الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم لعبة_بلا_إختيار`*
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الفصل_٣ 🖤🎭
واقف ومعطيهم ظهره، ماسك قداحتو وبلعب فيها بأصابعه،وقدامو معاذ رايح جاي وهو معصب وبيفكر كيف بدهم يردوها لزيد
يياسر :ياحيوان خلص لوحتنيي وانتا الثاني بدك تحكي شو عندك ولا نظل نتفرّج عليك وانتا بتسوي عروض صامتة؟
معاذ: كيف بيستجري يعمل معك هيككككك كيفففف ليش مارنيت عليناا ليش ماحكتلنااا بأولها انا رح انهية رح ارد عليه بطريقة مابيتوقعها رح اخفية عن وجه الدنيا هالمرة لهالواطيي موتو ع ايدي هدول ع ايدييي ….
مسك جاكيته بعصبية وسحب حالو وهم بدو يطلع
لف عليه ملهم بسرعة مسكو ورفع ايدو بتحذير : معاذ خليك عاقل ولاتعمل اشي من غير علمي
معاذ : يعني شو بدنا نستنى كمان؟ الزلمة بلّش يلعب ع المكشوف وبزيادة كمان لو مانفذت كان صفاك اليوم صفاككككك فاهم شو الي صار انتاا … خليني أخلص عليه قبل ما يتمادى أكثر .
ملهم :معاذ اسمع الكلام وخليك عاقل حكيت
معاذ : الله ربييييي بس الله ربييييي
ملهم وهو بيجحر فيه وبصراخ :معاااذ
ليرد عليه وهو قالب عيونو : طيب طيب خلص مش رح اعملو اشي
ملهم :معاذ
معاذ :هففف حكيتت مش رح اعملو اشي ولوو
ياسر :طيب وانتا شو الي ببالك ليش مانرد يعني ؟
ملهم :زيد لازم يصدق إنو سابقنا بخطوة… لازم يعيش بوهم إنه ماسك اللعبة، وهو بالحقيقة ماشي بخط أنا راسملو اياه من أول خطوة فهمت ؟عالهدا ياياسر عالهدا رح اخليه يستوي شوي شوي وبعدين اكلو .
ياسر ؛ طيب وبالنسبة ليارا؟ البنت شافت اشي مش لازم تشوفو ومن حكيكم عليها انها مابتسكت شو رح تتصرف معها ؟
ملهم بنبرة غموض : بتسكت بتسكت لاتاكلو همها
معاذ :وان ماسكتت
ملهم :بنصفيها
قاعدة بمكتبها وصافنة بالملفات بتفكر بكل اشي صار معها من اول ما وصلت مين هدول وشو طبيعة شغلهم مبين عليهم قتالين قتلا من اول مرا شفتهم فيها معقول وقعت مع مافيا يا حبيبي رحتي فيها يايارا
طيب وكيف بدك تتأكدي ؟ أسال ؟ معقول الناس الي هون بيعرفو ؟ اكيد بيعرفو لعاد كيف عايشين ومتعايشين معهم 🐸 انا لازم امسك عليهم دلائل وازا مسكت عليهم اكيد رح امسك ع مراد الكلب كمان بما انو بعرفهم وهو الي بعتني عندهم هفف لو في نت بس هفف صحاها من تفكيرها صوت دق الباب لتفوت عليها مروى وبئيدها كاستين شاي ومفتاح سيارة يارا
مروى : مرحباا دكتورة يارا فاضية ؟
يارا : اهلين مروى تعي فوتي
مروى : اجيت وجايبيتلك مفتاح سيارتك و كاسة شاي من تحت ديات دادا فاطمة مش حتدوقي ازكى منهم
يارا (بتبتسم بارتياح حقيقي لأول مرة): وأخيراًاا… سيارتي رجعت! يسلم إيدك يارب، تعي فوتي قعدي
مروى بتقعد، وبلشوا يتحدثوا ويسولفو بعفوية، ويارا بتحاول تطلع منها أي معلومة
يارا : مروى… سؤال، كيف بتتواصلوا هون؟ أقاربكم، السوشال ميديا، واتساب؟ يعني مافي نت
مروى : ومين حكا مافي نت ؟
يارا : من اول ماوصلت هون راحت الشبكة وسألت ملهم حكالي مافي
مروى : بيمزح معك بيجوز لأنو في عنا نت
يارا : كيف بدي اشبك
مروى : لا هو مابتشبكي في محل عصام بأول القرية بيبيع شرائح اشتريلك شريحة
يارا : اها طيب وشريحتي مابتزبط ؟
مروى : القرية هاي مش اي شريحة بتشتغل فيها بس الي عند عصام
يارا : ووين بيجي هاد عصام ؟
مروى : ممم عند أول التل، جنب البيت الكبير، بتعرفي التينة العريضة؟ بعديها بشوي
يارا : ووين هاي 🐸
مروى : صح انتي بتعرفيش اشي هون وين الخريطة ادلك عليه
يارا : خريطة 🐸
مروى : مامعك خريطة ورقية للقرية 🙂
يارا : مامعي ولا اشي بيخص هالقرية
مروى : اوك بسيطة هسا بجيبلك اياها وبدلك عليه
يارا : عنجد شكراً مروى من غيرك ماكنت بعرف شو رح اعملل 🥹🫂
مروى : ولو ياروحي ألناس لبعضها 🫂😇
اجا وقت البريك شلحت الاب وضلت بالسكراب طلعت من مكتبها لتطلع تشتري شريحة واذا لحقت بتدور عبيت بما إنو مبارح ماصحلها تدور من ورا فلم الاكشن الي صار لتصادف معاذ بوجهها والي بدورو مسا عليها ليطري الوضع بينهم : مساء الخير دكتورا
جحرتو وطنشتو وكملت لتتلاقى بملهم ع الباب
:ييي علينا هربت من الجب، لألتقي في الدب
ملهم :مساائوو دكتورتناا
يارا : الله لايمسيك الا بالخير أهلين 🐸
ملهم بتعجب :شو عوين الهمة !!
زمت شفايفها بذيق لتجاوبو :ماابعتقد انو الك دخل فيني لتعرف كل تحركاتي
ضحك ضحكة بتسحر الي ماعمرو انسحر وعيونو ما انقامو عنها :ولوو دكتورتناا بنطمن بس 😉
يارا :شكرا لألك مش بحاجة اطمئنانك 🐸
تركتو لتكمل مشي ع سيارتها ركبت فيها وشغلتها طلعت الخريطة و ورقة الاماكن الي كتبتلها اياها مروى عشان تتأكد انها ماشية صح وانطلقت ……
ضرب كفينو ببعض ع كتلة النار الي كانت قدامو وفات ع المركز ليلاقي معاذ واقف وبيحكي مكالمة واول ما انتبه عليه سكر الخط بسرعة
:…. اه تمام التنفيذ بكرا المسا معناتو خليها تكون مباركة ع الخفيف …. اناا لا بديش يلا سلام بشوفك بعدين ..🐸
ملهم :شوو ليش سكرت الخط
معاذ :ولا اشي مكالمة تافهة هاد ابو قاسم بيحكيلي بدو يطلع ع التل اذا بدي اروح معو اولا
ملهم بنبرة شك ، وعيونه بتراقب تفاصيل وجه معاذ) : اهاا… أبو قاسم، حكتلي.
معاذ بابتسامة خفيفة: آه ابو قاسم الزلمة زهقان، وبدو يطلع يشم هوا بالتل وبدو اياني اروح معوو
ملهم بنبره جدّية أكتر، وواقف مكانه بدون ما يغيّر نظرته: معاذ، شو كنت بتحكي بالتلفون وليش سكرت بس شفتني جاي عندك؟
معاذ بيشيح نظره وبيعدل بكمّ جاكيته: قلتلك، مكالمة تافهة… ليش عاملي فيها كونان ؟ بعدين انتا شو كنت تعمل برا ؟
ملهم : معاذ لاتغير الموضوع
معاذ: يا ابن الحلال والله مع ابو قاسم، مع مين بدي احكي يعني؟مش مصدقني احكي معو، وإسألو ايه شو انعدام الثقة هاد 🐸 عمل حالو معصب وطلع بسرعة
بجية ياسر : هايززز عالقايززز
ملهم :اهلين شريكك
ياسر :مالو هاد طالع زي سونيك
ملهم :بقص ايدي من هون شوف من وين( ليأشر ع كتفو ) ويكمل :من هون اذا مافي وراه اشي ومخبيه ابعت امين وراه يراقبلي تحركاتو ليعمللنا مصيبة .
وصلت لعند البيت الكبير اللي وصفتلها اياه مروى، نزلت من السيارة وبئيدها الخريطة الورقية
ممم البيت الكبير شجرة التينة دكان عصام
لفت حواليها وهي بتدور ع الدكان بس كل الي حواليها بيوت ومافي ولا اشي بيدل على انو في دكان
مشيت خطوتين لتلاقي مجموعة ختياريات قاعدات قدام بيت وابصر عمين بينمو اترددت بس بعدين قوة قلبها وراحت لعندهم
:مرحبا
ردو عليها بردود متفاوتة وكلها بدفا وببسمة كلها محبة
:اهلا يا بنتي، تفضلي اقعدي
:انتي كنك الدكتورة الجديدة الي بالمركز
:بسم الله ماشاء الله ما أجملك يابنتي
خجلت من كلامهم وماعرفت عمين ترد
:شكراً الكم، احم انا بس كنت بدي دكان عصام بس مش لاقيتها ممكن تدلوني عليها
:شايفة الباب هداك الي لونو أحمر هاي هي الدكانة
هزت راسها وهي بتطلع ع البيت لتلف عليهم وتشكرهم مشيت خطوتين لتوقف وترجع عندهم مترددة لتسألهم
:احم بدي اسألكم كمان سؤال اذا مافي غلبه
:يووه غلبتك راحة يابنتي فش داعي للخجل انتي صرتي منا وفيناا
خجلت وابتسمت للحجة وهي تحكيلها : تسلميلي ياخالة ، احم في حواليكم بيت للإيجار او بتعرفو حدا بدو يأجر بيتو ؟
:اه يابنتي في بيت ابن أم راضي فاضي لو بدك قُرب المركز، ابنها سافر عالإمارات وهي قاعدة عند بنتها، بس البيت نظيف ومرتب!
:وفي بيت أبو سمير، بس ما بنصحك فيه... حيطانة واقعة وريحتو كلها غنم !
:وفي كمان بيت ابو طلال ، بس ابو طلال مسافر وفش وكيل عنو .
:اهاا ووين بلاقي بيت ام راضي وكيف بقدر اتواصل معهم ؟
:بيت ام راضي قريب من المركز الشارع الي وراه اصبري هسا بعطيكي رقم بنتها تتواصلي معها
شكرتهم اخدت الرقم وراحت ع الدكان اشترت الخط ورجعت ع المركز لتكمل دوامها بما انو المناوبة عليها الليلة
ركبت الشريحة، ومجرد ما اشتغلت الشبكة…
بلشت المسجات تفجر التلفون
تنغ تنغ تنغ تنغ تنغ…
فايبر، ماسنجر، إنستا، واتساب…
صوت تنبيه فايبر طلع عالي، مسج من رؤى:
"ياراااااااااااااااااااااا وينككككك طمنيني عليكي مشان الله ؟؟؟
وراها بثواني، اتصال فايبر من أحمد… missed call.
وراها، ٤ مسجات ورا بعض:
أحمد : "حلفتك بالله ردي"
"طمنينا"
"وين اختفيتي يابنت شو صاير معاكي "
اتطلعت بالقائمة ماكان فيه غيرهم وغير ابوها الي بس متصل مرا ومش مكلف حالو يتصل الثانية !!
ضحكت بمسخرة وهي بتمسح دمعة نزلت غصب عنها، دمعة فيها وجع وفيها شكر،
شكر لربها إنه حط بحياتها أخوان زي رؤى وأحمد،
ناس رجّعوها تحس إنها مش لحالها،ناس حنونة عقلبها وعليها وعشخصها ناس بتحبها وبتخاف عليها دموعها نزلت من شوقها إلهم قبل ما تكون من وجعها لأنه مافي حدا بهالدنيا بيساوي غلاتهم عندها .
عاشت عمرها كله وهي تحاول تفهم ليش،
ليش الدنيا قررت تتركها لحالها؟
أمها توفت وهي صغيرة،
وأبوها؟ ملتهي…
يا بشغله، يا بسفره، يا باجتماعات ما بتخلص،
يا يتركها عند عماتها اللي كانوا يحسبوها عبئ،
أو خالاتها اللي كل همهم يخلصوا منها ومن "نقّها ومشاكلها الي كانت تعملهم عشان يهتمو فيها ويعوفو انها موجودة".
كانت تشوف حالها كأنها غريبة بعيلتها،
غريبة بغرفتها،
غريبة حتى بعيون أبوها…
بس رؤى وأحمد ؟
كانو أول شخص سمعهوها بدون ما تحكي بدون ماتعمل مشاكل سمعوها من جوا سمعو يارا الطفلة واحتووها.
مسحت دموعها بشوق الهم ،
ضغطت على اسم رؤى،
وبدون تفكير، حطّت السماعة ع أذنها، قلبها الي يرجف، وصوت الرنّة الي بتردلها الروح.
رنّ ثانية… ثانيتين…
ليباغت مسامعها صوت رؤى القلقان وهي معصبة عليها
:ياراااااا ياحيوانهه وين كنتيي
لياخد احمد السماعة منها ويحكي :ياراا وين اختفيتي فهمينيي شو الي صار معك؟ وينك انتي خطك ليش مابيلقط وين اختفيتي؟ياراا وين اختفيتي
طنشت كلامهم لترد عليهم بضحكة وشوق واضح:
:وحشتونيييييييييييي بربي بربي بريي اشتقتلكمم مووت
بس سمعو صوتها ونبرتها المبحوحة عرفو انها كاينة تعيط ليحكيلها أحمد :واحنا اشتقنالك وانجنيا عليكي شو صار معك يارا فهميني وين اختفيتي ؟
يارا :ما اختفيت ولا اشي بس هون مابشتغلو الشرائح العاديين غير شريحة تشتريها مخصوص غير القصص الطرمة الي صارت معييي بس والله طلع الكم وخشة ياكلاب اشتقتلكمممم
أحمد : وانا اشتقتلك يروووش اقسم بربي كنا رح نيجي ندور عليكي لو مارديتي
يارا : ييي بدكمش هالجية دخيلكم يع يع يع بتخزي
أحمد :طيب طمنيني! انتي منيحة؟ كيف المكان؟
حدا دايقك؟ صار شي؟ إحكيلي كل إشي هلأ فوراً!
يارا : ولك قصص عويصة بحكيلكم اياها بعدين بس اه ماحكيتلوليي كيف المشفى بدونيي اكيد انهار😌
رؤى :والله احنا الي انهرنا بيخزيي بيخزيي بيخزيي وهاد الكلب مراد ماخد راحتو ومتبرطع بهالمستشفى رايح جاي
يارا : عسيرتوووو للحيوان هاد بتعرفو انو هو ورا نقلي هون بالذات
أحمد : بتمزحيييي
يارا : لا مابمزح بس خليه ياخد راحتو ويكتر رح اوجيه مين هي يارا بضربة تجيب اجلو
أحمد : كيف يعني
يارا : مشكلتي بعرفش اسكتتت هاد ياسيدي مراد هو ورئيس هاد المركز بيكون........
يارا : الووو الووووو وين راحوو هدول
يه ليش انفصل هاد المشطوب وين راحت الشبكة
وقفت ع الكرسي لتحاول تلقط شبكة رفعت رجليها اكثر يمين شمال وهي بتتحرك وملخومة
ليرعبها صوتو من وراها وهو بيسألها :انتي شو بتعملي
مالحقت تلف وتجاوبو غير وعجال الكرسي داحلة فيها وكانت رح توقع لولا ما كان قريب ليمد ايدو بسرعة ومسكها من خصرها… : اااااااااااا فتحت عيونها لتيجي بعيونو الي بيتأملوها كان قريب ، أقرب من اللازم لدرجة مربكة.
ما حكى شي، بس عيونه عليها…
على إيدها الي بترجف ، على نفسَها اللي صار أسرع، على طريقة عضّتها الخفيفة لشفتها من التوتر.
ليزمها وينزلها ع الارض وهو لساتو ماسكها
صحيت ع حالها لتزق ايدو وتبعدو عنها وهي بتحكيلو بنرفزة : يصرعك بهالصوت مابتعرف تطلع صوت قبل ماتفوت ايش بدي اكون اعمل يعني بعلق مشنقتي عشان انتحر مثلا بعدين كيف فتت اصلا مين سمحلك
ملهم : ليش فايت على بيتك وانا مش داري انا فايت على موظفتي بمكتبها انتي الي ليش متشعلقة ع الكرسي بمكان شغلك مشغلين دكتورة معنا ولا شمبانزي
يارا : شمبانزي الي تكتمك عهالمسا تفضل ايش بدك ليش جاي ع موظفتك بمكتبها ؟
قعد ع كرسيها بكل برود ليحكيلها : يعنيي جولات تفقدية مش أكثر
يارا :وشو بدك تتفقد بالله ؟
ملهم : انتي ليش اسلوبك هجومي عطول ؟
يارا : انتو مابيلبقلكم الا هاد الاسلوب
ملهم : له له له ليش احنا شو عملنالك عشان تستنتجي هالاشي
يارا : احكي شو ماعملتولي من اول ما اجيت وانتو مش مقصرين فيني صراحة وانتا بالذات
ملهم : انااااااااااا
يارا : بالفنااا اه انتاا
ملهم بعصبية : للمرة الاخيرة بحكيلك قصري لسانك ولاتتطاولي علي
يارا : انتا الي بلشت اول خلصني ايش بدك ؟
ملهم : سمعت انك شارية خط ولاقية بيت
يارا : ماشاء الله متى لحقت توصلك الاخبار ؟
ملهم : حكتلك انا مابتخفى علي خافية
يارا : طيب منيح ومذالك بتعرف ليش جاي تسألني 🐸
ملهم : عشان اشوف اذا بدك مساعدة بساعدك
يارا : لا شكرا لشخصك الكريم بديش مساعدة بساعد بلد
ملهم: ياستي إنتي حرة
يارا:طبعا حرة محلاني وانتو مقيديني بعني
طنش كلامها ليكمل كلامو :اه ماحكتيلي كيف لقيتي الدوام هون ؟
يارا :يععع يععع يععع بيخزززي مش مصدقة على الله تمر هالسنة واقدم عنقلل
ملهم : اووف لهلدرجة
يارا :وأكثرر
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`