الفصل الاول:بداية جديدة
في مطار الرياض الساعة 10:30
بيدها قهوتها وتمشي تناظر قدامها للاشخاص الي توها تدري انهم عيلتها الحقيقية .
لف راسه ناحيتها يجس شعورها وسألها: شتحسين؟
جاوبته : مش عارفة ، حاسة بغرابة نواف
نواف يحاول يلطف جو: اصبري نوصل بنلاقي القيبلة كلها تنتظر. وقتها بتحسين بالفجعة
ضحكت بخفوت وقالت: وقتها بشرد وبسيب لكم الجمل بما حمل
ناظرها وعيونه توسعن: منجدك يالجازي... ما امدانا نلقاك ونقر عيوننا برجعتك لاحضانا
ظهر الامتعاض على وجهها كل ما ذكرو قدامها هالسالفة وقالت: اسمي جوان وفيكم تدلعوني جانو
لف لها وحس انها حزنت : لا تزعلين، بس احنا سميناك وتعودنا عليه
جوان: مش مشكلة ....
كملت بعد ما صار واضح قدامها اسطول السيارات حديثة الطراز المرصوصات قدامها كل وحدة تقول الزين عندي : شكل القبيلة اجت عنجد
ضحك وهو يقول: لا باقي ولاد عماتي ما جو هذول ولاد اعمامي واعمامي وجدي بس.
ما علقت وسالته: ايه باي سيارة هنروح
اشر لها على سيارة BMW: هذي بنروح مع طلال ولد عمي عبدالرحمن ،لان اخوانك الباقيين عند الحريم يجهزون الوليمة
ما علقت وراحت سيدة للسيارة لان حدها تعباااانة ،قربت وشافته يقزها بنظرات ما عجبتها ما علقت وردت عليه السلام ،رد عليها من خشمه ناظرت له وبعدين دخلت السيارة ، دخل وراها ابوها ونواف وحرك ،
ابو مشاري : شلونك طلال
طلال: بخير يا عمي ،حمد الله عسلامتك ،وهنيت برجعة بنتك
اوب مشاري : تسلم يا وليدي ،والله الفرحة مهي سايعتني
غصت وهي تسمع حديثهم ،الحين بتبدأ فصل جديد من حياتها من ناس غريبة عنها ،لكنهم يحملون نفس الدم ،وما عاد في رجعة لازم تتأقلم ، ركنت راسها على شباك السيارة وسرحت بعالمها وما انتبهت لين خزها نواف :جانو حبيتي يلا وصلنا
ناظرت فيه وابتسمت ثم نقلت نظرها للقصر الي قبالها ،نزلت من السيارة وهي لسا تناظر القصر
همس لها : لسا ما شفتي شي ...لازم تتعودي على حياة الترف ،زي ما تعودتي على حياة الذل
انقهرت منه ناظرت حولها لقت الكل منشغل عنهم وهي طبعها ما تسكت لاحد لفت له وهمست : ما اسمح لك تتكلم بولا حرف عني ،واشرت له عالقصر وكملت : شايف حلالكم هاد هو وجزمتي(حشى القارئ) واحد مو فارق معي ،عشت بيت ابوي العز والدلال وعمري ما عرفت للذل طريق ،اعدل نفسك معاي لاعدلك بطريقتي
انصدم وما امداه يرد لقاها مختفية من امامه ،ما توقعها تكون بالجبروت هذا ،كان يسمع عن بنات فلسطين وجبروتهم وعزتهم بس ما قد شافها واليوم بتروها له بنت عمه ،
دخلت البيت وجت اللحظة الي كانت خايفة منها ،عيون كثيرة تناظرها ،عيون تناظر بشوق ،واخرى تناظرها بفرح ،واخرى تناظرها بكره ،واخرى تناظر لبسها بقرف ، كانت لابسة بنطلون ازرق غامق واسع عليه هودي بيبي بينك وشالة زرقة ،لبسها بالنسبة لهم لبس بيت ،لانهم عيلة تعودت على النقاب والعبايات الساترة بالرغم من لبسها فضفاض وواسع الا انه قصير حاول معاها ابوها انه تغير طريقة لبسها بس هي رفضت لانها عاشت 18 سنة وهي تلبس كذا ومحد اعترض على طريقة لبسها .
قطع دوامة افكارها حضن قوي جاها من حرمة واضح بملامحها طيبةالقلب حضنتها وهي تبكي تجمدت ملامحها ومهي عارفة شتسوي
الحرمة: واخيرا ربي قر عيوني بشوفك ي وحيدتي ، سامحيني يمة ،سامحيني يماما تركتك تعيشي كل هذا لوحدك ،بس الله عالم اني كل هالوقت هذا ادورك
بكت ،بكت لانها تذكرت امها الي ربتها كل هالسنين هذي ،بكت يوم جا بطاريها ان خلاص ما بتشوف عيلتها الي قضت معاهم 18سنة من حياتها خلاص اليوم بتعيش وبتكمل حياتها مع ناس جديدة ،وبيئة جديدة عليها وعادات وتقاليد جديدة .
رفعت راسها من حضنها وقالت: اهلا وسهلا فيكي ببيتك يا ماما ،من اليوم بتعيشي اميرة مدللة ببيت ابوكي
غصت بعبراتها وقالت: تعبانة ،محتاجة انام
بكل حنية الدنيا ردت عليها ام مشاري :تعالي يماما اوديك غرفتك
ودتها غرفتها وراحت بعد ما اوصتها تنزل معاد الغذا لان بيروحون بيت جدها
اول ما سكرت الباب ناظرت الغرفة بينها وبين نفسها: غرفة اكبر من غرفتي انا وخواني ضحكت يوم تذكرت غرفتها الضغيرة الي تشاركتها مع 4خوات الحين هي لوحدها بغرفة تعادل بيتهم الي عاشت فيه حطت راسها على المخدة وبكت لين نامت .
في نفس البيت في الصالون
ابو مشاري: ما ابيكم تزعجون اختكم تراها رقيقة القلب وحساسة اي شي يعورها
مشاري: لا تحاتي يبه ، انت تدري ان ما صدقنا لقيناها والحين بتعيش اميرة ببيتها وكلنا تحت امرها تراها وحيدتنا
راكان بحماس:محد متحمس قدي ،واخيرا توأمي رجعت لي ،بنفل امها
ضربه نواف بخفة على راسه وقال : خف عليها تراها مهب طايقة نفسها ،وكمل بحزن صعب عليها تكتشف ان عيلتها الي قضت معاهم 18 سنة مو اهلها البيولوجيين وانها تبدلت بطفل هذولي الناس ،وفجاة تكتشف ان عيلتها الحقيقية سعوديين وانها بنت اغنى رجل اعمال سعودي ، وانها وحيدة ومالها غير 3اخوان فحين كان لها 4خوات .
راكان بصدق حزين على توأمه: بقضي عمري كله عشان انسيها حزنها
ابتسمت ام مشاري وقالت : كلنا بنكون يد وحدة نخليها تتأقلم