الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `من.يملكني.tt*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
بعد ساعتين في الصالة
ام احمد. ريماس رح رد خبر لعمتك انك موافقة
ريماس. بس ماما انا ماني موافقة ع مؤيد
ام احمد. شووو
يعني انا فكرتك عم تدللي وتثقلي حالك
ريماس. ماما مابدي ياه
وعد. ليش مابدك ياه اي ادعي ربك انو صحلك مؤيد والا كنتي رح تعنسي
ريماس. اي هاد مو شغلك
ام احمد. والله حيرتيني ليش مؤيد شبو والله انو محترم ومابيشكي من شي
ريماس. اي والله بعرف بس مابدي اتزوج هلأ
ام احمد. لك كنتي قاتلة حالك لتتزوجي شو اجاكي
ريماس. فكرت كتير بحكيك انو لساتني صغيرة وحلوة والف شب بيتمناني لهيك قلت ع شو مستعجلة الي ببيت اهلو ع مهلو
ريماس حكت هيك حتى تجنن وعد
وعد. هلأ انتي صغيرة وحلوة والف شب بيتمناكي
اي ماشفنا شي من الي بتحكي عنو بس عنجد القرد بعين امو غزال
ام احمد. وعد عيب عليكي هالحكي شو ماعدتي استحيتي
وعد. اسفة
ريماس. قولي شو مابدك تقولي انا رايئة ومارح تقدري تعكريلي مزاجي
ام احمد. طيب هلأ شو
ريماس. والله يا امي مابدي ياه ام احمد. ع راحتك بس بكرا مو تصيري تشكي وتبكي ايوا
ريماس. لا لا تخافي
ام احمد اتصلت بجميلة وخبرتها
جميلة. شو الي بدها ياه مش فاهمة يعني عن طريق النت بدها وهيك مابدها
ام احمد. والله حاولت معها بس ما وافقت ومابقدر اجبرها
جميلة. اذا كان لمصلحتها معليش اجبريها
ام احمد. يعني البنت مو صغيرة وبتعرف مصلحتها
جميلة. طيل معليش خليها تفكر اكتر مو ضروري اليوم ترد جواب
ام احمد. خلص هيا نهت الموضوع مافي داعي تفكر
جميلة. اي تسطفل لكن خليها تظل بوجهك طول العمر هلأ صارت تدلل اي يصحلها
يلا سلام
مؤيد. شو خالتي شو قالت
جميلة. ماوافقت ست الحسن والجمال
مؤيد. ليش
جميلة. والله مابعرف روح اسألها
مؤيد. يالله مافي نصيب
جميلة. رح حاول معها بعد كم يوم
بعد مرور كم يوم
ريماس ويوسف ظلو يحكو مع بعض بالساعات وتعلقو ببعض كتير
يوسف. هههههههه ظل شي ماحكينا فيه
ريماس. اي ظل
يوسف. شو
ريماس. شو بدنا نسمي اولادنا هههههههه
يوسف. ههههههه والله هي نسيناها
ريماس. لك عنجد بكفي والله نعست
من وقت ماصرت احكي معك معد اشبعت النوم كل يوم بتخليني اسهر لنص الليل
يوسف. لا لسا بكير
ريماس. حرام عليك والله بكفي
يوسف. لأ هي عقوبة الك لانك الك كم يوم بتنامي ونحنا نحكي وبظل ابعت ساعة بتطلعي نايمة
ريماس. اي شو اعملك ماعم بقدر بنام وانا احكي
يوسف. رح قولك شغلة تخليكي تصحصحي
ريماس. قول لشوف
يوسف. بعد بكرا احمد رح يرجع ماهيك
ريماس. اي
يوسف. اي وانا بعدو بيومين راجع
ريماس. شووو قول والله
عنجد بتحكي
يوسف. اي والله
بدي ارجع اخطب واتزوووووج
ريماس. واووووو والله فرحتني كتير يعني واخيرا رح شوفك ياعمري
يوسف. اي حبيبتي ورح تملي مني ع قد مارح تشوفيني
ريماس. ياربي والله مو مسدئة ايمتا يمرئو هالكم يوم
يوسف. يالله هانت
ريماس. طيب يلا بكفي
وبكرا يمكن اتأخر حتى افتح لانو رح نجهز البيت لرجعة احمد
يوسف. اي بتصل فيكي اتصال
ريماس. لك لا خليها ل الليل
يوسف. بدك يمرء لنهار بطولو وما احكي معك او اسمع صوتك
لك بشتقلك انا
ريماس. طيب متل مابدك يلا باااااي حبيبي
يوسف. باي ياعمري
في اليوم الثاني كانت ريماس عم تشتغل بالبيت
و وعد عم تتأمر عليها
اتصل فيها يوسف حطت السماعات وردت
وعد. مين هاد الي عم يتصل
ريماس. هي جارتنا
وعد. اي انا رايحة ع غرفتي بس تخلصي الحقيني خلينا انظفها
ريماس. اي
ريماس. الو
بوسف. هههههه انا جارتكم
ريماس. اي
يوسف. ليش ماتجيبو شغالة وتريحو حالكم
ريماس. هي وعد عامليتني احلا شغالة
يوسف. ههههههههه
اي وانتي بس تصيري مرت اخوها اعملي فيها متل مابتعمل فيكي
ريماس. هههههه هيك قولتك
يوسف. اي مافي حل تاني
ريماس. يلا سكر والله مشغولة
يوسف. بالليل بدك تفتحي
ريماس. والله يمكن لا
بتصل فيكي بنحكي دقيقتين وبس لأن بكون كتير تعبانة
يوسف. طيب اوك رح سامحك بالسهرة هالمره
ريماس. هههههه طيب باي
يوسف. باي
في الليل حكت ريماس مع يوسف وما خلاها تسكر حكى بدل الدقيقتين ساعتين
في اليوم التاني الكل عم بيستنى احمد حتى يوصل
يتبع..
الجزء الخامس
☆☆☆☆☆
اعطوني رأيكم
#من_يملكني_الكاتبة_روان_الشبلاق
الجزء الخامس
وصل احمد وسلم ع الكل وكان جايبلهم هدايا واعطاهم ياهن
بعد ساعتين اجو عماتو ويناتهن واولادهن وسلمن عليه
والبيت مليان ناس وريماس مو ع الدنيا ابتسامتها مابتفارقها وفرحانة بيوسف الي رح يرجع بعد يومين ويخطبها
في السهرة روحو الكل ماظل الا اهلها لوعد بس مؤيد مو معهم
وعد. هاللمة الحلوة اليوم كانت بسببك انت يا غالي
احمد. تسلميلي
جميلة. وين ريماس لكن
ام احمد. بالمطبخ عم تشتغل
جميلة. نادولها خلينا نحكي معها مزال اخوها موجود
ام احمد. ريماس يا ريماس
ريماس. نعم ماما
ام احمد. عمتك بدها تحكي معك
جميلة. بدي اسألك شو مشان مؤيد والله الشب حبك كتير وبدو يتزوج ويستقر
ريماس. عمتي انا مابدي اتزوج هلأ
جميلة. يعني بتفكري حالك لساتك صغيرة
هي الفرصة صحتلك بكرا معاد يصحلك غيرها
ولا شو رأيك يا احمد
احمد. يعني مؤيد بدو ياها لريماس
جميلة. اي دابح حالو عليها وهي مابدها
احمد. ليش مابدك ياه
ريماس. لأن مابدي اتزوج هلأ
وعد. كذابة احكي الحقيقة ليش مو موافقة
احمد. هي مو حجة لترفضي لانك لا بتدرسي ولا بتشتغلي حتى نقول حتى تخلصي دراستك او شغلك ومؤيد احسن من الغريب
ريماس. اي بس انا مابدي
احمد. ليش اعطيني سبب مقنع
حازم. خلص ترك ع البنت ع راحتها سألناها كتير وماوافقت
جميلة. انت اسكت وخليه يتفاهم مع اختو هوا بدو مصلحتها
ريماس. ماعندي سبب كل الي بدي قولو اني مااااابدي اتزوج هلأ وبس
احمد. اي تسطفلي
جميلة. يعني شو
حازم. هي هيا اذا قدرتو تقنعوها ليش لأ
جميلة. اي ان شاء الله تغير رئيها
وعد. انا رايحة اعمللكم قهوة
لحقتها جميلة
جميلة. هلأ صار الدور عليكي
وعد. كيف مافهمت
جميلة. اليوم بتستغلي الوقت وبتدللي عليه لانو اليوم بكون مشتاقلك ومارح يرفضلك طلب وبتحكي معو خليه يزوجها غصبن عنها لمؤيد
قوليلو شو يعني مابتمون ع اختك ومن هالحكي وذكريه بعملتها الي ع النت وعبي راسو عليها
بس شو بتحكي هيك عأساس لمصلحتو انتي بتحكي
وعد. اي اكيد مارح يصير الا الي بدك ياه وحياتك
في الليل دخل احمد و وعد ع غرفتهم وريماس راحت ع غرفتها تحكي مع يوسف
ريماس. كيفك
يوسف. اشتقتلك كتير والله تأخرتي عليي
ريماس. وانا كمان ياعمري اشتقتلك
يوسف. كيف كان اللقاء
ريماس. حلو كتير
يوسف. اي الحمدلله ع سلامتو
ريماس. ليش لهلأ لساتك سهران ؟
يوسف. كنت ناطرك حتى تفتحي كنت رح افقد الامل قلت اكيد نامت
كنت رح اتصل فيكي بس قلت اكيد مشغولة ولا كانت حكت معي
ريماس. اي والله مشغولة كتير عماتي كلهن اجن اولادهن وبناتهن وماظل مكان بالبيت
يوسف. اووف ياريت كنت معكم
مافي غير انا مو بينكم
ريماس. ياعمري يالله هانت كلها كم وبتكون معنا
يوسف. ان شاء الله
والله مو مسدء ايمتا يجي هاد اليوم الي رح شوفك فيه
ريماس. وانا كمان
يوسف. بتعرفي اهلي لهلأ ماخبرتهم اني راجع
كنت قايللهم انو بعد احمد بشهرين
ريماس. يعني بدك تخبرهم
يوسف. اي
حبيبتي اذا تعبانة فيكي تنامي عادي
ريماس. لا مابدي نام
انا اليوم عن دون كل الايام كتير مشتاقتلك والله العظيم طول لنهار عقلي وقلبي معك
بس قلي ايا يوم جايي بالزبط
يوسف. شو اليوم
ريماس. الاحد
يوسف. الاربعا ان شاء الله
ريماس. رح يمرئو هاليومين كأنهم سنة
يوسف. معليش لحتى تشتاقيلي اكتر
ريماس. اكتر من هيك والله حرام عليك
يوسف. يا ااااالله شو بحبك
بتعرفي قبل ما احكي معك انا كنت رح ارجع مشان اتزوج ع قد ما نقت عليي امي
وانا قوللها اي اي وماني مقتنع
لحتى طلعتي انتي وغيرتيلي كل حياتي
بتعرفي ليش بدي ارجع بعد يومين ؟
ريماس. ليش
يوسف. لك لان وجودي هون ع الفاضي والله ماعم بعرف اشتغل من التفكير فيكي لك والله اخدت اجازة من شغلي
انتي سيطرتي ع كل شي فيني من وقت ماشفتك بالصورة وقلبي مابعرف شو اجاه احساس غريب اول مره بحس هيك اتجاه بنت لأن انا حبيتك
وهلأ عم بنطرك بالدقيقة لأحكي معك
ريماس في نفسها يا الله حكيك شو حلو هي اول مره حدا بحبني وبحاكيني هيك حكي حلو وبجنن متلك
يوسف. ليش ماعم تردي
ريماس. لك والله قلبي رح يوقف مو مسدئة ايمتا شوفك والناس كلها تعرف اني بحبك وقول لكل البنات طقو وجنو انو يوسف صار حبيبي الي وبس
يوسف. ههههههههه لنشوف بس ارجع بتقدري تعمليها ولا بس شاطرة بالحكي حتى مو حكي كتابة لانو بس احكي معك صوت بظل ساعة اترجاكي لتحكيلي شي كلمة حلوة
ريماس. ههههههههه
يوسف. تسلملي هالضحكة
في غرفة وعد
احمد. اشتقتلك كتير
وعد. وانا كمان اشتقتلك وبحبك كتير كتير
بس شو رأيك بلبسي وشعري حلوين
احمد. اي حلوين وبس بياخدو العقل
وعد. بتعرف احمد انو امي كانت بس بدها مصلحهتا لريماس
احمد. هلأ شو بدنا منهن لاحقين ع الحكي
وعد. لا مو لاحقين لك اختك لازم تتزوج
احمد. ليش
وعد. لك نسيت شو عملت من فترة ع النت
لهيك انت اخوها ولازم تجبرها انو تتزوج من مؤيد
وين رح تلاقي متلو ولا عندك رئي تاني
احمد..لأ بس اذا هيا مو موافقة شو اعمللها
وعد. معقول احمد يسألني شو يعمللها لك انت من يوم يومك مابتعمل الا الي براسك وهلأ جايي تسألني
مثلا انت اخوها الوحيد واكبر منها وانت اكيد بدك مصلحتها
اجبرها انها تتزوجو واكيد مارح تندم
احمد. بلكي ما وافقت
وعد. مابتوقع انو توصل فيها انو ماتسمع كلمة اخوها رجال البيت الا اذا
احمد. اذا شو
وعد. الا اذا هي مو حاطيتلك قيمة ومو معتبريتك رجال واتعودت انو ماتسمع كلمة حدا
هي كانت دائما بس نتناقش وقوللها بلكي احمد مارضي تقلي ليش مين احمد حتى امشي ع كيفو طيب هلأ انت قلي شو رأيك بمؤيد والله مابعيبو شي
احمد. لك شو هالحكي هي بتقلك انو مين احمد حتى امشي ع كيفو
وعد. اي واسألها بتقلك هالحكي بوجهك
وكانت تطول لسانها كتير علي وانا اسكت كرمالك
وشغل البيت كنت كلو انا اشتغلو وهي دائما ع النت قاعدة تدور ع عرسان بيرضيك هالشي
احمد. لا ما بيرضيني
بس اجلي الحكي لبكرا يعني هيك قضيتي السهرة كلها عن ريماس ومؤيد انا والله كتير مشتاقلك
وبعدك ولا سمعتيني كلمة حلوة
لك دخيل هالعيون والشعرات الحلوين
وعد. بعد عني ها شايف انك مالك حاسس فيني انا بشكيلك همي وانت ولا هامك
بس خلص عرفت شو انا بالنسبة الك
احمد. ياحبيبتي والله مو قصدي شي
بس خلص قوليلي شو الي بدك ياه وانا بعملو تكرمي
وعد. احكي مع خليها ريماس توافق ع مؤيد
احمد. اي بكرا بحكي معها
وعد. احكي معها هلأ
احمد. هلأ بهالوقت
وعد. اي
احمد. يا مجنونة بتكون نايمة هلأ
وعد. لك لا هيا كل يوم بتسهر ع النت واذا مو متأكد روح وشوف
وبس ترجع بكون انا ناطرتك.. حبيبي انت وعمري الله يخليلي ياك شو بحبك
في غرفة ريماس
ريماس. هههههههه لك خلص والله بكفي بدي نام
يوسف. طيب بكرا بنكمل
ريماس. كل هالحكي ولسا بدك تكمل هههههه
يوسف. اي كيف لكن والله اذا مابحكي معك بمووت
ريماس. لا تحكي هيك سلامة قلبك ياعمري
يوسف. الله يسلمك
بس لو ييجي هاليوم الي رح شوفك فيه
ريماس. ليش شو بتعمل
يوسف. قولي شو مابعمل
لك لحتى امسكلك ايديكي وضمك وبوسك واتطلع بعيونك ورح احملك ولف فيكي وقلك اديش بحبك
بس مابدي حدا يكون معنا ونكون لحالنا
ريماس. ههههههه اي بأحلامك بصير هالشي
لانو رح يكون في كتير عالم ورح ومارح اقدر قلك الا كيفك مع ابتسامة صغيرة هههههه
يوسف. لك اخ هاد الي قاهرني
بس معليش بس يروحو العالم انا بعرف كيف سلم عليكي 😉
ريماس. هههههههه
اي يلا اليوم اتأخرت كتير تصبح ع خير
يوسف. يعني انت مستئصدة انو بس يكون الحكي حلو تنعسي
ريماس. ههههههه لحتى ما تغرء بأحلامك اكتر من هيك يلا تصبح ع خير. . بحبك
يوسف. وانتي بخير.. بحبك
في غرفة وعد
وعد. لك يلا قوم روح لعند ريماس وانا بكون عملتلك قهوة لحتى نسهر انا وياك احلا سهرة
احمد. اي حليها
وعد. من عيوني
ريماس كانت تفكر بحكي يوسف وتضحك
ريماس. ياعمري يا يوسف كل يوم بخليه سهران وبنام انا بس شو بدي اعملو والله ماعم بقدر اسهر اكتر من هيك ياعمري من وقت ماعرفتو ونقلبت حياتي قلب اااااه ايمتا رح شوفو
قال بدو يضمني ويبوسني هههههههه
احمد دء الباب ودخل
ريماس. اهلا احمد
احمد. شو بضحكك
ريماس. ولشي
احمد. ع شو كنتي عم بتضحكي
ريماس. والله ولشي
احمد. ليش سهرانة لهالوقت
ريماس. ما اجاني نوم
احمد. ما اجاكي نوم ولا سهرانة ع النت
ريماس. لا مو هيك
احمد. طيب خلصيني من الاخر ليش مابدك مؤيد
ريماس. هلأ جايي تسألني هالسؤال
احمد. اي هلأ عأساس كنتي نايمة وانا زعجتك يعني
ريماس. مابدي ياه لأن مابدي اتزوج
احمد. واذا قلتلك بدك تتزوجيه غصبن عنك
ريماس. شوو
احمد. متل ماسمعتي
ريماس. احمد الله يخليك مابدي ياه
احمد. مارح تلاقي احسن منو وانا رح قوللهم انك موافقة
يعني في غير تكبري وتظلي بخلئتي
ريماس. لك احمد انت شو دخلك بهيك موضوع انا قلت لأمي انو مابدي ياه وهي ماحكت شي
احمد. امي مابتعرف مصلحتك اكتر مني
رح تتزوجيه يعني رح تتزوجيه
ريماس. احمد انت اكيد مو عارف شو عم تحكي لهيك روح لعند مرتك الي عبتلك راسك وقوللها اني مارح اتزوجو وهيك صارت الشغلة جكر فيها
احمد. اذا صارت جكر لنشوف كلمة مين بدها تمشي
ريماس. لك مو انت المسا قلت انو اذا مابدها ياه تسطفل
احمد. اي بس فكرت وطلع معي انو هالشي لمصلحتك
ريماس. عم تتجلئ ع احمد بصوت واطي نانناناننا
احمد. عيدي عيدي ما سمعت
ريماس. ماقلت شي
احمد. عم تتجلئي وماقلتي شي لك والله بدك ترباية من اول وجديد
ريماس. احمد لا تحكي معي هيك انا مالي بنت عمرا 16 سنة حتى تتحكم فيني وتقرر عني انا عمري 22 ومسؤلة عن حالي
تعبت من هالحياة وانتو تتحكمو فيني وتفكرو عني عشت 22 سنة وانا كأني مالي موجودة
لا الي رئي وبتتحكمو فيني و ولا بتسمعو صوتي
بس من اليوم انا مارح اسمع كلمتكم
هاد الناقص كمان تزوجوني ع كيفكم
احمد. لك من يومين كنتي دايرة ع عريس دوارة ليش هلأ بطلتي شو اجاكي
اكيد النت خربلك عقلك
ومشان ريحك اكتر اعطيني الموبايل
ريماس. ايا موبايل
احمد.موبايلك
ريماس. بالله شو ع كيفك لانو حتى تاخدو
احمد. اعطيني ياه احسن ما كسرو ع راسك
ريماس. مافي تاخدو
هجم احمد عليها واخدو وطفاه
ريماس. احمد اعطيني ياه
احمد. والله صوتك اذا بسمعو لا تلومي غير حالك
ريماس. لا بدك تسمع صوتي اذا مارجعتلي ياه
احمد. لا تحيجيني اني اضربك وكسرك تكسير
وانتي بتعرفي احمد اذا حكا كلمة بنفذها ولا لأ
وانا ناقشتك كتير بس هلأ الحكي مامنو فائدة
ريماس. احمد مشان اااااالله
احمد. بس مابدي اسمع صوتك يالله انقبري نامي
طلع احمد من عندها
ريماس. الله ينتقم منك يا وعد كلو منك
ياربي خايفة يفتح الموبايل ويشوف محادثاتي مع يوسف والله بيدبحني
بس انا حاطيتلو قفل اكيد مارح يقدر يفتحو
يا الله كيف بدي احكي مع يوسف بكرا
خلص اكيد رح خلي امي تاخدلي منو الموبايل
انا كنت حاسة انو مارح يهنوني بيوسف وهلأ صرت متأكدة يعني مسكو عليي شغلة هالنت ومابقا يحلو عنها يعني غلطت وحطيت هالتعليق شو صار يعني
يارب تقويني وتكون معي بالايام الجاية يارب انت عوضتي بيوسف لا تحرمني منو
من وين طلعلي مؤيد صرلي 3 سنين قبالو وما التكش فيني هلأ تذكر انو يحبني
في اليوم التاني
يوسف يبعت وماترد عليه ويتصل يطلعلو مغلق
يوسف. الووو
لك ردي
ياحلووو
لك حاج تدللي
بس بدي قلك صبااااح الخير
يوسف. شو قصتا هي ليش مسكرة موبايلا
في بيت ريماس الكل قاعدين بالصالة وريماس قالبة خلئتها
ام احمد. خير شو فيكي
ريماس. اسألي ابنك
ام احمد. اها بلشنا
ريماس. اخدلي موبايلي
احمد. ماقلتيلها ليش
ريماس. لان مرتو معبية راسو عليي ومبارح قالي بدك تتزوجي مؤيد غصبن عنك مفكر الشغلة لعبة لانو
وعد. ريماس احترمي حالك انا شو دخلني بينك وبين اخوكي ولا بلشنا تأليف
ريماس. لا حبيبتي مو تأليف
وعد. ومؤيد اذا مابدك تتزوجيه عمرينك الف بنت بتتمناه انتي خليكي حتى تعنسي اي
ام احمد. خلص عاد والله تعبنا من هالقصة يعني مابدها تتزوجو تسطفل
احمد. مافي تسطفل وبدها تتزوجو
ام احمد. انت شو بدك فيها
احمد. ليش من النت بدها تتزوج مين ماكان ومؤيد لا
ريماس. بصوت عالي هو هو علينا كل ماحكينا كلمة بتظلو تعيروني بقصة النت
احمد. لا تعلي صوتك ولك وبدك تتزوجيه غصبن عن راسك
ريماس. مابدي اتزوجو اذا عاجبك كتير اتزوجو انت
احمد. شوووو قلتي
وبلش فيها ضرب لريماس حتى كسرها تكسير
احمد. والله يا ريماس غير موتك ع هاللسان
ريماس بتبكي بغرفتها
ريماس. الحمدلله انو لو شو ماعمل مابيقدر يزوجني مؤيد بدون موافقتي
ااااخ والله موتني بهالقتلة
هه قال انا بدي صير اخذي حقي من كل واحد بدو يحكي معي ورد عليه بس مو بهالغباء رحت قلتلو اتزوجو انت اي لو ايا واحد مكانو كان موتني
المسا عند المغرب طلعت ريماس بغرفتها وكانو قاعدين بالصالة
احمد. شو خلصتي زعل
ريماس. مو شغلك يلا هلأ جبلي موبايلي
احمد. روحي يا وعد جيبيه من الغرفة خلينا نشوف شو هالسر الي مخبيتو فيه
وعد. تفضل هي الموبايل
احمد. افتحيه
ريماس. مابدي
احمد. عم قلك افتحيه
ريماس. مارح افتحو
واعطيني ياه
ام احمد. اعطيها ياه شو بدك منها
احمد. بدي اعرف شو فيه
يلا افتحيه
ريماس. مااابدي افتحو
احمد. اي انا هلأ رايح مع حازم نفتل شوي وبعرف واحد بيعرف كيف يفتحو
ريماس. امي لا لا عندك ياه
ام احمد. احمد برضاي عليك ترجعلها ياه يعني شو بدو يكون فيه
احمد. بس نفتحو بنشوف
وعد. احمد اخدني معك بظل عند اهلي حتى ترجع
احمد. يالله امشي
راح احمد وريماس قعدت بالصالة تبكي
ام احمد. شو فيو الموبايل
ريماس. مافيو شي بس ابنك هيك اناني ومابيسمع الا كلمة مرتو
ام احمد. لكن ليش عم تبكي
ريماس. هيك
ام احمد. انا طالعة لعند جارتنا لانو كنتها ولدت تروحي معي
ريماس. مابدي بدي موبايلي
او اقلك اعطيني موبايلك
ام احمد. ليش بدك ياه لا بصور ولا فيو نت
ريماس. امي اعطيني
ام احمد. خدي وانا رايحة تعي سكري الباب
راحت ام احمد وظلت ريماس طول الوقت مو عارفة شو تعمل
ريماس. والله اذا بيفتح الموبايل غير اتبهدل
رح احكي مع حازم خليه يعطيني رقم يوسف
طيب واذا سالني ليش بدك ياه
رح اتصل ع الحالتين رح انكشف
حازم. هلا مرت خالي
ريماس. حازم انا ريماس اتصل انت مامعي رصيد
سكر حازم واتصل فيها
حازم. شو وافقتي ع مؤيد
ريماس. مو وقت غلاظتك بدي منك طلب
حازم. شو هوا
ريماس. اعطيني رقم يوسف اخوك
حازم. ليش
ريماس. بعدين بحكيلك اعطيني ياه هلأ
حازم. سجلي 00*****
ريماس. يسلموو
حازم. الله يسلمك
ريماس. يالله باي بعدين بحكي معك
اتصلت ريماس بيوسف
يوسف. مين ؟؟
ريماس. يوسف انا ريماس هاد الرقم لأمي
يوسف. لك وينك انتي مختفية من مبارح
ريماس. اتصل فيني مامعي رصيد
اتصل يوسف فيها وحكتلو شو عمل حازم
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`