الفصل 29
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عشق الأصيل`*
*❴🔢❵الـــبـــــــــــ❴9️⃣2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
بلسم:كبر عقلك يا زلمة
محمد:لا مابدي اكبرو انشالله بنام جنبك
بلسم:هههه لا حماتي بتخاف عليه بنيمو بسريرو
محمد:طمنتيني وانت ولاه مو تطلع تشتوش وتبكي ع الطالعة والنازلة حتى لو جعت اوعى تبكي
بلسم:😂 ابنك صارعني والله
محمد:بس ارجع بدي اربيه
بلسم: ناوي تعنف الصبي
محمد:هههه لا ناوي اعنف امو
بلسم:والله ما بينحكى معك انت
محمد:مو بلا خافف عقلي
بلسم: لا مو هيك
محمد:ما خلصتي بلسم
بلسم:ليكني أجيتك
محمد:اخ بس لو انها هالكلمة ع الواقع
كنت مترددة بس سايرتو وبقي ساكت
بلسم:منيح هيك
محمد:بكل الحالات مدبوح
بلسم:خلص لكن سكر
محمد:بدك تقطعي فيني يعني مدامك سمحتي اشوفك بدك تتجاوبي معي
بلسم:وحدا يسمعك
محمد:لك لااا لحالي وقت اتصلتي كنت اتحمم
بلسم:وبيتحمم معك الموبايل
محمد:غيرانة منو يعني
بلسم:ياربي صبرني عليه على كلا نعيما
محمد: ينعم عليكي وايمتى بدنا نكون سوى
بلسم:والله هي بترجعلك
محمد:بس انا بمهمة بمحافظة تانية
بلسم:نيالها
محمد:هيك مرة وحدة
بلسم:انا بحسد كل حدا شايفك غيري
محمد:...
بلسم: وبتمنى ينتهي شي اسمو فراق
محمد:الله كريم خلال هالفترة اكتشفت اكتشاف
بلسم: شو هو
محمد:كل ما طال الصبرر كل ما نال الإنسان المكانة الي ما بتوقعها وحتى الشي الي ما بيتصورو
بلسم:هيك وانت بعيد
محمد:انا ظلمتك معي
بلسم:مشان شغلك
محمد:اي كنت اناني ما فكرت فيكي فكرت بس بحالي
بلسم:هيك الله كتبلنا
محمد:يعني مارح تندمي بشي يوم
بلسم:لا ومقتنعة انك نصيبي من وقت اخلقنا
محمد:واحلى نصيب والله
بلسم:بدك تنام
محمد:يعني مجهز حالي للنوم
بلسم:طيب ريح حالك
محمد: وعطول بدي اشوفك.
بلسم:ولايهمك
محمد: والمكالمة الجاي بدي تكوني متل مابدي
بلسم:هههه اي قول انشالله
محمد:وغصب عنك مو مشاورك بتعرفي وقت افصل عليكي
بلسم:اي بعرف وبالعلامة الجنين ببطني ضل يومين بلا حركة
محمد:اسكتي والله دقت رعبة😂
بلسم:ومن كل عقلك كنت بدك تسأل امك
محمد:مين مشاورك سألتها وبهدلتني😂
بلسم:يييي عنجد يعني ما استحيت منها
محمد:انتي مزوديتها مع اني قلتلك اسألي امك
بلسم:وما احلاني سائلها
محمد:هههه بس هالمرة بس ارجع مارح تكوني حامل
بلسم:😂بس مارح تنام رسلان بحب السهر
محمد:اي فهميه انو ابوه مجنون
بلسم:خلص حاجتك تغلط روح يلا نام
محمد: موعدنا بكرى جهزي حالك
بلسم:تصبح على خير
محمد: وانتي من أهل الخير يا روحي
سكرت وكنت مبسوطة وكبستلو كتير لقطات شاشة والله انو احلى حدا بالدنيا
.............
بغرفة البنات كانت ام مهران قاعدة ومو عاجبها
حنان: شوفي امي
سلام:مانك على بعضك
ام مهران:بشوف بلسم صايرة جقرا
سلام: هاد طبعها بس يمكن اول ما اتجوزت كان في مشاكل هلا اتمكنت بعد ما جابت رسلان
حنان:وعلى شو ناوية شو رايك نضربها
ام مهران:لا الي افهمتو اصيل بمهمة طويلة
سلام:اي طول كتير
ام مهران:ابوكي حكى مع فاروق بيك وخبرو انو منيح وانو رح يطول هالمرة بس قال في شي منيح لصالحو
حنان:وشو بدك تعملي
ام مهران:ابوكي مشغول بمرض اخوه وشوفة عينكن من الشركة للمكتب والعكس
سلام:نطف قلبي امي احكي
بلست تحكيلهن الخطة وسلام كانن مبسوطة بدها تنتقم من اصيل مو من بلسم وحنان شبه مصدومة من هالخطة
حنان: ورسلان
ام مهران: شو بدك اتركي هالامور عليي
حنان: وبلكي حدا عرف انو تلفيق
ام مهران:نحن منجرب زبطت زبطت ما زبطت رح اطفشها على المكشوف
حنان:بس اصيل متولع فيها
ام مهران:من بعد هالفصل رح يكرهها
سلام:شو بدك بحنان انا رح اساعدك
ام مهران: يا عيني عليكي
كانت شبه متوترة بس عم تطمن حالها انو رح تزبط الخطة وتقلع بلسم للابد من عيلتها بتكره شي اسمو عيلة ابو عزمي
..................
كنت يومياً احكي معو ساعة او ساعتين وما يخلص الحكي بنوب مزح وذكريات الطفولة المشتركة او مناقرة على شغلات تافهة كنت منعزلة تماماً عن العيلة وعايشة جو خاص انا ومحمد ورسلان لحالنا وقبل النوم بيتحركشني ب كلمة او سمايل بوسة وعطول جاهزة للرد
بلسم:نام حاجتك تحلم
محمد:شو بدو ينيمني
بلسم:بدك حدا يهزلك😂
محمد:ياريت
بلسم:هلأ نام رسلان ومو مسدءة انام
محمد:وابو رسلان وين يروح بحالو
بقلبي:دخيل قلبو
بلسم: ليش سهران
محمد:الشوق دبحني
بلسم:مو الشوق
محمد:يعني انا قليل ادب
بلسم:لا بس شاغل بالك كتير
محمد:فوق ما بحبك
بلسم: إنا متبرعيتلك
محمد:بشو؟
بلسم: اتجوز وحدة قريبة منك وتسكن معك
كان عم يسجل صوت وانا بعشق نبرة صوتو
محمد:خلص مع انو انا ضد تعدد الزوجات بس كرمالك من بكرى رح اشوفلي بنت حلال حلوة صغيرة اصغر منك كمان واتجوزها
اتجلست وخفت يكون بيحكي جد
بلسم: عنجد حمودي
محمد:شو صار معك غيرتي رأيك
بلسم:في نسوان يعني عندك
محمد:تعدميني ازا بشوف غير العناصر بس الي بيدور بيلاقي
بلسم:طمنتني
محمد:لا ياااا انا متصحر وانتي ولا عبالك
بلسم:خلصت فترة الجفاف
محمد:اي والله وصرت ابوس شاشة الموبايل
بلسم:وليش بقى
محمد:عندي الك كم صورة
بلسم:من وين
محمد:سكرينات من مكالمة الفيديو
بلسم:قلتلك ما بينحكى معك
محمد: بتعرفي بدي اسألك سؤال بس خجلان
بلسم:لااااع انت وتخجل
محمد:شو لابسة
بلسم:😂اطلعت عنجد متصحر
محمد:جاوبي يا روحي
بلسم:تياب
محمد:انا ازعلت
بلسم:لا تحرد خلص لابسة بيجامة قطن بتعرفها انت لون بلوزتها خمري
محمد:بتجنن بالاخص وقت احردتي ورحتي اللبستي بعيد عني
بلسم:اي بعرفك ما بتوفر ولا نظرة
محمد:مابدك تنامي
بلسم:امبلا بس بدي اطمن عنجد ناوي تتجوز
محمد: انا اصيل وصعب اعاشر غيرك
بلسم: عنجد
محمد:بس بجرب
بلسم:يا ويلك يا محمد تعملها
محمد:حاكيني متل مابحب
بلسم:مو وقتو
محمد: يحرق اخت هالكلمة
بلسم:طيب لا تزعل بس مو اليوم لانو رسلان هلا بيصحى
محمد:خلص افهمت مع اني زعلان منك بس تصبحي على خير حبيبتي
بلسم:وانت بخير حبيبي.
كنت مقهورة عليه وبعمري ما اسمعت بهيك مهمات طويلة الله لا يوفق معلمو اكيد متسلط عليه وهو مساير وبالاسم مشكلجي العيلة والله انو مسالم بس ما حدا يستفزو لانو بيطالع الازعر الي جواتو
بعتلو صور رسلان ببيجامة جديدة
محمد: دخيل امو
بلسم: زودتها اتغزل بالصبي شوي
محمد: هبلة شو بدي احكي دخيل ابوه
بلسم:دخيلو
محمد:دخيلو الي بيتغزل فيني
بلسم:مافي خواص
محمد:ليش مصورة الولد
بلسم:مابعرف لبستو بيجامة جديدة
محمد: وهو صحتو منيحة ولا بس ع الصورة هيك مبين
بلسم:لا اجى على الدنيا وصحتو منيحة
محمد:ومين بيشبه
بلسم:امك بتقول بيشبهك
محمد:امك؟؟؟يعني مو مرت عمك
بلسم:لا تزعل مني
محمد:لا بدي ازعل واوعك تفكري ممكن تهون عليي امي
بلسم:لك بعرف بس هي مو مخليتني احبها
محمد:كمان بتكرهي امي
بلسم:مو كره بس خوف
محمد:وكرامتي وين
بلسم: انت عصبت
محمد:ما بتخسري ازا بتقولي مرت عمي
بلسم:طيب اسفة لا تزعل انا بعتلك صور رسلان لانو طالع حلو بالصورة
محمد:اكيد بدون فلاتر
بلسم:😂دخيل قلبككك اي بدون
محمد:بتحبيه اكتر مني
بلسم:لا بحبو متل مابحبك
محمد:فيها وجهة نظر يلا نامي لا تسهري
بلسم:وازا كملت على الفيس بوك
محمد:مراقبك ورح احاربك
بلسم:شك يعني
محمد:وغيرة
بلسم:على كلا انا نعسانة
محمد:نوم الهنا حبيبتي
بلسم:...
سكرت كنت متأكدة انو ما بيهون عليه بأمو بس مو لهدرجة ما سبيتها اي اسمها امك😂 هاد معصب وناوي يفش خلقو فيني وليييي بس اتزكر الكف بيرجف بدني كيف رماني بأرضي واتخدر خدي يوم كامل ما بنسى اني خفت منو خوف مو طبيعي الله لا يوفقك يا ايوب بسببك عشت شهر العسل ،بصل الحمد الله محمد نسي الموضوع
افكار تاخدني وافكار تجيبني وقبل اغفى صحي رسلان وبلشت المعاناة المعتادة
.. . .........
قصة عشق الأصيل 15 الموسم الثاني
بعد الخطة لازم التنفيذ صحيح استنت ام مهران بس مريحة اعصابها كتير وصار لازم التنفيذ قاعدة بالصالون وناطرة قهوتها قدمتها روز
ام مهران: اطلعي خلي بلسم تنزل لعندي فوراً
روز: حاضر مدام
طلعت لتناديلها دقت الباب وسمحتلها تفوت
بلسم: شوفي
روز:الست ام مهران طالبيتك
بلسم: شوي وجاية
نزلت روز لتخبرها
ام مهران: شو وينها
روز:كانها عم تحكي مع السيد اصيل
ام مهران: طبعاً ليش هي تاركيتو بحالو
كملت قهوتها وناطرة تنزل بلسم
............
ما كنت بدي اشوف حدا وبيكفي انو محمد عم يصورلي البحر ويبعتلي صور وفيديوهات وهو عم يسبح
محمد:عجبتك
بلسم:بتجنن
محمد:مين كان عندك
بلسم:ماحدا
محمد:مو حكيتي مع حدا
بلسم:اي مرت عمي طالبة تشوفني
محمد:اكيد هزة بدن لهيك استرخي ولا عبالك
بلسم:هيك بدك
محمد:اي هيك شو بدك ارجعلك
بلسم:كل مرة بحكيلك اي وبتقلي ياريت فيني
محمد:هههه بس كلامك صار يهون عليي
بلسم:انت عم تخليني اسايرك
محمد:اي مو غلط ولا عيب ع الزمة ما اشتقتي
بلسم:مو للشي الي ببالك
محمد:كلو بودي لبعضو
بلسم: شايف ما بتتناقش
محمد:ايمتى بدنا نحكي المكالمة التانية
بلسم:انا كل الوقت فاضية
محمد:انا مع زميلي طالعين استجمام حلو البحر
بلسم:اي احلى من وادي التلة😂
محمد:دخيل انتاجات التلة اي
بلسم:وانا بدي اشوف البحر
محمد:والله لاجيبك بالاجازة
بلسم: بكرى مننزل للتلة وبتحكيلي المرة الجاية
محمد:لا مارح اوعدك ع الفاضي انا راجع للفرع وعندي داوم متواصل منحكي بعدين
بلسم:بس توصل خبرني
محمد: بأمرك يا حلوة
سكرت معو وحطيت الموبايل على الشحن وانزلت لشوف مرت عمي وفرصة رسلان نايم
تحت كانت قالبة خلقتها
ام مهران: شرفتي
بلسم:خير مرت عمي
ام مهران:ارتاحي عاوزك بكلمتين
قعدت غصب عني مو طايقة حالي
ام مهران: شو قصة اصيل ودوامو
بلسم:ماحكالي
ام مهران:ليش ما عم تسهري معنا ترى ما مناكل حدا
بلسم:.....
ام مهران: قبل انسى اصيل سألني عنك
بلسم:ايمتى
ام مهران:من مدة
بلسم:شو سألك
ام مهران:سأل ازا بتحكي مع اهلك وانو بتسهري لحالك بالغرفة ولا معنا
بلسم:هو بيحكي معي كليوم وبيعرف اني بسهر بالغرفة
ام مهران:اي ما علينا بس يصحى رسلان نزليه بدي اشوف حفيدي
بلسم: حاضر مرت عمي
ام مهران : بطريقك خدي القهوة للمطبخ
اخدتها دغري للمطبخ ابتسمت لروز بطريقي وارجعت للغرفة كان رسلان عم يبكي خفت عليه كتير وضليت مدة اسكت فيه وبعدها نام رحت لاخد موبايلي وما لقيتو
بلسم:كان هون
معقول انا مخربطة بس حطيتو على الشحن بس كمان مافي شاحن بلشت عملية التدوير داق خلقي للحظات حسيت حالي مخنوقة وضايعة
بلسم:وين بدو يروح
ما خليت مكان ما دورت فيه اتوترت حسيت انو حدا اخدو من غرفتي واكيد رسلان انزعج وصحي اطلعت من الغرفة وانزلت كانن مجتمعات كلهن الشي الي خوفني
ام مهران:ما صحي رسلان
بلسم:اي ورجع نام....حدا شاف موبايلي
سلام:ليش هو بينزل من ايدك
بلسم:كان على الشحن واختفى.
سلام: نحن ماعنا حدا بيسرق واخر مرة انسرقت اسوارة امي كان اصيل هون
بلسم: انا ما اتهمت حدا بس عم اسال عنو
حنان:تسأل عنك العافية
ضحكن ضحكة مستفزة بس انا مقهورة لدرجة ما بتنوصف
بلسم:بحكي عنجد حدا شافو
حنان:بكون داق خلقو وطلع يتمشى
بلسم:بدي احكي مع محمد
ام مهران:دوري عليه شو بدك تلزقي التهمة فينا
بلسم:لا ابدا بس متأكدة حدا اخدو مو بالغرفة
ام مهران:روز.. تعالي
اجت بسرعة
ام مهران:موبايل بلسم شفتيه
روز:لا والله
سلام:حبيبتي دوري منيح ماحدا الو مصلحة ياخدو
بقلبي:الله ياخدك
ارجعت للغرفة دورتها منيح دورت حتى بالاماكن الغير متوقعة و متأكدة وحدة من هالمكيودات غيرانة مني بس انا بفرجيكن
حسيت حالي متل الهبلة وبعد ما اسهرت مع العيلة ومليت
بلسم:بدي احكي مع محمد
سلام: احكي مين ماسكك
بلسم: بدي احكي من موبايلك
سلام:اي ما حزرتي اصلا مسحت رقمو بعد ما اتجوزك
بلسم:وانتي حنان
حنان:دوبني اجهز راجعة لبيتي
ام مهران: روحي نامي على نومة ابنك
بلسم:...
حنان:متعودة على الحكي ال...بعد نص ليل
بلسم:....
اطلعت للغرفة كنت بدي ابكي بدي اكسر الدنيا حسيت انو انا الي ضعت مو الموبايل وبالاحرى انسرق وبكرى لاشتري خط جديد وموبايل جديد انا بفرجيكن
ما نمت لاني مواعدة محمد وخفت يكون ناطرني وبالو مشغول
.... ......
بالفعل كان بالو مشغول خارج التغطية مستحيل يكون بدون شحن لانو ما بتقطع الكهربا عن الفيلا ومو معقول خرب بدون سبب بعد ما يأس والفضول رح يقتلو اتصل ب سلام وقلة الرد جننتو
بعتلها تهديد(ازا ما بتردي لامصع رقبتك )
عاود الاتصال وردت
محمد: ليش ما رديتي من اول يا زمكة
سلام:بدون مرحبا
محمد:قلة مرحبا فيكي ليش بلسم موبايلها مسكر
سلام:يوه مستحيل
محمد:انو مستحيل مسكر
سلام:اخي من شوي فتت الاعب رسلان وكانت تحكي معك
محمد:شو بتخبصي من ساعات وانا بتصل مغلق
سلام:كانت عم تحكيلك شوي وبرجعلك حبيبي
محمد: الله لا يحبك
سلام:مو مسدءني
محمد:طيب اعطيها الموبايل بدي احكي معها
سلام:تكة بس
ضلت بمكانها ومثلت انها رايحة وشوي ردت عليه
سلام:قافلة الغرفة دقيت الباب كتير ماردت
محمد:خلي امي تفتح الباب ليكون صاير عليها شي
سلام:بس ماما نايمة
محمد:لعيتي قلبي صحيها
سلام: برجع بتصل فيك
محمد:لا لا انا سامعك روحي يلا
غمضت بقهر اخوها مو بسهولة بينضحك عليه راحت ودقت الباب وهو سامع فتحتلا وعلى عيونها النوم
همستلها:هاد اصيل مشغول بالو على بلسم
ام مهران:شوفي وليه
سلام:بلسم مسكرة غرفتها انتي معك مفتاح
ام مهران:اي وشو بدك منها
سلام:اصيل بدو يطمن عليها
ام مهران:يلا لجيب المفتاح
طبعا كلو تمثيل بس يطالعن اصوات للقفل وللباب وشوي ردت عليه
سلام:نايمة
محمد:انا سألتك شو بتعمل بدي احكي معها
سلام:خلص للصبح شكلها سهرانة على رسلان قبل بيوم
محمد:الله يشغل بالك
سلام:فوق ما طمنتك عليها
محمد:والله قلبي متل النار ومو الحق عليكي عليي لاني اتصلت فيكي
سلام:شو اعملك يعني
محمد: عنجد كانت تحكي مع حدا
سلام:معك اخي
محمد: اديش كانت الساعة
سلام:ستة المسا
انقهر وقلبو ولع نيران
محمد: شو حكت
سلام:حكتلك برجعلك حبيبي
محمد:....
فصل الخط وما لقى حالو الا عم يشك فيها حط راسو تحت المي وشو بدو يصبرو ليطلع الضو
...............
على لفطور كنت قاعدة متل اليتيمة حزينة وتعبانة
ابومهران: شبكي
بلسم:بدي احكي معك
ابو مهران:بعد لفطور اكيد
حسيت مرت عمي بدها تتفجر خلصت لفطور واطلعت معو لبرى كان مجهز حالو
بلسم:عمي موبايلي ضاع
ابو مهران:وين
بلسم:كان معي بس اختفى
ابو مهران:حزورة يعني
بلسم: بدي اتواصل مع محمد من مبارح ناطرني
ابو مهران:بس انا عندي موعد مهم احكي من موبايل سلام
بلسم:اي ما رضيت
ابو مهران:مو بكيفها احكيلها عمي هيك بدو
تركني وطلع كان بدي يشتريلي موبايل وقت فتت للفيلا رمتني نظرات لا تفسر
ام مهران: شو كان بدك منو
بلسم:بدي احكي مع محمد
ام مهران: روحي اشتري موبايل
بلسم:بس انا مابعرف هون
ام مهران:ببعتك مع السائق
بلسم:لحالي
ام مهران:مابياكلك لا تخافي
بلسم:خليه هو يجيبو او اعطيني موبايلك
ام مهران:حالفة يمين ما اتصل فيه انا عرضت عليكي
بلسم:...
ام مهران:وازا بدك هي مصاري
كنت عم ركبها بعقلي ما زبطت رحت لعند روز بس ما كانت بالمطبخ اطلعت للغرفة عسى ولعل الي اخدتو تزوق على دمها وترجعو اجت لعندي مرت عمي
ام مهران:خلص بروح معك انا
بلسم: عنجد
ام مهران:جهزي حالك يلا
اللبست دغري ودورت بالغرفة لاخر مرة حملت رسلان وهو نايم وانزلت لعندها وانصدمت
ام مهران: ليش جبتي الصبي
بلسم:بلكي صحي
ام مهران:لك والله انك مولدنة .
المهم اتواصل مع محمد اتأملت رسلان اي ما اجى من قلبي اتركو بالبيت باخدو وبيرجع معي كانت مرت عمي بجنب الشوفير وبطريقنا لاشتري موبايل كل شوي اتأمل رسلان نعومتو ونومتو كانو ولا بحياتو نايم
ام مهران:هاتي الصبي عنك
بلسم:خليه معي
ام مهران: مشان تنزلي تختاري موبايل
بلسم:حيلا شي
بقلبي:لو حكيت من موبايلك ما بأثر المهم اطمن محمد متأكدة بالو مشغول
ام مهران:هاتيه لشوف
حسيت قلبي وقع وقت اخدتو كنت بدي اتجاهل الخوف الي اتملكني بلحظتها لهيك اتأملت الشوارع وصرنا بزحمة المحلات
ام مهران:اي هون.... انا نازلة اجيبلك الموبايل
نزلت ومعها الصبي وقبل اعترض سكرت الباب بقوة اسمعت صوت رسلان عم يبكي والشوفير دغري حرك حاولت افتح الباب
بلسم:وين رايح انت
الشوفير:هيك تعلميات المدام
بلسم:لك انو مدام لك وين اخدني
الشوفير:...
بلسم:احكي جاوب بدي ابني بدي ابني الله يخليك رجعني
الشوفير: مشوارنا طويل
بلسم:لا لا مو معقول لك وين رايح فيني ..رح اخبر عمي عنك
بقي ساكت وبعد مدة اكتشفت انو راجعة للتلة بدون ابني صرت اصرخ واخبط على الشباك حسيت حالي مجنونة
بلسم:بدي ابني رجعني لعندو
كان متل الصنم ما حرك ساكن وانا طول الطريق ابكي بس بعد ما استوعبت اني راجعة لعند اهلي
......
كانت عم تحاول تشربو حليب من الببرونة بس ما اتقبلها ابدا
سلام: ماما الولد رح يوقف قلبو
ام مهران:هلا بيسكت
سلام: شو بدك تحكي ل بابا
ام مهران:ابوكي مو راجع
سلام:لكن
ام مهران:عمك بين الحياة والموت وسافر لعندو
سلام:والولد يا ماما
ام مهران:انتي شو بعرفك خلص اتركيني إنا بعرف اسكتو...روز .. يا روز
اجت روز كانت عم ترجف ودموعها جاهزين
ام مهران:بدي منوم للصبي من الصيدلية بسرعة
روز:...
ام مهران:بسرعة يلا ليش واقفة
راحت ركض
كانت واقفة وعم تهز فيه لحتى يسكت بس الولد على صوت واحد وسلام بلشت تبكي عليه
سلام:انا مافكرت هيك يصير
ام مهران:بيكون جوعان
سلام:اصيل عم يتصل
ام مهران: اطلعي ردي عليه
سلام:...
بعدها الولد تعب ونام من جوعو وسلام طلعت لتحكي مع اصيل
محمد:وينك انتي ليش ما رديتي
سلام:اي اخي كنت بالحمام
محمد:وين بلسم
سلام:لبست وراحت لتشتري موبايل
محمد:نعم نعم....لوين راحت
سلام: طلع موبايلها خربان واخدت مصاري من بابا
محمد:شو بدي بالمصاري كيف بتطلع بدون علمي ليش ما حكت معي فهموني شو عم يصير
سلام:اخي طول بالك
محمد:انتو خليتو فيها بال قسما بالله يا سلام ازا ما بتحكي الحقيقة
سلام: شو بدي اكزب عليك
محمد:ومع مين راحت
سلام:مع ماما والشوفير
فصل الخط دغري بخلقتها واتصل بامو وردها السريع طمنو شوي
محمد:وين بلسم
ام مهران:والله يا ابني مابعرف شو بدي قلك
محمد:بدها تجنني هي وبنتها
ام مهران:من الصبح مجهزة حالها بدها تشتري موبايل وانا من كل عقلي طاوعتها جهزنا حالنا واطلعنا بنص الطريق اعطتني ابنك وبعدها نزلت لتشتري موبايل ومابقى لمحناها
محمد:امي شو هالتخبيص ما فاتت لمخي انتو شو عاملين بمرتي
ام مهران:تركت ابنك يبكي
محمد:والله ما ضل فيني مخ.....انتو اهل انتو
فصل الخط ورغم انو باجتماع فاروق بيك راح لعندو كان مبين انو متوتر
فاروق:شو بدك اصيل
محمد:معلم الظرف طارء
فاروق: إجازة مافي
محمد:انا مضطر
فاروق: خلص أصيل الاجتماع ضروري استنى ليخلص
طلع لمكتبو قعد يهدي حالو كل القصة مافتت لعقلو ولو معو رقم روز اتصل فيها
كان عم يحاول يفكر باي حدا موثوق اتصل ب مهران
محمد:كيفك اخي
نيفين: اصيل
محمد:وين مهران
نيفين:نزل للسوبر ماركت
محمد: نيفين شوصاير ببيت اهلي
نيفين:خير شوصاير
محمد:انا بسألك
نيفين:النا يومين ما رحنا لهنيك
محمد:حسبي الله ونعم الوكيل
بس يرجع مهران خليه يحكيني ضروري
نيفين:ولايهمك
اتصل ب عزمي بس ما كان يرد عليه وبس بدو يهرب من كل المكان لو بدو سفر طويل
.............
ساعات طويلة كنت شبه مجنونة فيهن اول ما وصلت للتلة حسيت شوي بالأمان وصلني لباب بيت اهلي كانو متجمعين عند بيت ستي فتح القفل وانزلت غصب عني شفت عزمي جاي ركض ومابعرف شو حالتي بس هو انصدم فيني صدمة
عزمي:بلسم؟؟.؟ شو جابك وين ابنك
غمرتو اتخبيت فيه وبلشت ابكي
بلسم:اخدوه مني ...تركتو يبكي
عزمي:انتي شو عم تحكي
وقت بعدت عنو شفت الكل متجمعين عليي
ماما: ليش راجعة وين ابنك
بلسم:..
عزمي:فوتو خلينا نفهم منها
امشيت معهن متل الجدبة ما اقدرت اتطلع بولا حدا بس بأيديي الي عم يرجفو
ماما:احكي بلسم
بلسم:مابعرف..رحت لاشتري موبايل لانو هداك اختفى صرنا عند المحلات وكان معي رسلان.....وهون كان بحضني 😭اي هون واخدتو مرت عمي مني....نزلت لتجيب موبايل ومابعرف رسلان صحي وصار يبكي والشوفير جابني لهون
عزمي:لك شو عم تخبصي
عامر: فيكي شي بلسم
بلسم:هاد الي صار والله
ام عامر:يعني كيف وليش.
بلسم:تركتو يبكي والله 😭 بدي ابني ماما بدي ابني
حسيت ماحدا سدءني
عامر:يا جماعة القصة مو زابطة وين محمد
بلسم:بداومو
عامر: وين عمي وين مهران
بلسم: مابعرف جيبولي ابني مشان الله
عزمي:يعني محمد ما بيعرف
بلسم:ما بعرف
ماما:اتصل فيه شو ناطر
عزمي:مو لاستوعب لحكاية
كانت ستي عم تتصل يمكن بحماتي
وكأنها ماردت عليها
وانا مو سامعة الا صوت ابني عم يبكي والله ماعم استوعب كيف اخدتو من حضني بنت الحرام
................
فات للفيلا مهران معصب وقت شافتو امو خافت.
ام مهران: شوفي
مهران: شو التخبيص الي خبرني اياه اصيل وين بلسم
ام مهران:رجعت لاهلا
مهران:كيف رجعت
ام مهران: أنا بعتتها مع الشوفير
مهران:لك انتي عم تلعبي بشرف العيلة كلو كيف بتبعتيها لحالها
ام مهران:نبهت عليه ورجع من شوي
مهران: شو عم يصير فهميني
ام مهران:انا قطعت على حالي وعد ما تضل ببيتي ومع ابني
مهران:ابنك جانن عليها شو بدو يهديه
ام مهران:طمنو صارت عند اهلا
مهران:ورسلان معها
ام مهران:فشرت تاخدو
مهران: ليش عملتي هيك ليش
ام مهران:من وقت فاتت حياتو وخربت بينا وبينو
مهران:ع اساس الحنان والود من عنا بيتصدر امي شوفيلك حجة مقنعة ابنك صرعني
ام مهران:انت اطلاع من هالحكاية
مهران:...
كان الولد عم يبكي طلعو ركض كلهن بالاول ما اتقبل الببرونة بعد محاولات كتيرة ولانو جوعان اتقبلها وكتير ارتاحت ام مهران
ام مهران:اوف الحمد الله
كان مبين انو جوعان كتير
مهران:يا ويلك من الله وبدك حياة اولادك تتيسر كيف حرمتيه امو كل هالساعات
ام مهران:يلا روح لبيتك
مهران:يعني لو بتناطحي السحاب مارح يترك مرتو افهميها استوعبي
ام مهران:المهم انتقم من هالعيلة واحرق قلب ام عزمي انا مشكلتي معها مو مع ابني
تركها مهران تهتم بالولد ونزل ليحكي مع محمد
محمد:وينك طولت
مهران:بلسم بالتلة
محمد: كيف يعني
مهران:امك بدها تنتقم من حماتك
محمد: هاد حكي اولاد
مهران:وانا حكيت معها بس انت بتعرفها
محمد: وابني
مهران:اتولت امرو امك
محمد: وشو يعني
مهران:تعال حل المصايب
محمد: انا مربوط بدوامي مهران بكرى بتبعت رسلان لعند بلسم
مهران:...
محمد: بترجاك اخي
مهران:طيب لبكرى انت لا تشغل بالك
محمد:قهرتوني عمر بحالو وبدك ما اشغل بالي جبتها من التلة خايف عليها من هداك الكلب استلمتوها انتو
مهران:انو كلب
محمد:مو وقتو بس بكرى ابعت رسلان لعند بلسم هي كتير متعلقة فيه
مهران:وكل الله
محمد:الله معك
كان بالسيارة مهران وكتير مقهور منظر الولد خلاه يكره امو عند البوابة فتح الشباك
مهران بعصبية:مين الي راح للتلة اليوم
الشوفير:انا
مهران:ووصلتها
الشوفير:متل ما طلبت مني الست الوالدة
مهران:وانا ليش ما شاورتني
الشوفير:فكرت التعليمات منك
مهران:حسابك بعدين جهزلي حالك
اتحلفلو ورجع للبيت وما رضي يحكي ل نيفين ولا شي بس ما نام كان حاضن لمخدة وعم يفكر بجبروت امو ولوين رح توصل بآخر المطاف
..................
كان عم يبعت ل عزمي
محمد:رد بدي احكي مع بلسم
طنشو كتير لانو بلسم مرضانة على فراق ابنها كان الوقت متأخر وأم عامر موجودة ونوارة كمان وسيدرا جايبة كاسة العصير وام عزمي عم تبكي
بلسم: سامعة صوتو انتو سامعين
نوارة:خلص بكرى ليكون بحضنك
بلسم: تركتو يبكي
ام عامر:لا حول ولا قوه الا بالله
ام عزمي:اتوقعت كلشي الا هالشغلة
نوارة:الله يغضب عليهن
بلسم:محمد ما دخلو
عزمي: مين دخلو لكن ازا الزلمة ما أمن مرتو مين بدو يأمنها بيعرف اموو بنت حرام ليش خلااكي عندهن .
بلسم: متل هيك بكون هلأ نام
ام عزمي:استغفرك ربي و اتوب اليك
عزمي:ستي كيف بليتي هالعيلة بهيك وحدة
نوارة: شو علاقتي عمك بيعرف اخواتها
ام عامر:طيب ليش واقف اقعد
عزمي: مابعرف بحس انو لازم اروح وارتكب فيهن جريمة
ام عزمي: بلسم حكت محمد ما دخلو
عزمي:بس انا حطيت راسي براسو والله ليبوس الصرامي
نوارة: شو بدك انت
عزمي:بدي العن ابو الي ناسبهن بدي العن ابوه قتل حالو انتو ما شفتو وقت طلبها ايوب اجى من نص دوامو ساوى حالو زلمة يلعن ابوه بصرمايتي
ام عزمي:عزمي عيب عليك
عزمي:يلعن ابو العيب الي ربيتيني عليه لك ليش ما طالعتيني ابن حرام والله لاتشفى فيهن والله
نوارة: شو صرلك
عزمي:حقها دم رجعة اختي مع زلمة غريب
كان عم يحكي ودموعو متجمعين
عزمي:انتو اطلعو من هالحكاية والله لابزقهن الدم واولهن الكلب تبع الفرع شرفنا يلعبو فيه لعب وعم يتصل وعاملي فيها الشهم والله ليدفع الثمن غالي
نوارة:بدكن تتعالقو
عزمي: شايفة لدموع الي عم ينزلو من عيون اختي والله لانتقم لكل دمعة
ام عامر: استهدي بالله
عزمي:...
طلع لبرى معصب قعد قبال البيت على لحجار وسالو دموعو
عزمي:مسافر وتارك هموم الدنيا على اكتافي تعال شوف بنتك وشوف عملة عيلة اخوك فيها عامل فيها اب تاركنا متل لكلاب عاش بالغربه وريح بالو بدي اتصل فيه بدي اشوف بيترك الدنيا وبيجي يحل مصيبة بنتو لك نحن يصير فينا هيك ومريم بنت الحرام منيح ما فوتت زلمة عليها باطلة ومحولة هالجوازة.
كان عم يتزكر كل الزكريات محمد عم يخفق لبيت عمو تمشايتهن خطبة بلسم جية بيت عمو مغامراتهن سوى لقاءات الكرم وبعد عرس بلسم وكل شريط الماضي والغصة زادت منظر بلسم وهي نازلة من السيارة مع زلمة غريب اصعب من الموت كسرت خاطرها عم تزيد وجعو وهلا مرتمية عيونها مطبوخين من البكي والتعب عم يبين على ملامحها
بقلبو: وشو ذنبها بس انو حبها محمد وراح حجزها على اسمو ومستحيل تكون لغيرو الا بحالة وحدة نحن ندبرلها عريس ذلنا ونحن عاملناه بطيب اصلنا وهو طلع قليل اصل وبلا شرف والله لاخلي اكبر احلامك ارد عليك
وقت شاف عامر ما لحق يمسح دموعو وعامر اتجاهل الموقف
عامر: شو اتحسنت بلسم
عزمي:مابعرف
عامر:طول بالك
عزمي:هي اختي بتهون عليك اختك
عامر:لا بس كمان انت عم تلوم محمد
عزمي:ليك عامر بدك نضل احباب واصحاب لا تدخل
عامر:مارح اتدخل بس
عزمي:انا شايل عليه من وقت وقف جوازتها سايرت الوضع مسايرة وماسدءت ايمتى اتجوزو ما لحقت اتنفس براحة اتصل فينا قال بلسم متنحة انت متخيل الموقف الي حطنا فيه اتخيل اتصل فيك احكيلك تعال خلي اختك تسايرني بدي
عامر:خلص خلص مافي داعي للحكي هاد
عزمي:يا زلمة كل ما اتزكر عمايلو بغص.... وطلع بشغلة السفر وانو بتتواصل مع ايوب بعد الزواج انت متخيل حط العيب فيها كمان ....لك لو خبرتني ما بخليها دقيقة عندو
عامر:اي امبلا كنت كسرت راسها وتحالفتو ضدها
عزمي:روح شوف مجنونة فيه ماعم تحكيي الا كلمتين تركتو يبكي ومحمد ما دخلو
عامر:ما ركبت لعقلي رجعتها يعني ماصارت بالعالم
عزمي: مع بيت ابو مهران اتوقع كلشي حنان جوزها متجوز عليها ولا عبالهن وسلام أطلقت وهي عروس مهران متزعم عصابة وهداك مربوط متل الكلب بالفرع
عامر:قدامي احكي شو مابدك بس اوعك تحكي قدام حدا
عزمي:غير بطلاقها مارح يبرد قلبي
عامر:اي طول بالك انت منفعل
عزمي: بتسدء صحيح ضربني بزمانو واتكالب عليي هو وامين بنص المحل كرمال اسكرو بس ما اقدرت اكرهو مابعرف صلة الدم قوية الي بتربطني فيه بس اليوم من بعد ما شفت بلسم بالحالة هي اكرهتو بتعرف ياريتها اتجوزت من احقر شب بالتلة
عامر:هي زواج الاقارب
عزمي:الله نفذك من هالعيلة والله الك حسنات
عامر:صدقا محمد اصلي والحق كلو على امو
عزمي:اي لالعن ابوه على ابو امو
عامر:طيب عازمك على شاي
عزمي:مو بنفسي شي روح لعند مرتك انا بوصل مرت عمي
عامر: بتوعدني ما تخبص قدام حدا
عزمي:خلص اتركني
عامر:بتروق ومنحكي
........
تركو بنفس المكان ورجع للبيت كانت اية ناطريتو
اية:ليش ما اجت مرت عمي
عامر:....
اية: اتحسنت بلسم
عامر:بتتحسن...اية اوعك حدا يدرى بلي صار
اية:مستحيل احكي
عامر:اوعك ها ساعتها ما بحويكي عندي
اية:والله مابحكي اصلا زعلانة عليها ياحرام كيف متعلقة بابنها
عامر:الله يساعدها
اية:ستي حكت بكرى رح تجيب الصبي لهون
عامر:اي ستك ما بتمون ع حدا
اية:انت زعلان على بلسم.
عامر: انا زعلان على رجعتها عنجد النخوة ماتت عند البشر كانت تبعتها مع سلفها وابن عمها مرجعيتها مع شب غريب استغفر الله العظيم بس ليعرف محمد الله يستر من اخرتها ليكي رح اطفي موبايلي مابدي احكي مع حدا
اية:اريحلك
ما نام كان عم يتقلب تارك اية متلو مو جاييها نوم وقت رجعت امو للبيت سمع صوتها وصوت عزمي وبعدها حط راسو ونام
...........
كنت كل شوي اتفقد رسلان ..بس اتزكر انو مو بجنبي وانا اصلا ببيت اهلي خطرلي ايام لعزوبية كنت عايشة مرتاحة اكبر همومي اللبس احلى من لبس سيدرا وما بنكر كنت اعيش مغامرات حلوة بجية محمد للتلة واخر المطاف ليكني مرتمية لحالي لك اشتقتلك محمد....انت اعرفت شو صار لازم ترجع تعال كرمال خاطري عندك لابقى تحكيلي مهمة ودوام انا ع غيابك ما بنام وانت طولت كتير كنت حاسبة ترجع قبل اولد ونست حالي وقلت يلا لبعد ما اقوم بالسلامة ولساتك شو بدك تتعين رئيس ولا وزير يلا خليك هيك انت حققت الي براس امك .....ياريتك خليتني هون بالتلة بس انت بتفكرني خاينة وبدي اخبص يا عيب عليك ظلمتني وسامحتك ضربتني وذليتني متزكر وقت ارجعت وعملت الي بدك اياه وقلعتني اي انا يومها اتمنيت الموت.....فكرت حالي بنت ليل وجايبني من الكبريه صبرت واتحملت كتير واسمعتك تخبص مع بنت معلمك الي مستحيل تكون تاركيتك بحالك ومجرب معها كلشي كان بنفسك واتناسيت وهلا عم اعيش معك احلى ايام حياتي ورسلان بيشهد😭يا عمري يا ماما ليكون جوعان انا بلشت احس فيك انت جوعان والله ياريت يكون نايم بكرى بكرى رح تنام بحضني يا روح امك انت
................
كان صوتو بكل الفيلا عم يبكي جوعان ومو متقبل الببرونة وام مهران متحملة كرمال جبروتها وتحاول تسكت فيه
ام مهران:لو بعرف بدو يعمل فينا هيك كنت من الاول ما خليتها ترضعو اكيد جوعان داق خلقي ما تعب هو....يلا نام....يلا بدك تنساها لبنت ام عزمي..... يلا ستي نام انا اتعبت انت ما اتعبت يلا خود الببرونة اطيب من حليب امك......يلا ستي
بعد صراع طويل غطتو ببلوزة بلسم الي شلحتها كانت بتعرف انو رح يميز ريحة امو هي جربت تكون ام اتقبل الببرونة وكابرت على حالها انو الولد بيرتاح لريحة امو
بقلبها: مابكفي سلبت ابني وصار الها بس حفيدي رح يكون الي وحتى سلام اتراجعت بس انا عند موقفي لاتشفى بكل عيلة الآغا ومهران الي وعدني واقنعني ليكو سحب ايدو ويمكن مو طايقني....بس انا رح اداوي الكل
بعد ما نام كانت ميتة من تعبها لهيك نامت بغرفة محمد والصبح عانت شوي مع الولد بس بعد يومين انفطم واتعود على الببرونة واتولت امرو سلام صار ينام عندها وتهتم بلبسو وتغيرلو وتلاعبو ويتجاوب معها بسهرة كل يوم نيفين تتأمل رسلان مو متخيلة يكون الا بحضن بلسم
نيفين:ومو ناوية تبعتيه لامو
ام مهران:لا
نيفين:اتعود على الببرونة
ام مهران: دغري بنفس اللحظة
نيفين:ياحرام اكيد بتكون مرضانة بلسم
سلام:ليش بقى
نيفين:لانو انفطم عنها
ام مهران:خليها بتستاهل
سلام: عنجد يعني
نيفين:اي انا وقت فطمت رسلان كان عمرو سنة ونص بيومها امرضت وارتميت بالفرشة لانو صدري مليان حليب
سلام:....
ام مهران:اول عن تالي بدو ينفطم
نيفين:بس والله حرام صغير
ام مهران:دخيلك شو بدو يورث من حليبها غير الولدنة والهبل
ما كانت مستغربة نيفين بنوب بس محروق قلبها على الولد لصغير
...........
كان عزمي واقف بنص الغرفة هو شايف انو بلسم موجوعة بس مو عرفان شبها
ماما:اتحممي بمي دافية
بلسم:بعد شوي
عزمي: شبها
ماما:لانو انفطم ابنها
عزمي:اخدك للدكتورة
ماما:لا مابدها دكتورة جيب ابر التهاب وبيمشي الحال
عزمي:...
طلع ينفخ من قهرو جابلها الابر ورجع كانت سيدرا بالمطبخ عم تجهز الغدا
عزمي:هي الابر اعطيهن لامي
سيدرا:لشو هدول
عزمي: شبعرفني
سيدرا:حرك الشاكرية لارجع
بقي ناطرها لرجعت
سيدرا:يا حرام يا بلسم.
عزمي:....
سيدرا:معقول انا مو مسدءة ليش اخدو ابنها منها
عزمي:نجاسة ولدنة حرام
سيدرا:عنجد ناوي لمحمد
عزمي: الله يجيبو للتلة
سيدرا:بلسم حكت ما دخلو
عزمي:ليش اخدها معو وهو بيعرف أنو امو بنت حرام
سيدرا:بتعرف والله بلسم ما بتستاهل
عزمي: شو شفقانة عليها
سيدرا:مبارح ما نامت اسمعتها تشهق وتبكي
عزمي: شو اعملا لو سعيت بجوازتها بقول
سيدرا: وبيعرف عمي
عزمي:ليش هو متحاكي
سيدرا: ومشان عمي ابو بديع
عزمي: بتسدءي انشغلت بقصة بلسم وبطلت اسال عليه
سيدرا: المصايب عم تلاحقنا
عزمي: بشوفلك يا اما افراح يا اما احزان
سيدرا: الغدا جهز
عزمي:...
ساعدها وحطو الاكل بالغرفة
ام عزمي:يلا بلسم
بلسم: بعدين
عزمي:يلا مو حرزانة لو طيب الاكل ما بعزمك
بلسم:كلو نعمة
سيدرا:يلا تعالي
بلسم: شو بدي اخجل....انا رايحة اتحمم
ام عزمي:بمي سخنة ها
بلسم: ماشي
نطرها لحتى طلعت
عزمي:بتتحسن يعني
ام عزمي:على الابر بتتحسن
عزمي: ..
سيدرا: ومشان ستي
عزمي:عند عمتي وصفية
سيدرا:ورح تحكي
عزمي:انا لافضحهن بالتلة فكرك رح اسكت
ام عزمي:عزمي نحن
عزمي:انا صرت احب المشاكل
ام عزمي:خلص بقى ليرجع محمد
عزمي:بدو يطلقها
ام عزمي:..
عزمي:لاربي فيه لكلاب
سيدرا:والله ما دخلو
عزمي:لابقى حدا يدافعلو
كملو غدا رجعت بلسم كانت تعبانة كتير
ام عزمي:روحي نامي
بلسم:هون بدي انام
عزمي: نامي مطرح ما بترتاحي
اتمددت واتغطت كمان شغل سيكارة وضل صافن ومنى عينو يرجع محمد للتلة
... ..........
كان قاعد بالعتم قلة رد عزمي وعامر عليه سببتلو حزن اتصل بعمو ابو عزمي واكتشف انو مو دريان بشي
محمد:يعني عمي ابو بديع مريض وهو مو دريان شو عاملة امي ب بلسم
وسلام كانت ناوية تلفق تهمة ل بلسم شو يعني بتفكروني مارح ارجع.....بسيطة اتفقتو عليي بس لانو بعيد ومافيني اعمل شي
وبلسم يا الله شو صاير فيها وهاد رابع يوم بعيدة عن رسلان مابعرف حتى مهران صار يطنش اتصالي
اتزكر انو بعتلو(امك مابدها الولد يبعد عنها)
محمد:شو يعني تشليح الشغلة في حدا ورا خراب موبايلها سلام او امي
احساسي ما بخيب وبلسم ضحية
فتح الباب فادي وفات
فادي: شبك يا زلمة
محمد:...
فادي: شغلت بالي الك كم يوم على هالحالة
محمد:..
فادي:طيب احكيلي بترتاح
محمد:عن شو ولا عن مين
فادي:خلص سرك ببير
محمد:بيتي انخرب وانا هون شبه محتجز هي تالت مرة بطلب من فاروق بيك اجازة لو يوم مافي غير بيحكيلي اصبر وبتنول
فادي:خبرتو مشاكل
محمد:يعني مبينة ليش بدي الإجازة طقت روحي يا زلمة
فادي:بس ما فهمتني شو الي صاير
محمد:اهلي او بالأحرى امي رجعت مرتي لبيت اهلها واخدت منها الولد
فادي:بتحكي جد
محمد:ليش في مزح
فادي:وليش عملت هيك
محمد:مابعرف حتى مو قدران اتواصل مع مرتي اتخيل
فادي:احكي مع اهلها
محمد:الكل مطنش
فادي:وانت زعلان
محمد:مقهور ورح اموت منهن كيف بيخربولي بيتي وبأي حق بس كلشي عم ياكدلي هي نواياهم من الاول
فادي:ابوك يتدخل
محمد:سافر لانو عمي مريض
فادي:وانت شو بدك
محمد:بدي ابني يكون مع أمو وبس
فادي:عنجد هي شغلة غريبة اول مرة بسمع يعني انت بدك اياها واهلك لا
محمد:بالزور لحتى رضيو
فادي:بس هيك شو مستفاد
محمد:مابعرف
فادي:لا تزودها اتفائل يمكن خير الك
محمد:لك انو خير انخرب بيتي وبتحكيلي خير
فادي:على كلا عازمك على فنجان قهوة
محمد:...
سحبو سحب لبرى الغرفة ولساتو مسكرة كل ابواب الدنيا بوشو
.............
صحيح اتحسنت وراح الوجع بس لساتني محطمة كان عزمي يتوعد لمحمد وامي بس تشوفني ابكي تبلش بكي معي وزارتنا عمتي وصفية ما اهتميت لجيتها ابدا اعتبرتها مو موجودة متأكدة جاية تشمت فيني
عمتي:ولي عليكي يا بنت اخي
ستي:خلص وصفية
عمتي:لا مو خلص بعدين كيف ساكتة يا ام عزمي
ماما:مو طالع بأيدي اعمل شي
عمتي:ولييي والله ازا حدا بيعمل ببنتي شي لخليه يحاكي حالو
عزمي:في رجال بالعيلة وهي بتحل الموضوع
عمتي:وكلو كوم وقاتل عليها كوم
بلسم: يا جماعة محمد بداومو ومابيعرف بلي عملتو مرت عمي
عزمي:خلص بلسم
سيدرا:بس هو بيعرف نواياها تجاهك لازم قبل برجع لدوامو خلاكي هون
عمتي:اي امبلا هون اهلك وناسك
ستي:لو ما ابو مهران مشغول بمرض ابو بديع كان خبرتو
عمتي:يوه ليش ما بيعرف
ستي:مبارح حكيت معو ما بيعرف بشي
عمتي:وابو عزمي
ماما:ما بيعرف بيكفيه مصايبو هنيك
عمتي:انتو مابعرف كيف بتفكرو
عزمي:لا منعرف وكمان بعرف انو عمي كلمتو متل قلتها بالبيت ومرتو الي حاكمة العيلة كلها
عمتي:اي والله هي قوية من يوم يومها
عزمي:الحكي متل قلتو الي صار صار
بلسم: شو يعني وابني؟
عزمي:بيرجع محمد وبصير خيير
بلسم:ابني الي عم تفهمو
ستي:ليش هي مين اخد ابنها من حضنها
عمتي:مابتعرفي يمكن عملت هيك لانو عقلها خبرها انو بلسم اخدت ابنها منها
ستي:صار ابنها ولي عليها ما حسستو بالامومة وكنت عطول اسبها ويحكيلي لا تحكي على امي
عمتي:هي الام القاسية على اولادها بيطلعو حناين عليها
ستي:بس محمد كان يحن عليها بشكل كبير بتزكر كان صغير دوبو صف اول كنا نحط الاكل وما يقبل يدوق منو لقمة وعلى قولة لتيجي امي وهلأ بتيجي امي
قهرتني بزيادة انا بعرفو منيح وعاشرتو مافي احسن منو
عمتي:اي بتزكر يعني انت مابدك ترجع بلسم
عزمي:انا قلت ليرجع وبتنحل
ستي:بس ازا مو دريان بالموضوع رح يتغير الحكي
عزمي: بس ليدفع ثمن رجعتها للتلة لحالها غالي
سيدرا:وغيبة محمد وراها شي
عمتي:اي مصعب خبر نقلوه للساحل بمهمة
عزمي:...
طلع عزمي وطبش الباب اتزكرت رسلان وكيف خطفتو مني الي ما بتتسمى اتزكرت الموقف بحذافيرو وسالو دموعي والكل عينهن عليي
بلسم:بدي ابني😭تركتو يبكي
عمتي:طولي بالك
ستي:خلص لا تبكي
عمتي: ياحرام بكون اتلوع على فراقها
بلسم: انا الي النار عم تاكلني مشان الله رجعولي ابني
عمتي:طيب خبرو ابو مهران خبرو ابوها مابصير بنتك متغيرة يا ام عزمي ولا كانها بلسم
بلسم:اموت مو مشكلة بس اشوف رسلان واحملو اشتقتلو والله كتير اتعلقت فيه كتير
نظراتهن كلها ما بتتفسر
بعد ما راحو ما اقدرت اضل بالبيت اطلعت لبرى كنت اطلع بكل مكان وحسيت الجو كلو كئيب والتلة كلها سواد بسواد الله يشيل هالغيمة عننا يارب ردلي ابني لحضني مابدي شي تاني
اجت ماما لجنبي قعدت
ماما:والله ليرجعلك لا تخافي بس بدها صبر
بلسم:حرموني اياه وهو بأمس الحاجة الي
ماما:لابقى تبكي قدام حدا
بلسم:مو بأيدي والله
ماما:سلمي امرك لرب العالمين هو رح يهون عليكي
بلسم:حسبي الله ونعم الوكيل
............
بعد زيارة وصفية اتصلت ب محمد عن طريق مصعب ورد عليها بعد عدة اتصالات
وصفية:كيفك ابن اخي
محمد:اهلين عمتي
وصفية:هيك بترمو هالبنت بشو قصر معك عمك ولا بشو غلط من طول عمرو بحبكن وبريدكن بس انتو طالعين لخوالكن بياعين عشرة
محمد:وانتي متصلة توعيني
وصفية: لاني مافكرت حالة بلسم هيك
خاف كتير وانقهر
محمد: شبها صايرلا شي
وصفية:قول شو مو صايرلا كيف بتاخدو ابنها منها حرام الولد صغير سحبتوه من حضن امو حالها بالويل بتبكي وبتجيب مين يبكي معها....لك بس ما بقول غير الله يلعن الي كان السبب قاتلت بدك اياها وبالاخير ترموها هيك بس ما بقول غير يا عيب العيب لو انها مو بنت عمك منحكي
محمد:...
فصل الخط بوشها
مصعب:ليش بهدلتبه
وصفية:بدو اياها لكن ما بمون على امو مصعب:وعنجد الي صاير
وصفية:وحالة بلسم بالويل مو بنت اخي الي بعرفها طفوها الله لا يعلق حدا مع هالعيلة يارب
مصعب:ومحمد الي قلعها
وصفية: تدابير امو بس سكت
مصعب:بس الي بعرفو انو بمهمة
وصفية:ليش مافيه ياخد اجازة
مصعب:مستحيل امي لتخلص مهمتو وع الاكيد رح يترفع
وصفية:ياحرام يا بلسم والله انحرق قلبي عليها
سعدية:ليش
وصفية:وين وقت كانت بنت واول ما اتجوزت
سعدية:اتطلقت
وصفية:لو تطلق بكون اشرفلها
سعدية:والله مو مسدءة الي صاير
وصفية:يرحم ايام زمان والله اخي ابو عزمي سكرة والله جاي عبالي اتصل فيه
مصعب: امي يسطفلو ليش وقت تناسبو شاوروكي
وصفية:...
سكتت ولسى ببالها بلسم وكيف محروق قلبها على فراق ابنها
..............
كانت ام عزمي شايفة بنتها حالتها عم تسوء اكتر واكتر وعزمي لساتو عند موقفو قبل يطلع لشغلو وقفتو
ام عزمي:وين رايح
عزمي:بدي استلم ورشة
ام عزمي:اتصلي ب محمد
عزمي:نعم شو اتفضلتي
ام عزمي:بدي احكي معو من راسي ل راسو
عزمي:مو نحن الي منتصل ومنترجى ومتل ما حطنا من البداية تحت الامر الواقع بجي يرقع ورا مصايب اهلو ومن هلا بحكيلك مارح ترجعلو بسهولة
ام عزمي:يا امي سيرتنا
عزمي:اخر همي البشر وازا ما باس الصرامي ابن رسلان مالو عنا نسوان
ام عزمي:واختك وابنها
عزمي:خليه عند اهلو شو بدو يطلع منو ولمين بدو يطلع حنون على امو
ام عزمي:لك انت كيف صاير هيك
عزمي: اتعلمت الظلم من بيت سلفك
ام عزمي:هي اختك مو حدا غريب
عزمي:ولانها اختي بدي اربيهن لو انها غريبة كنت ما اهتميت
ام عزمي: وليش مارديت على محمد
عزمي:هيك بدي اياه يحكي مع حالو ازا رديت رح يحكي مع بلسم ويطمن شوي لا هيك خليه يتحزر تحزير شو صاير عنا
ام عزمي:الله يزيل هالشدة عننا
عزمي: مدامنا ناسبناهن انسي
طلع مو عاجبو كان عامر طالع من البيت والتقو برى
عامر:وين
عزمي:بدي اشوفلي ورشة
عامر:مو وقتو يا زلمة
عزمي:بتسلى احسن من هالوضع
عامر:وبعيدة
عزمي:لا على طريق الجسر
عامر: اطلع بوصلك
بالطريق كانو عم يحكو بنفس الموضوع
عامر:مبارح محمد باعتلي
عزمي: ورديت
عامر:لا مارديت سألني شو صاير ببلسم كأنو عمتي وصفية متصلة فيه
عزمي:انت برأيك بلسم بتستاهل الي صاير فيها
عامر:ولو انها مو منيحة الي عملوه غلط بغلط فكرك انا متقبل رجعتها مع زلمة غريب كل ما اتزكر كيف نزلت من السيارة حدا بيختقني
عزمي:يعني انا ابكيت من شي قليل اتخيل جاي فيها من المدينة لا ساعة ولا ساعتين
والي بيقهرني اكتر انها كانت رافضيتو وانجبرت عليه وصار كلشي بدو اياه وهيك تكون النتيجة
عامر:لو مو معها ولد اهون
عزمي: إرادة رب العالمين مافينا نعترض
عامر:عزمي انت راضي عن جوازتك
عزمي:ولو ما ارضيت بنت عمي والها حق عليي
عامر:وبعرف انك متحمل غيرتها وكيدها
عزمي:اي لانو رح تتغير وبعد ما شافت بلسم كتير متحسنة كنت احكيها امسحي البوط تحكيلي ما بقبل هلا بصحى بلاقي اواعيي جاهزة مرتبة ونظيفة والبوط بيلمع لمع
عامر: 😂خافت
عزمي:وصايرة تشفق على بلسم بعد ما كانت تحكي ما بتستاهل محبة محمد وصارلها الي ماصار لحدا
عامر: بدرية المصغرة 😂
عزمي:بس انا مو جوز بدرية 😂
ضحك عزمي غصب عنو وبعدها اتزكر الي صاير معهن واتنهد بتعب
عامر:وليش بتشفق على بلسم
عزمي:مو بس هي حتى عمتي وصفية شفقانة عليها انت متخيل
عامر:لايمتى عزمي
عزمي:ليحلها ابو المشاكل
عامر:بس انت عم تتوعدلو
عزمي:في شي لازم يصير
عامر:من وين اجتنا هالمشكلة حتى مرض عمي فجأة طلع
عزمي:وعمك رسلان مسافر يشوف اخوه صاير حنون
عامر:بحس انو مرتو الي كانت مبعديتو عن الكل
عزمي:شو يعني صحي
عامر:الدم بيحن يا زلمة
عزمي:لنشوف اخرتها
وصلو للورشة وما خلاه ينطر
كان ناطر الزلمة لحتى اجى طبعا شاف مساحة البيت الي بدو شغل واتفق معو على الرعبون وايمتى بدو يبلش دوام كان مخنوق ولو المشوار طويل مستعد يمشي ويفضي عن بالو كانت الزكريات مسيطرة على مخيلتو وافكارو
وصورة بلسم بين عيونو وهي هزيلة وتعبانة على فراق ابنها
وبقلبو: عطول في ضحية زواج الاقارب وع الاغلب بتكو البنت وكان معها حق ترفض وضل حاطها براسو لحتى تم النصيب واخر شي انرمت وانحرمت ابنها عطول في طرف بياكل القسم الاكبر من العزاب وبلسم حابيتو لدرجة ومابقى اتصل محمد اي لاني طنشتو كم مرة عندو كرامة الزلمة ما بيتنازل عنها
............
قصة عشق الأصيل 16 الموسم الثاني
كان وجع راسي ما بينحمل لدرجة ماني قدرانة اتوازن حاولت اتعافى قدام امي ما اقدرت
ماما: شبكي بلسم شو صاير معك
بلسم:راسي شوي واجعني
ماما:من دون سبب
بلسم:مابعرف اول مرة هيك بصيبني
ماما:ليكون مو نايمة بأثر لانو
بلسم:كيف بدي انام كنت طول الليل اغفى شوي متاهات كتيرة كنت عم اركض ببناء مليان طوابق ومكشوف
ماما:خير اللهم اجعلو خير
بلسم: بدي احكي مع محمد لازم احكي معو
ماما: اخوكي مابدو وعلى قولة لمصلحتنا
بلسم:انتي مسدءة انو محمد ممكن يعمل فيني هيك
ماما:لا بعرفو ما بيطلع منو الردية وهي عملة ام مهران بس شو بدو الواحد يحكي
بلسم:ماما شوفي بينك وبينها ليش بتكرهو بعض
ماما:انا والله ما بكره حدا وكانت نيتي صافية تجاه الكل وكانت عطول تعمل مشاكل بدون سبب ولانو عمك ابو مهران يصف بصفي كان يزيد جنانها
بلسم: ليش ليصف معك
ماما:كان يشوف بعينو كيد مرتو وهي كل كرهها الي لانو جوزي مسافر وفكرها تتحكم فيني ووقت عمك يصف معي يجن جنونها كانت عطول تهددني وتتوعدلي
بلسم:واخر مشكلة الي خلتكن تتفرقو
ماما:مع انو وعدت ما احكي بالموضوع بس رح احكيلك
كان ابوكي يبعت لاهلو مصاري وانا مو معتبرني من عيلتو كنتو صغار وعزمي كان بيفهم يعني مو صغير واول ما بعت ابوكي المصاري على اسم اخوه اجى عمك ليعطيني اياهن واتاريها مراقبيتو وبتفكر في بيني وبينو شي
بلسم:اسغفر الله العظيم وكيف خطرلا
ماما: حتى بايام كنا ساكنين عند ستك كان يجي يعطيني المصاري من باب الغرفة وماكانت تحكي الا لبعد ما اطلعنا وبوقتها خبرت ابوكي خفت اتطلق وعلقت بينو وبين عمك مو مشان شي بس لانو عم يعطيني المصاري الي
بلسم:ولشو يزعل مو هني من حقك وحقنا
ماما:ماكان مأمنلي وبدو عمك يتولى المصروف علينا وعمك شايفني قد الحمل وزيادة وحارب اخوه
بلسم:عمي
ماما:اي حكالو الي مافيه خير لمرتو مافيه خير لاهلو وقطع اتصالو فيه
وبتعرفي كل واحد بشوف انو هو الحق معو لهيك ابوكي ندم على كلشي عملو مع اهلو
بلسم:يعني صحي
ماما:اي بس متأخر وع فكرة كان عمك وستك احسن منو الي وبعد ما اكبرتو وصرتو شباب صارو يترددلو للتلة بس بالاعياد ويمكن لاحظت مرت عمك انو محمد معجب فيكي لهيك جن جنونها ما بتلاحظي كيف بتعاملو
بلسم:بس الي فهمتو من محمد كانت معاملتها هيك وهو صغير
ماما:كان شقي كتير وعنيد كانت تقسى عليه بسبب اطباعو بس بعد ما حبك وبلش يظهرلك الاعجاب زادت قسوتها عليه ولا مافي ام بتكره ابنها
بلسم:ماشفتها بتحبو ولا مرة ولو بتحبو ماكانت عملت هيك معي
ماما:هي عم تنتقم مننا عيلة ابو عزمي
بلسم:وليكون محمد من عيلتنا
ماما:اي بتعملها بنص عقل لانها
شو رايك نروح لبيت ستك بتغيري جو
بلسم:انا حابة اتمشى على الاسطوح
ماما:انا رايحة اطمن على ستك الحقيني
بلسم: ماشي
اللبست ولفيت الشالة وما كنت بعرف انو طلعتي للاسطوح رح تفتح جروحاتي وقت شفت بيت عمي ابو مهران سالو دموعي
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`