لاجلك خطيت فجوج المستحيل - الفصل الرابع: حلم قيد الانتظار - بقلم jan sbestian | روايتك

في المستشفى كان موجود اخوانها الثلاثة راكان،مشاري ونواف الي ميتين خوف عليها ،وابوها الي للحين مصدوم ويفكر ان معقول كل هاد كان بقلبها وهي كانت متحملة شعور الغربة عشانه ، تذكر كلامها له بمصر كان لهم شهر جايبينها وجالسين هي ونواف بصالون البيت تضحك معاه ، جلس جنبهم وحضنها ،يبي يعبر لها قديش هو مبسوط فيها ، ابتسمت له بهدوء ابو مشاري: شلون اميرتي ،عساك مرتاحة جوان: الحمد لله ب.. ماقدرت تكمل الجملة لانها غصت ابوها الي فهمت هي ليش غصت : لا تحاتي ي بنيتي ، يوم تحسين انك جاهزة قوليها ومسح على شعرها ورجع حضنها تاني وبعد نص شهر يوم كان جالس مع نواف يجهزون امور سفرهم للسعودية فز يوم سمع صوتها تنادي ، كانت دايما تبدأ الحوار بسرعة بدون ما تناديه لانها حاسة بغربة الا اليوم نادته باكثر كلمة كان يتمناها منها نادته بابا ، نزلت دموعه وبعدها تذكر كلامه له : انا واثقة انك بتعيشني اميرة ما بينقصني شي،بس اعذرني لو حسيت مني بغرابة لان مو بسهولة هتاقلم ،بس عشانكم هحاول .طلع الدكتور من غرفتها وراح له نواف بسرعة : ها دكتور طمنا الدكتور: الحمد لله هي بخير، انهيار عصبي بس جت سليمة ،لاحظنا انها تعاني من نقص فيتامينات ،وهاد سبب تاني للاغماء يبيلها نظام غذائي ومكملات عشان تستعيد صحتها ان شاء الله ، تقدرون تدخلون عليها . دخل ابوها لها وشافها نايمة وبيدها موصول المحلول ، جلس جنبها هو وراكان بينما راح مشاري ونواف يجيبون الدوا ويشوفون دكتورة التغذية عشان تسوي لها النظام الغذائي الي هتتبعه ، جلس يمسح على راسها ويكلمها بحزن:سامحيني يبه ،ما صار لك يومين وهذا حالك، ما قدرت برغم كل الي سعيت عشانه اني امسح شعور الغربة وعدم الانتماء من قلبك ، ادري شلون صعب عليك ، بس اعذري انانيتي . راكان طبطب على كتف ابوه : لا تحزن يبه ، بنرجع بعد لا تصحى على بيتنا ما ابيها ترجع لبيت جدي ، من اول كانت خايفة اصلا تقابل بنات واولاد عماني ،وقالت لي ان ممكن ينبذونها ،. انصدم ابوه وقال بحزم: ما عاش الي ينبذ اميرتي ووحيدتي ، بنرجع بيتنا ،والي ما يبي بنيتي ما ابيه ،لو من ما كان . صحت على صوت ابوها الي اول ما شافها ابتسم : الحمد لله على سلامتك بالغالية ،كذا تخوفينا عليك جوان بابتسامة: كنت بدي اعرف قديش انا غالية عندكم راكان: غالية ي قلب اخوانك غالية وباس رايها . جوان التقت لابوها: بابا بدي ارجع البيت ،بديش ارجع بيت جدو تاني ،بليز . ابوها مسك يدها بحنية: لا تخافي الحين بس يجون نواف ومشاري بيرجعوك بيتنا على طول ،وانا بروح اجيب امك . هزت راسها على دخول مشاري بيده كيسة ادوية ،ونواف بيده ورقة نواف تقدم لها وباس راسها: يبيلك تكسير راس ،كذا خرعتينا عليك ضحكت وقالت: ما عاش الي يكسر راسي ،صح بابا ابوها ضحك عليهم وقال: صحيح بابا مشاري جلس عالكنبة الي قبال سريرها وقال: اقول استغلي الاسبوع هذا واطلبي كل ما اشتهيتي جوان ضحكت وردت عليه: ليش يعني لو طلبت شي بعدين مش هتجيبولي ياه؟ مشاري قام باس راسها وحكى بمزح: لا ياعمري ما بجيب لك جوان تمثل الزعل: اجل اذلف ما ابيك ضحكو عليها جوان بملل: ضاقت خلقي خلونا نروح عملو لها خروج وطلعت مع اخوتها متجهين بيتهم وابوها اتجه لبيت جدها عشان يجيب امها ويرجعو فبيت الجد دخل ابو مشاري المجلس وجلس جنب اخوه ابو سعود بعد ما سلم وحب راس ابوه . الجد: ها طمن شلونها الجازي ابو مشاري : صار لها انهيار عصبي بس الحين الحمد لله بخير الجد هز راسه وتحمد سلامتها وبعدها الكل تحمد على سلامتها وجلسو يسولفو شوي خز عزام رجل طلال وهمس: شفت ياراس المصايب شسويت بالبنت طلال بندم واضح بس ما رضي يبينه: اذلف عني ما ساويت شي هي الدلوعة عزام الي نرفزه طلال بكلامه: تتكلم وترمي كلامك الي زي السم وتقول دلوعة ،اذلف بهالوجه الشين لا اشوتك طلال الي عصب: وانت شدخلك فيه. سعود الي حس ان الوضع هيتفاقم ويتحول لمشكلة : فضو السالفة ،لاحد ينتبه عليكم . ابومشاري لابوه: يبه كنت بقولك شي الجد: تفضل يولدي ابو مشاري بهدوء: بالنسبة لجوان .... ممكن محد يتدخل فيها بالوقت الحالي الجد الي فهم مقصده: هاذي الامور مافيها تدخل وعدمه ،كل بنات عمها متغطيات،هي الوحيدة الي تطلع بلبس استغفر الله . ابو مشاري عصب: يبه ترا لبسها مهو ماصخ زي ما تقول صح قصير لكنه واسع ، وبعدين هي بنتي وانا الي اقرر شو تلبس . الجد بعصبيه: لا مهو بكيفك ، عشان بنتك تبي الناس تحكي عني بالشين . ابو مشاري: انا ما قلت اني ما بخليها تلبس العباة لكني بستنى شوي لين تتاقلم ،وابيكم ما تتعرضون لها ترا الي فيها مكفيها .وختم كلامه باذن وطلع بعد ما نادا على ام مشاري وراح بيتهم . بعد اسبوع كانت جالسة بغرفتها تزين اظافرها وسارحة ،وما حست بالي جالس يتسحب وراها وفجأة صرخت بعد ما نقزها راكان جوان: راكاااااااان راكان ميت ضحك على شكلها: بوش كنتي سرحانة جوان التفت له بعد ما هديت: بعد بكرا النتيجة خايفة موت مشاري الي توه داخل بعد ما سمع صراخاها: واضح الخوف وانتي تزينين اظارفك جوان: لازم اكون حلوة بجميع حالاتي ضحكو اخوانها عليها راكان التف لها: ياحظك نتيجتك بتظهر قبلنا، واحنا مكروفين بالاختبارات )جوان قدمت ثانوية بفلسطين قبل لا ياخدونها اهلها ، اما راكان فكان لسا بيقدم اختبارات الثانوية بالسعودية) جوان طلعت لسانها له : روح ادرس يا طاااالب الثانوية مشاري ضحك على هبالهم وحكى بجدية: جوان حبيبتي ،ما ابيك تخافين ابد مهما كانت النتيجة احنا راضيين فيها . نطت جوان من السرير بحضن اخوها الكبير وباست خده : فديت اخوي ، بس حتى لو انا ابي امتياز . راكان غار منهم: وانا مالي حضن مشاري شد على حضن اخته وباستخفاف : لا اذلف على دراستك وقف راكان وراح يدرس وهو يبرطم وجوان لفت لمشاري بعد ما قامت من حظنه وجلست قباله وحكت بثقة : ترا بستنى هديتي الكبييييييييرة ، لاني بجيب امتياز ان شاء الله ابتسم لها مشاري : ابشري من عيوني جوان:فديت عيونك ، يلا بلا مطرود بغير ملابسي بروح مع امي السوق مشاري: حلوة هذي ،تبين هدية وتطرديني جوان باست خده: خلاص don't be sad ضحكت مشاري وطلع غرفتها بدون ما يعلق .