الفصل 4
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *سلطان.قلبي.tt*
*❴🔢❵☟الـــبـــــــــــ❴4️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#سلطان_قلبي
#بقلمـي هازار المحمد
#الجزء_الرابع
عماد:لا تخبصي لينا انا مو ندمان بس انا بدي لاقي حل لهالقصة
لينا صفنت شوي:خلينا نروح لعندو ونعتزر منو بركي بسامحنا ...وبصفح قلب ابوك علينا
عماد مابتوقع بعد كل هالسنين
لينا لازم نحاول نصلح غلطنا ياعماد بكفينا بقى
عماد: انا بكرى رح اطلع عضيعتنا
لينا وانا رح اجي معك
عماد لااء انا رح روح لحالي
تاني يووم جهز حالو عماد وودع بناتو ومرتو كانو مارح يشوفن مرة تانية
لينا:شبك يا رجال عم تودعنا هيك
عماد:مابعرف شو رح يصير من بعد اليوم ديرو بالكن عحالكن
ودعهن وطلع
عالطريق سايق عماد وعم يتزكر كل شي مر فيه تنهد غرغرت الدمعة بعينو ودعى من قلبو
ياارب ياابي توافق بقى عصلحتنا وترضى عليي واللله الحياة بلاك ما الهالها طعمة لك حتى أمي محروم من شوفتا الله يسامحك ياخالي....
فجأة زمور سيارة بيضرب صوتو عماد بتفاجئ بشاحنة كبيرة بوجهو بحاول يتمالك السيارة بس مابيحسن .......
سيارة عماد ضربت بالشاحنة وقلبت تلت قلبات صاحب الشاحنة ماتأذى شوي ونزل يركض عليه اسعفوا عالمشفى
المسا لينا قاعدة ومعها بناتها عم دق عزوجا وعم يطلع خارج التغطية
لينا"حسبي الله ونعم الوكيل شو اعمل لك ابوكن ماعم يرد
جنات :خلينا نخبر الشرطة...معقول جدي عمل لبابا شي
لينا:مستحيل قلبي عم يقلي غير هيك
رن جرس الباب
لينا:استر ياارب...مين جاينا هلا
جنات:افتح ماما
لينا:لاا انا بشووف
فتحت الباب وراها جنات
الشرطي:مرحبا يا اختي
لينا كان الخوف باين عليها:اهلين تفضل شو بتريد
الشرطي:مو هدا بيت عماد سلطان الراشد
لينا:ايي
الشرطي :في بلاغ عنا انو عامل حادث وهو هلا بالمشفى
لينا :وللي حاادث انو مشفى وين صار الحادث تلبكت ومعد عرفت شو تحكي
الشرطي هدا العنوان يا اختي المشفى كلفتنا نبلغكون لان مسكنا صاحب الشاحنة يلي عمل الحادث معا
جنات ادخلت :ماشي يسلم ايديك نحنا هلا بنشوف
الشرطي:السلام عليكن
امها ركت حالها عالحيط عم تبكي وتدعي لعماد...
جنات امي كرمال الله هدي حاالك خلينا نطلع عالمشفى
لينا:روحي صحي خواتك وخبريهن مابعرف شو رح يصير معنا وانا رح شوف شومعنا مصاري
جنات:مااشي
أمنوا جارتهن عرفاه وحياة اخدو سيارة اجرى وطلعوا عالمشفى
بالاستقبال
مرحبا يا انسة بدي اسال عمريض عمل حادث ونقلوا لعندكون
الموظفة:شو الاسم
جنات:اسمو عماد سلطان الراشد
الموظفة:ثواني....المريض نقلوا عالعناية بالطابق الخامس مافيكن تشوفوا بس فيكن تحاكوا الدكتور المشرف
جنات ماشي
دقوا الباب وفاتوا
الدكتور:تفضل
لينا فاتت وراها بنتا
لينا:مرحبا دكتور انا زوجة عماد اليوم نقلوا لعنكون عالمشفى عامل حادث
الدكتور:اهلا وسهلا يامدام ......سكت الدكتور شوي ....مابخفي عليكن انو المريض حالتو صعبة شوي كان معو نزيف بالدماغ شعر بجمجمة ورضوض بجسمو وقفنا النزف بتدخل جراحي وهلا ناطرين ليصحا...
لينا شهقت وحطت ايدا عتمها بكاهن غلبهن هي وجنات
جنات :دكتور اديش بدو ليصحا
الدكتور:هدا الشي بيرجع للطف الله نحنا عم نعمل يلي علينا
لينا:دكتور بدي شوفوا
الدكتور:بدي اعتزر منك...هلا لاء لبكرا
لينا:بترجاك دكتور بترجاك
اللدكتور :بس مافيني اسمحلك باكتر من ٥ دقايق اوعك تبكي او تسمعي بكاكي
لينا حاضر خلص
فاتت لعندو كان مغطى بالاجهزة
لينا:عماد...حبيبي نحنا ناطرينك ارجعلنا بعرفك قوي ...صحي نسيت قلك ابوك رضي عليك وقرر يجي يشوفك ويسامحك بس انت قوم ووقف عاجريك
الدكتور كان معها لاحظ دقات قلبو بلشت تزداد وتنفسو صار طبيعي في ابتسامة واضحة عوجهو
الدكتور همس للينا:برابو عليكي كملي
لينا ابتسمت لما شافت التحسن واضح على عماد
لينا:مافي شي رح يفرقكون بس انت اوقف عاجريك وتحسن يا روحي
الدكتالدكتور اشرلا انو لازم تطلع
قدام غرفة العناية
الدكتور بتوقع يلي قلتي رح يسرع بحالة شفائو بس ابو وين ماني شايفو
لينا تلعقمت بالحكي:اا ااي هلة بجي
الدكاور ياريت استعجلي شكلو الرابط قوب بينن حتى سيرتو فرحت المريض
لينا :حااضر حااضر ان شاء الله
الدكتور بالاذن فيكن تروحوا عالبيت المريض مافيكن تشوفوا هلا
جنات:ماما عن شو عم يحكي الدكتور
قاطع كلامهن صووت حنون تعبان ومألوف
اابني ووين...وين عماد يالينا
اطلعوا لوراهن جنات ولينا كانت الست جنات
لينا:عمتي
جنات:تيتااا
الست:وين ابني شوو صار معوو
لينا ركضت وحضنتها هي وجنات قعدوا وخبروها بيلي صار
لينا:انت كيف عرفتي
الست:دقت على عماد اطمن عليي كان خطو مغلق وانتي وجنات ماعم تردي عموبايلاتكون دقيت عللارضي وردت رفاه وحكتلي انكن هون
جنات:رفاه مابتحسن تخبي شي
لينا:وابي عرف!!... كيف خلاكي تيجي ؟
الست:خبرتوا...و بعت معي حرس وسيارة بس هو مارضي يجي قال مافيي يشوفكن بهالحالة رح يدعيلكن
لينا:هاا من يوم يومو قااسي
الست غمضت عيونها تنهدت واطلعت بجنات وخطر عبالا فكرة
جنات ياحفيدتي الحلوة ...خدي هيي
جنات اطلعت بالسنسال يلي اعطتها اياه ستها:شو هاد تيتا
هادا سنسال اعطاني اياه جدك يوم عرسنا اللبسي
بكرا من الصبح بتطلعي عالضيعة بتسألي عن سلطان الراشد وبس يدلوكي بتروحي لعند جدك وبتحكيلو شو صار معك وبتعطي هالسنسال لتأثبتيلو انك بنت عماد
لينا:لااء عمتي ماابدي جنات تروح تواجه عمي لحالا
الست:ليش هيك خاايفة ....انا واثقة مارح يعملا شي بضلا حفيدتو انا بعرفوا كتير منيح واذا ضيعتوا هالفرصة من ايدكن يمكن معد يوافق سلطان بيك عالصلحة...وعماد بحاجة ابو ليتعافا...ااخ ولي عليك ياضنا قلبي قضيت كل عمرك بيني وبين ابوك لا حسيت بسند الاب ولا حنان الام
جنات مسكت السنسال وحطتو برقبتها وحكت بثقة:كرمال صحة بابا مستعدة رووح الموت باجري
__________^^SANAÀ ^^________
تاني يوم ركبت باول رحلة عالضيعة وطلعت ...وصلت كان الجو ضبابي كانت عيونها عم تتفحص بهالضيعة قديشا حلووة قريبة عالجبل الشجر بكل مكان الطرقات المزفتة وعم تلمع وكأنوا مو ممشي عليها الهدوء يلي بهالضيعة كانها مو مسكونة الناس يلي ماشية بالطريق عم تطلع عليها وكان عم يقولوا مين هالحورية
جنات بتحاكي حالا شبها الناس ليش هيك عم تطلع فيني ...لازم اسال حدا عن بيت السلطان افف خلينا نشوف هالسلطان بقى..
وقفت رجال
مرحبا يااعم
الرجال اهلن يابنتي خير شو عاوزة؟
ااي بدي اسال عن بيت سلطان الراشد ووين
الرجال ماابعرف اسالي صاحب هالكازية يلي هنيك...تركا ومشي
جنات قال مابيعرف...بقطع ايدي اذا مو خايفين منو
وصلت عالكازية شافت رجال وابنو عم يشربوا شاي ويدفوا عالحطب لان الجو كان اول شتا
فركت ايديها ببعض...احم احم
مرحبا صباح الخير
الرجال اهلن يابنتي ابنو تشردق بالشاي واطلع فيها
الرجال استحي يا ولد قوم لجوا
جنات:بدي اسالك وين بيت سلطان الراشد
الرجال خير يابنتي ليش عم تسالي عنو
جنات تأفأفت يعني انتو بهالضيعة لازم ضلوا تسالوا كل هاد خوف منو
بدي اياه بموضوع ضروري
الرجال:لا تاخذيني اذا ماقلتيلي مابدلك انا رجال بيت الراشد ومحدا غيري رح يدلك
دق قدامها
الوو معلم في بنت هون عم تسال عبيتكون دلا ولا شو الترتيب
:شو بدا مابتعرف شو القواعد
الرجال شو بدك يابنتي
احكيلو من طرف عماد الراشد
سمع الحكي سلطان:دلا عالبيت عالسريع
الرجال اتفضلي رح ابعتك مع ابني تعا ياولد خدها عبيت المعلم سلطان
ابنو:حااضر تفضلي يا انسة هو مو بعيد شغلة عشر دقايق مشي
جنات:شكرا الك ...تفضل
طول الطريق كان عم يطلع فيها
جنات:حااج تبحلق فيني
انا ما عم بحلق
جنات وقفت قدامو: اسمع ولا اذا لسا بتبحلق فيني وبتطلع بهالنظرات القذرة بقلع عينك فهمان
ضحك ههههه قرب عينو منها اقلعيلي عيني لكن يلا لشوف
جنات بعدت عنو ضربتو بالمظلة يلي كانت معها
الشب:اااخ يكسر ايديكي مبينة ناعمة وحلوة بس متل الوحش
جنات:لسا ماشفت شي
وقفت تكسة جنبهن نزل منها شب حاطط نظارات ولابس جاكيت رسمي ومبين عليه الهيبة
شال نظاراتو عن عيونو كانوا خضر وحادين اطلع بالشب وزورو التاني لما شافوا انخطف لونوا
اطلع فيي وحكا من بين اسنانو
شوو عم تعمل ياقليل الادب...
الشب انا اناا
جنات كان عم يقلل ادب بنظراتو وانا حاسبتو مين انت لتجي تدخل بقى
اطلع بالشب: انت انصرف انا بعرف شغلي معها
اطلع فيها من فوق لتحت....قرب منها حط ايديه بجيابوو
انتي ميين
جنات انت يلي مين
سلطان: انا سلطان ...مو حضرتك عم تسالي عن بيتي
جنات ضحكت هلا انت سلطان
سلطان ايي ليه عم تضحكي
ضلت تضحك هههههه هه قال سلطان
سلطان عصب اذا بضلي تضحكي ماشي وتاركك العمى شو انتي مجنونة شي
جنات حطت ايدا عتمها للتكتم ضحكتها:انا بدي سلطااان جابر الراشد عمرو قريب ال٧٠ او ال٦٠ مو انت
سلطان ابتسم:قصدك عن جدي لكن
صفنت شووي ...دققت فيي ....:يعني انت حفيدو
سلطان:ايي وانتي مين
جنات : وانا جنات
سلطان: بالله لتكوني جنات ستي المفقودة رجعت دور عسلطان
جنات:مو مهم انك تعرف انا بدي شوفوا ضروري وبموضوع شخصي
ضحك سلطان لااا انتي اكيد مجنونة يابنت
ليكي هداك بيتو روحي واحكيلو هالكلام
تركها ومشي اطلع فيها من شباك السيارة وهي كانت عم تطلع عمكان البيت يلي اشر عليه شافتوا قصر وحواليه سور حراس امن ملين المكان...اخ يا ابي انت وين عايش معنا وبيتك وين
سلطان:هيي روحي من هون قبل مايجي حدا ويتسائل عليكي بلا ماتعملي مشاكل
انتبهت لكلامو جنات ومشيت باتجاه البيت
سلطان حاكى الحراس وقلهن يفوتوها
سلطان صفن شوي ودق عشوفير الباص
مرحبا ابوعلي بدي منك تشوف السجلات في صبية اليوم وصلت عالضيعة قريب االساعة ٢ اسمها جنات بدي الاسم الكامل الها.....
شو قلت ....جنات عماد الراشد...ماشي ماشي لا تقول لحدا هالحكي
وصلت جنات الحارس اهلن يا انسة تفضلي
فاتت ومعها الحارس كانت ماشية وعم تطلع حواليها الجنينة يلي كلا عشب اخضر مرجان وشجر كلو متناسق تماثيل اثرية موزعة عنسق واحد وصوت شلال الماي مغطي عالمكان استوقفها صوت بنت
عدنان مين هي..!
عدنان الحارس :هي الانسة اتصل فيني السيد سلطان وقلي دخلا عالبيت ليجي
زمرد:مرحبا انا زمرد اختو لسلطان تفضلي
جنات انتبهت عكلامها:ااي نعم
ضحكت زمرد انا زمرد تفضلي مدت ايدا ابتسمتلا جنات
وانا جنات
زمرد باستغراب:اسمك جنات
جنات :اي اسمي جنات
زمرد تفضلي
فاتت معها عالقصر
زمرد تفضلي هون ماما واخي جواد
فاتت عالصالون
مرحباا
فتحية حطت من ايدا فنجان القهوة يلي عم تشربوا وصفنت فيها فتحت عيونها عوسعن
وجواد ابتسملا كان مبين عليه من عمر زمرد او اصغر بسنة
فتيحة:اهلن تفضلي
فاتت قعدت جنب زمرد
فتحية عفوا يابنتي بس انتي مين
زمرد هي ضيفة اخي سلطان امي
امها استغربت بتعرف ابنها ما الو بالبنات
فتحية حضرتك بتعرفي ابني سلطان
جنات لا خالة انا مابعرفوا انا جاية شوف الجد سلطان
فتحية خير شو عاوزة منو يابنتي
جنات اسمحيلي خالة بس شوفو بخبرو
جواد ادخل بالحكي:اي جدي مو هون هو مسافر
فتحية زورت ابنها:جواد اطلع هغرفتك
جواد ماحكينا شي
فتحية اطلعت بجنات اي يابنتي عمي سلطان ابو داغر مسافر هو وابني وزوجي
جنات صابتها خيبة الامل
عنجددد كيف وايمتا سافر
فتحية الو قريب الاسبوع ويمكن لسا بدو اسبوع لهيك احكيلي شو في
جنات بعتزر منك بس مافيني احكي غير لجدي
فتحية:جدك!!
جنات رجاء لا تستدرجيني بالحكي
بهاللحظة رن جوالا لفتحية
فتحية
اي ابني سلطان
سلطان
امي وصلت لعندك البنت
فتحية
اي ابني
سلطان
تمام لا تبلشي تحقيق معها اني اتركيها لاجي خليا ترتاح بغرفة زمرد
فتحية
ماشي ابني ماشي
سكرت الخط واطلعت بجنات
اطلعي ارتاحي بغرفة زمرد يابتتي
جنات
معلليش مابدي غلبكن انا باخد نزل بالاوتيل
ضحكت فتحية
هون مافي اوتيل بعدين انتي ضيفتنا ولوو
طلعت جنات مع زمرد واعطتها تختها تنام عليه
جنات كانت تعبانة ونامت بلا ماتحس
__________^^SANAÀ ^^________
المسا حست عحالا انها نامت كتير فتحت موبايلا لقت اكتر من مكالمة من امها
جنات:اففف كيف هيك راحت عليي نومة
دقت لامها انتبهت عوجود زمرد بالغرفة
ابتسمتلا :صح النوم ماحبيت فيقك
جنات:يصح بدنك
انا بدي اطلع عالبرندة احكي مكالمة عن اذنك
زمرد خدي راحتك انا نازلة شوف امي اذا بدا مساعدة بالعشا
طلعت جنات عالبرندة وسكرت الباب
دقت لامها....
امها:لك بنتي ليش ماطمنتيني
جنات:امي ميف كيف بابا طولي بالك علي
امها:نطف قلبي عليكي لو مادقيتي كنت رح احجز واجي لعندك
جنات بخيبة امل
اني مافي داعي جدي مو بالضيعة مسافر وبدو اسبوع ليرجع
امها رح اسال ستكستك وردلك خبر شو تعمل
جنات:امي طمنيني عن بابا
امها تنهدت: والله عحالو يابنتي مافي تحسن...
جنات :ماشي ماما انا ناطرة منك مكالمة
امها :مااشي ديري بالك عحالك ياضو عيوني
جنات:ماشي وانتي ديري بالك عحالك وخواتي وبابا طمنيتي عنو اول باول
سكرت الخط انتبهت انو في سيارة دخلت عجنينة القصر نزل منها سلطان ركض واحد من الحراس واخد منو مفاتيح السبارة كمل مشيو باتجاه القصر كل الحراس عم تاخد مواقعها اتنين قربوا لعندو وكانن عم ياخدو تعليمات منو
ابتسمت جنات ....كانك جدك متل ماكانت تيتا تقلنا عنو...شخصيتك شو مهيووبة
انتبهت انو انتبه عليها وحست بلدعة البرد اشرلا تفوت...فاتت وسكرت الباب وراها
فاتت جنات عالاوضة غسلت توضت ولبست توب صلا كان محطوط عالصوفا خلصت صلاة وقعدت تدعي لابوها بصوت مسموع
سلطان كان طالع عغرفتو استوقفو الباب المفتوح وسمعها وهي عم تدعي
"ياارب لا تحرمني اياه انظرلوا بالشفا والدوا حنن قلب جدو عليه ياارب ياارب خد من صحتي واعطي مد بعمرو ياارب لاتحرمنا منو ما النا غيروو..يارب"
سلطان كمل مشيو فات عغرفتو وكلامها لسعو ببالا
معقول معقول تكوني بنت عمي عماد ...اكيد مافي تفسير تاني...ابتسم واطلع بالمرايا
بس مابتشبهي حدا من هالعيلة عيون رمادية وملامح ناعمة ...شكلك شبه امك...
اندق الباب....ادخل
زمرد فاتت مبتسمة مسا الخير اخي
سلطان مسا الخيرات
زمرد امي بتقلك صار العشا
سلطان مااشي..جاي نادي للضيفة
زمرد ماشي اخي
سلطان لحظة زمرد بدي اسالك هي شو اسمها
زمرد:اسمها جنات هيك حكتلي
سلطان ابتسم وهز براسو...طيب حكتلك شي تاني
زمرد:لااء بس لما كانت نايمة كانها هدست باسم ابوها
سلطان حكت اسمو شي
جنات:لااء بس كانت تقول بابا
سلطان ماشي روحي انا جايي ندهيلا خليا تاكل
زمرد اخي هي سالت عن جدي ولما قلنالا مو هون كانت بدا تمشي بس نحنا اكدنا عليها لتجي انت
سلطان ماشي روحي
طلعت زمرد من عند اخوها ودقت الباب عجنات
زمرد:تقبل الله
جنات:منا ومنك
زمرد:جناات تفضلي كلي معنا العشا جاهز
جنات:تسلمي بس عنجد ماإلي نفس
زمرد:له شو ما الك نفس الك واصلة من قريب الضهر وما اكلتي شي بعدين انتي ضيفة السلطان لازم تاكلي ونقوم بواجبك
جنات كملت حكيها وهي عم تطوي توب الصلاة:اف اف سلطان سلطان ليش كل هالقد بتخافوا منو !!
زمرد ضحكت:لك مو خووف موو خوف بس احترام هيك تعودنا
جناات حطت ايدها عراسها..:ليكي زمرد جيبيلي حبة وجع راس لان عنجد راسي دبحني وما الي نفس
زمرد:طيب متل مابدك...بس لعلمك سلطان مارح يقبل انك ماتتعشي
نزلت جنات اخدت كاسة ماي وحبة دوا وطلعت عالدرج شافت سلطان نازل
سلطان:لمين ماخدة الدوا
لجنات مانا حاسنة راسا واجعها وما رضيت تنزل تاكل
سلطان:هااتي هالدوا انا بعطيها اياه نزلي انطروني عالاكل
زمرد باستغراب :اخي انت بدك تعطيها
سلطان اخد الدوا ومشي...متل مانك شايفة
وصل عالغرفة دق الباب
سلطان:جناات انا سلطان ادخل
جنات عدلت جلستها خست حالا متلبكة ^اف شو جابوا هااد..وليش انا متلبكة^
سلطان :جنات سامعتيني
جنات:اي اي تفضل
سلطان فات:مسا الخير...تفضلي هدا الدوا...
جنات :مسا النور...كان فيها جنات تجيب الدوا مافي داعي تعزب حاالك
سلطان هدا الدوا بس مافي تشربي هلا رح يضر معدتك...بتنزلي بتاكلي وبتاخدي دواكي
جنات:شكرا بس ما الي نفس...بعدين انا ضيفة ومابدي تقل عليكن
ضحك سلطان :هلا انتي ضيفة...بتوقع انتي من اهل البيت...يابنت عمي
جنات توسعت حدقة عينها فتحت عيونها واطلعت فيي باستغراب:انت ..انت شوو
عم تحكي(اتزكرت وصية ستها لالها انها ماتخبر حدا عن ستها ولا انها بتعرفها حتى ماتنأذى من بيت ضاهر ولانو سر ومخبى)
سلطان تجاهل سؤالا حط ايديه بجيابو وركى حالو عالباب:يااترى كيفو عمي...بتوقع صحتو تعبانة ولهيك انتي جاية تشوفي جدي كرمال يرضى عنو ويصالحو
جنات بلعت ريقها وقفت وقربت منو اطلعت فيي بتدقيق وعيونها حيرانة:انت انت شو جن ولا انس شو عرفك بكل هالكلام...
سلطان سرح بعيونها حس بصدمة كهربا وكانوا محتار او غريق....ادارك الامر وبعد عنها...فتح الباب ....وحكى هو وداير ضهرو لالها:انا نازل وبدي تكوني وراي الكل ناطرك بعد العشا بنحكي هدا الكلام خلي بينا
تركها وطلع....حطت ايدها عراسها...اااف شو هااد من اول لحظة عرف عني كل شي...لك تيتا وصتني ماقول لحدا الا لجدو...رن موبايلها اطلعت فيي تنهدت لما شافت اسم امها
جنات:اي ماما...
ستها:انا ستك ياجنات خبرتني امك بيلي صار خليكي عم تستني طدك ليرجع ولا ترجعي الا وهو معك...او لحتى تحاكي وتفهمي الوضع
جنات تنهدت:حااضر تيتا بس في شغلة سلطان عرف عني مل شي
ضحكت ستها:قصدك سلطان ابن عمك!!...هدا جدو التاني اكيد رح يعيعرف عنك كل شي..هدول بيت الراشد ياستي مابتهبا عليهن شي...عكلا اذا سالك عن امك بتقولي انو جدك تبرا من ابوكي لانو تزوج بلا علموا...ولا تجيبي سيرتي او انك بتعرفيني هيك جدك مخبرهن وخليكي عهالكلام
جنات صفنت شوي:حااضر تيتا...
ستها سكرت الخط:ااخ يابنتي الله يكون بعونك...هدا سلطان نسخة عن جدو كل شي وماتصيبك لعنة حب السلطان
جنات سكرت الخط اطلعت بالمرايا...تزكرت لون عيونوا...
:استغفر الله انا بشو وا شو..لازم انزل هلا
نزلت عالعشا كانت الطاولة كبيرة عراس الطاولة فاضي وعاليمين سلطان ومقابيلو امو جنبها زمرد وجنب سلطان اخو جواد
جنات:مسا الخير
الكل مسا النور ....سلطان اطلع فيها نظرة فزت عليمي وخلتك تنزلي...جنات فهمت هالنظرة قعدت جنب زمرد
جنات:مع انو ما الي نفس بس ماحبيت رد طلبك زمرد ونزلت اتعشا كرمال واجبكن...
سلطان رفعلا حاجب ....:تفضلوا كلوا
بعد الاكل وقف سلطان واطلع بجنات:جنات خلصي اكل ولحقيني عغرفة المكتب
جنات عم تطلع بصحنها وتلعب بالمعلقة:ماشي
زمرد قربت منا وهمست:شوو بدو منك اخي نياالك عهالاهتمام وغمزتا
جنات تلبكت:ش شو اهتمام شوو...بدك تسالي اخوكي والله
تركت الاكل ...مشيت رجعت وقفت
عفوا ب وين المكتب..!!
زمرد انا جاية دلك...
دقت الباب وفاتت كان قاعد ورا مكتبو..عم يقلب بالاوراق..
جنات فاتت ...صفنت فيي شوي واطلعت بالمكتب :احم احم
سلطان رفع عيونوا عليها سكر الاوراق واطلع فيها
جنات اي شو بدك سلطان بيك كل شي وبتعرفوا شو حابب تسأل اذا عندك كل معلوماتي..
سلطان: كأنك مستلمتيني من اول ما اجيتي انتي ليش هيك نكدية ...بعدني ماسالتك حتى
جنات:لا تسال انا ليش هيك لو بتعرف شي يلي انا عايشة فيي مابتسال
سلطان:بفهم انك حاقدة على جدي
جنات استغربت واطلعت فيي:نعم عفواا..ليش لاحقد عليه
سلطان:مافيتي اسمحلك تصلي لجدي الا لتحكيلي كل شي..
جنات وانا مافيني قول لشي الا ليصل جدي
سلطان ضرب القلم يلي بايدو عطاولة:لا تجادليني شلكلك مابدك توصلي لنتيجة ...ابوكي بين الحيا والموت وانتي معندة ومكبرة راسك
جنات غرغرت الدمعة بعينها:شو قصدك!
سلطان غير نبرت صوتوا فتل وقعد عالكرسي يلي قدامها:لازم تحكيلي كل شي ..لازم ساعدك
جنات تنهدت:رح اوثق فيك....اي انا متل ماقلت انا بنتو لعماد يلي هو عمك مبارح عمل حادث وحالتو بخطر عمل الحادث لان كان جاي عالضيعة وعالطريق اصطدم بشاحنة وهو بالعناية...انا بدي جدي يرضى يجي معي عالمشفى...سلطان اوعدني تساعدني بابا حياتو بخطر...نزلت دمعة من عينها...
سلطان وقف مسح ايدو عوجهو...واطلع فيها وحكى بصوت مخنوق حااج تبكي رح ساعدك..بس ابوكي وين كان كل هالسنين ااى ليش ماحول يصلح غلطو ويرجع يصالح جدي.!!
جنات مسحت دموعهاا...غيرت نبرة صوتها...بتحب تساعدني بكون منيح ماابدك لا تجي تلوم ابي...ابي حاول يصالح جدك وجدك مارضي...هلا لازم تهليني اتواصل مع جدي خليي يرجع...
سلطان تنهد:مافيني خليكي تتواصلي معو....جدي بامريكا عم يعمل عملية خطيرة للقلب...هلا حاليا تحت المراقبة اي ضغط او توتر ممنوع...
جنات:يعني مافيني شوفوا
سلطان:لازم تنطري قريب الاسبوع ليعدي هالمرحلة....
جنات:وبابا..
سلطان :هوو وين بانو مشفى...لازم ننقلوا عمشفى منيح وانا رح اتكفل بكل شي لازم نضمن انو يقوم بالسلامة
جنات:برابوو سلطان بيك انا مو جاي اشحد منك تكاليف علاج بابا
سلطان عصب عيونو حمر وعروقو بارزين:لك انتي ليش مخك يابس...جدي لو عرف انك اجيتي لهون كان رح يعمل نفس هالشي ماكان رح يترك ابنو يموت ياانسة...
جنات غمضت عيونها:ماابظن..كل هالسنين وحاقد عابي مو رضيان يرضى عليه..
سلطان:جدي قلبو حنون ....ولعلمك قبل مايسافر طلب يشوفوا بس نحنا دورنا عليه ومالقينا الو خبر ولا عرفنا وين اراضي لابوكي...جدي مو سيء ياجنات جدي كان ناطف قلبو عليه
جنات وقفت ومصدومة:انت عم تحكي جد
سلطان حط ايديه بجيابو ارتكى عالمكتب :شو رايك ..انا مابحكي غير جد..
جنات صارت تنط بارضها وبلا وعي حضنت سلطان...
سلطان تفاجئ من ردت فعلا وما ابدا اي حركة
جنات وعيت عحالا و
جفلت وبعدت عنو قلب وجها عاحمر من الخجل ...انا انا عنجد اسفة...بس بس
بعدت عنو...عنجد مبسوكة مابتتهيل فركة ابي لما حكينالو انو جدي رح يحي يشوفك الدكتور قال انو تحسن بنسبة كبيرة..
سلطان هز براسو وعيونو مو عليها وقف ورا المكتب...مو مشكلة روحي نامي هلا وانا بشوف شو رح اعمل لبكرا الصبح
جنات ماشي..تصبح عخير
سلطان :تلاقي الخير
طبعت وجها احمر...عم تحاكي حالا العمى شو اني جدبة كيف هيك بعمل شو رح يقول عني هلا عمي ماعم عرف يربي بناتو...اووف
وصلت عالاوضة لقت زمرد قاعدة وعم تقرا كتاب
رفعت عيونها زمرد....يووه جنات ليش هيك وشك احمرر..
جنات ااى ولا شي
ضحكت زمرد:هههه شكلو جاذبية اهي بلشت تأثر فيكي
جنات:نعم جااذبية مين
زمرد ضحكت:جاذبية السلطان
ضحكت جنات شو رايك تنامي بلا تخاريفك مو رايقتلك هاا
زمرد:ماحتقوليلي ليش جاية لعنا....ش في بينك وبين اخي
جنات: زمرد افهمي بقا بيني وبين سلطان مافي شي انا بدي شوف جدي سلطان مو سلطان اخوكي
زمرد فتحت عيونها على وسعهن:شو شو قلتي جدك يعني انتي بنت عمي....اكيد بنت عمي عماد يلي محدا بعرف عنو شي ماا...واسمك جنات كمان عاسم ستي...وقفت وصارت تنط عتخت
يايي
جنات تلفتت حواليها لك اسكتي نزلي فضحتينا
قعدت زمرد: قليلي صح ولا صح استنتاجي ضحكت جنات صح يابنتي صح ههه يالله شو انك مهضوومة بس مارح قلك شي هلا تعبانة وبدي نام بكرى عندي نهار طويل
زمرد تعي نامي جنبي هلا
جنات اوك
بغرفة سلطان تسطح عتختو حط ايديه تحت راسو..وابتسن تزكر كيف ضمتو...رجع اتجلس استغفر الله العظيم لك ليش هالبنت علقت ببالي هييك...افف حدا بشوفها ومابتعلق فيها...ابتسم وغمض عيونوا
تاني يوم فاقت جنات من بكير ونزلت مع زمرد عالفطور كان قاعد الكل وعم يستناها
زمرد وجنات صبااح الخيير
سلطان ابتسم صباح النور
فطروا وقعدوا بالصالة...سلطان اطلع بجناات
جنات هلا جاين بيت عمي جابر لازم تتعرفي عليهن وبعدا رح نطلع عالمشفى
جنات :بس انت ماقلتلي هالحكي مبارح...وجدي لازم شوفوا
سلطان:جدي بدو اسبوع لي جع انا حاكيتون وعرفت انو وضعو بعدو حرج مو خرج هلا نخبرو
جنات هزت برلسا بعد شوي فات جابر وابنو اياد ومجد وبناتو ياسمين وسارة ومرتو سلموا وقعدوا الكل كانت عيونهن عجنات...سلرة همست لياسمين من هيي الالعمى مو تاركا حلا لحدا
ياسمين اسكتي هلا
جابر اطلع بسلطان:خير عمي ليش جبتنا
سلطان في شي ضروري صار ولازم تخبرو فيي
جابر شو هوو عمي...اطلع بجنات ومين هالضيفة
سلطان هي مو ضيفة هي جنات بنت عمي عماد
حاالة صدمة من الكل ....
جابر بلع ريقو واطلع فيها قرب منها وفي بعيونوا دمعة رجع اطلع بسلطان:سلطان انت عم تحكي عنجد
سلطان اي عمي عم احكي عن جد ...
جابر ضمها لجنات وبكي رجع اطلع فيها :شو بتشبهي امي ياجنات...متزمرا خيالات بس هلا كاني شايفة قدامي....
جنات حست كانو ابوها يلي ضمها
حالة من الترحيب والفرحة فيها
جابر اطلع بسلطان خبرت ابي ...صخيح وين ابوكي يابنتي...سكتت جنات
سلطان :كاخبرت جدي لان وضعو مابساعد ...وانا هلا طالع مع جنات عبلدون شوف عمي ومابطول اباد لازم ياخد الشغل عني ديرو بالكن ...وعمي كمان مابدي وصيكون...وجدي مالازم يخبر شي
جابر:لييش ياسلطان هو رح يفرح كتير برطعة عماد
سلطان:عمي عماد عامل حادث وبالمشفى لازم روح شوفوا هلا مابدي اتركوا بهالوضع وشغلة تانية جدي وضعو حرج
جابر بدهشة:خيير فيي شي شبو ابوكي يابنتي
جنات حكت القصة للكل والكل تعاطف معها
سلطان اطلع باياد:اياد مابدي وصيك
اياد:لاا تاكل هم روح وانت مطمن وطما عن عمي عماد
جابر:خليني روح معك ياعمي
سلطان:عمي مابدنا نترك الضيعة ونطلع انت بتعرف عداوتنا مع بيت الضاهر ...ومابدي يصل خبر لالهن انا وين
جابر:ماشي
ودع الكل وطلع جنات وسلطان
بسيارة...
جنات دقت لامها وخبرتها مين جاي معها امها رحبت بالغكرة بعد ما شاورت ستها
سلطان عم يطلع عالمرايا وكانو في شي
جنات انتبهت عليه:سلطان شوفي كانو في حدا ملاحقنا
سلطان:ايي جنات شكلون الكلاب بدهن يستهدفونا لا تخافي جنات شو ماصار انا في وراي حراسة كنت متوقع هالشي
جنات:شو مستهدفينا ومين هدول سلطان...!!
قطع عليهن صوت رصاص انفتح عسيارتهن قطعوا طريقهن وقفوا بوجهن اسلحة من كل مكان مصوبة اتجاهن
سلطان :جناااات نزلي بالارض و احمي راسك بايديكي لاتطلعي لو شو ماصار....
جنات:سلطاان لاتنزل ...مسكت ايدو ...لا تنزل بترجاك
سلطان اطلع بعيونها :جناات وثقي فيني
نزل وضرب باب السيارة مصوب اسلاحو عليهن:شوو ياكلاب الضاهر شوو بدكن
واحد منهن:بدنا البنت يلي معك...وبلا اي نقاش
سلطان تفاجئ معقول بدهن جنات !!
جنات حطت ايدها عتمها ....ولي شوبدن مني
سلطان :فشرت بنص عينك ولك ...روخ احكي للي بعتك نحنا لحمنا مر ومابنتاخد غدر
فجأة طلع صوت قوااس...جنات معد وعيت عشي
رجال سلطان حاوطوا المكان وقتلوا الرجال يلي كانوا عم يهددو سلطان
اياد قرب لعند سلطان شوو سلطان شو بدهن هالكلاب هالمرة....!!ليك هربوا الكلاب
سلطان توقعت يكونوا مستهدفيني لالي...بس كانوا بدهن جنات...شفت توقعت يترصدولي..
اياد جنات وينها
سلطان انتبه عسيارة...وصرخ جنات...فقد عقلو لما شافا مغمي عليها بلا حركة
ركض عالسيارة فتحها وطالعة منا صار يطلع فيها بكل مكان خايف تكون تصاوبت...عم يصرخ جناااات جناات فتحي عيوونك
أياد استغرب ردة فعلوا لسلطان...:شبك سلطان هدير شكلا البنت اغمي عليها ما استحملت تشوف هالمناظر...برلي خدها واطلعوا بسيارة تانية..قبل ماتصحا وتشوف هالدم كلوو...
سلطان هدا حالوو...معك حق
صرخ عرجالو جيبولي سيارة وحضرو سيارة مرافقة وناس تطلع معي..اطلع باياد دير بالك اياد ونضف هون وفتح عيوونك بالضيعة
اياد :لا تاكل هم
سلطان حمل جنات وحطها بسيارة وطلع جنبها
قرب اياد من شباك السيارةابتسمولوا
اطلع فيي سلطان :شبك عم توزع ابتسامات
اياد:واوالله شكلك وقعت يا صاحبي
ضحكلوا سلطان مو انا يلي بوقع ياشريكي
اياد:شكلا بنت عمك اخدتلك عقلك...دير بالك ياسلطان جدك مارح يقبل بهالحب
سلطان اطلع فيي بنظرة تحدي:شكلك عم تخرررف يا صاخبي مو سلطان يلي بيوقع وبوقع الناس معو انا الايد يلي بتمسك ايدي بعمرا مابتقع سلااام...
اياد عم يطلع بسيارة سلطان :فيك تكذب عالكل الا عليي ....سلام ياصاخبي سلاام
قريب المشفى فتحت عيونها جنات عصوت سلطان
اطلعت حواليها واطلعت فيي:سلطاان شوو صاار انا وين...
سلطان ضحك :انتي بالجنة
جنات:بالله وانا شو عم اعمل معك اذا كنت بالجنة
سلطان:مو عاجبك لاكون..
جنات:هههه لا بس شو عم تعمل بالجنة لسا هلا كنت عم تقتل بالناس...
سلطان:شكلك كاينة تحلمي
جنات :عم تستغبيني سلطان .....مين كانوا هدول
سلطان:قطاعين طرق بيخطفوا البنات
جنات:عم تحكي عن جد
سلطان:ايي جد
ببيت ابو نورس الضاهر
ضرب ابنو كف..
:لك انا شو قلتلكون بتقتلوا البنت...ااى ....بدك يرجع عماد ويتصالح جهاد مع ابو داغر ويفتحوا الماضي...لك نحنا بننمخى فهمان
فاتت اختو:لاا يا ابو نورسانا عندي خطة تجيب اخرتون وترجعلي حقي عالاخر
ابو نورس:قول سامعك
قعدت ووجهت كلامها لاخوها:بتروح بتعمل صلحة معون وبتخطب وحدة من بناتهن لابنك نورس
ويوم عرسها بتقلعا وبتحكي انها بلا شرف
ابو نورس:انتي شوو عم تخبصي بدك ابو داغر يدبحناا شكلك خرفتي والانتقام عنى على عيوونك
اختو :عندي حل تاني سلطاان الصغير
أخوها:شبوو
:بتزوجوا بنتك نور...على عيون الناس ويوم العرس بتقلعوا وبتهينوا
ابو نورس:جبتيها هدا الحل
وصلوا عالمشفى
سلطان :حااج تنقي ليكنا وصلناا
جنات:ماافيك تضحك عليي قال خطافين
سلطان رح اشكيكي لعمي بس نوصل
ضحكت جنات:ياعمري يابابا
سلطان :نزلي يلاا
توجهوا عالعناية لقوا امها قدام الباب
ركضت جنات وحضنتها
امها:الحمدلله عالسلاامة يارووح امك...اشتقتلك
كيفك؟
جنات:وانا اشتقتلك ياروحي...كيفو بابا
لينا:الحمدلله حكى الدكتور انو وضعو بتحسن...بس مين هاد يابنتي
جنات اطلعت بسلطان وابتسمت
قرب سلطان :مرحبا كيفك مرت عمو انا سلطان داغر الراشد...وعماد بيكون عمي
ابتسمتلو لينا :اهلن يا ابني ماشاء الله صاير شب
سلطان:تسلمي مرت عمو
من بعيد كانت واقفة ستهون وعم تطلع فيه حبست دمعة من عينها...:شبه جدك بكل شي..يالله شو حابة ضمك تقبر قلبي عهالشخصية
تركتهن وطلعت متل ماكانت متفقة مع لينا
سلطان :مرت عمي انا بدي انقل عمي من هون خلينا ناخدو عمشفى احسن
لينا:ماافي داعي يا ابني هلا عمك مابتساولوا الحركة...لازم يضل هون
سلطان:خايف مايعملوا الازم
لينا: فيك تحاكي الدكاترة وتطمن
سلطان:ماشي..عن اذنكن
لينا:شو صار جنات
جنات:محدا عرف انو تيتا هي عمتك لا تقولي قداموهن شي
لينا:مااشي
بعد شوي اجى سلطان مع الدكتور وفات لعند عماد
اطلع فيي شافوا مبين عليه التعب الاجهزة بكل مكان من جسمو تنهد وقرب:مرحبا عمي انا سلطان...اي لا تستغرب سلطان ابن اخوك داغر
جدي بعتني اطمن عليك...هو هلا مسافر وماهان عليه بيلي صار فيك ورح يجي لهون باقرب وقت دورنا عليك كتيير ياعمي بس ماكنا نلاقيك...وهلا ارجعلنا بناتك ونحنا بحاجتك وجدي بحاجتك اشتقلك كتيير..وبعدك عنو عم يتغبو
جدي دوما بحكيلنا عنك انك رجال فتح عيونك وارجعلنا ياعمي
اشرلوا الدكتور انو يطلع
عالباب كانت جنات وامها
امها شو صار طمني يادكتور في تجاوب
الدكتور في تجاوب وكتير منيح الحمدلله ان شاء الله انو بفيق عن قريب وبستغيد صحتو وعافيتو ادعولوا
جنات وامها ياارب
امها اطلعت بسلطان شكرا الك يا ابني والله انانك اصيل وبتتقل بالدهب
سلطان ولو يامرت عمي...هدا عمي من ريحة جدي وابي..وبعمرو الدم ماصار ماي...
جنات:ماما روحي ارتاكي واطمني عاخواتي
لينا:لاا يابنتي روحي انتي واطمني عليهن مارح اترك ابوكي انا
جنات:ماشي ماما...
سلطان:وصلك؟
لينا:بكون كتر خيرك والله يا ابني
سلطان :يلا شرفي ست جنات صرت الشوفير تبعك
ضحكت امهاا
جنات:والله انت يلي عرضت خدماتك انا شو دخلني
الكل:هههههه
وصلوا عالبيت...شكرت جنات جارتها لانها اعتنت برفاه وحياة
بصالون بيت عماد
سلطان عم يطلع بالبيت قديشو متواضع
قاعدة جنات ورفاه وحياة ضامينا
رفاه:اشتقنالكون جنات كيف بتتركونا هيك ااى
حياة:جنات شو صار ببابا
جنات بوست راس اخواتها:بابا كتير منيح وبدو شي يومين وبي طع لهوون...هلا قلولي مانكن جوعانين
رفاه وحياة مبلا وبدنا معكرونة سباكيتي من يلي بتعملهن ماما
جنات افف يلا بشوف بركي بطلعوا معي متلها
سلطان عم يقلب بموبايلو:كمان مابتعرفي تطبخي
جنات:انت هلا ضيفنا مارح رد عليك
سلطان:كتر خيرك والله فضلتي عليي ضحكوا حياة ورفاه تركتون جنات وراحت عالمطبخ
حياة اطلعت برفاه وضحكوا انتبهلون سلطان :شو عم تحكوا ياحلوين
رفاه اختي خياة عم تحكي انك حلوو كتيير
ضحكلا سلطان ههه اي طبعا انا حلوو كتييير..وكل البنات بركضوا وراي..
حياة:افف كل هااد..
رفاه:انت متل اختي جنات كمان كل الشباب ب كضوا وراها بس هي بضل عاملة متل زورو..
سلطان صفن بكلامها :اممم انتي اخلى من جنات عفكرة
رفاه يااي جناات تعي سمعي شو عم يحكي سلطان انا احلى منك
جنات لابسة مريول المطبخورافعة شعرا وبايدا معلقة الطبخ وقفت عالباب:بالله يلا منيح انتو الاتنين بشعين..رايكن واحد قلبت عينها بايده وطلعت لسانها تجاكرون
سلطان متفاجئ بح طاتا الطفولية :ههههههه لك مجنونة عم تعملي حركات الاطفال
ههههههههه
جنات:اصلا مابهمني رايك
حياة:لاا كلامكن مو صح...انتو الاتنين خلوين ولابقين لبعض كمان...سلطان فيك وتتزوج جنات هيك بتصير اخونا ...وبضلك تجي لعنا
سان تفاجئ من كلامها
جنات بعصبية:حيااااة...انتي صار لازمو لسانك قص والله لاشكيكي لامك تعي لاقلك
حياة خافت واحتمت بسلطان:سلطان خبيني منها
سلطان ضحك:الله يكون بعونك ياعمي عندك تلت اطفال شو بدك تعمل بحالك...كيف مستحمل...خلص جنات عييب عليكي ماحكت شي البنت
جنات رح شوف الطبخة وراجعتلكن
رن موبايل جنات
جنات:اي ماما....عنجد ....يالله الحمدلله ياارب
اي اي اكيد جايين...اي ورح جيب رفاه وحياة
سكرت الخط اطلعت بسلطان بعيوون فيهن دمعة فرح:سلطاان
سلطان وقف :خيير جنات شو صار
جنات:بابا بابا صحي
صرخوا رفاه من الفرحة
سلطان :عنجد عم تحكي يلا لكن خلينا نمشي
جنات:يلا
بالمشفى
عظاد نقلوا عغرفة عادية لانوا وضعوا استقر
لينا:الحمدلله عالسلامة ياعمري
عماد:عنجد يلي سمعتو يالينا عنجد سلطان ابن اخي هوون...ابي رضي عليي
لينا حكتلو القصة كلا وعماد انبسط من جنات
وصلت جنات وسلطان ومعهن رفاه وحياة
السلام عليكم
ركضوا جنات وخياة ورفاه عابوهن..باسوا وسلموا عليه
عماد:الحمدلله اني صحيت وشفت بناتي الحلوين اطلع بجنات:بنتي عن الف رجال بضهري الله يخليلي اياكي
سلطان واقف عالباب ومبتسم
اطلع عماد عليه:انت اكيد سلطان تعا لضمك ياعمي تعا لشم ريحة الغوالي فيك
فات سلطان باس ايد عمو وباس راسو وحضنوو
عماد:اااخ ياريحة الغوالي
سلطان ان شاء الله رح تجتمع فيهن كلهن من شوي دقولي بالبيت وقالوا انو جدي وابي حاجزين بكرى يعني بدهن يومين وبكونوا بالبلد
عماد:ابي عنجد انو طالب يشوفني
سلطان اي عمي كل شي سمعتو صح
عمتاد:الحمدلله اني عشت وشفت هاليوم...
فات الدكتور:ماشااء الله...لاا صحت مريضنا صارت عال العال...الحمدلله عالسلامة
عماد:الله بسلك يا دكتور ويجزاك الخير ماقصرت
اكتور:هدا واجبنا
سلطان:طمنا دكتور شو وضعو هلا فينا نخرجوا
الدكتور :هلا لاء بدو مراقبة اربع وعشرين ساعة
لنطمن عليه
عماد:دكتور انا اذا ضليت هون رح اختنق خليني اطلع
#يتبع
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```