
قمر : لييش عم تصرخ ، مجدي رفيقي من زمان مو معقول انهي علاقتي فيه مشا .. وسكتت
رامي : مشانك هيك قصدك تحكي
قمر : مو هيك قصدي رامي بس لا تضيقها عليي من البداية ..
رامي : انتي اكتر وحدة بتعرفي قديش بغااار وخصوصا عليكي ما حلك تفهمي اني بجن عليكي ما فيني اتحمل شوف حدا قريب منك اوو حدك
قمر : فهمان عليك بس انت كمان افهم عليي
رامي : هاد الموضوع ما في مجال نتناقش فيه ، عارفة رايي منيح بخصوص هالموضوع يا بتختاري رفيقك يا حبيبك والكلام منتهي .. ترك الحساب على الطاولة وتركها وطلع لبرا ..
قمر لحقتو ل برا وهي عم تندهلو : راامي رااامي
رامي وقف : شو بدك قمر اخدتي قرار ؟
وقفت مقابيلو ومسكتلو ايدو وصارت تحاكيه وهي عم تتطلع بعيونه بكل حب : ما بدي اخسررك لاي سبب كاان انا ما سدقت ولاقيتك ما بدي بعد عنك ولا لحظة ، لا تسمح للامور التافهة تبعدنا عن بعض عن جديد انا بحبك انت ووبس ...
رامي بعد ما سمع هالكلمات ضمها بين ايديه بقوة وشد عليها : انتي االي ووبس الي انااا وبس ما بدي شاركك حد يشاركني فيكي ولا حد يطلع فيكي ولا حد يشوفك افهميني انا ما سدقت ولاقيتك ما بدي ارجع ضيعك ..
قمر : ماا رح ضيع منك وما رح رووح لمحل شيل هالافكاار من راسك
رامي : رح شيلها بس مع هيك مجدي رح تقطعي كل علاقتك فيه قمر مفهوووم ؟
قمر : طيب ماااشي رووق هلااا
رامي : ووعد
قمر : طيب بووعدك
.............................
في الجامعة دعاء ومجدي قاعدين بالكافتيريا عم يرسمو ويخططو ..
دعاء : ليه ما ردت عليك من ايمت قمر بتغيب عن الجامعة ..
مجدي : ما بعرف عم ياكلني جواتي ..
دعاء : لازم نتصرف بسرعة انا ماني جاهزة لاخسر رامي ، تنيناتهن عندن ضعف اتجاه بعض لهيك ما لازم يتقابلو وقبل ما يصير اي شي لازم نقطع الطريق عليهم ..
مجدي : قلتيلي انك خبرتي رامي انو علاقتنا قديمة وجن جنونه ما هيك ، معناها صار لازم يصدق هالشي ...
دعاء : ايه وانا عم فكر بنفس الشي وكمان في شغلة براسي رح تمحي شي اسمو قمر نهائيا من حياته لرامي
مجدي : شوو هالشغلة ..
دعاء : قرب لاحكيلك ما فيني احكي عن هالموضوع بصوت عالي ..
............
رامي عم بيسوق بالسيارة وهو بعده معصب ومو فاتح تمه ولا بحرف ..
قمر : بدي روح ع الجامعة
رامي باستياء : لشوو
قمر : ازا رح تضلك قالب خلقتك بوجهي هيك الافضل الي اروح اكفي محاضراتي ..
رامي وقف السيارة ع جنب : بعتذر منك بس من لما شفت رقمه عم يدقلك اتعكر كل مزاجي ..
قمر : لا بقى تفكر بهالطريقة وتنكد ع حالك وعليي
رامي : مااشي رح حاوول ، هلا ع وين حابة تروحي
قمر : امممممم
رامي ابتسم : ايييه
قمر : ع الشركة لعنددك
رامي باستغراب : ع الشرركة !!
قمر : ايه حابة شوفك واراقبك وانت عم تشتغل
رامي : هههه ليش ع اسااس رح اعرف اشتغل وانتي عم تتطلعي عليي ..
قمر : هههه مو مشكلة بساعدك
رامي : عنجد حابة تروحي معي ع الشركة ؟؟
قمر : اييه جد الجد
رامي بابتسامة : امررررك
وشغل السيارة واخدها ل قمر ع الشركة ....
،،،،،،،،،،،، ،،،،،،،،،، ،،،،،،،،،،،،
في المكتب عند رامي ، قعد ع مكتبه عم يراجع ويدقق بالملفات قبل ما يوقع عليها ..
قمر واقفة عند الشباك مقابيلو عم تراقب بحركاته وبتطلع فيه بحب وعم تبتسم ..
بينتبه عليها رامي وبيترك كلشي بايده وبروح لعندها ، بيحاوطها من خصرها وبيشدها لعنده ..
قمر بخجل : راامي شوو عم تعمل
رامي : يعني من عقلك عم تطلعي فيني هيك وبدك قاومك وابقى بعيد عنك
قمر : يا الله راامي بعد هيك مو قادرة اخد نفس منك
رامي ابتسم : انا بصير نفسك وكلشي .. وقرب بده يبوسها دفشتو وهربت منه ..
وقفت مقابيلو : لااا اخدت ع الووضع ممنووع
رامي : موو حبيبتي لييش بده يكون ممنووع
قمر : حكيت ممنوع يعني ممنووع
رامي : خلينا نتزووج قمرر
قمر بصدمة : شووو !!
رامي قرب لعندها ومسكلا ايدا : ااايه بدي اتزوجك واكفي كل حياتي معك ، ما بدي تغيبي عني ولا لحظة بدي اتصبح واتمسى فيكي بدي حبك كيف بدي وايمتى بدي وما حد يوقفني ..
قمر : بسس ..
رامي مقاطع : قمرر اوعك تحكيلي بسس بكفي الوقت اللي ضاع مناا
قمر بابتسامة : مووافقة
رامي طار من الفرحة : عنجدد موافقة !!
قمر بلهفة : اييه اايه انا ما بدي كون غير معك وعيش معك ..
رامي : ياا الله ملكتيني الدنياااا ... وحملها بين ايديه وصار يفتل فيهاا
قمر : راااامي رح توقعني يا مجنوون شو عم تعممل
رامي : لا تخاافي ما بتوقعي وانتي بين ايديي .. ووقف فتل فيها
قمر : انا بحبككك
رامي : دخييل الله وانا بمووت فيكي .. ليكي خلينا نطلع من هون بلا ما .. وغمزهاا
قمر خجلت : ههه مااشي يلاا
مسكلا ايدا وطلعو سوا من الشركة وقضو اليوم كلوو مع بعضهن .....
،،،،،،،، ،،،،،،، ،،،،، ،،،،،،
تاني نهار ..
قمر قاعدة لوحدها بتدرس بمكتبة الجامعة ، بيدخل لعندها مجدي ..
مجدي : مرحبا قمرقمر بتتوتر بس تشوفه وبترد عليه بنشافة : هلاا
مجدي : كيفك وينك ما عم تبيني وعم دقلك ما بتردي
قمر : انشغلت شووي
مجدي : فيني احكي معك بموضوع
قمر : مجدي انا مشغولة وبدي ادرس
مجدي باصرار : ضروري لو سمحتي خلينا نحكي بس مو هون ما بدنا نشوش ع الطلاب باصواتنا
قمر : مااشي بس ما فيني اتاخر بتحكي شو بدك بسرعة
مجدي : ماشي ولا يهمكك ..
طلعت قمر من المكتبة مع مجدي وراحو قعدو تحت شجرة بالجامعة محل ما كانو متعودين يقعدو دايما ...
قمر وهي عم تتلفت حواليها : احكي مجدي
مجدي : تمام ، بدون لف ودوران انا مو قادر انساكي وبعد عنك وبدي تعطيني فرصة تانية لنكون سواا ..
قمر : ما فيني اعطيك هي الفرصة لانو هلا وضعي اختلف ..
مجدي : شوو قصدك ؟
قمر : انا بحبه لرامي ورح نتجوز عن قريب
مجدي حاول يتماسك وما يبين قهره : واناا شو رح يصير فيني ... قرب منها ومسكلا ايدا : قمرر انا بحبك كتيير وما فيني بعد عنكك وقرب منها لحتى يبوسها ..
قمر انصدمت بحركته ودفشتو بعيد عنها : شووو عم تعمل انت جنييت من وين جيت بكل هالجرأة لتتصرف معي بهالطريقة عنجد مو الحق عليك الحق عليي اللي طاوعتك وجيت لاسمعك صداقتنا انتهت هوون .. وتركتوو ومشيت ..
مجدي جن جنونه وصار يحاكي بحاله : انتي الي ووبس وما رح تكوني لغيري
بالوقت اللي بيكون عم يحاكي بحاله بتطلع دعاء بوجهه وهي عم تبتسم بخبث : شبك عم تحاكي بحالك
مجدي بنرفزة : قدرتي تاخدي الصور ؟
دعاء بابتسامة : ولووو هي شغلتي مع شوية تعديلات الووضع رح يكون تمام التمام .. وانت حطيت **** بشنتايتها ..
مجدي : ايه حطيتو بس انتي لازم تتصرفي قبل ما تنتبه عليه ..
دعاء : ما رح ضيع وقت ، انا رايحة هلا رح كون معك ع اتصال واخبرك شو بيصير
مجدي : ناطر اخبار حلووة منكك ..
......... ...... ......
دعاء طلعت من الجامعة ودغري راحت لعند رامي ع الشركة ، اللي كان يا دوبو مخلص اجتماعه وقاعد بمكتبه ساند ظهره ع الكرسي وعم يرتاح ..
بتدق دعاء ع الباب وبتدخل قبل ما يسمحلا ..
دعاء بدلع : انا جييييت
رامي بينزعج بس يشوفها بس بيحاول ما يبينلها : اهلين دعاء ..
بتسلم عليه وبتقعد مقابيلو ع الكرسي وبتصير تحكي وتدلع : شووو تئلااان علينااا وينك ما عم تسأل ولا بترد ع مكالماتي ..
رامي : والله مشغول شوي هالفترة وما عم افضى حك راسي ..
دعاء : يعطيك العافية بس والله ما الك حق عم بشتئلك
رامي : والله هيك الظروف شو بتشربي ؟
دعاء : ما بدي شي لا تغلب حالك ، شو بدي اسالك بتشوفها ل قمر شي ؟
رامي : لييش عم تسألي ؟
دعاء : اساسا ما بتوقع انك عم تشوفها البنت واقعة لشوشتها بالحب
رامي : ما فهمت ..
دعاء : قمر ومجدي عم يحبو بعضهن قدام كل الجامعة وعلاقتهن صارت بالعلن وبدون ما يخجلو من حداا ..
رامي بلع ريقه : كيف يعني
دعاء : اووف رامي شو صايرلك ما عم تستوعب شي من اللي عم بحكيه ، هالبنت كل مين بشوفها بحكي عنها ملاك وهي مخباية بتيابها بتعرف ربنا بحبك كتير انو بعدك عنها وكشفها ع حقيقتها قدامك ، لكك حتى بتعررف شوو انصدمت لما شفتها عم تتعاطى
رامي كان مصدوم من كل كلمة عم تحكيها دعاء ومو مسدقها ، عصب عليها وصار يصرخ عليها : لككك انتي شوو عم تحكي وعيانة ع حالكك انك عم تخبصي كيف بتجيبي سيرة قمر بهالطريقة وبتتهميها بهيك اتهامات انا ما بسمحلك بهالشي ..
دعاء بنبرة صوت عالية : بعدك عم تسدقها وتوثق فيها بعد كل شي عملتو معك وفييك ..
رامي : اايه انا بعرف قمر منيح صحيح هيي غلطت معي بس انتي عم تتهمي فيها باشياء كبيرة ومو مقبوولة ..
دعاء : وازا اثبتلك انو كل حكيي صحيح ؟
رامي : ما في داعي تثبتيلي شي ماني مسدق ولا كلمة عم تحكيها ..
دعاء : ايه تفضل هي الدليل قدامك .. فتحت ع الصور ورمت التلفون قدامه
رامي مسك التلفون وصار يتفرج ع الصور ، بكل صورة كان عم بيشوفها كان نفسه عم بيديق وحاسس انو روحه عم تطلع ومو مسدق عيونه ..
رامي بخنقة : مستحييل مستحييل اكيد في شي غلط
دعاء بابتسامة : فووق ع حالكك ما في شي غلط ، هالبنت رجعت لعبت فيك واضحكت عليك مرة تانية وانت رجعت سدقتها ووثقت فيها عن جديد ..
رامي قام عن مكتبه وصار يفتل بالمكتب وحاسس راسه رح ينفجر من التفكير : انااا لازم شووفها ل قمرر هلأ لازم تشرحلي وتفهمني كل شي مستحيل كل شي صار بيناتنا وحسينا فيه كززززبة ..
دعاء : ايه حقك ورح تتاكد انو كلشي كان كزبة من البداية وانو اضحكت عليك مرة تانية وانا شفتها بعيوني عم تتعاطى ما كنت مسدقة عيوني بس هيك صار ..
رامي بصراااخ : اخرررسي ولا حررف زيادة .. وتركها وهو جانن ومعصب ع الاخر وطلع من المكتب ..
دعاء وهي عم تبتسم بخباثة ومكر : هههههه ايه عصب وكسر الدنياااا قد ما تلف وتدور بالنهاية مرجووعك لعنددي اناااا ..
يتبع .....
رايكم وتوقعااتكم ...
يلا فرجووني التفااعل حبايبي ..
ان شاءالله التكملة بكرة لانو هاي الاجزاء اللي قدرت اجهزلكن ياهااا شوو بتتوقعو يصير بالاحداث الجااية
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`