بعد ما تبادلنا نفس الشعور * وما فرقنا غير الحسد والغيره - ﴾Part (6)﴿ - بقلم الغامضه | روايتك

——————————— في الإستراحه الساعه: 12:40ص العيال قاعدين، إللي يلعب بلايستيشين، واللي يطقطق بالجوال ،،، كان في عمر وغسان وما بعرفكم على العيال لأنه مافي أحد مهم بالروايه بجيب لكم اسمائهم فقط ،كان موجود صالح وفيصل وهيثم ،،،،، هيثم: أقوول فيصلووه فيصل: أنا كم مره قلت لك لا تكون تناديني كذه، بعدين وش تبغى هيثم: مباراه الهلال والنصر بكره فيصل: اوكي هيثم: كيف اوكي، أنا أكلمك عشان نروح نحضرها فيصل: ياعيال بكره مباراة النصر والهلال، مين بيجي معانا غسان: إذا جاء عمر أنا بجي عمر: وأنا إذا جاء غسان بجي، ههههه هيثم: الحين أنا أبي افهم انتو عيال عم ولا توأم متفقين دائما عمر: قوول ما شاء الله، لا تصكنا عين هيثم: ما شاء الله، ما شاء الله صالح: أنا الصراحه ما اقدر بكره لأنه معزومين ببيت جدي، ويمكن نروح المزرعه ونتأخر أسبوع فيصل:اوكي خلاص بكره موعدنا بعد العصر إن شاء الله العيال كلهم: إن شاء الله ———————————————— نروح عند ليان وفاطمه ،،،،، ليان: يالله فطووم فاطمه: آخر صوره والله ليان: اوففف فاطمه: والله إنه الصور خرافيه، بسويها حاله في الواتس، واقهر بنات خالتي ليان: هههههه، متى بتنتهي الحرب بينكم فاطمه: والله ما اعتقد إنه بيجي هذا اليوم، ياختي أكرههم فيهم دلع متصنع ليان: اوكي الحين مالنا دخل فيهم، يالله تعالي الفيلم بيبدأ فاطمه وهي تقعد على السرير: إييه ليان وش موضوعك ليان: أمانه خليه لبعد الفيلم فاطمه: لاااا، أول قلتي لمن نخلص كل شي، والحين تقولي لمن نخلص الفيلم، قولي إنك ما تبغي تكلميني وارتاحي ليان: لا والله فطووم انتي عارفه اني ما أخبي عليك شي، لكن الحين خلينا نشاهد الفيلم، وبعدها والله إني بكلمك فاطمه: اوكي، تراكي حلفتي ليان: من عنوني يا عنوني فاطمه: صدق إنه عندي صاحبه هبلأ ليان: افاا عليك ترى بزعل فاطمه: خلاص اسكتي بدأ الفيلم، يالله ارفعي الصوت، وشعارنا دائما قبل البدأ بالمشاهده ليان:هدوء، سكوت، وعدم الخوف فاطمه: الله عليك، يالله الحين اسكتي ،،،،، بدأ الفيلم وكان مررره مرعب وليان وفطوم أكيد كل شوي يصارخون بصوت واطي، ويتمسكون ،......ببعض وبعد ساعه ونص من المشاهده ،،،،، فاطمه: ليان ليان: هلا فاطمه: بقولك شي بس أمانه لا تتمسخرين علي ليان: اوكي، قولي بس فاطمه: ابغاكي تخاويني للحمام«»الله يكرمكم ليان ناظرت على فطوم نظرات وبعدها انفجرت من الضحك: ههههههههههههه فاطمه: لينووووه والله لأضربك قلتي ما بتتمسخرين ليان: فاطمه تمزحين صح فاطمه: أكيد لا ليان: اوكي بخاويكي عشان إنه الحمامات بعيده على الغرفه وإلا ما...ك فاطمه: خلاص خلاص لا تسوين نفسك الحين شاروخان، وانتي اصلا الذبابه تخافين منها ليان: اوكي، يالله الحين شوفي من بيخاويك فاطمه: ليان ترى والله ما استهبل، أخاف اروح وحدي، وانتوا بالله ليش تسوون الحمامات نازل ليان: روحي كلمي إللي بني البيت فاطمه: ليان بسرعه، الكلى بعدين بيوجعني ليان: خلاص يالله امشي قدامي فاطمه:لا انتي امشي الأولى ليان: ليش تخافين لهذه الدرجه فاطمه: لينووه لا تقعدين تتشمتين فيني ليان وهي تنزل الدرج: اتخيلي الحين يجي ذاك الحيوان إلي شفناه بالفيلم فاطمه: ليان تكفي اسكتي ليان: يالله ادخلي فاطمه: انتظريني هنا لا تروحين،حتى إذا أتأخرت اوكي ليان: اوكي اوكي ،،،،، دخلت فاطمه الحمام، وليان سمعت صوت الباب يدق، جاتها مكالمه من عمر وعرفت إنه هو عند الباب، راحت وفتحت له ،،،، ليان: من عمر: افتحي أنا عمر ليان فتحت الباب وقالت: سكر الباب وراك وبعدها طلعت غرفتها وكان قصدها إنه فاطمه قد طلعت أول مو عارفه إنها أتأخرت بالحمام، وعمر راح جلس بالصاله يطقطق بالجوال، وهو يحب ينام على الكنب،وفاطمه خلصت وخرجت من الحمام وانصدمت لمن ما شافت ليان مو موجوده، نادت باسمها بصوت واطي لكن ما كان في رد حست إنها بتبكي خاصه إنه المكان مظلم،وما عندها الجوال،هي كانت معتمده على ليان وجوالها، كانت خايفه انها وحدها وبنفس الوقت خايفه إنه ليان تخوفها وتفعل لها مقلب، خرجت للصاله وشافت ضوء خفيف لشاشة جوال،وكان مبين شوي انه في شخص منسدح على الكنبه ولأنه ما كان واضح شكل هذا الشخص فكان اعتقاد فاطمه إنه هذي ليان تعبت منتظره وراحت تنتظرها بالصاله، فقررت فاطمه إنها تخوفها مشت بخطوات هاديه، وقربت شوي شوي لمن وصلت وقالت بصوت شبه واطي: بوووووووه،، ههههههههه خوفتك صح، هههههههههه ؟؟؟؟؟ ———————————————— نروح لعند غيداءوشيماء ،،،،، غيداء:شيوومه،شوفي الموضوع اللي بكلمك فيه جدي والله ما استهبل شيماء:اوكي قولي غيداء:لكن قبل ما أقوول ودي تجاوبين على سؤالي شيماء:وتتشرطين بعد غيداء:شيماء،هل في أحد بحياتك،يعني أقصد تحبين أحد حاليا شيماء:مادري غيداء:وشو ما تدرين شيماء:شويه بفكر غيداء:يابنت ليكون في اكثر من واحد شيماء:لا مو كذا بس انا اقصد،خليني اتذكر لأنه آخر مرره حبيت كان عمري 7سنين،ههههههه غيداء:اوكي،حلو يعني نقدر نقوول ماتحبين احد شيماء:اوكي،يالله الزبده، قولي بسرعه غيداء:الصراحه ياشيماء،وليد أخوي يحبك،لكنه يكتم يعني لا تحسبين إنه كلمني،لا والله بس أنا اكتشفت هذا الشي بنفسي،اتخيلي كل ما اجيب طاريك واحنا نتكلم انا وامي يفرح ويجلس يسمعني ويركز،ولمن اقووله يوديني مكان،يسأل اذا انتي فيه يقول تم واذا انتي مو موجود يقوول لا شيماء:اوكي،وش افعل غيداء:كيف وش تفعلين،انا قلت اخبرك عشان لو كنتي تحبينه او كذا لكن للأسف شيماء:شوفي الصراحه انا كنت احس بمشاعر تجاهه بس ما ادري هل هي مشاعر حب او يمكن كذه عاديه غيداء:يعني نقدر نقول انه في البدايه شيماء:تقدري تقولي كذا غيداء:اوكي يالله نتابع الفيلم،بالله شوفي لي كم الساعه شيماء:الساعه2:40ص غيداء:اوكي،بنخلص الفيلم وبعدها بنتابع الحلقه الخامسه من المسلسل التركي الجديد،شفتها نزلت مترجمه قبل شوي شيماء:اوكي،حلووو،الحلقه هذه المره محمسه فيها اكشن غيداء:اي والله حتى اتخيلي……ل ،،،،، وجلسوا يتابعون ويسولفون لمن اذن الفجر بعدها صلوا وراحوا يناموا ———————————————— نروح لبيت أبو عمر ،،،، عمر كان منصدم من الصوت صح إنه ما كان يشوف شي لكنه انصدم من الصوت، لأنه ما كان صوت ليان، فتح فلاش جواله ووجهه صوب فاطمه وقال: من انتي فاطمه كتمت ضحكتها بخوف لمن سمعت الصوت الرجولي: هااااا، ليان بلا سخافه، مو وقت مقالبك عمر ضحك بصوت واطي وقال: احممم انا عمر يا فاطمه«»«طبعا عرف إنها فاطمه لأنه مافي غيرها هي وليان في البيت فاطمه سكتت وكانت تتمنى الأرض تنشق وتبلعها، وتوجهت تبي تروح لكنه وقفها صوت عمر يقول عمر: استني، عندك جوال او اي شي عشان تشوفين الطريق فاطمه بصوت خائف: ل... ل.. لااا عمر مد الجوال لها وقال: طيب، خذي جوالي، وبعدين أنا بجي آخذه فاطمه مدت يدها وأخذت الجوال وعطتها أم التفحيطه،حتى إنها نست ما تشكر عمر ،،،، عمر قعد يضحك عليها وعلى هبالها وتذكر إنه شاف وجهها واستحى،صح انه ما كان واضح بس نقدر نقول إنه تحركت مشاعر عمر ،،،،، فاطمه دخلت الغرفه طيران حتى ما سكرت الباب،وقفزت للسرير وكانت معصبه، ليان:سلامات ايش في فاطمه:وقسم بالله لوريك يالحيوانه،تتركيني وتطلعين،ليش فعلتي كذه وانا قد نبهتك وقلت لك تنتظريني،شفتي شو صار لي هااا شفتي ليان:فطووم ايش صار لا تخوفيني،بعدين أنا رحت فتحت الباب لعمر وحسبتك قد طلعتي قمت طلعت فاطمه:طيب ليش ما تتأدي قبل ما تلطلعين،وانتي عارفه انه المكان كله مظلم وانا ماعندي الجوال ولا أعرف مفاتيح الأضواء عندكم ليان:طيب الحين حصل خير اهدي،وقولي لي وش صار فاطمه كلمت ليان باللي صار ليان: ههههههههه، وقسم بالله إنك تستاهلي، تذكرين ذاك المثل إللي يقول(من حفر حفرة لأخيه وقع فيها)، إنتي طبقتيها فاطمه: وتضحكين بعد يالكلبه، إن شاء الله يصير لك مثل ما صار لي ليان: الله لا قال، بعدين تعالي تعالي قلتي إنه عمر شافك فاطمه: ما ادري، لكنه وجه الضوء علي، يعني إنه شافني ليان:حلووو، دامه شافك يعني انه بيكون في زواج قريب فاطمه: تبغين كف صح ليان: أكيد لا، بعدين شفيك ترى عمر أخوي ألف بنت تتمناه، احمدي ربك لو تزوجتيه لانه بتكونين هنا بالبيت دايما يعني بنكون نقعد مع بعض دائما فاطمه: أولا، أنا مو وحده من الألف بنت إلي تتمناه، ثانيا أنا ما أحب زواج الأقارب، ثالثا عمر اخوكي فيه اشياء ما احبها، يعني ماني موافقه ليان: لا أمانه، أخذتي الموضوع جد وصدقتي، ههههه فاطمه كانت بتتكلم بس قطع عليها صوت الباب إللي كان مفتوح ويدق ،،، ليان: يممه، من عمر: أنا عمر ليان راحت وشافت عمر وكانت الإبتسامه شاقه وجهه، وقالت: نعم وش بغيت عمر: ابغى جوالي ليان: شكل السهر مؤثر عليك، ةش جاب جواللك لهنا»«طبعا ليان ما كانت تدري إنه الجوال مع فطوم فاطمه مدت الجوال لليان وقالت: هو جابه لي لأنه ما كان عندي ضوء اشوف الطريق، قولي له شكرا ليان جابت الجوال لعمر وقالت: تقوللك فطووم شكرا، ويالله توكل وتصبح على خير عمر: شوي شوي، بعدين ودي أسأل سؤال ليان: مو وقتك عمر: السؤال مو لك ليان: لمين عمر: لبنت العم ليان: قوول وش سؤالك عمر: قولي لفاطمه وش الأشياء إللي ما تحبها فيني، عشان اغيرها لو مو حلوه ليان: فطووم ردي فاطمه بهمس: وش اقوول ليان: قولي الجواب حقت للسؤال فاطمه بهمس: أنا كنت أول امزح عمر:يالله لا تخلوني انتظر ليان كان ودها تصرف عمر عشان الوقت ما يضيع عليهم وقالت: يا عمر فاطمه تقولك إنها اول كانت تمزح، وانك اجمل شخص قد شافته بحياتها وكلك على بعضك حلو فاطمه بصوت واطي: أنا اوريك يالكلبه عمر: ليان تتكلمين صدق ليان: اييه واذا مو مصدق، خلي فطووم تقوللك بنفسها عمر: خلاص مو لازم، يالله تصبحون على خير ليان: وانت من اهله، فاطمه: ليان جننتي صح ليان: أكيد لا فاطمه: طيب ليش تقولين شي انا ما قلته ليان: لأنه الموضوع حقتكم بيخلي سهرتنا تخلص، بالله عليك شوفي الساعه قدها 3:15ص فاطمه: اوكي، يالله كلميني على الشي اللي يضايقك ليان: احمم اوكي بقوللك بس اوعديني ما تقولين لأحد فاطمه: والله ما أقوول، يالله قولي ليان: شوفي فطووم أنا أحب واحد فاطمه: لا تقولين إنه خالد ولد خالتك ليان: وش عرفك فاطمه: هبلأ انتي، من وانتي صغيره وانتي تحبيه لأنك ما تتكلمين إلا عنه، وكل ما تسمعين طاريه تتوتري، واكيد انا ما تفوتني ذي الاشياء لأني اعرفك ليان: طيب ليش ما تكلمتي معي من قبل فاطمه: ما كنت ادري انه حب حقيقي، وكنت احسبه حب طفوله، ويالله كملي ليان: المهم سمعت خبر إنه وده يخطب فاطمه: من اللي بيخطبها ليان: مها بنت خالتي إسراء، اهئ اهئ فاطمه: وانتي للحين تحبيه ليان: اييه فاطمه: طيب من قال لك الخبر ليان: شيماء فاطمه: وهي مين كلمها ليان: سمعت خالتي لمن كانت تكلم أمي، وقالت إنه خالد لساته ما يفكر بالزواج لكن خالتي تبغى تزوجه فاطمه: الحين انتي تطمني، دامه ما يفكر بالزواج يعني انه ما بيخطب الحين والموضوع ماهو غصب، وما ندري وش مقدر يمكن يخطبك انتي، اساسا وش عرفنا انه يبي مها ليان: بس أنا خايفه يصير فاطمه: هو عنده خوات ليان: اخت وحده، واسمها نسيبه فاطمه: طيب انتي قريبه منها، يعني علاقتكم حلوه ليان: اييه، ليش فاطمه: طيب كلميها اذا خالد يحب مها ولا لا ليان: طيب وهي وش عرفها فاطمه: دامها الوحيده يعني إنها تعرف ليان: فطووم تستهبلين ، وش بقول لها فاطمه: علميها انك تحبيه، وانك ودك يخطبك ليان: لاااا، انتي يبيلك مستشفى أمراض عقليه فاطمه: هههههه، امزح امزح، بعدين وش بتقولين يعني، اسأليها اذا موضوع الخطبه جد وكلميها شوي عن مها شوفي وش بتقول اذا اتكلمت وقالت انه خالد يبغى وانه موافق على مها وكذا يعني الله يرحمك واذا كان وجهها مسوي ريآكشن، يعني انك بخير وانه خالد ما يبغاها، وانتي حاولي تروحين بيت خالتك كثيير عشان تحبك وكذا، واذا هو مكتوب الله يوفقك، واذا مو مكتوب الله يعوضك ليان: ما شاء الله عليك، يا عمري والله فكره حلوه فاطمه: الحين يالله نلعب ليان: اوكي وجلسوا البنات يلعبون لين ما أذن الفجر وبعدها صلوا وناموا ———————————————— 🌼 وبكذا انتهى البارت السادس 🌼 سبحان الله، الحمدلله، لا إله إلا الله، الله أكبر، لاحول ولا قوة إلا بالله، اللهم صلي على نبينا محمد