الفصل 10
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم الجميل_والمتوحشة`*
*❴🔢❵الـــبـــــــــــ❴🔟❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الجميل_والمتوحشة
#بقلم_فيلوفوبيا
الجزء العاشر
(كل شي عم يصير جواتي ماعم افهملو معنى و لاتفسير
رغم اني بخاف من كل الناس....بس منو ماعم خاف
رغم اني برجف اذا حدا حاول يلمسني....بس هو لما لمسني انا تطمنت
معو عم حس بالامان....و بحضنو...عم حس بالدفا
بغيابو على طول بحس شي ناقصني...بحس اني عم دور عالجزء الي ناقص مني
مع اني كنت اكرهو...و جواتي حقد كبير عليه
بس هو بتصرفاتو و بحنيتو عم يمحي كل الحقد الي جواتي...وعم يخلق بدالو حاجة الو
بلشت حس انو مالي غيرو بالدنيا...وبلشت حس بمرارة البعد عنو
بدي كون جنبو على طول....بدي حس بوجودو و بدي اسمع صوتو
عم حس حالي رجعت بنت ال18 سنة الي حبت وسيم
بس الفرق انو عاصفة الحب هالمرة اكبر ومدمرة اكتر))
_حطت القلم بالدفتر و سكرتو....فتحت جوالها لتطلع صورتها مع وسيم عالشاشة الرئيسية
سعادة كبيرة بتحسها لما بتطلع فيه لو بالصورة
وهيه شاردة....سمعت نقرات عالباب وراحت لتفتح_
ياسمينة:هاد انت!
حسان:ومين رح يكون ياحبي
ياسمينة:بس انا اتفقت مع وسيم يجي ياخدني للحفلة
حسان:معقول خطيبك موجود وتروحي مع غيرو....يلا خلينا نمشي
ياسمينة:(بلعت ريقها)طيب....خليني جيب الشال تبعي من جوا
حسان:ناطرك هون
_بالسيارة مع حسان_
ياسمينة:رح اتصل بوسيم و خبرو انك اخدتني
حسان:تمام
_وهيه عم تفتح جوالها لتتصل اتطلع حسان بطرف عينو ليشوف صورة وسيم عالخلفية وعلى شاشة القفل...وتفاجئ كتير بهالشي_
وسيم:prençes شوي و بكون عندك
ياسمينة:بدي خبرك انو حسان اجا و اخدني عالحفلة كرمال ماتعزب حالك وتجي
وسيم:بالله....طيب مافي مشكلة انا رح انطرك هون..انتبهي عل حالك
ياسمينة:اوك...باي
حسان:حبيبتي طالعة متل القمر
ياسمينة:ميرسي
حسان:اكيد هاد الفستان تصميم وسيم
ياسمينة:طبعا...ما انا الوجه الاعلامي لوكالتو ومافيني البس لغير مصمم
حسان:اها...وكيف علاقتك انتي وياه...انا لاحظت انكن مقربين من بعض...وكتير بتقضو وقت سوا
ياسمينة:بحكم الشغل منضطر نقضي اوقاتنا سوا
علاقتنا منيحة و نحنا اصدقاء
حسان:اممممم....وسيم منيح و انا بوثق فيه و بأمنو عليكي
ياسمينة:مالي ناطرة منك تأمن عليي مع حدا....انا قد حالي و مابسمح لحدا يتمادى معي
حسان:اي طولي بالك ياقطة ماحكيت شي
_مسك ايدها و باسها_
حسان:بحبك...ياحلوتي انتي
ياسمينة:ميرسي
_____
_بحفلة خطبة مريم على قيس كان الكل موجود
و عم يحكو بالفستان اللي صممو وسيم لاختو العروس
و اديش هو مصمم بارع
كانت فرح ملزقة فيه كل الوقت بحجة انها غريبة
و كانت صفاء بنت خالتو عيونها عليه عشرة عشرة
بس هو تلخطبت افكارو لما عرف انو حسان اخد ياسمينة و خاف يعمل شي مومتوقع فيها
نطر وصولها على اعصابو....وبعد نص ساعة كانت واصلة و مشنكلة حسان_
وسيم:تأخرتي!!!....الصحافة ناطرينك
ياسمينة:اسفة ماقصدت
حسان:طول بالك وسيم....المخلوقة الها حياتها الخاصة
وسيم:لاتواخزني حسان بس لازم اخد جوري منك
الصحفيين ناطرينها
حسان:عحسابك بس لاتنسى ترجعها
وسيم:اكيد ولو....تفضلي
ياسمينة:(همست)كنت رح تكشفنا!!
وسيم:عملك شي
ياسمينة:لا....بس ماكان على طبيعتو
وسيم:بلش يشك انو في شي بيناتنا وهاد الي بدي ياه
ياسمينة:يعني مرحلة الخطر بلشت
وسيم:هيك شي....ليكي الصحفية هونيك خلينا نحكي معها كلمتين و بعدها منكمل حديثنا
_مرقت الحفلة بين نظرات عم ترصد اقل حركة و وعيون مشتاقة تلاقي بعضها....حسان كان متيقظ لكل شي عم يصير حواليه وكل كلمة عم يسمعها كان عم يسجلها و بلش الشيطان الي جواتو يتحرك و يرسم المكيدة لياسمينة و وسيم_
وسيم:الحفلة صارت بآخرها....حسان بتسمحلي اخطف منك جوري لاخر رقصة
حسان:ولو....مع انو كنت حابب انا ارقص معها بس معلش...تفضل
وسيم:prençes
_مسك خصرها النحيف بإيد و مسك ايدها بإيد
وعيونو تركزو على عيونها والتقى اللون الازرق بعيونهن ليتحول لمحيط عم يغرقهن هنه التنين و اكتفو بالنظرات و بدون مايحكو شي كانت عيونهن عم تحكي كتير كلام
و بآخر الرقصة همس باذنها_
وسيم:حسان رح يجن جنونو....بس يوصلك للبيت تفاديه ولاتخليه يدخل لعندك....انا رح الحقكن بسيارة غير سيارتي و رح كون معك اذا صار شي
ياسمينة:اوك...
_مسك ايدها و باسها_
وسيم:شكرا على هالرقصةma prençes
ياسمينة:شكرا الك وسيم
حسان:احم....نمشي
ياسمينة:اوك....بشوفك بكرا وسيم..au revoir
وسيم:مع السلامة
_بالسيارة مع حسان_
حسان:عملي حسابك بدي قرب موعد العرس
ياسمينة:qoi؟؟؟
حسان:ليكي جوري....حكي فرنسي معي مابدا...بتعرفي تحكي عربي متل البلبل هي واحد و تنين هيك انا بدي قرب العرس...وتلاتة بدك تنسي وسيم و الشغل مع وسيم بعد مانتزوج
ياسمينة:mais انا اللي بقرر هالشي
حسان(صرخ )قلتلك لاتحكي فرنسي!!!!!
ياسمينة:شو صرلك!
حسان:شو في بينك و بين وسيم!! احكي!!!!
ياسمينة:مافي شي....وسيم صديق و رئيسي بالشغل
حسان:كزابة!!....انا شفتو كيف عم يطلع فيكي..شفتو بعيني
ياسمينة:انا ماعم كزب بشي حسان مافي شي بيناتنا...خود اتصل فيه و فهام منو اذا بتحب
حسان:لك شيلي هالبطيخ من وجهي احسن ما اكسرو!!
صورتو شوعم تعمل على شاشو جوالك بدي افهم
ليش كان ملهوف عليكي وقت وصلتي و خطفك مني فورا....ليش رقص معك اخر رقصة مع انو البنات حواليه متل النحل...فهميني...ليش عيونو اكلوكي كل الرقصة و مانزاحو من عيونك و انتي لك انتي بادلتيه نفس النظرات ليش!!!!!
ياسمينة:حسان انت فهمان الموضوع غلط
_وقف حسان السيارة على جنب وطلع بعيون ياسمينة بنظرات عم تقدح نار_
حسان:شوفي.....انا عملت بوسيم من زمان الشي اللي ماعملو حدا بس لانو قرب من بنت كنت حبها....وهلأ مستعد عيد نفس الشي ومو بس هيك...مستعد دمر كل حياتو...اذا في شي بيناتكن بنصحك تنهي من عندك لانو اذا تأكدت انا مارح تمرق على خير ابدا عم تفهمي!!
ياسمينة:يعني شو اللي عملتو من قبل و مستعد تكررو
حسان:ههه.....ههههههه....هههههههه قتلت اختو...من بعد ما اغتصبتها و رميتلو ياها عالبحر ويادوب قدر يلم الفضيحة وماحدا عرف....ولاتفكري اني قصرت بالبنت الي كنت حبها....خليتها تشتهي الموت وماتلاقيه
عاملتها و كأنها شقفة حشرة و وكمان اغتصبتها اكتر من مرة....واخر شي كبيت عليها مية نار وشوهت وجها الحلو
لهيك....ديري بالك عحالك مني...انا متعود عالقتل و الحرق...بعدي عن وسيم...لانو اذا انخنت مرة تانية وكان وسيم السبب رح احرق الدنيا بما فيها
ياسمينة(بارتباك)صدقني مافي شي بيناتنا
حسان:نشالله.....ههه
_بقيت طول الطريق ساكتة و قلبها رح يوقف من الخوف و عرفت انو خلص حسان رح يكشفهن و اذا كشفهن رح توقع مصيبة....خافت على حالها وعلى وسيم وخافت هالمرة مريم تنقتل ظلم متل ما انقتلت مرام من قبل
ماصدقت ايمتا وصلت للبيت وراح حسان....اخدت حمام سخن و بدلت تيابها و تأكدت انو مافي حدا حول البيت و اتصلت بوسيم_
وسيم:شوفي ياسمينة!
ياسمينة:نايم!!!!....كيف فيك تنام كيف!!
وسيم:لك شو صار ليش عم تصرخي
ياسمينة:بدي شوفك
وسيم:هلأ!
ياسمينة:مافيني انطر للصبح
وسيم:طيب..رح اجي لعندك
ياسمينة:لا....بخاف يكون حسان مراقب البيت...رح اطلع من الباب الخلفي و بلاقيك عالشاطى جنب المنارة
وسيم:لك شوفي!
ياسمينة:وسيم....معك ربع ساعة بتكون عندي...سلام
_لبست جاكيت اسود وحطت طاقية على راسها لتخفي ملامحها و هربت من الباب الخلفي للبيت وركدت باتجاه المنارة و لما وصلت قعدت على قاعدة المنارة تنطر وسيم_
وسيم:لك شو صاير جايبتيني بنص الليل!!
ياسمينة:حسان....جانن جنونو...رح ينفجر متل البركان و يحرقنا كلنا
وسيم:لك شوقلك!!
ياسمينة:خود الموبايل و سماع
_كانت ياسمينة مشغلة مسجل الصوت لما عطت الموبايل لحسان يتصل بوسيم و سجلت حديثو كلو_
وسيم:خفتي من هالحكي!
ياسمينة:لك بدو يقتلني و يقتل مريم!!!مالك خايف على اختك؟
وسيم:طبعا خايف على اختي بس مارح خليه يلحق يعمل شي
ياسمينة:شو يعني
وسيم:يعني بكرا....رح انهي كل شي...بكرا لاتجي عالشغل و انا رح اجي لعندك و رح ننهي كل شي
ياسمينة:وسيم هاد مجنون ممكن يكون مسلح...مابتعرف شو ممكن يعمل
وسيم:لاتخافي...انا مجهز اموري انتي بس تفرجي
_قربت منو وحطت ايدها على خدو و طلعت بعيونو_
ياسمينة:اذا صرلك شي...مارح سامح حالي كل عمري
وسيم(ابتسم)ماتخافي...وسيم قدا و قدود
_ابتسامتو...عيونو...حتى صوت انفاسو...كل شي فيه خلاها تنطق بدون ماتحس وكأنو سلبها ارادتها_
ياسمينة:انا بحبك
وسيم:(مسح على خدها وزاح شعرها عن وجها)قديش؟
ياسمينة:بحبك...قد..(تنهدت)
وسيم:ههه...شو
ياسمينة:قد ما عيونك بيسحروني....قد حنيتك عليي...قد ثقتك بحالك...بحبك...بحبك قد كل البشر الي حبو و اللي ماحبو....بحبك متل مولازم حبك....وبحبك متل مابتحب اني حبك
وسيم:ma prençes انتي شاعرة!ماكنت بعرف
ياسمينة:والله بحبك
وسيم:شايفة كل شي حكيتيه.....انا بحبك اضعافو
واضعاف اضعافو كمان....كلمة بحبك قليلة كتير لتوصف شو بحس تجاهك ياحلوة
_بايديه الباردين حضن خصرها...وقربها منو وشدها لبين ضلوعو...وكأن توأمين كانو ضايعين عن بعض و التحمو من جديد....وكأن انك تحب حبيبك مرة وحدة مابيكفي و لازم تحبو كل يوم مرة جديدة
و كأن روحك الي جواتك خلقت ليشاركك فيها حدا
مو اي حدا....شخص واحد و محدد هو بس اللي ممكن تشاركو روحك_
_بعد نص ساعة_
وسيم:وهي فتشنا البيت كلو....فوتي نامي و الصبح بكير رح اجي لعندك
ياسمينة:خايفة
وسيم:هي اخر مرة رح تخافي و بعدها رح نفتح صفحة جديدة....فيها وسيم و ياسمينة بس
ياسمينة:بحبك
وسيم:ششش....لاتقوليها كتير بخاف اتعود
_قربت منو وباست خدو_
ياسمينة:مو على كيفك
وسيم:هههه...يلا فوتي و سكري عحالك الباب...بون وي
ياسمينة:بون وي
_سكرت باب البيت و سندت حالها عليه و قلبها عم يخفق...ماجربت هالاحساس من قبل حتى لما حبت وسيم من قبل ماكان هيك احساسها
طلعت لغرفتها بالطابق التاني و دخلت تدوشت و طلعت لتنام....تأملت وجها عالمراية وتوجهت للخزانة لتطالع تياب....و لما فتحت الخزانة تفاجأت بحسان بوجها_
ياسمينة:(صرخت من رعبتها)انت شو عم تعمل هون
حسان:ههه سوربرايز
ياسمينة:حسان اذا بتريد طلاع لبرا انا مابحب هيك حركات
حسان:ولووو.....شو بس وسيم الو بالطيب...كمان نحنا النا بالطيب نصيب
ياسمينة:انا ماعم افهم عليك...وطلاع لبرا قبل ماجبلك الشرطة
_طلع حسان من الخزانة و بلش يقرب منها و هيه ترجع بخطواتها لور_
حسان:شو بدك تقولي للشرطة....تعالو خدو زوجي!!!
ياسمينة:طلاع لبرا!!!!!!!!
حسان:انو فورا خبرتي حبيب القلب باللي صار...ماقدرتي تنطري لبكرا يعني!
ياسمينة:م م مين حبيب القلب!
حسان:ولووو وسيمو...حبيب قلبك ياقلبي
ياسمينة(بخوف):انت غلطان مافي شي من هاد
حسان:مفكرتيني بهالغباء...اني رح صدقك و خلي المي ماشية من تحتي ومالي دريان
ياسمينة:انا رح اتصل بالشرطة
حسان:اي اتصلي اذا لحقتي
ياسمينة:شو رح تعمل
حسان:بدنا نعيد الماضي.....يا....ياسمينة
كان حامل دفتر مذكراتها الي لاقه وقرأ كل شي جواتو قبل ماتجي ....رماه بوجهها وحصرها بينو و بين الحيط و بلش يقرب منها و يتلمس جسمها وهيه تصرخ_
ياسمينة(تبكي):ببوس ايدك....ببوس ايدك بعد عنيييي.....بعد عنييي.........وسيييييييييم!!!!!
حسان:عم تنادي لوسيم يابنت الكلب.....والله لألعن ابوكي على ابو وسيم....تعي لهون!!!
_شدها من شعرها و رماها عالتخت.....ونفس شريط الماضي تكرر...بس الالم اكتر و الوجع اكتر
ماكان في شي بيقدر يوقف شيطان عم يفتك بفريسته
لابكاء و لا استنجاد ولا اي شي_
ببيت وسيم
وسيم:امي!انتي صاحية
ام وسيم:شو طالعك من البيت بهالوقت
وسيم:رحت شفت شخص مهم
ام وسيم:قصدك بنت مهمة
وسيم:ههه هيك شي
ام وسيم:دير بالك عحالك يا ابني
وسيم:ماتخافي عليي...يلا تصبحي على خير
_طلع عالدرج بسرعة ودخل لغرفتو و ارتمى غالتخت و فورا حاول ينام....بس خيال ياسمينة براسو....و كلماتها لما قالت بحبك....بوستها على خدو و ابتسامتها
كل شي منعو من النوم و رفع جوالو ليتصل فيها
اول مرة...ماردت..فكرها نامت....بس في شي جواتو عم يقول انها مو نايمة....اتصل تاني مرة و انفتح الخط_
وسيم:ماقدرت نام بدون ما قلك تصبحي على خير.................ياسمينة........انتي معي!
حسان:هههه....انا رأيي تعال ودعها لانو بيجوز ماتلحق الدفن
وسيم:مين.....حسان!
حسان:مو حسان.....انا حاصد روحك و روح حبيبتك ياسمينة.....خلصت منها و روحها صارت بجيبتي وباقي حضرة جنابك
وسيم:شو عملت فيها يا واطي
حسان:هههههههه.....بس تشوفها رح تعرف لوحدك و عقبال اختك الحلوة مريومة
وسيم:(صرخ)خراااس ياواطي.....ستنى عليي 5 دقايق و بكون عندك و واجه رجال متلك ولا تتقاوى عالبنات
حسان:ناطرك لخلص عليك انت التاني
_انتفض وسيم و طالع مسدس كان مخبيه بين الكتب و حطو على خصرو و طلع عم يركد من البيت
ساق سيارتو باقصى سرعة و ماعرف كيف وصل لبيت ياسمينة...دفش الباب برجلو و دخل و طلع بسرعة لغرفة ياسمينة_
وسيم:والله لالعن شرفك ياحسان!!!
حسان:اذا قدرت لاتقصر
_طلع وسيم ليشوف ياسمينة مرمية عالتخت و الشرشف مردود على جسمها....و بقع الدم معبية الشرشف_
وسيم:ياسمينة!!!!!.....اصحي...اصحي بترجاكي
حسان:خلص...ماتت ياسمينة و الدور عليك هلأ
وسيم:نجوم السما اقربلك ياواطي
_بنفس اللحظة رفعو مسدساتهن و قوصو على بعض
عم الهدوء بالمكان لدقايق....قبل مايتحرك وسيم و يشد حالو لمكان حسان و يقوص على مرة تانية وهو مرمي عالارض ودموع وسيم على خدودو_
وسيم:هي لياسمينة يا كلب......وهي لمرام.....(وطى على ركبو وهو عم يلهث و ايدو عم تنزف..من بعد ما غلط حسان بالتصويب و الطلقة صابت ايد وسيم)
اقسم بالله لوفيني اخد روحك مية مرة مارح قصر
(ضرب رصاصة تالتة عليه)هي لياسمينة و لقلبي الي حرقتو عليها!!!!
_رفع نظرو....و طلع بالتخت اللي مرمية عليه ياسمينة
و الدم عم بنزف من بطنها بشكل رهيب....واضح انو حسان قوص عليها من بعد ماخلص
شد حالو بصعوبة و قرب منها و طبطب على خدودها الباردين_
وسيم:ياسمينة.....قومي.....قومي انا قتلت حسان متل ماوعدتك....قومي حبيبتي...قومي بدي قلك اني بحبك
بدي عيش معك باقي عمري....ياسمينة(يبكي)....لاتتركيني لوحدي و تحمليني ذنبك ببوس ايدك!!!
_بس ياسمينة ماردت....لمس رقبتها و تحسس نبض شريانها اللي كان عم يهتز بشكل ضعيف كتير
انمزج شعورو بين الفرح و الالم....و رفع جوالو و اتصل_
وسيم:الو.......الشرطة.....بدي بلغ عن جريمة قتل.....رح اعطيك العنوان....بس ياريت تجيبو الاسعاف لانو في تنين متصاوبين و وضعهن صعب.....سجل عندك
#يتبع
شومصير ياسمينة؟!ممكن تكون ماتت!!!ويا ترى اذا طلعت عايشة رح تكمل مع وسيم!
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`