﴾Part (7)﴿
—————————
في يوم السبت في بيت ثاني، بيت مهند، اللي هو زوج خالة ليان( إسراء)،
،،،،،
قبل ما أجيب الأحداث في هذا البيت
ببدأ أعرفكم على العائله
،،،،
الأب: مهند(أبو خالد): متوفي من كان عمر خالد10سنين، وما يحتاج أعرفكم عليه،
،،،
الأم: إيمان(أم خالد)، مع انها عمرها كبير لكنها تشبه أختها أمل بالدلع كثيير، وعندها أهم شي أولادها، وعمرها47سنه
،،،
خالد:الولد الكبير، ويعتبر أب العائله من بعد ما مات أبوه،حياته هادئه، وما يحب الإزعاج،وشديد ويعصب بسرعه، واللي يبغاه لازم يصير، وهو الحين يشتغل بشركة أبوه، وعمره24سنه،
،،،،،
نسيبه: آخر العنقود، إنسانه جميله وراقيه، وماهي مثل أمها تحب الدلع، اهم شي بحياتها الدراسه، وهوايتها القراءه، تحب تقرأ الكتب بشكل غير طبيعي،وهي الحين بصف ثالث ثانوي
وعمرها 18سنه
،،،،،
والحين خلونا نتعمق شوي في هذه العائله
“”“”“”“
الكل على طاولة الإفطار
،،،،،
خالد:ها نسيبه كيف الداراسه معك
نسيبه: والله الحمدلله ماشي الحال، بس يبغالي أشد حيلي، عشان النسبه ماتنزل على ال90
أم خالد: إن شاء الله يابنيتي تجيبين، 100%، انتي ماعليكي إلا تشدي حيلك، وتدعين والله بيسهلها إن شاء الله
خالد: تذكرين يوم كنتي تجين من المدرسه ركض عشان تورين أبوي الأوراق إللي تستلميها، وكان أبوي يفرح كثيير كان يقوول إنه يبغاكي تكونين دكتوره
أم خالد: ااااه ياذيك الأيام، كان كل يوم قبل ما يروح الشغل، يوصيني عليكم ويقول لي أذاكر لكم، كان أهم شي عنده إنكم تكونوا متفوقين، حتى إنه كان يقول وصيته إنكم تخلصون جامعه، وترفعون راسه،وتكونون احلى دكاتره
خالد: والحين الحمدلله، شوفت عينك يمه، عيال أبوي صاروا مثل ما يبغى ونسيبه إن شاء الله تخلص ذي السنه بعدين تدخل الجامعه وتدرس الطب،وتكون أحلى طبيبه إن شاء الله
نسيبه: إن شاء الله ياخوي، أنا أوعدكم إني أرفع راسكم واحقق وصية أبوي الله يرحمه
خالد: إن شاء الله
أم خالد: اييه يا خالد وش صار على موضوعنا
خالد: اي موضوع
أم خالد: خالد لا تسوي نفسك ما تذكر، انا اتكلم على موضوع الخطوبه
خالد: يمه انا قلت لك بفكر واستخير واللي مكتوب بيصير، وليه انتي من تبغين تخطبين لي
أم خالد:مها بنت خالتك إسراء
خالد: بس انا ما ابغاها
أم خالد: ولييه إن شاء الله
خالد: الصراحه يمه......، المهم أنا لمن أبغى أخطب بقول لك، لكن الحين مو وقته
أم خالد: لحظه لحظه، وش كنت بتقول، كمل
خالد: ولا شي يمه، يالله الحمدلله انا شبعت، يالغاليه أنا بروح الشغل، تآمرين على شي
أم خالد: سلامتك ياوليدي، الله يحميك ويرزقك ويبعد عنك كل شر
خالد: آميين،
وراح باس راسها، وقبل ما يمشي
خالد:إلا أقوول نسيبه ما ودك تجين معي أوصلك للمدسه
نسيبه: تسلم ياخوي، لأنه أنا واعده ريما إني بروح معاها، وأساسا خالتي أم ريما حالفه إني بروح دائما مع ريما المدرسه
خالد: اوكي مين اللي يوديكم
نسيبه: قصي
خالد: ولييه تروحين معهم بدون محرم
نسيبه: خالد ترى هذا ولد خالتك، ايش فيها لو رحت معهم، وترى عادي ريما موجوده
خالد: حتى لو هو ولد خالتك، مو عادي عندي أنا
أم خالد: ياوليدي خلاص، خليها تكمل هالترم، وبعدين يصير خير، وانت عارف يا خالد إنه قصي ولد خالتك رجال ومافيه شي، يعني لا تخاف عليها، وهو يعتبر زي اخوها
خالد: لا تكمل الترم ولا شي، ومن بكره بآخذها ونروح نشتري سياره وخليها تآخذ الرخصه، والحين يالله تعالي معي اوديك واعتذري لريما وقولي لها انك من اليوم بتكونين تروحين معي
نسيبه: ابشر ياخوي
أم خالد: الله يخليك لنا ياوليدي
خالد: وانتي يالغاليه الله لا يحرمنا منك
نسيبه: يالله، أناجاهزه
خالد: لحظه
نسيبه: هاا
خالد: وش ذي العبايه،ونقابك ليش كذه مفتوح بزياده يعني كنتي كل يوم تروحين كذه،
نسيبه وهي شوي وتصيح لأنها ما تتحمل:ايش فيها العبايه والنقاب، والله مافيهم شي
أم خالد: يا وليدي الله يهديك ايش فيك اليوم كذه على اختك، بعدين عبايتها مافيها شي، حتى
ريما بنت خالتها معها نفسها
خالد: يمه ما تشوفين العبايه، كيف شكلها مزخرف وقصيره، وبعدين انا وش دخلني ب ريما، انا اهم شي عندي اختي
نسيبه: خلاص أنا ما بروح اليوم المدرسه
خالد: وشو وشو، وش اللي تقولينه عشان اني صيحت عليك شوي بتغيبين اليوم
نسيبه: طيب ماعندي غير هالعبايه
خالد: خلاص البسيها اليوم، وانا بوديك المول بعد العصر إن شاء الله
نسيبه: الله يخليك لنا يا خوي
خالد: يالله الحين خلينا نمشي وعدلي نقابك خليه صغير شوي
نسيبه: دقيقه وارجع
أم خالد: ياوليدي مو كأنك استعجلت بموضوع السياره على اختك
خالد: يمه البنت ماهي صغيره وبعدين، انا ما بخليها تحتاج للناس وخير ربي واجد
أم خالد: اللي تشوفه ياوليدي مناسب
نسيبه: يالله نمشي
خالد: يالله يالغاليه مع السلامه
أم خالد: الله معاكم ياوليدي
————————————————
في السياره
عمر، غسان، ليان، فاطمه،
رايحين المدرسه
،،،،،
عمر: إلا أقوول يا غسان
غسان: هلا
عمر: وش صار على موضوع الخطوبه
غسان: والله يابن العم لسا بفكر، وإن شاء الله خير، لمن تخلص هالسنه
عمر:اييه، وللحين مصمم ما تخبرني من هي
غسان: كل شي بوقته حلوو
عمر: اوكي
، ،
فاطمه: لينووه
ليان: هلا
فاطمه: سمعتي اللي سمعته
ليان: فطووم امانه خليني انام خمس دقايق، ماني فاضيه لصياح الأستاذه عبير لمن تشوفني نايمه بالصف
فاطمه: اوكي يا أرنب النوم
————————————————
🌼
وبكذا انتهى البارت السابع
🌼
سبحان الله، الحمدلله، لا إله إلا الله، الله أكبر، لاحول ولا قوة إلا بالله، اللهم صلي على نبينا محمد