ولاد الشيخ - الفصل 8 - مكتملة | روايتك

*؏ــڜــٱق✍🏻 اڵــڔﯣايــات📚📖🧡* _*بإدارة محمـــــــود*_🧡 *`قصة اليوم `* *ولاد.الشيخ.tt* *❴🔢❵الـــبـــــــــــ❴8️⃣والاخيره❵ــــــــــــارت* ➖➖➖➖➖➖➖➖➖ *‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏‏❴📝❵↵تـنـسـيـق:جــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* *❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️* *|✒️|↜لـلإشـت͜ـࢪاڪ بـ قناة* *📚*https://whatsapp.com/channel/0029VadbWnd89inYkEVrpG0C *📖📚؏ــڜــٱق✍🏻 اڵــڔﯣايــات📚📖* ➖➖➖➖➖➖➖➖➖ . ➖➖➖➖➖➖➖➖➖ *❴🧡❵↵ *مـــحمـــود* 🧡 ➖➖➖➖➖➖➖➖➖ *❴📝❵↵تـنـسـيـق:جــــروب:* *📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡* https://whatsapp.com/channel/0029VadbWnd89inYkEVrpG0C ` *{😍}قــرا۽ة ممتعــه للجميــع* *{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖: الجزء الثامن #ولاد_الشيخ للكاتبة روز سعد الدين اخد وليد رفقاتو و لحق ابوه و اخوه رامي على بيت اهلا لوردة كان ابوها لوردة و اخواتها معصبين و جان جنانهن بس لسا ما عرفو انو وردة حامل و هربت لهاد السبب محسن (ابوها لوردة ): يا شيخ محمود انت زلمة بتفهم بالأصول كيف بتخبي بنت هربانة من زوجها عندك ، لا و لسا ما حكينا بقصة انو عندك شابين بالبيت ابو رامي : البنت صعبت عليي ، كانت حالتها بالويل من كتر الضرب و القتل ، هيي التجأت للمسجد و انا اخدتها للبيت عندي و يشهد الله عليي انو ولادي بعتهن ينامو برات البيت رامي استغرب من القصة يلي اخترعها ابوه بس فهم انو عم يحاول يبعدو عن الخطر حتى ما يإزوه اخوتها لوردة محسن : انا لو ما بعرف اخلاقك و سمعتك يا شيخ كان الي تصرف تاني ابو رامي :يمكن كون غلطت بس ما قصدت ابداً مس بكرامتك او اجرحا متل ما قلتلك صعبت عليي من كتر القتل و الضرب يلي كانت متعرضتلو محسن : البنت ما ضربا غريب ، شوية مشاكل بينها و بين زوجا و نحنا ما منتدخل بيناتن ، زلمة و مرتو بحلو مشاكلن : بهالأثناء فات وليد و معو رفقاتو ، ظناً منو انو هلأ الحرب شاعلة بيناتن ما توقع انو ابوه يخترع قصة و يلفلف الموضوع أشرلو ابوه حتى يقعد و يصرف رفقاتو ، لهيك عمل متل ما طلب منو ابوه بس رامي كانت النار عم تشعل جواتو و خصوصي لمن عرف انو وردة هلأ مع زوجا : اعتزر ابو رامي منن من جديد و طلع مع ولادو رامي: ابي هلا بكون عم يضربا ابو رامي : و نحن ما رح نتدخل ، من شوي حرب كانت رح تقوم بيناتنا البنت غلطت خليها تتحمل نتيجة غلطها رامي : و ابني ابو رامي : هاد ابن حرام مالو ابنك رامي : شو يعني ، شهر زمان و بطنا ببلش يكبر استنى حتى يقتلوها ابو رامي : هاد الولد نسبو راجع للفراش يعني لزوجا هيك الدين بقول رامي : لا هاد مالو ابن البطيخ هاد ابني وليد وين راحو يلي جمعتن وليد : ……… وليد وقف محتار بين انو ينفز حكي ابوه لانو اكتر شي بيضمن سلامة رامي و بين انو يرد على اخوه يلي رح يجن على حبيبتو و ابنو وليد : سماع كلمة ابوك رامي : محدا يتدخل باللي رح اعملو بعد اليوم وليد : رامي لا تجن تركن رامي و راح ركض لبيت وردة ابو رامي : وليد لحقو يا ابني : : قدام بيت وردة كان صوت وردة هيي و عم تاكل قتل معبي الحارة ، كل الجيران واقفين على الشبابيك و عم يتسمعو و يتحسبو عليه : رامي : فاااارس يا كلب طلاااع تعال فرجيني مراجلك : وليد : رامي امشي لا تفضحنا ما تتدخل رامي : لك انت عم تقلي ما اتدخل : فااارس نزيل لعندي يا بطيخ طلع فارس من البيت متل التور الهايج فارس: هاد انت يا كلب شو جاي تعمل هون قلي شو وجعك بالزبط رامي : انا هلا رح قلك شو وجهي قرب منو رامي و ضربو اول بوكس و فارس ردلو اياه و بلشت الخناقة وليد حاول يهدي الموقف ، بس لمن شاف فارس هايج صار يضربو مع رامي كل العالم تجمعت عليهن ، و فكتن عن بعض و وردة نزلت من البيت ، كان الدم معبي وشا و واضح انو اكلت نصيب منيح من الضرب لمن شافت رامي ، تخبت وراه عم تطلب حمايتو فارس: لك طلعي على البيت يا حقيرة شو عم تعملي وردة : طلقني فارس :……… رامي: طلقا فارس : لك فشرتي يا حيوانة ، بدك طلقك حتى يخلالك الجو مع هاد الصايع وردة : طلقني احسنلك ، والا بفضحك قدام كل الناس خاف فارس و ارتبك رامي : ما سمعتا شو قالت اقترب وليد من فارس و همسلو بادنو وليد : بتحب نقول قدام كل هدول انو مالك زلمة و ما بتجيب ولاد فارس تغير لون وشو فارس : …… وليد : طلقا فارس :وردة انتي طالق طالق طالق اهلك اولى مني يحملو دمك ، ما رح ضيع حالي مشانك يا وسخة وليد : ولا حرف فارس :بعد عني : : شلح رامي قميصو و لبسو لوردة و رجع مع اخوه للبيت و انطبلت الضيعة بسيرتهن و كل صار يحكي بفضيحة ابن الشيخ مع وردة : : ببيت ابو رامي ام رامي : شو صايرلا للبنت شو عاملين فيها رامي : دخيلك يا امي ساعديها ام رامي : ابعت ورا ام احمد خليها تساعدني رامي : فوراً ام رامي : على مهلك ، اي تسطحي هون : ابو رامي : يعني عمل اللي براسو اخوك ، راح جابا وليد : ابي يمكن رامي عمل الصح على الاقل كان زلمة قد كلمتو ، راح جاب البنت اللي بحبا و ابنو و انقزهن من الموت ابو رامي :هاد اللي طلع معك و سمعتنا اللي نضربت هلا من تحت راس هالبنت مجبور احواها ببيتي كمان وليد : ازا حابب تخسر ابنك رامي للابد بتقلعها من بيتك ما بكفينا خسارة منصور ابو رامي : ……… و ازا اجو اهلا للبنت هالمرة شو بقلن بعطيهن رامي حتى يدبحوه وليد : محدا بيلمس شعرة من راسو و انا عايش منقلن بدنا البنت على سنة الله و رسولو حتى نستر عليهن ، هيك انسب الن و النا ابو رامي : كلشي هيك عندك بينحل ببساطة وليد : يا ابو رامي كبرها بتكبر و صغرها بتصغر ابو رامي : هاي كبيرة مالا صغيرة ، حط هالشي براسك الموضوع ما رح ينتهي على خير : : : ما مرق ساعتين على طلعة وردة من بيت فارس كان واصل الخبر لأهلا ، يلي عرفو من وين رح يجيبوها هالمرة : وصلت العيشرة كاملة ، ابوها لوردة و عماما ، و اخوتا و ولاد عما ما كانو ناويين على خير بنوب محسن : يا ابو رامي طلاع و احكيني من زلمة لزلمة : ابو رامي : ليكني هون محسن : اول مرة صعبت عليكن البنت و مرقناها ، و هلا شو حجتكن لتروحو تطلقو البنت من زوجا و تاخدوها شو دخلكن بين رجال و مرتو ، غلطت و عم يربيها انا ابوها موافق ،انتو شو دخلكن ابو رامي : …… وليد : مزال انت ابوها و عم تقول هاد الحكي يبقى ما نعتب على ابن عما يلي كان رح يروحا من كتر الضرب لك انت اب انت ما بتحس ، ما عندك رحمة هاي بنتك هاي …… مالا بنت اعدائك لتقبل انو يصير فيها كل هالشي و تسكت محسن : عم احكي مع ابوك انت لا تدخل و تصرعني بحكي المثقفين تبعك ابو رامي : خلينا نفوت جوا و نحكي ما حلوة تضل برا محسن : نحنا جايين ناخد البنت و نحاسب الغلطانين ما بدنا نفوت ولا بدنا نقعد ابو رامي : طيب انا و قدام كل هالناس بدي اطلب بنتك على سنة الله و رسولو لابني الكبير رامي و الله يشهد عليي انو رح عاملا متل بنتي و اعز الله ما عطاني بنات ، بس بنتكن بنتي تطلع محسن باولادو و اخوتو عم يستشيرهن : ابو فارس ما عجبو الوضع عصب و انسحب هوي و ولادو و واضح انو مو بس ابو فارس يلي ما عجبو الوضع اخوها جواد كمان كان عندو نفس الرأي جواد : انا ما رح اتركن يضحكو علينا بكلمتين ، الله اعلم شوفي مصيبة ورا بنتك لحتى مستقتل يزوجا لابنا ما تواخزني ابي بس بنتك ما عادت تشرف حدا ، و القصة اكبر من انن شفقاتين عليها محسن : شو بدك اياني ارفض و انفضح قدام الخلق مزال مستنخيين الجماعة خليهن يخلصونا من عارا جواد : ما بتغسل عارها الا بالدم انت اشر ابي و نحن منفوت منسحبها متل الجاجة محسن : بس انا ما فيي ضحي فيك انت ابني الوحيد جواد : انت بازن الله رح ارفع راسك و ما اترك جنس مخلوق يحكي عنا كلمة عاطلة محسن : انت ما تدخل ، يا ابو رامي خلينا نفوت جوا و نحكي ………………………………… يتبع في الجزء التاسع الجزء التاسع #ولاد_الشيخ للكاتبة روز سعد الدين ببيت ابو رامي ، جوا بالغرفة كانت وردة قاعدة على اعصابا عم تستنى يبتو بحكم اعداما و ام رامي كانت قاعدة معها و خايفة متلا على وولادا و زوجا وردة : هاد صوت اخي جواد عم يصرخ ، ولي شو عملت بحالي ام رامي : عملت بحالك و فينا يا بنتي ، شو كان بدك بهالولد المعتر لو وقفتيه عند حدو و ما سمحتيلو يتجاوز حدودو كنا هلا كلنا مرتاحين ،انتي ببيت زوجك و ولادي بحضني اااخ بس مو مكتبلي شوف يوم واحد حلو وردة : انا شكلها اخرتي قربت ، عم حس بهالشي بدي اطلب منك اخر طلب ، ممكن تعتبريني بنتك و تنفزيه ام رامي : قولي وردة : بدي ودع رامي ، ممكن شوفو ام رامي : ابوه اول ما سمع خبر انو اهلك جايين بعت رامي برات البيت وردة : مستحيل رامي ما بيتركني ام رامي : قلنالو انك بحاجة لدوا و بعتناه يشتريه من ضيعة تانية وردة : ما عم صدق كزبتو عليه ام رامي : كان بدي احمي ابني ما تعتبي عليي وردة : ابنك بلايي بموت ، انتو شو عملتو يعني هلا رح تسلموني لأهلي حتى يقتلوني و يقتلو حفيدكن لا تحطي عيونك بالارض ، انتي شاركتي بفرمان موتي مع هالمجرمين اللي برا ام رامي : انا كمان ام حسي فيي سكتت وردة و ما قالت شي رجعت حكت بعد شوي ، و كانو كانت عم تحسبا بعقلا وردة : في ورقة و قلم هون ام رامي : شو بدك فيهن وردة : بدي اكتب رسالة و وعديني انو تسلميها لرامي ام رامي : ……… وردة : ازا كان بدك اياني سامحك بتعطيها لرامي ام رامي : ماشي وردة : لحظة ما بتوصل هالرسالة لايدين رامي انا بكون سامحتكن الكل : : : مر الوقت بطيء كتير على وردة و ام رامي ، هني و ناطرين يعرفو شو رح بصير معا انفتح الباب و طل منو ابو رامي ابو رامي : تفضل هاي بنتك كانت عنا بالحفظ و الصون مع ام رامي يا بنتي لا تخافي ، نحنا طلبناكي لرامي و البركة بابو جواد وافق تطلعت وردة بام رامي بعدم تصديق ابو رامي : بس متل ما بتعرفي انتي مطلقة و قبل العدك ما فيكي تتزوجي و الافضل تقضي العدة ببيت ابوكي بعد ما قال ابو رامي اخر جملة سرعان ما تغيرت ملامح وشا و دبل ابتسمت ابتسامة سخرية و تطلعت بام رامي و راحت مع ابوها كان اخوها جواد عم يتزاورها طول الطريق و يتطلع فيها بحقد و هيي مو عرفانة تتحامى بمين فيهن شافت بعيون الكل سكاكين عم تنسن ، و تتربص اللحظة المناسبة لتقضي عليها بس وصلو عند مفترق الطرق يلي بودي لبيتا مسك ابوها من ايدا و عطاها لجواد محسن : شوف شغلك جواد : ما رح يطلع عليها نهار مشي معي : : سحبها جواد لنص الغابة و زتا على الارض بس الغريب انو وردة ما كانت خايفة ولا عم تطلب منو يتركا عايشة جواد : مالك خايفة وردة : المظلوم ما بخاف جواد : يعني مالك ندمانة على غلطك وردة : ازا كنت غلطت فلا تنسو انتو يلي جريتوني لهالغلط و بتعرفو ما بدي فارس بس جبرتوني عليه كان كل يوم يضربني و الجأ لالكن تكملو عليي و تقولولي رجعي لبيت زوجك بس هوي كان الوحيد يلي وقف جنبي و حسسني انو انسان بيستحق يعيش جواد : مين هوي وردة : خليها حسرة بقلبك ، ما رح قلك جواد : واحد من ولاد ابو رامي ما هيك وردة : ولاد ابو رامي عاملوني متل اختن و كان فيهن شرف اكتر من اخواتي طلعو ينامو برات بيتن حتى انا اقدر اخد راحتي حل عن هالعالم و كف شرك عنن ، ما شفت من الجماعة غير كل خير اللي خنت زوجي معو و هلا انا حامل بابنو سافر جواد : يا كلبة يا خاينة يا حقيرة صار يضربها و يرفس ببطنا جواد : قليلي مينو وردة : قتلني بس ما رح قلك رح روح لعند رب العالمين و اشكيلو عنكن و ابني يلي رح تقتلوه ظلم رح يشتكي عنكن كمان جواد : لك خرسي خرسييييييي طالع جواد سلاحو و قوس وردة لحتى فضي مشطور جسما بقي على الارض بس روحا سافرت لعند خالقا : لاخر نفس كانت وردة عم تدافع عن رامي ، و رفضت يصيبو اي مكروه حتى بعد رحيلها يمكن هاد هوي العشق يلي بنسمع عنو بالقصص و الروايات بس كان بالوقت الغلط او للشخص الغلط ………………نحن ما بيطلعلنا نحكم عليها حتى لو كانت غلطانة ، ربي بس بيعرف بالظروف يلي مرقت فيها و هوي اعلم بحسابا ………………… رامي رجع على البيت و بإيدو كيس الدوا رامي : امي امي جبتلا الدوا حتى تتحسن استغرب من الهدوء يلي عامم بالبيت امو و ابو و وليد كمان قاعدين و ما عم يحكو رامي : وردة وردة وينا امي ابي لك وليد احكو وينا وردة ابو رامي : راحت مع ابوها رامي : كيف يعني ، تركتوها تروح هيك بهالبساطة ابو رامي : انا طلبتلك اياها من اهلا بس قالو لازم تقضي العدة عندن ، بعدا فيك تتزوجا رامي : ابي انت عم تحكي مع ولد صغير شي هالحكي انت مالك مصدقو ، كيف بدك اياني صدقووو ! انا لازم روح الحقا قبل ما يصرلا شي ام رامي : استنى يا ابني ، تركتلك رسالة قبل ما تروح اخد رامي الرسالة و فتحها : رامي ، حبيبي الذي لم يشأ القدر بأن يجمعني به في هذه الدنيا لكن لا تحزن عل الله يكتبك لي في جنته اذا كنت تقرأ هذه الرسالة الان فاعلم أنني و ابنك قد صرنا في رعاية الرحمان ننظر اليك من عالي سماء و ننتظر قدومك بفارغ الصبر اني ارجوك ان لا تخبر احدا بسرنا الذي لطالما اخفيناه عن الجميع فأنا قد كتمته و إياي للأبد و أخبر عائلتك جميعا بأنني قد سامحتهم و ارجو ان يسامحوني كذلك فلقد عانيتم اياما سيئة بسببي و في النهاية اخبرك بحبي و ابلغك تحياتي لا تنسى انا و محمود ننتظرك دائماً : : انهار رامي و بلش يبكي متل طفل صغير خسر لعبتو بس للاسف خسارتو كانت اكبر : : : بعد مرور عدة شهور وليد انهى سنتو الدراسية الاولى في الجامعة و كانو مقررين اقامة احتفال بالجامعة و انطلب من طلاب كلية الفنون المسرحية انو يأدو مسرحية وليد كان مشارك معهن ، و. دعا امو و ابو و اخوه رامي ، و كان مقرر انو هاي انسب فرصة لحتى يخبرهن عن انتسابو لتخصص المسارح بدال العلوم : : حضر الحفلة عدد كبير من المعازيم و من بيناتن اهلو لوليد و بس اجا وقت العرض المسرحي تفاجأ الكل بوليد عم يمثل ابو رامي استغرب كتير و كان رح يترك المسرح و يغادر بس مرتو و ابنو هدوه ام رامي : هلا بس يخلص وليد بفهمنا كلشي ابو رامي : هاي اخرتها رامي : ابي خلينا نشوف شو رح يصير ، و بنسالو بس يخلص احداث المسرحية كانت شيقة لدرجة جذبت انظار الكل ابو رامي و ام رامي و رامي حسو انو القصة مألوفة عليهن ، بس سرعان ما اكتشفو انو هاي احداث حياتهن انكتبت على شكل مسرحية و عم تنعاد قدامن اكيد هاي كانت فكرة وليد و تمثيل وليد كانت المسرحية بعنوان ولاد الشيخ بكو كتير اهلو لوليد هني و عم يحضروها و تأثرو فيها كتير و بس خلصت وقف الكل عم يصفق احتراما لهاد العمل الرائع و من بين الناس اللي وقفو يصفقو ، كان في بنت عيونا ما نشالو عن وليد ولا حتى عيون وليد نشالو عنها و اول ما خلصت المسرحية و تسكرت الستارة نزل وليد عن المسرح …… : وليد لوين رايح ……… رجاع كل الممثلين لازم يطلعو يأدو التحية وليد : ما بطول راح وليد لعند البنت اللي كانت عم تطلع فيه اكيد عرفتوها ……… جميلة : وليد : جميلة ما كنت بعرف انو رح تحضري المسرحية جميلة : استنيتك كتير هداك اليوم وليد : حقك عليي بس لو تعرفي شو صار معنا بتعزريني جميلة : بعرف ، اصلا الكل صار يعرف بعد هالمسرحية وليد : عجبتك جميلة : كتير وليد : جميلة ………… لسا عندك استعداد تستنيني كمان الليلة انا و اهلي جميلة : بستناك العمر كلو كمان ازا بدك وليد : ما تتحركي راجعلك فوراً : رجع وليد لعند رفقاتو الممثلين و طلعو ادو التحية للجمهور و كل الناس تهافتت على ابو رامي تهنيه بموهبة ابنو ابو احمد : انا لو عندي هيك ولد بفتخر فيه ابنك فنان كبير ابو رامي : شكرا شكرا ابو رامي كان مستغرب انو كل الناس اجت لحتى تهنيه بنجاح ابنو في مسرحيتو الاولى يعني فينا نقول رضي على وليد يكمل بهالشغلة : : و بالنهاية تركو لولادكن حرية اختيار قرارتهن بهالحياة ، تركوهن يعملو و يجربو كلشي ببالن حتى لو كان غلط ، خليهن يتعلمو من اغلاطن حتى ما يلومنا لقدام على قرارت اتخذوها بسببنا و طلعت غلط!!! النهاية ، الى اللقاء في قصة جديدة *الـــــــــ͢ـོ͓ـــنهـــــــايـــــــོـ͓ـــ͢ــة* ➖➖➖➖➖➖➖➖➖ ❴📖❵↵*تنسيق مشرفين مجموعة: ❴📚❵↵*قصص وروايات عالمية📚🧡 ❴🧡❵↵*ننشر جميع انواع القصص والروايات العالمية حـب🧡. حـزن🧡. اكشن🧡. رعب🧡. ❴👑❵↵*أن كنت من عشاق ومدمني القصص مكانك عندنا🧡 ❴🧡❵↵*رابط المجموعة للاشتراك: https://whatsapp.com/channel/0029VadbWnd89inYkEVrpG0C ` `