الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم غرام مختلف🥹✨`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
غرام مختلف ❤❤
الجزء الاول ..
للإ اشتراك بكروبات الإناث الكاتب محمود العبدالله*
*بنت بتبعتي صوط للإضافه ع كروب البنات➹🙋♀️🎻ۥ!0996878268 رقمي*
في ليلة من ليالي الصيف من شهر يوليو ..
ليلة هادية والسما صافية والقمر مكتمل ومضوي كتير ، دار ابو علاء سهرانين كلهن بالحديقة عم يشربو شاي وياكلو ببوشار واصوات ضحكاتهن معباية المنطقة ....
علاء : هو الابن الاكبر بهالعيلة شاب قمحي وطويل وعيونه عسلية عمره ٣٠ سنة ، متزوج من تهاني من ٣ سنين وعندهن بنوتة امورة كتير اسمها ريتا عمرها سنتين ..
رائد الابن الاوسط عمره ٢٦ سنة شاب حنطي البشرة ومتوسط الطول وعيونه بني غامق وهو شاب عزابي ..
قمر اصغر بنت بالعيلة بنت بيضا عيونها عسلي ، شعرها اسود طويل ، نحيفة المكسم ومتوسطة الطول عمرها ٢٠ سنة وهي سنة تانية جامعة عم تدرس هندسة معمارية وهي البنت المدللة بالعيلة ودلوعة الكل ...
ابو علاء رجل اعمال من اشهر قليلة ترك الشركة ليترأسها علاء ويساعدو فيها رائد ....
......................
قمر عم تركض بالحديقة ورا ريتا وعم تلاعب فيها ومبسوطين كتير سوا ..
رائد عم يتمسخر ع قمر : والله الهيئة انو ريتا عم تلاعبك يا قمر مو العكس
الجميع بصوت واحد : هههههههه
قمر : بابا شوفلك عليه ما بيسدق يلاقي فرصة ليتمسخر عليي
ابو علاء : حبيبتي هاد من محبته الك
قمر راحت قعدت حد علاء وحطت ايدها ع كتفوو : اتعلم من علاء كيف تتعامل مع اختك الصغيرة
علاء : يا روحو لاخوكي انتي
رائد : ايه الله يبعتلك واحد متله لكان ههههه
قمر : لاااااء بعيد الشر
علاء مسكها من اذنها : ووولي مو عاجبك انا
قمر : معقوول ما تعجبني انت ما في منك بس والله عقلك صعب كتير ..
تهاني : من هالناحية انا معك
علاء : بشوفكن اتفقتو عليي
قمر : هلا ازا بنفتح السيرة رح تعصب وتصير تضرب صواريخ ..
علاء : بقي هالبحصة اللي عندك ست قمر
قمر : لييه ما عم تسمحلا تشتغل ل تهاني ، بالاول كنت عم تتحجج في ريتا بس هلا كبرت ..
علاء : اووف بعدين مع هالسيرة انا ما بدي مرتي تشتغل عند حدا وهاد حقيي وازا بدكم تحكو عقلي صعب لهيك ضلو احكو للصبح ..
تهاني : ما تحاولي قمر ع الفاضي
قمر : لكك نفسي افهم كيف قبلتي فيه
علاء : لكك عينك عينك عم بتحرضي بمرتي عليي ..
قمر : ههههه انا بحكي قدامك ما بحكي من وراك
علاء : ولكك فصعوونة لا تدخلي بهالامور ، حط ايديه ع كتفها ل تهاني : انا بغااار كتير ع مرتي وما رح يكون بالي مرتاح الا لما تكون ببيتها ..
قمر : ييييي لو مرتك انجلينا جولي شو كنت عملت
تهاني : قمرررر استني عليي والله لانتفك ..
قمر قامت من مكانها وهربت لجوا وتهاني لحقتها والكل صار يضحك عليهن ..
بالغرفة عند قمر ..
تهاني : قمر بدي احكيلك شي بس مترددة
قمر : شوو فيي احكي
تهاني : رامي
قمر غصت وتنهدت : شبوو من وين خطرلك
تهاني : سمعت علاء وهو عم يحكي مع ابوكي انو راجع ليستقر هون ..
قمر تكركبت ودخلت ببعضها وما عاد طلعلها حس ..
تهاني : قمرر انتي هوون ..
قمر بعصبية : ليييش رجع ولييش هلأ بهالوقت هاد ، هو خبرني انو ما عاد يرجع وانتي هلا بتحكيلي راجع ورح يستقر هون ..
تهاني : ما بتعرفي يمكن هالمرة يكون عندكن فرصة سوا
قمر زادت بغضبها : ما رح يكون النا فرصة لا هلأ ولا قبل ...
تهاني : وانتي ليه عصبتي كل هالقد
قمر : لككك ما بدي شووفه ما بدي شووفه هلا برجعتو رح يكركبلي كل حياتي وتفكيري انا ما سدقت .. وسكتت
تهاني : ما سدقتي وشوو .. تنسيه ؟
قمر بغضب : انا ما حبيتوو لأنسااه
تهاني : طيب طيب روقينا انا لازم اشوف ريتا هلا بتكون بردت برا رح دخلها لتنام ورح نحكي بهالموضوع
قمر : ما في شي ينحكى ولا بقى تجيبيلي سيرتو
تهاني : ماشي ماشي بس روقي ..
وتركتها وطلعت من الغرفة ...
قمر من وقت سمعت برجعة رامي ما عاد قدرت تهدا ، بقيت تفتل بالغرفة وتفكر بالموضوع وبحالة التقو مرة تانية كيف رح يتعاملو مع بعضهن ..
قمر مع نفسها : شوو صارلك قمر ليش هيك توترتي كل هالقد وفرضا التقيتو شو رح يصير يعني ، هالقصة انتهت من سنتين وكل واحد فينا كفى حياتو ومن وقتها ما عاد في شي اسمو قمر ورامي خلصنااااا ما في داعي لردة هالفعل هيي رح تفضحي حالك ...
................
بالبيت اللي مقابيلهم لدار ابو علاء بيكون بيت دار ابو رامي ، واللي هو رفيقه وشريكه لابو علاء ..
رامي هو ابنهن الكبير اللي قضى كل حياتو برات البلاد هو واخته رنا ، درسو واشتغلو هناك برعاية عمهم مصعب وكانو ينزلو بالصيف زيارات خفيفة ..
ام رامي : والله يا ابو رامي انو الدنيا مو واسعتني من الفرحة برجعة رامي ، برجعتو رح يملي البيت علينا ويونسنا بوجوده ..
ابو رامي : ليكو راجع ورح يستقر هون ع طول وما عاد يسافر مرة تانية
ام رامي : ع قد ما انا فرحانة برجعتو آكلة هم بنفس الوقت
ابو رامي : ليش ؟
ام رامي : شو نسيت اللي صار من سنتين
أبو رامي : قصدك قمر ما هيك
ام رامي : كانت عاجبيتو كتير هالبنت واتعلق فيها بس لما رفضتو انكسر وانجرح كتير من هالشي انا خايفة يكون بعدو بفكر فيهااأبو رامي : البنت وقتها كان عندها أسبابها
ام رامي : دخلك ع هالأسباب ما كان حدا رح يمنعها تكفي دراستها
أبو رامي : البنت كان عمرها ١٨ سنة وأول سنة جامعة هاد اولا ، ثانيا شافت انو فرق العمر بينها وبين رامي كبير بالنهاية هي حياتها وهي حرة فيها ما فينا ناخد منها موقف ع شي من حقها ..
ام رامي : اللي بيسمعك بيحكي انو رامي ختيار وشو يعني ١٠ سنين ما ليكنا بيناتنا ١٢ سنة وما احلانا ..
ابو رامي : لشو انفتحت هالسيرة هلأ شي مضى واتسكر عليه ..
ام رامي : ما عم يروح من بالي كسرة خاطر ابنا ، سافر وهو مقهور ومكسور الخاطر الله اعلم شو صار بينهن بوقتها ووجعتلو قلبه هيك لحتى ما فكر يرجع لهون من وقتها ..
ابو رامي : بما انه اخد هالقرار ليرجع معناها نسي كل شي وتركو ورا ظهرو والاحسن النا كمان ننسى هالسيرة ..
ام رامي : معك حق والحمد لله ما صار نصيب هالبنت مايعة ومدللة كتير ما كانت رح تتماشى مع عقله لرامي ..
ابو رامي : عسى ان تكرهو شيئا وهو خير لكم
ام رامي : والنعم بالله
..........
قمر من لما سمعت برجعة رامي هالموضوع اخد كل تفكيرها ، قضت طول الليل وهي عم تتشقلب بتختها مرة تشعل اللمبة الي حد سريرها ومرة ترجع تطفيها وبقيت تسأل حالها باسئلة كتير لحتى غلبها النعاس ونامت ..
تاني يوم بتفيق ع صوت المنبه من نومها ، بتقوم بتجهز حالها بتلبس شورت ابيض وتيشرت نيلي وبوت سبورت ، وبتنزل من غرفتها لعند أهلها اللي مجتمعين ع سفرة الفطور قبل ما كل واحد فيهن يروح ع شغله ..
قمر : صباح الفل فردا فردا
رد الجميع : صباح الورد
علاء لما انتبه ل لبسها حط كاسة الشاي من إيدو وبنبرة حادة : بعدين معك قمر انتي رح تجننيني كم مرة فهمتك ما تروحي ع الجامعة بهاللبس هاد
قمر بإنزعاج : اووف علينا كل البنات بلبسو هيك ما زهقت من هالإسطوانة كل يوم
رائد وهو عم يزورها : قمر لا تطولي لسانك علاء معو حق باللي عم يحكيه
تهاني حكت وغيرت الموضوع لتهدي الوضع بيناتهن : قمر حبيبتي إفطري بلا ما تروحي ع الجامعة جوعانة
قمر : إنسدت نفسي ع هالصبح
أبو علاء : بابا لا تزعلي من إخواتك هنن من خوفن عليكي بيحكو هيك
علاء : اطلعي بدلي تيابك قمر
قمر بعناد : ما رح بدل شي حلكم تتعودو ع لبسي
تجاهلت كل كلامهم وطلعت من البيت هرولة وهما عم يحكو معها ، ركبت بسيارتها وراحت ع الجامعة ..
رائد : الله يعينو اللي رح يبتلي فيها لهالبنت مين فيو يتحمل عنادها وولدنتها ..
علاء : معك حق من هي الناحية ..
بالجامعة عند قمر ...
بعد ما خلصت محاضراتها قعدت هي ورفقاتها أنوار ودعاء ومجدي بكافتيريا الجامعة ، كانو عم يشربو نسكافيه وعم يحكو ..
انوار : الامتحانات ح تبدا لازم نتجهزلها ع بكير والإ رح تتراكم علينا المادة وما عاد نلحق
دعاء : إيه معك حق خلص المزح وبلش وقت الجد هلأ
قمر سرحانة ومو مركزة بكلامهم بينتبه عليها مجدي وبيأشرلها بإيدو ..
مجدي : وصلتي للقمر ولا بعدك يا قمر
قمر : هاا
مجدي : إيه طبعا بدك تحكي ها وين شاردة
دعاء : مانك ع بعضك شو صاير معك
قمر أخدت نفس عميق وسكتت ..
دعاء : لكك احكي
قمر : رامي
مجدي : مين رامي ؟
دعاء : شبو رامي
قمر : راجع ليستقر هون
دعاء بلهفة : عنجد عم تحكي
قمر : إيه عنجد عم احكي بس اللي ما فهمتو ليه تحمستي هيك انتي
دعاء : ما بعرف كيف ضيعتي هالشب من ايدك ، ألف بنت بتتمناه حليوة وعنده كاريزما مو موجودة عند حدا ومهندس قد الدنيا شو كان بدك اكتر من هيك ست قمر
قمر بغضب : هلأ هاد موضوعنا دعاء وما دامو كان عاجبك كل هالقد كنتي زبطيه
دعاء : ما كان شايف غيرك قدامه
مجدي : آآه تزكرتو بس اللي ما فهمتو انتي شو مدايقك برجعتو ، انا صحيح ما بعرف تفاصيل كتيرة عن الموضوع بس ع حد علمي ما كنتو حبيبين ولا صار بينكم شي ما هيك ؟
دعاء : ايه ما كنا حبايب بس ما صار بيناتنا اشياء حلوة برضو
مجدي : شو اللي صار بيناتكم بالزبط ؟
قمر بعد تنهيدة : انا رفضت من الأول إتعرف عليه بس بابا ضغط عليي وقتها مشان رفيقه انو اعطيه فرصة ونتعارف ع بعض وانا قبلت لأسكت بابا وأشغلو ..
صرنا نطلع ونفوت مع بعض ع أساس نتعارف ، هو بهالوقت كان عم يبني أمالو وأحلامو معي بس انا كان عندي أحلام تانية هو مو موجود فيها ، وبيوم اعترفلي انو معجب فيني وبلش يتعلق فيي كتير انا بوقتها صديتو وما قدرت امسك حالي وصار يطلع معي الحكي واعترفتلو انو ماني معجبة فيه وما بدي اتزوجه لانو مو مناسب لإلي وفرق العمر بيناتنا كتير وقبلت اتعرف عليه بس ضغط من بابا ..
مجدي : إيه وشو كانت ردة فعله
قمر : انزعج وجن جنونه واعتبرني طول هالوقت كنت عم اتسلى فيه وبمشاعره ، وخبرني انو المفروض كنت خبرو من الأول بهالشي ..
مجدي : يعني الشب مجروح منك وصراحة معو حققمر : اووف يعني بوقتها كان عمري ١٨ سنة شو بفهمني انا بالحب والزواج ، كان عندي انو ادخل ع الجامعة وادرش هندسة ما كان بمخططاتي شي تاني غير هيك وانا ماني غبية لاتخلى عن احلامي ومستقبلي مشان زلمة ..
مجدي : ما بعرف شو بدي قلك يا قمر ، المهم لا تنزعجي ولا ع بالك بيكون الموضوع انتسى عنده
قمر : ايه ان شاءالله ، انا رح روح ع البيت هلا تعبانة كتير
مجدي : اوك ، انتبهي ع حالك
انوار : تمام حبيبتي لا تفكري بشي هلا وبنحكي
دعاء : بنشوفك
اخدت قمر اغراضها ومشيت من الجامعة ورجعت ع البيت ، كانت مسطلة من النعس بدلت تيابها ونامت لوقت المسا ...
في بيت دار أبو رامي ..
ابو رامي وام رامي قاعدين قبال التلفزيون عم يشربو بقهوتهن المسائية وبيحضرو بمسلسل ..
بهاد الوقت بيندق جرس البيت ، بتقوم ام رامي بتفتح الباب وبيغط ع قلبها من الفرحة لما تشوف رامي قدامها وحقيبة السفر بايدو ..
رامي بيفتح ايديه : مفأجأة ...
ام رامي بتضمو بلهفة وبتصير تبوس فيه : لكك أحلى مفأجأة يا روح امك مو على أساس تيجي بكرة ..
لما يسمع صوتو ابو رامي ييركض صوب الباب وبياخدو بحضنو : اهليين بالغالي الحمد لله ع سلامتك والله ناطف قلبنا ع شوفتك
رامي : شو رخ ضل واقف ع الباب
ام رامي : شو تضل ع الباب ادخل يا روح امك نورت بيتك ومطرحك
بيدخل رامي وبيفوت الاغراض لجوا وبيقعد مع أهله بالصالة ...
رامي : شب طويل قمحي البشرة عيونه لونهن ازرق وفيهم لمعة بتسحر وبتجنن ، جسمه مليان وعنده عضلات وهو بعمر ال ٣٠
سافر ليدرس برا البلد من لما كان عمره ١٥ سنة درس واشتغل واستقر هناك ..
رامي بطبيعتو شب ثقيل ومو بسهولة بيعجب بأي حدا ، بس لما شافها ل قمر اعجب فيها كتير وانسحر بجمالها ودخلت ع قلبه ولأول مرة كان بيكسر غروره وبيعترف لبنت انو معجب فيها وعرض عليها الارتباط ..
رفض قمر اله جرحو وكسرلو كبريائه وغروره خصوصا بعد ما اعترفتلو انها ما كانت موافقة عليه من البداية ، هالشي ضل غصة بقلبه ..
نرجع لقصتنا ...
رامي : ايه بابا كيف امور الشغل عم تمشي
ابو رامي : كلو تمام التمام وهلا برجعتك رح تخفف حمل عني ما هيك ؟
رامي : بابا رح نحكي بالشغل بعدين
ابو رامي : ماشي متل ما بدك حبيبي
ام رامي : يضرب الشغل كله المهم عندي هلأ كل ما أشتاق لابني فيني اخدو لحضني وشم ريحتو ما هيك يا ماما
رامي : طبعا هيك يا ست الكل
بقيو سهرانين لوقت متأخر لانهن كانو كتير مشتاقين لبعضهن ولهالقعدة ..
بعدها طلع رامي على غرفتو اول ما دخل شعل الاضوية وصار يتأمل بغرفتو اللي بعدها متل ما هيي ما تغير فيها شي ..
قفل الباب وشلح جاكيتو ورماه ع التخت وبخطوات بطيئة ومترددة مشي صوب الشباك وفتح الستاير وشرد شوي ..
فاق ع حاله بسرعة وضرب ع راسه : انا شو عم اعمل ما رح أسمح لهالشي يتكرر معي وما رح أتصرف بغباء ..
حلحل كرافتو وشلح قميصخ واخد بجامتو من شنتايتو بدل تيابه واتمدد ع تخته وبدون ارادته رجع بذاكرته سنتين لورا ..
** فلاش باااك **
رامي وقمر سهرانين بحديقة دار ابو علاء قاعدين حد بعض وعم يحكو ..
رامي : هالليلة كتير هادية وساكنة ومنظر القمر بياخد العقل ما هيك ؟
قمر : ايه مزبوط
رامي : بس بتعرفي شو أحلى شي بهالليلة ؟
قمر : شوو ؟
رامي : إنتي ♡
قمر خجلت وترددت وما عرفت شو ترد ..
رامي : قمر انا مسافر بعد أكمن يوم بس ازا قلتيلي ضل فيني ضل قد ما بدك
قمر : ما في داعي تعطل أشغالك مشاني
رامي قرب منها ومسكلا ايدا : معناها ما بتعرفي غلاوتك عندي ، قمر إيمتى رح تفهمي مشاعري وتحسي فيني انا من اول مرة شفتك فيها عجبتيني كتير وما عاد قدرت طالعك من بالي .. ما فيني قلك اني بحبك بلا ما أتاكد من هالشي بس إتاكدي اني عم اعطيكي قيمة كبيرة ما اعطيتها لحدا من قبل وحابب انو ارتبط فيكي وقضي حياتي معك شو رايك ؟
قمر اتلبكت وسحبت ايدها بسرعة ووقفت من مكانها : اووف انا ما فيني أتحمل انا ما بدي تعطيني قيمة غير عن الكل دور ع حدا تاني تعطيه هالقيمة ..
رامي مصدوم ومتفاجئ من حكيها ل قمر : ليش هيك عم تحكي !!
قمر : ليك رامي انت شب كتير منيح وما في منك بس انا مو معجبة فيك وما بدي كون معك بحياتك ، انا من الاساس معارضة فكرة الارتباط كلها وقبلت بهالشي لحتى ألهي بابا واخلص من نقه ، انا عندي احلام كبيرة وما رح ضيعها مشان ارتبط فيك وفوق هيك ازا فكرت بشي يوم ارتبط بحدا ما رح تكون انت لانو انا وياك مو مناسبين لبعض .. لاقي وحدة تانية خرج تكون مرتك وقريبة من عمرك وهيك فيكم تفهمو ع بعض اكتر ..
رامي كان عم يسمعلا ومصدوم قام من مكانه ووقف مقابيلها معصب كتير ووجهو أحمر وصب كل غضبه عليها : انا ما جبرتك من الأساس على شي وكنت وواضح وصريح معك من البداية بس انتي ما كنتي هيك ، يعني هلا انتي واقفة قدامي بكل ثقة وجرأة عم تحكيلي انا كنت أتسلى فيك وألعب بمشاعرك واضيع وقت معك بس مو الحق عليكي الحق عليي انا اللي سمحت لبنت مولدنة تدخل ع حياتي انا كنت مكبرك بعينيكتير ..
قمر عصبت : انا ما لعبت بمشاعرك وما تسليت فيك ولا بيوم حكتلك اني معجبة فيك او اعطيتك أمل
رامي بصراخ : بس كنت أتقرب منك ما وقفتيني لما كنت يوم عن يوم اتعلق فيكي واحب اشوفك ما كنتي ترفضي هالشي هلا اتزكرتي وفقتي ع حالك اني ما بناسبك يا الله رح جن كيف سمحت لحالي وانا شب طول بعرض اكون لعبة بايد وحدة مراهقة ..
قمر وهي عم تشد ع حالها : رووح من هون ما عاد بدي اسمع اهاناتك او اسمع منك شي حتى ما غاد بدي شوف خلقتك
رامي عم يصرخ : ما عاد رح تشوفيها تاركلك هالبلاد من بكرة وما عاد ارجعلها بحياتي ..
تركها وهو معصب وجانن منها ع الأخر ...
** بااك *
رامي وهو ع تخته بعد ما اتذكر اللي صار بينه وبين قمر بأخر لقاء غمض عيونه وحاول يهدا : كنت بتعرف انو برجعتك رح ترجعلك كل هالذكريات لهيك حاول تروق ولا بقى تفكر بشي ..
طفى اللمبة اللي حد تختخ وغفى لانو كان تعبان من مشوار الطريق الطويل ...
قمر بغرفتها قاعدة ع تختها بعد ما خلصت دراستها رنلها مجدي مكالمة فيديو ، ردت عليه وقعدو يحكو ..
مجدي : كيفو القمر ؟
قمر : ليكو بالسما اسئلو ههه
مجدي : انا عم اسئل عن القمر اللي مقابيلي ؟
قمر ضحكت : تمام كيفك انت ؟
مجدي : الحمد لله شو عم تعملي ؟
قمر : يا دوبني مخلصة دراسة
مجدي : انا بعدني ما فتحت كتاب
قمر : ايه شاطر ضلك لقبل الامتحان بيون وبعدها تعالي انقذيني يا قمر
مجدي : عم تعايري فيي طب انا بفرجيكي
قمر : هههه عم احكيلك شو رح يصير
مجدي : لا بوعدك ادرس قبل بوقت خلص
قمر " ايه هيك بدي ياك ، يلا بشوفك بكرة
مجدي : اووك بشوفك تصبحي ع خير
قمر : تلاقي خير
بعد ما قفلت الخط مع مجدي اخدت دبدوبها بحضنها وصارت تحكي معه : بتعرف يا لولو انك اقرب رفيق الي واللي فيني احكيلو كلشي بدون ما اخاف او اتردد ، بتعرف شو من لما سمعت خبر رجعتو ل رامي وانا عم حس انو في شي ضاغط ع قلبي ما بعرف ليه خفت كل هالقد من انه يكون قريب مني عن جديد ..
لا تطلع فيني هيك انا بعرف انو بوقتها غلطت معو بس انت بتعرف انو مو عن قصد يعني ما كان ببالي أجرحو وندمت كتير ، أساسا هالحكي متاخر ليش عم افتح الدفاتر القديمة ..
شو رايك ننام لحتى ما اتاخر بكرة ع محاضراتي ، ايه وانا هيك رايي يلا تصبح ع خير باستو ل لولو وطفت اللمبة ونامت وهي غامرتو بحضنها 😄😄
يتبع ......
اعذروني ع التاخير بس انشغلت شوي وما قدرت اكمل كتابة القصة لهيك بدكم تصبرو شوي عليي بالاجزاء بس ما حبيت اتاخر عليكم اكتر ❤❤
يلا بدي اشووف التفاعل حبايبي متابعيني القديمين وينكم اختفيتوو بدي اشووفكم ❤😘
توقعاتكم الجااية وارائكم بتهمني ....
بقلم نور جمعة .❤❤
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`