أحبني بعد أن عذبني - ﴾Part (13)﴿ - بقلم بيرو الحلوه | روايتك

————————— نروح لعند غسان ، وصل لعنوان الشقه اللي خبره فواز انه فيها، دق الباب، لكن ما كان في رد وبعدها مسك مقبض الباب يحاول يفتحه، واستغرب انه كان الباب مفتوح، تنحنح قبل ما يدخل وقال ،،، غسان: يا فواز،،، فواز.... وينك ، لكنه لم يسمع رد لندائه تقدم بهدوء للصاله ولا ينكر انه كان خائفا وارسل رساله لفواز ليتأكد هل هذه الشقه هي شقته ام انه اخطأ بالعنوان،، لكن فواز لم يرد عليه ورغم محاولات غسان بالإتصال على فواز لكن لاجدوى لم يرد وكان هاتفه مغلق، توتر غسان وكان في داخله شعور يقول له ان يخرج من الشقه وكأن هناك شئ قد يحدث، وبدأ يتقدم للخروج بهدوء ولكنه فجأه سمع صوت فتاه تبكي! بصوت شبه عالي، فز قلبه من الخوف، فكر بالخروج من المنزل وعدم التدخل لكن فضوله لم يسمح له،، وتبا لفضوله هذا، فتقدم من الغرفه واخذ مزهريه، احتياطا لكي يحمي نفسه، وفتح الغرفه وانصدم مما رآه؟؟؟ ———————————————— في بيت ابو عمر ،،، دخلت ليان البيت وكانت خايفه من كلام امها لو شافتها، لأنها تأخرت، شافت المكان مظلم وفتحت فلاش الجوال وبدأت تطلع من الدرج وقبل ما تخلص درجتين، سمعت صوت امها اللي ارعبها، وتجمدت من الخوف ،،، ام عمر: ما شاء الله، فوق ماجيتي متأخره، تمشين كذه بدون ما تفكرين تتصلين تطمنيني ليان: بسم اللللله، يمممه خوفتيني، كنت احسبك نمتي، اووف الله يهديك، ركبي ما عاد يشيلني ام عمر: بالله كيف تبيني انام وانتي لسا ما جيتي من اول قلقانه عليك، كلمتني خالتك قبل ساعه قالت انك مشيتي، وبعدين مع مين جيتي ليان: كان في زحمه في الطريق عشان كذه اتأخرنا، وجيت انا وخالد ونسيبه ام عمر: اوكي يالله انا بروح انام، من اول وانا اشاهد بالسناب انتظرك ليان: فديتك ي ام لولو ام عمر: اييه يالله وانتي روحي نامي، لا تتأخرين وابيك بكره توريني وش شريتي، ليان: اوكي، اخخخ ي يمه لو تدرين وش شريت، كل شي يجنن ام عمر: يالله تصبحين على خير، وترى ابوكي يمكن يجي بكره ليان: وانتي من اهله،،، اوكي ان شاء الله ———————————————— تفآجأ من المنظر اللي قدامه كانت بنت باين عليها شابه تبكي وفي اماكن بجسمها تنزف دم وملابسها مقطعه وباين عليها انها مغتصبه ،،، غسان لف ظهره وتقدم شوي: ان.... انننن... انتي،، من انتي؟؟؟ ووش تسوين هنا؟! شروق من بين شهقاتها وتحاول تستر جسمها: انا... انااا... اهئ اهئ... انا غسان: اييه انتي وش شروق: اناا مغتصبه ومظل.... ١ ، وقبل ما تخلص كلامها دخلت الشرطه،وكانت عباره عن شرطيه إمرأه وثلاثه شرطه رجال، ، الشرطي سامي: ولا حركه انت وياها، ارفعوا يدينكم وامشو قدامي يالله،،،، وبصوت عالي، بسرعه غسان كان مو عارف وش اللي يصير، مستغرب، وخايف بنفس الوقت، كان بالمعنى الحقيقي، مثل الأطرش في الزفة، ، غسان: لحظه يا حضرة الضابط انا وش دخلني، انا ترى مالي دخل، انا.... ك الشرطي سامي: اصصصص ولا اسمع لك صوت، امشي قدامي الحين واقوالك تقدر تقولها في القسم غسان، كان يتكلم لكن لا جدوى، كانوا ما يردون عليه وكأنه تمثال أمامهم، فسكت وانصاع لأمرهم ———————————————— نروح لبيت ابو غسان ،،، صحى ابو غسان من نومه على صوت مكالمه واستغرب من الرقم الغريب والوقت المتأخر، رد على المكالمه ،، السلام عليكم،انت ابو غسان:........ ابو غسان: وعليكم السلام، اييه، مين معاي ابنك هنا في قسم الشرطه،ولو سمحت:........ لازم تجي ابو غسان اللي كان مو مستوعب وحاسس انه بحلم: اييش، لييه ايش سوى ي عمي بتعرف كل شي لمن تجي،،،وسكر:........ ،،،، ابو غسان خاف ومو عارف وش يسوي وقام يلبس عشان يروح وقبل ما يمشي صحت ام غسان، ولقته ماشي، واستغربت انه صحى بذا الوقت والمشكله انه لابس ،،، ام غسان: خير ي ابو غسان، على وين ابو غسان اتوتر لأنها صحت وما حب يخوفهاعلى غسان:غسان اتصل علي وقال انه في شغله ضروريه يبيني فيها ام غسان: عسى ما شر كذه فجأه، بعدين غسان هو عند خويه فواز! ١ ابو غسان: ي مره مافي شي انا بروح، وان شاء الله ساعه ونكون عندك ام غسان: يالله الله معك،لا تتأخرون أبو غسان: ان شاء الله ———————————————— في قسم الشرطه ، غسان قاعد في غرفة شبه مظلمه مافيها إلا طاوله وكرسيين مقابلين لبعض، وكانت يدين غسان مكبله بالكلبشات،،، قعد يفكر ويستوعب اللي صار، ماهو فاهم ولا أي شي من اللي صار، قعد يتذكر فواز، وكلامه انه ينتظره بذيك الشقه لكن ليش لمن راح ما شاف فواز؟،،، والشقه كانت مفتوحه وكأنه فخ مدبر لغسان، عشان التهمه تصير فيه، وكان في باله شي واحد اللي هو البنت ذيك اللي شافها، خايف لو انها صدق مغتصبه لأنه التهمه بتلتصق عليه دام انه ماكان في احد بالشقه غيرهم، وخايف انه الكل يصدق لأنه ماعنده دليل يثبت، وأمله الوحيد انه البنت تقول الحقيقه، وانه هو ماله دخل، وفجأه قطع تفكير غسان، الضابط سامي وكان في يده ملف وجوال غسان، وقعد على الكرسي المقابل لغسان ،،، الضابط سامي يناظر غسان نظرات استحقار: اييه ي الحقير قوول وش عندك واعترف باللي سويته غسان وصوته هادئ ومبحوح: والله ياحضرة الضابط انا برئ وما سويت شي الشرطي سامي: شوف هالحركات قديمه علي،، قد فعلها قبللك كثير لكنها مانفعتهم غسان: والله يااا..... ١ الشرطي سامي: قوول سامي غسان بمنطق: والله ي اخ سامي انا لحد الحين مو مصدق شئ، شوف انا والله مظلوم والتهمه ملصقه لي من واحد خويي الشرطي سامي: اوكي يالله اشرح لي كيف حصل كل ذه بالتفصيل عشان اشوف كيف، غسان يتعدل بجلسته، وحس انه ممكن الضابط يفهمه ويطلع برائته: احنا كنا ببيت جدي مجتمعين، وجاني اتصال من صديقي فواز، اعرفه من ايام المتوسط، وقال لي انه جاء من الدمام ويبغاني اروح اجلس معه نسهر وكذا لأنه بكره بيمشي، وانا قلت له تم لأني اعرفه وما كنت اتوقع منه شي زي كذه، وكنت احاول اكلم ولد عمي عمر يروح معي لكنه ما رضى لانه ما يطيق فواز،، بعدها رحت واتبعت اللوكيشن اللي جابه لي فواز، ورحت للشقه اللي كلمني عنا فواز ودقيت الباب لكنه مافي رد ولمن بغيت أتاكد من الباب اذا مقفل او كذا، استغربت ودخلت وحاولت انادي على فواز لكن ما كان في احد ودخلت الصاله اتأكد وبرضوا ما شفت احد، وحاولت اتصل على فواز لكنه رقمه مشغول، وكنت بمشي لكن سمعت صوت بنت في الغرفه، وجاني الفضول وخلاني اروح اشوفها ولمن دخلت شفتها بذيك الحاله خفت، كانت باين عليها انه احد مغتصبها وضاربها ولفيت ظهري عنها وسألتها هي مين وكانت تبكي وقالت انها مغتصبه وقبل ما تخلص كلامها انتوا جيتوا،، وهذه يا حضرة الضابط الحقيقه كامله ويشهد الله انه كل اللي قلته صدق، وانا والله اني بن ناس وماني حق ذي الحركات، عشان كذا انا مظلوم والتهمه ذي ملصقه لي من فواز الكلب ،،، الشرطي سامي كان منصت لكل كلمه يقولها غسان وما قاطعه الا لمن خلص كلامه وكان يشوف غسان، كيف هادئ ويتكلم بثقه وهذا يدل على انه مظلوم حقيقي ،،، الشرطي سامي: شوف ي غسان انا بقدر اصدقك لكن احتاج منك دليل، لأنه البنت كلامها انه انت اللي مغتصبها والمشكله انه باين عليها التوتر والخوف وكأنه احد مهددها غسان اتفآجأ من رد البنت، يعني انها كذبت، المشكله هي كانت امله الوحيد،،، قعد يفكر وتذكر ذاك الرقم اللي كان يجيه تهديد منه: ايييه ي اخ سامي، انا قبل يومين كلمتني بنت وكانت تهددني، وتقول انها تبيني اسوي اللي تباه ولمن انا رفضت هي هددتني وقالت انه بتسوي شي فيني اوفي اهلي، اعتقد انها لها دخل بالموضوع واذا تبغا تتأكد شوف هذه مسجاتها ورقمها، وفواز كمان شوف مكالمته كانت بأي وقت الشرطي سامي: اوكي انا بآخذ جوالك الحين وبسوي اللازم وابوك بخليه يدخل يشوفك، واذا طلع كلامك جد وقدرنا نكشف فواز ونعرف وينه وقتها بنقدر نخليك تخرج، غسان: اوكي، إن شاء الله ،،،، دقايق وبعدها دخل ابو غسان وكان باين عليه الخوف والصدمه ،،، ابو غسان جلس ع الكرسي: ي وليدي وش سويت، ليكون كلامهم صدق غسان: يبه انا غسان تربيتك، انا مظلوم والله مظلوم واللي صار لي كله بسبب فواز ابو غسان: كيف يعني مافهمت غسان: يبه فواز اغتصب بنت بشقته وبعدها ناداني اروح وكان مافي الا انا وهي والشرطه جت وشافت المنظر وأخذوني وا اساسا ما كنت فاهم شي، وحتى البنت تقول انه انا اللي اغتصبتها، يمكن هددوها ابو غسان: طيب ي وليدي ان شاء الله يطلعون برائتك بأسرع وقت ومن كان السبب الله بيجازيه،،، المشكله انه ما كلمت امك انك بالقسم اذا اتأخرنا بتشك،وانا ما ابغاها تخاف غسان: ااااه، سبحان الله كيف المصايب تجي، لا إله إلا الله بس،،، الحين الضابط يقول انهم بيتأكدون وان شاء الله تطلع برائتي ———————————————— 🌼 وبكذا انتهى البارت الثالث عشر 🌼 سبحان الله، الحمدلله، لا إله إلا الله، الله أكبر، لاحول ولا قوة إلا بالله، اللهم صلي على نبينا محمد