لاجلك خطيت فجوج المستحيل - الفصل الثاني:ياترى الايام وش مخبية - بقلم jan sbestian | روايتك

قامت تفتح وعيونها مو قادرة تفتحهم من كثر ما بكت ،فتحت لقت بوجهها راكان الي اول ما شاف منظرها كذا انخرش وقال بخوف : الجازي صار لك شي ؟، شفيك كذا ؟ في شي يعورك قالت بهدوء: مافيني شي ،وممكن تناديني جوان؟ راكان: حاضر جواني ،يلا جهزي حالك عشان بنروح بيت جدي مسوي عزيمة كبيرة باسمك والكل بيكون هناك ما ابيك تاكلين هم ،اي حد يزعجك اشري لي عليه وانا اوريك شبسوي له ضحكت على كثر كلامه وقالت بهدوء: تمام راكان باحراج: انا بروح عشان تاخدي راحتك هزت راسه له وراحت تشوف شو رح تلبس، بعد وقفة طويلة قدام خزانتها الجديدة الي وصفتها انها بكبر غرفتها وغرفة اخوانها ،اختارت بنطلون شيلستون اسود غامق مع قميص بدون اكمام اصفر فاتح ليموني وفوقه جكت رسمي حكلي غامق ولبست كعب ذهبي ،واخدت شنطتها ونزلت ،لاحظت نظرات مشاري الي مو عاجبه لبسها وعلق: حبيبتي جانو ،ممكن تغيرين لبسك ردت بهدوء: في شي بلبسي؟ رد عليها: انتي تدرين ان هنا مو زي هناك ،وما ابيهم ينتقدونك وينكدون عليك باول يوم لك معاهم لان بنقعد اسبوع هناك عشان تتعرفين عالكل سكتتت شوي وبعدها قالت: ما رح اغير شي ،الي بيحبني ما رح يجبرني ع شي وانا مو طالبة حب حد منهم ، اذا ابوي ما حكى معي شي ،هم مالهم حق يتكلمو حاوط كتافها راكان وقال: احنا ما رح نجبرك عشي مو مقتنعة فيه ،بس جدي بيجبرك زادت حدتها وقالت: انا عشت 18سنة اهلي عمرهم ما تكلمو معي بشي زي هيك ، ومارح اسمح لحد انو يجبرني عاشي مش مقتنعة فيه، لما بدي البس طويل هلبسو باقتناع تام ،مو بالاجبار . حكت كلامها وجت تبي تطلع فوق ثاني بس مسك يدها ابوها وقال : محد بيجبرك على شي ما تبينه وانا ابوك ومشى معاها وركبها سيارة نواف وراح سيارة مشاري . نواف يبي يلطف الجو: خلاص عاد يا دلوعة ،محد بيجبرك عشي ما تبينه ،وبعدين لسانك هالطول محد بيطلع معاك راس ضحكت وكشرت بمزح: شو قصدك بانو لساني طويل راكان يبي يولع بينهم: يقصد انه مو عاجبه وبيقصه لك لف له وعيونه توسعن: شفيك انت التاني . نواف وهو بيضحك: فديت الي تقول شفيك ضحكت وقالت: من عاشر القوم راكان بغباء: تو ما صار لنا يوم نواف ضربه بخفة وقال: يا غبي جلست معاي انا وابوي شهر ونص بمصر لين جهزنا اوراقها وجينا راكان استوعب : اييييه تقصدكم نواف لف لجوان وقالت: هذا توأمك غبي الله يعينك ضحكت وما علقت . عند باب قصر ابوعبدالله نزلت من السيارة هي وراكان وراح نواف يركن سيارته لف لها راكان واشر لها: روحي بتلاقي الحريم بالصالة اكيد وانا بروح المجلس هزت راسها له وشافته يبتعد ضلت واقفة تناظر القصر وفيها غصة سمعت همس من وراها: اشوفك رجعتي تقزين القصور يابنت العز والدلال لفت له وودها تكفخه : بتعرف ،بينك وبين اني اخليك تنسأل شعرة فك عني يا بدوي . انصدم للمرة الثانية من ردها وما امداه يرد لانها كالعادة اختفت. فتحت الباب بقهر وانصدمت من عدد النساء الموجودين ناظرت امها تدورها بعيونها ولقتها جاية باتجاها ابتسمت بارتياح . وقفت امها جنبها ومسكت يدها وصارت تعرفها بالموجودين ،بعدها جلسو الحريم بجهة والبنات بجهة . لفت لها نجد وقالت : شلونك يالجازي لفت لصاحبة الصوت وانبهرت بملامحها الرقيقة والجميلة وردت بابتسامة: بخير واسمي جوان نجد بانحراج: معلش كلنا ندري ان عمي مسميك الجازي بس بناديك بالاسم الي يريحك ابتسمت لها وما امداها تبتسم لين غصت من سؤال نوف : شلون عيشة الحرو.ب الي تعيشونها كل شوي احس حياة الفلسطينيين فيها اكشن ضحكت على سطحيتها وابتسمت لما لاحظت بنت جنبها تنخزها بقوة وتقول لها: نوف مو وقت سؤالك البايخ الحين نوف بحدة: وجع سارة ،سالت لاني فضولية مو قصدي شي تاني ابتسمت جوان وقالت: حياتنا اكشن فعلا، كل يوم نعيشه خايفين من بكرا ، نبني احلامنا على اليوم وننام متسائلين هل بنصحى بكرا عشان نحقق هاي الاحلام ، كل يوم بالنسبة النا هو تحدي نجاه ،وللعالم تحدي نجاح ، نجاحنا متمحور حول نجاتنا ضحكت بالم وكملت: على الاقل الحين بنام بدون هذا السؤال الي عشت 18 سنة اسأله لنفسي وبيتبدل لسؤال ثاني ....غصت وما قدرت تكمل ووبعيونها العسلية ترقرقت الدموع تقاوم ما تنزل ، رحمتها سارة واعتذرت عن لقافة اختها وقالت: معليش هذي نسخة طلال ملقوفة ،تسأل اسئلة ما تخطر على بال احد . ما ركزت معاهم ، جلست تسمع سوالفهم وهي شاردة معاهم جسد وروحها بمكان ثاني بذاك البيت الصغير ،الي فيه عاشت احلى ايام . صحت على صوت نجد تصيح باسمها لفت لها : ها؟ نجد: لي ساعة اقول لك بنورجيك صور العيلة عشان كمان شوي جدي بيجمع الكل عشان لا تكونين فاهية ابتسمت لها وهزت راسها ب اوكي نجد تربعت بحماس جنبها وطالعت جوالها تفرجيها: شوفي هذا ابوي يصير عمك جاسم وهذا اخوي سعود فديته وهذا المزيون عزاموه ابتسمت لها وقالت الي خطر ببالها: ملامحكم اجنبيه ابنسمت لها نجد وقالت :هذي جينات ماما ،تركية سعودية هزت راسها لها ورجعت تناظر الصورة نخزتها نوف بلقافة وقالت: لا يكون خقيتي على واحد من عيال عمي جاسم اعترفي توسعت عيونها وضحكت: لااااااا، بس بحفظ اشكالهم عشان ما اتوه لانكم ما شاء الله كتار هزت نوف راسها وقالت: يلا الحين دوري بوريك اخواني وغمزت لها ضحكت جوان على هبال نوف، ورجتها اخوانها وابوها ولما ورجتها طلال بردت ملامحها نوف لاحظت هالشي وهمست لها بهبال: لا يكون خقيتي على طلول ترا الهنوف بتقتلك همست جوان لها: اعذريني بس اخوكي لو اخر اولاد ادم ما بكراش عليه نوف ضحكت وكملو البنات وحدة ورا الثانية يورجوها عيلتهم عشان لما يجتمعو تعرفهم .