الفصل 12
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم الجميل_والمتوحشة`*
*❴🔢❵الـــبـــــــــــ❴2️⃣1️⃣والأخير❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الجميل_والمتوحشة
#بقلم_فيلوفوبيا
الجزء الاخير
وسيم:نعم!!!!....كيف يعني فقدت الذاكرة!
الدكتور:الصدمة اللي تلقتها لصحيت من الغيبوبة كانت كبيرة....منظر الدم و الصراخ اثارو عندها ردة فعل عنيفة
و لما اغمي عليها ليومين...كان الاغماء رد فعل من الدماغ ليحميها...خلال هاليومين واضح انو كل الذكريات اللي بتخص حضرتك انمسحت و رجعت لمرحلة عمر ال18 قبل ماتعرفك وهلأ هيه مفكرة حالها عايشة ببيت عمتها و عندا فحص البكالوريا و رح تتعاملو معها على هالاساس
وسيم:يعني مافي امل تتزكر!!
الدكتور:مافيني اكدلك...في ناس بيكملو حياتهن بلا مايتزكرو شي من اللي دماغهن مسحو...وفي ناس بيتزكرو...بس مافي فترة محددة...ممكن ست شهور و ممكن سنة وممكن سنين...بنصحك تتعود على هالوضع
وماتحاول تضغط عليها لتتزكر شي....لانو اذا تزكرتك رح تتزكر الحوادث الاليمة اللي مرت فيهن
وسيم:هه.....نسيتني!!!.....بكل بساطة
الدكتور:دماغها لقى المخرج المناسب للوجع الي كانت عم تعيشو وحذف كل شي ذكريات بتخص هالوجع...وللأسف حضرتك شخصية اساسية لهيك نسيتك..بدك تتعود على هالوضع و ترجع تعرفها على حالك من اول وجديد....انا كتير متعاطف معك
بس صدقني هيك اريحلا....انا مضطر استأذن فيك تفوت تطمن عليها...بس متل ماتفقنا لاتحاول تزكرها بشي او تضغط عليها...بالاذن
_انهار وسيم عالارض...وحضن راسو بين ايديه
بدون ارادة صار يبكي...من قلبو...على حالو وعلى حبيبتو الي ضاعت منو....استجمع قوتو و مسح دموعو
ودخل لعند ياسمينة_
وسيم:مرحبا
ياسمينة:مين انت!!!
وسيم:__
ياسمينة:عم قلك مين انت!!!...طلاع لبرا
وسيم:طولي بالك....(بلع الغصة و كتم دموعو)انا هون لاخدك للبيت
ياسمينة:وين عمتي!
وسيم:عمتك مسافرة ورح ترجع عن قريب...و خلتك ببيتنا بينما ترجع
ياسمينة:مين انتو؟؟!
وسيم:انا بكون....رفيق زوج عمتك...هنه خلوكي عنا بينما يرجعو من السفر
ياسمينة:بس انا مابتزكر هيك شي
وسيم:لانك وقعتي على راسك و نسيتي كم شغلة...بكرا بتتزكري
ياسمينة:وفحص البكالوريا!!
وسيم:هه...قدمتي كلو....ماعم قلك انك نسيتي كم شغلة
ياسمينة:بدي احكي مع عمتي و اتأكد منها...بلكي انت كزاب
وسيم:تكرمي....بس جوالي بالبيت...بس نوصل بخليكي تتصلي فيها
ياسمينة:انت شو اسمك؟؟!
_سكين ورا التانية عم تغرز بصدرو....دموعو ماعم تنحبس....والوجع ماعم ينحمل...
اخد نفس عميق و رسم الابتسامة على وجهو ليخفي خذلانو و خيبة املو_
وسيم:اسمي وسيم
ياسمينة:امممم....اسم على مسمى
وسيم(اتسعت ابتسامتو)شكرا....انا رح اطلع اعمل تلفون و ارجع لتكوني جهزتي...بخاطرك
_خبر وسيم اهلو عن وضع ياسمينة الجديد و بصعوبة كبيرة حتى قبلو يستقبلوها بالبيت.....اخدها و راح
وبقيت عايشة عندهن و هيه نسيانة كل شي و عم تتعامل مع الكل بشكل عفوي و كأنها بنت 18 سنة
وسيم تجاهل ياسمينة كل هالفترة لانو مابدو يتعود عليها مرة تانية و يفقدها بيكفيه الوجع اللي بقلبو
حاول كتير يتواصل مع عمة ياسمينة فاطمة
و بعد جهد كبير قدر يوصلا....خبرها عن اللي صار بالتفصيل من البداية لهاليوم و كل شي حكاه كان في ادلة عليه من صور ياسمينة قبل التجميل و اثناء و بعد و ملف القضية اللي انقتل فيها حسان و اثبات انو كان معتدي على ياسمينة
و حكي كتير ماستوعبتو العمة بسهولة...._
وسيم:وهلأ ياست فاطمة...ياسمينة ببيتي و مابتعرف حدا و عم تطلب ترجع لعندك
فاطمة:بس حسب حكيك انك كاتب كتابك عليها يعني بتكون مرتك كيف بدك تطالعها من بيتك!
وسيم:ماعندي حل للاسف....هيه نسيانة و مافيني زكرها بشي...اذا تزكرت لوحدها بيكون منيح...غير هيك انا مابقدر اعمل شي...واذا بقيت هيك على طول...انا بطلقها غيابي بالمحكمة و خلصت القصة
فاطمة:ااااه يابنت اخي عاللي صار فيكي
وسيم:بدي منك تنتبهي عليها...بدي ياها تكون مبسوطة
فاطمة:عم توصيني على بنتي!....انا بدي حطا بعيوني و عوضها عن كل الظلم اللي نظلمتو
وسيم:تمام....انا رح روح هلأ و جيب ياسمينة
وسمحيلي اخد الوراق معي...كرمال مايوقعو تحت ايدها ويسببو مشكلة
فاطمة:طيب....عم انتظركن
_ببيت وسيم_
ام وسيم:ابقي زورينا...رح نفقدلك
ياسمينة:والله و انا رح اشتقلكن....بخلي عمو وسيم يجيبني لعنكن كل فترة
مريم:انتبهي عحالك منيح
ياسمينة:و انتي انتبهيلي عالبيبي الحلو....يلا بخاطركن
_بوستهن و طلعت من البيت....من بعد ماتعودو على وجودها بيناتهن بلطافتها و عفويتها الحلوة
طلعت بالسيارة...ونطرت وسيم ليطلع جنبها_
ياسمينة:بتعرف شو عمو وسيم
وسيم:لا مابعرف
ياسمينة:انا بدي ادرس طب
وسيم:منيح
ياسمينة:مشان عالج ايدك...انا كتير بزعل عليك لانو ايدك هيك
وسيم:لاتزعلي...اذا انا مو زعلان على حالي.
ياسمينة:انت ليش بتكرهني!!!
وسيم(باستغراب)انا !!!!
ياسمينة:بحكي معك مابتطلع فيني و كل الفترة الي قعدت فيها ببيتك ماحاكيتني ولاكلمة و هلأ ملتئم فيني
انا شو عملتلك حتى تكرهني
وسيم:عملتي اللي مابينعمل
ياسمينة:شو يعني!
وسيم:ولا شي انسي
ياسمينة:(تطلعت على شباك السيارة وشهقت)عمو وسيم!!....شوف القصر المهجور شو حلو!!
وسيم:ههه اي حلو
ياسمينة:اخ لو بقدر نام فيه ليلة وحدة بس و اكتشفو
_امتزجت ابتسامتو بدمعة وهو عم يطلع فيها...موقفو صعب كتير...وماعم يعرف كيف يتصرف_
ياسمينة:شو رأيك تاخدني عالبحر شوي قبل مانروح لعند عمتي
وسيم:شوبدك بالبحر
ياسمينة:بدي خبرو سر جديد
وسيم:ههه....ليش بتحكي اسرارك للبحر!
ياسمينة:اي...بحكيلو كل شي
وسيم:طيب تكرمي....ابو اسعد خدنا عالبحر
__على شاطئ البحر...ركدت ياسمينة و لعبت بالمي و وسيم واقف عم يتفرج من بعيد...ماكان فيها شي من ياسمينة حبيبتو غير شكلها...بعد اكتر من نص ساعة نادتلو يوقف جنبها و الشمس عم تغيب_
ياسمينة:شايف شو حلو
وسيم:نحنا تأخرنا
ياسمينة:انا خبرت البحر بسري....وبدي خبرك ياه انت كمان
وسيم:واللي هو
ياسمينة:انا مابعرفك....مابعرف عنك شي....بس في شي غريب عم يدق بقلبي لما عم شوفك....عم حس انو انت كنت شي مهم عندي قبل ما افقد الذاكرة
وسيم:كيف يعني شي غريب؟؟
ياسمينة:بحس ببرد بقلبي..هيك بيصير بيرجف...و بحس انو بدي ابقى عم طلع فيك...بحاول اتزكر بس مابقدر
خبرني انت مين؟؟انت شو كنت بالنسبة الي؟
انا عم شوف الحزن بعيونك...عم حس اديش انت مقهور
بس مابعرف ليش...خبرني انت...لاني حاسة اني السبب بحزنك و زعلك
_برم وجهو للبحر....وكتم الاه بصدرو....هيه بدها تعرف و مصرة تعرف.....مسكت وجهو وبرمتو لعندها_
ياسمينة:حكيلي
وسيم:مابقدر...بخاف اذا حكيت اخسرك
ياسمينة:مارح تخسرني بوعدك
وسيم:مارح تتحملي تسمعي شي....خليكي هيك نسيانة كل شي احسنلك
ياسمينة:العقل بينسى...بس القلب لا...مابينسى.....قلبي عم يرجف لما شوفك...عم حس بشي ناقصني...يمكن اسمها حاجة....عم حس بحاجة الك...انت كنت كتير مهم
انا متأكدة....خبرني...خليني اتزكرك
وسيم:اوووف....خلينا نمشي تأخرنا
ياسمينة:وسيم....انت بتحبني...كنت بتحبني مو هيك...قول...و انا كنت بحبك؟؟
وسيم:مشان الله سكري هالموضوع
ياسمينة:مارح سكر وبدي اعرف كل شي
_طلع فيها و اخدتو بجمالها و نظراتها...حس بحاجة كبيرة انو يحضنها و ياخدها بين ايديه...قرب منها بهدوء...و لف ايدو حول خصرها و شدها الو
هيه استغربت....بس شعور الامان..خلاها تسترخي و ماترفض قربو منها بهالشكل_
وسيم(همس)بحبك.....مع انك نستيني بس انا بحبك
فكرك يعني اذا نسيتيني...بنساكي؟...مابقدر...مو بإيدي
مابقدر انساكي بس بدي منك تبقي نسيانتيني...لانو اسمي مرتبط بالوجع بالقهر بالعذاب...نسيني...خليكي نسيانة لانو اريحلك....لانو مابدي ياكي تعيشي الجرح مرة تالتة...بيكفيكي مرتين...وانا....انا الي الله
يمكن اخدت جزائي العادل....لانك كنتي رح تغفريلي وتسامحيني اكيد...بس هيك...اكبر عقاب الي انك نسيتيني...اكبر عقاب...قلتيلي مرة انك رح تنتقمي مني بابشع طريقة و مابظن في اصعب من نسيانك الي!
_بعدت عنو لتشوف عيونو عم تدمع...و الاسى راسم ملامحو على وجهو....رغم كل المو ابتسملا...ومسح بايدو على خدها_
وسيم:(بحزن)عرفتي شو كنت بالنسبة الك
ياسمينة:(بلهفة)مابدي اتركك...مافيني شوفك عم تتعزب هيك بسببي مافيني
وسيم:شوبدك فيني...عيشي حياتك وماتسألي على حدا و اولهن انا
ياسمينة:بس انت بتحبني!
وسيم:وانتي مابتحبيني!!!!
ياسمينة:عم حس بشي غريب تجاهك!
وسيم:(ابتسم بحزن)مابيكفي تحسي بشي غريب!
ياسمينة:خليني اتزكر....زكرني...ورجيني صور اي شي خليني اتزكر
وسيم:شوفي....بالحالتين رح اخسرك...انا شايف اني اخسرك بدون جروح احسن...بدون ماتكوني منهارة
بدون الماضي احسن....وخلي الماضي الي انا بعيش فيه
ياسمينة:انا اسفة لانو عم اعمل فيك هيك
وسيم:ماتعتذري....موطالع بالايد شي....يلا امشي عمتك بتكون ناطرتك
_اديش صعب تنسى ماضيك...تنسى حدا كان اساس حياتك....و تنجبر تتركو بنص الريح عم يعافر لوحدو
و ايدك تتخلى عنو.......بس لانك.....نسيت!
ياسمينة....كملت حياتها ببيت عمتها....و وسيم طلقها غيابي بالمحكمة....املاك حسان...كانت كلها مسجلة باسم ياسمينة....وعاشت حياة كريمة و عادية متل حياة اي بنت
و صفحة الماضي تسكرت للابد......لاياسمينة تزكرت
و لاحدا زكرها...اما وسيم...كمل حياتو وحيد...بدون زواج...بدون حدا يشاركو الوجع...تلقى علاج فيزيائي لايدو....وبعد سنتين من العلاج قدر يحركها....بس ماستعاد حركتها الطبيعية
افتتح شغل جديد مع قيس....بالتجارة و وكالة الازياء تسكرت و اتمزقت وراقها
كل شي صار كان متل الحلم.....متل الخيال...صار و انتهى....وكأن شيئا" لم يكن!
_بعد 3 سنوات_
_نقر الباب_
وسيم:تفضل
قيس:شو لساتك قاعد....يلاقوم تأخرنا
وسيم:مالي نفس
قيس:لك وسيم حاجتك بقا هي رابع جماعة بتعمل فيهن نفس الشي....روح شوف البنت و بعدها قول مابدي
وسيم:يا اخي مالي نفس...شو الشغلة بالزور...قلبي مو مشروح...روح انت و اهلي و بعدين قولو ماعجبتكن وخلصنا
قيس:هات لشوف شو هالورق اللي بايدك.........رجعنا للرسم!!!
وسيم:قيس....كول هوا....ونقلع من وجهي و قول لامي حاج تحاول لانو مارح تستفيد شي
قيس:لك حاج بقا تصغر حالك و تصغرنا ادام الناس بكرا مابقا حدا يعطيك
وسيم:قلك شو....كمل الحديث لحالك انا ماشي
قيس:لك لوين....لك وسيم تعا لهون مابيصير هيك..لك وسيم...اوف يااااا
_ترك قيس و مشي....ركب بسيارتو و راح لبيتو اللي سكنو من جديد....القصر المهجور....اشتراه من صحابو وجددو بشكل كامل...الا غرفة ياسمينة خلاها على وضعها...بس حتى لما يشتقلا يقعد فيها و يحس فيها جنبو....دخل عالقصر..وراح لغرفتو....شغل اغنية و تمدد واسترخا على انغامها وكلماتها_
"صوتك....وجهك...عطرك...شعرك...
لمسة ايدك عم تندهلي
شايف فيكي ام ولادي...
شامم ريحة ارضي و اهلي
عارف خلف البحر الازرق
لما الشمس تموت بتخلق
عارف انك عمري الجايي
لما الماضي ببحرك يغرق
بقول بحبك
قلبي بيكبر
وسع الكون و ارجع اصغر
عمر فوق الرمل الدايب
قصر الشوق الما بيتعمر
بحلم فيكي
و عم اتأمل
يكبر مرة الحلم و يكمل
عمر بيتي عايديكي
بيت صغير يصير الاجمل"
_سمع صوت جرس البيت....تلكك كتير قبل مايقوم يفتح...بس عرف انو مافي مهرب من امو
نزل على مهل...و هو مالل من المحاضرة اللي صار حافظها بصم...
فتح الباب و برم ضهرو و هم بالفوتة لجوا_
وسيم:شو شايفك ساكتة...تفضلي امي بلشي بالمحاضرة
وسيم(برم ضهرو لناحية الباب)امي......عفوا"...مين حضرتك
ياسمينة:يمكن تنسى الشكل....او تخربط فيه...بس معقول تنسى الصوت؟
وسيم:ياسمينة!!
ياسمينة:(ابتسمت)
وسيم:لحظة....لحظة...(شغل الاضاءة بالصالون)
لك هاد انتي!!....كيف عرفتي عنواني
ياسمينة:اللي بيسأل مابيتوه
وسيم:فوتي...تفضلي
ياسمينة:كيف سمحت لحالك تسكن بقصري؟
وسيم:نعم!!!
ياسمينة:نشالله ماتكون غيرت شي بغرفتي كمان
وسيم:ماعم افهم عليكي !!
ياسمينة:طيب...كيف لابقلي الحجاب؟؟
وسيم:كتير...بس فهميني
ياسمينة:شو اخبار الرسم...عرفت انك تركت التصميم و حولت للتجارة
وسيم:انتي تزكرتي...رجعتلك زاكرتك
ياسمينة:قصتي انا وياك بلشت بنسيان....انت كنت ناسيني...وبالمقابل انا نسيتك...انت جرحتني
بدون ارادة انا جرحتك....كان هدفي انتقم منك وكان هدفك تنتقم لشرفك
بس القدر اخترلنا هدف تاني...وقرر يجمع قلوبنا
وسيم:بس....اعصابي ماعاد تتحمل...قولي تزكرتيني؟
_قربت منو بخطوات بطيئة...و ابتسامتها ماعم تفارق وجها....صارت مواجهو و مسكت ايدو اليمين..الي كانت مشلولة...هو غمض عيونو...ودقات قلبو عم يعلا صوتها وحس بقلبو صار بحلقو....حتى انفاسو داقت_
ياسمينة:حاسس بشي
وسيم:حاسس بكل شي
ياسمينة(همست)بحبك
وسيم:تعالييي.....تعالي لقلبي....تعالي لروحي...رديلي الروح...تعالي
_حضنها و شد عليها....شم ريحتها...وحس كأن الروح عم تنوضع بصدرو مرة تانية
وهيه شدت ايديها على ضهرو....مسكت بتيابو و شدت كتير
بعد وجها عنو و طلع فيها ومسح على خدودها_
وسيم:تزكرتيني
ياسمينة:ليش انا نسيتك بيوم؟
وسيم:مافهمت
ياسمينة:ههه...قلبي مانسيك...عقلي نسي...بس قلبي لا
ضليت عم حس بنفس الرجفة...بنفس النقص
قررت دور وفتش و ما ابقى ساكتة عن هالشي
صدفة....شفت صورة لعارضة ازياء اسمها جوري..اشتغلت مع وسيم بيك فترة و اختفت
وبلشت القصة شوي شوي تظهر و انا تزكرت شوية تفاصيل...تزكرت عيون زرق نظراتن بتخوف
تزكرت حضن دافي....وتزكرت صوت حنون
دورت على صورك...وعالانترنت لقيت القصة كاملة
و عمتي حكتلي اللي بتعرفو
وسيم:يعني تزكرتي كل شي
ياسمينة:مع الوقت...تزكرت حسان و اللي عملو فينا...وتزكرت اديش انا بحبك...فكرت بيني و بين حالي
انو الماضي مو بايدنا نغيرو بس المستقبل اكيد
ولانو صفحة الماضي انطوت...قررت غير حالي و غير شكلي....اتحجبت...و التزمت بلكي بكفر عن ذنوب عرض الازياء....وبلكي ربي لما يسامحني بيجمعني فيك
تواصلت مع قيس من كم يوم وهو عطاني عنوانك
طبعا بدون مايعرف مين انا....وليكني ادامك
نفس ياسمينة اللي حبتك...ماتغير شي الا انو الحب كبر
كبر كتير لدرجة ماعاد اقدر احبسو بقلبي اكتر من هيك
وسيم:(الدموع بعيونو)لك انا بعشقك....بعشقك...ياسمينتي و جوريتي و اميرتي...بعشقك...مغرم فيكي...بهواكي....انتي خلص مابقا تطلعي من هالبيت لمكان
ياسمينة:لا....(بدلع)اذا بدك ياني بتجي بتطلب ايدي
وسيم:مافي حاجة ياعمري...انتي مرتي..مرتي انا
ياسمينة:كيف هيك!
وسيم:انا قلت للكل اني طلقتك غيابي....بس انا ماطلقتك و خليتك على ذمتي...مشان اذا تزوجتي..الشرطة تحبسك
ياسمينة:هههههه
وسيم:دخيل هالضحكة....وحياتك...ماحدا بيلمسك غيري
ياسمينة(بخجل)وسيييم!!
وسيم:لك رووحوو
معلش مانعمل عرس
ياسمينة:معلش
وسيم:بكرا بدي ياكي عندي...جهزي حالك اي
ياسمينة:بكرا بكرا؟؟!
وسيم:ليش انا رح اقدر انطر اكتر....صرلي 3 سنين عايش على اعصابي...ماعاد عندي صبر
ياسمينة:طيب
وسيم:قعدي خلينا نشرب شي
ياسمينة:لابدي امشي
وسيم:لاتتدللي دخيلك
ياسمينة:خليني اتدلل لبكرا بس
وسيم:ياااارب تصبرني لبكرا
_باليوم التالي عملو حفلة عائلية صغيرة...جمعت بس المقربين....وياسمينة لبست فستان شيفون ابيض...وجاكيت فرو ابيض و حجاب ابيض عالطريقة التركية مع مكياج ناعم
دامت الحفلة ساعة ونص...وبعدها راحو الكل ووبقيو وسيم و ياسمينة لوحدهن_
وسيم:هي اجا بكرا
ياسمينة:(بخجل)شو يعني
وسيم:يعني....تعالي لقلك
_وطى و حملها و طلع عالدرج و عيونهن ماعم تتفارق
وقلوبهن ارتبطو بحبل متين وماعاد يفرقهن غير الموت_
وسيم:تفضلي...هي غرفتك
_دخلت ياسمينة على غرفتها القديمة...شافت صورها مع وسيم...وصور من عروض الازياء....وكل الفساتين اللي لبستهن معلقين على موليكانات..._
وسيم:كتير...كنت اتخيلك بهالفساتين....قاعدة جنبي...شميت ريحتك فيهن كتير...وتحقق حلمي
وصرتي معي وبين ايديي...وماعاد اسمحلك تروحي من بين ايديي شو مااا صار
ياسمينة:ماعم اعرف شوبدي احكي
وسيم:ماتحكي...انا قاعد بقلك وبعرف كل كلمة قبل ماتحكيها
ياسمينة(ابتسمت بخجل)
وسيم:فوتي على غرفتنا....مجهزلك فستان عالتخت...بدلي تيابك...وفرديلي شعرك و تعالي لعندي ناطرك هون
ياسمينة:حاضر
_راحت لغرفة وسيم و لقت فستان باللون النيلي محطوط عالتخت...لبستو...وفردت شعرها الاسود الطويل و الناعم...تأملت حالها بالمراية لثواني...لما فتحت الباب لقت وسيم بوجها_
وسيم:شتقتلك
ياسمينة:انا اكتر
وسيم:متل ماتخيلتك تمام
ياسمينة:هالمرة سكرت السحاب لوحدي
وسيم:بحبك
ياسمينة:انا اكتر
وسيم:في شي مشتاق اعملو من زمان
ياسمينة:شو هو
_حط ايدو على رقبتها و تحسس نبضها_
وسيم:لك حتى نبضك بيجنن
ياسمينة:خلص وسيم!!
وسيم:طيب...متل مابدك....بس بدي ياكي بكلمتين على انفراد
_دخل وسكر الباب وراه...و ابتدئت حياتهن الزوجية سوا
من بعد طول عناء....و حزن...و وجع
الحب هيك....صعب...متعب...مافيه راحة ابدا
الحب...بيخليك تنذل اد ماكنت مغرور...والحب بيخليك تسامح اد مانجرحت...الحب..اقوى من اي رابط تاني
الحب قليل يلي بيقدر يفهمو...قليل يلي بيقدر يتحملو
وقليل يلي بيقدر يحافظ عليه.....بيجي بسهولة و الحفاظ عليه كتييير صعب_
#انتهت
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`