الفصل 6
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم الجميل_والمتوحشة`*
*❴🔢❵الـــبـــــــــــ❴6️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الجميل_والمتوحشة
#بقلم_فيلوفوبيا
الجزء السادس
_بعد ست شهور_
_عيون عم تطلع فيها بإعجاب....و عيون مبين عليهن الغيرة
هيه ماتعودت حدا يشوف وجها هيك بدون غطا
و هالشي سببلا شوية ارتباك..مشيت بخطوات سريعة بناحية البوابة الكبيرة...لتشوف وسيم واقف جنب سيارتو و عم يطلع على الساعة بإيدو...حست براحة لما شافتو و قربت منو لتحكي معو_
ياسمينة:بونجور
وسيم(بتعجب)بونجووور مادموزيل
ياسمينة:(ابتسمت بخجل)
وسيم:هلأ انا شفت الصور....بس مابخفيكي ماتوقعت تكوني على الواقع بهالجمال هاد!!
ياسمينة:ميرسي(ابتسامة)
وسيم:مبين انك تأقلمتي على جو فرنسا
ياسمينة:كتير
وسيم:ممتاز....تفضلي مادموزيل جوري عالسيارة....الوكالة ناطرتك
ياسمينة:حسان رح يكون هنيك؟
وسيم:لا....حسان خليه لبعدين....اساسا حسان بيشتغل بالعقارات ومافي شي مشترك بيناتنا...يلا تفضلي و منحكي عالطريق
_ركب بالسيارة و تطلع فيها و هيه جنبو بس ما كأنو هيه
تذكر وقت طلع معها ع فرنسا و وتركها عم تبكي و رجع
تذكر رحلة الست شهور الطويلة من عمليات و ادوية و علاجات....كل يوم كان يتصل و يسأل الاطباء عن حالتها
و يبعتولو صور تحسن شكلها
و بنفس الوقت كان عم يهيئ جو استقبالها
و يتصنع كل شي من مكالمات مزيفة مع مدير اعمالها الوهمي و مع العارضة الجديدة...الكل بشغلو كان ناطر هي العارضة ليشوفو مين هيه الي قدرت تبهر وسيم من بعد ماكان ماينبهر بأي انسانة
حتى اهلو وصللن الفكرة وحكالهن عنها شوي
صنع منها انسانة جديدة على ذوقو و حسب معاييرو الشخصية
خلاها تتلقى دروس بالاتيكيت و دروس بعرض الازياء
حولها لانسانة تانية داخليا" و خارجيا"
اختفت كل التجاعيد و الحروق من وجها و رقبتها
و عيونها تفتحو وظهر لونهن الازرق الفاتح
وبشرتها رجعت بيضا و مشدودة
انفها منحوت بشكل اكتر من رائع و كأنو مرسوم رسم
و شفايفها الي كانو مختفيين ظهرو...وصار تمها مليان و لونو احمر
حتى خدودها تشبعو باللون الاحمر
شعرها الي كان مابيفرق عن الخيطان صار لونو اسود و طويل و ناعم...رموش عيونها طوال و حواجبها مرسومين
ايديها ناعمين و بيض متل التلج والمنكير الاحمر زايدهن جمال
يمكن هيه هلأ مابتشبه ياسمينة الاصلية....بس الاكيد انها بتشبه ملكات الجمال...مو بتشبهن...هيه ملكة جمال عنجد!
ياسمينة:شو....طولت و انت ساكت!
وسيم:ااحم....ولاشي عم فكر بس
ياسمينة:(بارتباك)خايفة حسان يعرفني
وسيم:اذا انا ماعرفتك حسان رح يعرفك!
ياسمينة:بيجوز
وسيم:ارتاحي ولاتخافي....مابتشبهي حالك بشي....اساسا مابتشبهي حدا...على طلبي تماااام
ياسمينة:يعني انت طلبت هيك كون؟
وسيم:بأدق التفاصيل
ياسمينة:ومين كان بدك ياني اشبه؟!
وسيم:ماحدا.....صورة مرسومة بخيالي وحولتها لواقع
ياسمينة:بس من برا....اما من جوا ماتغير شي
وسيم:المهم عندي انك تكوني عارضة ازياء بتصرفاتك
ياسمينة:لساتني بكرهك....وحاقدة عليك و رح انتقم منك
وسيم:بظن انو لازم تشيلي الانتقام من راسك...لاني عوضتك عن جمالك و عملتك احلا من قبل
ياسمينة:و وجعي؟و وحدتي؟و براءتي اللي استباحها حسان بسببك!!!....هاد كيف فيك تعوضني عنو...كيف فيك تنسيني ياه؟؟!قلبي الي انكسر و اندعس وماعاد الو وجود...مشاعري الي تمزقت...كيف فيك ترجعلي ياهن!
وسيم__
ياسمينة:طبعا رح تسكت...لانو ماعندك جواب...لانك مابتعرف كيف....او بالاحرى...لانو هالشغلات مابقا ترجع و لا بتترمم....انا من برا كاملة و جمالي بينشهد فيه
بس من جوا انا دمار...حطام انسان مو اكتر
_كملو طريقهن ساكتين....حتى عيونهن ماطلعو ببعض
لانو الجرح و الوجع...سكت كل شي حتى النظرات_
//بالوكالة//
رجاء:لك فرح!!....قومي بسرعة وسيم اجا و معو العارضة الجديدة
فرح:شوعم تحكي!....نشالله ماتكون حلوة يااارب
رجاء:صرلو اكتر من شهرين عم يركد وراها اكيد حلوة حبيبتي
فرح:الله لايقدر!
_دخل وسيم و معو ياسمينة عالوكالة و عيون الكل من بنات و شباب عليها....مشيت جنبو بثقة حتى وصلو للمصعد_
وسيم:خليكي قوية....ماتتوتري
ياسمينة(بارتباك):مالي متعودة
وسيم:اول خطوة بس هيه الصعبة و بعدين كل شي بيصير سهل
ياسمينة(اخدت نفس):طيب
وسيم:القسم اللي مكتبي فيه....كلو بنات...انتبهي منهن لاني مابوثق فيهن
ياسمينة:خاصة فرح
وسيم:برافو....حافظة درسك....يلا تفضلي
_جنب المصعد كانت واقفة فرح و مساعدتها رجاء وناطرين وسيم ليطلع_
فرح:صباح الخير استاذ
وسيم:صباح النور
فرح:بونجور مادموزيل جوري
جوري(بابتسامة)بونجور
فرح: مجلس الادارة بعد عشر دقايق بيكونو بغرفة الاجتماعات...كرمال يتعرفو عالانسة جوري
وسيم:تمام
فرح:عندك موعد مع المحامي الساعة 10
وسيم:اي..؟
فرح:و غداء عمل مع مدير شركة H.M للعقارات
وسيم:تمام....جيببلنا 2 قهوة
فرح:حاضر استاذ
وسيم:تفضلي على مكتبي
ياسمينة:اوك
____
فرح:شفتيها مأحلاها!!
رجاء:انا اللي شفت
فرح:ياخوفي يحبها
رجاء:والله مابتعرفي...فرنسية و حلوة و نفس مجال شغلو و رح تكون الوجه الاعلامي للوكالة....فلا تستبعدي هالشي
فرح:والله مستعدة اخرب الدنيا...وسيم رح يكون الي انا و بس
رجاء:هييييي
فرح...لاتجني و تقلبيها جد...صرلك عم تشتغلي معو سنتين وماشالك من ارضك...لوعجبتيه كان بين عليه
فرح:لك انا بحبو
رجاء:اي انسيه....وسيم مابيطلع فينا...طالما عندو ملكة هالجمال
فرح:اوووف!!!
_بعد ربع ساعة_
وسيم:اليوم بدي عرفكن عالوجه الاعلامي لوكالة WM
الانسة جوري...من فرنسا
رح تكون العارضة الرسمية والرئيسية للوكالة لمدة سنة كاملة
ياسمينة:انا بيشرفني كون بيناتكن مسيو وسيم
وسيم:الشرف النا...خليني عرفك بالناس اللي رح تشتغلي معهن
_كان اجتماع بسيط تعرفت فيه ياسمينة على موظفين وسيم و توجهو بعدها لمكتبو حتى يعرفها على صديقو قيس
قيس اللي كان جاية حتى يفتح مع وسيم موضوع ارتباطو من مريم....بس لما شاف ياسمينة تغير كل تفكيرو_
قيس:ماشالله ماتخيلتك بهالجمال هاد مادموزيل جوري
ياسمينة:ميرسي كتير....كلك زوق
قيس:و لغتك العربية منيحة كمان
ياسمينة:ما انا من اصول عربية....والدتي من سوريا و ابي من تونس لكن عشت بفرنسا
قيس:تشرفت بمعرفتك عنجد
وسيم:شو كأنو انا ماعاد الي اهمية
قيس:انت الاصل ابو السيم....بيكفي انك عرفتنا على هالقمر
ياسمينة:ميرسي عنجد
_اندق الباب_
فرح:استاذ....السيد حسان بانتظارك بغرفة الاجتماعات
وسيم:تمام....انسة جوري تفضلي معي خلينا نشوف حسان كرمال يأمنلك بيت
ياسمينة(بارتباك)اوك...تفضل
وسيم:و انت قيس فيك تمشي حبيبي
قيس:تقليعة عالبارد يعني....طيب..فرصة سعيدة و بالاذن
ياسمينة(بهمس)ماقلتلي رح نشوف حسان!!!!
وسيم:طولي بالك...هي اول خطوة...يلا امشي
ياسمينة:(تنهدت)يلا
_بغرفة الاجتماعات_
وسيم:حسان....اهلا وسهلا
حسان:فيك وسيم
ياسمينة:بونسوار
حسان:(حكا ببطئ و بنظرة عم تتأمل ياسمينة من فوق لتحت)بوونسوار......ماعرفتنا وسيم
وسيم:جوري....عارضة فرنسية من اصول عربية...تعاقدت معها لمدة سنة كرمال تكون الوجه الاعلامي لوكالتي
حسان:ممتاز....عرفت تختار
وسيم:ولهيك انا طلبت اجتمع فيك و نتغدا سوا...بدي منك تأمنلي فيلا بمنطقة محترمة و راقية للانسة
حسان:اي مو على عيني
وسيم:وماتاكل هم السعر.....المهم تكون مرتبة
حسان:خلص....يومين بالكتير وبردلك خبر
_كانت ياسمينة عم تسمع الحوار بين حسان و وسيم و عيونها كل شوي يطلعو بحسان
اللي لاول مرة بتقابلو وجه لوجه بعد اللي عملو فيها
حست برغبة بالصراخ عليه و تمنت لوفيها تقوم و تقتلو بأرضو....بس قدرت تحافظ على هدوء اعصابها و بصعوبة
كانت عم تتأمل شكلو اللي متغير....سمنان بشكل ملحوظ
وعيونو بلونهن البرتقالي و اللي لطالما كرهتهن..عم يقدحو بالشر و حتى ابتسامتو خبيثة
نظراتو الها ماكانت مريحة ابدا....وخافت كتير ليكون عرفها_
وسيم:تفضلي مادموزيل جوري لنتغدا مع حسان و يخبرنا شو عندو فيلات على طلبنا
ياسمينة:احم....Dacore
_______
_مساء نفس اليوم_
وسيم:بكرا رح امرق اخدك لانو عنا شغل بالوكالة
ياسمينة:طيب
وسيم:لاتخافي حسان ماعرفك
ياسمينة:شوعرفك اني خايفة!
وسيم:بعرف....تطمني انتي مابتشبهي حالك ابدا
ياسمينة:اذا انا نسيت كيف كان شكلي...كيف انت متزكر
وسيم:بعدين بقلك....المهم انك مابتشبهي حالك خليكي واثقة بنفسك لنعرف نشتغل
ياسمينة:Dacore
وسيم:ههه...حبيت لكنتك الفرنسية...عم تلعبيها صح
ياسمينة:c'est tres facile
وسيم:هههههه....فادنا ادب الفرنسي بشي...منيح انك دارسة
ياسمينة:اول مرة بشوفك عم تضحك!
وسيم:انتي مفكرة انو بس انتي نأذيتي و نجرحتي و انهانت كرامتك....بس بحب قلك انو اللي مرق عليي مابيقل ابدا عن اللي مرقتي فيه...انا و انتي وجعنا واحد
و رح ننتقم من سبب هالوجع...وبعدها منصفي حسابنا بين بعضنا
ياسمينة:عم انتظر هاليوم بفارغ الصبر.....انا مستعدة مو بس اتحالف معك....ممكن اتحالف مع الشيطان بذاتو لانتقم من حسان
وسيم:هيك بدي ياكي قوية....وهلق طلعي نامي و الصبح بكير ببعتلك سيارة تاخدك
ياسمينة:تمام....بون وي
وسيم(ابتسم)بون وي
_راح لبيتو وهو مابيعرف بشو حاسس....بس حس برغبة كبيرة بالرسم...طالع وراقو و عدة الرسم و بلش يخط خطوط اساسية لتصميم فستان جديد
بقي اكتر من ساعتين عم يرسم و لا انتبه للوقت
تخيل الفستان على جسم ياسمينة....موبس اللون و التصميم حتى القماش تخيلو عليها
و ضاف تفاصيل كتير حلوة وعطت للفستان جمال زيادة
لما خلص من رسمو كانت الساعة 2 بعد نص الليل
سند ضهرو للكرسي و تكتف وغمض عيونو
حس بنفس الشغف اللي كان يحسو من قبل
بنفس الحماس اللي كان يحسو لما يقابل بنت حلوة و يحب يتسوحي من جمالها تصميمات
حمل التصميم و رفعو بايدو..طلع فيه و ابتسم
وقع باسمو بزاوية الورقة.....و قام ورمى حالو عالتخت و نام_
_بالصباح التالي_
ام وسيم:صباح الخير حبيبي
وسيم:صباح الخير....شو وين مريم
ام وسيم:(بارتباك)مريم....ببيت خالتك
وسيم:نعم!!!!......كيف يعني ببيت خالتي و بدون اذني
ام وسيم:ما انت تأخرت مبارح...و ترجتني هيه وهمسة اسمحلا تروح لعندن....زعلت عليها اد ماترجتني
وسيم:اوووف منك امي!!!....هلأ قيس افندي بيكون حايم حوالين بيت خالتي كرمال يشوفها
ام وسيم:بس قيس نيتو موعاطلة و ماعمل شي غلط كل هالايام
وسيم:بيكفي انو مخبي عليي...وعم يلعب من ورا ضهري
بس انا صاحيلو و حسابو عندي عسير
ام وسيم:برضايي عليك بلا مشاكل خلي يجي يطلب ايدها بشكل رسمي و يخلصنا
وسيم:(بعصبية)شو رأيك قلو تعال خطوب اختي!!!!
ام وسيم:طول بالك
وسيم:مارح طول بالي....وبنتك بتضبيها بالبيت انا موناقص بلاوي ومصايب...خلوني اعرف اشتغل
ام وسيم:طيب متل مابدك
وسيم:رح ابعت شوفير ياخدها...وبس توصل عالبيت بتخليها تحكي معي
ام وسيم:حاضر
وسيم:يلا....سلام
_____
_بالسيارة_
وسيم:الو....فايز شوالاخبار عندك
فايز:اجا قيس 5 دقايق و راح
وسيم:يعني ماطول
فايز:لا يابيك
وسيم:خود سيارة و روح جيب مريم عالبيت فورا
فايز:حاضر يابيك
وسيم:الله معك
_صار دمو يغلي من اختو و تصرفاتها و قرر يحط حد لكل هالشي و يوقف قيس عند حدو
ساق السيارة بسرعة للوكالة لينهي الشغل اللي عليه_
فرح:استاذ عندك موعد مع السيد حسان
وسيم:بعرف شو كمان
فرح:الخياط مالك عم ينتظرك
وسيم:تمام....بعتي سيارة الوكالة تجيب جوري من الشيراتون انا رح اتصل فيها و خبرها تنتظر السيارة
فرح:حاضر استاذ
وسيم:قهوتي متل العادة....و بعتي ورا نزار خليه يجي على مكتبي
فرح:حاضر
_تناول جوالو وطلب ياسمينة_
وسيم:صباح الخير
ياسمينة:بونجور
وسيم(بانفعال)شوفي ياسمينة التمثيل عالكل الا عليي انا علمتك كل شي و انا اللي ساويت منك جوري لهيك بلا التمثيل عليي و خليكي على طبيعتك لما بتحكي معي!!
ياسمينة(بصوت مخنوق)حاضر
وسيم:بعتلك شوفير نزلي نطري مابدي ياكي تتأخري
ياسمينة:حاضر
وسيم:مع السلامة
_سكر الخط و فكر كيف بدو يخلص من قيس و يبعدو عن طريق اختو لانو مابيوثق فيه بعدما ما صار يحكي معها من ورا ضهرو و قبل ما يندق الباب ليفوت الخياط مالك كان متوصل لخطة منيحة_
#يتبع
لشو عم يخطط وسيم؟!كيف رح يكون شغل ياسمينة بالوكالة معو؟وحسان ياترى رح يكتشف هويتها؟!
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`