الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم الجميل_والمتوحشة`*
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الجميل_والمتوحشة
#بقلم_فيلوفوبيا
الجزء الرابع
_وقف و استعد ليطلع بس الحمى ماسمحتلو و داخ ووقع بالارض وهو مغمى عليه
مابيعرف اديش بقي نايم.....بس لما صحي لقا حالو على سرير دافي و مريح....و غرفة مرتبة ونضيفة و موقدة الحطب شغالة فيها....طلع بالسقف
كان معلق فيه تريا قديمة ومصدية
صوت المطر الي جاية من برا كان قوي
فتش بعيونو ليعرف وين هو......خلال هالدقايق دخلت
بعبايتها السودا بس راسها ووجها مكشوفين
طلع فيها و الخوف دب بقلبو من منظرها....وهيه لما شافتو صاحي....حطت صينية الاكل عالارض وغطت راسها ووجها بطاقية العباية
و رجعت حملت الاكل وحطتو جنب وسيم_
وسيم:انا وين؟
_بالقصر
وسيم:هي غرفتك اكيد
_اي غرفتي
وسيم:عايشة لوحدك؟
_ومين رح يقبل يعيش مع حدا متلي!!!
وسيم__
_عملتلك شوربة تدفيك....انت لازم تشوف طبيب لان الحمى الي صايبتك سببها سم الافعى الي لدغتك
وسيم:ليش بيهمك امري؟؟؟مبارح كنتي بدك تنتقمي و اليوم مسطحتيني على سريرك و بغرفتك وبدك تطعميني!
_صرلي 4 سنين ماحكيت مع انسان...كنت رح انسى الحكي من اصلو
وسيم:يعني عم تهتمي فيني لاني قبلت احكي معك!
_لانك ماهربت من شوفتي...ولانو بدي ضميرك يعذبك بس تعرف ليش انا هيك.....ولانو...يمكن
وسيم:يمكن شو؟
_يمكن....تاخد حقي
وسيم:انا ماعم افهم شي!
_كول هلأ....وبعدين بتفهم كل شي
_تجلس وسيم حتى ياكل....وهيه كانت قاعدة على مسافة قريبة منو...اكل لقمتين من الشوربة....هيه كانت موطية راسها و عم تتجنب النظر الو
بدون تفكير....ترك الملعقة من ايدو....ومسك الطاقية الي مغطية فيها راسها و وجها و بعدها عنها....لتظهر ادامو
بكل بشاعتها و منظرها المشوه
جلد وجها متني فوق بعضو ومجعد و عينها اليمين مغمضة و الجفون ملزقين ببعض...حواجبها مختفيين من الحرق....وعينها التانية مفتحة بس حواليها في كم حرق صغار
نص شفايفها محروقين و النص التاني شبه سليم
و انفها ممحية ملامحو وباقي منو فتحتين للتنفس
و شعرها بيشبه كل شي الا الشعر
قصير كتير...محروق...و من مظهرو مبين ملمسو الخشن
طلعت فيه بدون ماتزيح نظرها عنو
وهو تأملها لدقيقتين....بس ماقدر يتحمل بشاعة منظرها
قلبت معدتو و ستفرغ اللقمتين الي أكلهن عالارض
هيه طلعت فيه.....ودمعت عينها....رفعت الطاقية وغطت حالها...وبعدت عنو لتجيب شي تمسح فيه الارض_
وسيم:انا اسف ماقدرت اتحكم بحالي
_عادي...ماتعتذر
وسيم:خليني امشي....بس اتزكر شي برجع لعندك
_مع السلامة
وسيم:طيب.....بس خبريني عن اسمك
_اسمي؟؟؟.....اسمي ياسمينة
وسيم:ياسمينة.....طيب...سلام
_طلع وسيم وترك ياسمينة عم تمسح الارض.....
خلصت وقعدت على طرف سريرها....شلحت العباية ليظهر جسمها النحيف كتير و الشاحب
حملت مرايتها وطلعت بوجها....تلمست الجزء السليم منو بطرف ايدها....عينها و نص خدها ونص تمها....و الباقي كلو مشوه...غمضت عيونها ليرجعلها احساسها بالحروق و كأنها هلق عم تصير
تزكرت صرخاتها...وجعها....طلعت بايديها كيف مجعدين
و حتى جزء من رجليها و بطنها نفس الشي
مية النار شو بتعمل بالبني ادم!!!
ياسمينة:مابقي شي منك الا اسمك
كل شي راح....ضحكتك...سعادتك...جمالك
كل شي فيكي راح....وكرمال مين؟؟كرمال وسيم!
_تركت المراية و تمددت عالسرير...وضمت جسمها وسمحت لحالها تبكي
بلكي البكا بيسحب منها الضعف و الحزن و بيعطيها قوة
حتى تعاقب كل حدا اذاها وتسبب باللي هيه فيه
و أولهن وسيم!
____
_باليوم التالي_
وسيم:الغي كل المواعيد اليوم مابدي شوف حدا
فرح:حاضر استاذ
وسيم:جيبيلي قهوتي و نصرفي لمكتبك
فرح:حاضر
_حضن وجهو بين ايديه و اخد نفس عميق....حاول يحصر تفكيرو بالماضي....قبل 3 سنين...ماكان في شي بوقتها ملفت للنظر!!
شو علاقة ياسمينة بالماضي؟
بس هو مستحيل قبل 3 سنين يطلع بوحدة متل ياسمينة
معناها هيه ماكانت هيك...معقول كانت موجودة بحياتو
وشو علاقة مرام بالموضوع!!
لازم يتزكر و بأي طريقة....لازم يعرف قاتل مرام و ياخد بتارو منو لااازم
بهالاثناء اندق باب مكتبو_
وسيم:تفضل
حسان:مرحبا وسيمو
وسيم(باستغراب)اهلين حسان!
حسان:جيت شوفك و اتطمن عليك
وسيم:انا منيح الحمدلله...تفضل ارتاح
حسان:شو قصة هالجروح اللي بوجهك ؟
وسيم:مافي قصة
حسان:شواللي هاجم عليك بالقصر
وسيم:شو بدو يهجم عليي مثلا!!....قطة دعست على دنبها قامت شبت عليي و خرمشتني
حسان:هي كل القصة؟؟
وسيم:اي نعم
حسان:بدي اعرف شو شفت بالقصر
وسيم:ماشفت شي الوضع كان طبيعي...مجرد قصر مهجور و الريح عم تلعب فيه
حسان:والاصوات الي على طول الناس بتسمعها
وسيم:بجوز مسكون من الجن بس انا ماشفت هيك شي ابدا
حسان:ليش حاسك عم تكزب!
وسيم:شبنا حسان شو تحقيق!!!!عم قلك مافييي شي و ليكني ادامك بشحمي و لحمي ومافيني البلا
حسان:(هز براسو)طيب......انا بدي روح عالقصر بنفسي و اتأكد
وسيم:روح...مالي ماسكك...بس اذا هاجموك الجن انا مادخلني
حسان :مالي خايف بدي اتأكد فضولي رح يقتلني
وسيم:ايمتا رح تروح؟
حسان:هلأ عالحارك و بدك تروح معي
وسيم:لا اخي انا بتكفيني ليلة وحدة روح انت وشو بصير معك خبرني
حسان:ماشي لحال....سلام
وسيم:الله معك
_فكر وسيم انو هي فرصة منيحة ليتأكد اذا كانت ياسمينة حقيقية او جنية....وليتأكد كمان اذا كانت قاصدتو لوحدو او اي حدا بيدخل عالقصر بتعمل نفس الشي
قرر ينطر ليعرف شو رح يصير مع حسان
وبعدها بيقرر اذا رح يكمل الي بلش فيه مع ياسمينة او لا_
_بنفس اليوم ببيت وسيم_
ام وسيم:يامريم التلفون عم يرن!!
مريم:اي ماما رح رد...........الو
قيس:شتقتلك
مريم:(بصوت واطي)قيس!يخرب بيتك ماخفت من وسيم
قيس:لك بعرف انو بشغلو....وشتقتلك ولو
مريم:(ابتسمت)و انا شتقتلك
قيس:ايمت بدي شوفك والله ناطف قلبي عليكي
مريم:قيس انت بتعرف الوضع
قيس:لك دبريها خمس دقايق بس....روحي لبيت خالتك
مريم:بحاول بس مابأكدلك
قيس:صرلي اكتر من شهر ماشفتك
مريم:شوبدي اعمل اذا اخي فارض عليي حصار
قيس:من خوفو عليكي.....بنت بجمالك حرام حدا يشوفها...او يحبها غيري
مريم:ههههه...خجلتني
قيس:طيب حبيبتي...حاولي اليوم تطلعي واذا قدرتي رديلي خبر
مريم:اوك
قيس:بحبك....سلام
_سكرت مريم سماعة التلفون وحطت ايدها على قلبها يلي حست دقاتو مسموعة للكل....خدودها توردو وعيونها لمعو....قيس بيحبها من زمان بس بيخاف من وسيم....وبيخاف من ردة فعلو اذا فاتحو بالموضوع
لهيك علاقتهن سرية وماحدا بيعرف فيها غير همسة اخت صفاء...و مابتتعدا مكالمات التلفون و كل فترة ليقدرو يشوفو بعض_
_____
_بنفس اليوم بالمشفى_
قيس:والله وضعو صعب مسكين
وسيم:طيب كيف هيك صار!
قيس:هجم عليه كلب مسعور و مامخلي مكان فيه صاغ
وسيم:يالطيف
قيس:مابعرف اذا كان هالكلام صح او لا بس هو قال انو في شبح اسود هجم عليه بعد ماخلص منو الكلب و رماه برا القصر
وسيم:ايوا
قيس:مسكين
وسيم:اي والله
قيس:انت كيف ماصار معك شي من هاد!!
وسيم:ومين قلك ماصار معي شي....بس انا مابحب احكي
قيس:ولو يا وسيمو ما انا قيس صاحبك وحبيبك
وسيم:مالي حابب احكي هلأ....رح روح عالبيت و بكرا بجي بتطمن على حسان
قيس:على راحتك....الله معك
_على طريق البيت و وسيم عم يفكر كيف هيك بصير بحسان و معو ماصار كل هالشي هاد....صح لدغتو الافعى بس كان واضح انو هاللدغة ماكانت بارادة ياسمينة...ليش هو بالذات....قرر يلف و يرجع للقصر و يفهم من ياسمينة كل شي
دخل من الباب الحديدي و سمع نباح الكلب وركضو لناحيتو وفجأة سمع صوت ياسمينة_
ياسمينة:شششش اهدااا.....هاد وسيم
وسيم(باستغراب)ياسمينة!انتي هون
ياسمينة:اي وين بدي كون
وسيم:ليش هيك عاملة بحسان!
ياسمينة:فوت لجوا خلينا نحكي
_سبقتو بكم خطوة و مشي وراها لجوا القصر و الكلب ولا حتى نبح عليه و هالشي خلاه يستغرب اكتر
دخلت لصالة القصر وقعدت على كرسي قريب من الباب_
ياسمينة:خير....تزكرت شي؟
وسيم:لا....بس بدي اعرف ليش هيك صار مع حسان
ياسمينة:لاني مابسمح لحدا يتعدا على حرمة قصري و على خصوصياتي
وسيم:كيف سمحتيلي
ياسمينة:بإرادتي دخلتك وبإرادتي فيني طالعك
وسيم:حسان وضعو صعب بالمشفى
ياسمينة:هاد درس لحسان مشان يبعد عني
وسيم:شوقصدك؟شو علاقة حسان فيكي!
ياسمينة:معقول ماخطرلك!....
وسيم:شوبدو يخطرلي!انتي ماعطيتيني شي بلش منو كل مرة بتقولي نفس الحكي الماضي و 3 سنين و مرام...كيف بدك ياني اتزكر!!!عطيني طرف خيط عالاقل
ياسمينة:هههههه هالقد حيرتك!
وسيم:(بنبرةهدوء)ليكي ......ياسمينة.....انا حاسس انك حزينة....مبين عليكي هالشي.....احكيلي قوليلي....اذا كنت انا مآذيكي مارح اهرب ورح خليكي تاخدي حقك مني
ياسمينة(بنبرة تهديد)بوعدك اخد حقي بأبشع طريقة!
وسيم:أنا قبلان......بس لاتعيشيني بحيرة!....مرام حرقة بقلبي لليوم.....كل يوم بتذكرها الف مرة....اذا بتعرفي مين قتلها وليش احكيلي....خليني روح اخد حقها....مرام مالها ذنب بعمايلي
ياسمينة:يعني بتعترف انك كنت طايش و متهور!
وسيم:(جثى على ركبو و طلع بالارض و احساس الندم و الحسرة عم ياكلوه من جوا)هي اول مرة بفتح قلبي لحدا
اي انا كنت طايش و متهور و بلا ضمير
انا كان كل همي و هدفي اني ارضي غروري....و اشبع الاحساس الي جواتي و استلهم من البنات تصميمات رفعتني لفوق
ماكنت منتبه لعيلتي و لمرام الي كانت عم توقع بشر اعمالي
بس.....بس انا بحاتي ماجبرت اي بنت تكون معي....هن الي كانو يرمو حالهن عليي!...صدقيني ما اذيت حدا....هو مجتمعي كان هيك!
ياسمينة:بس انا مارميت حالي عليك!
وسيم(مصدوم)انتي!.....كان في بيناتنا علاقة!
ياسمينة: يمكن صار لازم تعرف كم شغلة
#يتبع
ياترى شو علاقة ياسمينة بماضي وسيم.؟؟؟؟شوبتعرف عن مرام!!!!!ومين مرام و ليش انقتلت
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`