الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعبة_بلا_إختيار`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الفصل_٤ 🖤🎭
ماصدقت على الله وهو خلص هاليوم الي من الصبح حالات فايتة وحالات طالعة رمت حالها ع الكرسي بتعب لتنتبه ع الوقت الساعة ١ بليل قامت بسرعة عشان تلحق تضب اغراضها لتنتقل على البيت الي إستأجرتو طلعت من المكتب متوجهة للسكن بسس وقفها صوت مروى وهو بتنادي عليها لتساعد الدكتور ياسر بالحالات الي عندو بالطوارء
مروى :دكتورة ياراا في حالة وصلتنا ووضعها كثير صعب ودكتور ياسر مستلم حالة ثانية بدها اسعاف فيكي تيجي تساعدي
وقفت مكانها، وغمضت عيونها بتعب بسس مافيها تبدي نفسها ع حساب تعب بني آدم كرست حياتها لتداويه ،قلبها ما بعرف يتجاهل صوت حدا محتاجها مهما كان .
لفّت ببطء، وفتحت عيونها ع مروى الواقفة قدامها،و بنبرة مبحوحة سألت :وضعها كثير صعب؟
مروى :جداً… وجسمها بارد، والاكسجين نازل كتير عندها.
هزّت راسها بتفهم وركضت…
ركضت بكل التعب الي فيها دخلت الطوارئ متوجهة لعند المريضة لتسعفها ولتنجلط بزيادة من كمية الذكاء الي عند ياسر كان هو وجنبو واقف معاذ وبيتحزرو ايش حالة المريضة الي اصلا تعالجت وبتستنى بتحاليلها
وسلمى قاعدة بتفهم فيهم انو مريضتها الي هسا فاتت هي الي بدها اسعاف مش الي هما عندها
سلمى :دكتور ياسر حالة الهايبرتنشن عندي
ياسر :الف سلامة عليكي سلمى ماتشوفي شر
سلمى :مش انا دكتور مش انا المريضة قصدي المريضة الي عندي
ياسر: مالها
معاذ :بتحكيلك هايبر يعني بدها تروح ع الهايبر
ياسر :خليها تروح سلمى احنا شو دخلنا فيها بس عما أضن مافي هون هايبر
معاذ:اه صحح بجوز بتسأل عشنو بعيد وبدها اشي اقرب منو هان في دكان عصام اذا بدها دليها عليه
يارا :دكتور ياسر بتحكيلك عندها هايبرتنشن يعني ظغطها عالي 🐸
ياسر:اهاا ظغتها وليش الفلسفة يعني استاذة سلمى ومالو العربي اه مالو ليكون بعلمك بس انا بفهم انجليزي بس درست طب بالعربي عشان هيك ...بعدين هي الهايبرتتنشن هاي محتاجة تدخلي يعني ...متعطيها زنجبيل
سلمى : زنجبيل 🙂
معاذ :اه زنجبيل زي ماحكالك وان مالقيتوش زنجبيل كركديه مشوها باي اشي
يارا بااستهزاء :وشو رأيك يودوها ع الكفتيريا مرا وحدة بيكون احسن 🐸
ياسر:اقتراح جميل دكتورة يارا رح ننظر فيه اسمعتي ياسلمى شو تعملي
سلمى :اه دكتور سمعت 🙂
هزت راسها بقلة حيلة وهي بتحكي لمروى : قال دكتور قال الحمير بتفهم اكتر منو 🐸
لفت ع الحالة الي معاها وبلشت فيها طلبت فحوصات وطلبت اكمن أجراء طبي لتشخص حالتها مع الاسعافات الأولية ……
عند زيد ….
واقف بكل ثقة قدام باب الكازينو ، لابس أفخم بدلة،، ماسك سلاح ذهبي ليطلق على الشريط ويعلن عن افتتاح اول واكبر كازينو بهالمنطقة ،محاط بالحرس الشخصي، بيحاوطوه اعظاء المافيا المقربين لألو وشركائو . الكل حواليه عم يحكي بإعجاب عن جمال وفخامة الكازينو ، المكان اللي بيجمع بين الفخامة المطلقة والهيبة القاتلة والي كان عبارة واجهة زجاجية ضخمة ومضلعة، بتعكس أضواء المدينة، بس عيونك أول ما توقع عليها… ما بتشوف المدينة، بتشوف صف طويل من السيارات الأغلى والأندر بالعالم:
• بوجاتي لا فواتور نوار
• فيراري 250 GTO
• أستون مارتن DB5 موديفاي خصيصًا
•مرسيدس مايباخ وجي كلاس محدثات بتظام متطور مخصوص لأله
كلها لامعة، واقفة مثل التماثيل المقدسة، كل وحدة عليها لوح رقمي صغير بيحكي تاريخها وسعرها الحالي.
الساحة الخارجية مجهزة كأنها معرض سيارات ملكي، مع نظام أمان إلكتروني بيحاكي الثكنات العسكرية.
بممر من رخام أسود مزخرف بخطوط حمراء، كأنها عروق دم. جدرانو مغطية برسومات ضخمة مستوحينها من الوشوم التقليدية لعصابات أوروبا وشرق آسيا: جماجم، ثعابين، مسدسات ملتفة حول ورود، وعيون بتراقبك من كل جهة اما السقف فكان مزخرف بخريطة ضخمة للعالم، وعليها علامات باللون الأحمر على المدن اللي إله فيها نفوذ
وطاولات القمار منحوتة من خشب داكن، مرصعة بقطع حديدية محفور عليها رموز مشفرة وأوراق اللعب الي كانت عبارة عن دولارات مزورة… بس بتلمع كأنها أصلية، ومصممة بجمالية عبثية والأسلحة الي موزعة كـ”زينة” مسدس ذهبي معلق بإطار زجاجي بين طاولتين وبندقية آلية قديمة فوق البار، ووراها جملة محفورة: “المال لا يربح الحرب… السلاح يفعل.
كان بيتلفت حواليه بغرور وكبرياء، الكل بيصافحه، بيهنيه، بيباركله ليقرب عليه واحد من رجالو بكل هدوء، وشوشه بإذنه كلام وإعطاه باقة ورد ابيض ومرشوش عليه دم مع ظرف صغير ….
فتح الظرف بفظول وهو مبتسم وبلش يقرأو لتبلش إبتسامتو تتلاشى مع كل كلمة وكلمة ….
وقف لثواني، ماسك الورقة بإيد، والباقي من أعصابه بإيده التانية.
وجهه متحجر، بس عيونه بتفضح العاصفة اللي جواته.
جعلك الرسالة بإيدو، وكأنو بينتقم منها رماها ع الارض
ليركض بكل قوته
أول مرة بينشاف فيها زيد بهالسرعة
كان بيركض ومع هيك بيحس خطواتو ثقيلة،.
وصل قدّام السيارات، ولسا الكلام الي بالورقة بيتكرر قدام عيونو:
فكرت وحترت ورجعت فكرت وحترت بكيف أباركلك بمناسبة الافتتاح العظيم هاد بس بالنهاية…
لقيت طريقة رح تبهرك، ومش هتقدر تغمض عينيك من جمالهاا …
وقررت بكل محبة أباركلك من بَرّا…
قبل ما أباركلك من جُوّا
وبيني وبينك وبكل صراحة ؟الأجواء نار وشراار …وخصوصاً محبوبات قلبك بس اما شووو والله وطلعت بتعرف بالذوق 😉
قلبه عم بدق بطريقة مش طبيعية،فتح البوابة الذكية بنفسه، ودخل، عيونه بتمسح السيارات وحدة وحدة بيتأكد من محركاتهم ،صوت التشغيل، وغيرو
اتنهد بإرتياح مع ضحكة مسمومة طلعت منه، وهو بيهمس بغل :
ابن الحرام…
صرخ على رجاله بصوت عالي وهو بيقلب بنظرته فيهم:
راقبولي كل زاوية!
أي حركة غريبة، أي نفس مش معروف… بدي أعرف فيه قبل ما يطير بالهوا مفهووووووووم !!!!
: مفهوم يابيك
لف وطلع من المكان بخطوات منتصرة ولسا الضحكة ع وجهو بسس فجأة : !!!! BOOOOOOM
انفجار هز المكان من جذوره الكل ارتمى ع الارض ولسا مش مستوعبين الي صار
قام بسرعة وبجنون صار يصرخ
لتنفجر السيارة ثانية، وبوووم ثاني.
وبلشو ينفجرو السيارات وحدة ورا الثانية بشكل متسلسل
النار اكلت الدنيا والدخان عبا المكان، الحرس والرجال صاروا يركضوا لبعيد ،الناس جوا سمعوا صوت التفجيرات وهربت
أما هو كانو رجالو بيسحبوه سحب عن الانفجارات وهو واقف ثابت ومصدوم ، وانعكاس لهب النار بيتلألأ في عيونه
ليجيه اتصال من مجهول : فتح خط ورفع السماعة ع اذنو ليجيه صوتو وهو بيحكيلو : عجبتك المباركة صحح ، بالله عليك في حدا باركلك بهالطريقة الكرييتف هاي ؟ طبعاً لأ
بس عنجد ام سو سو سورييي بعرف انهم غاليات عقلبك بس يلاا المباركة هاي تعتبر فركة إذن لتراجع حالك مع مين بتلعب وهالمرا هاي انفجرو قدامك بس ان حاولت تلعب بذيلك المرا الجاي رح تتفجر انتا بدالهم …تشاو ياحبب 😘
نزل التلفون عن اذنة ايصرخ بكل قهر ويوقع من طولو مغشي عليه …..
شخصت الحالة واعطتها العلاج المناسب وسلمتها لمروى تهتم فيها اتطلعت حواليها مافي غيرها هي وسلمى ومروى بالطوارء أما الدكتور ياسر الي المفروض فيه يكون مناوب مابتعرف وينو حكالها خليكي شوي وبرجع وراح للهفا ومارجع
عيونها صارو يسكرو لحالهم بسس صحصحت عصوت ضجة رجت المركز رج بمنظر بقشعر البدن رجال مسلحين ولابسين اسود بأسود وضخمين بكل مكان وفي رجال ضخم، لابس أسود بأسود، ملامحه جامدة متل الحجر ، وسلاحه ظاهر وواضح متقدمهم وحامل بأيدو زلمة أشبه بالمغيب وصراخو معبي المكان :
الزلمة :ويننن الدكاترة هووووووووون جمعولي كل الدكاترة بسرعةة
اتطلعت عسلمى كانت متجمدة مكانها أما مروى وكأنها فص ملح وذاب مش مبينة اتوجهت عليه بكل قوة قلب وقفت بوجهو لتحكيلو
يارا : حطو ع هاد التخت لأشوف شو حالته
الزلمة : ومين انتي
يارا : انا الدكتورة هان حطو ع التخت بحكيلك
الزلمة : ومافي غيرك يعني انا بحكي بدي الدكاترة الي هون مش الاطفال
يارا : أطفال بعينك أولاً ثانياً إذا حاب تنقذو، ما تضيع وقتك ووقتي بالكلام الفاضي . أنا الي موجودة، وأنا اللي فيني أساعده .
حط زيد من ايدو ع التخت بس ضل واقف فوق راسها وهي تفحص فيه حكت لسمى تجيبلها الابر والسيرومات اللازمة لترجع تكمل فحص والرجال كلهم حواليها الي بدخن والي رايح جاي والي بيحكي والي بيضحك بصوت عالي
ماعرفت تركز بالفحص لترفع راسها عليه وتحكيلو
يارا :ممكن تاخد الكتيبة الي وراك وتتطلعو لبرا لوسمحتو لانكم مش مخليني أشوف شغلي وكمان هاد مركز صحي مش فندق خمس نجوم في مرضى بدهم يرتاحو
الزلمة : لأ مش ممكن وركزي بشغلك بلا لعي والاا رفع جكيتو ليبين سلاحو وغمزها
يارا : انتا بمين بتهدد؟؟ مين مفكر حالك ؟؟ ماتفكرني بخاف ولا بيأثر فييي اصلاً سلمى اتصلي بالحارس ليجي يشحطهم لبرا ويشحط مريضهم معهم فش عنا دكاترا تعالجو
سحبت حالها ومشيت بعصبية ليطول مسدسو ويحطو براسها: انتي بتعرفيي لمين بتحكي هالحكيي بتعرفي مين الي رافضة تعالجيي انا حكتلك ركزي بشغلك بس انتي الظاهر مابتحبي تسمعي الكلمة عالجيه يلا ومن تم ساكتت
نَفَسها ظل منتظم، رغم إنو كل جزء فيها كان يعرف إنو ثواني بس الي بتفصلها عن الموت لتردّ، بصوت حاد كالسهم : لأ مابسمع الكلمة ومابدي اعالجو شو بدك تعمل يعني بدك تطخ يلا طخ طخ لشوف حكتلك انا مابخاف عندي مناعة منو لهاد وإذا انتا هيك شايف انك بتمارس قوتك، فأنت أضعف مما تتخيل حيوانن مقرف
انجن من كلامها ليرص السلاح عراسها أكثر وسحب الزناد بسس مالاقا حالو غير السلاح طاير من ايدو وايدو ملتوية بقوة انجثا ع الارض وحنكو ممسوك بشدة الضرب بيجيه من كل جهة لينرمي ع الأرض وصرخة ألم حادة طلعت منه لما دعس ع صدرو بقوة وهو بيحكيلو
"شوكنت بدك تعمل ،بدك تقتلها ؟ اهه احكييي شو كنت بدك تعمللهاا ؟؟ كان يخبطو بجنان وياسر ومعاذ مستلمين الكتيبة الي كانو يحاولو ينقذو من بين ايدين ملهم
بينما هي كانت واقفة بجمود عيونها عليهم بس ايدها بترجف تلقائيا ومش مصدقة انها نجت بأعجوبةة سحبتها مروى وحظنتها بحنية وهي بتتطمن عليها وسلمى لحقتها بكاسة مي
قام من فوقه بعد ماكسرو تكسير وغرقو بدمو، وهو بيؤمر رجالو ياخدوه يرموه بالمستودع وبس يصحى
يعملولو اللازم
لف عليها بعصبية ليصرخ فيها بكل قهر :إنتي مجنونة؟! بتعرفي شو كان ممكن يعمل فيكييي ؟! بتحطي حالك بوجه السلاح ليهه بتجاعميه ليهه ياراا ؟! لو مالحقتكك كان صفاكي ثفاكي وما سأل عنك بسبب لسانك وعنادك ومراددتك !!!جاوبينييي ياراا جاوبينييييي ؟؟
ما ردّت.
بس من صراخو عليها الي مش متعودة حدا يصرخ عليها دموعها بلشو يشرو زي الشلال .
مروى :ملهم مش وقتو هالحكي
ملهم ؛متى وقتو مروى متى افرضي انا مش موجود شوكان رح يصير بتجاعم بعصابة مافياا كاملة انتي متخيلة
يارا بصراخ مليان قهر : شو رأيك اسمحلو يتطاول علييي اه شو رأيكك بعدين ليش تنقذنييي مين حكاالك تنقذنيي انا بعرف اتصرفف ماتفضل علي بإشي
ملهم : انا مافضلت عليكي انا بس بورجيكي لسانك لوين كان حيوديكي
… ملهم… ياراا خلص، خلونا نهدى شوي
سحبت حالها ومشيت من قدامو وهو لسا عيونه مولعات نار زفر بعصبية
برجوع ياسر ومعاذ الي كانو يطلعو برجال زيد
ياسر : اووووف يخربيت جنانهاا ماقواهااا فعلاً
ملهم : هاد هبل مش قوة
معاذ : لا قوة ماشفتها كيف بتراددو والسلاح براسها قال
شو انا عندي مناعة منو لهاد بربي مصيبة 😂😂😂😂
جحرو وقام بدو يطلع لينتبه ع زيد : هاد شو مالو ايش الي جايبو هان مش كان عندو حفل افتتاح للكازينو المسا ؟
ياسر : حسب الي فهمتو من رجالو انو بالافتتاح في حدا فجرلو مجموعة سياراتو ومااتحمل ووقع من طولو
ليشهق معاذ بصدمة وو لاكأنو الو دخل بالموضوع :ييييي ياحرااام والله لو انا مكانة لأودع كمان نص ثروته صارفهم ع السيارات
ملهم : ومين هاد الي عمل هيك ؟
ياسر :لحد هسا مش معروف بس احتمال يكون عدو جديد ظهر ع الساحة
معاذ :او يمكن حدا بدو ينتقم او تهديد هي قليلة عمايل زيد بالناس يعني 🐸
صفن فيه ملهم بشك ليحكيلو : بتعرف إن بكون الك دخل بهالقصة ؟؟
معاذ وهو بيتهرب منو : لاا طبعا لاا اناا بدي اروح واشوف مروى لأفهم منها ايش الي صار بالظبط يلا تشاااو
ملهم : معاذ؟؟
معاذ : مروى ياروحيي وينكك
ياسر :الو دخل بأيش ؟؟ليكوون ؟
ملهم : اه ليكووووون
ياسر : لا لا مابيعملها
ملهم : معاذ ورا هالقصة صدقني من مبارح وفي وراه اشي انا حكيتلك
ياسر : يازلمة مستحيل يعملها وبدون علمنا كمان
ملهم : بيعملها وبيعمل أهلها
ياسر : بتمزحححح
ملهم : تؤ مابمزح مشكلتو مكشوف وبيعرفش يكذب ماشفتو بس لقطتو كيف هرب ؟!
:طيب ممتاز اذا الرد كان منا الي عملو ضربة كثير كبيرة بصفوف زيد
:هو ممتاز اه بس مش وقته وانا حذرته مايتهور ويعمل اشي بدون علمي
:هاد ايش بدنا نعمل فيه هسا
:عالجو والحشو مع رجالو عبيتو
:طب مهو بين ايدينا وتقريبا لاحس ولاخبر ليش مابنكمل عليه
:تؤ وين المتعة باانك تكمل عليه وهو ضعيف بهالحالة خليه بس يقوى عوده شوي عشان يسمع صوت الكسر كثير منيح 😉
طلعت من غرفة الطوارئ بخطوات سريعة، ونفسها لساتو بيطلع وينزل. عيونها محمّرة من الدموع اللي بالكاد لحقت تلمع قبل ما تمسحها بكفها. وصلت للسكن، سكرت الباب وراها بقوة، ووقفت لحظة تشهق، كأنها كانت ماسكة نفسها كل هالمدّة. رمت أغراضها، وبكل هدوء شلحت روبها الأبيض بقوة ورمته، كأنها بتتخلص من كل شي صار بالليلة عن جسمها.
سحبت تلفونها بإيدها المرتجفة، فتحت جهات الاتصال…
يارا (بهمس، بصوت مخنوق من البكاء):
“مستحيل أضل هون ثانية وحدة، مستحيل.”
دورت على اسم أبوها، ضغطت عليه، وحطت الجهاز على أذنها، وقلبها عم يقرع مثل الطبل من الخوف والتعب… بس…
“لا توجد تغطية.”
رنت مرّة، مرتين، وثلاث، وبرضو نفس النتيجة.
نظرت للشاشة بقهر، فتحت الواتساب، حاولت ترن على أحمد… مرة، ورا مرة… برضو “لا توجد تغطية.”
ونفس الشيء مع رؤى…
رمت تلفونها من إيدها، وقعدت تبكي على الأرض. حست بدوخة وهمدانة، هي بتعرف الأعراض هاي ما بتروح إلا لما تاكل اشيء حلو. قامت تدور بأغراضها على شكلاتة، بسكوت، أي شيء، ما لاقته. دورت على السكر، برضو ما لاقته.
رجعت مدت حالها على التخت بتعب، حاولت تنام وتنسى، بس ما قدرت. ما جاءها نوم.
قامت غسلت وجهها، ونزلت لعند مروى، هي أقرب حد إلها هون لحد هسا، أو ممكن تطلب منها شي. بعكس التانيين، كانت ماشية بخطواتها البطيئة، يادوب ساعدتها تمشي.
وصلت الطوارئ، شافت مروى قاعدة على الكرسي، وبإيدها دفتر عم تكتب ملاحظات عن الحالات وسلمى كانت بتلف ع المرضى لتتطمن ولا اكنو كان في اعصار هون قبل شوي
وقفت قدامها بهدوء وترددت تطلب لتنتبه عليها مروى ….
مروى (وهي بتقوم بسرعة):
“يارا؟كيف صرتي"
يارا (بصوت واطي، مليان قهر طفولي وتعب دفين):
“بدي حلو."
مروى (بصدمة ): شوو؟
يارا (عيونها على الأرض، وبهمس):
“بدي اي اشي حلو بيتاكل ، شو ما كان… شوكولاتة ،بسكوت، معمول، كيك، حتى لو سكر لحاله… بس بدي شي حلو.
مروى (بلعت ضحكتها وهي عم تلاحظ كيف صوتها كان
بين البكا والضحك ولا مأنها كانت مالكة المكان قبل شوي ): تمام تمام هسا بشوفلك
يارا : لا يعني لاتغلبي حالك فش مكان قريب هان اشتري منو هسا ؟
مروى :لا مافي ،بس مافي مشكلة هسا بشوفلك وبكرا بتشتري
يارا :بدي اغلبك معي مروى 🥹
مروى : اسكتي حكيت مش بينا
لفت ع الدروج وصارت تدور فيهم مالاقت سحبت حالها وراحت ع مطبخ المركز ويارا لاحقيتها زي الطفل الصغير
فتحت الفرن لتلاقي قطع كيك بصحن من الي تفنن فيهم معاذ آخر مرة طالتهم واعطتها اياهم وهي بتضحك وبتحكيلها : ما بوعدك إنها زاكية كثير، بس هي الشي الوحيد اللي ممكن ينقال عنه حلو هون. حتى السكر خالص 🙂
يارا (أخدت الكيكة بامتنان، وقعدت على الكرسي):
زاكية ولا مش زاكية مابهم اهم اشي بدي حلو
اكلت اول لقمة لتنصدم من طعمها الي مابيتاكل بس اطرت تكملها
انتبهت عمروى الي كانت تتمايز فيها وهي بتاكل الكيكة بقرف بس مكملة ، كأنها كنز صغير نجا من الخراب
:بعرف يمكن شكلي غريب عليكي وطلبي اغرب… بس إذا ما بأكل شي حلو لما أكون زعلانة، بدوخ وبمرض .
مروى : يابنتيي لاا غريب ولا إشي هي انا لما ازعل باكل الاخضر واليابس مش بس حلو 😭
ضحكت ضحكة صغيرة، مبين عليها إنها طالعة من تحت الركام سكتت شوي وفي كلام وأسئلة بتدور ببالها .
يارا : احمم مروى بدي اسئلك سوال بس أمانة تجاوبيني عليه بكل صدق
مروى :اسألي
يارا : هاد الي برا مين وليش كان معو كل هالكتيبة عنجد مافيا زي ماحكى ملهم ؟
مروى : مابنصحك تعرفي مين هو
يارا : ليش لأنصدم ترا مبين عليه رجال ببأس شديد من ملامحو الصلبة عرفت ومن ملامح الجحوش الي معاه يمااه بيخوفو
مروى : هو فعلا ببأس بس برضو بنصحك ماتعرفي مين ولاتقربي لمعرفتو حتى
يارا : مروى بموت ان ماعرفت
مروى : لهلدرجة 😀
يارا : فضولي بيذبحني
مروى : ياستي هاد بيكون زيد وزي ماحكى ملهم أكبر زعيم مافيا بهالمنطقة
يارا : اصلا توقعت من الكتيبة الي معاه طيب شو الي موصلو لهالحال ؟
مروى : مابعرف صراحة
يارا : ممم طيب مروى ملهم بيشتغل زيو صح ؟
انصدمت مروى من سؤالها لترد عليها بتوتر : نعمم
يارا : ما سمعتيه لما حكا للحراس خدوه ورموه بالمخزن واعملولو الازم مبين عليه انو زي زيد .
مروى بتوتر مغلف بالهدوء: اها ياستي لازي زيد ولا زي عبيد ملهم مدير هالمركز ومابيشتغل غير هيك واذا كان ع الحراس طبيعي يحكيلهم هيك شفتي بعينك المنطقة كيف وايش التصرفات الي فيها هون ان ماكنتي قد حالك بياكلوكي وملهم هيك .
يارا : معقول بس انا حاسيتو غير هيك .
مروى : يارا نصيحة مني الك الاسئلة هاي واحساسك هاد رح يجيبولك وجع الراس ابعدي عنهم .
يارا : ليش انا شوحكيت حكيت بس بحس .
مروى : لاتحسيش دخيلك 🐸 .
سكتو شوي وقبل ما تسأل يارا كمان سؤال باغتتها مروى :صح انتي كيف بتوقفي بوجه الزلمة هيك من كل عقلك بتحكيلو طخني
يارا : ولا ايش اخليه يتطاول علي
مروى : انتي لو صبرتيلك شوي وماجاعمتيه كان اجا ملهم وحل القصة كلها بس صراحة اعند منك ماشفت ولابشوف
يارا : مش قصة عناد بس هو كان كثير مزودها وانا وقفتو عند حدو
مروى : هون مابينفع الكلام هاد هان مش زي المدينة هان كلها عصابات وعائلات ومشاكل والقتل عندهم زي شربة المي عنجدبحكيلك ، هان الوضع غير يا يارا…
أنا عارفة إنك قوية وراسِك يابس بس مش هون
يارا : عحالهم صراحة أنا مش لعبة، ولا حجر يحركوني وين مابدهم واسكتلهم .
ماحبت تتناقش معها اكثر من هيك لانو من الواضح مش رح تتطلع بنتيجة لتغير الموضوع :ماحكتيلي كيف طعم الكيكة ترا هاي خبايص معاذ 😂
يارا : يععععع الله يكرم النعمة بس ويخزيه والله لولا الحاجة مابكملها
مروى : لا ولوو تراه شيف حريف 😂
يارا : عشان هيك ماحدا ماكل من الكيكة 🐸
ليوصلهم نداء من الجهاز الي مع مروى بوصول حالة طوارء لتقوم بسرعة وتلحقها يارا بسس ماكانو يعرفو انو في مستمع ثالث كان بيناتهم ومستني يطلع من سرداب المطبخ …..يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`