أحبني بعد أن عذبني - ﴾Part (4)﴿ - بقلم بيرو الحلوه | روايتك

———————————— في بيت أبوغسان، الساعه4:30م ،،، أم عمر: أقوول ساره، ما قررتي إنتي وعلي، متى بيكون الزواج ساره: والله علي قبل يومين كلمني، ويقول إنه يبغى الزواج بالإجازه إلي بتجي، لأنه تعرفين مدينته بعيده على مدينتنا وخواته يدرسين هناك وهو يبغى يأخذهن معه لهنا عشان يحضرين الزواج أم عمر: اهاا الله يوفقكم ساره: آمين ليان: وناااسه بيكون عرس ساروونه بالإجازه يعني بنسهر ونجهز كل شي مثل ما نبغى أم عمر: والله إلي يسمعك يا ليان يقول إنك تجيبين الأولى في المدرسه شيماء، فاطمه،غيداء: ههههههه ليان: سلامات، وانتو تضحكون ليش، تراكم مثلي لا تحسبون نفسكم دوافير شيماء: اوكي خلاص سكتنا هاا أم غسان:والله وكبرتي وحلويتي ياليان وصرتي حقت زواج ليان: يا عمه وهذولا لمين(تقصد شيماءوغيداء )تراهم كبري أم غسان:إيي ما قلنا شي، بس ترى انتي احلا منهم ليان: إذا كذا، خلاص تمام غيداء: افاا ي عمه واحنا ما ملينا عينك أم غسان: لا والله كلكم تجننون، بس ليان مكانها بقلبي ثاني ليان: فديتك يا عمتوو أم غسان: أقوول فاطمه روحي انتي وليان جيبوا لنا القهوه والحلا فاطمه: يمه خلي ميري تجيبهم ليان: أقوول قومي المره السنعه ما تعتمد على الخدامات أم غسان: إييه كذا، تعلمي من بنت عمك ليان ضحكت بصوت واطي وخرجت لسانها لفاطمه فاطمه: أنا أوريك وهمست لليان: ترى ما نسيت ذاك الموضوع، بتقولين لي يعني بتقولين ليان جاها الضيق مره ثانيه لمن تذكرت طاريه، حست إنه دموعها بتخونها بأي وقت هي كانت متناسيه الموضوع لكن فاطمه الله يسامحها ذكرتها، فاطمه: ليااااان ليان: هاا فاطمه: يالله نروح، ليان: اوكي ،،، راحت فاطمه وليان للمطبخ وجلسوا يسولفون لبين ما تجهز القهوه فاطمه: أقوول ليان ليان: وش فاطمه: متى بتكلمين أبوي إني أجي أنام الليله عندكم ليان: نروح نكلمه بعد ما نخلص القهوه والحلا فاطمه: روحي انتي وحدك، أنا أخاف ليان: ولييه إن شاء الله فاطمه: أخاف يشوفني ويعصب علي ليان: اوكي بكيفك بروح أكلمه أنا فاطمه: كيف بتكلميه ليان: برسل له رساله بالواتس، واقول له يجي للغرفه إلي جمب المجلس فاطمه: ايوه كذه حلو، شطووره ليان: يالله القهوه جهزت، خلينا نوديها فاطمه: أنا بوديها وانتي روحي كلمي ابوي ليان: اوكي ارسلت ليان لعمها وقال لها خمس دقائق ويخرج لأنه لساته مشغول شوي راحت ليان تنتظره وشافت المكان هدوء وما في أحد في الحمامات، قالت بتروح بسرعه لأنه الحاله طارئه، ههه، دخلت الحمامات ولمن خلصت خرجت وفتحت الباب الرئيسي واصطدمت بصدر واحد، ناظرت لوجهه، وشهقت، الشخص صد عنها واتأسف لها، لكن وووين وهي أصلا قد عطته أم التفحيطه من خوفها، راحت ليان ركض على الغرفه وشافت عمها منتضرها ،،، أبو غسان: ويينك يا بنيتي لي عشر دقائق انتظرك ليان: آسفه ياعمي شفتك أتأخرت قلت بروح الحمام وارجع أبو غسان: المهم طمنيني عنك أخبارك عساكي طيبه ليان: الحمدلله يا عم ما نسأل إلا عنك أبو غسان: الحمدلله، إييه ايش ودك تقولين لي ليان: يا عم طلبتك الله يحفظك، خلي فاطمه تجي تنام عندنا اليوم أبو غسان: وشوله النومه عندكم، هذولا انتو قد شفتوا بعض ليش عاد تبغيها تجي تنام عندكم ليان: يا عمي، أنت داري إنه بكره عطله، عشان كذه أنا أبيها تجي ونسهر مع بعض أبو غسان: خلاص يابنيتي دامك تبغينها تجي بخليها تجي، كم عندنا ليان احنا ليان: الله يخليك ي أحلا عم بالدنيا أبو غسان: إذن أنا أستأذنك يابنيتي الضيوف ينتظروني بالمجلس ليان: الله معك، عمي ممكن تناديلي عمر الله لا يهينك أبو غسان: ابشري ————————————————بالمجلس دخل غسان وكان باين عليه الإرتباك وجلس جمب عمر ،،، عمر: أقوول أنت وش فيها صورتك مقلوبه كذا ......:غسان عمر: ويييي أنت تسمعني غسان: هاه، تكلمني أنا عمر: لا أكلم الجدار، ايش فيك متخرفن كذا، ليكون دخل لك جني في الحمام غسان: أعوذ بالله من الشيطان ومنك عمر: طيب ليش صورتك مقلوبه كذا، إلي يشوفك يقول شايف جني غسان بينه وبين نفسه: آخخخ ايش من جني، والله إنها ملاك، نفسي أعرف من هي عمر: يعني ما بتقول غسان: شوف بقولك بس بالأول اوعدني انك ما تستهبل علي وتتمسخر عمر: اوكي قوول غسان: الصراحه انا لمن كنت رايح الحمام شفت. !!! قطع عليهم أبو غسان ينادي لعمر أبو غسان: يا عمر روح شوف أختك وش تبغى منك، تلاقيها بالغرفه جمب المجلس عمر: أي وحده من خواتي أبو غسان: ليان عمر: أبشر يا عم جلس غسان يفكر ويقول بينه وبين نفسه: ليكون إلي شفتها بالحمام هي ليان بنت عمي محمد صحى من سرحانه على صوت مسج وصل له وكان من رقم غريب، ومكتوب في الرساله: سلام، ، ما اعرف اذا لساتك تتذكرني،لكن ابغى اقولك لا تستعجل وتحذف رقمي لأنه بترجع تندم، متى ما بغيت كلمني غسان: استغرب من الرساله، رغم انه ما عنده عداوه مع أحد، ليش يوصل له هذا المسج الي فيه تهديد، لكنه ما اهتم وخلي الموضوع ريلاكس وراح يجلس مع وليد ————————————————نروح عند ليان وعمر ،،، دخل عمر الغرفه وشاف ليان قاعده على الجوال عمر: نعم وش بغيتي ليان: لي ساعه انتظرك، ليش ما جيت بسرعه عمر: أقوول اخلصي وش تبغي، ماني فاضيلك ليان: أنت دايما مشغوول نفسي اعرف متى تفضى عمر: بتقولين ولا امشي ليان: خلاص اسمع، امي تقولك يالله تعال ودينا البيت عمر: لييه، مستعجلين، ترى الساعه لساتها 6،وش وراكم ليان: أمي تقولك، أبوي بيجي اليوم عمر: اهااا دام كذا اوكي، يالله تجهزن ولمن تخلصن افعلي لي رساله ليان: اوكي ———————————————— عند الحريم بالمجلس دخلت ليان وخبرت امها وتجهزين، وخذت فاطمه كل شي مهم معاها وودعوا أم غسان وراحوا للسياره ،،،،،، الكل ركب السياره إلا ليان وشيماء جاء عمر وشافهن خارج عمر: سلامات، انتي واياها ايش في ليش ما تركبن شيماء: عمووري قول لها أنا أبغى أجلس جمب الدريشه وهي ما ترضى، تقول إنها حاجزتها عمر: هوووهووو علينا، طيب لمن جينا وين جلستن ليان: أنا جمب الدريشه اليمنى وهي جمب الدريشه اليسرى عمر: والحين ليش ما تفعلين كذا ليان: لأنه أمي أخذت الدريشه اليسرى وحلفت ما تقوم من هناك، لأنه راسها مصدع عمر: والحل ليان: الحل إني أنا أجلس جمب الدريشه وشيماء تتعوض المره الثانيه شيماء: لا ي حبيبتي، ليه أنا الي اتعوض، ليه ما تتعوضين انتي عمر: اقوول انتي وياها لو ما تركبون إني لأمشي واترككن هنا * للمعلومه بتقولون ليش وحده منهم ما تركب قدام؟؟؟ لأنه كان مكان وليد، وهو راح عشان عزيمة عمه وكذا،، وأكيد بتقولون ليش ما عندهم سياره؟؟؟ لأنه سيارتهم خربانه ولساتها تتصلح ،،، ليان:شيماء اطلعي وخلصيني شيماء:وقسم بالله إني أنا إلي بقعد جمب الدريشه أم عمر بصوت عالي:أقوول إنتي وياها لو ما تركبون إني لأجي أعطيكن كف ما قد شفتنه بحياتكن ليان:شوفي شيماء أنا بركب لكن والله إنه حسابك بالبيت عسييير شيماء:اوكي اوكي،اركبي يالله عمر:الله يأخذكن من بنات،فضحتونا ،،، ركبت ليان جمب فاطمه، وطبعا كانت السياره شوي وتنفجر،لأنه عددهم خمسه، وجاء وليد وركب،وعمر حرك السياره ومشوا ،،، بالسياره في الطريق غيداء:أقوول يا عمتي أمل أم عمر:نعم يا بنيتي غيداء:طلبتك،خلي شيماء تجي تنام عندي اليوم أم عمر:والله يا بنيتي أنا ما عندي مانع،بس ما ادري وش بيقول أبو عمر شيماء:يمه كلميه ولا خلي عمر يكلمه أم عمر:أنا مالي دخل،خلي عمر يكلمه ولا كلميه انتي شيماء:عمر،،،يا عمر عمر:هلا شوشو شيماء:الله يخليك،كلم أبوي إني أبغى أروح بيت عمي سلمان عمر:وليه ما تكلميه انتي شيماء:أخاف عمر:وليش تخافين شيماء:ما ادري عمر:ههه خلاص الحين اكلمه شيماء:ويلوموني ليش أحبك يا أحلا أخو بالدنيا عمر:اييه دام فيها مصلحه أكيد بيكون فيها كلام حلو،،،،، بعدها بثواني رد أبو عمر عالمكالمه ،،،،، هااا السلام عليكم يبه أبو عمر من الجوال: وعليكم السلام عمر: اقوول يبه شيماء تبغى إذنك عشان تروح تنام اليوم ببيت عمي سلمان أبو عمر: إذنها معها، قوول لها تروح عمر: تسلم يبه الله يخليك لنا أبو عمر: الله يسلمك، ويالله سلم على الي عندك عمر: يوصل،إلا أقوول يبه بتجي اليوم ،،، ليان لمن سمعت بغت تمووت من الخوف والإحراج إلي بيجي من أخوها عمر لمن يسكر المكالمه،لأنها كذبت عليه إنه أبوها بيجي ،،،، أبو عمر: لا، من قال عمر: لا بس أنا قلت أسأل أشوف إذا بتجي، لأنه أشتقنالك أبو عمر: والله ياعمر إنه حتى أنا مشتاق لكم، بس أنت تدري كيف الشغل هنا، لكن إن شاء الله بحاول أجي هذوا اليومين عمر:إن شاءالله يبه،الله يعينك،وييسر لك أبو عمر:آمين يا ولدي،يالله الله معك عمر: مع السلامة ، ، شيماء: يس وناسه أبوي وافق غيداء: اي والله وناسه، بنفل أمها اليوم شيماء: ههه، إن شاء الله وليد: إلي يسمعكم، يقول ما تشوفون بعض إلا مره بالشهر،وانتو كل يوم تلتقون شيماء:طيب وش نفعل، نحب بعض ما نقدر نفترق يوم وليد ابتسم لمن سمع صوت شيماء ترد عليه وقال: الله يديم صحبتكن شيماء، غيداء: آمين يارب ،،،،،، عمر: إلا أقوول ليان ليان: هلا عمر: ليش تكذبين إنه أبوي بيجي اليوم ليان: لأنك كنت بترفض وما بترضى نمشي بدري، وأنا أبغى أجلس مع فطوم، عشان الوقت يطوول عمر: إيييه هذه المره بمشيها عشان بنت العم فاطمه استحت وقالت: تسلم يا ولد العم عمر: الله يسلمك ،،،،، غيداء ووليد وشيماء وصلوا ونزلوا لبيتهم، وبعدها بعشر دقايق وصلوا الباقي ودخلوا البيت وكل واحد راح لغرفته ، ———————————————— 🌼 وبكذا انتهى البارت الرابع 🌼 سبحان الله، الحمدلله، لا إله إلا الله، الله أكبر، لاحول ولا قوة إلا بالله، اللهم صلي على نبينا