الفصل 1
؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `من.يملكني.tt*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
#من_يملكني_الكاتبة_روان_الشبلاق
يغرسون في حنجرتك غصة ثم يسألونك لماذا لا تتحدث ؟
الجزء الاول
ام احمد عندا شب وبنت احمد وريماس
احمد متزوج بنت عمتو اسمها وعد عمرا 19
ريماس عمرا 22 مو متزوجة
ابوهم متوفي
كلهم طلعو برات البلد بسبب الاوضاع
احمد مسافر بدبي وامو ومرتو وريماس ببلد تاني
ابوها لريماس كان وحيد ماعندو اخوه بس عندو 3 خوات
هنا عماتها لريماس بس مابحبنها لا هيا ولا امها
ريماس. امي خلينا نطلع ع شي مكان والله طق قلبي من جو البيت لأيمتا بدي ظل هيك لا بطلع ولا بفوت يعني ليش هيك
ام احمد. اي قومي اشتغلي شغلك وانتي ساكتة
ريماس. يعني شو هالحياة الي محسوبة علينا
كلو شغل شغل والله مليت مليت حسي فيني يا امي
ام احمد. لك ريماس يعني شو بدك ياني اعملك مو انا متلك كمان لا طلعة ولا فوتة
ريماس. لا انتي مالك متلي انتي بتروحي عند جارتنا وبتغيري جو
ام احمد. كلها بالأسبوع مره ولو ما بتحرجني احراج مابروح
ريماس. المهم انك بتروحي
ام احمد. يعني عم بتحسبيلي وين بروح
ريماس. لك مو هيك يا امي
بس انا تعبت والله تعبت حطي حالك مكاني لا بطلع ولا بفوت ولا عندي رفئات ولا حدا بحبني وكل قرايبنا بعاملونا معاملة سيئة وكل نهاري بين اربع حيطان والله لولا النت كنت زمان متت
ام احمد. لا تزعلي يا امي الله بيفرجها
ريماس. انا بس بدي الناس يتركونا بحالنا يحلو عنا
ام احمد. مين قصدك
ريماس. قصدي عماتي واولادهن وبناتهن الي بيدخلو حالهم بكل شغلة لأيمتا هالحالة معهم لأيمتا بدهم يظلو يتحكمو فينا
ام احمد. لك خلص اسكتي صرعتيني قد مابتحكي
ريماس. انا هلأ بدي اطلع من البيت وانتي بدك تاخديني
ام احمد. وين بدي اخدك
ريماس. وين مابدك المهم بدي اطلع معد اقدر اتحمل
ام احمد. اجليها ليوم تاني
ريماس. امي عم قلك اليوم الله يوفقك
ام احمد. بس هلأ بتجي مرت اخوكي من عند اهلها وما بتلاقينا بالبيت وبتخبر اخوتها وبيعملولنا مشكلة
ريماس. الله ياخذها هيا واخوتها يعملو الي بدهم ياه والمره هي الي بدو يفتح تمو بكلمة رح سكرلو ياه فورا لسا عاملين حالهم زلم عند وجهي يروحو يتشاطرو ع خواتهم كل وحده فيهن افلت من التانية
ام احمد. لك شو هالحكي هاد خلص قومي البسي خلينا نروح نتمشى ومابنتأخر
ريماس. هلأ هيك بعد كل هالحكي بالأخر نروح نتمشى
ام احمد..بلغي الروحة كلها والله
ريماس. لا مشان الله بتظل احسن من ولا شي
ام احمد. يعني وين بدك يانا نروح بهالوقت والدنيا المغرب ومرت اخوكي رح ترجع من عند اهلها
ريماس. طيب رح البس وفورا نطلع
ام احمد. اي ماتطولي
طلعت ريماس وامها يتمشو
ام احمد. منيح هيك غيرتي جو
ريماس. اي منيح لك حاجتنا محبوسين بالبيت والله عفن قلبنا
ام احمد. لازم تتعودي هون هيك الحياة لا طلعة ولا فوتة شو مفكرة حالك بسوريا
ريماس. يعني شو فرقت سوريا ولا هون بس الناس الي تغيرت يا امي
شوفي عماتي انا بنت اخوهن الوحيدة ليش بيكرهني ومابحبني
ام احمد. مابحبنك لأنك بنتي
ريماس. لا لأنهن انانيات وبتهمهن مصلحتهن ومصلحة بناتهن وبس
في وحده فيهن فكرت وقالت خليني اخد ريماس لأبني
مع انو كل وحده عندها عشر اولاد بس انا مابعجبهن كلهن راحن يدورن ع دكتورة ومهندسة ومابعرف شو كمان
ام احمد. هلأ شو بدك بهالحكي
ريماس. لأ بدي احكي
ليش انا لما اجينا ع هاد البلد اولاد عمتي جميلة ماخلوني كمل دراستي ووقفو بطريقي ولا انتي ولا احمد حكيتو شي وصفيتو معهم
وليش اذا بدنا نعمل ايا شي لازم يعرفو فيه ويا بوافقو يا لأ
مين هما حتى يتحكمو فينا
ام احمد. شو طالع بأيدنا نعمل وماعملنا
ريماس. كلو من اخي احمد هوا سامحلهم بهالشي وقلبولو عقلو وتفكيرو صار متخلف متلهم
ام احمد. احمد خلص صار متلهم ومرتو وامها هنن الي بمشنو ع كيفهن
ماخلني افرح فيه ولاقيلو عروس ع كيفي
ريماس. هاد الي بدي قلك ياه
انو اخي احمد بس صرنا بدنا نزوجو فورا عرضن عليه بناتهن وقالن مابدنا نعطيهن لغريب
اما انا عادي اتزوج من غريب لانو انا مالي من مستوا اولاد عماتي
ام احمد. يلا خلينا نرجع ع البيت اتأخرنا
ريماس. طيب امي ليش عماتي بيكرهنك
ام احمد. عماتك ما بحبن حدا
ابوكي كان مدللني كتير ومدللك انتي واخوكي
وهنا وحده زوجها متزوج عليها
والتانية زوجها تاركها والتالتة زوجها مابحبها
بس يشوفني انا وابوكي اديش مبسوطين يطير عقلهن وينجنن
ومن وقتها لهلأ بيكرهني
ريماس. لكن شو دخل طلعتنا من سوريا
ام احمد. ليش مابتذكري اول الاحداث وقت كان ابوكي عايش قال خلينا نطلع برات البلد وانا ماوافقت لانو ماكان في شي بمدينتنا
وبعد فترة استشهد ابوكي وطلعنا نحنا برات البلد
وصارن عماتك يقولن انو انا السبب لو طلعت ماكان مات اخوهن الوحيد
ريماس. ايوااا
ام احمد. ولهيك لا بحبني لا انا ولا انتي اما احمد بموتن عليه لانو بياخدن كل مصاريه وبيصرفنها ع حالهن
ريماس. بالناقص مو ضروري يحبنا
ام احمد. وانتي دائما بتهدي عليي بتفكريني مو حابة افرح فيكي ولا شوفك عروس لك بس شو طالع بأيدي حتى يجي نصيبك
ريماس. والله فاهمة عليكي بس كيف بدو يجي نصيبي وانا لا بشوف حدا ولا حدا بشوفني ولا حدا بيعرفنا و24 ساعة بالبيت
وهاد كلو غير وعد الي بتظل تعيرني انو هيا عمرها 19 ومتزوجة من سنتين وانا عمري 22 وماحدا دء بابنا مع انو انا احلى منها بكتيرررر بس ليش هيك حظي
ام احمد. معليش حبيبتي لاتزعلي اصلا وعد لو مالزقتها امها بأخوكي كان ماحدا اتطلع فيها وان شاء الله غير الله يبعتلك ابن الحلال الي يسعدك ويهنيكي
ريماس. ان شاء الله
بعد ما وصلو ع البيت لاقو وعد واخوها حازم واقفين برا يستنوهم
سلمت ام احمد ع حازم
حازم. كيفك مرت خالي
ام احمد. الحمدلله بخير
وعد. وين كاينين النا ساعة نستناكم بدنا مفتاح البيت
ام احمد. ليش مفتاحك وين
وعد. مفتاحي خليتو بالبيت ومابعرف اني رح ارجع ما لاقيكم
ريماس. اي هاد مو ذنبنا حبيبتي وعد
وعد. لكن ذنب مين
ريماس. وليش ما اتصلتي
وعد. اتصلت كتير وموبايلك مغلق
ام احمد. طيب هلأ يلا فوتو تفضل حازم
دخلو ع البيت
حازم. مرت خالي وين كاينين بهالوقت ولحالكم
ريماس. شو بدك فينا
ام احمد. اخذت ريماس وطلعنا نتمشى شوي ملت من جو البيت
حازم. بس مابصير تطلعو لحالكم وبهيك وقت مو حلوة كمان مشان ريماس
ريماس. ريح حالك انا طالعة مع امي مو لوحدي
حازم. ليش هيك بتحكي
ريماس. لأنك جايي وعم بتحاسبنا
حازم. انا ماعم حاسبك انا عم بسأل
ريماس. اي سؤالك كلو ما الو داعي
وعد. ريماس ليش هيك بتحكي مع اخي فوء مانو خايف عليكي من حكي الناس
ريماس. وعد انتي ماتدخلي
انا ماني صغيرة
وعد. اي تسطفلي
ام احمد.خلص يا بنات
حازم. مرت خالي بنت بعمرها مابصير تطلع وتتمشا بالشوارع من غير شي نحنا بغربة ومو ناقصنا
ياريت مايتكرر هالشي
ام احمد..هي بتمل لانو لحالها
حازم. طيب تجي لعنا مو تروح ع الشوارع
ريماس. حازم انا لهلأ ساكتلك لا تخليني انفتح فيك انت مالك مسؤل عني في امي وفي اخي
انت ابلش بمرتك وخواتك وهاد بكفي
حازم. شو يااا صاير لسانك اطول منك
ريماس. بدك ياني متل كل مره ظل ساكتة وما احكي شي
ومن اليوم انت ما الك علاقة فيني ومابسمحلك تتحكم فيني ابدا
ام احمد. ريماس خلص اسكتي وروحي ع غرفتك
ريماس. مالي رايحة
ام احمد. ريماس عم قلك روحي
ريماس. اي رايحة
ام احمد. حازم لاتزعل من حكيها بس اليوم متدايئة شوي
وعد. اذا متدايئة مو ضروري تحكي هيك مع حازم
حازم. طيب معليش روح احكي معها شوي قبل ماروح
ام احمد. اي روح بس اتحملها اذا غلطت بالحكي
وعد. حازم شو بدك فيها خلص روح
راح حازم ع غرفة ريماس ودء الباب
ريماس. مين
حازم. انا حازم
ريماس. شووو بدك
حازم. بدي احكي معك شوي
ريماس. اي فوت
حازم. ليش هيك حكيتي معي
ريماس. الي بدء الباب بسمع الجواب
حازم. الي بدي قلك ياه انو احمد اخوكي كل شوي عم بيتصل فيني وبقلي انتبه ع ريماس ولا تترك ريماس وكلو ريماس ريماس
ولا انا شو بدي فيكي روحي وين مابدك انا شو دخلني بس هيك اخوكي بدو
ريماس. اي طبعا هيك رح يقلك مو اختك كل شوي عم بتتصل فيه وبتقلو اختك راحت واختك رجعت واختك طلعت وكل شي عم بصير معي بتقلو ياه
حازم. انا رح احكي معو وقلو انو مابقا اتدخل فيكي
ريماس. والله ياريت بكون احسن
حازم. طيب سلام
ريماس. الله معك
وعد. شو حكيت معها
حازم. ولشي يلا بدكم شي
ام احمد. لسا بكير خليك
حازم. بدي روح
ام احمد. لاتزعل من ريماس اذا حكتك شي
حازم. لا ماحكت شي بس لا تخليها تطلع وتفوت كتير
ام احمد. ان شاء الله
حازم. يلا سلام
ام احمد. مع السلامة
ام احمد. ريماس ريماس
ريماس. نعم امي
ام احمد. لك ليش هيك حكيتي مع ابن عمتك انا هيك ربيتك تغلطي ع الي اكبر منك
ريماس. من زمان هيك لازم يصير
ام احمد. لك اااخ منك
ريماس. ليش انا شو حكيت
ام احمد. لا والله ماحكيتي شي بس هلأ هاد الحكي كلو وعد رح تنقلو لأخوكي ووقتا صيري ابكي مووو
ريماس. لا مارح ابكي ومعاد اهتم لحدا والي بدو يصير يصير
في اليوم التاني
وعد. والله ياريماس بنت عمتي اجاها شب بياخد العقل وهيا صغيرة كتير عمرها 16 سنة وشو شب متل القمر
ان شاء الله الله بيبعتلك متلو صحيح انتي كبرتي بالعمر بس مابتعرفي شو الايام مخبيتلك
ام احمد. وعد ليش هيك عم تحكي مع ريماس
وعد. ليش شو حكيت انا عم بدعيلها وبتمنالها الخير
بس والله زعلانة عليها ليش لهلأ ماحدا طلبها
ريماس. اي اخرسي كيف الناس بدها تشوفني وانا ماعم اطلع من البيت ولا حدا بفوت علينا حتى يشوفني
وعد. بس الي عمرك صار عندهم اولاد
وهلأ ايا شب بدو يتزوج بدو ياخد بنت عمرها بالكتير 18 سنة
ريماس. امي عندك ياها لانو مو جاي ع بالي اتناقش معها
وعد. ليش بتزعلي من الحقيقة
ريماس. لقلك ليش هلأ انتي لو ما عمتي جبرت احمد انو ياخدك مين كان اتطلع فيكي لك والله لولا احمد كان صار عمرك 40 ولساتك ببيت اهلك هههههههه
وعد. فشرتي اسمعو مين بحكي
ريماس. بقا خليكي ساكتة احسنلك ولا تخليني كمل واحكي عن جمالك لأني بعرف انا شو وانتي شو
ام احمد. خلص يا ريماس
ريماس راحت ع غرفتها وهي مقهورة من حكي وعد بس مابينت هالشي
فتحت الفيسبوك شافت بوست عن الزواج بالغربة
وشافت انو الكل عم بدورو على عرايس وبشكل جدي مو كزب او تسلاية
ريماس. ماما ماما تعي شوي
ام احمد. خير شو بدك
ريماس. تعي وسكري الباب حتى وعد ما تسمعنا
ام احمد. وعد بغرفتها شو في
ريماس. ليكي امي هي وحدة ع النت عم بتدور على عروس لأبنها لأنو هنن بغربة ومو ملاقين عروس
وبالتعليقات في ناس كتير عم تدور
ام احمد. اي شو بدنا منهن
ريماس. امي افهمي عليي انا رح اكتب اسمي وعمري ومابتعرفي بلكي زبطت
مع انو بعرف حظي هلأ الكل بينعمو عيونهم عن تعليقي
ام احمد. هاد الناقص تتزوجي عن الطريق النت
ريماس. لك امي والله صارت شغلة عادية كتير ناس متل حالتنا مابيعرفو حدا وماحدا بيعرفهم ولهيك بيصيرو يدور ع النت
شو قلتي امي ؟
ام احمد..قلت لأ
ريماس. طيب ليش ليش
ام احمد. كيف يعني بدها تزبط بلكي طلعلك واحد ببلد تاني
ريماس. اذا مشان هيك ماتخافي لانو هاد البوست بس للبلد الي احنا فيه
ام احمد. وكيف بدك تعرفي انو منيح او لأ وبلكي بدو يتسلا او شي تاني انا بقول شيلي هالفكرة من راسك
ريماس. ماني شايلتا وهلأ رح حط تعليق واذا زبطت بنسأل عنهم
مو احسن ماظل هيك كل قرايبنا يحكو عليي لأني كبرت
ام احمد. مين قلك انك كبرتي
الي من عمرك بعدهم ماتزوجو
ريماس. لا تضحكي عليي هداك انا لو من عيلة تانية اي بكون لسا صغيرة اما هون عماتي وبناتهن من وقت كان عمري 19 وهنن يعيرني
خليني جرب حظي لا توقفي بطريقي الله يوفقك
ام احمد. متل مابدك بس لا تخبري حدا ابدا
ريماس. لا مستحيل مارح قول لحدا
كتبت ريماس اسما وعمرا ومن وين هي
في بيت اهلها لوعد
رغد. امي امي تعي شوفي ريماس وين وصلت معها
جميلة. مين ريماس شو في احكي
رغد..امي ريماس بنت خالي شبك
جميلة. اي شبها
رغد. هلأ شفتها معلقة ع النت وكاتبة مواصفاتها انو بدها عريس
جميلة. شو هالحكي لتكوني غلطانة ومو هيا
رغد. لا والله هيا وهاد ايميلها هههه ياحرام طقت بدها تتزوج
بس والله يا امي غير تعمللنا فضيحة هلأ كل الناس بكونو شافو تعليقها وبصيرو يقولو بلا ترباية وهيك بتنزع سمعتنا
جميلة. بس وعد ماخبرتنا بهيك شي
رغد. ليش هما بيحكو ل وعد شي
جميلة. اتصلي بخالاتك وخليهن ييجن هلأ لعندي
رغد. طيب رح اتصل
في بيت ريماس
ريماس. ماما شوفي هي وحده عم بتسألني عن اشياء كتير وقالتلي انو عم بتدور على عروس لأبن اخوها لانو اهلو بسوريا وهوا ساكن هون لوحدو لهيك بدو يتزوج ويأسس حياتو
وبعتتلي صورتو شوفي ما احلاه وطلعو قريبين منا
ام احمد. اي وهلأ شو
ريماس. قالتلي بدها رقمك تحكي معك وتتفقو ايمتا تجي
ام احمد. اعطيتيها الرقم
ريماس. اي اعطيتها وقالتلي بس تشوفي الشب ويشوفك اسألو عنا ونحنا بنسأل عنكم
والله يا امي باينتو ابن حلال
ام احمد. اي الله يقدم الي فيه الخير
في بيت امها لوعد اجتمعن عماتها لريماس الثلاث جميلة ومنيرة وانعام
انعام. معقول ريماس بنت اخوي هيك تعمل ماظل غير هالطريقة للتزوج فيها
جميلة. اي شو بدنا نعمل لأمها ماعرفت تربيها
منيرة. هي لازمها حدا يضبها
جميلة. مبارح راح حازم ابني لعندهم ومبهدليتو
منيرة. عنجد بتحكي
جميلة. اي والله هيك قالت وعد
منيرة. طيب سألتي حازم ليش هيك عملت
جميلة. سألتو ومارضي يحكي
انعام. اخرتها غير تعمللنا فضيحة
لازم حدا منا يروح لعند امها ويحكي معها
منيرة. مين بدو يروح
انعام. جميلة انتي روحي انتي اكبر شي وبتعرفي تحكي
ومزوجة بنتك هنيك يعني بتحكي شو مابدك بعين قوية
جميلة. والله خايفة بعد الي سمعتو عنها تقلعني انا كمان
منيرة وانعام. خلص انتي هلأ روحي عليهم
جميلة. اي هلأ بخلي حازم يوصلني
في بيت ريماس
ريماس. ماما تخيلي انا صير عروس وخلي كل الي بيكرهوني يطقو ويموتو
ام احمد. ان شاء الله
الله يفرحني فيكي يارب
ريماس. ماما خليكي ماسكة الموبايل يمكن يتصلو بأي وقت
ام احمد. ههههه طيب
بعد نص ساعة دء الباب وكان حازم وجميلة فتحتلهم ريماس
ريماس. اهلا وسهلا عمتي تفضلي
جميلة. وينها امك
ريماس. جوا تفضلي
حازم. وانا شو فوت ولا بتئلعيني
ريماس.لأ تفضل
ام احمد. اهلا وسهلا فيكم
شو اخباركم
جميلة. الحمدلله
ام احمد. كيف البنات والشباب ويوسف كيف هالسفر معو ان شاء الله مرتاح
جميلة. الحمدلله شو بدو يصير عليه
ام احمد. اي الحمدلله
جميلة. بدي احكي معك بموضوع بخصوص ريماس
ام احمد. اي تفضلي
خبرتها جميلة انو كيف هيك ريماس بتكتب ع النت مواصفاتها وانها قاتلة حالها حتى تتزوج
جميلة مابتعرف انو امها لريماس معها خبر
جميلة. بقا شو رئيك بالي عاملتو بنتك
وعد. هههههه لكن هيك لك ريماس كل ما اسألك حابة تتزوجي بتقوليلي لأ ولساتني صغيرة
حازم. عنجد هالحكي الي سمعتو
ريماس. اي عنجد وامي مابتعرف بهالشي
وانا ماعملت شي عيب او حرام
وياريت تسكت اختك لاني مالي حابة اتناقش مع حدا
حازم. شبكي لك ليش قاتلة حالك حتى تتزوجي ليش شو صاير عليكي
جميلة. خلص اصبري الا ما يطلع شي واحد ويتزوجك
ريماس. ليش عمتي انا من شو بشكي حتى يطلعلي شي واحد
ام احمد. البنت خبرتني بكل شي وماغلطت وفي جماعة عأساس يتصلو فينا ويجو يشوفوها
جميلة. يعني انتي صافة معها
ام احمد. اي وين الغلط يعني انا حابة امن ع بنتي وافرح فيها
جميلة. وهيك بهي الطريقة
بنعرف انو البنت كبرت بالعمر بس مابصير هيك
جميلة اتقصدت انو تسمها لريماس انو كبرت بالعمر
ام احمد. البنت بس عندنا بعيلتنا كبرتوها وعقدتوها ع قد ماقلتو كبيرة وكبيرة
بعدين ليش في طريقة تانية البنت ماحدا بيعرفها وكل سنة بتطلع مره كيف الناس رح تعرف انو بهاد البيت في بنت بسن الزواج
جميلة. المهم زواج بهي الطريقة مافي اذا اتصلو فيكم بتعتذرو منهم
ام احمد. بالأول بنشوفهم واذا مناح ليش لأ
جميلة. زواج عن طريق النت مابدناااا ومافي داعي نعيد الكلام ومتل ما انتي امها انا عمتها والكلمة مو الك لوحدك لا تنسي اخوها
ام احمد. اخوها رح نوخذ رئيو اكيد
بعد ربع ساعة اتصل رقم غريب ع ام احمد وكانت عمتو للشب الي بدو يتزوج وبدها عنوان البيت
حكت معهم ام احمد وهي عم تحكي جميلة اخدت من ايدها الموبايل
جميلة. شوفي حبيبتي بنات للزواج ماعندنا ياريت ماتتصلو ع هاد الرقم مره تانية والله معك
ريماس. ليش هيك عملتي ليش
جميلة. مشان مصلحتك اكيد كانو رح يضحكو عليكي
ريماس. لا انتو دائما مابتحبولي الخير ومابتقدرو تشوفوني مبسوطة وفرحانة
راحت ريماس ع غرفتها وهي تبكي
ام احمد. انتي اكرم من الله شو عرفك يمكن يطلعو احسن من الي بيقربولنا
جميلة. شو بتقصدي بهالحكي
ام احمد. يعني هي بنت اخوكن الوحيدة وبعمركن ما حسيتن فيها ولا بوجعها
ليش انتي بتعرفي ليش بدها تتزوج ليش في بنت بتحب تفارق امها
بس بسبب بنتك ليل نهار تعير فيها وواقفيتلها ع غلطة
وبتسمعها حكي انتي كبرتي وماحدا اتطلع فيكي
وعد. الله الله كل هاد حاملتيه بقلبك عليي وساكتة
جميلة. هلأ طلع الحق ع بنتي ليش شو دخلها
ام احمد. اي ع بنتك
لك ماعم تخليها تتهنى بشي اذا بتطلع مشوار بتتصل بأخوها بتخبرو واذا بتحكي مكالمة بتتصل بأخوها وشو ماتعمل مراقبيتها خلتها تكره عيشتها وتتمنى تطلع من البيت بلا رجعة
وبتقوليلي وعد مادخلها
جميلة. امشي حازم معاد حدا استحا بتحكي ع بنتي وبتسمعني حكي وانا قاعدة ببيتها
ام احمد. انا حكيت الحقيقة
حازم. وعد حسابك بعدين ع الحكي الي سمعتو
جميلة. لا تسدء كلو كذب
راحو حازم وامو ع بيتهم
يتبع..
الجزء التاني
#من_يملكني_الكاتبة_روان_الشبلاق
الجزء الثاني
في سيارة حازم
جميلة. ليش هيك حكيت مع اختك قدامهم هيا ناقصها مابكفي انها متحمليتهم
حازم. الحق ع بنتك ليش لتعيرها للبنت انو لهلأ مو متزوجة
جميلة. يعني هي الحقيقة ليش بتزعل هيا وامها مابعرف
حازم. امي شو صايرلكم البنت والله لساها صغيرة بعرف بنات من عمرها ولهلأ مو راضيات يتزوجو بقولو لساتهن صغار
جميلة. وانت ليش كل هالقد مقهور عليها وبتدافع عنها
حازم. حطي وعد مكانها وتظل وحده تعيرها وكل شوي تسمعها كلام بتقبليلها هالشي
جميلة. انت مكبر الموضوع
حازم. طيب ليش ماتخطبيها لأخي يوسف يعني هي هوا اكبر مني ولهلأ مانو متزوج
جميلة. شووو شو قلت اسمعو ع هالحكي هه مافشرت بعينها قال يوسف
حازم. اي وين الغلط وهيك بتكوني فرحتي امها
جميلة. مستحيل والله مابصير هالشي وانا عايشة
حازم. ليش ماتنسي انو هي بنت اخوكي
جميلة. اخي مات الله يرحمو
ماني مجبورة اخذها لحبيبي يوسف وابليه فيها هوا دارس ومتعلم وبسافر والف بنت بتتمناه
اجي انا ابليه ببنت مو متعلمة ولسانها طويل ومو ملاقية حدا ياخذها
حازم. والله يا امي الحكي الي عم بسمعو منك فاجئني ماتوقعت انك مابتحبيها وبتكرهيها لهالدرجة
جميلة. انا مابكرها بس مابحبها ولا بحب امها
وياريت تسكرلي ع هالموضوع
حازم. طيب ليش اسألي يوسف وشوفي شو بقول
جميلة. والله لو تطلع عيونها ما بتاخذ يوسف
بس اذا كل هالقد هكلان همها رح زوجها لأخوك مؤيد وبطلعو لابقين لبعض ههههه
حازم. اي ليش لأ ليش من شو بيشكي مؤيد
بس ليش مؤيد اي ويوسف لا
جميلة. يعني انت بتحبو اكتر من اخوتك الباقيين ونسيت انو ابنها لمرت ابوك
حازم. والله امرك غريب يعني ابن مرت ابي مانو اخي
جميلة. خلص خلص هلأ حل عني
حازم. بس ماجاوبتيني ليش بدك تزوجيها لمؤيد
جميلة. لأنو اخوك يوسف رح يرجع بعد فترة حتى يتزوج وخايفة حدا تاني يقلي زوجيها ليوسف متل خالاتك او غيرهن
هيك بياخذها مؤيد وبتروح عن طريقي
حازم. يالطيف ما اقواكي يا امي
مؤيد اخوه لحازم من ام تانية تزوجها ابوه وجاب منها مؤيد وبعدين طلقها وجميلة هيا الي ربتو بس مابتحبو ولا بتطيقو
في بيت ريماس
دخلت ام احمد لعند ريماس ع غرفتها لقتها عم بتبكي
ام احمد. ليش عم تبكي
ريماس. ليش يعني من حظي الحلو
ماشفتي شو عملت عمتي لأنها مابتحبني
ام احمد. يمكن يكون هالشي خير الك
ريماس. كيف يعني
ام احمد. يعني يمكن كان رح يطلع الشب مو منيح
ريماس. والله يا امي حتى لو طلع مافي منو كانو رح ينزعو كل القصة لأنهم بيكرهوني والله بيكرهوني
ام احمد. طيب خلص لا تبكي
ريماس. امي اتركيني ان شاء الله بموت وبرتاح من هالحياة انتي مفكريتني زعلانة ع الشب لا انا مو هيك انا الي قاهرني اني ماعملت لعماتي شي هيك بيكرهني بدون ذنب
ام احمد. طيب مشاني لا تبكي
وقومي غسلي وجهك
ريماس. طيب
في غرفة وعد
وعد عم بتحكي مع احمد
وعد. لو تشوف اختك شو عملت لانو مافي مين يضبها
احمد. شو عملت
وعد. لك كاتبة ع النت انو بدها عريس وكاتبة مواصفاتها فضحتنا بين خالاتي
احمد..شو هالحكي
وعد. اي والله واليوم اجت امي واخي حازم ليحكو معها ويفهموها انو هالشي غلط قامت غلطت عليهم بالحكي وراحو وهما زعلانين
وغير هيك ماعم تقعد بالبيت
انا قلتلك لحتى ماتقول ليش ماخبرتيني ولحتى تحكي مع حازم ينتبه عليها لانو هيا فلتت بس لاقت انو ماحدا عم يحاكيها
احمد. انا لازم سكر هلأ
وعد. طيب شو بدك تعمل
احمد. بس افضى بحكي مع حازم وبشوف
وعد. طيب بس تفضى حاكيني
احمد. اي باي
وعد. باي
بعد ساعتين اتصل احمد بحازم
احمد. انا سمعت ب الي عملتو ريماس
حازم. وعد الي خبرتك
احمد. اي بس هلأ بدي منك تفصللها النت لانو كلو بسببو
حازم. جنيت انت يعني مسدء حكي وعد
احمد. انا مابعرف شو صار بالتفصيل بس خلص بلا النت اريح مابدنا مشاكل
حازم. عن مشاكل شو بتحكي يعني مو ناقص غير تمنعو الهوا عن البنت
احمد. لك متل ماقلتلك يعني هيك احسن خلت كل عماتي يحكن علينا
حازم. طيب هالمره انا بضمنلك ياها انو ماتعمل شي اذا كل هالقد خايف
احمد. طيب طيب انا بعدين بحكي معها.. يلا سلام
حازم. الله معك
في الصالة
ام احمد. ريماس كأنك لساتك مزعوجة
ريماس. لا امي ابدا
ام احمد. اي حبيبتي الله يوفقك والله بس شوفك زعلانة بنقهر عليكي
ريماس. ياحبيبتي يا امي والله ماحدا بيفهمني بهالدنيا غيرك
طلعت وعد من غرفتها
وعد. ريماس حازم ع الخط بدو يحكي معك
ريماس. شو بدو
وعد. مابعرف خدي احكي
ريماس. الو
حازم. كيفك
ريماس. ماشي الحال
حازم. روحي ع غرفتك بدي قلك شي
ريماس. شو هوا
حازم. لك يلا
ريماس. اي رحت ع الغرفة شو بدك تقول
حازم. وعد اتصلت ب احمد وخبرتو بالي صار
وحكا معي وقلي انو ماخلي معك نت بس انا قلتلو انو بس هالمرة اعطيها فرصة
ريماس. انا ماعملت شي حتى يعطيني فرصة
حازم. يعني بتعرفي اخوكي كيف مجنون
بس حس اني ما حأعمل شي قال هوا رح يحكي معك
لهيك حبيت قلك اذا اتصل فيكي خليكي هادية وماتردي ع الحكي الي بقولك ياه والا رح يجن ومايخلي معك حتى موبايل و وعد انا رح ابهدلها
ريماس. اي شكرا الك
حازم. ماتخبري وعد شو حكينا عأساس حكيتك غير هيك
ريماس. اي ماشي..باي
حازم. باي
طلعت ريماس من غرفتها و وعد كانت مفكرة انو حازم رح يبهدلها لريماس
وعد. اكيد بهدلك ع تصرفاتك البايخة
ريماس ماردت عليها
وعد. هههههه شكلها البهدلة قوية
ريماس في نفسها غريب حازم من ايمتا صاير فيه احساس قليل شو كان يعمل فيني بس منيح صار في حدا يوقف معي مو ضدي
في الليل وعد وام احمد نامو ماظل الا ريماس وحاسة بملل فتحت الفيسبوك بس مافيه شي جديد
اجتها اضافة من شب اسمو يوسف السوري بالأجنبي
هي مابتقبل شباب
بس من الملل قالت بتتسلا شوي وبتحذفو
يوسف. مسالخير
ريماس. مسالنور
مين معي
يوسف. انا يوسف
وانتي
ريماس. انا ريماس
يوسف. حلوو.. من سوريا
ريماس. اي من سوريا من الشام ..وانت
يوسف. وانا من الشام
وهلأ بدبي عمري 26
ريماس. العمر كلو .. اخي كمان بدبي
يوسف. ليش انتي وين
ريماس. انا بالاردن
يوسف. اه واهلي كمان بالاردن
كم عمرك انتي
ريماس. 22
يوسف. العمر كلو
ريماس. تسلم
اغتربت بالأحداث ولا قبل
يوسف. لا قبل بسنتين
ريماس. ايواا
بعد ساعتين من الحكي المتواصل
يوسف. دخلت ع صفحتك كأنو اصدقائك كلهن بنات وما بيطلعو 5
ريماس. اي
يوسف. لكن ليش قبلتيني
ريماس. كنت مالة قبلتك لشوف مين انت وبعدين احذفك
يوسف. وهلأ بدك تحذفيني
ههههههه
ريماس. هههههه هلأ لا لبكرا بدي نام
يوسف. اي كتير منيح المهم يكون راح الملل
ريماس. هههههه طلعت انت كتير مهضوم
يوسف. اي كيف لكن بس ما قلتيلي ليش ماعندك اصدقاء
ريماس. بكرا ذكرني قلك وهلأ تصبح ع خير لأن معاد اقدر فتح عيوني
يوسف. اي وانت بخير
طبعا يوسف هوا ابن عمتها جميلة ل ريماس
بس لا هيا بتعرف انو هوا
ولا هوا بيعرف انو هيا
تاني يوم في بيت جميلة
منيرة وانعام. شو صار معك مبارح
جميلة. لك العمى اديش طلع لسانها طويل هالريماس لا بتحترم عمه ولا خالة
منيرة. يعني شو صار
جميلة. كانو متفقين مع ناس انو يروحو يشوفوها وانا ماخليتهم
لانو ناقصنا تقول الناس بنت اخوهم تزوجت عن طريق النت
منيرة. خير ما عملتي
انعام. اي والله
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`