الفصل 2
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *سلطان.قلبي.tt*
*❴🔢❵☟الـــبـــــــــــ❴2️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#سلطان_قلبي
#بقلمي_هازار المحمد
#الجزء_الثاني
بعد ساعة...ببيت ابو داغر
الجد سلطان قاعد وصافن بالأرض رجع بالزامرة قبل وقت طويل...عرس فيي جنات وسلطان بس جناتو لالو بعدو متزكر ملامحها اديش كانت حلوة واديش كان يحبها هو بس هي كانت تكرهو او هو هيك كان موهوم...تزكر كيف تحدا الكل لياخد بنت عمو جنات يلي جننت قلبو بهداك الوقت...
طلعت منو ااايه وتنهيدة لا اراديا لفتت انتباه الكل يلي حوالي داغر وجابر وسلطان وكم رجال من يلي راحو معهن
داغر:خير ياابي شو في
سلطان قام مفزوع وقعد جنب جدو في شي جدي حاسس بشي قلي
جدو ابتسم:لك شبك يا ابني انا كتير منييح بس تزكرت قصة قديمة
قطع حديثن رنت موبايلو لابو داغر ابتسم لما شاف المتصل غماد
:ايي عماد
عماد:كل شي جاهز يابي تفضلوا هلا لعنا
توسعت ابتساامة ابو داغر وقف :خمس دقايق وبنكون عندكون.....الله يرضى عليك ياعماد انت ومرتك وبنتك
الكل فهم من كلامو انهن وافقو عالزواجة
داغر:شو يابي
ابو واقف وعم يطلع بالكل حكا بصوت واثق من حالو:العروس وافقت يلا ياجماعة خلينا نروح نجيب العروس يلي بتستحقو لابنا سلطان اليوم رح يكون عرس جنات وسلطان
الكل وقف منهن مبسوط ومنهن مو عاجبو الوضع
سلطان غمض عيونو غص عقلبو انو جنات ماتكون موافقة عليه وتنجبر هو مابو يتزوجا بهالشكل
ابو داغر : شو ياسلطان ماتقوم
سلطان:معليش جدي في حكي لازم يصير بينا خليهن يروحوا ونحنا بنلحقهن
ابو داغر:متل مابتحب ...يلا ياجماعة اسبقونا ونحنا لاحقينكن
ببيت عماد
كانت جنات عم يحطولا للمسات الأخيرة هي بعدا مصدومة مو مسدقة كل هالشي يلي صار وبهالسرعة تزكرت سلطان استغفرت ربها...
الكوافيرة:ماشااء الله اسم الله عليكي.....مابدك مكياج عروس بلا مكياج
مصممة الفستان:عالقالب خزات العين الفستان لو مصمم لالك مابطلع حلوو هيك
امها:تسلمولي ياارب...هدا من زوقكن
"يلا نحنا بنستأذن
رفعت عيونا اطلعت بالمرايا وابتسمت ابتسامة وجع اطلعت بخواتها كانوا واقفين ومذهولين
حياة ورفاه قربو وضموها:يعني هلا خلص بدك تروحي وتتركينا
ضمتن جنات:عييون اختكن انتو
امهن مسحت دمعة نزلت من عينها قربت ضمت بناتا:خلص يابنات يلا بعدو عن اختكن ليتغير مكياجا وينتزع
حياه :ماما ليش هيك صار معقول اختي تصير عروس بهالسرعة
رفاه:اي ماما حرام
امهن اجت لتحكي قاطعتا جنات:حبيباتي القصة مو هيك انا كنت بعرف وموافقة بس هي مفاجأة كانت
رفاه وحياة اطلعوا ببعض وضحكو:ياسلام يعني اختي انتي مبسوطة
جنات حطت ايدا عخصرا وقلبت عينا وطلعت لسانها مجاكرة باخواتا
:طبعا مبسوطة انا صرت عروس قبلكن
الكل ههههههههههههه
حياه:اصلا انا مابدي اتزوج كل عمرنا ١٥ سنة
رفاه:ياجدبة جنات عم تمزح معنا...وطبعا نحنا بدنا نكمل دراستنا متل اختي جنات
جنات عدلت وقفتا اطلعت فيهن وابتسمت
امها:يلا يا بنات اطلعوا لبرا في كم كلمة لازم احكيهن مع اختكن
حياه افف ماما لسا هلا كنتي عم تحكي معها خلينا شوي مع اختي
رفاه:اي ماما خلينا
جنات:ياحبيبات قلبي اسمعوا كلام ماما
امهن:يلا يابنات ماضل عنا وقت
طلعت رفاه وحياه...أمهن سكرت الباب ورجعت لعند بنتنا قعدت جنبها عالصوفا ومسكت ايديها
لينا:طول عمرك عقلك وازن وبتخسبيها صح فهمت ليش هيك قلتي لاخواتك مابدك يحسو بالشفقة ويغيرو نظرتن لالي انا وابوكي او يكرهونا
جنات نزلت راسها وقفت دمعا عطرف عينها حكت بصوت مبحوح: المشكلة انك بتفهميني يا امي من نظرة عيني كيف وافقتي عهالزاجة ااى
أمها:ااي حبيبتي يابنتي لازم تفهمي انو هالشي لصالحك واني انا وابوكي بنفهم عليكي لا تعترضي عشي لسا ماشفتي خيرو من شرو
جنات رفعت عيونا واطلعت بامها:خلص أمي مشي الحال عهالحكي .....الزواجة رح تم
أمها:انا بدي انتي يلي تكوني موافقة انا بعرف شوفي بقلبك يابنتي
جنات باستغراب ولانك بتعرفي كيف قبلتي بهالزواج ااى ماما فهميني!!
قطع حكيهن الصوت يلي احى من برا صوت زمامير وطبل
أدق الباب وفات عماد:شو صار معكن وصلوا ....
أمها كانت بعدا عم تطلع بجنات حست انو جنات فهمانة شي غلط...اجت لتحكي قاطعا عماد
عماد:يلا يابنتي
جنات وقفت وعيونها بالارض انا جاهزة بابا
ابوها قرب منها وباسا عجبينها ورفعلا راسها
:ارفعي راسك يابنتي الله يرضى عليكي رضا قلبي وربي متل مارفعتيلي راسي
جنات ابتسمت...ابوها نزلا الطرحة عراسها ومسك ايدا ...اطلع بلينا:شبك يا لينا يالله تأخرنا
لينا:يلا يلا
طلعوا من الغرفة ونزلوا من عالدرج جنات الطرحة نازلة عوجها وكاب عايديها مغطاية ومو مبينة جنبها ابوها وامها وراها خواتها قدام البيت كان داغر وجابر وكم رجال كانوا عم يستنو تنزل وبعاللحظة وصل ابو داغر نزل من سارتو وابتسم لالهن
داغر قرب من ابو:شو ياابي وين سلطان
ابو داغر:سلطان رح يسبقنا عالحفل انت شو بدك خلص لا تاكل هم
رجال واقفة والكل مستغرب ومتفاجئ بالحنكة يلي عند ابو داغر وكيف مشى هالزواج بهالسرعة طبل عم يدق والاضوية ملا مسلطة عمدخل بيتو لعماد...نزل عماد وصل لعند الرجال وابوه واهواتو الواقفة وماسك ايد بنتو....
ابو داغر :الله يرضى عليكي يابنتي..يلا خلينا نروح عالحفل...عبركة الله
جنات مسك ايدا عمها والايد التانية جدها ركبت بالسيارة المزينة ومعها جدها وعمها
ابوها وامها وخواتا ركبو بسيارة وموكب العروس انطلق عالحفل....
__________^^SANAÀ ^^________
بالحفلة....
علي قرب لعند اياد بما انو ابن عمو الكبير واكبر منو بالعمر
علي:اياد الناس اكلت وجهي الكل عم يسأل وفي من المعازيم بلش يفل شو نعمل
اياد مسح وجهو بايدو حكى بتوتر:لك علي شو عرفني جدك وعمامك كل كادقلهن بقلولي اجو...
انضم للحديث مجد اخو اياد وجواد اخو علي
مجد:شو عم يصير الناس اكلت وجهنا
جواد:أنا برأيي حدا منا يروح يشوف شو صار
علي واياد حكو بصوت واحد:للاء
جواد:اي اي شبكن
اياد:انت مابتعرف جدك بدك اياه يشقفنا نتف ويعمل فينا كباب للمعازيم يعني!!
علي ضحك :لك جدكن والله بياكلنا اذا كسرنا كلمتو قال استنو خلص هي نحنا عم نستنى شو نعمل
اياد:وانا هدا رايي روحو انتشرو بين الناس واطمنوا المل ورحبوا فيهن
مجد وجوادمااشي
علي:انا رايح اسال امي اذا حكت مع خالتي
اياد:ايي ورجع خبرني
علي:لاا انت الكبير تعا روح معي
اياد:بدك جاهة
علي ضحك :هييك شي مابضمن غضب امي بجوز تقتلني لان🤣
اياد برم وجهو وحكا بتأفف:افف منك انت امشي بضلك فايق ورايق كأنك مو من بيت ال الراشد يازلمة
علي:هههه شو اعمل شو مفكرني السلطان ولا اياد انا يمكن طالع لستي يمكنها هادية كاينة
اياد:بعنري ماسمعت حدا حكا عنها شي كل ما نسأل بغيرو الموضوع
علي:عنجد شو القصة وآلله غريبة يعني انت بهالعمر ٢٦ سنة مابتعرف ستك
اياد:اي ماشاء الله في فرق عمر لانو بينا كلا سنتين انا بدي اعرف كيف درست دكتور يمكن قبلوك بالواسطة
علي:هههه هيك شي
وصلوا عالطاولة كانت أم سلطان وبنتنا زمرد ومعها مرت جابر سلفتا وبناتا ونسوان من العيلة
ام سلطان ماسكة الهاتف ومبين عليها التوتر
علي:شايف امي شكلا رح تنفجر
اياد:بس علي احترم انها امك شبك بضلك تأفل يا زلمة
علي:ااي اي صح خلص فهمنا انو هلا مو وقتو رح ناديلا
اشرلا علي قامت واجت لعندون
ام سلطان:شو علي شوو بدك مااني فاضيتلك هاا
علي اطلع باياد:ماقلتلك ياشريكي امي رح تقتلني اذا بسالا
اياد سكت علي وسأل نرت عمو:مرت عمي الناس ضاجت شو صار حكيتي مع اختك شي
ام سلطان:عم دقلا من ساعة وماعم ترد عليي خطها مقفل الله يستر
علي تعدلت ملامحو هو واياد
علي:يعني شو نقول للعالم يلي عم تستنا
ام سلطان:لك ابني شو عرفني اناا...متل ماحكا جدك قال استنوا يعني خلينا نستنى
علي اطلع عالطاولة ورجع سال امو:أي وين مرت عمي عماد وبناتها مو مبينين
أمو برمت تمها ووحكت بنترة:وانا شو عرفني مرت عمك من يوم يومها مابتفهم بالاصول افقدناها مالقيناها لا هي ولا بناتا
علي ماعجبو كلام امو:لك امي ليش بضلك تحكي عنها هيك والله مافي منها
امو:ايي باين
اياد:مو وقتو ياجماعة امشي علي خلينا نروح نقعد عند الضيوف......
تركو ام سلطان ومشيوا
علي سرح بعيونوا وحكى بصوت جدي:اياد مو غريبة مرت عمك تطلع من الحفلة بهيك وقت
اياد:والله مابعرف متلي متلك
بهاللحظة انفتخت ابوا الحديقة وصوت الزمامير اعطى انزار انو وصل موكب العروس الأضوية الزينة وكل شي كان من أفخموا الطاولات الموزعة عنسق واحد وصمدت العرسان العراضة الشامية والمطرب
علي لاياد :كأنهن وصلوا
اياد:واخيرا خلينا نروح نستقبلهن نروح علي احكي عالمايك للناس توقف للاستقبال
علي يلا ركض مسك المايك
علي:احم احم ...ياجماعة الغرسان وصلوا اتفضلوا عالاستقبال
الناس كلا قامت وراحت عالباب واقفة بطابورين وبالنص منر للعروس والكل واقف وعم يتسائل عن سبب هالتأخير
نزلت من السيارة ماسكة يد جدا وراها عمامها وامها وجنبها ابوها.....
أم اياد قربت لادن سلفتا فتخية ام سلطان
:شو فتحية بلاقي مو مبين حدا من اهل اختك وينها وين زوجا مو جايين مع العروس
فتحية عم تفرك بايدها ومتوترة:ماابعرف قلبي مو مطمن
وصلوا عمنصة الصمدة جدها مسك ايدا وقلا هلا بيجي العريس يابنتي وهو برفعلك عن وجهك
جنات
"ماكنت شايفة شي من تحت الطرحة كان قلبي عم يدق بالثانية مية دقة صدري عم يعلا وينزل حسيت عنفسي عم اخدو بصعووبة كبيرة شوي واجرين صارت تقرب عليي الكل صار يزقف عرفت انو العريس شرف قرب مني انا عيوني بالارض بس ريحة عطرو مو غريبة عني هيي ريحة... وبهاللحظة رفع عن وجهي...اي هوو والله هو قلبي كان رح يووقف صدمة الناس فيني مو اقل من صدمتي فيي معقول هوو سلطان لك والله سلطان...."
سلطان
"ولت عالعرس متأخر كانت واصلة بسرعة جدي قلي اطلع وكشف عن وجه عروستك كنت ماشي لعندا والكل عم يطلع علينا شي عم يسأل عن اهل العروس وشي مستغرب وشي حاسس انو في أن بالموضوع جدي مارضي يحكي شي وسكت الناس لحتى وصلت لقدامها ماكانت مبينة تنهدت قلبي عم يقلي ااخ منك ياجناات ليش ماابدك ايااني..رفعتلا الطرحة عن وجها كانت مغمضة عيونها فتحتهن واطلعت فيني كانت مصدومة عيونها عم يرمشوا وجها صار احنر ما اخفى مكياجها هالشي...ماعرفت شو يعني معنى نظرتها قربت من ادنها
سلطان:شببك متل الحولة صافنة هييك متفاجئة اكتر من الناس اعملي حالك طبيعي لا تفضحينا وعد مارح اعمل غير يلي بدك اياه..
ابتسم ابتسامة صفرا باسا عجبينا وقلا مبرووك علينا
جنات
"بعدني مصدومة قال مبروك علينا يعني هو ال ...هو العريس وعلي وتر خطيبتو لك شو صار كيف هيك انتبهت عكلامو وقت قال متل مابدك بس ماكان عقلي عم يستوعب شو يلي عم يصير...ابتسم لالي ابتسامة صفرا وباسني عجبيني..اطلعت بامي كانت عم تبتسملي وتزقف جدي كان مبسوط وعموعم يهزلنا براسو ابي
نسوان عمامي الكل عمل هييك😲😲😳
بين الكل استوقفتني نظرات "علي"
كانت عيونو حمر وعم يطلع فيني تحديدا كان متل البركان...مابغرف ليش حسيت بالذنب هو بعمرو ماقلي انو بحبني ولا حتى لمحلي...بس ليش هيك معصب معقول عنجد بحب...
قطعت افكاري الايد الفولاذية يلي شدت عايدي اطلعت فيي كان سلطان عم يطلع بالناس وايدو عم تشد عايدي طلعت مني اخ
سلطان:اي اي لسا مسلي قدام الناس انك عم موجوعة وعم تبكي افضحينا...حكى من بين اسنانو ابتسميي
اشر للفرقة جابتلو المايك
مسكو بايدو ابتسم واطلع بجدو فهمت من هالحركة انو متفق مع جدي عالكلام يلي رح يقولوا
سلطان:احم احم...اعلا وسهلا بكل الحضور حابب رحب فيكن مرة تانية ورحب بعمي ومرت عمي عماد ...بغرف الكل مصدوم بس نخنا خبينا نفاجئكن والقصة صارت على عجل بتمنى تباركولنا وتتمنولنا الخيير....
رفع ايد وضم جنات من كتافا هون هي ابتسمت
مسكا من ايدا والمل صار يزقف طلعوا عصمدتهن وقعدوا
الجد:نادوا لكاتب العدل والشيخ خلينا نكتب كتابهن
قربوا طاولة لقدام العرسان قعد عليها الشيخ وكاتب العدل الجد وابو داغر وجابر وداغر واياد كشهود....
سلطان داغر الراشد هل تقبل الزواج من جنات عماد الراشد
سلطان اطلع بجنات سكت شوي...:نعم أقبل
جنات علي الراشد هل تقبلين الزواج من سلطان داغر الراشد
جنات مابعرف اذا كنت بحلم ولا بعلم بس يلي بعرفوا اني ماعم افهم من هالحكي شي عقلي طق شو اعمل ....قاطع تفكيرا كلام جدا
جنات ردي يابنتي
جنات:ااه...اي ...بقصد شوو
اياد ضحك وطلع بجدو لقا زورو
توتر باين عوجه سلطان
الشيخ رجع عاد كلامو...هل تقبلين الزواج يابنتي؟
جنات:نعم اقبل...
هون الكل اتنهد وتنفس الصعداء...
عبركة الله خلينا نكمل المراسم
تم كل شي راحوا الكل وتركوهن للعرسان ياخدو راحتهم
بينت الناس
زمرد واقفة ومبسوطة لان جناات صارت زوجة اخوها قربوا بنات عمها ياسيمين وسارة ياسمين بعمر زمرد ١٨ كانت تحبا متل زمرد لجنات بس سارة بعمر جنات ٢١ ماكانت عاجبها يلي صار
سارة:شو زمرد بلاقيكي مبسووطة شو هالتخبيص يلي صار هلا جنات العنيدة وام راس يابس يلي مابتسمع كلام حداا تصير مرت سلطان
زمرد تغير وجها عصبت من كلام سارة: والله انا شايفة انتي يلي عم تخبصي ياسارة شو رايك نروح نسأل جدي ونخلي هو يلي يجاوبك
سارة:ايي طبعا مو جدك هو يلي حكا ممنوع زواج اي بنت من ابن عمها وخطبني غصب عني لابن تاجر يلي بعجبو
ياسمين:سارة عيب عليكي اذا بسمع خطيبك هالحكي رح يزعل خطيبك بحبك
زمرد:عنجد عيب عليكي هي وانتي اكبر منا الفهمانة هيك عم تحكي
سارةاووف والله من قهري قرارتك جدك بتهلي الواحد دوما بحيرة....يلا عقبال علي ان شاء الله
زمرد اطلعت بياسمين وضحكت :ان شاء الله قريباا
على كلامون اجى اياد لعندون
اياد:مرحبا يابنات شفتولي علي شي
على سيرة علي احمرو خدودا لياسمين
سارة:لا اخي ماشفنا ليش
اياد عم يحكي وهو ماسك موبايلو وعيونو عليي مركز في:لا بس فقدتو بدري وين راح
رفع عيونو اجوا على زمرد ابتسملا
اياد:ماشاء الله زمرد...طالعة قمر..بس كيف هيك طالعة معقول سمحلك سلطان تتمكيجي وتحطي كل هالميك اب
زمرد خجلت ودارت وجها ماعرفت شو ترد عليه
سارة عم تنقل عيونها بينن :احم احم شو هااد يعني اذا جدي اعطاكن الضو الاهضر بتبلشو تتغزلو قدام الكل
اياد:سااارة
زمرد قوت حالا واطلعت باياد:اصلا اياد بيك محدا الو دخل فيني لا سلطان ولا غيرو...برمت تمها ومشيت
ضحك اياد :منيح يلي عرفت ترد والله
ياسمين:اهي ليه هيك خجلتا للبنت
أياد عم يحكي وعيونو معلقين عليها
شو قلت انا ماقلت شي
(ياسمين وسارة وزنرد كانوا محجبات مو متل جنات)
__________^^SANAÀ ^^________
مضي العرس بسرعة في ناس مو فهمانة وناس مو رضيانة في دعوة الله استجابها وناس كانت مفكرة تنفذ مؤامراتها.....
خلصت الحفلة قرب سلطان ونزلا عوجها ركبو بسيارتن وطلعوا عالبيت
كل هاد وجنات بعدا مو مسدقة كل شي صار
وصلوا عالبيت فتحلا باب السيارة
سلطان:شرفي جنات خانووم
تركا ورا ومشي
جنات ندهتلو:سلطاااان
سلطان:نعم خير
جنات مابحسن امشي لوحدي امسكلي ايدي
سلطان:هففف ماشي متل ماابدك
مسكا من ايدا شرفي ياست الحسن
جنات فلتت ايدا من ايدو
حكت بعصبية:شوو سلطان ليه عم تحاكيني من اولا ...اصلا انا مو فهمانة شي
سلطان طلع بايدو كيف تركتا وطلع فيها: ليه هيك نتلتي ايدك من ايدي...عكلا براحتك انا ماشي
اجت لتمشي جنات تفشكلت كانت رح تقع بس مسكها سلطان عاخر لحظة...فتلا وقفا ورجع مسك ايدا شد عليها هالمرة ومشي بسرعة
جنات:اي اي عم توجعني
سلطان:بتستاهلي كرمال تعرفي تتركي ايدي تاني مرة....
جنات سلطاان هدددي
سلطان وقف واطلع بعيونها:يلي بترك ايدي بقع ياجنات بقع واذا ماقمتو ماحيوقف من بعدا فهمانة شو عم قوول
جنات بلعت ريقا كازت فهمانة كل كلمة عليه
ماسمخلا تحكي حملا ومشي
جناات:سلطان شو عم تعمل هلا الناس بتحكي علينا
سلطان ضحك انو نااس كلن بعدن بالحفل بعدين خليهن يحكو سلطان شال مرتو
جنات كانت مصدومة حاسة بسلطان انو مبسوط على غير عادتو قبل زواجن كان دوما معصب ومايشوفها يعاملا برسمية مفرطة...
وصل عباب الغرفة فتح الباب ونزلا
سلطان:شرفي نزلي وزنك قريب ال ١٠٠ شي هفف وازنة ماشاء الله
حكى كلامو وهو فايت عالغرفة وقف عالمرايا وفك ربطة عنقو
مسكت فستانها بايدها كان شاحط وفرش كتير خلاها تتلبك بحالا وقفت جنبو وحكت بثقة وعيونها عليه
جنات:انا يلي وازنة وكل الناس بتشهدلي بلياقتي ولا قصدك انت مو خرج
وقفتو هالكلمات وهو عم يفك ازار اكمام قميصو ركز بعيونو عايدو ورجع طلع فيها بعيون حادة ونظرة بتقتل
سلطان:مااسمعت شوو قلتي عييدي كلاامك
جنات ما وما همها مشيت وفتحت باب الخزانة وكلعت بجامة من التياب يلي كانت امها باعتلا اياهن....قرب منها رمى من ايدها الاواعي
سلطان:انا عم اسالك كملي لاشوف شو حكيتي..!؟
اطلعت فيي وركزت بعيونو:متل ماسمعت يا سلطان بيك...من اول ماوصلنا وانت عم تتنهتر فيني لك انا متل الجدبة مو فهمانة شي بساعتين زمان صرت عروس وعزمتك لك مخي ماعم يجمع راعي شعوري بس شوي بس شوي..
.اطلعتفيي بعيون حزينة وودمعة غايرة..
سلطان زاح عيونو عنها :مادام مابدك اياني وقلتي عموتك مابتقبلي فيني ليش غيرتي رايك ااى
جنات تكتفت :قصدك ليش نزعتلك عرسك عست نور ما...زعلان عليها
سلطان:انتي شو عم تخبصي انتي شكلو عقلك من الفرحة طق
ضحكت جناات
سلطان ليه عم تضحكي
جنات ولاا شي خلص كرمال النبي انا تعبانة اتركني خليني ارتاح واطلع لبرا لو سمحت بدي غير تيابي
سلطان وقف مصدوم فيها ....
:ومين قلك اني ضالل هون طالع غير اواعيي بالغرفة يلي برا....مشي رجع وقف معك عشر دقايق بك تكوني مخلصة والا رح ادفش الباب وفوت بدي نام تعبان وما الي حيل للنقاش
جنات:والله شوو نام برا
سلطان كز عسنانو:لك بدك تجنيني بتعرفي لو ما جدي وصاني فيكي كنت عرفت كيف عاملك
طلع وسكر الباب وراه....
جنات
"كان عصبي مابعرف كيف بس انا كنت ضايعة ومو عارفة شو شعوري لك مابعرف ليش حتى ماتمت زواجتو من نور ليش هلا صار هيك ماكان عندي الجرأة اسالو وما كان بدي يعرف اني كنت مفكرة علي العريس"
سلطان
"هاللحظة يلي تمنيتا من قبل كتيير صارت بوقت مفاجئ بعد مافقدت الأمل انها تكون لالي وبعد ماجبرني جدي عزواجتي من نور ليصلح غلطو بالماضي ويوقف العداوة يلي بينا وبين هديك العيلة ...فقست الزواجة وبظرف ساعة صارت جنات لالي ....كيف هيك ماابعرف...بس يلي بعرفوا انها مجبورة عليي ما وقفت عن استفزازي "
بعد ربع ساعة دق عالباب
سلطان:جنااتت خلصتي
جنات:لساا استنى شوي
سلطان:رح عد للعشرة اذا مافتحتي رح اكسر هالباب...شو
جنات :والله بعرفك مجنون
سلطان:شو قلتي
جنات ولا شي ثواني ورح افتحلك
سلطان هيك من الاول خلصينااا
جنات فتخت الباب تفضل...فووت
كانت لابسة بجامة نوم عادية
اطاطلع فيها سلطان من فوق لتحت فتلت حالا واجت لتفوت مسكها من ايدا وفتلا لعندو
سلطان:هلا هييك عروس بتلبس لزوجها وبهيك يوم
جنات:هههه والله بدك ماتأخذني مالحقت اعرف شو بلبس وشو لااء حضرتك نزعت كل مخططاتي
سلطان رفعلا شعرا نازل عوجها:مو مشكلة انا بعلمك ورح علمك شو تلبسي قدام الناس كمان
جنات:هههف سلطان من اولا ماشاء الله!!
سلطان :جناات اسمعيني ....اسمعيني للاخر وبعدا احكمي
#يتبع
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```