الفصل 20
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عشق الأصيل`*
*❴🔢❵الـــبـــــــــــ❴0️⃣2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
بعد لفطور متعودين نشرب القهوة على رواق بس ما كملت معنا وقت اندق الباب دغري محمد طلع حتى ما اعرفت مين ع الباب بس كل الي شفتو انو فات مستعجل للغرفة وجن جنوني وقت شفت بايدو الروسية وكمان طالع مستعجل
بلسم:محمد ...استنى وين رايح
هديت الشالة على راسي واطلعت لشوفو عم يركض وطالع من الحارة
وبيلسان واقفة
بلسم:بيلسان شوفي
اجت دغري ومبين عم تلهت
بلسم:لك ما ضل فيني حيل شو القصة
ييلسان:عزمي متجمعين عليه كم شب وكانو لخناقة مع صاحب الشغل
بلسم:لك شو عم تحكي 😭لا تخبري ماما اوعك
فتت بسرعة بدي اللبس اي شي لاطلع وافهم شو صاير وبس اسمعت زخ رصاص قعدت بالارض كل الدنيا اتسكرت بوشي واتخيلت عزمي مات اتزكرت كلامو مع امي وانهرت
بلسم:😭 لااااا ياربي الا اخي لا تضرني فيه
اسمعت ضجة وصوت ماما عم تبكي اللبست واطلعت لبرى غصب عني ومرت عمي عم تهديها
ام عامر:وين رايحة
ماما:لككك ابني علقان مع شلة زعران
ام عامر:عم يحلوها هيك خبرني عامر
ماما:لك مشان الله اتركيني بدي اشوفو اسمعتي لقواص
ام عامر:مابصير الا الخير
غمرت ماما وصرنا نبكي سوى
سيدرا:لك الله لا يوفق صاحب الشغل الله غناه عن تعبو نحن ما النا بالمشاكل
بيلسان:محمد طلع مسلح
بقلبي:يارب احميهن يارب
............
كان بنص الساحة والانظار عليهن امين على يمينو وعامر وعزمي بجنبو وشباب التلة كلهن معو
محمد:نحن بدنا اياه وهلأ
ابو رامي:والله غلط مشان الله تسامحو
محمد:ازا ما بيطلع مارح يصير خير نحن اولاد عالم وناس يمكن بتسمعو عنا بس وقت الجد منصير اولاد حرام لك نحن لحمنا مر لساتكن ما بتعرفونا
عامر:والي سب عيلتنا وعرضنا رح نربيه
ابو رامي:يا ابني طولو بالكن
عزمي:مابدنا نطول بالنا اخوك الخنزير اكل عليي تعب ورشة من الفجر اصحى عليها انا ياعمي مابدي مصاري بدي الي سب عليي لك شرفنا اغلى من دمنا
ابو رامي:والله لاربيه ولد وغلط والدم
محمد:بدو يجر دم وهي قدام كل شباب التلة نحن للمشاكل اب عن جد والي ما سمع يسمع خبرو بعض
أمين: وازا ابنك فكر انو بالمسبات الرجولة بكون غلطان
عزمي: يطلع اعطينا اياه وبس
ابو رامي: والله طايش
محمد:هاتو انا بدي اربيلك اياه ترباية امو ما عرفت تربيه
قرب من الزلمة ولانو كبير بالعمر احترمو
محمد:مبين عليك مقدر ومو حلوة بحقكن طالعلي ابنك من جوى اتصال واحد بجيب رتل عسكري بطالعو من حضن امو
ابو رامي:الله يخليك لشبابك والله انتو من خيرة اهل البلد والكل بيمدح باصلكن جدك الله يرحمو كان من وجهاء التلة وانت ما بهون عليك ينحرق قلب امو
محمد:لهيك طالعلي اياه
ابو رامي:هو كان عم يدافع عن عمو
محمد:وعمو جربان وحقو نص فرنك مصدي
ابو رامي:ازرعها بدقني والله لاربيه
محمد: هالمرة صارت بس ازا بلمحو بالتلة والله لاقصف عمرو
يلاا شباب وخبر ابو حسين شباب الفرع جايينو
تركوهن يتخبطو ببعض ماشيين سوى كلهن
امين:لك خلص يعني
محمد:ما خلص شي
عزمي:لك خلص مابدي شي منو
محمد:مو هو اس البلا هالوسخ
عامر:اي محمد لا ترد على عزمي روح شوف الشغل الي مشتغلو اكبر معلم ما بيشتغل هالشغل
عزمي:الله غناني
امين:انت ضربتو
عزمي:مو عيب بس كنت عم اهدوو بجية كم ولد من اولاد اخوه وفكروني اجدب بدهن يضربوني وسبو كمان
عامر:مابيعرفو انو معو حزام اسود بالكراتيه
عزمي:انتو مين خبركن
عامر:بيلسان وقلتلها ع السريع خبري محمد
محمد:لك نحن بظهرك شبك ما عاش الي بدو ياكل عليك ليرة
امين:وليش خليت الشباب يحاوطو بيتو
محمد:بدو يدك المصاري
عامر:عنجد اتصلت
محمد:بتفكروني بمزح اقل من نص ساعة بكونو هون والله ليتربى فيه كل طماع
........
كنا على نار بس الي طمنا مصعب حكى انو الكل بخير
ستي: يارب جيب العواقب سليمة يارب
ام عامر:الله لا يوفق الي كان السبب نحن ما منحب المشاكل
بيلسان: ييي لكن ما شفتي محمد خرطش الروسية هون بالحارة وشباب التلة بس شافوه استنفرو فكرو شي بخص الفرع والكل اجى مسلح وصاحب الشغل متخبي بالبيت واخوه صار يتواسط
سيدرا:وانتي شو عرفك
بيلسان:مصعب كان يحكي مع حدا مكالمة واسمعتو بس كان مبسوط
عمتي:يعني ليش طولو ازا انحلت المشكلة
ستي: مصعب راح لعندهن
عمتي:وخايفة على احفادها ماما حبيبتي ولاد اولادك جبهة لحالهن طمني بالك ولرصاص الي ثار بالتلة من محمد
ستي:يارب احميلي اياهن
عمتي:لسى خايفة وابن ابنها مو حاسب لحدا حساب
بيلسان:ياااي بكرى رفقاتي رح يغارو مني
ام عامر:لك انتي بشو ونحن بشو.
بيلسان:والله لينقهرن لانو ماحدا طلعلو مع عيلتنا
سيدرا:ياربي دخيلك حتى بيلسان بتحب المنافخ والواسطات
طولو كتير واجو قبل الغروب بشوي وقت شفتهن اطمنت وارتحت كتير امي غمرت عزمي وستي غمرتهن لتلات وعمتي الا تعمل واجبها
محمد:فوتن لجوى بدها تنحل المشكلة
ستي:كيف
عامر:مشان اخوه بس ولا هو كلب طلب نتصالح بين العيلتين رح يجيب جاها ويجو يصالحو
عمتي:عين العقل المشاكل مو منيحة
محمد: فوتن ولا وحدة برى
عمتي:ولا انا
محمد:انتي بالاخص اوعك تبيني
عمتي:هههه بتغار عليي
محمد:والله مابعرف انتي شو رايك
ماما:المهم تنحل
محمد: ورح يرجع الحق لابنك لا تخافي
بيلسان:محمد انت الي قوصت مو
محمد:شو عرفك وليه
بيلسان:لانك خرطشت هون لك صحيح ليش رحت ركض
محمد: اسرع
اضحكنا كلنا وفتنا لجوى فتحو المضافة اجى جوز عمتي وولاد عمتي وكم زلمة من كبار عيلتنا اولاد عم بابا ومعهن اولادهن وشوي وصلو الجماعة الي جايين يصالحو الحمد لله ما كبرت المشكلة وانحلت بدون ما نخسر حدا
......
ايوب متوتر السبب محمد وكيف فرض هيبتو على الكل
كان امين بجنب شيماء ويسرد عليها تفاصيل المشكلة ووصال مستمعة مشان بكرى تحكي بالحكاية مع نسوان الحارة
بقلبو:لو مابعرفك عنصر وطرطور بقول شي ضابط او رئيس فرع لك كيف اتجمعو ومين خبرهن وصل الافندي ووراه شباب التلة والقهر كلهن بجاهزية تامة لشي حرب وهلا كل وجهاء التلة بمضافتهن يعني صحيح الجد مات والاباء مسافرين بس الاولاد مشتغلين شغلهن اي بيحسبو حساب لابو مهران وواسطاتو حرام لو الواحد متلهن من عيلة عريقة ازا كنيتهن الآغا نحن وين نروح بحالنا اسم عيلتهن لحالها واسطة حرام لو ناسبتهن يوم عن يوم عم تزيد رغبتي اخرب بيتك ولااا كل المشكلة لانو الولد زفر بالحكي خلص خلص ايوب شهر زمان رح يضلو اهل التلة بسيرة بيت الآغا وانهن كفو وزلم وماحدا بيطلعو معهن بس انا من خرجك يا اصيل الزفت طالعو من راسي ياربي رح يموتني قهر ابن الحرام
شيماء:ورح يدفع
امين:صار بدهن الرضا انووو يدفع يمكن يعطيه اكرامية.
شيماء:من حظ عزمي
امين:عزمي مابدو المصاري بس بدو الولد الي سب امو واختو
ايوب:شو يعني كفر كلها بوقت لخناقات بتسب النسوان وبتغلط
امين:بس الديوث بيسكت
ايوب:فلقتنا حبيبي فيهن وازا بدك تضل بسيرتهن يلا عمي فرجيني خلفيتك
وصال:سد بوزك بعدين هو مو لعندك جاي
ايوب:ليكي وصال حرارتي فل منك ومن نسيبك
وصال:والله لاخلي الصرماية تعلم بقفاك
امين:هههه خلص مرت عمي مو حرزانة اتضبضب ايوب
ايوب:وليه انتي شو بتعملي هون روحي اعملي قهوة وع غرفتك
وصال:انت روح لغرفتك ويلا فرجينا عرض كتافك
ايوب: لاا ما حزرتو وعلى قلبكن قاعد
وصال:بتسكر تمك ها.
بقلبو:ناقص بس بهدلتي قدام امين بسيطة ولتترجوني اتجوز بالاخص انس الي مامعو حق لجوازة انا ساعدتو كتير بس مارح تكمل فرحة امك والله لخليكن تشوفوني وتخافو وانا ايوب ابن وصال
........
تاني يوم وعلى لفطور كنت اتحايد محمد وما الي جرأة على المواجهة
محمد:اشبعتي نوم
بلسم:...
محمد:شو صار مبارح
بلسم:كنت ...كنت تعبانة
محمد: لهيك دفشتيني عنك
بلسم:لا ما دفشتك
محمد:بدك تكزبيني وتسدءي حالك لكن ما شفتي حالك كيف اتغيرتي شو عم يصير معك بلسم
بلسم:كنت تعبانة والله حتى انا استغربت انت بتعرفني
محمد:بس حركات مبارح خلتني ما اعرفك من وقت اتجوزنا وجبرتك على حالي
كنت محرجة كتير منو وهو ما بيستحي ابدا
بلسم:لشو هالحكي
محمد: انا مبارح لو اركبت راسي كان صار الي بدي اياه بس قلت عادي مشيها يا ابن الحلال
بلسم:قلتلك كنت تعبانة
محمد:هالمرة صارت تاني مرة لا تلومي الا حالك.
بلسم:...
خفت منو ومن وعودو بس انا ما بعرف شو عم يصير معي ما عم اتقبل قربو مني ولا حتى ريحتو صايرة بشعة لدرجة رغم انو صرت اكابر على حالي وابين طبيعية بس ما مشيت عليه لانو انا عايشة مع حدا شديد الملاحظة وما بتفوتو فايتة لهيك الأمور زادت رغم انو كان ساكت بس الي زاد الطين بلى طلعتي للاسطوح انشر انا ما اسمعت الا صوت خبطة الباب وشوي طلع يتمايز كل الاتجاهات ووقت شفت ايوب رجفو رجليي واتلبكت
محمد:انتي مين سمحلك تطلعي للاسطوح
اتجاهلت شوفة ايوب
بلسم: بدي انشر الغسيل بتطلع ريحتو بلا نشر
محمد: ليش مين طلب منك تغسلي اه
بلسم:,.....
محمد:انزلي لتحت بسرعة
تركت نص الغسيل بالسلة وانزلنا ضرب باب الاسطوح ونزل وراي كنت مستعجلة وخايفة منو كتير
محمد:لك مو مفهمك لبرى بدون شوري ما بتطلعي
بلسم:ليش شو صار
محمد:لك لسى عم تسلبها ما كان واقف ومصمود على اسطوح بيت عمتو ولا ما شفتيه ولا ليكون متفقة معو
بلسم:لا والله والله مابعرف انو هو بالحارة وحتى ما شفتو
محمد:لك انا شفتو انتي كيف مو شايفيتو وهو نافش حالو
بلسم:والله ما بعرف واصلا ما شفتو الا وقت اجيت معقول يعني انت عم تشكك فيني
محمد:اي بدي اشك كان بنفسك تاخدي وتعطي معو
بلسم:😭شو عم تحكي انت من وين بتجيب هالحكي
محمد:اسألي حالك لمين حكيتي حابة ابادلو الاعجاب وطلبتي رقمو من شيماء
بلسم:ماصار....في حدا بدو يخرب بيني وبينك سدءني بعدين نحن اتجوزنا
محمد:اي اهلين زواج انتي بتعرفي انوو في نسوان بتتجوز وبيضل بالها عند الحب الاول
بلسم:...
محمد:وكرهك الي عم تقرفي مني لانو ببالك حدا تاني
بلسم:لا انت عم تزودها حرام عليك حولت حياتنا لشك وتحقيق
محمد:لو مافي شي بينك وبينو ما بتبكي
بلسم:انا بخاف منك والله
محمد:ليش؟؟؟لانك عم تبادليه الاهتمام
بلسم:لا والله بشو احلفلك اصلا ازا هو موجود بالتلة مامعي خبر
محمد:اي امبلا صحيح وبالعلامة بخطبة شيماء فات مع العريس وبطل يطلع كان مندمج برفيقة اختو
بلسم:😭
محمد:انا بفرجيكي بس بالاول بدي اربي الكلب هداك
طلع معصب وانا اللبست ورحت لعند امي صار لازمها حل وقت شفت بوط سيدرا كملت لبيت ستي مابدي حدا يشمت فيني فتحتلي الباب وغمرتها كان بدي جرعة امان مفقودة من زمان
ستي: شوفي ياروحي
بلسم:معاد فيني اتحملو انا مريضة يا ستي
ستي:بعيد الشر عنك
فتنا للغرفة وضليت بجنبها
ستي:من شو مريضة
بلسم:من محمد ياستي خايفة منو
ستي:يوه شو صرلك
بلسم:وقت يعصب مابعرفو بصير حدا غريب هو مو هو ما بيشبه حالو .
ستي:احكيلي متخانقين
بلسم: محول حياتنا ل شك وغيرة
ستي:من شو بغار
بلسم:من هاد الي اسمو ايوب انا والله مادخلني بس هو ناوي على خراب بيتي اتعبت صرت بس اسمع صوت موتور اسكر كل شبابيك البيت بخاف اطلع لبرى بالصدفة ويمر واعلق مع محمد عم يحكيلي متفقة معو عم يشكك فيني
ستي:انا بفرجيه خلص مدامك دخلتي فيني رح اعاقبو وما يحلم بظفرك ازا ما بكبر عقلو
ارتحت كتير مسحت دموعي بعد ما طمنتني ستي
ستي:ايمتى ما اجى ممنوع تفتحيلو
بلسم:يعني يضل برى
ستي:اي معاقب واليوم بتنامي عندي
بلسم:وبلكي زعل
ستي:يزعل مو هو شاكك فيكي انا بدي اعلمو تاني مرة يشك
طاوعتها رغم اني خايفة انا بعرف انو ماحدا بمون عليه بالاخص وقت اسمعت صوت سيارتو فايتة للحارة من الشباك لمحتها بمدخل بيتنا وصوت تسكير باب البيت لعندي الله يستر شكلي اعلقت وشووي شفتو جاي لبيت اهلي سامعة حكيو مع عزمي وسيدرا ضحكتها لعندي وشوي اجى لبيت ستي سكرت الشباك وقعدت واندق الباب بقوة وطلعتلو ستي والظاهر ما فتحتلو بس فتحت شباك الباب
ستي:خير
محمد:بلسم هون
ستي:هون .
محمد:طيب افتحيلي
ستي:عم تبكيلي عيونها لك محمد
محمد:...
ستي:يلا لبيتك وبلسم عندي واحلم تطول ظفرها
محمد:ستي مابدي ازعلك خاطرك عندي بالدنيا خليني افوت اتفاهم معها
ستي:بدك تزعلها
محمد:ستي افتحي الباب انا معي نسخة عن المفتاح وازا ما فتحتي من الاسطوح بنزل
ستي: ماشي بس اوعك تزعلها
.فتحتلو وانا ضليت بمكاني وخفت وقت فتح باب الغرفة واتلبكت
محمد:شو عم تعملي هون
بلسم:اجيت لعند ستي
محمد:وانا شو محلي من الاعراب طرطور ولا رجل كرسي كيف بتخليني ادور عليكي اه
بلسم:متل ما نزلتني ركض من الاسطوح وإنا ما علاقتي بحدا
محمد: وحدة بوحدة يعني
بلسم: ...
محمد:يلا تعالي معي
ستي:لا ما حزرت بلسم بدها تنام عندي
محمد:يا حبيبي كملت معي
ستي:اي وروح لبيتك اتنعم على راحتك
محمد: يعني انتي عم تزيدي المشكلة ولا شو؟
ستي:لتتعلم تشك فيها
محمد:...
اتحلفلي بعيونو لاني حكيتلها
محمد:هيك صار الحكي
بلسم:...
ستي:يلا اعلى ما بخيلك اركبو
محمد:...
ستي:روح لبيتك
طلع دغري من البيت وحسيت بخيبة امل كنت بدي يصالحني بس ستي خربت الدنيا واتخيلتو بالبيت لحالو وانقهرت عليه
......
بطريقو للبيت معصب ومقهور ومو متخيل ينام وهي بعيدة عنو فات وطبش الباب ودغري للحمام غسل راسو بالمي بدو يرتاح من التفكير رفع راسو والمي بللتو لبلوزة .
محمد:خلص خلص لازم تنتهي الإجازة ة انا معاد فيني اتحمل اكتر من هيك وهلا ستي بصف بلسم معناتو مارح نتصالح شو عليه يا ايوب الكلب متخبي بالبيت لكن بتطلع اختو تحكي انو ما اجى للبيت من مبارح ايه اتخبى واسهل شي عليي اجيبك يا حشرة فات ل غرفتو الي معششة فيها ريحتها غمض بقهر
محمد:والله ما بتنامي بعيدة عني انا بفرجيكي يا ستي
بدل تيابو ولبس الجاكيت واخد المسدس وقفل الغرفة وطلع من البيت وبسيارتو راح لبيت ستو صفطها ونزل ما اتكلف يدق الباب فتح بالمفتاح ريحة الاكل استقبلتو وهو اصلا ميت من الجوع ولو الاكل مجدرة فات للمطبخ أتأمل بلسم كانت ببنطلون اسود وبلوزة زيتية وواقفة تسكب الاكل..
نوارة:محمد....محمد انت اجيت
دغري راح لعندها
محمد:اي
نوارة:شو جاي تعمل
محمد:حصتي هون شو بدي اعمل
نوارة:ما اقدرت على فراقها
محمد:لا والله ما اقدرت
بس شاف بلسم بعدلها كانت عم تحط السفرة
نوارة:يلا اجيت بوقتك
محمد:من بعد ما قلعتيني
نوارة:اي بدك تتغدا اكل بلسم لا يعلى عليه اصلا من حظك نظايفية ومرتبة وست بيت لك اشطر من امك دخيل قلبها لازم تحمد ربك صبح ومسا
محمد:....
نوارة:وتبوس ايدها كمان
محمد:كمان!!يعني الإنتاج من هالقطعة عليه ضرايب
نوارة:وبتتمسخر كمان
بقلبو:لا والله جد ناطر اول قطعة سكر من هالحلااوة اديشني بحبك لك خفي عليي مبين مجنون من وراكي
التمو على سفرة الاكل بالارض وحكى بصوت واطي
محمد:هيك اسرارنا صايرة للرايح والجاي
بلسم:هي سألتني
محمد:مو اتفقنا ماحدا يتدخل بيناتنا ومنتصالح لحالنا اعتبري عمتي وصفية دريت بالخبرية بعدين صايرة ستي امك
بلسم:لا بس سيدرا هنيك
محمد:.....
كان عم يتغدا وهالاكلة من دهر مو اكلها وطالعة بتشهي من تحت ايدين بلسم
محمد:اقتراحك ستي الغدا
نوارة:اي هي اكلتي المفضله
محمد:كتير طيبة مع اني ما بحبها
نوارة:الك مشوار
محمد: اي شو بدك
نوارة:هالدوا مخلصتو وهلا لحتى اتزكرت
محمد:حاضر
نوارة:المصاري تحت لمخدة
غمز بلسم دغري
محمد:معقول اخليكي تدفعي
نوارة:اي شو عليه بعدين شو بدي بالمصاري والدهب
محمد: اديش معك يعني
نوارة:لسى مبارح ابوك بعتلي
محمد:يلا منو وفيه بارك الله فيه
بلسم: محمد
محمد:مشيها يعني تحت لمخدة ستي ومعدودين المصاري
نوارة:والله ما بعرف
محمد:خلص لا اتعبي حالك انا بعرفلك المبلغ من نظرة وحدة
بلسم:🙄ع شو ناويلها
محمد:هههه حليمة بتحب عادتها القديمة
بلسم:ستي محمد ناويلك
نوارة:ههههه لا ما بيعملها
محمد: سامعة...دخيلو الواثق بس
شبعت نوارة وبلشو مناقرة
بلسم:حرام عليك
محمد:حق كيلو حلو بتحبي النمورة
بلسم:لا ما بدي ازا من مال ستي
محمد:حلاوة الجبن خلص
بلسم:لك لا تجنني حرام عليك هي على نياتها انا شفت المبلغ تقريبا مليون
محمد:عال بعبي السيارة بينزين
بلسم:ياحرام عليك بس
محمد:شبو الحرام والله منيح
شالت الاكل وهو جهز حالو للمشوار التقو لتلات بالغرفة كان مع نوارة المصاري
محمد:هاتي اديش هدول
نوارة:خود هي جيبلي الدوا
محمد:ستي الخمسة ع ايام كنتي بنت بتجيبلك دوا هلا ما بتنفع
نوارة:من طول عمري بجيبها بخمسة
محمد:ايوااا بلسم شو مكتوب ع العلبة
بلسم:١٢ستي
نوارة:يوه عامر جابو ب خمسة
محمد:😂مو شغلنا عامر بيدفع من جيبتو
نوارة:اديش بدك يعني
محمد: هاتي سبعة كمان
بلسم:محمد كمل منك ليش بتاخد منها
محمد: ستي مو وعدتينا بحلو
نوارة:اي امبلا
محمد: واديش بتفكري حق الكيلو
نوارة:عشرة مو
محمد:😂لا ستي خمسين الف وهاد مو حلو مدعوم ومكسرات
نوارة:وايمتى صار حق الكيلو خمسين انا عزمي جابلي اياه ب عشرة
بلسم:خلص محمد عيب عليك لازم ما تاخد منها
محمد:بكرى بتعطيهن ل بدرية وحرام اصلا فيها المصاري
بلسم:يعني بخمسين كيلو الحلو
محمد:وليش مستغربة وبعدين الحلو الي جبتلك اياه بزيارة شيماء حقو مية
بلسم:يييي وضاربنا منية كمان
كانت بدها تعد مصاري أخدهن هو وعلى كتر مو واثقة فيه شلحتو اياهن
نوارة:خدي بلسم عديهن انتي
بلسم:حاضر
محمد بصوت واطي:خليهن ميتين
بلسم:بدك اسرق ستي
محمد:نحن ابدا من غيرنا بعيوني شفتها تعطي لبدرية مصاري
بلسم: هي حرة والمال مالها ومن تعب اولادها
محمد:انتي مو ناوية ع الخير
بلسم:هي خمسين ستي ضبي الباقي
نوارة:لا تتاخر مشان موعد الدوا
محمد:لا خلص مسافة الطريق ادعيلي ستي
نوارة:الله ييسر لك
محمد:وانو تكون بتول لمناوبة بالصيدلية
هرب وبلسم لحقتو مسكها عند الباب وقربها منو
محمد:مسدءة يعني عيوني تشوف احلى منك
بلسم:بس ما بتوفر ورح تتفحصها
محمد:هههه اي والله وبالاخص ازا لبلوزة ديقة
بلسم:على جثتي بتروح
محمد:ههه خلص بروح لصيدلية لونا هديك ما بتتحجب ولبسها مو ديق و
بلسم:لككك عيب عليك
محمد:هاتي بوسة العاشق والمعشوق
بلسم:مو على اساس زعلان ومعصب وحردان
محمد:بعد البوسة بخبرك
باسها وروق لدرجة
محمد:خفت تاخدك ستي وتروح عليي
بلسم:مصلحجي ومكتر
ودعها وراح بالسيارة بعت ل عزمي( لا تشيل هم ستي)
.........
وقت رجع كنت عم جهز القهوة وسامعة ستي تبهدلو وبردت قلبي
ستي:ازا لسى بتزعلها مشان ابن وصال يا ويلك بعدين بلسم ما الها علاقة شب وحب يتقدملها ليش عم تعيشها برعب وخوف ومدامك معبي عينها شو بدها بهداك الهامل ومن قلة عقلك بتجيب سيرتو قدامها انت مابدك تنساه يعني وكيف بدها تنساه وانت ليل نهار بسيرتو هالمرة صارت واجت بلسم تبكي وانقضت ببهدلة تاني مرة لاخليها عندي واخليك تسوح وتنوح على فراقها بناتنا بنات اصول وما بتطلع من عندهن العيبة
محمد:والي بيغار شو يعمل
ستي:بدك تغار خدها وروح
محمد:اي ناوي الاسبوع الجاي بس قلبي مو مطاوعني اترك التلة
ستي:ليش شو بجيبك للتلة غير بلسم
محمد:دخيل قلبها وينها
ستي:عم تجهز القهوة وبعدين عقوبة الك بتنام بالمضافة
محمد:ما بقدر بختنق بدونها
ستي:مو بكيفك
محمد: يعني بدك اخدها وارجع للبيت
ستي:..
قاطعت كلامهن وفتت ضيفتهن لقهوة وقعدت بجنب ستي وهو من جنبها من الصوب التاني
بلسم:اشربتي دوا
ستي:اي اشربتو يلا اشربو قهوتكن وانت من غير مطرود
محمد:لا ما بتنتركو لحالكن
ستي:ووين بدك تنام
محمد:هون متل ايام زمان
ستي:وبلسم بتيجي معي ل غرفتي
بلسم:...
محمد:وانا
ستي:بس تحط عقلك برأسك بتنام عندك
محمد:خلص حطيتو ها
ستي:ولو هالمرة نازل بالعقوبة
محمد: ياحرام عم تفرق تنين بحبو بعض
ستي:بدك ترباية
محمد:شو بلسم دافعي اعترضي رضيانة انام لحالي
بلسم:شو احكي
محمد:احيكلا متعودة انام معو بحبو ما فيني انام بدونو
ستي:لا بتقدر بدونك
محمد:ايه بسيطة ها
شف كل فنجان القهوة ووقف خفت يروح ويتركنا طلع من الغرفة
ستي:لا تخافي هاد شغل تهديد وبس
بلسم:...
ستي:هلا بتشوفي بيرجع وبنام هون
شوي ورجع شالح الجاكيت ومعو حرام ومخدة كتمت ضحكتي
محمد:ريحي بالك نوارة خانم
ستي:هههه اي هلا بنام مرتاحة
اخد وضعية النوم وستي فرطانة ضحك عليه
ستي:محمد بدي اسألك بتجاوبني بصراحة
محمد: اي
ستي: احلف
محمد:والله لاحكي الصراحة
ستي:مين بتحب اكتر امك ولا بلسم
بقي ساكت وكنت متحمسة للاجابة
محمد:بلا شو هالسؤال.
ستي:حلفتك بالله تجاوب
محمد: بعدين
ستي:لا هلا
محمد:قلتلك بعدين
بلسم:احكيلا انا تاركتلك الغرفة
كنت مقهورة متاكدة انو امو ضليت بجنب الباب
محمد:يعني لانك حلفتيني بالله بس
ستي:اي طمني
محمد:بحب بلسم اكتر من حالي
ستي:ههههه بتعرف بردت قلبي بجوابك
محمد: لهدرجة
ستي: سبحان الله امك من وقت اتجوزت سلبت ابوك وخلوتو يكرهنا والله عم يجازيها ههههه
محمد:واجت الشغلة براسي ابنها مجنون ب مرتو
ستي:هههه لك على اد ما بتكره ام عزمي الله حببك ببنتها لك بعمرو الواحد لا يتجبر ويتكبر
محمد:اللهم ارحم عبدك الضعيف
ستي:بلسم يا بلسم
نطرت شوي وفتت بس محمد عم يمثل النوم قعدت بجنب ستي وضحكتلي
ستي:دخيل قلبك
بلسم:يعني اجباري بدو يحب امو
ستي:هههه اي اي
بلسم: محمد نايم
ستي:اي يلا وانتي قدامي للغرفة
بلسم:خليني بدي احضر المسلسل
ستي:قدامي يلا
قبل اطلع شفت محمد مفتح عيونو ومهموم كمان بس ما اقدرت اخالف الاوامر ورح اموت قهر منها بس غصب عني كنت ناوية انيمها واهرب لعندو وبعد صلاة وتسبيح حطت راسها على لمخدة واتغطت وبدها تنام.....
..........
بقلبو:مو حلوة النومة بدونك اتعودت عليكي وازا هيك قلبي مارح يرتاح بدونك يلعن ابو الدوام وشو بدو يصبرك يا محمد الليل طويل وموحش وانا قبل اتجوزها كنت اتناساها بس هلا بعد هالعشرة رح تنحفر بذاكرتي مستحيل انسى كيف اغفى بجنبها واصحى كل شوي على حركتها بجنبي عبالي جكارة بستي اروح انام معهن بعدين هي مين بعدها عن جدي ازا هي قاصدة تلوعني اي انا مو متحمل وكيف بدها تمضي هالليلة انا لازم اخدت بلسم وتروح ستي تنام ببيت عمي مو شغلي
محمد:وبلسم ارتاحت مني والا ما طاوعت ستي اي اعترضي خليني احس بقيمتي عندك قولي بحبو وبدي انام معو مو رحتي معها من تم ساكت سمع صوت باب غرفة ستو انفتح كانت الساعة ١٢ ووقت انفتح باب الغرفة ارتاح لانها بلسم وجاية بالسر عرضت ابتسامتو
سكرت بهدوء ودغري اجت لجنبو واتخبت بحضنو
محمد:بدك جاها
بلسم:لحتى نامت
محمد:اكيد نامت
بلسم:اي اطمنت عليها والا ما شفتني جنبك
محمد:لا تبعدي عني وليه بضيع بدونك
بلسم:مين عمل المشكلة بدو يتحمل
محمد:بس يفصل معي لفيوز بدك تتحملي مو تروحي لبيت ستي....انا اسف شكيت فيكي بس مو بأيدي غصب عني والله
بلسم:بس انا عم اخاف منك
محمد: انا مابدي الا تكوني الي
بلسم: يعني كل هالشي مو متأكد
محمد:ولو انتي بجنبي مابرتاح
بلسم:والله ماعندي اغلى منك واصلا مستحيل اشوف غيرك وبلشت امل من الحلفان لانك ما عم تسدءني
محمد:مسدءك بس هالشي خارج عن ارادتي
بلسم: حمودي
محمد:عيونو
بلسم:ههه لك ما ازعلت
محمد:مسايرة الجو رومنسي وعم ندفي بعض قولي يا عيون حمودك
بلسم:بتحب امك اكتر مني
محمد:هههه اي
بلسم:هيك حكيت لستي
محمد:شو بهمك انتي
بلسم:يعني مشان ادعي تصير تحبني اكتر منها
محمد: بهمك الامر
بلسم:مابحب اكون انانية بس انت بدي تحبني وبس وما تحب غيري ابدا حتى اولادنا
محمد:هو ليكي من هالناح اطمني في حدا داعي بزمانو والله مستجيب دعائو لانو الي قدامك هيمان وعشقان ومدبوح بحبك
بلسم: بتحبني اكتر
محمد:اكتر من كل الدنيا هالحضن كان بالنسبة الي حلم مستحيل
لو تحسي بقلبي كيف مبسوط لانك بجنبو
بلسم:وانا هيك بس خفف دخان
محمد:ما دخنت اليوم حرام عليكي
بلسم:ريحة تيابك معششة دخان
محمد:اخ يا ام الاركيلة انتي
....
فرطنا ضحك وما استوعبنا الا الباب مفتوح ومافي مفر شغلت الضو ستي وبلشت تخبط بالعكازة ع الارض اتجلسنا نص تجلسية
محمد:ستي شو صحاكي
ستي:والله حسيت على بلسم طالعة كزبت حالي قلت رايحة للحمام مو رايحة تنام
بلسم:محمد بعتلي
محمد:لا كزابة ما بعتلا هي اشتاقت واجت
بلسم:لك محمد
محمد:والله يا ستي هاد الي صار
ستي:هههه يلا اتهنو بس حبيت اطمن على احفادي
محمد:خربتي الجو
بلسم:يا الله منك ستي لا تسديء
ستي:شو يعني حرام الله يهنيكن
ضربتو دغري
بلسم:كل حياتك تلميح
محمد:ههه انتي متخيلة لو كانت نومتنا مو بريئة
بلسم:ييييي لك شو بيخطرلك
محمد:عادي ستي مارح تفضحنا بس خوفي تشوفك وانتي نازلة فيني بوس
بلسم:يا ويلك من الله عم تكزب عينك عينك
محمد:لك لو كنت نايم حسيت عليكي
بلسم:انت ما بيتامنلك والله
تعليق
محمد:هههه اي طالعي الرومنسية وانا صاحي لانو وانا نايم بكون مستسلم وبدون حيل
بلسم:بكفي ستي كشفتنا يلا نام
محمد:نيميني يلا
بلسم:وبدك اغنيلك
محمد:حيلا المهم ما اكوبس
كنت عم اتأملو عن قرب لو يعرف اديش مو طايقة ريحتو كان انجلط بس جبرت حالي مسحتلو على شعرو وشوي على دقنو بس مابدو ينام انا بعرفو بحب الدلال كتير
محمد:اغنيلك انا
بلسم:اي سمعني لانو صوتك حلو
محمد:هو الاغنية طويلة بس هالمقطع بحبو وبرتاح بس اسمعو
بلسم:سمعني
محمد:انتي بعيني احلى بنية ضميني تنسيني الدنيا لمسة ايدك بلسم شافي مليانة لهفة وحنية
بلسم: يااا بحب هالاغنية كتير
محمد:ما كملتك خليني منسجم
بلسم:كمل
محمد:ننسى الماضي نعيش الحاضر فوق جناح الفرحة نسافر عصفورة وعصفور نغرد نتغازل حد الصبحية
بلسم:حتى صوتك حلو مو بس الاغنية
محمد:لك وانا
بلسم:انت بتجنن الله لا يحرمني منك
محمد: ويخليكي الي وبس
غمضنا بس كل شوي نطلع بحكي وحديث جديد ما خلينا شي بنفسنا الا وحكيناه
وبعدها ما بقى حسيت ورحت فيها
........
الصبح واجبات وصفية تزور امها فتحتلها ونسيت اتخبرها انو عندها ضيوف ونايمين كمان
وصفية:اشربتي قهوة ماما
نوارة:لا بكير
وصفية:مو بكير رح ساويها
حطت الركوة ع النار وراحت للغرفة تشرع شبابيكها فتحت الباب وانصدمت انو في حدا نايم قربت اكتر فتحت شوي من البرداية واتأملت عصافير الحب وكيف بلسم غرقانة بحضن محمد ومبين مطولين بالسهرة والا حسو عليها
طلعت على روس أصابعها وسكرت الباب
بقلبها:شو هالنومة هلا معقول هيك المتجوزين بنامو ولا بس العشاق لك عشت عمري متمنية حدا يعاملني بهالحنية اولييي عليك يا ابن اخي بتعرف تدلل وتغنج وتحب وتعشق كمان
فاتت للمطبخ كملت القهوة ومنظرهن ماراح من بالها بغرفة امها ضيفتها القهوة
وصفية:ما قلتي عندك ضيوف
نوارة:انشالله فتي عليهن
وصفية:اي واتحسرت على شبابي الي فنيتو مع ختيار من جيل ابي
نوارة:بعد هالكبرى
وصفية:حرام لو جوزتوني شب صغير وحليوة لك بحياتي مو شايفة منظر نومة ولاد اولادك الا بالمسلسلات التركية وكنت مفكرة كلو كزب مابعرف انو هيك الحب بيعمل
نوارة:الله يهنيهن ليكون حسو عليكي
وصفية:لا طمني بالك شكلها كانت سهرتهن صباحي غرقانين بدفا بعض
نوارة:هههه يعليكي بتغاري
وصفية:حرام لو بنتي الي بحضنو
نوارة:حرام وعيب الزلمة اتجوز وعندو ظفر بلسم بالدنيا وانا مبسوطة لمحمد كتير عاش كل عمرو متعزب وبالاسم كان الو اهل طفولتو كانت مشتتة وكبر وصار يشتغل ولحد اليوم اهلو ما حنو عليه لو شوي وهلا لقى هالحنان مع البنت الي حبها وبعدي عيونك عنهن
وصفية:مارح اصيبهن عين بس والله مزدوها بحبو عادية وفي احلى منها
نوارة:الله الي بيزرع المحبة لا بأيدي ولا بأيدو
وصفية:اي افهمت وشو سبب النومة
نوارة:حبو يونسوني
وصفية: ونامو بكير
نوارة:مابعرف
وصفية:لو بمكانك لافرش بجنب الباب
نوارة:شو بدي فيهن المهم انهن مبسوطين
وصفية:ايه الحظ بس لام عزمي وبنتها
نوارة:اي امبلا بالعلامة هجرها ابو عزمي اكتر ما عاش معها
وصفية: خلص لا تزعلي الحظ ل بلسم وانا عيني ديقة وبغااار كمان
نوارة:بلا جنانك اعقلي واتركيها بحالها
وصفية:ع شو خايفة يعني رح اعمللها عمل
نوارة:يييي ياربي دخيلك بنتي مصيفة
كانت ناطرة يصحو بدها تراقبهن شو رح يعملو بس طولو بالنومة جهزت فطور وافطرن وبالاخير طلت بلسم عليهن
وصفية:صح النوم عمتي
بلسم:يصح بدنك
وصفية:شو نايم ابو الشباب
هلا طل عليهن كان واقف ورا بلسم ومبين شعبانين نوم
عمتي:والله ما منصحى
محمد:شايفة ستي بمنامك
وصفية:وانا بعرف انوو بيت اهلي صار ملتقى العشاق
محمد: روحنا بلسم
نوارة: خليكن
محمد:لا عندي مشوار
وصفية:خلي بلسم ولا عندكن شي بالبيت
محمد:ايوا انتي قلتيها بخاطركن
ضلت تتمايزهن سوى وكيف مسك ايد بلسم
بقلبها:ما شبع منها شو هالجيل هاد بيعبدو النسوان
.........
كنت مجهزة القهوة واجى مجهز حالو
بلسم:شفت عمتي
محمد:اي شفت منيح ما فاتت علينا
بلسم:اي الحمد الله
محمد:يمكن ستي مخبريتها
بلسم:بس اكلتنا بعيونها
محمد: شو نعملا يعني تسطفل
بلسم:ارتحت بالنومة
محمد:معك وبدك ما ارتاح
بلسم:وين رايح انت
محمد: امين كالعادة بدو حدا يسليه
بلسم:احكيلو انك عريس
محمد:بتسلى مشان لا نمل من بعض بدك شي قبل امشي
بلسم:ببعتلك شو بدي
محمد:ماشي لا تنسي لطيور
بلسم:لا شو انساهن
قربني منو وباسني
محمد:رح اشتقلك
بلسم:وانا بستنى لا تتأخر
محمد:حاضر
طلع ومن الملل اتصلت ب ماما واجت لعندي دغري
.........
كان واقف على طريق بيت ايوب ناطرو وناويلو على نية سيئة بس ما كان يبين عمل تفتيل بكل التلة واشترى شوية اغراض موصية عليهن بلسم ورجع للبيت
بقلبو:بس اوصل للبيت بختنق ليش مبارح ببيت ستي روقت واخر رواق شو هالحالة الي عم تصيبني وبرود مو طبيعي مابعرف شو عم يصير معي معقول لك لا لاتحط ببالك مستحيل هالشي يصير
محمد:اعوذ بالله من الشيطان الرجيم
كانت بالمطبخ وابتسمو لبعض
بلسم:كانت امي هون
محمد:وليش راحت
بلسم:بدها تزور امها اجى خالي ياخدها
محمد: ونحن شو نعمل
بلسم:انت شو بدك
محمد:مابعرف ملل مو
بلسم:نتمشى
محمد:لا مابدي بدك تجهزي غدا
بلسم:بس رح ياخد وقت
محمد:بكون نمتلي كم ساعة
تركها وفات للغرفة يرتاح
..........
كان مبتسم بخباثة لانو مراقب محمد من الشباك بغياب شيماء بياخد راحتو بالحكي مع رانيا والا يدللها جابلها اكلات طيبة ليشتريها فيهن وقعدو برى
ايوب:رنوش ليش انتي احسن من شيماء
رانيا:مابعرف
ايوب:مع انو كنت بدي اطلب منك طلب
رانيا:اطلب ولوو
ايوب:لا رح ترفضي
رانيا:لا ابدا
ايوب: هلا مو شيماء عندها صور رفقاتها
رانيا:كان قبل تنخطب مسحتهن كلهن
ايوب:له ليش
رانيا:خافت يشوفهن امين
ايوب:شو غشيم عن خلقتهن
رانيا:لا في صور بدون حجاب لرفقاتها وبتياب مالازم حدا يشوفهن فيها
ايوب:اوف وليش انا ما شفت هيك صور عطول موبايلها معي
رانيا:كانت مخبيتهن ومسحتهن
ايوب:اي اي افهمت لك بدي اطلب منك طلب حقو هالقد
طالع ميتين الف ودغري طلعو عيونها من مطرحهن
رجعهن لجيبتو
رانيا:لك اطلب واتمنى
ايوب:موبايل شيماء
رانيا:اه ... ليش
ايوب: بدي منو شغلة
بقلبها:يييي في صور لامين وشيماء وهي مفرعة والله ليدبحها .... وماعدا التنورة القصيرة والله ما يدرى ايوب انو شيماء بتلبس حيلا قدام امين ليسلخ جلدها عن عظمها
رانيا:احكيلي شو بدك منو
ايوب:اوووف بدك تلبي الطلب ولا شو
رانيا:..
ايوب:بدي رقم منو
رانيا:ليكون رقم بلسم
ايوب:لك هسس لا حدا يسمعك
رانيا: اخي شو بدك فيها
ايوب:انتي جيبيه وبتاخدي المصاري من عيوني
رانيا: الصبح بكون عندك
ايوب:ياعيني عليكي
بقلبو:رح تتجاوب معي بلسم ورح اتمادى معها وبدي اعيشها بعلاقة كاملة بس ع الموبايل ورح افرجيك واثبتلك انك طرطور ضياء بيك
فات لغرفتو مو مسترجي يطلع من البيت لانو محمد متحلفلو والسبب طلعتو لاسطوح بيت عمتو يتفرج على بلسم
.............
وقت بصحى وما بلاقيه بجن جنوني متعودة عليه كتير غسلت وجهزت القهوة واللبست كنت مستغربة مافي صوت لطيور الحب رحت بسرعة وشفتهن لتنين قالبين حركت القفص فيهن بس لساتهن جامدين قلبي دق وانقهرت عليهن
اخدت الموبايل واتصلت ب محمد
بلسم:الو
محمد:اهلين حبيبتي
بلسم:محمد وينك انت
محمد:عند تحسين بالكرم
بلسم:مابدك تيجي لهون
محمد:هلا لا
بلسم:بدك تطول
محمد:اي افطري ازا بدك
بلسم:ماشي
سالو دموعي ما اقدرت اشكيلو ع الموبايل وما حبيت ازعجو ما افطرت ضليت اتامل القفص وكيف ماتن بنفس اليوم
بعد وقت طويل وانا اتفرج عليهن حسيت حالي جدبة بس مو بأيدي تأثرت كتير رح استفقد لصوتهن معقول مني في مي وفي اكل ياربي رح اموت من قهري
ارجعت للغرفة مابدي اعمل اي شي بس بدي يرجع محمد ويعرف شو صار بغيابو رن موبايلي والرقم غريب لهيك ما رديت مرة ومرتين وبعدها جربت افتح خط والصوت خوفني
ايوب:الو
بلسم:مين معي
ايوب: معقول ما اعرفتي صوتي
بلسم:لا والله مين حضرتك
ايوب:عاشق وولهان عليكي
انفتح باب الغرفة من خوفي سكرت الخط دغري رجفت ويمكن محمد لاحظ قلبي ماعم يهدا ومحمد انصدم من ردة فعلي
محمد:مع مين كنتي تحكي
بلسم:,...
محمد:ليش ساكتة.... هاتي الموبايل
كنت بدي اخبيه اكسرو ما اقدرت أعطيتو اياه وما اقدرت اسيطر على رجفة ايدي وقت شاف الرقم هستر وجن
محمد: عم تحكي مع ايوب
بلسم:لا ...لا مابعرف مين اتصل كتير ورديت
فجأة كسر الموبايل
محمد:لك عم تحكي مع ايوب لك لهون وصلت معك
بلسم:مابعرف انو هو والله
محمد:لك بدها تجنني متصل على رقمك مو عارفيتو عم تسلبيها بلسم
وفجأة ضربني كف استوعبت وانا بالارض وحسيت بدوخة
بلسم:😭😭والله مابعرف انو هو والله
محمد:حفرتي قبرك بايدك
بلسم:محمد اسمعني مشان الله
طلع بعد ما قفل الغرفة عليي لك بدي اندهلو بس انا محبوسة اسمعت صوت السيارة واتاكدت انو اعلقت معو
فتحت الشباك بدي المح حدا يروح يهديه يفتحولي ما اقدرت الا ابكي واختنق
........
بالمزرعة كان ناطرو لانو بعت من موبايل امين لايوب تعال ضروري وامين ما بيعرف شو لحكاية بنوب كان متخبي جوى لحتى اجى ايوب ويتلفت حواليه فات للمزرعة وامين بلش يفهم شو صاير وبس وصل طلع محمد وبكل تحدي
محمد:انت قدها يا عاطل
ايوب بخوف:خير شو عندك اليوم
محمد:انت جنيت على حالك
امين:هييي شو عم يصير هون
قبل يخلص كلامو كان مسطح ايوب بالارض وبلش فيه تعفيس
محمد:لك الواحد بيتوب بيعقل انت شو بدك مني ولشو بدك توصل...لك من وين جبت رقمها يا كلب يا ابن جدوع النجس محمد:لاهري نعمتك يا وسخ
كان امين بدو يبعدو عنو واتلقى دفشة وقعتو بالارض كان فاقد للوعي وايوب اختفت ملامحو من الدم الي غطاه واخر ضربة صرخ صوت عبى المكان
حط رجلو عند رقبتو ودعس
محمد:من زمان ناويلك عليها والله لتحلم تنام مع مراة يا كلب
بقي امين مصدوم ومحمد شغل السيارة وطلع من المزرعة ليصفي حسابو مع بلسم
......
جلسو امين كان ايوب يبكي من وجعو
امين:لك شو عملت لحتى ضربك
ايوب:ااااخ ااااخ يا امي وينك
امين:لك ليش عملت بحالك هيك
ايوب:خدني للبيت بترجاك
جلسو غصب عنو وشغل سيارة المزرعة الي بلبي فيها طلبات وبالغصب لحتى ركبو بجنبو وللبيت
ايوب:ااااخ يا امي
امين:لك ليش ضربك رقم مرتو يعني
ايوب:باطلة ومحولة كل هالمعرفة معاد فيني ااااخ
امين:مابعرف شو صار فهمني
ايوب:ااااخ وينك يا امي
وصلو للبيت وبس شافتو وصال مع امين الدم معبيه بلشت تولول والبنات بلشن يبكن
وصال:لك مين عامل فيه هيك
ايوب:اوقعت ..اوقعت
شيماء: امين مين ضارب اخي
امين:....
فوتو لغرفتو وطلبولو دكتور غصب عنو لانو رفض كتير
وصال عم تدعي وتجيب مين يدعي على يلي ضرب ابنها ورانيا شبه فهمت شو الموضوع وما استرجت تحكي ابدا بس عم يبكن على وجع اخوهن
............
بس فتح الباب اتخبيت بجنب التخت كنت خايفة بس يمكن ما بدو يفوت للغرفة أسمعت صوت باب الاسطوح انفتح وماكنت بعرف شو مصيري لازم احكي مع ماما لازم حدا يطمن عليي مو معقول اااخ خدي لساتو متخدر من هالكف والله مالي علاقة ومالي ذنب بلي صار من وين جاب رقمي وكيف عرف انو هاد رقم ايوب
بلسم:ياربي انا مالي غيرك ساعدني والله بريئة يارب انصفني يارب
.......
ع الاسطوح كان يتفرج على الحارة شاف سيدرا وعزمي ومعهن بيلسان والصوت واضح لعندو
سيظرا:معقول نايمين الدنيا مغرب مو منيح
عزمي:بلكي بالكرم
بيلسان:لا اجى محمد لحالو انا شفتو
عزمي: يسطفلو خليهن ببيتهن مرتاحين شوفتنا بتجيب المشاكل بالاخص انتي يا زعرة
بيلسان:بس تركتهن بحالهن
كان مقهور لدرجة ماعم يستوعب شو يعني بلسم تحكي مع ايوب واي حديث دار بيناتهن
محمد:وبتتصل لتخبرني مطول..
.اي بدها تاخد راحتها بكون عم يبسطها على الموبايل لك بدي اطلقكك بس مارح ينشفى غلي ضربتك كف بس ما كفى انا تخونيني لك انا ما اعرفت اخونك قبل تكوني مرتي كيف إجى من قلبك تعملي فيني هيك والله لتتمني الموت يا بلسم عملت المستحيل كرمالك وانتي عملتي المستحيل لتخونيني ما بنسى كلام بيلسان كلمة حبيبة ايوب مابتروح من بالي وكانت بدها تاخد وتعطي معو شو عليه يا بلسم لاخليكي تندمي ع الساعة الي فتحتي فيها خط معو.
نزل من تعبو وقهرو فتح باب الغرفة عليها بس شافتو ضمت حالها بخوف
محمد:هي جزاتي يا بنت عمي....
بلسم:والله ما دخلني
محمد:والله لو تحلفي ع المصحف ما رح اسدءك
بلسم: ليش ضربتني قبل تتأكد دور والله لتعرف اني مظلومة
محمد:وبتتصلي تتأكدي مطول برى البيت بدك تاخدي راحتك بتعرفي اني كنت راجع لاخد مصاري الله بدو يكشفك
بلسم:انا اتصلت لاحكيلك انو العاشق والمعشوق ماتو
انهارت من البكي طل وراه ليتأكد
محمد:....
بلسم:مو ببالي حدا واصلا ما الي نفس لشي روح اتقاوى عليه اجيت تعمل عليي زلمة
محمد:وغصب عنك زلمة جاية تقيميني انتي
بلسم:انا بابا بحياتو ما ضربني كف محمد:وبدك تكسير راس مو بس كف الحق عليه لو رباكي كان كسب دنيتو واخرتو
بلسم:انا مرباية
محمد:وتربايتك سمحتلك تحكي معو
بلسم:لك انت بتأمن بالله عم احلفلك برب العالمين ما بعرف انو هو المتصل
محمد:لك انا حافظ رقمو متل اسمي الله بدو يوقعكن
بلسم:بدك تطلقني
ضحك ضحكة قهر وسفقلا
محمد:هيك.... ببساطة اطلقك يعني بدك الطلاق لتروحي تكملي قصة الحب والإعجاب مع انجس الخلق
بلسم:لكن شو اخرتها هالتهمة
محمد:بدك تدفعي الثمن...والثمن غالي يا بنت عمي
بلسم:ثمن شو؟
كان عم يقرب بشكل تدريجي وموجه اصبعتو السبابة باتجاهها
محمد:ثمن حبي الك...ثمن تنازلاتي الي قدمتها لاحضى فيكي....ثمن الغدر الي غدرتيه فيني....جزاتي لاني مو شايف بعيوني غيرك رح تدفعيه من صحتك وعافيتك لتشتهي تنامي متل العالم ليصير ابسط احلامك نومة هنية
بلسم:يعني شو
محمد:رح اسافر واخدك معي لامارس عليكي كل انواع الجفى والحرمان بتعرفي النسخة الاصلية ....السرسري محمد اعرفتيه رح افرجيكي اياه بدي اثثبتك انو كان كلامك صح وانو نظرتك ما خابت ومعك كل الليل جهزي حالك للسفر
بلسم:😭بدي ماما
محمد:هي مو دخلتك لتطلبيها اليوم انحكم عليكي ومستحيل اتراجع عن قراري
بلسم:انا مابدي اسافر بترجاك خليني هون
محمد:بدك تدفعي الثمن هنيك هون مارح اخد راحتي فيكي
بلسم:ماما....يا ماما...لا مابدي خليني هون....انا بضيع بدون امي
محمد:ضبي تيابك .
طلعت من الغرفة بسرعة كان مراقبها حضنت القفص وصارت تبكي
بلسم:ليش متو وتركتوني ياريتني انا الي متت خدوني معكن مشان الله ....
قرب منها ونزع القفص منها
محمد:روحي ضبي تيابك سفرتنا طويلة
طلع ودفنهن كان مقهور لدرجة ما بتنوصف وقلبو ما عم يهدا جواتو
محمد:بستاهل اكتر من هيك المرأة بتتعامل معاملة الخدم وبعمرها مارح تفكر بغيرك
قعد بالصالون ناطر لحتى الكل ينامو مابدو حدا يعرف بالموضوع ابدا وعلى نار بدو يطلع ويخلص من التلة والي فيها غمض وهو يسترجع كل ذكرياتو.
... ...
ببيت ايوب بعد ابرة المهدء صحي تعبان عيونو منفخين من اثر الضرب
امين:كيف صرت
ايوب:اخ موجوع والله
امين: شو استفدت لك ما بينعلق معو
ايوب:انا مابعرف انك ناصبلي فخ معو
امين:فخ شو
ايوب:بتبعتلي رسالة تعال ضروري وبلاقي محمد عندك الي يومين هربان منو
امين:والله ما بعتت لحدا شو مهستر ولا اثر الضربة
ايوب:حكيت لحدا
امين:لا ابدا والدكتور حكى عرضية
ايوب:عرضية شو عم اموت من وجعي
امين:احمد ربك اجت هيك فكرتو رح يقتلك لك شو اجاك فجأة
ايوب:والله لانتقم منو والله لابكي عيون أهلو عليه
امين:لا تخبص خلص انقضت على هيك
ايوب:تعبان انا كتير
امين:نام وازا ما اجاك نوم اتصل فيني.
ايوب: خليك عندي لا تتركني امانة
امين: برجعلك على كلا انا ما بنام
طلع كان مقهور امين لانو ايوب عقلو ومجاكرتو وصلتو لهون كانت شيماء ناطريتو
شيماء:كيف صار
امين:بيتحسن لا تخافي المهم ضلي اتفقدي حرارتو
شيماء:عزبناك معنا
امين:لا ولوو بدنا خدمة تحرز
شيماء:بلا مو محمد الي عامل فيه هيك
امين: وما بلومو اخوكي استلمو من وقت اتجوز بس كمان مو هيك يضربو بكرى بدي اشوف محمد ولازم افهم منو شو الموضوع
شيماء: المهم ما تطلع الشغلة براس بلسم
امين:لا مستحيل شو دخلها هي
شيماء:لكن مابتعرف غيرة محمد
امين:انا الي بعرفها بس مستحيل يصغر عقلو ويعاقبها وهي ما دخلها
شيماء:الله يسمع منك..
امين: وصيني
شيماء:خليك والله بكير
امين:بالزور لاخدت هالكم ساعة بكون نعس الي استلم بدالي ازا ما نمتي حاكيني
شيماء:بس توصل خبرني
امين:ماشي
ودعها ودغري رجع للمزرعة
........
كنت محتارة شو اعمل اضب تيابي لك شو بدي اخد معي ولوين بدي اروح معو بنصاص الليالي اخ وينك يا ماما انا مغلوب على امري وعم يخترب بيتي اتزكرت قوة الكف وهرو دموعي
بلسم:من بعد حب سنين من بعد تمرد سنين انتقم لكلشي بهالكف معقول هو نفسو الي ضربني محمد الي يوميا معيشني بجو الحب والغرام لك كيف اجى من قلبو يضربني هيك كف لك اتخدرت واندوخت مفكر حالو عم يضرب حدا بعزمو وقووتو انا ضعيفة والله انا خايفة منو
شقيت شوي من الباب شفتو قاعد والدخنة معبية الصالون ويمكن حس عليي فتحت لخزانة وقت فات
محمد:لساكي عندك...يلا مامعنا وقت خلال خمس دقايق بتكوني طالعة
اخد الشنتة الي عطول مجهزة للسفر ولبس جاكيت وطلع ضبيت على الماشي شوية اغراض حاولت افتح الموبايل ما فتح حطيتو بين تيابي اللبست ولفيت الشالة ع الماشي كنت اودع كل زوايا الغرفة
بلسم:حسبي الله ونعم الوكيل بلي كان السبب يارب انتقملي انت عالم بحالي وانو مظلومة
سكرتها وقفلتها وضبيت المفتاح تحت الكنباية واطلعت
كان عم يسكر كل البرادي وطفى ساعة الكهربا واطلعنا ضليت واقفة بجنب السيارة وحاملة الشنتة فتح القفل حطيت الشنتة بالمقعد الخلفي وقعدت بجنبو شغل السيارة وكان يتصل بحدا وطلع من الحارة بسرعة البرق
محمد:انا طالع من التلة عمم الخبر على كل الحواجز....
شوي واجاه فويس(تمام رح اخبر كل حواجزنا بس في دورية بعد الجسر حبيت اخبرك)
محمد:مو مشكلة
البرد بلش ينخر بعظامي ومافي الا دموعي دافيين الطريق عتم وموحش المجنون مابسافر بهالوقت والسرعة شبه جنونية عند الجسر خفف لانو في دورية وقفتو طالع هويتو وسمحولو يمشي وبسرعة كبيرة حسيت كلشي جواتي عتم مو بس الطريق لك ما ودعت ماما ما ودعت حدا شو عاملة لاتعاقب وخايفة يكون قول وفعل مافي غير صوت الهوى وهو كل شوي يسعل كنت بحاجة دفا وراحة مابقى اتحملت البرد
بلسم:برد كتير
محمد:ليش مو مدفية حالك
بلسم: لابسة كتير بس عم ارجف خفف
محمد: الطريق مو ل يلي خلفني نوصل بخير وبكون منيح
اتكتفت وناطرة نوصل وما كنت بعرف انو المسافة لدرجة طويلة وكل مدة لتمر شاحنة او فانات سفر ومابدي الا يكون منام او كابوس ومابعرف كيف اغفيت
.......
وقف عند الاستراحة كان تعبان لدرجة غمض ليتأكد انو حتى عيونو تعبانين اطلع ب بلسم شافها نايمة وبدون نفس رمى عليها الجاكيت لتشهق من خوفها نزل بدون ما يهتم لرعبتها وطبش الباب طبش فات لعند صاحب الاستراحة
محمد:كيفك
جود:تمام
محمد:دخان كالعادة
جود: كمية ولا
محمد:باكيت بدي اكمل طريقي
جود: غيرو
محمد:هاتلك وحدة مي
جود: بالعادة بتكتر نص رزقتنا من جماعة السفر
محمد:مافي نفس لشي اديش لحساب
جود:خلي عيلنا
محمد:خلصني احكي
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`