الفصل 21
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عشق الأصيل`*
*❴🔢❵الـــبـــــــــــ❴1️⃣2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
حاسبو وطلع ودغري شغل بعد ما رمى المي بجنبو وكمل طريقو بالاول بسرعة وسط وبعدها استلم طريق السفر والسرعة جنونية وشو متمني حادث ينهي حياتو الي ما عم يتهنى فيها ساعات طويلة وبالاخير وصلو انفتحت البوابة صفط السيارة بالمدخل وبقي قاعد يستجمع قواه يستوعب تحت اي ظروف رجع للمدينة حط راسو على تابلو السيارة
محمد:لازم ما ضليت بالتلة من البداية زفت وختامها مسك مع هال.....
جلس حالو وشاف باب الفيلا مفتوح وروز واقفة اتاكد انو شوي وبيطلع الضو عليهن
محمد بدون نفس:انزلي شو ناطرة
..........
قصة عشق الأصيل 9 الموسم الثاني
كنت مترددة لدرجة انزلت والخوف كبير جواتي من مكان بالنسبة الي غريب ومصيري مجهول سكر الباب اجت يمكن الخادمة الي بتشتغل عندهن لتاخد الشناتي
محمد:في حدا صاحي
روز:البيك بس بمكتبو
الحقتو وانا أتلفت على كل الاتجاهات وفتت ورا اوقفت لانو اول مرة بشوف هيك صالون بمساحة كبيرة وعفش كتير فخم وصوتو زلزلني
محمد:لا تضلي واقفة
طاوعتو دغري طالعة للدرج بخطوات مترددة ولاحقيتو حتى بدون ما اعرف الاتجاه الي رح يوصلني ل غرفتو فتحها وفات والشناتي ورانا دغري
روز:بدك شي تاني سيد اصيل
محمد:لا
اشرلا بمعنى اطلعي وسكرت الباب وراها وهو قعد على طرف التخت يمكن عم يستريح من الإجازة كلها استغليت الفرصة واتأملت كل زوايا الغرفة وشوي وقف واخد منشفة من لخزانة وفات للحمام ما اقدرت حتى اقعد رغم انو الكنباية مبين مريحة وحتى التخت سالو دموعي لانو حتى الي بحبو وهو بالنسبة الي الامان خايفة منو
بلسم:يارب...كيف بدي اكمل حياتي معو وهو مو طايقني لك ما سدءني ما اتحقق من الموضوع ...حتى طيور الحب ماتو واهلي ما ودعتهن وكلشي عم ينقلب ضدي ولسى مابعرف كيف اجواء هالعيلة الغريبة الي ما بيشبهونا ابدا وقت طلع من الحمام مسحت دموعي لتنزل عليي بهدلتو
محمد:لا تضلي واقفة عندك متل الهبلة
فتحت الشنتة وبدني عم يرجف وبردانة اخدت تياب وفتت للحمام وبلشت ابكي بصوت مسموع
بلسم:وينك يا امي تعالي شوفي هلا دور بنتك تنذل وتنهجر لازم طلقني وخلص كل واحد من طريق شو الغاية ليش اخدني معو ...هو وعدني بمشاوير وبسنما
بس مبين بدو يطالع سنين الرفض اتحممت واللبست بلوزة صوف لادفي حالي ضميت شعري بالربطة واطلعت كان عم يدخن وهو مستلقي اخدت جرابات من الشنتة واللبستهن قعدت على الكنباية وكتير تعبانة مبين طلع الضو وعم تسطع الشمس لايمتى رح انطر وكيف بدي اسلم على العيلة والكف معلم على خدي لمحتو لمحة سريعة
بلسم:معقول هو ضربني وكل قوة هالكف منو معقول ما تبين الحقيقة
بلسم: يروح يضرب هداك ولا بس بيتقاوى على النسوان ليش انا بستاهل منو حتى مو جاي من قلبي ادعي عليه ياريت يكون كابوس وكون هلأ بالتلة دفيانة بمكاني اسمع صوت العصافير من طلوع الضو واسمع صوت موتور عامر طالع يجيب الخبز وستي تفتح باب بيتها وتقعد برى تسبح وتستغفر وتيجي عمتي لعندها ونحن نفطر ونلتم عندها والمسا نطلع تمشاية لعند ماجدة او جورية 😭
ونرجع لنتغدا ونكمل سهرتنا عند بعض
.............
الساعة عشرة لفطور جاهز مهران ومرتو وابنوو ومن الجهة التانية سلام وامها وابو مهران مترأس طاولة الاكل
نزلت روز
روز:السيد اصيل ومدامتو جايين
ام مهران:غريب ايمتى رجعو
مهران:خمسة ونص كانوو هون
سلام:ما خبرو
مهران:ليش حدا بيقدر يتواصل مع العمدة أصيل
نزلو ولعيون كلها اتوجهت عليهن بالاخص ام مهران كانت تتفحص وجوه لتنين لتعرف شو سبب الرجعة
بصوت واحد محمد بلسم:صباح الخير
ليردو كلهن بنفس الوقت
قعد محمد وبجنبو بلسم ومبين خجلانة
ابو مهران:شو كيف كانت الاجازة
محمد:منيحة
ابو مهران:شو بلسم طمنيني عنك
بلسم:الحمد لله عمي
ابو مهران: يلا اتفضلو
بلشو بالاكل كلهن الا ام مهران كانت تتفحص الكف الي ماكل شقفة من خدها وابتسمت برضا
بقلبها: وأخيراً اجى مين ياخد بتاري من عيلة الآغا ومن امك بالتحديد
انتبه محمد كيف امو مبتسمة وشاردة ب مرتو اطلع ب بلسم واتاكد انها شمتانة فيها وعينها على الكف
حتى سلام كتمت الضحكة
بقلبها:سبحان الله دقتي من نفس الكاس لانك اشمتي فيني
لاحظ رجفة ايدين بلسم
بقلبو:انتي الي جبرتيني وانتي الي حطيتي حالك بهالموقف
مهران:شو كنت اجلت لزيارة موسم الزيتون رح يبلش
محمد:كل الامور تمام انت ريح حالك
مهران:وامنت ع البيت
محمد:شو رايك انت
مهران:رأيي انو سفرتك تعسفية
ابو مهران: خلصنا اكلو وانتو ساكتين
عم الهدوء بس فرحة ام مهران ما بتعادلها فرحة
........
ما اكلت كنت خجلانة من منظري كان مبين انو مو عاجبو الوضع مرت عمي ما شالت عيونها عني وحتى سلام كل شوي تبتسم ماسدءت ايمتى شبعت نيفين
نيفين:دايمة يا جماعة
بلسم: دائمة انشالله
مهران:جهزي حالك نيفين عنا موعد ضروري
نيفين:حاضر
ام مهران:روز جهزي القهوة بسرعة
رحت للمطبخ مابدي اشوف اي حدا
بلسم:اساعدك بشي
روز:لا انتي ارتاحي...مبروك الك وللسيد اصيل
بلسم:الله يبارك فيكي
روز:اتمنيت اشوفك على اد ما كانت تنجاب سيرتك بحضور السيد اصيل
بلسم:...
روز:سلامتك ليش خدك هيك
بلسم:...
روز: أسفة ....فيكي ترتاحي بالصالون
بلسم:ماشي
قعدت كانت سلام شبعانة بايدها موبايلها وبادنها سماعة بلوتوث وكل شوي ترميني بنظرات شماتة محمد مو تحت ولا عمي ونزلت نيفين واجى مهران شاركنا القعدة وناطرين كلنا القهوة
...........
بمكتب ابو مهران
ابو مهران:انت ضارب بلسم
محمد:عندك اعتراض
ابو مهران:بتنكسر ايدك تاني مرة
محمد:مين بدو يكسرها انت
ابو مهران:اي انا....فكرت ازا جوزتك اياها رح تصونها
محمد:انت بتعرف سبب الكف
ابو مهران:لو شو ماكان ممنوع تمد ايدك على بنت عمك
محمد:ليش ما بحقلي
ابو مهران:لا وتاني مرة بتنمد ايدك عليها لا تلوم الا حالك
محمد:والسبب
ابو مهران:لانها بنت عمك وضلع قاصر بدك اكتر من هالسبب
محمد:والله نصيبها واكلتو
ابو مهران:هي الي اترجيتنا لنخطبلك اياها وهيك عم تعمل فيها لو ما بتحبها شو رح تعمل
محمد: يمكن لو ما بحبها ما اضربها بس كنت مضطر
ابو مهران:والسبب
محمد:اسرار بيني وبينها ومستحيل يطلعو لبرى
ابو مهران:هالمرة مشيت لانو كنتو برى الفيلا من هون وطالع ازا بتنمد ايدك عليها لاحملك اياها انت عم تتمادى
محمد:على كلاً لا تدخل بيناتنا ...لانو ما اسمعت حدا اتدخل بحياتك من وقت اتجوزت.
ابو مهران:بس وقت الشغلة تكون بتخص حدا بيعز عليي رح أتدخل
محمد:مشان هيك استدعيتني ولا في شي تاني
ابو مهران:مشان هيك واوعك تعيدها
محمد: بتسمحلي القهوة بردت وقبل انسى شو كان لازمة المصاري؟؟
ع فكرة ازا مشان بلسم انا مستحيل اخليها تعتاز او تشتهي شي بوجودي انا ما اتصرفت فيهن لليوم
ابو مهران:بتعطيهن لبلسم
محمد:اي متل مابدك لانو انا مو بعازة حدا ومتل ما شغلتوني بكيفكن بدبر اموري بكيفي
طلع من المكتب ووراه ابو مهران كان الكل موجود ولسكوت مخيم على المكان وعلى شوي بدو يعمل لامو حفلة لانو مبسوطة ومقهور من هالشغلة كتير
........
بفوتت حنان كانت مبسوطة واستغربت بس هي حضنت محمد وسلمت عليه واخد منها البنت سلمت عليي وقعدت
حنان:ما سدءت انو اجيتو
محمد:حليانة الزعرة اي هيك صارت بني ادمة
سلام:يا ويلييي عسل بشهدو
محمد:اتركيها وليه بدها خالو صح
سلام:بتحبني دخيل خدودها حبيبتي ليكي حنان مو ماما أنا ماميتك
محمد:معناتو ابتليتي ب مامية مصيفة مأجريتو يا خالو
حنان: يعني حليانة بعينك
محمد:بتتاكل
كان عم يبوسها لاول مرة بعرف انو بحب لولاد
محمد:بتعرفي شو بعد شهرين رح تختفي بنتك
حنان:ليش بقى
محمد:رح اخطفها
ام مهران:جيب اولاد شو وراك
سلام:بدنا صبيان ها
مهران:اي مو ناقصنا بلاوي وعار
محمد:انت الي بتجيب العار مو البنات
نيفين:انا حابة يكون عندي بنت
مهران:اي بالمقبرة انشالله انتي وياها
حنان:اصيل ما برطلت البنت
محمد:ههه اسمو نقوط مو برطيل ازا بدك بشتريها خروف منيح
حنان:لك نحن بدنا منك خروف منعرف حالتك مو زيادة خلص ازا كتير حابب جيبلا يا اما اسوارة يا اما بلاك دهب
محمد:سجادة دهب بينفع
كانو عم يضحكو حتى مهران ياربي دخيلك بدهن دكتور نفسي هالعيلة
حنان:لك حصيرة حيلا مشان بس تجيب بلسم بنت رح اشتريلا جوز جرابات
محمد:فرجيني جوري جراباتك...ياي شو حلوين
شلحها اياهن وحطهن بجيبتو
محمد:هدول لبنتي صارو
حنان:هلا بتبرد لبسها
محمد:خليها بتسهري عليها عمرك ما تنامي
سلام:امانة اعطيني اياها
محمد:مو تاكليها بعرفك
سلام:يااويلي العسل الحلووو
مهران:صرعتونا فيها كلها شقفة بنت
حنان:يارب ارزق مهران توم بنات
مهران:سديه وليه احسنلك
محمد:نيفين شدي حيلك العروس جاهزة
نيفين:ياريت يتجوز
مهران:ههه بتموت غيرة والله لتجن
نيفين:انا رح اخطبلك وانا رح افوتها للغرفة لعندك
ام مهران:وبس يتسكر الباب عليهن
نيفين:مارح يتهنو رح احط فارة بالغرفة
ابو مهران:ههه هيك مو غيرانة
مهران:بتغار من خيالها انا بعرف شو عندي ومعاها مهلة كم يوم بس
ابو مهران: أنشالله بتطلع حامل ومنفتك منك
حنان:اي اصيل كيف كان شهر العسل وانتي بلسم كيفك... بعدين ليش خدك هيك مين ضاربك مستحيل يكون محمد اكيد عزمي موو
سلام:مبين الكف قوي ومن عزم اصيل
ام مهران:يمكن بالغلط
مهران:كف وبالغلط
نيفين:خلص يا جماعة مابصير هيك
بلشت ارجف من كلامهن كانو هجمو عليي كلهن بالحكي
ام مهران:عادي ضرب الحبيب زبيب هيك بقولو
سلام:امبلا وقوة الكف على اد المحبة
حنان:من هيك مروح المخلوقة
محمد:اجربلك انتي وياها
سلام:هههه معناتو منك
محمد:مو شغلك
حنان:تعيش وتضرب كفوف😂
نيفين: وبعدين يا جماعة
حنان:يعني اتزكرتي كفوف مهران😂
سلام:اي ما بنسى كيف كان يضربك
نيفين:بس كنت مظلومة والله جزاه وانكسرت ايدو
مهران:يااا اديشك مظلومة
نيفين:عمي احكيلك كلمة
ابو مهران:امبلا والشب حلف انو الاتصال كان بالغلط
مهران:انا بس الشغلة توصل للشرف خالصة الأمور عندي
نظرات محمد شلتني كان بدي اهرب منو
نزلت راسي وبدي يخلص هالاجتماع المسموم
ام مهران:وانشالله ما يكون كف بلسم بسبب شب
سلام:مبين بسبب لسانها لانها دفشة
بلسم:بالازن
انسحبت دغري للغرفة تعبانة لساتني بلا نوم اتمددت على الكنباية وغمضت صحيح سالو دموعي بس ما كنت مقهورة متل اول ما اوصلت
........
سلام:احكيلنا اصيل
محمد:عن شو
حنان:هي بلسم حبيبة القلب هيك تصفعها كف
مهران:يمكن اضطر
ابو مهران:لانو قليل اصل
نيفين:المخلوقة محرجة منكن خلص حرام
حنان:نحن شمتانات
اطلقن ضحكة لتلات بصدمة مهران وابوه ومرتو
ومحمد قلبو عم يغلي غلي
سلام:بموت وما بنسى كيف رجعت من التلة
حنان:لااا وكانت تكبر راس وشايفة حالها شي شغلة
سلام: واصيل طلع كفو كسر راسها
محمد:لو شو ما حكيتن مارح تعرفن الموضوع ورح يضل حسرة بقلبكن
ام مهران:مو مهم السبب المهم الانسجام لكبير
حنان:منعرف انك زلمة بس مو لدرجة بلسم ام راس تذلها اي كبيرة
سلام: وكان الكف صباحي
حنان:شكلو مسائي 😂
مهران:بس انعرف السبب بطل العجب
ابو مهران:يلا الي عندو مشوار يروح والي ماعندو شي يضب حالو بالغرفة
ام مهران:يلا يا بنات
راحت هي وبناتها على كركرة وضحك
ومحمد طلع ل غرفتو ومهران ومرتو على موعدهن وابو مهران لمكتبو
فات للغرفة تعبان وهلكان وبلسم مبين نايمة غطاها وراح اتمدد على التخت غمض وحس بوجعهن
محمد: لازم تنتهي الإجازة بكفي لهون
........
كانت ام عزمي على الباب واقفة وعم تدق بايدها بعد ما يأست راحت لبيت ابو عامر فتحتلها سيدرا وعلى عيونها النوم
سيدرا:مرت عمي اهلا وسهلا
ام عزمي:وين امك
سيدرا:بالغرفة اتفضلي
فاتت وبس بدها حدا يريحها
ام عامر:شو صبحنا على بالك
ام عزمي:محمد وبلسم ما عم يفتحو
سيدرا:انا كنت سهرانة وقت طلعت السيارة من الحارة راسلت بلسم اتصلت فيها ماحدا رد
اتدخل عامر وهو حاطت ايديه بجياب البنطلون
عامر:كنت ع الاسطوح وقت طلعو
ام عزمي:بلسم معو
عامر:اي واخدو معهن شناتي انا فكرت مخبرين
ام عزمي:لا والله ما بعرف شي عن سفرتهن حتى عزمي راح للشغل وانا بالي وقلبي مشغولين على اولادي
عامر:ومحمد ما بيرد
ام عامر: سيدرا اتواصلي مع سلام
سيدرا:جبتيها والله
كانت عم تبعتلا
وام عزمي تفرك بأيديها
بقلبها:الله يستر يارب طمني على بنتي
سيدرا:اي هنيك من الفجر
ام عزمي:صاير شي لحتى مسافرين
سيدرا:لا بعتتلي هون من زمان وهلا بغرفتهن
ام عامر:وهي اطمنتي ليش خايفة سيدرا اعملينا قهوة
كانت عم ترد على مكالمة سلام
سلام:كيفك وليه
سيدرا:اهلين والله
سلام: كيف خطرت على بالك
سيدرا:مشغول بالي على بلسم
سلام:هههه لا تقوليها
سيدرا:والله حتى مرت عمي بالها مشغول
سلام:اي خليه ينشغل هي ما تعرف انو.....طوط طوط
انفصل الخط فجأة
......
كف دوا بالممر من ايد محمد ل خد سلام
سلام:لك ليش ضربتني
محمد:ممنوع تطلع كلمة من لسانك لاي حدا
سلام:ماما😭😭تعالي شوفي اصيل ضربني
طلعت مستشرة وحنان خافت من اي ردة فعل ضدهن
محمد:بضربك ورجلي بحطها بظهر كل حدا بدو يجيب سيرتي وسيرة مرتي
ام مهران:يوه شو عاملة البنت
محمد: عاملة انها قليلة ادب وازا بتطلع كلمة هيك ولا هيك لاي حدا بالتلة لاحرق البيت بلي فيه
سلام:عم تتقاوى عليي
محمد:لكن اتركك تتمسخري على بلسم
ويكون بعلمكن رح تضل بلسم شوكة بحلقكن
ام مهران: وانا
محمد:والكل
فات وطبش الباب وتارك برى براكين بقلب ام مهران
ام مهران:شوكة بحلقي.....هيك يا أصيل معناتو بلسم اغلى مني عليك.....شو عليه بدك تروح للدوام ورح اتصرف بكيفي وبراحتي
........
ببيت ام عزمي كانت تمسح دموعها الغزيرة وتتزكر ماضيها وهي عروس
بوقت كانت تتقاوى عليها ام مهران وتطالع شغل بيت حماها على ظهرها وهي بس تلبس وتنصمد بحد جوزها
وبوقت اخدوها اهلها لحتى يطلقوها منو لانو هاجرها ومسافر عاشت عند نسوان اخوتها شبه مذلولة لتتصل بنوارة وتترجاها ترجعها
بالماضي
اندق باب غرفتها ع الساعة عشرة بالليل والكل بغرفهن من ورا الباب
ام عزمي:مين
ابو مهران:افتحي
فتحت شوي من الباب ولبست على راسها
ابو مهران:في الك معي امانة
ام عزمي:امانة شو
أعطاها مصاري كتير
ابو مهران:هدول من ابو عزمي وصلو بس مابدي تخبريه انو اعطيتك اياهن
ام عزمي:ليش
ابو مهران:هو بعتهن الي بس انا مو بحاجة وانتي ابدا بتعبو وغربتو
محمد:ازا انتي كفو روحي هههه هي ازا اعرفتي غرفتو
بلسم:لايمتى
محمد:بس انقلع للدوام احكي مع مين مابدك....
فتح لخزانة وطالع بيجامة
.......
بقلبي:يارب بكرى يروح للدوام واخلص اتمددت واتغطيت على الكنباية الي بشوفنا كل واحد بمكان ما بسدء انو من كم يوم كنا متل العاشق والمعشوق
بلسم:يا عمري كيف ماتو والله ما بيستاهلو😭انتهت حياتهن وحياتي معهن اتفرقنا بنفس اليوم
محمد:حاجتك بكي
بلسم: دفنت طيور الحب
محمد: شايلة همهن
بلسم:كيف ماتو
محمد:يمكن بيحسن بالخيانة لهيك ماتن
بلسم:...
بقلبي:حسبي الله ونعم الوكيل بكل حدا كان السبب بدموعي
محمد:نامي شغلتك طويلة بدها بحر دموع ما بتخلصي المعاناة والمأساة
بلسم:اتركني بحالي
محمد:اي تركتك
بقلبي:يا ترى لوين راح واجى شبه مروق
ما اقدرت اغمض كنت مراقبيتو كيف بدو ينام وانا مقهورة هلا كلشي صار بيناتنا زكريات
ايوب الكلب الله ينتقم منك لك شو بدك فيني غلطة عمري اني شفتك مع شيماء ياريت لا شفتك ولا أسمعت فيك لك انا حبيت محمد والله وعشت معو ايام كتير حلوة شخص هادي ورايق ومسالم وابن اصول ومابحب الغلط.
بلسم:وهلا انا بنظرو خاينة ياريت يرجع الزمن يومين بس كنت كسرت الموبايل قبل حدا يتصل فيني وازا انتي يا شيماء معطيتو الرقم لاحاربك كل عمري صحيح الخطبة بتغير النفوس
.......
الفجر قبل طلوع الضو لبس وجهز شنتة السفر للدوام كان عم يرمي فيها كتير مستلزمات رح يحتاجهن بالدوام خلص وسكر الشنتة كان لابس اسود بأسود ربط البوط وقبل يطلع اتأمل بلسم كيف نايمة وتعبانة
بقلبو:تاركلك الغرفة اتنعمي فيها
قرب ليلمس خدها ومقهور لانو سببلها اهانة ووجع كمان
محمد:والله غصب عني انا متهور لدرجة وانتي ضيعتيني بحبك الله يسامحك بس رح اشتاقلك ولا تلوميني بلسم الي جاي صعب وصعب كتير بس لازم ينعمل رفع لحرام اكتر على كتفها وكأنو قلبو مو مطاوعو يتركها اخد نفس ونفخو من قهرو ودغري طلع من الغرفة سكرها بهدوء ونزل برى كان مهران واقف مع مرافقتو
مهران: شوووو وين
محمد:بكفي
مهران:ولوين رايح
محمد:للمفرزة
مهران: اطلاع بوصلك
محمد:لك مافي داعي
نهران:لا تخاف بوصلك على اقرب نقطة للمفرزة....جراح بتجهزو حالكن ع الساعة تمانية بتكونو مزروعين باب المكتب كان ناطرو محمد ليخلص تعليمات وطلع مهران
مهران:مع انو بكير
محمد: بكفي
مهران:شبك انت مو مزبوط
محمد: شو بدو يكون
مهران:سيبك من مشاكلنا بس انت بتعرف انا وياك ع الغريب
محمد:لا طمن بالك اموري تمام
مهران:براحتك
طول الطريق يتزكر بلسم وبس مابدو حدا يستفقدلو غيرها وهو مابدو يشتاق الا الها وبس
محمد:رغم انو كنت ناوي تكون سفرتك معي من احلى الذكريات بس كلشي انقلب راجعلك ايوب وين بدك تروح مني حسابنا ما خلص
وصلو لاقرب نقطة وكمل مشي هدوء الصباح صوت العصافير وناس رايحة لدوامها متلو اشترى قهوة من الطريق وقعد يعمل استراحة مابقي الا شوي وبيوصل عند البوابة لكبيرة وقف مع العنصر وقدملو الهوية فتحلو الباب وفات إجراءات كتيرة ليبعتوه مع باقي العناصر للفرع الي لحد الآن ماحدا بيعرف وين وبأي منطقة الا محمد بعد تجهيزات اجى بولمن كبير بينقل العناصر وبطريقهن للمكان المقصود.
كان متكتف وكل احداث حياتو عم تمر قدامو وكأنها شريط كان عم يلعب بالطابة مع عزمي وعامر وبديع من طول عمرو على جنب
وهلا بأول طلعتو كان مجنن الحارة مشاغب ومشكلجي لدرجة وهلا بمرحلة الشباب بوقتها كانت عم تتكون سخصيتو الجوهر الداخلي البعيد عن الصفات الظاهرة ابتسم وقت وصلت الزكرى ل بلسم
محمد:يا احلى شي صار معي بكل حياتي. بس ليش كلشي اتغير
الذكريات كتيرة والطريق طويل
......
اول ما اصحيت استفقدتلو بس اتاكدت انو رايح لانو الشنتة مو بالغرفة حسيت حالي ضايعة بدونو قلبي دق بقوة وخفت من الي ناطرني بغيابو وهو موجود ماعم يقصرن كيف بغيابو الاحسن التزم الغرفة وما اطلع ابدا
غسلت ومشطت طالعت تياب اللبست وشوي اندق الباب رحت لافتح وخفت من شوفة مرت عمي
ام مهران:شو وين اصيل
بلسم: راح لدوامو
ام مهران:انتي طالبة لفطور للغرفة
بلسم:لا والله
ام مهران:لكن بتنزلي لتحت بغياب أصيل كلشي بيتغير
بلسم:بس بدي اللبس الشالة
ام مهران:لا تطولي يلا
اللبستها وانزلت كانو الكل موجودين ماعدا مهران صبحت عليهن وقعدت
ابو مهران:اتيسر اصيل
بلسم:اي
سلام:من هيك شمستك عالية
بلسم:...
ابو مهران:يلا بلشو بالاكل
ما كنت مرتاحة ابدا نظرات الكل شلتني بعد الفطور عمي طلع لمكتبو ونحن كلنا اشبعنا
ام مهران: اعملي القهوة بلسم
بلسم:...
ام مهران: عمك بحبها من تحت ايديكي
بلسم: حاضر
رحت للمطبخ لاجهزها وقبل ابدا اعترضت روز
روز:شو عم تعملي هاتي عنك
بلسم:بس عمي
روز:السيد اصيل منبه عليي ما تشتغلي اي شي هاتي عنك
ما خلتني اعمل شي جهزتها هي واخدتها انا للصالون كانت مرت عمي مبين عليها الجبروت والقسوة ضيفتهن وروز طالعت فنجان عمي للمكتب
بقلبي:معقول محمد عايش معهن وهو مكتسب هالحنية من هالمخلوقة ياربي ليش هيك شايفة حالها وعلى شو دخيل قلبك يا ماما ما اطيبو قليلة محمد بيعاملك كأنك أمو يمكن ما حس بالدفا الا لحتى ناسبنا وامي من يوم يومها حنونة عليه حتى قبل يطلبني من وقت كان صغير ويتقلع بتزكر كانت تفوتو بوقت الغدا وتدعملو صحنو
سلام:سيدرا بتسلم عليكي... وين موبايلك بلسم
بلسم: انكسر
سلام:وكيف بدك تتواصلي مع اصيل
بلسم:..
ام مهران:انكسر ولا كسرتيه
بلسم:وقع من حالو
سلام:اي وكيف بدك تتواصلي مع اهلك
بلسم:والله مابعرف معك رقم حدا منهن
سلام:سيدرا وعامر ورقم ستي
بلسم:اي اتصليلي ب ستي
سلام:هيك ببساطة
بلسم:كيف يعني
سلام:بدي مقابل
ام مهران:اي خليها تنظفلك غرفتك
بلسم:الله غناني عن هالاتصال
تركتهن واطلعت بس جكارة فيها وبأمها
وكنت متأكدة اني علقانة بعيلة مكيودة ومارح اطلع من خرجهن..
........
نزل حامل الشنتة ودغري لمكتب قائد الحرس استغرب أسير مو موجود قدم اوراقو وكان عم يدقق فيهن
القائد:انت مين موقعلك على الاجازة
محمد:القائد أسير
القائد:وليش شهرين
محمد: اتجوزت عقبال عندك
القائد:انت بتعرف انو في عقوبة
محمد:ليش العقوبة ازا بدك بجيبلك طلب الإجازة
القائد:ازا معك هاتو
محمد:حالياً مو معي
القائد:شو انت عم تسلبها عليي
محمد:الي قدملي الطلب
القائد:أسير لا تحكيلي
محمد:اي والله
القائد: واكيد في برطيل
محمد:شكلي شكل واحد بيدفع
القائد:انت بتعرف انو رح اعملك منها مشكلة
محمد: براحتك
القائد:وعم تتحداني
محمد:ما اتحديتك بس براحتك
القائد: شو رايك بدوام متواصل كونك عريس
محمد:الي بدك اياه
القائد:هات هويتك لشوف
طالعها بدون نفس واعطاها للقائد وبقي بمكانو
القائد:منيح اربع شهور يا عريس
محمد:...
القائد:لخليك تتفجر بدل هالبرود
محمد: فيني انصرف
القائد: ع الاستراحة وبدي اشوفك بنوبة الحرس الساعة ١٢
محمد:حاضر
اخد الهوية وطلع كان عم يقرأ قرار من نسخة منع الإجازة عنو
محمد:يلعن ابوك بصرمايتي
راح استلم مفتاح لخزانة من الامانات بطريقو للاستراحة هلكان من المشوار فتح لخزانة طالع بيجامة وحط الشنتة قفلها واخد معو المفتاح كل العناصر نايمين وما بتفرق معو وين يبدل تيابو لبس البيجامة واتمدد على التخت وغمض
محمد:اربع شهور ياترى بتحمل لازم اشتريت ل بلسم موبايل احسن ما رحت للبار
اطلب من مهران...لا لا مارح اطلب بلكي تحس على دمها وتحكيني من حيلا حدا....انشالله ما تبلش حرب بيناتهم لاااا انا وصيت روز ب بلسم لانو بعرف اهلي مافيهن خير....وياريت بلسم تساير الوضع امي ازا بتحطها براسها لتكرهها الحياة.....
يا الله بمين بدي افكر بحالي ولا فيها ولا شو تركت مصايب وراي ولا هاد الوسخ الي هون بالفرع....بيجي اسير ورح احقق معك بنفسي.....
غمض بجوعو وتعبو وهلكان لابعد الحدود
ليصحى على صوت زملائو ضجة وحكي
(هاد ايمتى اجى)(علمي علمك بس كان هون)(قصدك قديم بالفرع)(اي وصحبة مع القائد أسير)(لكن شغلتو تقيلة)(صحيه هلا نوبتو)
اتجلس دغري يستوعب كيف مالل قبل يبدا بالدوام
العنصر:صح النوم
محمد:اهلين
العنصر:لك يا زلمة كيف متحمل تنام بهالمكان
محمد: شبو
العنصر:نام صاحبنا بدالك صحي مرعوب ومكوبس شكلك مترك صاحبك بالفرع
لاول مرة بيضحك اول ما بيصحى وبيروق
محمد:هههه يلا مشان ماحدا ياخدلي مكاني بس ليكون بتمزح
العنصر:لا والله ما بمزح صحي مرعوب ويتصبب عرق انت كيف متحمل صاحبك
محمد:هههه خاويتو
راح ليجهز حالو لبس البدلة مشط شعرو وحط الروسية على كتفو وطلع لبرى انزرع باب الفرع وببالو بس بلسم الساعة ١٢يعني غرقانة بالاحلام...
محمد:ياترى كيفها على غيابي وكيف اهلي عم يعاملوها لو ماصار الي صار كنت ما خليتك تنامي وخليتك تونسي ليلي الطويل يلعن ابوك يا ايوب بس بدي دليل انو كانت بلسم على تواصل معو مشان احرقها واحرقو بنفس الحفرة
........
كان غياب محمد مسببلي اكتئاب ووحدة وحتى لو كان مجافيني متاكدة رح تبين الحقيقة ورح يندم لانو ضربني وشك فيني ما عم التقي بعمي وبدي اشتري موبايل رايحة اهستر بدونو
اهلي اكيد بدهن يطمنو عني ومتاكدة الظروف مارح تسمحلهن يزوروني بالاخص ماما لو ستي هون كنت احتميت فيها هون ماحدا لحدا وانا بعرف الكره الي بيكرهوني اياه بس مو لهدرجة وهي صرلو اسبوع غايب معقول ما بيحكي مع اهلو مع سلام او حنان كنت شاردة بعالم مليان احداث ارتعبت وقت انفتح الباب والصدمة تكون مرت عمي اتلبكت كتير ووقفت
ام مهران:شو يا بنت العز والجاه كل وقتك بغرفتك
بلسم:وين اروح
ام مهران:وين يعني شغل البيت ناطرك
بلسم:بس
ام مهران:روز بإجازة بدك نحن نخدمك
بلسم:بس انا
ام مهران:وعم تجادليني وليه عنجد انك وحدة بلا ترباية
وقت اسمعت صوت مهران دغري اللبست على راسي
مهران: شوفي شو عم يصير هون
ام مهران:مرت اخوك مابدها تشتغل
مهران:ليش وين روز
ام مهران:شو يعني وين روز
مهران:وشو بدك من بلسم
ام مهران: بدي تنظف المطبخ وتعمل القهوة
مهىان:انا رح اتصل بالمكتب ورح يبعتو وحدة بدل روز
حسيتها مصدومة كانت تطلع فيه بطريقة غريبة
ام مهران:هيك صار الحكي
مهران:اي هيك وبلسم هون مو للشغل
ام مهران:....
راحت معصبة وانا هم وانزاح عن قلبي
مهران:اوعك تسمعي كلمة حدا
بلسم:يكتر خيرك
مهران:شو مابدك انا هون وازا اي حدا دايقك حتى جوزك بتخبريني
بلسم:عنجد شكرا الك
مهران:....
سكرت الباب وراه
بقلبي:معقول الي اسمعتو مهران يدافعلي من امو شو اتحركت النخوة بس كان حذر وما اطلع ابدا فيني والله انو فيو نخوة ومو بعيدة عنو هو من عيلتنا مو غريب ويمكن عندو صفات إيجابية
.......
تحت معصبة وتزور فيه وهو يبتسم ببرود
ام مهران:مهران شو الي صار
مهران:معقول ما اعرفتي
ام مهران:لا وما بينحزر شووفي عندك
مهران:انو نبين كلنا ضدها مو زابطة لازم تأمن لواحد فينا
ام مهران:بس ما يكون انت
مهران:اي انا مشان نكمل بلي اتفقنا عليه
ام مهران:اي وايمتى بدي اتشفى فيها وبأمها
مهران:بوقت اغيب عن الفيلا اعملي شو مابدك
ام مهران:بس اليوم فرصة روز بإجازة
مهران:خلص انتي اتركي الامور هي عليي مو بدك تطفش من هون
ام مهران:بدي تصير خدامة الي ولبناتي
مهران:الي بدك اياه
بقلبها:ليكون الدم حن ومو هاين عليك ببنت عمك
بقلبو:مارح اسمح تهيني بنت عمي اي والله ما بهون عليي فيها المخلوقة بريئة مع انو كنت اتزاول منها بس بعد ما سكنت عنا اتغيرت نظرتي كلها
مهران:وصيني ام مهران
ام مهران:بدك تيجي للعشا
مهران:رح اجيب العشا لا تعزبو حالكن
ام مهران:متل مابدك
طلع وهو عم يلبس نظاراتو وكلو هيبة وفارض شخصيتو ع الكل
ركب سيارتو وطلعو وراه المرافقة
.......
كنت عم اتفرج على مهران ياترى لوين رايح
بلسم: ولا بعمري اتخيلت يكونو بيت عمي ساكنين بهيك منطقة رغم انو عزمي وصفها وسلام كانت تفرجينا صور الهن وكنت الاحظ انو متعايشين مع المدينة اكتر من اهلها بس ما اتخيلت يكون مهران بهالمكانة ومرافقة وكانو مافيا ومحمد مرافق عادي بالفرع عيلة غريبة عجيبة
هي نتيجة تكون الام متل مرت عمي وشايفة حالها شوفة معقول مهران طالعلها ومحمد طالع ل عمي اي تحليل منطقي كتير التفتت للباب لانو انفتح وكانو مافي خصوصية لحدا
سلام:الاتصال الك
بلسم:مين
ببالي بس محمد
سلام:اخوكي من موبايل سيدرا
اخدتو منها ورديت وضلت مزروعة بالغرفة عندي
بلسم:الو
عزمي:بلسم مشغول بالي عليكن وين لا حس ولا خبر لا انتي ولا حتى محمد من اسبوعين مسكر
بلسم:انا بخير ومحمد بدوامو موبايلي انكسر ومحمد مابعرف
عزمي:على الاقل خبرو انكن مسافرين
غص قلبي لانو الظرف الي اطلعنا فيه من التلة بيقهر
بلسم: فجأة ما كنا مخططين للسفر
عزمي:انا ببالي كتير شغلات متخانقة مع محمد
بلسم:...
عزمي:ايوب معطوب ليكون جوزك ورا ضربتو
بلسم:مابعرف
عزمي:لكن شو بتعرفي احكيلي ليش اطلعتو من التلة بالليل
بلسم:مابعرف
عزمي:بدها تجنني ليكي هي امي بدها تسلم عليكي
ماما:بلسم ياروحي كيفك طمنيني عنك
سالو دموعي اشتقتلها مو متعودة على غيابها
بلسم:الحمد لله مشتاقتلك كتير
ماما:انا قلبي متل النار عليكي
بلسم:لا طمني بالك انا بخير
ماما:ومحمد منيح
بلسم:اي منيح
ماما:وكيف بيت عمك معك
بلسم:مناح كلهن
ماما:وايمتى بدك تحكي معنا
بلسم:لحتى يتزبط موبايلي دغري بحاكيكن
ماما:الله يرضى عليكي
بلسم:سلميلي على ستي كتير
ماما:وهي بتسلم عليكي كمان
بلسم:لا تشيلو همي
ماما:ضلي طمنيني عنك وسلمي على العيلة عندك
بلسم:بيوصل
سكرت معها واعطيت ل سلام الموبايل
سلام:كتير دايقة مننا لحتى بكيتي
بلسم:والله مو متعودة ابعد عن امي
سلام:بدك تتعودي ولابس تجوزتي وبدك تضلي بحضنها
بلسم:اخدتي موبايلك
سلام:هي غرفة اخي والفيلا لاهلي وانتي هون كنة مو اكتر
بلسم:افهمت
سلام: بيرجع اصيل وبصير خير.
بقلبي: ناقص تهديدك بس
طلعت وسكرت وراها كنت عايشة بحالة حزن واكتئاب الجو مو جوي ولا متعودة على هالمكان المسا طلع رسلان للغرفة مشان اتعشى معهن ورفضت لانو مو بنفسي شي
وما اتوقعت يجي مهران اندق الباب ورحت فتحت
مهران:ليش ما انزلتي للعشى
بلسم:مو جوعانة
مهران:كيف يعني مو جوعانة
بلسم: هالمرة بس اعذروني
مهران:شو بدك احكيلي ليش زعلانة
بلسم:لا ابدا
مهران:بلا احكيلي ماني غريب
بلسم: موبايلي بدو تصليح
مهران:بس هيك هاتيه
بلسم:يعني بتعرف تصلحو
مهران:لا بس ببعتو لمحل تصليح
بلسم:بس ما يكون فيها سئلة
مهران:لا ابدا
اعطيتو اياه وكلي امل يتصلح وارجع اتواصل مع اهلي
مهران: يلا تعالي للعشى منستناكي
انزلت وراه كانت مرت عمي تتزاور فيني وكمان ب مهران مو عاجبها ومنيح عم تنزل اللقمة مع هيك نظرات وارتحت وقت شبع مهران وطلع من الفيلا اكيد بدو يصلح الموبايل وأخيراً
.......
بالمحل كان قاعد بجنب الشب الي بدو يشوف شو صاير بالموبايل
مهران: شو طمني
الشب: شغلتو بسيطة تبديل شاشة
مهران: وبتكلف
الشب:يعني بدك تقول ٧٠٠
مهران:يا لطيف غالي
الشب:انا بمتل هيك حالة بنصح تشتري موبايل رح يصير في مشاكل كتير ورح يعلق كتير معك
مهران:وبلكي فيو شي مهم
الشب:مابعرف ازا بدك خليه عندي وبزبطو
مهران:شو اسعار الموبايلات عندك
الشب:حسب انت شوفي ببالك
مهران:مو الي
الشب:لبنت ولا لشب
مهران:لبنت
الشب:هي تشكيلة نازلة جديد وبناتية شوفة عينك
مهران:والاسعار
الشب:ازا اعتمدت مارح نختلف
مهران:طيب ماشي فرجيني شو عندك
بقلبو:لانو مابعرف شوفيو موبايلها من الاساس منها لجوزها تسطفل
اشترى الموبايل وحاسب عليه ورجع للفيلا محاولات كتير يتواصل مع اخوه بس كان خارج النطاق
مهران:بقص ايدي ازا مو بايدو موبايلو كل الوقت بس بوضع الطيران انا بحياتي ما شفت متل هيك نوعية ولا بيعرف يجامل ولا حتى يسأل وكيف بيترك مرتو بدون موبايل
ارتاح لانو مافي حدا تحت طلع لغرفة محمد وكانو بلسم ناطريتو فتحتلو دغري
بلسم:شو زبط
مهران:للاسف لا
بلسم: عنجد
مهران:شغلتو صعبة وبكلف بس مارح تضلي بدون موبايل جبتلك واحد
بلسم: بس
مهران:شو يعني ما بيطلعلك مني موبايل حاكي المغضوب بقصد وزير الدفاع المتجوزيتو
اعطاها الموبايل كان مبين عليها انها خجلانة منو
مهران:يلا مو بيناتنا بس امانة ازا رد عليكي خبريني موبايلك القديم هون
بلسم:يسلمو عنجد شكرا
مهران:اهلا وسهلا بنت العم
وبطريقو لغرفتو كانت نيفين قاعدة ومبين ناطريتو
مهران:شووو سهرانة
نيفين:شو زبط الموبايل
مهران: لا بس جبتلا موبايل جديد
نيفين:اي حرام مبين انها ضايعة بدونو
مهران:كل الشعب بضيع بدونو وانتي نيفين
نيفين:شو انا
مهران:ما بتضيعي بدوني
نيفين:فكرت بدون الموبايل
مهران:اعتبريني موبايل
نيفين:هههه لا ما بتزبط
مهران:اي طمني ماعندك اعراض هيك ولاهيك من الصبح مشغول بالي
نيفين:لا ابدا
مهران:والحل نيفين
نيفين:اسمعت كلام الدكتورة
مهران:اي وما خرط مشطي انا مافيني شي وازا ماصار حمل بتعرفي شو بيطلع معي انا بدي يكون عندي عيلة كبيرة وبدي يكون عندي عشر صبيان واسلمهن كل واحد شغلة
نيفين: مهران الشغلة مو بايدي والله
مهران: تسطفلي دبريها من عندك بدك تحبلي بالزور بالدور بدك تحبلي
نفخت بيأس لانها هي ورا قلة الضنى وعم تتعامل مع الموضوع بكل برود
............
مع انو كنت متشوقة احكي مع الكل هلا مابعرف كيف اتغيرت نفسيتي اتزكرت سيدرا وجفاها ومحمد الي راح ولا كأني مرتو....شكلو مو ناويلي على الخير...عزمي رح يضل وراي ليعرف الاحسن ما احكي معو المهم صار معي موبايل وبتسلى لو على الالعاب ياترى شو عامل محمد بهيك وقت ووين هو برى ولا جوى قريب ولا بعيد مرتاح ولا تعبان
شو بنفسي نحكي متل كل تنين بحبو بعض وفرقتهن الظروف يسمعني حكي حلو يتغزل فيني يشكيلي واسمعو بس ما عم تزبط معي والله الجفاف دبحني دبح وكأني اتجوزت بالاسم
بلسم:مع انو الكل حسدني بيت وجهاز ودهب وعريس لقطة بس ما عم اتهنى بنوب عيون البشر يبلاها بالقلع
نمت على التخت لانو نومة الكنباية بتكسر ظهري وعم اعد الايام على غياب محمد ريحتو معششة على لمخدة وانا مابدي أبدلها ابدا راحة نفسية ريحتو
اشتنشقت كمية كبيرة وغمضت وبلشت اتزكر الليالي الي كانت تمضى بحضنو
............
برى كان برد كتير بس هو مدفي حالو ومو حاسس متل زميلو الي عم يرجف
محمد:فوت اللبس
فادي: مابدي اعلق مع القائد
محمد:بغطي عليك
فادي:هات لفحتك
محمد: اطلب شي تاني
فادي:ع فكرة مبين انها غالية عليك
محمد:هههه اي والله
فادي:شغل ايد يعني
محمد:اي شو عرفك
فادي:بتتأملها كتير
محمد:اوقات متل هيك شغلات بتونس وحدتنا
فادي:اي مو على طول اوقات بيضرب فيوز الشوق
محمد:لا تفتح مواجعي
فادي:بس كتير اربع شهور
محمد:شغل انتقام
فادي:بتتحمل
محمد:ولو ما اتحملت يعني شو بدي اعمل تساعدني
فادي:بشو
محمد:نفوت لغرفتو ونسرق العقوبة
فادي:بدك تروحني
محمد:انت بتراقبلي الجو
فادي:ليش بدك
محمد:لانو رح يخلص دوامو هيك اسمعت وازا بتضل العقوبة رح تتنفذ بس ازا انسرقت رح تروح فيها
فادي:والله انت بتستاهل بس انا بخاف من هالشغلات
محمد:انت مارح يصير عليك شي انا
فادي: مابعرف
محمد:قول انك مو كفو
فادي:هلأ خلينا بالنوبة بعدين منتفق
محمد:....
بقلبو:مارح تزبط الا ازا رجع اسير معقول مايرجع لا حكى انو بأجازة يارب ما يطول ولو ما انزلت إجازة بخلص من اوامر هالكلب
محمد:مابعرف ليش نافش ريشو ياريت فيني احكي مع فاروق بيك بس صرلو فترة متغيب عن الفرع واكيد بإجازة حظك يا ابو لحظوظ زفت كانو حظ شي رقاصة او ابن حرام استغفر الله العظيم بس
...........
كانت ام مهران ناطرة تبلش اوامرها على بلسم صرفت روز واستنت لحتى نيفين طلعت من البيت وهي دغري طلعت لعند بلسم حاولت تفتح الباب بس كان مقفول
ام مهران:ليش قافلة الباب افتحي وليه
كانت تخبط بشكل جنوني لحتى فتحت بلسم ومبين متحممة
ام مهران:ساعة
بلسم:لحتى اللبست
ام مهران:يلا شغل البيت بستناكي
بلسم:بس مهران
ام مهران:بلا مهران بلا بطيخ يلا انزلي لشوف بتبلشي من الصالون
بلسم:بس انا بردانة
ام مهران:اي بتدفي من الشغل اسألي امك كانت خدامة النا بزمانها
بلسم:لشو هالحكي
ام مهران:اتدايقتي على امك
بلسم:اي
ام مهران:يلا الشغل ناطرك
بلسم:بس انا مو خدامة هون وعم رتب غرفتي
ام مهران:لسى بتجادل
شحطتها من كتفها بس بلسم بعدتها
بلسم:اتركيني
ام مهران:ليكي هلا بجن عليكي
بلسم:خليني امشط شعري
ام مهران:مشطي هي انا ناطرك هون
كانت مراقبتها ومبسوطة لانو بلسم على وشك البكي مشطت ولبست الشالة ونزلت وراها
ام مهران:بلشي من الحمام
بلسم:...
ام مهران:يلا ما اسمعتي
بلسم:انا ما بشتغل هالشغلة بدك بجلي بمسح غبرة
ام مهران:لا بدك تنظفي الحمام
بلسم:ما بقبل
ام مهران:ايوا انتي عم تكبري راس كتير تعالي لقلك
كانت عم تشحطها بقوة بس بلسم عم تحاول تفك حالها منها واتعمدت توقعها عند باب المطبخ بس ما كانت متوقعة يغمى عليها وقت شافتها بهيك حالة خافت
ام مهران: بلسم يا بلسم.... شو صرلا المخلوقة ليكون ماتت دغري اخدت الموبايل واتصلت ب مهران
ام مهران:الو مهران وينك
مهران:ع باب الفيلا
طلعت دغري تفتحتلو
مهران:شبكي ماما
ام مهران:يا مهران بلسم وقعت ومابعرف شو صرلا
فات ركض لجوى وحاول يصحيها
مهران بعصبية:كيف وقعت
ام مهران:مابعرف انزلت هيك شفتها
مهران:يعني مو انتي
ام مهران:انا شو بدي فيها
مهران:بلسم ...يا بلسم
ام مهران:خلينا ناخدها للمشفى قبل يجي ابوك ويعملنا قصة
مهران:....
بين التردد والتشجيع حملها واسعفها ومعو امو
........
كنت عم استوعب ليش انا بالمشفى شوفة مرت عمي رعبتني كانت مبتسمة هاللئيمة
ومن الصوب التاني مهران
ام مهران:هيك يا منظومة انتي وجوزك هيك شغلة بتتخبى
بلسم: شغلة شو
ام مهران:معقول حامل وما منعرف
بلسم:انا حامل
مهران: لبشارة النا لكان ازا مو دريانة
بلسم: مين حكى
ام مهران:الدكتورة بشرتنا فرحتي مو عاطيتها لحدا انا بدي اخبر اصيل ها
مهران:هههه اي ليفتح بتخبريه
ام مهران:انشالله تقومي بالسلامة
بلسم:الله يسلمك
مهران:انا رايح اشوف الدكتورة بلكي يسمحلوها تطلع
ام مهران:عمك رح يفرح كتير....
بلسم:...
بقلبي:ياترى رح يفرح محمد بهالخبر ولا رح يزعل لانو مو طايقني قبل الحبل كيف مع الحبل
خرجوني وارجعنا مع مهران كانت مرت عمي كل سيرتها عن لولاد مبسوطة لدرجة وما كنت بعرف اديش بتحب محمد الا هلأ
بالفيلا الكل متجمعين وفرحانين كمان وبلشن يقترحن اسماء بنات وصبيان وانا ميتة من تعبي كنت اتزكر كيف مرت عمي شحطتني للشغل
سلام:لك اصيل مسكر موبايلو مهران جيب رقم حيلا حدا معو
مهران:الوزراء صعب الواحد يوصللهن
حنان:لازم نخبرو ممنوع بلسم تخبرو
سلام:اي بدنا الحلوان
نيفين:ورح يصير عنا رسلان التاني
مهران:التالت قصدك
ابو مهران:المهم السلامة وما بهمنا الاسم
ام مهران:يوه غير رسلان ما بيتسمى اقل منها يعني جوزتو وليكك عم تصرف عليه يعني يسميه عثمان ع اسم عمو
مهران:لا رسلان وبس
سلام:بابا كيف بدنا نخبر اصيل
ابو مهران:بيدرى ع شو خايفات
سلام:بدنا لبشارة منو
ام مهران:غصب عنو مو بكيفو
حنان:ازا اجى متل اصيل كتير حركة ومشاكل انتصرنا.كان مصدر للمسخرة والضحك وانا مو هاين عليي فيه
أصلا ازا طلع متل محمد رح يكون من حصتي
بعد الاجتماع الي كلو استهزاء اطلعت ارتاح بالغرفة خبرت ماما بموضوع الحمل وانبسطت كتير ناقص بس محمد يعرف.
..........
برجعة أسير فرحتو مو عاطيها لحدا حضنو بعض
محمد:الك وحشة يا زلمة
اسير:منور المكان ايمتى اجيت
محمد:زمااان طمني عنك
اسير:بخير الحمد الله
محمد بهمس:اما شو كلب مستلم مكانك👌🏻
اسير:هههه دخيل عينك اي زمان عن هالحكيات
محمد:ايمتى بتستلم
اسير:هلا ليوصل فاروق بيك
محمد: اوف الخير بيهل علينا مرة وحدة
اسير:هههه حاجتك كولكة
محمد:انا سيد مين كولك خمس دقايق وبتكون القهوة جاهزة
اسير:بكون جهزت حالي
محمد:قبل العو ما يروح
اسير:هههه
كان اسير رايح يستلم كل الملفات الي مستلمها القائد البديل ومحمد من فرحتو عم يغني ويعمل القهوة وزملائو مفلوجين فيه اول مرة بيشوفوه مروق هيك
جهز القهوة ونطر لحتى اجى اسير وتقابلو وضيف اسير سيكارة
اسير:يسلموو...لك شو عامل ليش معاقب
محمد:من العو
اسير:ههه بلا بدون سبب
محمد:بدو طلب الإجازة وانا اخدتها شفهية مو كتابية
اسير:بدها تتنفذ العقوبة
محمد:مو انت مداوم هالشهرين
اسير:الله لا يوفقك
محمد:ههههه بلا مو جننتك
اسير:ماحلوة الحياة بدوني
محمد:الفرع بس
الحياة بدون الحب ما حلوة
اسير:تحبك الحبيبة انشالله
محمد:اي كيفو صاحبنا ال
اسير:لا تخاف عندي ومسكر ملفو لحتى ترجع
محمد:وانا ما سالت عنو تحت يعني
اسير:اي تحت
محمد:اي خبرني كيف اجازتك
اسير:يعني هيك وهيك وباركلي
محمد:حامل😂
اسير: يعدمني اياك لا مرتي
محمد: كلو واحد
اسير: عقبالك ما تحبل😂
محمد:من زمااان حامل
اسير:هههه شو حامل
محمد:هموم ومشاكل وازا اشتد الوضع رح اتصل بالداية
اسير:هههه خلص ولاه حاجتك كانك مروق
ام عزمي:واكيد منو
ابو مهران:والله منو ازا مو مسدءة اسالي امي
ام عزمي:يسلمو
بالحاضر
ام عزمي: عشت عمري كلو معك وبينعدو بالايام الليالي الي نمت فيهن معي ربيت اولادي احسن ترباية بعد ما كبرو لولاد لحتى حسنت معاملتك معي كان ابو مهران يحس فيني اكتر ما انت تحس فيني ما بنسى لهفتو عليي بايام مرضت بعد ولادتي ببلسم وكيف عالجني على حسابو ما بنسى مواقفو النبيلة معي كنت تعبت المصروف لاهلك وتتركني تحت رحمة وشفقة اهلك وانا هلا مابدي ينعاد الماضي الي عشتو ببنتي رح تتحكم فيها ام مهران وتطالع غيرتها وحقدها كيف بتسافر بدون ما تخبرني متأكدة صار شي بينها وبين محمد ويمكن ايوب السبب لازم احكي مع بنتي ولازم محمد يطمني ما بقبل بنتي تنذل مابقبل
بفوتت عزمي تعبان وهلكان وانصدم
عزمي:شبكي ليش عم تبكي
ام عزمي:...
عزمي: منيح جوزتي بلسم بجنبك شو صاير
ام عزمي:محمد سافر فيها بنص الليل
عزمي بصدمة:يعني انا ما بتخيل انو طلعت السيارة من الحارة بنص الليل
ام عزمي:لا وعامر شايفهن اخدين شناتي ومسافرين
عزمي:هلا بحكي معو لا تشغلي بالك
ام عزمي:بتخليه يرجعلي بنتي وهلا
عزمي:بتحمم وبحكي معو
بقلبها:ماحدا رح يحس بلي جواتي
....
بعد ما اتحمم راح جاب ستو لتنام عندهن كمان مو دريانة بشي
نوارة:وين بلسم وين محمد
عزمي:بتقول ماما سافرو
نوارة:يوه لحقو
عزمي:اي وماما حزنانة هونيها عليها
نوارة:...
استقبلتها متظاهرة انها منييحة
نوارة:ليش عم تبكي
ام عزمي:على بنتي
نوارة:مع جوزها شو بدو يصير عليها
ام عزمي:انتي بتعرفي ام مهران
نوارة:كيدها بنحرها ابو مهران هنيك لا تخافي
ام عزمي: كيف بسافر فيها يخبرنا نحن اهلها
عزمي:يمكن شغل
ام عزمي: يترك بنتي عندي ولا مو مأمن عليها
نوارة:هلا بحكي معو
عزمي:ازا رد عليكي !!
كانت تحاول مغلق موبايلو
ام عزمي:اكبر دليل لاعرف انو الي صاير مو منيح
عزمي: خلص ماما وحدي الله ماحدا جوز بنتو غيرك
ما هديت وكانت تزيد حالتها للأسوأ
.......
اصحيت على دقات الباب اتجلست وشفت محمد هلا اتجلس كانو كان نايم
محمد:مين
روز: العشا سيد اصيل
راح يفتح واستغربت جايبة العشا للغرفة
محمد:حطيه هون
روز:بدك شي تاني
محمد:بعد العشا جهزي القهوة
روز:متل مابدك
طلعت وسكرت الباب
محمد:مابدي اعيد الحكي
بلسم:حكي شو
محمد:بتتعشي وبتشيلي الزعل على جنب الاكل اكل والزعل زعل وع الفطور مشيتها لانك ما دقرتي الاكل وهون ما الك حجة
طاوعتو كنت بدي تتصلح العلاقات ومابدي اي شي تاني منظري بيناتهن مو زابط يمكن لانو محمد مو طايقني غسلت ورحت شاركتو الاكل
محمد:من الغرفة ممنوع تطلعي وممنوع تسمعي كلمة حدا وازا ماما بتحكيلك تعالي اشربي قهوة بترفضي
بلسم:ليش
محمد:هيك انا حر
بلسم:...
محمد:انا راجع للدوام مو ناقصني عي وحكي بتلتزمي الغرفة
بلسم:..طيب ليش ما تركتني عند اهلي
محمد: منحكي بعد العشا
اطمنت يعني في مجال يسدءني اتعشيت بس بدون نفس رغم انو الاكل طيب كتير بعد العشا اجت روز جايبة القهوة واخدت العشا فتح باب البلكون وشغل سيكارة وقعد وانا ناطرة النقاش
بلسم:...
محمد:بدك تعرفي ليش ما خليتك بالتلة
بلسم:مدامك بتعرف انو هون ما بناسبني الجو
محمد:لاني بصراحة مو مأمن فيكي لانو مابعرف وين رح تلتقي ب ايوب وشو رح يصير بيناتكن
انصدمت اتمنيت تنشق الارض وتبلعني
بلسم:...
محمد:الي بتحكي مع شب ع الموبايل مو بعيدة عنها تلتقي فيه لو بالخرابة
بلسم:لااا ما حزرت وبعيدة عن عيونك تشكك بشرفي
محمد:اكتشفت انك بنص عقل وبيلسان فيها مخ اكتر منك وغير هيك ما وصلتي لهالحالة رح تضلي هون لحتى اخد حقي منك
بلسم:...
محمد:ورح تتعلقي مارح تتطلقي لتترجيني اتركك ومارح يصير
بلسم:انت متأكد اني خنتك
محمد:انا والموبايل شاهد كمان خوفك رجفتك اتصالك فيني لتطمني مطول لارجع
بلسم:اتصلت لاخبرك انو
محمد:كزابة
بلسم:وليش ما بدك تطلقني
محمد:هيك بدك تضلي معلقة فيني ويمكن اتجوز وتحضري الفرح انتي
بلسم:اي نام واحلم
محمد:رح انام وانتي الي رح تحلمي بالطلاق
بلسم:بشو احلفلك سدءني مابعرف انو هو المتصل
محمد: مجرد فتحتي معو الخط ولسانك ناطق لسانو ما بقى تلزميني
بلسم:لهدرجة
محمد:حدا حاول بشتى الطرق يثبتلي اني طرطور وفوق منها مرتي معو عم تحاكيه شو بدو يكون شعوري تجاهك وتجاهو
بلسم:تقاويت عليه ولا بس شاطرك عليي
محمد:اااااا بدك تطمني على حبيب القلب
بلسم:لككك شو عم تخبص
محمد:عطبتو مابقى ينفع مع انو ضربة وحدة بس اثرت فيه
بلسم:...
محمد:يعني رح يموت وهو بنفسو ينام مع مراة
بلسم:ليش عم تخبرني
محمد:بدي أطمنك عليه
كبيت القهوة بالارض وكسرت الفناجين
محمد:انجنيتي يعني
بلسم:انا ماني خاينة يكون بعلمك
محمد:اي طولي بالك لا تنفعلي
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`