الفصل 1
*قـصـص وروايـات عـالـمـيـة💙📚📖*
*بإدارة* *يـامـن💙*
*❴📖❵↵* *سلطان.قلبي.tt*
*❴🔢❵☟الـــبـــــــــــ❴1️⃣❵ــــــــــــارت☟*
➖➖➖➖➖➖➖➖➖
*
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```
➖➖➖➖➖➖➖➖➖
#سلطان_قلبي
#بقلمي_هازار المحمد
#الجزء-الأول
متل الحورية مكياجها وفستانها الدهبي عيونها الرمادية وشعرا المرفوع مكياجها الخفيف كل شي فيها كان عم يخلي كل حدا شافا بالعرس يسأل مين هي؟!
متل اللؤلؤة كانت لافتة نظر الكل إلا حبيبها مو شايفها وشو نفع يشوفها اليوم وهو العريس وهي مجرد بنة العم المدعوة عالحفل ليكمل برستيج العيلة وعاداتا...وقفت عم تطلع عليه وهو بين الناس والكل عم يبارك لالو كان حلو بكل معنى الكلمة عيونو الخضر طولو دقنو الناعمة هيبتو بكفي ينزكر اسمو لحتى عيلة الراشد كلا تخافوا وتهابوا ....بعمر ال٢٨ سنة سلطان الراشد الحفيد الأول لجدو سلطان الراشد قدر ياخد كل هيبة جدو وعزو كان سلطان عالكل إلا عليها..كان"سلطان لقلبا"
عيونها مركزة عليه على حركاتو وكل شي فيي قلبها عم يحرقا خلص يا جنات من هلا صار محرم عليكي كلا ساعة بالكتير وبتصير عزمتو بنت خالتو وبصير محرم عقلبك تركضي ورا هالحب الأعمى....حطت ايدا عقلبا حست بوجع عيونها عم يغبشو وراسا عم يدور عليها حسيت بايد انحطت عكتفا...
:جنات أنتِ منيحة
ركزت وقفتا حطت ايدا عطاولة يلي قداما والتفتت عمصدر الصوت تنهدت
:أي علي أنا بخير
علي:رح نادي لزمرد ضل معك شكلك تعبانة وشك مبين اصفر
جنات حطت ايدا عراسا وحكت بتأفف خلص علي ليكني منيحة
علي دار عيونو بين جنات وسلطان تنهد وحكى
:جنات انتي بتحبي لسلطان ما هيك!!
جنات رفعت عيونها عليه بسرعة حكت :لاء..طبعا لااء سلطان متل أخي الكبير مابشوفو غير هيك
علي ابتسم ابتسامة واسعة وقلا :منيح ...رجع يطلع بعيونو عالحفلة
جنات: علي..انت ليه عم تسألني
علي: لانك وحدة كذابة...عيونك بتحكي شي ولسانك بقول شي تاني
جنات فتلت وقفت بوجه علي رفعت أصبعها لقدام وجهو وحكت بنرفزة
أصحك تحكي كذابة أنا هدا يلي عندي وماني مستعدة أثبت غير هالحكي...
نزلت ايدا واجت بدا تمشي
وقفا علي بكلامو:أثبتيلي غير هالحكي
جنات:شو بدك اثبات حكت وهي دايرة وجها عنو
علي: تزوجيني
جنات أتمسمرت بارضا وعيونها فتحو من دون رمش قلبا رح يوقف ....فتلت عليه قربت منو وحكتلو بصوت همس وهي عم تكز عسنانا
:أنت جنيييت علي جنيت....حفيد سلطان الراشد واخو سلطان بيك شو بدو يكون طول عمري بقول انت غير بس لاا حب التملك ماشي بدمكون
ضحك علي : ومين قلك انا برضى فيكي يادبة لو بدي اياكي كنت تزوجتك من زمان وكان عرسنا هلا مع اخي سلطان
ابتسمت ابتسامة جانبية :لااء انت غلطان ...قصدك لو بدو ابوك هالشي او جدك او حتى أمك كان صار هالشي من زمان
علي عصب من كلام جنات المستفز غمض عيونو فتحون ورجع طلع فيها وحكى بهدوء:انتي ناوية تتحديني شي...عم تتعمدي تعصبيني ياقطة بس انا ولا يمكن عصب منك
جنات:اي عم عصبك واذا بتحسن اثبتلي غير هالحكي
علي:شو رأيك ننهي هالنقاش ليكي زمرد وبنات عمك كلن مبسوطين روحي لعندون..
جنات تركتو ومشيت: بروح لوين مابدي
علي عم يحاكي حالو وعيونو لسا مركزة عليها :شو هالجنات هيي جننت راسي والله... استغفر الله شو هالافكار هي يلي عم تنهش براسي
قاطع حكيو صوت زمرد"أختو"
زمرد:علي وين جنات الكل عم يسأل عنها
علي:هيي شبك قولي احم ليش هيك متل الشبح جاية
زمرد ضحكت:أخي ذو ال ٢٤ عاما يخاف من طفلة في ال١٨ عشر من عمرها هالله هالله
علي:أيتها الحمقاء اذهبي وراها انقشعي عن وجهي
زمرد:لاا ماشاء الله شو لابقتلك العربية الفصعة
بقصد العربية الفصحة...ههخ
علي:مو ناقصك زمرد روحي لحقي بنت عمك شكلا جنت وماقالتلي وين رايحة جدك عم يناديلي من بعيد
زمرد: ماشي بااي
علي راح لعند جدو
خير جدو شو في!
جدو حكى بحزم :وين تارك الناس وداير مع البنات يا ولد
علي:جدي صار عمري ٢٤ بتقلي ولد مو كبير عكلمة ولد
قاطعو كلام مجد "ابن عمو"
مجد:طبعا محدا رجال بعين جدك غير اخوك السلطان
جدهن ضحك :بس يا ولاد روحو وقفو بدل عمامكن صار وقت نروح نجيب العروس شوفو الشيخ وكاتب العدل وجهزو كل شي لنرجع نادو عأياد وجواد ولاد عمامكن يلا كل شي بدي شوفو عأحسنو
مجد وعلي:حاضر جدي
تركهن ومشي بين الحفل والكل مستهاب منو وعم يبعدلو طريق والكل عم يسلم عليه...هالة من الأحترام والتقدير الخوف لاحقة هلرجال رغم عمرو التجاوز ال ٧٠ بس لسعو مهيوب وكلو بيعمل لالو الف حساب ...وصل لأول الحفل وراه مجد وعلي كان واقف ولادو وولادهن جنبون وراهن نسوانهن ليستقبلو المعازيم
داغر "أبو سلطان ابنو البكر وراه مرتو فتحية وبنتو زمرد
جابر"أبو اياد" ومرتو رمزية وبناتو سارة وياسمين
عماد "أبو جنات" ماكان عندو ولاد شباب مرتو لينا وبناتو التوأم حياة ورفاه
الجد السلام عليكم
عماد وداغر وجابر :أهلين ياابي
الجد:صار وقت نجيب العروس حضرو هالسيارات وخلي كل شي عأصولو
داغر :كل شي جاهز ياابي بس مين رح يروح
أبو داغر: أنا وانت وجابر وداغر وخلي يجي أخوان العريس معنا علي وجواد وابنك اياد ومجد ياجابر خليهن هون يستقبلو المعازيم
عماد:لو سمحت يابي بشوف انا خلي جواد وعلي هون اذا نحنا رحنا لازم يكون في حدا بدالنا مع الناس
الجد:ماشي علي مجد اياد وجواد خليكون هون ونحنا رح نروح نجيب العروس لنكمل الحفلة
أياد وعلي ومجد:حاضر جدي
داغر:لحظة شو نسيتوو العريس نادو لسلطان خلي يروح معنا
الكل:ههههه
الجد :طبعا مانسيتو ....يلا نادولوا
طلع الكل بسياراتون الفخمة ومشي الموكب لبيت
ال ضاهر ليجيبو العروس
وصلوا عباب البيت نزل الجد وولادو ومعهن سلطان
الجد :شاايف مافي حدا عم يستقبلنا ليش كل هالهدوء!؟
داغر:يمكن مابيعرفوا بموعد جيتنا
جابر:شو هالحكي أخي مابصير ماجرت عاداتنا بهالشكل
عماد حكى بصوت واطي "الله يستر"
سلطان تغيرت ملامحو :شو نعمل جدي
الجد: بنعمل بأصلنا يا ابني وبندق هالباب
أستبقهن عماد خليك هون يابي انا رح دق الباب
قرب ليدق الباب فجأة انفتح الباب طلع منو ابو العروس عمامها واولادهن
ابو العروس:اهلاوسهلا برجال الراشد وكبيرهن سلطان الراشد ابوداغر وولادو
ابو داغر:أهلين فيك يا ابو نورس
ابو العروس:تفضلوا اهلا وسهلاا
ابو داغر هز براسو لاولادو
بصالة الضيافة الكل عم يطلع ومستغرب
جابر قرب من داغر: شو القصة اخي ماجرت هيك العادة ...وين العروس وليش هيك ساكتين المفروض ناخدها ونمشي
داغر:علمي علمك يا اخي
قطع هالجو كلام ابو داغر ....شو يا ابو نورس نحنا جاين ناخد بنتنا يلي عندكون لابنا سلطان
ابوها اطلع باخواتو ورجع وجه الحكي لابو داغر
:لا تأخذنا يا ابو داغر متل مافتو بالحسنى بدنا نطلع بالحسنى
ابو داغر ضرب عكازتو بالارض اطلع فيي :شو عم تحكي مافهمت عيد كلامك
ابو نورس:البنت وقفها ابن عمها .....وانت بتعرف عاداتنا اذا وقف ابن العم لبنت عمو هو اولى فيها
سلطان اجى ليحكي وقفو جدو رفع ايدو
ابو داغر: خلص الكلام...نحنا عملنا بأصلنا وانتو اخلفتوا بوعدكن ابن العم بيوقف ل لبنت عمو يوم بتنخطب مو يوم عرسها
ابو نورس:هدا يلي صار يا ابو داغر ....ما الكن عنا بنات انتهت القصة والبنت اليوم عرسها على ابن عمها
ابو داغر وقف وقف معو ولادو وسلطان وكم رجال جايين معو...ابو داغر رفع ايدو كرمال محدا يحكي.....ضرب بعكازتو عالارض ورفع راسو وحكى بكل ثقة:مو حفيد سلطان الراشد ابو داغر يلي بينرفض بهالطريقة ومو ابو داغر يلي بيتقلل من قيمتو ......البنت تزوجت الله معها
بس هيي اهانة لالنا عم تحاولوا تردو شي صار بالماضي وانتهى ونحنا بنعرف كيف نرد يااا ابو نورس اجى ليحكي سكتو ابو داغر وهو ماشي
:بلا ماتحكي كلامك مردود عليك خلونا نمشي...
طلع هو واولادو وسلطان مشي وقف قدام ابو نورس وحكالو :بسيطة...القصة ماخلصت هون تركوا ومشي ....وقفوا قدام اسيارات
سلطان وقف قدام جدو:جدي لا تزعل صحتك بدنيا بناقص منن ومن بنتن
ابو داغر رفع عيونو واطلع بحفيدو: انت يلي عم تواسيني ولا انا يلي لازم واسيك من يوم يومك اسد ربت عكتفو دار على اهلو وحكى
ابو داغر :داغر اركب بالسيارة انت وسلطان
جابر خود الرجال عبيتك ولا ترجعو عالحفل لحاكيكون عماد حاكي مرتك وبناتك وروحو عبيتكن ماابدي اسمع نقاش لادق عليكن
الكل اطلع ببعض....
ابو داغر:انا شو قلت ااى
الكل نفذ متل ماقال ابو داغر
بالسيارة سلطان لجدو:جدي شو في براسك
ابو داغر ضل ساكت شوي...اطلع بسلطان:سلطان روح عبيتنا هنيك بخبركن كل شي
سلطان تنهد حاضر جدي...
ابو داغر:دق على عمك عماد وقلو بس يوصلوا يحاكونا
سلطان يلا
_________________________
بالحفلة دق عماد لمرتو وقلا تجيب البنات وتطلع ناطرا برا
لينا فتحت باب السيارة ركبت جنبو وبناتو حياة ورفاه ركبو ورا وعلى وجهن علامات الامتعاض
لينا وعلى وجها علامات الخوف:عماد شوو في احكيلي والله ارتعبت وبالزور اطلعنا من الحفلة من دون مانشلق حدا علينا
عماد اطلع بالمرايا على بناتو حكى وهو مركز بالطريق
لينا وين جنات!!
لينا:راحت من قريب الساعة عالبيت قالتلي داخت ومانا حسنانة
عماد :منيح
لينا:ماابدك تقلي شو صاير لتكون تخانقت مع ابوك
عماد:ماافي شي من هالحكي...بس
لينا:بس شوو!
رن موبايل عماد
عماد:اي سلطان
سلطان:عمي انتا وين جدي عم يسأل
عماد نحنا رح نوصل عالبيت
الجد لسلطان:قلو منيح نحنا جايين لعندو كمان
عماد سمع ابو:ايي ماشي ونحنا بانتظاركن
وصلو عالبيت عماد لبناتو
:اطلعو على غرفتكن ولا تطلعوا لناديلكن لينا لحقيني
لينا:شوو في يارجال
عماد قعد عالصوفا ركى راسو وحط ايديه عوجهو:مصيبة يالينا مصيبة
لينا قعدت جنب عماد وحطت ايدا عكتفو:شوو في عماد انا قلبي رح يقع معد اتحمل
عماد اطلع فيها :اهل خطيبة سلطان مارضيو يعطونا البنت وابي عدا اهانة لالو ولازم يردا يا بدو يكمل عرس سلطان ومارح يحطلن اياها واطية
لينا شهقت وحطت ايدا عتمها : عمااد انت شو عم تقول....اايه ونحنا شو النا علاقة
عماد:لينا فتحي مخك مين فيي بالعيلة بنت بتناسب للزواج اخي جابر بناتو وحدة مخطوبة والتانية صغيرة فمين رح يكون كبش الفدا
لينا حكت وعيونها سارحة: قصدك انوو..جنات!
عماد:اي جنات
وقفت لينا واطلعت بزوجها:وانت شو رايك عماد
عماد:ماابعرف ايديي مربطة...لسا من فترة لتصالحت مع ابي بتعرفي كيف كان معارض زواجنا اديش ضل متبري مني ومن تلت سنين لحن قلبو عليي اذا هلا برفض زواجها لجنات شو رح يصير فيناا
لينا:وليش لترفض زواجا ياعماد
عماد رفع راسو واطلع بلينا:انتي عم تحكي جد
لينا:وجد الجد من وين رح نلاقي عريس احسن من سلطان هلا هي صح القصة غريبة بس سلطان شب ولا كل الشباب كل اهلك بحسبولو حساب كأبوك وبعدين جناات.....
عماد:شبك كملي
لينا دارت وجها وحكت بتأتأة: ولاا شي خلص لمهم انا بعرف انو جنات رح توافق
بهاللحظة اندق الباب
عماد:اكيد وصلوا....
فتحت الخادمة الباب كان داغر وابو وسلطان استقبلهن عماد
بالصالة
ابو داغر قاعد بالصدر وجنبو سلطان عالصوفا يلي عاليمين عماد ومرتو ومقابيلهن داغر
داغر:ياابي ليش جبتنا لهون شو في براسك
ابو داغر ماسك عكازتو بايدو ورافع راسو اطلع بسلطان ورجع اطلع بعماد
:اسمعو ياولاد الحكي يلي بدي قولوا بدو يتنفذ اذا ماصار هالشي رح تكون فضيحة واهانة النا كلنا
سلطان:ماعاش يلي بهينك ابو داغر نحنا يلي بدك ايا رح نعملو...
ابو داغر هز براسو وتوجه بكلامو لعماد:عماد يا ابني انا جاية وكلي امل ماتردني خاايب ...
انا جاي اطلب ايد جنات لسلطان وبشرط هلا فورا كتب الكتاب والعرس....
داغر انزهل طبعا هو مابدو يناسب اخو كرمال مايرجع عماد لمكانتو بالشغل عند ابو وتوطد العلاقة بينن....اما سلطان كانت الصدمة باينة عوجهو...اطلع بجدو ورجع اطلع بعمو اجى ليحكي
جدو:انا بعرف شو عم اعمل يا ابني اانت بس وافقني
سلطان غمض عيونو ورجع فتحهن وعلى وجهو علامات الترقب اطلع بعمو وكانو عم يقلو وافق
عماد بلع ريقو واطلع بمرتو (ابو زورو عهالحركة)
ابو داغر:شو قلت يا عماد
عماد:ألي الشرف ياابي سلطان بحبو كابني ومارح لاقي متلو لبنتي...انت بس امهلوني شغلة ساعة لشاور البنت ونجهزا
ابو داغر انبسط واطلع لسلطان لقى عوجهو علامات الرضا الكل استغرب كيف سلطان مارفض وهنن بعرفوا الوحيد القادر يرفض كلام جدو ويقنعو بالشي يلي بدو اياه
ابو داغر:نادولي عحفيدتي المدللة لكن خليني شوف كنتي الجديدة وانا ياي بدي خبرا
لينا :من بعد اذنك عمي واذن عماد...انا حابة اسال سلطان سؤال
عمها عزلا براسو
لينا اطلعت بعماد ورجعت اطلعت بسلطان
سلطان:اتفضلي مرت عمو...
لينا :انت شو رايك بهالزواج يا سلطان...بنتي رح تكون امانة برقبتك انت بتعرف انو جنات لسا ماطبقت ال٢١ وهي عم تدرس جامعة غير عن مل بنات العيلة وهي مدللتنا مابدي تنجبر عهجازة وبعدا تترك بنتي
سلطان غمض عيونو وكأنوا حدا حط عجرحو ملح فتح عيونو واطلع فيها بعيون واثقة:جنات اذا وافقت بس انا رح كون موافق عهالزواج ورح تكون زوجتي وحطا بعيوني مرت ع__________^^SANAÀ ^^________
---بغرفتا كانت قاعدة جنات وعم تبكي وتتزكر حظها البشع طلعت عالبرندة اطلعت بالسما ودعت
ياارب تصير معجزة وتفقس زواجة سلطان ياارب اسمعلي هالدعوة مسحت دموعا واجت عينا لقدام بيتن شافت سيارات عمامها استغربت اجت لتتنزل غيرت رايها وقعدوقعدت عتختا اندق الباب توقعت تكون الخادمة
مسحت دموعها وزبطت وجها :ادخل
انفتح الباب كانت امها شافت بنتها قاعدة ودبدوبا بحضنها وعيونا مبينين مورمين من البكا
جنات تفاجئت:مامااا....انت شو جاية تعملي هون
لينا:بنتي حبيبتي غسلي وشك وانزلي لتحت جدك وعمامك ناطرينك
جنات حكت وعيونها فاتحتهن عوسعهن :اناا ناطريني لالي
لينل:اي بنتي يلا
سمعت صوت عماد عم يستعجلهن...يلا يابنتي يلا
جنات
عالباب كانوا خواتها التوأم رفاه وحياة
رفاه؛ماما شو عم يصير
امها ابتسمت واطلعت بجنات:ولاا شي سر وغمزتون
رفاه وحياة اطلعو ببعض مو فهمانين شي
جنات:ماما بس
لينا:من دون بس يلا نزلي وراي لشوف
قامت غسلت وجها ونزلت ورا امها
فاتت عالصالة كانت بعدا بفستانها بس وجها مخربط
جدها:اهلن جنات فوت يابنتي فاتت وقعدت بين امها وابوها وكان عمها جابر جاي وقاعد جنب اخوه داغر
جابر لداغر:اخيي شو عم يصير صرلن متصلين فيني من العرس الف مرة عم يستفقدونا وانا بقلهن شوي وجايين
داغر:متل مانك شايف
جنات كانت عم تطلع بابوها وامها ناطرة منهن تفسير اطلعت بسلطان لقتو حاطط عيونو بالارض استفربت من وجودو وبنفس الوقت حست باريحية
جنات:ماما بابا شوفي
اطلعوا بابو داغر ناطرين منو يوضح
ابو داغر ....بنتي جنات نحنا جاين نطلب ايدك وشرط يكون اليوم عرسك وبهاللحظة شو قلتي
جنات اطلعت بسلطان وحز بقلبها
جنات "معقول ياسلطان لهون وصلت معك وجايي كمان لتشهد عزواجتي من اخوك دغري ياعلي بدك تنفذ يلي هددتني فيي بهالسرعة مارح ارضى ولو شو ماصار كل هالافكار كانت براسها قاطعا كلام جدها
شو قلتي ياجدي
جنات اطلعت بابوها وامها واستغربت هدوء وسعادتن
جنات حكت وعيونها معبايين دمع وصوتها حزين:جدي انت ليش هيك عم تعمل
جدها:لان هيك لتزم يصير يابنتي هلا بجوز ماتتقبلي بس بعدين رح تجي انت وسلطان وتتشكروني
جنات مافمت عجدها :وشو دخلو سلطان كمان ...لااء انا مابدي قلت لااء ماابدي اتزوج ليش لتجبروني
جدها ضرب عكازتو بالارض واطلع بابوها امها تفاجئت من كلام بنتها
سلطان اطلع فيها وهو مذهول من ردة فعلا هو كان يحس احيانا انها معجبة فيي بس ليش هيك عم تحكي
ابوها وقف وحكى بحزم:جنااات انسيتي اني موجود
جنات:ماانسيت بابا ماانسيت بس انا مارح وافق عهالشي ولو على قطع راسي
جدها:عم ترفضي حفيدي ياجنات وتكسري كلمتي
جنات: قربت لعند جدها قعدت مقابيلو وعم تتوسل لالو:جدوو بترجاك اسمعني
جدها تغيرت نبرة صوتو وحكى بصوت حنوون:جناات وخياة عيونك انا عم اعمل كل شي لصالحك...انت بس وثقي بجدك
جنات:بس..
قاطعها سلطان:خلص جدي البنت مابدا ماافي داعي تجبروها
جدو ضرب بالعكازة:خلص يا ولد انا عم احكي انتو بتسكتو...
جنات بقلبها"منيح الحكيت ياسيد سلطان بس شو زاعجك انت اليوم عرسك ومبسوط ومتهني"
جدها وقف وقال انا يلي عندي حكيتو معكن ساعة بس وكل شي رح يكون جاهز ومن دون نقاش ساعة ورح ارجع انا واخواتك ناخد جنات والا يا عماد بتاخد بناتك ومرتك وبتطلع من هالبلد من دون اي شي بتطلعو مشي وانت كمان داغر وابنك يلي برفض عقابو نفس الشي....محدا عم يفهم عليي
تركهن وطلع والكل بحالة بين الحيرة والصدمة
سلطان اطلع بجنات زورا وطلع معصب لحقو ابوه وعمو
عماد قعد عالكنبا وعيونو صافنة بالارض مو عارف شو يعمل
لينا وقف قدام جنات:انت من ايمتا بتكسري كلامنا ااى....هالجازة بدا تم ولا شو رايك نتشرد بالشوارع بسببك وبسبب دلالك وكبر راسك ست جنات...ااى
جنات مسحت دموعها وهي عم تشهق:ماما ليه هيك عم تحاكيني ااى
أمها هدت حالا وشفقت عحالة بنتها ضمتها وقالتلا:كلو صالحك والله بعرف شو في بقلبك لك يابنتي ليش عم ترفضي
أبوها قعد بالارض وتزكر كلمة طنط بادنو
"جنات شبهي اسما وشكلا ياخوفي تنعاد قصتي معك ياجنات...عماد دير بالك عبنتك واذا اجى يوم وتزوجت سلطان ابن عمها لا توقف بوجها اقبل بهالزواج وكون لبنتك سند اوعك تجبرا عشي مابدا اياه يا ابني"
قطع افكارو كلام لينا
:عماد انت وين صرت...شبك
عماد وقف واطلع ببنتو:اسمعي يا جنات لو كل الناس وقفت بوجهك اعرفي انو ابوكي معك وسندك مابجبرك عشي ماابدك اياه بس يابنتي..
قطعت كلامو جنات ميحت دموعها...ابي بموت ولا بشوفك مكسور انت من فترة لرضي عليك جدو كنت شوفك اديش مكسور بدونو
ابوها:هالشي مابيفرض عليكي عهالزواج يابنتي
جنات:خلص بابا انا موافقة
ابوها :مقتنعة يابنتي
جنات غمضت عيونها تنهدت ابتسمت لابوها
موافقة بابا موافقة
عماد ضمها وابتسم:الله يرضى عليكي يابنتي...
اطلع بلينا:لينا جهزي البنت وفهميا كم قصة انا رح
لينا خاضر وانا رح دق عصالون وشفلا شي فستان من السوق وكل شي رح يجي لهون
عماد:ماشي
#يتبع
*يـــــــــ͢ـོ͓ـــتبــــــــــــــོـ͓ـــ͢ــ؏*
➖➖➖➖➖➖➖➖➖
*❴📖❵↵*تنسيق مشرفين مجموعة:*
*❴📚❵↵*قصص وروايات عالمية📚💙*
*❴💙❵↵*ننشر جميع انواع القصص والروايات العالمية*
حـب💙.
حـزن💙.
اكشن💙.
رعب💙.
*❴👑❵↵*أن كنت من عشاق ومدمني القصص مكانك عندنا💙*
*❴💙❵↵*رابط المجموعة للاشتراك:*
```https://whatsapp.com/channel/0029VaQogP17YSdATvOUwa1h```