أحبني بعد أن عذبني - ﴾Part (9)﴿ - بقلم بيرو الحلوه | روايتك

————————— في بيت أبو خالد الساعه3م ،،، دقت نسيبه باب غرفة خالد ودخلت ،،، نسيبه: خالد بطلبك طلب خالد اللي جالس يسرح شعره: آمري نسيبه:ما يآمر عليك عدو،ابغاك تمر على بيت خالتي أم عمر، عشان بآخذ ليان معي، لأنه ماعندي وحده أروح معها خالد حب إنه يخلي نسيبه تزعل وسوى نفسه معصب: ايييش، ليش تقولين لها بدون ما تسأليني، ليييش، خلاص انا كنسلت مافي روحه لا للمول ولا من شان السياره نسيبه ودموعها شوي وتنزل: آسففه والله ما كنت اقصد، انا كنت احتاج وحده تكون معي لأنه ماعندي خوات وامي ماهي فاضيه خالد: هههههههه، يا حياتي، كنت امزح معك، بعدين ليش كذا خايفه مني، لهذي الدرجه انا اخوف نسيبه: الله يسامحك، طيب اسمع امي تقوللك لازم نرجع البيت قبل العشاء خالد: لييه نسيبه: لأنه خالتي أم مها بتجي اليوم وامي تبغانا نكون موجودين خالد: اوكي بنشوف نسيبه: خالد ترى أمي حلفت خالد: اوكي اوكي يالله،.... صح كلمتي ليان إنه بنمرها نسيبه: اييه ———————————————— في بيت ابو عمر ،،، ليان: يمه يالله أنا بمشي، نسيبه جات أم عمر: يالله الله معك ولا تتأخري ليان: ابشري يالغاليه وراحت ليان، وشافت سياره خالد السوداء، والتفتت وشافته داخل السياره ماتنكر إنه قلبها صار يدق بسرعه، تحبه وتخاف منه بنفس الوقت لأنه معروف بشدته وقساوته وخاصه لمن يغضب، دخلت السياره ،، ليان: السلام عليكم نسيبه: وعليكم السلام، كيفك يا بنت خالتوو ليان: الحمدلله، كيف انتي نسيبه: الحمدلله تماموو خالد: وأنا مزهريه هنا ولا وش نسيبه: ههههه، وانت كيفك يا خوي خالد: انا ما اكلمك، اكلم بنت الخاله ليان استحت ما كانت قادره تركب كلمتين على بعض وقالت بصوت كله توتر: أخبارك يا خالد خالد: الحمدلله بخير نسيبه:يالله مشينا خالد وبدأ يحرك السياره: إلا وين تبغون تروحون من مول نسيبه: أنا ودي مول.....، ه ليان: اي والله ذه المول حلو خالد: اوكي بسم الله ———————————————— في بيت ابو عمر ،،، أم عمر قاعده تسوي حلا عشانها ناويه تعزم أم غسان،وام وليد وفجأه جاها اتصال من ام وليد ،،، أم عمر: ياهلا والله، لساتني كنت افكر اتصل فيك عشان تجين عندي، هذاني سويت الحلا والقهوه ما ناقص الا انتي وام غسان أم وليد وصوتها مبحوح من كثر الصياح:خلاص ي أمل من اليوم ماعاد بنكون نلتقي كثير، أم عمر استغربت من كلامها: لييه تقولين كذا بعدين ايش فيه صوتك كذه لتكونين مريضه أم وليد: لأنه.....، لأنه أبو وليد طلقني أم عمر شهقت وقامت تصيح: ي أم وليد وش اللي تقولينه، ترى ماني مستوعبه أم وليد: والله ياخيتي هذه الحقيقه، تطلقت والحين راح اروح بيت ابوي أم عمر: اسمعي دقايق واكون عندك لا تمشين قبل ما اجي أم وليد: طيب ———————————————— نروح لبيت الجد حاتم ،،، أبو وليد: والله يبه هذا كل اللي صار وخلاص انا طلقت وماعاد في حل للموضوع ذه الجد حاتم وهو معصب: انت شكلك شربان شي، وش فيه عقلك اليوم، انت مجنووون، الناس ما تطلق بذي السهوله، وبعدين تعترف بعد انك تحب وحده وتبي تتزوجها طيب ليش ما فاتحت أم غسان بذا الموضوع واتزوجت الثانيه، ليش استعجلت واخترت الطلاق أبو وليد: يبه الشيطان زاد علي وهي كانت لحظه غضب الجد حاتم: لعن بو بليسك، وشو من لحظه غضب، حتى على الأقل كان طلقتها بالوحده مو بالثلاث مره وحده أبو وليد: خلاص يبه الموضوع انتهى وانا الحين بروح المحكمه واجيب لها ورقه طلاقها الجده نوره كانت لساتها صحت من النوم ونازله من الدرج،وسمعت وجن جنونها ما كانت متوقعه انه واحد من عيالها بيسوي كذه ،،، الجده نوره: اييييش طلقت أم وليد ،، وراحت عطت أبو الوليد كف قوي أبو وليد: تلطميني يمه عشان مين عشان سلمى الجده نوره: الطمك واضربك بعد، انت مو متربي، قوول لي ليش تطلقها هي وش سوت لك، والله انك ما بتلاقي مثلها، الحرمه اليتيمه صبرت عليك بفتره علاجك سنتين، والله لو هي وحده ثانيه كان طلبت الطلاق وراحت شافت لها واحد احسن منك، انت مو بصاحي، ليش سويت كذه الجد حاتم: ي أم سلمان خلاص اهدي، وانتبهي لضغطك الجده نوره: ي حاتم ماتسمع ولدك وش يقول، ي حاتم سلمان طلق حرمته، ومن المذنب المذنب هو اما هي مظلومه، اااااه ياقهرر قلبي عليها وعلى عيالها لكن انت والله ما تستاهل أبو وليد: انا بسافر والبيت بخليه باسمها هي وعيالها الجد حاتم: وين بتسافر أبو وليد: بروح ايطاليا وبتزوج هناك الجده نوره: اهااا يعني كنت مخطط كذه من زمان،... ومين ذي اللي بتتزوجها أبو وليد: وحده اتعرفت عليها من الشغل الجده نوره: والله وليدي صار مثل الأجانب يتعرف على بنات ومن فين.. من الشغل، ااااااخ يا حسافة تربيتي فيك بس، اقوللك الصدق والله انه ام وليد ما تستاهلك أبو وليد: تسلمي يمه، يالله الحين انا بروح مع السلامه، واخذ شنطته وطلع ع المطار والجده نوره جلست تصيح والجد حاتم يهديها وطبعا بتقولون ليه ساره ما كانت مو جوده، لأنه كانت عند صديقتها ———————————————— نروح لبيت ابو غسان ،،، ام عمر وهي حاضنه ام وليد وقاعده تهديها: خلاص ياخيتي اهدي وش بيفيد البكي خلاص ارحمي نفسك، وسلمان الله يسامحه دامه ظلمك كذه أم وليد: اااااخ يا امل، انا ماني مستوعبه اللي صار، طلقني بالثلاث وما اهتم وراح أم عمر: خلاص اهدي ي حبيبتي اهدي وليد: يمه جدي وجدتي يقولون جايين هنا أم عمر: وابوك بيجي معهم وليد: قالوا بيجون ويقولون كل شي ،،، نروح لغرفة غيداء ،،، شيماء: يا عمري خلاص اهدي شوفي وجهك كيف صار، خلاص يا غيداء ارحمي نفسك غيداء: شيماء خلاص انا ما عاد فيني صبر ودي اخلص على حالي وارتاح شيماء: غيداء اتعوذي من ابليس وش اللي تقولينه، الله مايسوي الا وهو خير لكم غيداء وهي تحس انها بتفقد الوعي: بس.... بس وفقدت الوعي شيماء وهي تلطم خد غيداء بشويش: غيداء، غيداء، ايش فيك اصحي ،،، وراحت لنازل تنادي على خالتها، وما اهتمت لشكلها وهي بدون عبابه ونقاب كانت لابسه الطرحه بس ووليد كان موجود بالصاله وكانت تصيح ،،، شيماء: يممه غيداء فقدت الوعي أم وليد: اييش وليد: وين هي شيماء وهي مستحيه: بالغرفه ،،، وراح الكل للغرفه وشافوها مرميه على الارض شالها وليد وشيماء راحت لبست العبايه وجابت عباية غيداء ولبستها وراحوا للمستشفى ،،،، ———————————————— في المول الساعه: 4:30م ،،، نسيبه: ليان كيف ذه الفستان ليان: حلو بس كانه بيكون ضيق شوي عليك، لو في مقاس اكبر نسيبه: اييه في ليان: خلاص خذيه نسيبه: وش رايك تاخذين واحد مثله عشان نكون زي بعض ليان: الصراحه شوفي لون الفستان ما يناسب بشرتي، لهذا وش رايك ناخذ لنا مخور ماتشي ماتشي نسيبه: اوكي يالله خلينا نروح لمحل الاكسسوارات ليان: الله يعينه خالد، اليوم بيطفرن نسيبه: هههههه، اكيد لازم يدلعوني عشاني وحيدتهم ليان: الا ويين خالد مو موجود بالمول نسيبه: تشوفينه قاعد عند الكوفي ينتظر، هو دايما كذه ليان: اوكي، نسيبه: وااااو شوفي نزلوا اطقم جديده ليان: ماشاء الله، انا باخذ لشيماء معي نسيبه: شوفي انا مخططه اجيب هديه لخالد بس ذوقي ما ادري اذا بيعجبه، لهذا ودي تساعديني، قلت ما دام عندك اخو يمكن تعرفين ليان: اوكي خلينا نشوف لنا بعدين نروح لقسم الرجال نسيبه: اوكي،،،، واو شوفي ذي تصلح للكبار وش رايك ناخذ لامي وخالتي ليان: اي والله، حتى السعر رخيص، هههههه نسيبه: هذا اهم شي، ههههه ———————————————— 🌼 وبكذا انتهى البارت التاسع 🌼 سبحان الله، الحمدلله، لا إله إلا الله، الله أكبر، لاحول ولا قوة إلا بالله، اللهم صلي على نبينا محمد