الفصل 12
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعبة_بلا_إختيار`*
*❴🔢❵الـــبـــــــــــ❴2️⃣1️⃣والأخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
النهاية 💣🖤
العاصمة – بيت يارا
الغيم الرمادي مرسوم عالسماء كأنّه واقف حارس على الحزن اللي غرق هالبيت. الجدران، اللي كانت كل يوم تضحك بصورها مع المرضى، وحفلات التخرج، والابتسامات الطبية،وانجازاتها ،هسا صارت صامتة… شاحبة… وكأنّها نسيت كيف تنطق ،وصارت عارية إلّا من بقع مسمار نزعته على عَجَل.
المكتب الي كان بيضج بالكتب الطبية والابحاث صار طاولة فوضويّة: فنجان قهوة بارد، وعلبة دواء مهدّئ نصها فارغ،
الهواء البارد عم يلفح الوجوه… بس جوّا، برد يارا أعمق من أي شتاء.
بالبلكونة…
شالها ملفوف ع كتافها، شعرها مفرود بلا اكتراث، ولا صوت في المكان سوى المطر الخفيف ونبض خافت بيُذكّرها أنّها ما زالت تعيش… رغماً عنها ،كأنّها كانت تتنفس من غريزة مش من رغبة.
كل شي فيها باهت… إلّا عينينها، لسه فيهم أثر دمعة ما نشفت، عم تتذكّر آخر لحظة شافته فيها، آخر لمسة، آخر نظرة، وآخر كلمة…
كيف ودعته ودموعها مش بس كانت على خدها، كانت عكل جزء فيها.
مرقوا ٣ شهور…
بس كل يوم كان يمر، كانت تحسه أبطأ من اللي قبله.
مش قادرة تتخطّى، مش قادرة تنسى،
ذاكرتها معلّقة بهداك اليوم…
والوقت؟
لسه متحجّر بلحظة الوداع
فلاش باك…
صحيت وهي بحضنه…
نفسها بيندفق ببطء كأنها بتتمنى اللحظة هاي ما تخلص،
إيده لساتها حاضنتها، وصدره بيطمنها حتى وهي نايمة.
عيونها فتحت على ملامحه، على تفاصيل وجهه…
اللي بتحاول تحفرهم جواتها.
ما كانت حابة تقوم…
ترددت للحظات وهي نفسها تخرب كل اشي عملتو وتظل معو مابهمها مين بكون اهم اشي يكون معها
بس عقلها…
كان مثل الحاجز البارد،كان المسيطر وماكان في مجال تتراجع رفضت هالافكار قامت ببطء، خطوة خطوة،
رجعت تأملته…
وكأنها بتحاول ترسمه جواتها، تحفظ ملامحه بصدرها،
وتوثق آخر مرة رح تشوفه فيها، طوت حالها عنده، حطت جبينها عجبينو، وهي بتهمس ،"لو في حل ثاني، صدقني كنت اخترتك…"
وباسَته…
بوسة وداع ممزوجة بكل مشاعر هاللحظة.
بوسة وكأنها بتحكيلو فيها : “أنا آسفة"
دمعة حزينة نزلت من عينها وهي مش قادرة تتركه
بس قست قلبها لتقوم وتنطلق .
رجعت من ذكرياتها،
عصوت رؤى واحمد الي فاتو ع البيت وبيدورو عليها ابتسمت بحب لألهم الي ع الرغم من هالحالة الي هي عليها وهم يوميا عندها ساندينها داعمينها وبيقنعو فيها لترجع تشتغل
رفعت راسها عليهم لما فاتو البلكونة
رؤى :انتييي هووون
احمد :طب متحكيي طلعي صوتت
يارا :تعالو اقعدو
احمد زت حالو ع الطرف ورؤى ع الطرف التاني وهي بينهم ركت راسها ع كتف احمد ومدت ايدها لرؤى
التلعبلها بأصابعها هالحركة هاي معروفة عندهم ودايما متعودين عليها
طقوسهم الخاصة، لما كانت الحياة أهون والضحكة أسرع.
ضحكت رؤى ضحكة خفيفة،ومسكت إيدها بقوة لتبلش تلعبلها بأصابعها
أحمد، بابتسامة دافئة وهو يراقب المشهد:
– “إي والله… من زماااااان القمر ما بان.”
يارا، بعيون فيها لمعة طفولية نادرة:
– “بدي حلو.”
أحمد (واقف بسرعة):
– “ولك ألف طلب من هالطلب!”
ركض ع المطبخ، فتح الخزانة، رجع بكيس حلويات كبير كأنّه عم يرجع طفولتهم معاه.
رجع قعد بينهم، وكلهم صاروا بنفس أماكنهم المعتادة…
والمكان أخيرًا، صار في شوي دفء… وشوي حياة.
يارا، بعد لحظات من الصمت، بصوت واطي لكنه واضح:
– “وصلني تبليغ من المحكمة… كشاهدة أساسية بمحاكمة زيد.”
سكوت…
نار خفيفة اشتعلت بعيون أحمد، وهو يعتدل بقعدته، بنبرة فيها رفض واضح:
أحمد:
– “نعمم؟! هو احنا مخلصناش من هالقرف؟ يارا، مش رح تروحي، أنا بحكي جد، مش رح أسمحلك.”
يارا (بتحاول تحكي بهدوء):
– “بس…”
أحمد (قاطِعها)
لا بس ولاغيرو كل ماتروحي بترجعي اضرب من قبل فش روحة
يارا (نظرة صلبة):
– “بس أنا بدي أروح.”
أحمد (بحدّة):
– “يارااا…”
يارا (بصوت واطي):
– “أمانة، أحمد.”
أحمد (بلهجة حاسمة):
– “بشرط.”
يارا (بعيون مترقبة):
– “شو هو؟”
أحمد:
– “إذا بدك تروحي، بدك ترجعي تشتغلي بالمستشفى.”
يارا (بتنهد):
– “أحمد، لا تضغط علي…”
أحمد (بنبرة هادية وحازمة):
– “هاد شرط… مش ضغط.”
يارا:
– “يعني ما في مجال؟”
أحمد:
– “ما في مجال… ولا تناقشيني.”
يارا (بعد صمت قصير):
– “أوك… رح أقدم للمستشفى.”
أحمد (واقف فورًا):
– “تمام، أنا قايم أحكي مع المدير.”
يارا (بتبتسم وهي مدهوشة من سرعته):
– “بهالسرعة؟!”
أحمد (وهو طالع):
– “طبعًااااا! في مثل من أمثال ستي كنتي تحكيه…
‘دق الحديد وهو حامي’… وأنا رايح أدقّه!”
شبح بسمة ظهر ع شفتها مع دموعها الي كانو مغرقات خدودها بس كانو هالمرة دموع رجعة، مش ضعف.
رؤى، وهي تمسح دمعها بلطف:
– “هالمرة… رح ترجع يار زي ماكانت قبل وأقوى انتي عملتي الاشي الصح ياروحي واحنا كلنا فخورين فيكي وملهم ربنا اختارلو الاحسن .
يوم المحكمة ………
ضباب خارج القاعة، وكأن العاصمة عم تحبس أنفاسها. سيارات الأمن مصطفة، الإعلام، الحضور، القضاة، المحامين… الكل عارف إنه هاليوم هو الفاصل.
بس الشي الوحيد اللي ما حدا عارفه… إن الحقيقة اللي راح تنقال اليوم، ما بتشبه ولا إشي توقعوه
بوصولها كل الكاميرات لفت لما ظهرت.
لابسة بدلة رسمية رمادية، شعرها مربوط، عيونها هادية والوجع مبين فيهم .
دخلت قاعة المحكمة، الكل قام بصمت،احتراماً لشخصها ولشجاعتها بهالعمر ….
قعدت على كرسي الشهادة،لتاخد نفس عميق وتابع مع كلام القاضي ماكان في غيرها هي وزيد ومراد والمحاميين والقاضي وبعض المحاميين المتدربين واكمن أعلامي والشرطة
بدأت الجلسة، ووكّل محامي الدفاع عن زيد ومراد، ليبدأ والمحامي العام يستدعي الشهود الي كانو ثنين من رجال زيد وممرض من المستشفى وهية،
لييجي دورها :
الشاهدة الرئيسية… الدكتورة يارا رؤوف
طلعت عالمنصة، وعيون زيد كانت عليها كأنها سكين
ومراد بينظرلها بحقد وتوتر
القاضي:
دكتورة يارا ، اخبرينا بتفاصيل ما تعرفينه عن القضية.
يارا، بصوت واضح:
– “أنا دكتورة يارا رؤوف كنت الطبيبة اللي بتشتغل بمستشفى المدينة الجامعي مع المتهم مراد وبدأت يارا تحكي عن كل شي عاشته، من أول يوم تم نقلها فيه على القرية، كيف كانت مفكرة إنها منفية… وهي فعلياً كانت منقادة
يارا (بصوت بارد، محايد، لكن قاتل):
–أنا ما انتقلت على القرية صدفة. نقلوني بتوصية مباشرة من مراد فارس، الي شغل كل واسطاتو بهالموضوع تحت موافقة زيد
المحامي العام يستوقفها:
بتقولي إنكِ نُقلتِ بأمر منهم؟
يارا:
– “اه. وكان الهدف الحقيقي مش علاجي أو إصلاحي…
كان الهدف زرعي في مكان يستخدموني فيه كوسيلة لمراقبة تجاوزات وتحركات عدوهم ملهم غصت وهي تحكي ودمعة لمعت بعينها لتكمل ، بعد الظغط علي بورقة رجوعي للمدينة بس بدون علمي إنها منسقة ومخططة من طرفهم هما الاثنين !
محامي زيد حاول يقاطعها:
– “اعتراض، شهادة الشاهدة عاطفية وغير حيادية…”
القاضي (بحزم):
– “مرفوض. الشاهدة عم تقدّم وقائع مدعومة بأدلة. تفضلّي كمّلي دكتورة مع تقديم الادلة.
يارا تسحب من ملفها ورقة، نسخة من إيميل داخلي كانت حافظيتهه لتكمل :هاي هي بس الورقة الي عندي عليها تفريغات لمحادثات صوتية لمراد وهو بيحكي مع زيد بشأني والي قدرت احصل عليها من اصدقائي الي ضلو يشتغلو معاه بالمستشفى باقي الادلة اتسلمت للشرطة
همهمة عمة القاعة بسبب صراخ مراد :
تزييف! تزييف واضح!
القاضي بصوت قاطع :هدووء ، والان هناك طلب من شاهد خاص تم تقديمة من قبل المخابرات تم السماح له بالدخول لدعم شهادة الشاهدة…
عليت اصوات الاستغراب من قبل القاعة الاعلام صار يتهامس ويتحزر مين هالشاهد الخاص التلفونات ارتفعت للتصوير
انفتحت أبواب القاعة ليظهر منها بهيبته المعتادة لابس بزته العسكرية، عليها رتب وبطاقة تعريف واضحة معلّقة على صدره بإسم العقيد ملهم سيف ، ووراه دخلو معاذ وياسر ومروى …..
جمدت بمكانها .
عيونها اتوسّعت…
إيديها بردوا…
وضربات قلبها ما عادت تهدأ .
“ملهم…؟”
حكتها بصوت ما طلع.
صوت داخلها… من عمق صدمتها.
لفت عليه بصدمة وقفت، بس ما قدرت تتحرك رجليها تربطو مش قادرة تشوف غيره…
كل شي حوالينها ضباب، قاعة المحكمة اختفت… الوجوه، الأصوات، القاضي، المتهمين…
هو…
هو قدامها. واقف. وعايش.
يارا (بهمس مرتجف، مكسور):
– “ملهم… إنتا… عايش؟”
– “إنتا ما متت؟
صحيت ع صوت القاضي الي بينبها للتحرك ليطلع ملهم ع المنصة مكانها
نزلت ومرقت من جنبو وهي لسا مش مستوعبة
اما هو كان بيتطلع فيها وعيونه فيها اشتياق و… حب،متغيرة وذبلانة كثير نفض افكارو وطلع ع المنصة بكل ثقة وثبات ليبلش يجاوب على اسئلة القاضي
القاضي:
– “هل لك أن تُعرّف بنفسك، أيها الشاهد؟
ملهم بهدوء غريب، يطلع بطاقة رسمية من جيبه…
– “أنا العقيد ملهم ناصر – قسم التحقيقات الخاصة، وحدة مكافحة الفساد.
تنكّرت كوسيط مافيا طيلة ثلاث سنوات ضمن عملية ‘الظلّ الأبيض’، وكان هدفي الوصول إلى الرأس الكبير… زيد كامل، ومن خلفه
صوت وقع البطاقة على طاولة القضاة كان كأنه صدى قنبلة.
كل الوجوه انقلبت. زيد تراجع بمقعده، عيونه متّسعة:
– “كنت معنا من الأول…؟!”
ملهم ببرود مخيف:
– “أنا كنت ضدّك من أول دقيقة يازيد وأنا الشخص اللي زرع الفوضى بنظامك من جوّا، وسجّل صفقة، وكل جريمة، وكل اسم…
القاضي رفع راسه وقال بصوت رسمي:
— “السيد العقيد، هل لديك ما يثبت تورط المتهمين زيد ومراد بالتنسيق ضدّ الشاهدة؟”
ملهم – (بصوت حاد، جليدي، لا يحتمل التشكيك):
— “كل الأدلة موجودة… تسجيلات، تحويلات مالية، رسائل صوتية، وثائق حكومية موقعة من أسماء تم تجنيدها لصالح زيد ومراد.
لكن أخطر ما فيها… هو توجيههم لمصير شخص بريء، كان ذنبها الوحيد إنها كانت صوت الحق بوسط صمت منظم.”
(بيلف وجهه ليارا …. بنظرة طويلة، ثابتة، وبيكمل):
— “الدكتورة يارا رؤوف… مش بس شاهدة،
هي واحدة من ضحاياكم،
ضحيتوا فيها مرتين: مرة لما بعثتوها على النفي، ومرة لما خنتو رسالتها كطبيبة.
كانت سامعيتو وهو بيروي التفاصيل مع الادلة كيف كان عارف بكل خطوة كاينة تتحركها ومراقبها كيف كانت لعبة بئيدو يحركها كيف مابدو وكيف كان يلفت انتباها للأشياء الي هي ماكانت منتبهتلهم لتدقق عليهم وتاخدهم كدليل وكيف كاين ساكت عنها وعارف كل اشي
وهون…
القاضي يعلن قرار المحكمة:
— “بعد سماع الشهادات، واستعراض الأدلة المقدمة من وحدة التحقيقات الخاصة، وبناءً على المادة ١٩ من قانون مكافحة الفساد…
تُدان المحكمة كلاً من زيد كامل ومراد فارس بتهم:
– التآمر الجنائي،
– إساءة استخدام السلطة،
– التلاعب بالقطاع الطبي،
– وتهديد أمن الدولة.”
استمع القاضي لشهادة الباقي ليقرر الحكم
وتعلن المحكمة…
الحكم بالسجن المؤبد غير القابل للاستئناف لكلا المتهمين
طلعو الكل من القاعة زيد ومراد انشحطو ع السجن ماضل غيرهم
بصوت مخنوق، موجوع:
ليه… ليه ما حكيتلي إنك عايش… ليه ماحكتلي انك كنت عارف كل اشي بخططتلو ؟ليش عيشتني بالذنب والندم ليششش ؟
ملهم قرب منها خطوة، صوته واطي بس واضح:
أنا آسف… كان لازم كل شي يضل مخفي، كان لازم الكل يصدق إني متت… حتى إنتِ كان لازم تصدقي، مهمتي كانت بتطلب هيك آسف يارا
يارا حطّت إيدها ع صدرها، كأنها تحاول تمسك قلبها قبل ما يوقع.
“أنا دفنتك جواتي، ملهم… أنا بكيتك شهور. كيف قدرت؟ ليش؟شوذنبي تعاقبني هيك ؟مهمتك كانت بتطلب تلعبو فينيي؟ بمشاعريي ؟ بس انا هبلة انا كثير هبلةة
ملهم:
– لا يارا لا انتي مش هبلة وماحد لعب فيكي… انتي قوية لدرجة نهيتي مهمة صرلنا سنين بنحاول ننهيها….
يارا (بصوت مكسور، ناضج، ومليان وجع صادق):
طبعاً رح انهيها مأنا مجرد لعبة اجيت بمرحلة النهاية وبس
كنت ألوم حالي،
كنت أكرهني،
شككت بضميري وعدالتي وندمت عليهم
كنت أشوف صورك وأحكي…
لو ما كنت أنا، يمكن بعدك عايش ، لو مارحت وحكيت للشرطة ، لو مامشيت معاهم ، لو طنشت وظليت معك كان هسا احنا عايشين حياتنا
بس كل هاد طلع ايشش ؟؟طلع لعبة
طلعتو معيشيني بلعبة طلعت مجرد حجر بتحركوه وين مابدكم انتا عارف كل تحركاتي كل تصرفاتي وخليتني اكمل واسلم زيد ، مراد الي بعتني لزيد عشان يستغلني وكلكمم
بتعرف شوو خسارة الشهور الي عشتهم وانا ابكي ع حب مش موجود فهمتتتت الي بحب مابعذبب مابيعمل هيك
كان بإمكانك تحكيلي وانا كنت رح اساعدك من غير عذاب هالضمير هادد بس لا انتا خترت السكوت وخلي السكوت يفيدك .
مسحت دموعها بكل قوة لتشد ظهرها وتسحب حالها وتطلع من باب القاعة بغرور وكبرياء و ولا كأنها كانت منهارة
مسحت دموعها الي لساتهم بينزلو وبخطى سريعة و بغرور وكبرياء و ولا كأنها كانت منهارة طلعت من باب المحكمة، والهوا البارد ضرب وجهها،
بس ما كان أبرد من اللي جوّا قلبها.
إيدها كانت بترجف، بس مسحت دموعها بقوة.
شدّت على شنتتها كأنها بتمسك آخر حبة كرامة فيها،
ومشت…
مشت بخطوات واثقة،
مش لأنّها قوية…
بس لأنها خلص، ما عاد فيها تنهار.
عدت الايام بهدوء يارا رجعت يارا الطموحة القوية الضحوكة والمجنونة رجعت ع شغلها وع حياتها طلعاتها بس…
في شي ما رجع مثل قبل.
في زاوية بقلبها،
لسّا مسكّرة
مع انو ملهم لساتو بيحاول يرجعها يومياً بكل مكان بتروحو بيكون قبلها فيه، ماخلا بالبد حبة شكلاته ماجابها بوكسات ، باقات ، كراتين ، علب ، هدايا وورد ، رسائل ، صباحيات ومسائيات ، يومي لازم يكونو بمكتبها.
هو ما عم يحاول يرجّع الماضي…
هو عم يحاول يبني شي جديد…
على نضج، على صمت،وعلى حبّ لسه حيّ رغم كل شي …
فاتت عمكتبها زي كل يوم لتلاقيه كالعادة فنجان قهوة مع بوكيه ورد شوكليت وجنبو رسالة هزت راسها بيأس لتاخدهم وتحطهم مع اخوتهم
انتبهت ع الملفات الي قدامها عندها عمليتين تدريبيات مهمات اليوم جولات تفقدية ع مرضاها غرفة رقم ٣٠١ /٤٠٥ و٥٠٢ ؟؟
من وين هاد المريض إجا ؟؟
رنت ع الريسبشن لتسألهم ليحكولها انو مريض كان عند دكتور تاني والدكتور التاني نقلو ع اسمها لانو اليوم مش مداوم وحالتو شوي حرجة !
شو تشخيصو ؟؟
القلب
اها اوك يعطيكم العافية
سحبت سماعاتها وطلعت من غرفتها بهدوء لعندو لتشخص حالتو هي
وصلت ع الباب ودقت بنقرات خفيفة ماسمعت صوت حدا
فتحتو وفاتت بس مالاقت حدا بالغرفة
فجأة طلع حدا من وراها وحضنها بحب عرفتو من ريحتو من انفاسو ومن نبضات قلبها الي وصلو لآخر المستشفى
لتوصلها همساتو :
:بدكيش تحني ع قلبي يعني
…وقف الزمن،
انحبس النفس،
رجف كل شي فيها إلّا صوت قلبها…
اللي بلّش يدق كأنو رجع ع الحياة من جديد.
نفس الصوت… نفس الهمسة… نفس الموجة الي كانت كل مرة تغرقها فيه.
همسها بصوت مرتجف، وكلها مشاعر مخلوطة:
ملهم…؟
:لأ مش ملهم هالمرة أنا مريض القلب اللي ما شُفي من غيابك وماحد بيقدر يشفيه غيرك.
سكتت…
عينها على الأرض، بس دموعها غدرتها، واشواقها خانت هدوءها: ملهم وبعدين ؟؟
:ممم بجوز لحتى ترضي عليي
:بس انا حكيتلك خلص انتهينا
لأ ماانتهينا يارا احنا مابلشنا لننتهي
اسمعيني، من دون ما تقاطعي…هالمرة
أنا انكسرت من يوم ما شفتك بتتبكي فوقي وانتي مفكرة إني متّ.
انكسرت… لأني وجعتك،
انكسرت لانو كان لازم هيك أعمل فيكي.”
(ياخد نفس، وعيونه تلمع)
يارا انا بحبك…
آه، سمعتي هالكلمة منّي زمان،
بس هالمرة… انا بقولها وأنا واقف قدامك ملهم العقيد مش ملهم وسيط المافيا مش ملهم الي مابتطلعي معو غير بمصايب وإصابات .
أنا بحبك،
حبّ مش مزاج، ولا ظرف،
حبّ حرب!
حبّ خبيت فيه حالي ، ودمي، وهويتي…
بس ما خبيتك إنتِ،
إنتِ كنتي وجعي، وسري، وراحتي، وكل يلي كنت بقاتل لأخلص من هالمهمة كرماله.”
(ينزل صوته شوي، بصوت حنون)
“أنا بحبك يارا ، بحب قوتك ، هبلك ، جنانك ، عصبيتك ، غرورك ، ثقتك ، وكلك عبعضك
ليشد عليها، ونبرته تصير أهدى بس أصدق
مش عم بطلبك تسامحيني،
بس بطلب…
فرصة وحدة صغيرة…
نرجع نكون “إحنا”،
بس هالمرة…
بإختيارك إنتِ.
فإذا بعد كل هالشي…
لسه بقلبك مكان لإلي،
أنا هون…
أنا مستعد أعيش… وأموت من جديد، مشانك يارا بترجاكي .
كانو دموعها مغرقين خدودها مشتاقيتلو ومشتاقة لكا تفاصيلو قلبها سامحو أصلا مابيقدر مايسامحو
(ابتسمت من بين دموعها، وعيونها عم تلمع بضعف القوة، وبقوة الضعف…
وبصوت شبه مكسور، قالت:
أنا تعبت، ملهم…
تعبت من الوجع، من الحيرة، من كل شي صار…
بس الأكيد؟
ولا يوم مرّ… كنت فيه عنجد قادرة أكرهك.
لفت عليه ، وبإيدها لمست صدره،
مكان قلبه اللي عاشت خوف فقده، وندم غيابه…
–أنا ما سامحتك…
بس قلبي سامحك من أول لحظة شفتك فيها واقف قدامي وعايش…
قلبي الي بيحبك ملهم…
آه، بيحبك حب وجّعني، وعلّمني، وكسرني،
أنا فقدتك مرّة… وكنت رح أضيع،
بس اليوم، ما رح أقبل أخسرك مرا تانية
بحبك كتير ومش حمل أفقدك
(تبتسم بدموعها، لما حضنها بقوة وشد عليها )
لهيك رح اعطيك فرصة ، ملهم…
فرصة وحدة، بس مش متل أي فرصة.
فرصة نبلّش من أول وجديد…
بدون كذب، بدون أسرار،
على وضوح… على وجع مرق، ووجع تخطّيناه،
على حبّ… بعد ما الحياة جرّبت تكسره.
شدّ حضنه، وعيونه سكّرت على دموعها،
كأنّه عم يخبّيها من كل العالم… ومن كل احتمال يخطفها منه مرّة تانية.
لهمس عند أذنها بحنان وصدق : وعد هالمرة… ما رح أفلِّت.
لترد بصوتها المبحوح وبنبرة حب :
وهالمرة… ما رح خاف أحبّك .
في حياتها مرّت بحروب…
بس ولا حرب وجعتها قد اللي خاضته جوّا قلبها.
حبها لملهم ما كان عادي…
كان وجع، كان تضحية، كان فُقدان، وكان رجعة على قدّ ما كانت مستحيلة، كانت أصدق ما يمكن.
ولما وقف قدامها، بلحظة وحدة،
عرفت إنّه كل شي صار كان علشان يوصلوا لهون…
لنقطة ما فيها لا خوف، ولا كذب، ولا وجع ساكن بيناتهم.
نقطة فيها هو وهي…
عايشين الحقيقة، مش الاحتمالات.
**
رجعت تمسك إيده، بس هالمرة مو من حاجة…
من اختيار.
رجعت تضحك من قلب موجوع… بس متصالح.
رجعت تصدق، بعد ما كانت خايفة تصدّق.
رجعت تحب… بكلها، من دون ما تخاف من “بكرا”.
**
لأنها أخيرًا فهمت:
الحب الحقيقي ما بينكسر،
هو بينكسرنا علشان نرجع نوقف… أقوى، وأصدق، مع بعض.
النهاية…؟
لا.
هاي كانت البداية الجديدة.
لـ “يارا” اللي ما عاد إلها غير وجه واحد…
وجهها وهي ماسكة إيده، وما عم تفلتها.
ولـ “ملهم”، اللي اختار يعيش باسمه الحقيقي…
ويحبها، على العلن، للآخر 🖤
#تمّت… والحب ما تمّ إلا بهم 🖤🎭
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`