دار الطفوله المجهوله - الفصل 10 - بقلم Joory talal | روايتك

نرجع لريان ومنار ريان مصدوم هو مو عارف ينبهر بجمالها الي زاد او انها هي الي اغتصبها أبوه او بدموعها الي تنزل هو جرحها حسسها انها رخيصه بتصرفه يخطبها ويتزوجها بنفس الاسبوع ومايعمل لها عرس كبير زي باقي البنات ويصارحها انه بيطلقها منار ودموعها تنزل : مـ مـالـ ک..... تـناظـ ـرني ... ک كـ ـذا ريان بصدمة : منار وش تسوين هنا لحظه لحظه ... يعني يعني ابوي هو وصار يرجف وكمل وهو يقول : مـ ـنار ابوي هو الي سوا فيك كذا ؟! منار نزلت دموعها وهزت رأسها بأيه ريان غصب وتشنج ليه ليه ماتصور انه بيجتمع بحب حياته الأول بالشكل ذا ويكون الشخص الي المفروض يكون أب يكون الي اغتصب حبيبته لا لا مايقدر يتصور مايقدر مو يكفي ان أبوه مدمر حياتهم ومخلي امهم عوراء مو يكفي ان أبوه عقده من الآباء بس انه يضيع شرف بنت طيبه ويدمر حياتها ويخليها رخيصه بعين الي مايسوى وتكون ذي البنت حبيبت الي حبها من عمره 14 سنه وحطها بباله كان كلما يريد يوقف دراسه يقول لنفسه ذاكر ذاكر ياريان عشان تصير ناجح عشانك وعشانها عشان منار أنت بتتزوجها وتعيشها أحلا عيشه أنت اقسمت لنفسك تخرجها من حياة الفقر والشقاء تقدم منها وضمها لصدره وهو يقول : ماتخيلت تكوني انتي ليه ليه سكتي ؟ ليه ماقلتي لي لييييييه كنت دفعته الثمن ذا الي مايسوى ليييه ؟؟؟! منار مصدومه تحبه بس ماتوقعت هو كمان ارتاحت ربي عوضها فيه هو كانت تتخيل نفسها عروسته وفعلا هي عروسته رغم انه مافي فستان كبير وقاعه بس عادي يكفيها انها زوجته رفعت رأسها تشوفه شافته يبكي مسحت دموعه وقالت بحنيه : لا تبكي سلم على رأسها وخدها ويدها وقال بحنيه : ماببكي عشانك ضحكت ضحكة بسيطة على دخله أيهم أيهم : أقول يا يامديكوتساي تأخرتم مرررره يلا تحركوا بيتكم ريان : وش دخلك أنت أيهم بغضب : اسمع انت يا برنسس ريان مو وقت رومانسيتكم روحوا بيتكم امك منتظره وتصارخ علي مدري وش دخلني بس هو بسببك يلا بسرعه شوي وتقتل محمد مسكين جالس يهديها ضحكوا الاثنين على عصبيته وراحوا للقصر . . . . . . . عند معاذ شافها وهي تمشي كان وده يجري ويلحقها بس .. رجع للبيت دخل شاف اسرته جالسه بالمجلط جلس جنبهم أبوه : معاذ وين امك ؟! معاذ : بالمطبخ دخلت ام معاذ وجلست وقدمت صحن تقديم فيه شاي وبيض وخبز وجبن أم معاذ : تعشوا أنتم ماتعشيتوا ..... ياترى بنتي رح تتعشى او تستحي ااااااه يابنتي من خجلك أيهم والاكل بفمه وجالس يقسم الخبز : يما لاتشغلي نفسك بنتك ذي مفجوعه ماتستحي بتأكل حتى زوجها معاذ خبط ايهم برأسه وهو يضحك : عيب استحي أيهم بلع الاكل وقال : وش قلت أنا يوووه الاب : على طاري زوج منار وش اسمه ؟! معاذ : تصدق نسيت وش اسمه ياأيهم ؟! أيهم : اسمه ليان ضحكوا عليه معاذ : هههه اه تذكرت اسمه ريان الام : ايه معاه أخت تتطيح الطير من السماء تجننن معاذ خص باللقمه وابتسم الاب : ايش رأيك نخطبها لمعاذ ؟! معاذ التفت شاف امه وابتسم الام : ياريت بس البنت مخطوبه معاذ انصدم رزان مخطوبه لا لا يمكن اخته الثانيه قال وهو يتكلم في نفسه : أنا شفت ٣ حريم يمكن ثنتين خواته مااعتقد رزان مخطوبه لا لا مستحيل ( طبعا معاذ يحسب هيا اختهم) . . . . . . . . عند رواد كمل عشائه وراح عشان ينام جاء يأخذ كتابه من الشباك شاف المنديل الأصفر علق المنديل الاحمر ونزل وهو بالطريق الى المغاسل سمع صوت وراه التفت بخوف وقال بصدمة وبهمس: وش تسوون هنا فارس بهمس : نريد نجي معك رواد بهمس : لااا ارجعوا فارس : لا مابنرجع وصارت مشادده وخسر رواد وفازوا هم وراحوا معه... . . . . . . . بالمغسله زينه ورواد وفارس وامين وأسيل وهاني ورتيل و ترتيل كلهم مجموعين بالمغسله زينه شافت لرواد وقالت : اتوقع جبتهم غصب عنك رواد هز رأسه بنعم قالت : حلو أنا جبت صديقاتي عشان اكلمكم بموضوع جاء لهم فضول وقال فارس : موضوع ايش وكملت وقالت : أنا ودي نصير اصحاب كلنا والي تصير معاه مصيبه نساعده كلنا نفرح لفرح بعض ونحزن لحزن بعض أريد كل واحد يحكي وش هدفه بالمستقبل يلا نبدأ من عندي أنا ودي اكبر واخرج من هنا واصير مربيه بالميتم هاني : يعععع ودك تصيري مربيه هنا أنا يلا اخرج من هنا زينه : ههههه أنا أريد أسعد اليتامى فارس : ودي اشوف امي التفتوا كلهم عليه وقالت رتيل : ليه متأكد انها عايشه ؟؟! فارس ناظرها وقال : بدورها لين اشوفها واذا ماتت أكون عملت جهدي أسيل بسخريه : أشوفك ولد تحب تتعب عالفاضي فارس : انتن ليه كذا ؟؟! رتيل : لأنه مستحيل تلاقيها أنت عايش هنا لأنك يتيم مافي أحد يعيش هنا واهله عايشين واذا إذا يعني امك حطتك هنا يعني هي ماتبغاك وماتريد تربيك يعني لا تتأمل ماينكر فارس انه حس بأحباط من كلامها بس كابر وقال : ويمكن أنا مخطوف من اهلي هاني بسخريه : هه ومن بيخطفك ويحطك هنا الي بيخطفك بيقتلك مو يحطك بميتم تأكل وتشرب مجان وتنام تحت سقف يحميك من المطر فارس انفعل : ايه ممكن يسوي كذا بس عشان يفرقني عن اهلي رواد : خلاص ياجماعه استهدوا بالله خلاص وكملوا سوالف وراحوا ناموا ٠٠٠٠٠٠٠٠