الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم الجميل_والمتوحشة`*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
#الجميل_والمتوحشة
#بقلم_فيلوفوبيا
الجزء الاول
_بين ممرات هالمبنى الانيق و الحديث...كانت عم تعلى الهمسات بين الكل...هي الي عم تشاور عليه من بعيد و هي عم تعدل هندامها لتظهر ادامو باجمل شكل
وهو.....ماشي و سكرتيرتو جنبو عم و يطلع عالورق بين ايديه...وصل لمكتبو و سند ظهرو عالكرسي و رجع لورا كتير...حمل الورقة بايدو و تأملها كتير بصمت و تمعن
جعلكها و رماها لبعيد......
وسيم:هاد التصميم مارح يمشي حالو....ستدعيلي العارضة ماريتا و جيبي تصميمي تبع مبارح لحط عليه اللمسات الاخيرة و ابعتو للتنفيذ
فرح:حاضر
وسيم:و بعتيلي الخياط مالك لعندي كمان بدي فهمو كم شغلة
فرح:تمام
وسيم:شوفي مواعيد اليوم؟
فرح:عندك موعد مع مدير شركة اون ستايل....وموعد مع مدام صافي
وسيم:وشو بدها هي؟
فرح:الي فهمتو انو بدها ياك تصمم فستان الها
وسيم:اووووف....كم مرة بدي احكي اني مابصمم تصاميم خاصة!!!
فرح:بعتذر منها؟
وسيم:لا خلص...خليها تجي و انا رح اتفاهم معها
فرح:تمام
وسيم:روحي عملي الي قلتلك عليه (تنهد وسكت للحظة)و جيبيلي فنجان قهوة قبل كل شي...انصرفي
فرح:حاضر...بالاذن
_طلعت من مكتبو و سندت حالها عالحيط جنب الباب و حطت ايدها على قلبها و خدودها حمر متل التفاح
و هيه عم تبتسم بعفوية وقفت جنبها رجاء لتهويلها شوي_
فرح:اي...دخيلك هويلي
رجاء:ولي عليكي كل مرة هيك بدو يصير فيكي
فرح:لك دخيل الله شو بحبووووو.....بيجنن...بيجنننن كل شي فيه بياخد العقل
رجاء(تنهدت)اااه والله معك حق
فرح:شفتي الكحلي شو حلو عليه!!ولا ااقميص الزهر رح ياكل منو حتة..ههههه عقولة المصريين...ولي على قلبي انا
رجاء:اي والله...بيجنن
_هنه التنتين تحولو عيونهن لقلوب و عم ينبضو كمان
بس فجأة انتفضت فرح و زورت رجاء_
فرح:وليه...نحنا ماتفقنا انو هو الي
رجاء:هههههههه....عأساس شايلك من ارضك
فرح:اي يعني شايلك الك
رجاء:لا الي و لا الك و لا لحداااا....لك هاااد شايف الناس من برجو العاجي....موشايف حدا ياعمري ولا حدا...لاتتعبي حالك و تحاولي لانو مارح تفلحي
كان غيرك اشطر و ماطلع معهن شي
فرح:اوووف...قولتك مافي امل!!
رجاء:مااافي امل....صرلو3 سنين مسكر باب قلبو وماااعم يفتحو لحدا....من قبل...يووووه شو كان نسونجي...مافي سكرتيرة تسلم منو ولا موظفة و لامصممة و لاخياطة...لك حتى الزباين الي يطلبو تصاميم خاصة...بس فجأة انقلب و ماعاد سمح لانثى تدخل حياتو لامن قريب و لا من بعيد
فرح:طيب شو السر برأيك؟؟
رجاء:مابعرف....بيقولو صارت معو حادثة غيرتو بس شو هالحادثة مابعرف
فرح:طي....(رن جوالها و قاطعها)....ييي هاد هو...(بارتباك)الوو...اي..اي استاذ
وسيم:ماخلص حديثك ادام شباك المكتب؟
_برمت ضهرها و اكتشفت انها كانت مستندة على بلور شباك مكتبو وهو عم يتزورها_
فرح:ب.ببعتذر استاذ
وسيم:جيبي القهوة بسرعة و عملي الي قلتلك عليه
فرح:حاضر استاذ
_قام عن الكرسي و توجه للشباك الي بيطل عالشارع....كانت المطر بأول هطولها و الناس عم تتدارى من المطر...تنهد و حط ايديه بجيبو...وشرد لأسوأ ذكرياتو....يلي من يوم صارت مافارقت ذهنو لحظة وحدة
و عملتلو هاجس و رعب...._
_______
_قبل 3 سنوات
وسيم(بيصرخ)مرااااااام....ردي يامرااااااااام!!!!!
_رن جوالو_
وسيم:شو عملت فيها ياحقير!!!!
_ههههههههه......عملت الي لازم ينعمل فيك يا دنجوان زمانك يازير النساء انت
وسيم:وينها!!!....رد عليي وين مخبيها!!!
_ههههههه.....رح تلاقيها مرمية على شط البحر...يابتلحقها يا لأ
وسيم:والله لاخرب بيتك....والله لخليك تلعن حالك الي فكرت فيها تلعب معي ياواطي
_اذا طلع بايدك لاتقصر
_ركد بسرعة و طلع من المصنع المهجور...ركب سيارتو و توجه بأقصى سرعة للشاطئ....كان البحر هايج
و الامواج عم تضرب بالصخر بقوة....بعد 10 دقايق وصل...نزل من سيارتو و بلش يركد عالشاطئ و يفتش عنها...تهيئتلو من بعيد...مرمية عالرمل...ركد بسرعة لناحيتها و شافها بهداك المنظر...تيابها مخزقين..و عم تنزف و غايبة عن الوعي قعد على ركبو وحط راسها بحضنو و صار يطبطب على خدودها_
وسيم:مرام....مرام...ردي حبيبتي....ردي انا وسيم....مراام
ردي ببوس ايدك ردي........
_تلخبطت انفاسو لما شافها ماعم تستجيب....صار يلهث و دموعو تنزل بدون شعور....قرب ادنو من قلبها ليسمع نبضها....بس النبض كان موقف
حط ايدو على شريان رقبتها وماكان عم يهتز ولاعم ينبض....
وسيم:(يبكي)مرام...مرام...مرام...ببوس ايدك لاتموتي...ببوووس ايدك لاتموتي مراااام
(صرخ)لا يااااارب...لااااااا.....لاتعاقبني فيها دخيييلك
هيه مالها ذنب يااااااارب...مو مراااام دخيلك خدني بدالها بس تركها تعيش...هيه مالها ذنب...مالها ذنب...مالها ذنب
_____
_صحي من شرودو على صوت فرح_
فرح:استاذ...القهوة
وسيم(بصوت مخنوق وبدون مايلتفت)حطيها عالطاولة و طلعي
فرح:شوي و رح جيب تصميم حضرتك و طلبت من مالك يحضر لمكتبك
وسيم:تمام...الله معك
_وسيم.....شب بال 30..مصمم ازياء معروف و مرموق...و من عائلة معروفة
طويل وجسمو رياضي و الو هيبة كبيرة بين موظفينو...جامع كل صفات الجمال و الوسامة يلي ممكن يحملها رجل
البشرة البيضا...و الشعر الاسود الكثيف و اللحية السودا الخفيفة و المهذبة بشكل جذاب...العيون الوساع باللون الازرق
و رموش سود كثيفين حول عيونو عاطينهن سحر خاص
حواجبو متل السيوف.....و العقدة فيهن على طول
و غمازات كل ما ابتسم بيظهرو.....وهالشي خلا ظهورهن نادر بالفترة الاخيرة....من بعد وفاة مرام...يلي ماحدا عرف السبب الرئيسي لوفاتها..._
(اندق الباب)
وسيم:تفضل!
قيس:مرحبا ياحلو
وسيم:لك اهلين بقيس...بعد زمان والله
قيس:اي قول لحالك يازلمة...انت الي تقلان علينا وماعدنا شفناك
وسيم:والله شغل بتعرف انت
قيس:اي اي بعرف...هلأ سماع مابدي اتأخر عشغلي...المسا بدنا نروح نسهر انا و الشباب تروح معنا
وسيم:والله مابعرف ياقيس
قيس:لك امشي...حاج حابس حالك بالشغل و التصميمات
طلاع غير جو
وسيم:طيب...منروح
قيس:منلتقي بمطعم الريس...عال8
وسيم:خلص صار
قيس:يلا....سلام يامعلم
وسيم:الله معك
_بعد دقايق....دخل الخياط مالك و معو العارضة ماريتا
و التصميم الجديد تبع وسيم....دخلت العارضة على غرفة صغيرة للمقاس بمكتب وسيم و طلعت بعد دقايق و هيه لابسة الفستان اللي لسا مومنتهي
قرب وسيم من العارضة وبلش يضيف تعديلاتو عالتصميم و مالك عم يسجل كل ملاحظة عم يقولها وسيم
كان عند وسيم شغف حقيقي بالجمال....و بالمرأة و سحر المرأة....كان يهتم بأقل تفصيل ليبرز جمال جسم المرأة من خلال تصاميمو...و هالشي اللي خلاه يكون من افضل المصممين_
وسيم:صممتلك عقد خاص للفستان
ماريتا:وااااو شو حلو
وسيم:رح يطلع كتير حلو عالفستان و ملاءم للونو
ماريتا:قصدك مش رح يطلع حلو عليي؟؟؟
وسيم:ااحم...انتي الاصل ماريتا
مالك:هيك خالصة تعديلاتك استاذ؟
وسيم:اي كل شي تمام...فيك تنصرف....بكرا رح مر عليك و شوف النتيجة النهائية
مالك:اكيد استاذ....بالاذن
_بعد ما طلع مالك...قربت ماريتا من وسيم و حطت ايديها على كتافو وحكت بدلع_
ماريتا:مش رح تحن عليي وسيم!!
وسيم:ماريتا اذا بتريدي نحنا بينا شغل و بس
ماريتا:بس انا بحبك...بحبك و عم اتعذب بهالحب هيدا
_مسك ايدها و نزلها عن كتفو و رجع وقف عالشباك_
وسيم:عذريني...مابقدر
ماريتا:بس قبل 3 سنين كنا كتير نحب بعض...وكل يوم كنا نسهر سوا
وسيم:قبل 3 سنين شي و هلأ شي تاني
ماريتا:بدي افهم شو اللي غيرك!!!....من اي متى بتعاملني هيك!
وسيم:خلصنا الله يخليكي...انا خلص...ماعاد الي مزاج للعلاقات و للحب....انا تغيرت
ماريتا:رح ابقى ناطرتك تيتعدل مزاجك....يااااا.....بيبي
_راحت ماريتا لغرفة المقاس و بدلت تيابها و طلعت من المكتب....رجع وسيم يتذكر كيف كان قبل موت مرام
متل مابيقولو كان زير نساء....من نظرة كانت اي بنت توقع بشباكو...و يحب يقضي مع البنات كل وقتو....بالشغل...بالبيت....بعروض الازياء...بالسهرات
كل يوم مع بنت....و كل يوم يحب وحدة جديدة
كان يشوف المرأة الهة جمال....و يحب يشوف كل اشكال هالجمال....السمرا و البيضا و الحنطية...كان يستلهم تصميماتو من البنات و النسوان الي حواليه
بس موت مرام طفى كل شي جواتو....و قلب الموازين كلها....
حولو من زير نساء.....لرجل مستقيم...رزين...بعيد كل البعد عن شي اسمو نساء او بنات....تحولو بنظرو من الهة الجمال....لفخ بيخاف يوقع فيه من جديد
كيف ممكن حادث يأثر عليه بهالشكل....بدون مايخبر حدا كيف و ليش ماتت...ماحدا بيعرف السر وراء وفاتها غيرو...هو و امو وبس_
_بمنزل وسيم_
وسيم:شو حبيبتي لساتك متل ماتركتك الصبح؟
ام وسيم:(سكرت المصحف)صدق الله العظيم.....اهلين امي
_انحنى وسيم و بوس ايدين امو_
وسيم:اخدتي دواكي
ام وسيم:اي امي اخدتو
وسيم:تمام...خليت الخدم يحضرولنا العشا....بدي اتعشى و اطلع اسهر مع رفقاتي
ام وسيم:اي حبيبي...طلاع و نبسط...حاجتك حابس حالك بهالبيت
وسيم:هو هيك....وينها مريم
ام وسيم:بغرفتها عم تدرس
وسيم:يلا لكن....خلينا ننزل نتعشى
ام وسيم:والله مليت من هالكرسي يا امي تعبت
وسيم:معلش طولي بالك
ام وسيم:ااااه....الله يفرجها عليي...مين قال انو مرفت خانك تنشل بيوم مين!
وسيم:كلو مقدر و مكتوب
ام وسيم:الحمدلله عكل حال
_على طاولة العشا_
مريم:اخي...معلش اليوم روح نام ببيت خالتي
_جاوب وسيم بدون مايرفع راسو عن الصحن_
وسيم:لا
مريم:الله يخليك مشتاقة لهمسة
_خبط الشوكة و السكين بعصبية عالطاولة_
وسيم:انا قلت لا!!!!
مريم:يااااربي والله مليييت....لسا لا طلعة لافوتة و لارفقات و لا مشاوير ياربي شو ذنبي انا
وسيم(بعصبية)ذنبك انك بنت....بكرا بس تتزوجي روحي وتعي وين مابدك...عندي ما في هيك قصص
مريم:الله يرحمك يا بابا....لو كان عايش ماكان رح يقبل بهيك شي ويرحم مرام الي لو ما ماتت ماكان صار شي من هاد و لا كنت انحبست و كأني انا المذنبة
وسيم:شو قصدك وليه!!!
مريم:والله لو مالها عاملة عملة بتوطي الراس ماكانت ماتت هيك موتة و لا كنت انت تعقدت من وراها
_ماحس على حالو الا وكف ايدو معلم على خد اختو متل الجمر....ودموعها عم ينهمرو على خدودها_
وسيم(بصوت عالي)الف مرة قلت سيرة هالبنت مابتنجاب بهالبيت!!!....و انتي صار بدك ترباية وقص لهاللسان
مريم:انا مرباية بس انت عم تحاكمني الي و تظلمني بشي مالي ذنب فيه
_قالت هالكلمتين و ركدت لحضن امها يلي كانو دموعها مغرقين وجها_
وسيم:تحاميتي بامك موهيك!!!...بسيطة يامريم...بسيطة انا بورجيكي
مريم:(بتصرخ)مابكفي حرمتني من دراستي و رفقاتي...مابكفي لابفوت و لابطلع لمحل الا معك او مع امي....كمان بدك تضربني!!!!الله لايسامحك!!!عم تسمعني وسيم الله لا يسامحك...وانت لا اخي ولا انا بعرفك
وسيم:بالناقص
_حمل حالو و طلع من البيت.....تفتل بسيارتو و نفس مشهد موت مرام عم ينعاد بذهنو....الحكي الي سمعو من الي كان خاطفها....كيف كانت متل الوردة المفتحة و فجأة انخطفت خطف وماعدلا وجود
مرام كانت مرباية ومنيحة وماعندا حركات ولدنة وطيش.....ليش الي خطفها قرر يقاصص وسيم على عمايلو عن طريقها....ليش قرر يكسر ضهرو للأبد!!
ويهدر شرفو وكرامتو عالارض
تعب من التفكير....وتوجه للمطعم الي متفق مع رفقاتو يتلقو فيه
وهو ماشي.....مرق من جنب القصر المهجور بالمدينة...هو مابس مهجور....و معروف عنو انو مسكون وعلى طول الناس بتسمع منو اصوات غريبة...وخاصة بالليل
ماحدا كان يسترجي يقرب من القصر او يحاول حتى يلمس سورو....خوف من الجن الي ساكنينو ليئذوه
او يلبسوه....طلع بالقصر نظرة سريعة
و حس حالو شاف خيال عم يركد بحديقة القصر
تسارعت دقات قلبو و ضغط على البنزين لتمشي السيارة اسرع و يهرب من هالمكان
وصل للمطعم و لقا رفقاتو ناطرينو_
قيس:اهلا بأبو السيييم
ماهر:احلا ابو السيم
وسيم:كيفكن شباب
قيس:من زمان القمر مابان
وسيم:لك والله بهالشغل
ماهر:ايه الله يقويك
وسيم:شو وين حسان
قيس:ها ليكو اجا....ابن حلال
_اجا حسان وهو عم يلهث و وجهو اصفر_
قيس:شو في....شبك يازلمة ليش لونك مخطوف
_تناول حسان كاسة المي و شربها دفعة وحدة و استند عالكرسي ليلقط انفاسو_
حسان:سكوت....شفتلك شوفة بتقطع النسل
قيس:شو في!
حسان:لك و انا جاية مرقت من جنب القصر....قلت لحالي ليش ماجرب فوت لشوف شوفي جواتو
قيس:اي!
حسان:فتحت باب هالسور...وفتت...ومالاقيلك الا شبح اسود...هاجمني بكل قوتو ودفشني عالارض...وصرخ هداك الصوت
قيس:لعما
حسان:مابعرف كيف تسحبت و هربت من القصر....ركبت سيارتي و متل الطيارة اجيت لهون
ماهر:ههههههه لك حاجتك يازلمة مبية خرطة من خرطاتك
حسان:لك والله ماعم كزب!
وسيم:وانت ليش خفت!!انت رجال ومالازم تخاف
حسان:بالله....بتحداك تروح لهنيك بس ساعة وحدة
وسيم:ياسيدي انا مستعد روح نام هنيك ليلة كاملة ولا يصرلي شي
قيس:شو...كأنو في رهان ؟شو ماهر على مين بتراهن
ماهر:انا براهن على حسان مستحيل وسيم يقدر ينام ليلة بالقصر المسكون
قيس:و انا براهن على وسيم
حسان:شو وسيم؟قبلت الرهن
وسيم:شو بيطلعلي عندك اذا كسبت الرهن!
حسان:ياسيدي....خود مليون ليرة
وسيم:مابدي مصاري.....اذا كسبت انا....رح تنام انت اسبوع كامل بالقصر....واذا خسرت..رح اعطيك مليون ليرة
حسان:و انا موافق...ايمتا بتحب تروح عل قصرك ؟
وسيم:بكرا....الساعة 7 المسا رح فوت عالقصر....ومارح اطلع منو لل7 الصبح
حسان:ايه....لنشوف اذا رح تطلع
_كمل وسيم سهرتو بشكل طبيعي مع رفقاتو
بس قلبو كان مقبوض من الرهن الي تراهنو مع حسان وحس حالو انو تسرع بهالشي...بس قال لحالو مغامرة جديدة بتنضاف لقاموس مغامراتو و وتغيير عن جو الكآبة الي عايشو..
رجع عالبيت بوقت متأخر و نام بدون مايحس
وتاني يوم راح على مكتبو لينهي شغلو بكير و يستعد ليروح ينام ليلتو بالقصر.....وهو قاعد بمكتبو و فاتح الشباك لياخد نفس نضيف....و يرتب افكارو بذهنو
فجأة مالقا الا طير.....حمامة زاجلة...حطت على طرف الشباك و مربوط برجلها رسالة....قرب منها و فك الرسالة عن رجلها و فتحها...كان مكتوب فيها بخط معرج و مخربط...
"انا في انتظارك الليلة....في القصر المسكون...على أحر من الجمر...التوقيع....أميرة القصر"
طول لاستوعب شو الحكي المكتوب....خوف انتابو
بس حاول يطمن حالو و يزيل الشك من راسو
و قال اكيد هاد مقلب من حسان ليخوفو بزيادة
لان ماحدا بيعرف الا رفقاتو بقصة روحتو عالقصر الليلة و اكيد هاد واحد منهم!
((ياترى شو قصة الرسالة و من مين؟!!!
و هل رح يقدر وسيم يكسب الرهن!!!
ومين ناطرو جوا القصر!)))
#يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`