أحبني بعد أن عذبني - ﴾Part (11)﴿ - بقلم بيرو الحلوه | روايتك

————————— في مجلس الرجال ،،،، غسان: عمر عمر: عيون عمر غسان: خلاص احرجتني ما عاد بقدر اقوول عمر: تتطنز انت ووجهك، اقوول قول وش عندك بسرعه غسان: يوووه الله يعينها زوجتك عليك بس عمر: هههه، يالله قوول غسان:في مسجات ومكالمات فيها تهديد توصلني من رقم غريب عمر: اييه بسيطه ابحث عليه بكاشف الارقام غسان: تسوي نفسك ذكي، ياخي قد بحثت واتخيل ايش الاسماء اللي طلعت عمر: وش غسان: الاغلبيه اسمها، المافيا وفي كمان، خطافة الرجال، هههه وفي كمان، اممم، القاتله عمر: اهاا يعني انها بنت اللي ترسل لك غسان: اييه عمر: حركااات، بالله كيف صوتها غسان: انت اشفيك مريض، انا اقوول لك انها تهددني وانت تسأل على صوتها عمر: خلاص، اهدي طيب انا عندي الحل غسان: وش عمر: جيب لي الرقم، وانا اعرف واحد بيقدر يطلع الموقع غسان: لكن انتبه يصير شي غلط لأنه والله تهديدها يخوف، حتى انها قالت بتسوي شي هاليومين ما بيعجبني عمر: اوكي، انت عطني ولا تخاف ،،، وغسان جاب له الرقم وراح الكل يتعشى ———————————————— في بيت ابو خالد ،،، في غرفة نسيبه بالضبط ،،، نسيبه: ليان وش رايك نلبس المخاور الي شريناهم اليوم،عشان نقهر مها ههههه ليان: ههههه، اوكي نسيبه: ليان ليان: هلا نسيبه: فيك شي ليان اللي قاعده على الجوال: لااا، ليش نسيبه: احسك كذا تعبانه مدري زعلانه ليان: لا مافيني شي نسيبه: متأكده ليان: ايييه نسيبه وهي قاعده تجهز الميك اب: إلا ليان وش رايك تنامين اليوم عندنا ليان: والله كان ودي لكن جدي عازم الكل اليوم ويبغوني اروح نسيبه: اهااا، يالله ان شاء الله مره ثانيه ليان: ايش رايك تجين انتي عندنا نسيبه: ههههههه، والله ان خالد بيقتلني ليان: ههه، لييه نسيبه: ما يحب اني اروح لمكان فيه عيال وكذا ليان: طب عادي هو مافي الا عمر وهو ولد خالتك نسيبه: انا قد قلت له كذا، لكنه عنييد ويغار بزياده، مابقول الا الله يعينها اللي بتتزوجه ليان هنا حست بالضيقه: ههه ———————————————— في بيت الجد حاتم وفي غرفة غيداء وشيماء ،،،،، شيماء: غيودتي، روحي نامي غيداء اللي قاعده تتأمل في الجدار: خليني اجلس كذه شوي، بعدين بروح شيماء: إلا اقوول غيداء بطلبك طلب غيداء: آمري شيماء: ما يآمر عليك ظالم،،، ودي منك تجيبين لي رقم وليد، يعني لا تفهميني غلط لكن ودي اكلمه بشي ضروري بعدين بحذفه غيداء: هههه يالوسخه تقولينها كذه بوجهي وما تستحين، شيماء: غيداء شفيك انتي تعرفيني ماني حق ذي الحركات، غيداء: ههههه، امزح امزح، اوكي بجيبه لك لكن بشرط شيماء: وش شيماء: تقولين لي وش ودك تقولين له غيداء: موضوع خاص شوي غيداء: ليكون تبين تعترفين له شيماء اخذت الوساده وضربت غيداء بشويش: يا حيوانه استحي على نفسك غيداء كانت تعبانه ومافيها حييل تستجوب شيماء: ااااي، خلاص جيبي جوالي برسله لك، لكن اوعديني انك بترجعين تقولين لي وش قلتي له شيماء: اوكي، يالله جيبيه ———————————————— في مجلس الرجال ،،، أبو غسان: يبه روح ارتاح، مبين عليك فيك نوم الجد حاتم: اي والله ياوليدي،،،،،وقام وقال بصوت عالي شوي:يالله يارجال انا استأذن بروح انام الكل: تصبح على خير ،،، أبو غسان جلس يسولف مع ابو عمر ووليد قعد يسولف مع عمر وغسان ،،،، ———————————————— نروح لليان ونسيبه ،،، جات مها وامها وجلسوا الحريم بالصاله، ،،، ام مها: ماشاء الله تبارك الرحمن يابنيتي ليان والله وكبرتي وحلويتي ليان: تسلميلي يا خالتي ام مها: ايييه ي ام خالد مافكرتي تخطبين لخالد ليان بينها وبين نفسها، …اففف استغفر الله من لمن جيت وانا اسمع هذا الموضوع ام خالد: والله يا خيتي اني كلمت خالد لكنه يقول ما وده الحين ام مها: الله يوفقهم، اه ه ه، متى ربي بيرزقني بولد افرح فيه، الحمدلله بس ام خالد: الصبر ي ام مها الصبر ام مها: ان شاء الله ي خيتي نسيبه: يممه في علاج للكلى ام خالد: اييه يا بنيتي تلقينه بدرج الاسعافات الاوليه بالمطبخ ليان: ارتاحي يا نسيبه انا بروح اجيبه نسيبه: تسلميلي ،،، راحت ليان للمطبخ وجلست تدور على الدرج وشوي ودخل خالد المطبخ ولمن شاف ليان كان يحسبها نسيبه لانها كانت لابسه مثل لبس نسيبه وجسمها متشابه مع جسم نسيبه جلس خالد على الكرسي ليان لمن شافته لفت ظهرها وغطت شعرها بالطرحه وجلست ساكته، تجمدت مو عارفه وش تقول خالد: نسيبه حبيبتي جيبي لي حبة بنادول راسي بينكسر من الصداع ليان ضلت ساكته ولا ردت ماتدري ليش كانت ما تقدر تقول شي والمشكله انه خالد قاعد على كرسي قريب من الباب يعني لو ودها تنحاش بيشوفها خالد: نسيبه اكلمك انا،،،، وقرب منها ولفها صوبه،،،،،نسيب…….ه ليان كانت تناظره وخايفه ودموعها نزلت، كانت مقهوره منه ومن كلامه لمن قال انه يعتبرها مثل اخته، تحسرت على حبها له وبالأخير هو ما يكن لها بأي مشاعر خالد جلس ثواني يتأملها بعدين حس على حاله ولف ظهره: آآآ... آسف ما كنت ادري انك ليان كنت احسبك نسيبه، لانكم لابسين مثل بعض ليان اخذت العلاج حق نسيبه وقبل ما تمشي تركت حبة البنادول لخالد فوق الطاوله ومشت بدون ما تقول كلمه خالد كان خجلان من نفسه صح انه ما كان قاصدها لأنه كان يحسبها اخته لكنه استحى خاصه لمن شاف وجهها ما ينكر انه مشاعره تجاهها تغيرت، حس بشعور غريب لكنه ما اهتم وراح شرب الحبه وطلع غرفته ،،، دخلت ليان وجابت الحبه لنسيبه واعتذرت على تأخرها، واساسا كان وجهها متغير وطبعا هذا الشي ما فات نسيبه وقامت غمزت لها بمعنى انه لازم تخبرها بعدين ———————————————— 🌼 وبكذا انتهى البارت الحادي عشر 🌼 سبحان الله، الحمدلله، لا إله إلا الله، الله أكبر، لاحول ولا قوة إلا بالله، اللهم صلي على نبينا محمد