الفصل 12
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عشق الأصيل`*
*❴🔢❵الـــبـــــــــــ❴2️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
ماما:جبتيها لك بلسم قومي لقلك ام عامر بدنا نروح لعند وصفية
فرطنا ضحك وما اقدرنا نتهدا لانهن راحن من بين الشجر وعاملين ببيت ستي استنفار وبيلسان عم تبكي ونحن كاتمات الضحكة
بابا:شفتن حدا وانتن جايات
بلسم:لا
سيدرا: حدا ضايع
بيلسان:ماما مو مبينة
انفجرنا ضحك وفتنا لجوى ومسنغربين مننا
سيدرا:لك بلسم بضحكن موو
بلسم:لك انا اعرفت هلا لمين طالعات😂
ستي:ليش بتضحكن شفتي امك بلسم
بلسم:لا بس حدا بضيع بهيك عمر
سيدرا:اي خطيبك مفقود
ستي:لك لا تزكرني مشان الله
بلسم:يعني مو متأثرة على كناينك
ستي:قليلات عقل كل القصة حكيت ام مهران على سلامتها ومن كلمة لكلمة زعلن وراحن
بلسم:دورو عليهن لشوف
...........
ببيت وصفية فرحت بس شافت ام عامر وام عزمي وبتفكر زيارة عادية
وصفية:نورت والله
ام عزمي:عجبك يا ام مصعب
وصفيو:يوه شوفي
ام عامر:قال ام مهران احسن مننا هيك امك قالت
وصفية:احسن لانو لابسة دهب بتفتح صاغة فيهن😂بس المعاملة متلكن مافي حتى ام بديع مو متلكن
ام عزمي:نحن قلنا ام مصعب حركت الجو
وصفية:لا يوه وبدي اسالك ما اسمعتو شي عن ابن اخي
ام عزمي: لا والله
وصفية:الحكي من رفقات مصعب بيقولو مصاحب بنت معلمو
انزعجت ام عزمي من هالخبر
ام عامر:شو هالحك?
ام عامر:شو هالحكي الزلمة خاطب
وصفية:وحلفو فايتين طالعين سوى وعلى اماكن تف تف ما بحط بزمتي بس اماكن مشبوها
ام عامر:ام مصعب لفلفيها نحن ما اجينا نسمع هالاخبار
وصفية:انا والله مشان بلسم
ام عزمي:عقلو براسو بيعرف خلاصو
وصفية:يوه وبتقبلي تجوزي وحيدتك لواحد متلو يروح يصيبها شي مرض من تخابيصو
ام عامر:عيب شو هالحكي
وصفية: لا حبيبتي مافي عيب وهاد الصح والحق انا لو مطرحكن لارمي الدهبات بخلقتهن وما اشوف بنتي مذلولة او فيها شي
ام عامر:ام عزمي لا تحطي ببالك
وصفية: سعدية اعملي قهوة بسرعة
كانت ام عزمي بعالم تاني خايفة على بنتها وغياب محمد هو الي مأكد الاخبار
وبعد ما خلصت زياراتهن رجعن تمشاية
ام عزمي:ام عامر انا خايفة على بلسم
ام عامر:ما انتي شفتيه وقعدتي معو
ام عزمي:بس مستحيل يبين قدامنا حقيقتو وشو يعني بفوت وبيطلع مع بنت معلمو
ام عامر: وكلي الله هو مبين لحتى تشيلي هم
ام عزمي:مابعرف ما شفتي الورشة الي عم تشتغل ببيتهن كل يوم
ام عامر:معناتو بدهن يجوزوه ورح تسكن بنتك بجنبك
ام عزمي:وبعدها مابدو يرجع لدوامو
ام عامر:هي قاصدة تقهرك وماتت غيرة بدها يخطب سعدية بس ما قدرت تعمل شي ولو من الصبح بيترك بلسم لتلزقو سعدية
ام عزمي:والله ما بقى اعرف الصح من الغلط بس لازم اخبر ابو عزمي وهو بيشوف حل للموضوع ورح يحكي مع ابو مهران لنشوف اخرتها وصفية بتفكر طمعانين بالدهب انا عندي بنتي تعيش مرتاحة وبلا مشاكل احسن من كل دهب الدنيا
ام عامر:اي والله راحة البال ما بتنشرى بكنوز الدنيا
رجعن كل وحدة لبيتها وبس فات ابو عزمي انبسط انو رجعت للبيت
ابو عزمي:شو وين كنتي
ام عزميء:عندي الك اخبار
ابو عزمي:الله يستر
فاتو ل غرفتهن وكان اشبه بالاجتماع المغلق
..........
كان امين عند السوبر ماركت وبس شافو ايوب نزل لعندو
ايوب:امين في ديارنا
امين:ما عليك سلام
ايوب:اوف
امين:ازا بتفكر الي عم تعملو بغياب محمد مارح يدرى فيه بتكون غلطان
ايوب:شو عملت بلا
امين:كيف بتكسر على بنات عمو وبتحاول تدعسهن
ايوب😂 مزح حدا بيدعس كتلة من الجمال اروح دعس لاجلها
امين:لك انت شو عم تخبص مين بجيب سيرة عرضك
ايوب: ماحدا بس انا حابب هالبنت تعال اتحكم بمشاعري
امين:هالحكي لاخبرو ل محمد
ايوب:😂هو يعرفو وين اراضيه وساعتها انا بدي اخبرو
امين: ايوا انت اخد راحتك لانو مختفي
ايوب: وانشالله بكون ميت😂منو منتعشى على روحو ومنو بتجوز حبيبتو
امين:حكيك كلو متل حكي لولاد لصغار وعيب عليك
ايوب:وهي بتتغنج ع الكل حلوة وبتشوف بحالا الشباب عليها بتدل جنو الكل بجمالا
امين:...
ايوب:ولما ع الساحة بتطل الشمس بتتخبى وبتفل
امين:اخراس وسد بوزك
ايوب:دخيل قلبها بتتاكل ع الريق
زورو امين وحتى ما اشترى شي بس لازم يخبر حدا ورغم انو علاقتو ب عزمي زفت الا انو اتشجع واستناه براس الحارة وعزمي لحالو قرب منو
عزمي:اهلين والله
امين: جاييك بموضوع ضروري وما بينسكت عليه
انخطف لون عزمي
عزمي:محمد صايرلو شي
امين: لا لا بس دير بالك من ايوب
عزمي:شو دخلني بايوب
امين:انا حذرتك ودير بالك
لف بدو يمشي
عزمي: تعال تعال شو قصة بطيخ
امين: مابعرف انت دور وراه بكون احسن
عزمي...
تركو محتار ورجع للمزرعة بالو مشغول على محمد وكمان نافر قلبو من ايوب وكيف بعامل شيماء ومو عاجبو انو يناسب ايوب بس حب شيماء مسيطر عليه وما عم يقدر ينساها
........
تاني يوم صرعتنا الورشة ماعدا الحبس لانو كلها شباب وعلى طرق وصوت اداوت كهربائية بتسبب صرع وعزمي رايح جاي يطمن عليهن وبعد الترميم اجت ورشة دهان مع انو ما شفناها بس من برى صارت بتضوي ضوي والمفتاح مع عزمي بس انا ما الي نفس اشوف شي وقربت سفرة بابا لهيك اتصل ب بيت عمي ليفهم منهن شو صاير مع محمد
بابا:كيفك اخي طمني عنك.....والله بخير.....وبلسم بخير وبتسلم عليك.....اي اخي شو مشان محمد.....معقول طيب ما سألت عنو الك معارف كتير.....وهاد ضياء بيك مو كان بيشتغل عندو.......كيف ليكون عامل فيه شي..... والله شغلة غريبة....انشالله الله يرجعلكن اياه بالسلامة لا اخي سلامتك بس انا سفري الاسبوع الجاي حبيت اخبرك اكيد بتشرفونا..
ماما:شو
بابا: مهران متكلف بالمهمة وعم يسأل عليه
عزمي:مو حكو اخر شي انبعت للمفرزة واكيد في ضابط مسؤول معقول ما مر عليه اسم اصيل او ملفو مستحيل لو مسجون بتدفع مصاري بتعرفو باي زنزانة بس انا شاكك بمعلمو وهو قاصد يخفي اخبارو عن اهلو
ماما:وشو مصلحة معلمو
عزمي:انا مابعرف بس احساسي بيقول معلمو بيعرف عنو كلشي
بابا:بتقصد ساجنو مثلا
عزمي:احتمال واحتمال تكون علاقتو متوترة مع مهران وهو عم يعاقبو
بابا: يعني انت بتعرف من محمد هالحكي
عزمي:ليش هو بيحكي انت بدك تحزر شو مزعلو او بشو مشغول بس مرة أسمعتو يحكي مكالمة وافهمت من كلامو انو مهران وضياء بيك بمشو مصالح بعض وشو هالمصالح الله اعلم
ماما:يعني احتمال مشكلة بين الطرفين ومعلمو عقوبة لمهران مخفي عنو اخبار محمد
عزمي:حسب تحليلاتي انا ولا تاخدو بعين الاعتبار اصلا بس افتح على محادثة محمد عم اكتئب
بابا:بعين الله ببين وين بدو يروح يعني
.........
بمكتب ضياء بيك كان مبتسم ل كلام مهران بأستهزاء
مهران:ضياء بيك انا خدمتك وبعدت عنك كتير مخاطر واليوم انا بحاجتك
ضياء: مشان اصيل مستاهل تشغل بالك مشانو
مهران:يا ضياء بيك اهلي متهميني فيه وانو انا السبب
ضياء:وانت السبب صحيح
مهران:انا ما بهون عليي فيه ولو شو ماصار
ضياء:طيب انا رح اتواصل مع القيادة واعرف لاي جهة انتقل
مهران:بدي تستعجل بالموضوع بيتنا كلو متوتر وهو على وش زواج وانت بتعرف
ضياء:خلص خلص انت لا تشيل هم وسلملي على ابوك كتير وبهاليومين بكون عندكن الخبر اليقين
مهران:ما بتقصر
طلع مهران مو شايف طريقو
وضياء بيك بقلبو:المشكلة كان يطلب مني اذلو واليوم جاي بدو يعرف اي شي عن اخوه
ضياء: ما شفت حدا أصيل اكتر منو هالشب بيطلع من شغلة كبيرة اخلاصو بالعمل مستحيل يروح هدر وهو انفعالي كتير بتعجبني شخصيتو لدرجة والله يوفقو يارب
.......
بالفيلا كان مهران قاعد وعم يهز برجلو ويتطلع بالكل والكل يتطلعو عليه
مهران: وبعدين يعني شو عامللكن انا
ابو مهران:انت بتعرف وينو
مهران:خلص بكرة الخبر بكون عنا شه
ابو مهران: وانشالله حكي ضياء بيك
مهران:اي يعني بتعرفني بعرف غيرو
ابو مهران:بقص ايدي ازا مو هو ورا اختفاء ابني
مهران:انا الي قاهرني مامعو موبايل يعني
ابو مهران: انا كل شغلتو ما بقى تعجبني
ام مهران:مو هو بدو يتطوع
اطلعو ببعض الاب وابنو والندم عم ياكل بقايا روح ابوه
سلام:بس انا ولا مرة حسيت انو اصيل بحب شغلو
حنان:وكانو مجبور اصلا من وقت اتطوع وصار انسان تاني
مهران:اي انضب شوي والتزم كان فلتان ع الاخر كان فاضحنا بالتلة
سلام:هو لحالو
مهران:كان رئيس الفلتانين من سرقة ونصب وكان عامل عصابة والكل صار يتحايدو مشان لا يعمل مشكلة معهن
ام مهران: خلص مشان الله لا بقى تزكروني فيه
حنان:طولو بالكن
سلام:وبلكي صاير شي مو منيح عليه
ام مهران:حسبي الله ونعم الوكيل
ابو مهران:انت بتتحمل كامل المسؤولية
مهران:خلص يا عمي حلو عني مابقى الا اروح انا ادور عليه بيرجع اصلا ما بصير عليه شي وليكك عم تزبطلو البيت بعتلي صورة عزمي محول البيت لفيلا والله بنت ابو عزمي الها حظ ولا بنت رح تعيش الي رح تعيشو
ام مهران:😭هو يرجع ومابدنا اي شي
مهران:اهوووو علينا فلقتوني فيه يموت ونرتاح منو
وزاد بكى البنات وامهن
وابوه حاقد عليه ل مهران
..........
يوم سفر بابا كان كئيب كتير التجمع ببيتنا عملت قهوة والكل زعلان ووقت اجت سيارة لتاخدو غص قلبي وماما بكيت وستي وانا كنت مخنوقة بس ما اقدرت ابكي الا بغرفتي باخر الليل واتزكرت محمد وما بقى اعرفت اتهدا دق الباب وحاولت اتماسك بفوتت عزمي كان مزعوج كمان قعد جنبي وبقلة حيلة حكى
عزمي:على مين بتبكي
بلسم:على كلشي
عزمي:خلص بتهون ومتعودين يسافر بابا صح
بلسم:اي متعودين بس انا كل هالايام كرهانتها
عزمي:اي وانا متلك
بلسم:ودخلك ليش زبطو البيت
عزمي:مشان يسكن فيه محمد
بلسم:ليش رح يرجع
عزمي:وين بدو يروح يعني
بلسم:الله اعلم
عزمي:بلسم بتشوفي ايوب
بلسم بخوف:لا
عزمي:ليش خفتي لكن
بلسم:لانو فاجئتني بسؤالك
عزمي:بس هو رايح جاي من راس الحارة شو القصة
بلسم:...
عزمي: احكيلي يلا
يلسم:بشوفو وقت ارجع من عند جورية بس والله غير هيك مافي شي
عزمي:بعرف انا بس كنت بدي اعرف ليكون بتعطيه وش
بلسم:وشو بدي فيه ما انا مخطوبة
عزمي:وانا هاد الي مطمني
بلسم:مع انو شيماء عزمتني على عيد ميلادها بس انا اعتذرت مشان هي الشغلة
عزمي:لا روحي وانا بوصلك
بلسم:ومحمد
عزمي:على قولتو لساتك عنا وما الو يتدخل فينا مو هيك ببضل يحكي عن خطيب سلام
بلسم:عنجد
عزمي:مو حفلة بنات وسيدرا معزومة
بلسم:اكيد
عزمي:انا بوصلكن وانا برجعكن
بلسم:الله يخليك اياك يارب
..........
بعيد ميلاد شيماء كنت مبسوطة ورح اغير جو الكآبة الي سيطر عليي من بعد الخطبة اتجهزنا ووصلنا عزمي تمشاية وبس شافنا ايوب دغري بعد عن مدخل البيت اتفقنا مع عزمي مشان الرجعة وكملنا وراح لعند ايوب بس كل وقفتو ما الها داعي عند البيت أجواء الحفل بتجنن وهنيك اختها رانيا مستلمة كل الامور
اعطيتها الهدية وعايدت عليها وبلشت الحفلة وكلو كوم وخباثة ايوب كوم يمكن طفى شي انا شفتو برى عند مولدة الكهربا وصار ضجة وهو فات يتدخل لحتى يشغلها من جديد بس حسيت فصولو بتضحك
سيدرا:شوفي طول العامود بين النسوان
بلسم😂شو فوتو هاد مجنون
سيدرا:بس كل الطرق تؤدي الى روما
بلسم:مين روما وليه
سيدرا:انتي في غيرك
شيماء:ع شو بتحكن انتن
سيدرا: على اخوكي 😂
بلسم: ليكون هو طفى المولدة
شيماء: مجنون بحدا وكل الي عم يعملو ليشوفها
بلسم:...
سيدرا:فرجيها المحبس
شيماء:شايفتو بس هو مبسوط لانو مختفي محمد
سيدرا:من كل عقلو لو بدي اجوزها عامر ما بخليها تاخدو
شيماء😂ايدو والكف لانو وبلسم خدها رقيق
بلسم:تضربي اي انا مخطوبة شبكن
شيماء: والخطيب مختفي في ظروف غامضة
بلسم:اشتغلت البافلة فرجينا خصرك يلا
كملت الحفلة وبعد ما اشرفت على النهاية اصرت امها نضل لاننا صديقاتها المقربات قعدنا بالغرفة وعملت رانيا القهوة وقعدنا لحالنا
رانيا:حلوة الحفلة
سيدرا:بتجنن
شيماء: تنظيم هالمنظومة 😂
بلسم:اي بس ما بدنا نطول
اندق الباب انا حسيت انو ايوب
رانيا:رايحة اشوف
فاتت امها ووراها كان ايوب دغري نزلت نظري لحتى ما يضل يتطلع فيني
وصال:شو بدك انت
ايوب:مضيع ...مفتاحي
شيماء:هون ضاع
ايوب: وين بدو يروح لكن
شيماء:فوت دور انت اطول مننا
وصال:كيف شفتن الحفلة يا بنات
سيدرا:بتجنن
كنت مراقبة ايوب ومبين مو عم يدور على شي بس يمسك كم شغلة من الفاترينة وكل شوي يتطلع فيني
شيماء:لقيتو اخي
ايوب: مين هو
رانيا:عقلك😂
ايوب:انا بفرجيكي
وصال:بكون بغرفتك
ايوب:لا دورت شو اعمى انا
شيماء:نزعت علينا الجو خلصنا
ايوب:ليكو ليكو...طيب ضيفوني قهوة
رانيا:فنجانك بالمطبخ
ايوب:شو يعني اجرب انا
فرطت ضحك سيدرا دفشتها لتسكت
شيماء:لا اخي بس شو مقعدك بيناتنا
ايوب:والله حلوة القعدة معكن
وصال:شو صار بالاغراض
ايوب:موصيلكن عليهن
وصال:لا تطول مشان نجهز على بكير
ايوب:اي خلص مطول الغدا
رانيا😂انو غدا اخي بتجدبها
ايوب:خلي البنات عنا منكسبهن
وصال:اي خليكن والله شوفتكن بوحدة
ايوب: اي والله يتشرح القلب
رانيا😂 ماما عاجبك ابنك كتير
وصال:اي روح يلا عيب
ايوب: وبلكي مارحت
شيماء:نحن منقلعك
ايوب:يلا رايح بس شفتولي المقص
رانيا:ليش بدك تقص شعراتك
ايوب:لا اللسان اختك
رجعت دفشت سيدرا لانها ميتة من الضحك عليهن
ايوب:وصوني يا جماعة
وصال: وبعدين خلص روح
شيماء:سلم على الشهداء الي معاك
فرطنا ضحك عليها
وصال:مابعرف خافف عقلو ومروق اليوم
رانيا:ع شوفة البنات بروق
وصال:عيلة بدها حلم الله لتصير بشر
شيماء:عيب تبهدلينا عنا ضيوف
وصال:اهلا وسهلا والله نورتو يلا رح اتركن تاخدن راحتكن
رانيا:بتعرفي انتي مخطوبات والحسرة علينا
وصال:😂دخيل قلبك
تركتنا وطلعت
شيماء:مارح يروح لمكان
رانيا:شو عاملة فيه لك بلسم اكلك بعيونو
بلسم:...
شيماء:هو نسونجي
رانيا:مجنون انا بيك
بلسم:بربك خلص والله ما يدرى عزمي
سيدرا:بس عزمي وهداك
بلسم:دورولو على عروس
رانيا:حواليكن في
سيدرا: سعدية
شيماء:هي من خرجو😂وامها قوية
رانيا:واخوكي جني😂ما بينخاف عليه
سيدرا: بيربو بعض
شيماء:بدي افرجيه اياها وبلكي يحل عنك
سيدرا: ليش ما بتعرفي راح يدعسنا من فترة
راانيا:😂هاد مجنون من وين بدنا نجيب وندفع فدية
بلسم: يخرب بيتك مو خايفة علينا
شيماء:😂شايفة اديشها جدبة
سيدرا: حاجتنا رح اتصل ب عزمي
شيماء: بلا خليكن
بلسم:لا بكفي
....
كان برى وعم يجاكر باأمو لانها معصبة وهو مروق
وصال:يلا روح عنا ضيوف
ايوب:هو انا دبقان البيت كرمالها
وصال:استحي يا ولد مخطوبة
ايوب:هلا انتي حدا بدير خفقات قلبك😂
وصال:بضربك اتضبضب بقى
ايوب:يا امي على لمسة أيدها مابدي ازود لعيار واقول خدها
وصال:وبعدين انا نفذ صبري منك
ايوب:😂شفتي هالكرزي عاكس على شفافها يا امي هاتي ايدك شوفي قلبي كيف عم يدق
وصال:...
ضربتو على كتفو
وصال:انت عنجد فلتت
ايوب:فلتوني عليها طيب
وصال:حرام ولاه ما انت عندك اخوات بنات
ايوب:هدول بنات الاميرة الي جوى مبينة بنت بناتك زلم 😂😂
وصال:يعدمني عدوينك يارب
ايوب:امي لاخر مرة انا عشقانها خليني اهرب فيها واخطفها
وصال:لااااا انت ناوي تفضحنا
ايوب:بوعدك ما تشوفي وشي بشاورك بعدين😂
وصال:انا عنجد مستغربة
ايوب:شفتي مشيتها اااخ لا تمشي بدلع....خايف لا تقع..لا تمشي بدلع.....خايف لا تقع.... شافك القمر غاب وما طلع
دفشتو دفش وراح فرطان ضحك عليها
بجية عزمي وسلم عليه
عزمي:وينهن
ايوب:ليشربن قهوة اتفضل
عزمي:لا مستعجل
ايوب:شو مابدك تفرجيني بيت ابو مهران
عزمي:ليش
ايوب:حكو ديكور بجنن وبتعرف بدي اشوف يمكن ابلش شغل
عزمي:بكرى الصبح اكيد
ايوب:يلا لكن لبكرى
اطمن انهن طلعن البنات وهو ادب واخلاق منو بعد لحتى اخدهن عزمي وراح
.........
كان من ضمن العناصر الي مأمنين حماية لفاروق بيك وعلى بعد كيلو مترات فضو المكان وانتشرو كان ببدلة عسكرية لونها زيتي وعاطيتو هيبة ومبين شخصية لابس نظارات سود وسلاحو على كتفو فاتن سيارات فاروق بيك للمنتجع كان معو عيلتو وكأنو صنم واقف متلو متل زملائو لحتى اخدو أمر من أسير قائد الحرس ينتشرو
طلع لبرى المنتجع محمد واجى لعندو أسير
أسير:هربت مو
محمد:لا بس عم اكتشف المكان
اسير:اي خرج تعمل شهر عسل هون
محمد:اي فكرة
اسير:شو بتحب تشرب
محمد:انت كريم وانا بستناك
أسير:لا تتحرك شايفك
كان واقف عند سياج من حديد لحد ما اجى أسير ومعو كاستين شاي وقعدو جنب بعض
أسير:شو ما اتزكرت
محمد:الرقم قصدك
اسير:اي بتتصل
محمد:لاول مرة برتاح بدون موبايل مع انو اول يومين هسترت
اسير:وكيف ضيعتو
محمد:ما ضاع بس يمكن انسرق
اسير:وليش ما خبرتني انا بعرف مدير شركة الاتصالات بيطلعلك شريحة جديدة بدال الي راحت
محمد:😂لحد هون اي زابطة وكيف بدي اشغل الشريحة بدون موبايل
ضرب اسير على جبينو
اسبر:هي راحت عن بالي
محمد:تاني مرة لا تقترح مو حلوة قائد طول بعرض عنصر متلي صغير يكون اذكى منو
اسير:لا مانك صغير فاروق بيك بحبك ومهتم فيك
محمد:اسمي عنصر
اسير:متل مابدك بتعرف انت اكبرت بعيني هداك اليوم
محمد:فكرت اشهد ضدك
اسير:لانو بوقتها اغلطت عليك واتطاولت وعاقبتك
محمد:كلشي لحال انا ما بشهد شهادة زور بحق اي حدا ولو كنت غلطان عليي
اسير:لولاك كنت انسجنت
محمد:يعني هو فكر ازا قعدت معو يومين رح اشهد معو
اسير:والله متت رعبة وبالاخص وقت استدعاك فاروق بيك قلت اكلت هوى ورح يكون حاقد عليي
مد رجليه محمد وابتسم
محمد:كلشي لحال
اسير:وكيف رح تقضي اجازتك هون
محمد:انت بتعرف بلمكان انا اول مرة بجي لهون
اسير:يلا باقي نص ساعة ورح نغير جو
محمد:والله ياريت مشتهي اشوف نسوان
اسير:😂😂بربك
محمد:اي والله صرت اشوف العناصر ويغط على قلبي بدي امتع نظري
اسير:اخ منك انت طير حر
محمد:العترة على المتجوزين
اسير:بتعرف اصيل
محمد:استنى انا اكتشفت اكتشاف
اسير:شو هو
محمد:اسمي قريب من اسمك
اسير:يطعمك الحج حبيب
محمد:اي كملي
اسير:لاول مرة بضرب صحبة مع عنصر😂😂
محمد:اي وانا اول مرة بصاحب قائد بحالو
اسير:ارفع راسك لكن
محمد:برفعو بس مو فيك😂
اسير:يلا انا رح اشوف فاروق بيك وجاييك جهزلي حالك
محمد:مشي ها
اسير: ولا يهمك
وقف يتمشى وناطر يجي اسير مو مسدء يغير جو لو بالشارع واجى معو كم عنصر اخدو لسلاح من اصيل وأسير وضل معهن بس مسدسات وطلعو تمشاية لتنين يتلفتو ويتفرجو على كل مكان لحتى وصلو لمكان مخدم وفيه محلات وناس كتير بيشبه السوق
محمد:ياااا وأخيراً
اسير:😂متع نظرك لشوف
كانن مجموعة صبايا ماشيات ويضحكن ولتنين عينهن عليهن لحتى قطعنهم بس محمد ما اتأملهن منيح لهيك ضل ماشي وعيونو لورا
اسير:شو طلع معك
محمد:دخيلوو
اسير😂المهم اتمتع نظرك
محمد:معي جوع بايت
اسير:شوفلك على هالشقفة
محمد:دخيل الجينز ما يبلى ريتو
اسير:لك عم تطلع فيك اكسر عينك
محمد:ازا من هون بصاحبها يمكن عجبتها
اسير:اي مابدها تنين يحكو فيها وبعدين العساكر شغلتهن كبيرة😂😂
محمد:هاد بيتمسخر والله مافي وحدة شافتني بالبدلة الا ودابت فيني
اسير:والله ما بتمسخر شبك ولوو
محمد:فكرت مستهين فيني
اسير:اي شو حابب تتغدا
محمد:حجار اي شي
اسير:😂انا قلت معو جوع بايت وبدو يتغدا نسوان
محمد:لا تزيدها عليي انا كل طاقاتي رايحة هدر
اسير:والله قلت مو زلمة
محمد:لا تستفزني انا خلعت الحيا من زمااان
اسير:وكيف عايش بدون ما تتواصل مع اهلك
محمد:نحن عنا صلة رحم على الشم منستخدمها
اسير:اشرحلي اصيل زمانك😂
محمد:ما منعرف نعبط ونبوس يعني مدام شمو ريحتي وشميت ريحتهن خلص امورنا بالطيب
اسير:هههه بربك
محمد:عنجد يمكن اخر مرة انبست فيها كنت قرفان طبعا عمتي كانت بدها تسلم عليي
اسير:😂ما بتبوس اهلك
محمد:لا بالاعياد والمناسبات وحتى بتكون شايل هم البوسة من صباحية الله
اسير:😂😂😂وانت عن نفسك بتحب هالمشاعر والبوس والأجواء
محمد:لا ما انا ورتان هالحنية من اهلي
اسير:ولو اتجوزت مارح تبوس😂
محمد:...
اطلع فيه محمد وهداك فرطان ضحك
محمد:لا بقى تمزح
اسير:بس بدي اطمن
محمد:فشرت احكيلك بعدين انا قلتلك صلة رحم مو صلة عشق
اسير😂 قال ع الريحة بلا جد
محمد: والله
اسير:انتو عيلة غريبة وهلا كيف بدهن يشمو ريحتك الك شهرين متغيب عنهن
محمد:الاحساس بيشتغل شغلو
اسير:امرك عجيب اتصل من عندي ب مرافق ضياء بيك وخلي يبعت خبر لاهلك
محمد: دخيلك لو بهمهن امري كان دورو عليي
اسير:اتفضل لشوف
كان مطعم شعبي وفي شوية بنات فيه
اسير التهى بطلب الاكل ومحمد صفن
بقلبو:لو معي مصاري كنت اشتريت موبايل وحتى لو بعرف حدا صاحب محل هون كنت اشتريت وبعدين حاسبتو ليش مو حافظ ولا رقم لحدا والي حافظ رقمو ايوب الكلب وفشر اتواصل معو الله يلعنو ويلعن رقمو انتبه في صبية رفعتلو موبايلها بمعنى رقمها
محمد:لا يمكن والله
اسير:بتحاكي حالك
محمد:كترت العروض
اسير:بس مو كتير حلوة
محمد: المهم انثى انت ما بتعرف الجفاف الي مكتسح عيشتي
اسير:😂اي حاجتك انا اديش شفت زعران متلك ما شفت
محمد:مابحب هالمصطلح رغم انو انا ازعر وسرسري وكمان ما بحب كلمة سرسري بتعرف
اسير:ليش بقى يا افندي
محمد:مابعرف انا اول مرة سرقت فيها من ورا هالكلمة
اسير:😂فسر مايلي
محمد: ما بحب حدا يتهمني ظلم بوقتها بابا عصب ووجهلي حكي ومسبات ومن بينهن كلمتين اثرو فيني اني حرامي وسرسري وما حبيت يطلع كزاب
اسير:شو عملت
محمد:سرقت موبايلو كان بوقتها شاريه جديد وكبيتو بالبير
اسير:وشو استفدت بقى
محمد:ضد عقلي حدا يتهمني تهم باطلة مع انو تعاقبت وصرت فرجة بس ما همني لاني بعرف الغاية من السرقة وكمان ما استفدت منو
اسير: وبعدها شو سرقت
محمد:شو بدي اعدلك لاعدلك
اسير:عادي سامعك يلا
محمد:باول طلعتنا كان الي عندو موتور شغلة كبيرة وانا طلبت من بابا ما رضي حكى مو ناقصك مشاكل وانت هيك هيك بلا ترباية وهامل بوقتها كلهن اشترو الا انا واحد من رفقاتي اخدني محتوى وصار يتمسخر عليي وانا لحمي مر ما بيتاكل
اسير:وشو عملت
محمد:كان في حفلة ل شب وهو اجى وصفط الموتور على جنب وانا حطيت راسي براسو تركتو يدبك ورحت اخدتو ورميتو بسهل على طريق ضيعة بجنب ضيعتنا كلها بدو وهاد وجه الضيف
اسير:راح
محمد:واتحطم حلمو
اسير:ومستاهلة بلا
محمد:بنظري اي مستاهلة
اسير:والله انك مو سهل شايل عليي لك اصيل
محمد:انا بعرف الشب لمعدل من الاعوج
اسير:وانا شو طمني
محمد: معدل بس دير بالك على حالك
اسير:ولا ليرة
محمد:لا في شي تاني
اسير:غير موبايل مامعي
محمد:بينفع المهم دير بالك عليه
اسير:وايمتى اجازتك
محمد:كمان شهرين
اسير:ومارح تمل
محمد:الله يديم فاروق بيك ونضل نطلع حماية الو
اسير:😂غيرت جو
محمد: وشفت نسوان الاجر الو
اسير:😂 مو معقول اصيل مهستر
محمد: انا ما بقاوم جنس حوى
اسير:اي والله مو هني اس بلانا
محمد:مبتلي يعني
اسير:اما شو بلوة مشيبيتني
محمد:اعطيني كم درس لكن
اجى الغدا وكملو حديثهم وهني عم يتغدو
اسير:شو بدي احكيلك
محمد:المهم
اسير:انك تتزوج وحدة بنص عقل صعبة
محمد:😂ليش
لسير:بتلاقي عقلها بيتغير يعني عصبية ورايقة بنفس الوقت وبتعرف انت المغريات النا كتيرة انا يا غافل الك الله اجاني رقم غريب وقلت لرد عليه اكيد من طرف لمعلم واتاريها بنت وانمسكت بالجرم بالمشهود
محمد:لا تخجل اكيد ضربتك صارحني
اسير:يا محلى الضرب انجنت لانو عرفت انها بنت وخاطبتها بصيغة المؤنث انا لاحظت انها اتغيرت يوم كامل اسألها شبك يا بنت الحلال شبك يا عيوني تحكيلي ولاشي واجى الليل وبتعرف الواحد بكون بدو يسهر سهرة رومنسية مابعرف كأنها بركان وثارت كنت ماسك الموبايل وصرخت بهداك الصوت
...:يا انا يا البنت
محمد:😂 وانت شو اخترت
اسير:كنت بدي اجاكرها قلتلها البنت
محمد:ولييي وشو صار
اسير:ماصار الا بلشت تلبس تيابها رايحة لبيت اهلها وعلى لسانها كلمة طلقني هلا بدك تطلقني
محمد:😂وكيف صالحتها
اسير:مابقى اعرفت أهديها ويا روحي يا قلبيي بمزح تبكي وتصرخ
محمد:اي
اسير:مسحت كل وسائل التواصل قدامها ودوبها امنت وصار شبه املاكها بس تحكيلي هات الموبايل خلال ثواني يكون بأيدها تفتش وترجعو
محمد:😂شهيتني اتجوز
لسير:يمكن متل قلة عقل مرتي مافي
محمد:😂اااخ لا تزكرني
بقلبو:متل عقل بلسم مستحيل يكون في قال غارت من هدية سيدرا ومن سعدية اديش صرلي ما شفتك واسمعت صوتك والله اشتقتلك وكل هالحكي لاونس حالي ما وحدة بتعبي مكانتك شو عاملة مستفقديتلي لك بلسم انا ميت عليكي لسى بدي ارجع وازا وافق بابا بدي اجهز البيت وبدو شهرين دوبو يخلص اوووف شغلتك طويلة لك محمد خليك لحالك متل الكلب
اسير:وين صرت
محمد:الاكل طيب
اسير:ليك انا على قد ما اسمعت انك جوعان سدءت هاد اكل
محمد:زمان كنت احب الاكل يوم عن يوم عم افقد شهيتي
اسير:وعن النسوان كمان
محمد:لا ولوو لا تغلط بس انا يمكن معي مرض بمعدتي وعم تصغر لهيك ما عم اتقبل الاكل
اسير:طمنتني لك صحيح شو صار معك مبارح بليل
محمد:انا قلت لشباب صحوني
اسير:اي اجو يركضو قال اصيل بينازع
محمد:ينزع مساهن هيك بتصحو الي عم يكوبس
اسير:😂فكرتك بدك تموت فوق ما خفت عليك
محمد:لو ضل على صدري ولا اكلت هالرعبة وازا ما اجاني اولاد خطيتي برقبتك
اسير:😂😂بس المي منيحة بتنشط القلب
محمد:حتى ركبي هرو
فات بنوبة ضحك بس محمد شايل عليه من عقلو
محمد:ليك انا اشبعت بدك احاسب
اسير:لا انا بحاسب وين حابب تروح
محمد: وين مابدك بس المهم خليني بالشارع
اسير:يلا اسبقني مو تغمز البنات
محمد:غطيت عيوني ها مشان لا اغمز حدا
طلع يستنى اسير وشغلو لتنين سكاير وكملو مشوارهن الشوارعي اشترو قهوة على الطريق وشوية حلو وما خلى بنت تعتب عليه اتمايزهن بالدور وخلص مشوارهن عند لغروب اسير فات ياخد التعليمات من فاروق بيك ومحمد ناطر اي اوامر وبعد نص ساعة طلع اسير وسلم محمد سلاحو
محمد:وين
اسير:لمعلم بدو نرجع للفرع
محمد:يخلينا هون والله السهرة بجنب المسبح بتشرح القلب
اسير:مشي خلصني
سحب اغلب العناصر اسيرر وكملو للفرع مسافة طويلة لوصلو ودغري للاستراحة لبس بيجامة مع انو كان من عشاق الموبايلات هلا اتعود على وضعو اتمدد وريح حالو
........
كان أسير عم يعطي التعليمات لحتى يفوت ويريح حالو مع انو الو غرفة خاصة بس هو حابب يتطمن على أصيل فات لغرفة العناصر ودغري لعند أصيل الي نايم والعرق متصبب على جبينو
العنصر:بلش اخونا
اسير:هيك مبارح صابو
العنصر:مدامو على جنبو مارح يزيد بس ينام على ظهرو بيصرعنا
قعد جنبو مراقب نومتو
اسير:بيصرخ يعني
العنصر:لا بيحكي حكي مو مفهوم وكانو حدا مطاردو بمنامو
اسير:انا رايح اجيب مخدتي والبطانية
العنصر:منصحيه شو شغلتنا نحرس اصيل
ما أمن ابدا هو شايف أصيل زلمة معدل وصاحب موقف سهر على موبايلو واول ما زبط نومتو اصيل انتبه اسير وراقبو وبلش يكوبس بس دغري قعد جنبو وبالغصب لحتى صحي بس كانو كان يركض مسافة طويلة
اسير: لا تخاف صحيتك دغري خود اشرب مي
اتجلس بهدوء شرب مي وبلش ياخد نفس طالع نازل
اسير:فيني افهم شو بتشوف كليوم
محمد:مابعرف ما بينوصف
اسير:ولي عليك شو بتشوف
محمد:كل الي بتزكر بكون على صدري وبدو يخنقني وانت هلا صحيتني دغري فل
اسير:بسم الله الرحمن الرحيم
محمد:..
اسير:ما شفت شكلو
محمد:لا بس كان شباك جنبي مفتوح وهو حط ايديه على رقبتي وشد
اسير:من ايمتى صابتك هالحالة
محمد:زمااان
اسير:انت يوميا بتكوبس
محمد: اي
اسير:يعني معقول مس
محمد:في احتمال
اسير:وكيف اول مرة صابتك
محمد:ما كنت بالبيت كنت مقلع
أسير:اي وشو صار
محمد:مابتزكر بالتفصيل بس كانت الدنيا غروب رحت للسهل ويمكن نمت بس اصحيت بنص الليل وبتعرف عتم وحسيت انو في حدا معي بالمكان بس ما اقدرت ارجع ولا حتى انام
اسير: وليش كنت مقلع
محمد:الله لا يسامحها عمتي لكبيرة اتهمتني اني متحرش ببنتها وبابا ضربني وقلعني
انصدم اسير من كلامو
اسير:و؟؟؟
محمد:شو بدي فيها اصلا لو بشوفها بالشارع ما بعرفها وما كنت وسخ لهدرجة
اسير:وبينت الحقيقة
محمد:بوقتها حتى عمامي ما دريو شو سبب التقليعة بس بعد اسبوع اتدخلو ورجعوني ولحد اليوم بكره عمتي وعمتي بتكرهنا
اسير:يعني ما بينت الحقيقة
محمد:لا وبابا بوقتها ما يخليني اقرب من اخواتي البنات
اسير:انا هلا اعرفت اديش عندكن حنية
محمد:اي كتير حناين على بعض
اسير:انت لازم ترتبط بوحدة من عالم تاني وتروح تبعد عن كل هالبشر
محمد:مو شايفني مشتاق الهن كتير
أسير:لا حقك والله اصيل انا اول ما شفتك قلت هاد قلبو حجر ومابيعرف الحنية
محمد:جردوني منها😂
أسير:بس انا ما توقعت تكون متعرض لهيك ظلم
محمد:بنظرك مظلوم بنظر غيرك ظالم انا عندي رفقات كتير بس ولا مرة حكيت قصتي لحدا وحتى الي بيعرفوني مابيعرفو عني إلا الشغلات الظاهرة
اسير:معك حق تكون كتوم شو الواحد بدو يحكي معهن
محمد:نحن البشر منزعل
اسير:ليش بقى
محمد:منقاتل على كلشي وبالنهاية منطلع من هالدنيا ب ولا شي
اسير:اي والله سادء بدك ترجع تنام
محمد:والله ياريت
اسير:انا كل ما احس انك بلشت بصحيك😂
محمد: يكتر خيرك
اسير:لهيك انت ضروري تتجوز مشان تضل تصحيك
محمد:بس اتجوز ما بقى انام
اسير 😂حقك يا عمي طاقاتك رايحة هيك😂
محمد:انت والي بيعلق معك
لسير:نام نام يلا قبل يجيك😂.
محمد رجع يحاول ينام وأسير لسى مصدوم من الي حكاه
بقلبو:اكيد كان صغير وكيف اتحمل العتم والخوف في اهل حرام يكونو اهل مبين بعمرو ماحدا معطيه حنية
لاول مرة بزعل على حدا هيك مع انو زلمة معدل وبكفي ما بيشهد زور
اتزكر كيف بوقتها اسير اتهم محمد انو مفتش بأغراضو الشخصية وعاقبو بتمارين قاسية ونوبات مكثفة وتاني يوم في عنصر اشتكى على اسير واتهمو انو بياخد مصاري من العناصر واستدعو اصيل للتحقيق
بوقتها اسير خاف وحس انو رح ينتقم منو
فاروق:انت ما بتكزب اصيل
محمد: امرني سيدي
فاروق:انت شفت انو اسير اخد مصاري من كم عنصر
محمد:لا ابدا
فاروق:بس زميلك حكى انك كنت شاهد
محمد:انا ما شفت ومافيني اشهد على شي ما شفتو
اتنفس براحة اسير وفاروق بيك ضل يحقق بالموضوع لحتى عرف انو تهمة باطلة ومن وقتها اسير بلش يتقرب منو واكتشف انو معدنو دهب وابن اصول
.........
قصة #عشق_الأصيل 9
القسم التاسع
بقلمي:مايا الحجازي
كانت سيدرا معزومة عنا وطبعا هي ضيفة وانا لفاية وقت اتزكرت الخطبة وانو انا بالاسم انخطبت قلبي غص محمد مختفي وكل الي عم يصير ضدي ولولا الخوف من اهلي كنت رميت الدهبات وتركت ويكون شو مايكون صاير معو وانا رفعت سقف احلامي وقلت رح اعيش معو قصة حب ويصير يسمعني حكي حلو
بقلبي:اي انا كنت بدي اتعرف عليه اكتر وليكو مختفي لا حس ولا خبر شو هالحظ هاد
ضيفت سيدرا وعزمي قهوة وقعدت على قلبهن وحسيت سيدرا اتدايقت
ماما:بلسم؟؟خلصتي شغل
بلسم:اي كلشي جاهز بس الطبخة بدها تطبيق
ماما:ماعندك شي
بلسم:لا
ماما:طيب تعالي شوي
رحت اشوف شو بدها
بلسم:شو بدك
ماما:اتركيهن لحالهن
بلسم:لا مارح اتركهن وبدي أقعد على قلبهن
ماما:بتغاري يعني
بلسم:لا بس شو لازمة هالحركات وع فكرة سيدرا عرفت شو بدك مني وجكارة بالكل رايحة اكبس على نفسهن
تركتها مصدومة مني وارجعتلهن
سيدرا:اي صحيح حلو عفش بيت عمي
عزمي:اي بجنن
سيدرا:بس العريس بحالو مو مبين
عزمي:مابعرف شو احكي
سيدرا:ليكون بيعرفو وينو وهو قاصد يختفي عننا نحن
عزمي:لا ما بظن هيك
سيدرا:معك المفتاح
عزمي:اي
سيدرا:خلينا نروح نشوف البيت
عزمي: بس لنشرب القهوة
سيدرا:انتي بلسم لا تشوفيه مو منيح😂
بلسم:لا رايحة بس جكارة فيكي
خلصو القهوة ورحنا سوى وسيدرا بلشت تعطي رأيها من اول ما دعست بالبيت
سيدرا:معقول هاد بيت عمي الي كان خارج الخدمة
عزمي:حلوو
سيدرا:مو انت زبطتو بجنن
عزمي:بس مو مني المصاري ها
سيدرا:اي بس حلووو وجابو غرفة نوم
عزمي:لا حكو انو لازم محمد يختارها
سيدرا:وديكور لغرفة النوم والله ما الك حظ الا شوي
بلسم:...
بقلبي: فاضية لحالك واصلا ما همني البيت كل همي نعرف شي عن محمد وازا صرلو شي رح يكون فالي نحس عليهن حتى المطبخ عجب سيدرا
سيدرا:ياي نيالك والله رح اصيبك عين
بلسم: اي والله الحق معك
اتمايزت ايدها المشبوكة بايد اخي
عزمي:لسى المضافة على احلى
مع انو سيدرا طار عقلها بكلشي انا كنت اتفرج بدون نفس سكر البيت عزمي وراحو يتمشو شفت سيدرا كيف سحبتو من ايدو وحتى ما عزموني ضليت اتاملهن ورحت لاشكي ل ستي كانت قاعدة برى وتتامل الجو سلمت عليها وقعدت جنبها
ستي: يسعدلي هالطلة الحلوة
بلسم: رح اموت يا ستي
ستي: سلامة قلبك يا عيوني شو صاير لك
بلسم:ليش انا ما عم اتهنى بحياتي
ستي:انشالله بيرجع وبتتغير كل نفسيتك
بلسم: انا غيرانة من عزمي وسيدرا
ستي:هههه وهي بتكون غيرانة لانو رح تسكني ببيت بجنن
بلسم:انا مو هامني البيت ولاشي بس بدي اعرف وين مختفي
ستي:روقي يلا وبكرى لحتى كل البنات يتمنن يكونن بمطرحك
بلسم:ستي ازا تركت شو رح يصير
ستي:لا يوه تكسري بخاطر عمك وبيت عمك ويفكرو انك عم تفاولي على ابنهن
بلسم:ازا بين رح اترك
ستي:مو عيب
بلسم:اي ما بحبو
ستي:ههههه انا كنت اكره جدك بس بعد سنتين من زواجنا صرت أحبوا حب واغار عليه حتى من النسمة الرجال لمنيح رزق من الله
بلسم:ومحمد منيح
ستي:بصير لا تخافي ولا بقى تقولي بدي اترك وتشمتي فيكي الناس
بلسسم: مابدك تيجي علينا
ستي:والله اليوم تعبانة
بلسم:لكن رح اجي اتتغدا معك
ستي:اهلا وسهلا
خطة مني لحتى ما ياخدو راحتهن وهيك رح تتغدا معهن امي بفكروني جدبة
جهزت ماما الاكل واخدت الي ولستي مع انو اتبرعت سيدرا تجيب ستي بس اناا رفضت وحسيتها انقهرت😂المهم ما يتغدو سوى
...........
بيوم الإجازة كان عم يجهز حالو قبل بيوم حلق شعرو ودقنو متحمس وبدو يطير من الفرحة سكر على اغراضو بخزانتو الخاصة وقفلها وقع الإجازة من أسير وودعو وبطريقو للبيت بالمواصلات لانو مفلس وما سدء ايمتى صار باب الفيلا دق الباب وفتحت روز وبس شافنو اخواتو شهقن وامو انصدمت وهو مابيعرف غيابو كيف اثر عليهن لتلات ركضن عليه وغمرنو وهو لسى مصدوم
سلام: اصيل مو مسدءة عيوني مو مسدءة
حنان:لك خبرنا وين كنت
ام مهران:الله يسامحك انقلبت حياتنا ونحن على اعصابنا
نزل مهران مو عاجبو رجعة اصيل وكيف ملهوفات عليه بس ما بين انو مزعوج سلم عليه
مهران:وين كنت ولاه دورنا بكل مكان
محمد:في مجال ارتاح شوي
مهران:منستناك
ام مهران:ربع ساعة اكتر لا
طلع ل غرفتو في كتير شغلات لازم يعملها اتحمم ولبس بيجامة ونزل لتحت كان واصل ابوه ودغري سلم عليه وباس ايدو
ابو مهران:والله ماسدءت انك اجيت فكرت بيمزحو
مهران:وين موبايلك
قعدو كلهن واول ماا جابت القهوة روز شغل سيكارة واتنهد
محمد:انسرق مني
مهران: واشتري بدالو
محمد:مامعي مصاري
مهران:وراتبك
محمد:بعبي فيهن وحدات😂
مهران:طيب وين كنت
محمد بتحدي:صرت من عناصر فاروق بيك
هالاسم صدم مهران وكيف مافيه يصدمو هو بحارب الفساد وبلاحق كل حدا خارج عن القانون
ابو مهران:مرة وحدة
مهران:فاروق بيك ما غيرو
محمد:اي
ابو مهران: والوضع كيف
محمد:انا ما توقعت يكون لهدرجة متواضع بعاملنا كأننا اولادو
مهران:وانت؟؟!!
محمد:انا عنصر مميز عندو
مهران:وكيف لحتى انتقلت من عند ضياء بيك
محمد: فاروق بيك طلبني بالاسم
مهران:...
ابو مهران: واديش اجازتك
محمد: كالعادة
ابو مهران:اسبوعين
محمد: اي
ابومهران:مع انو نويت اجوزك هالإجازة
انبسط كتير وطاقة فرج وانفتحتلو
محمد:بس اموري
ابومهران:نحن جهزنا البيت وباقي بس غرفة النوم وجهاز العروس
مهران: الإجازة الجاي
محمد:انا فيني امدد الإجازة لشهرين
سلام:اي يا اصيل خلينا نفرح فيك
ابو مهران: وشو ناطر
محمد:ما فكرت انو ناويين
ام مهران:لا خلص بدنا نفرح فيك واشوف اولادك كمان
ابو مهران:وكيف بدك تمدد الإجازة
محمد:قائد الحرس مارح يرفضلي طلب
مهران:اوف وصاير عندك واسطات
محمد:واسطة تقيلة هالمرة وبيتحكم بالفرع بالكامل
مهران:....
ابو مهران:لكن رح اتصل ببيت عمك ونحدد موعد
محمد:بكون احسن
مهران:ومعك رقمو ل قائد الحرس
محمد:ولو هو الي معي
ام مهران:شو ناطر ابو مهران خبر بيت اخوك وخبر مرت عمي بكون بالهن لسى مشغول
مهران:روح اشتري موبايل مو حلوة تضل هيك
محمد:لبكرى انا غرفتي عم تناديلي
ام مهران:ع لتمانية انزل بكون العشى جاهز
محمد:ابشري
سلام: اشبع نوم بدنا نسهر معك
محمد: انشالله
طلع ل غرفتو يحلم ب قسط راحة زمان عنو
.....
كانت ماما عم تحكي مع بابا وضحكتها شبر
ماما:عنجد ...ايمتى...وهو حكى معك.... كتير منيح.....لا لسى ما جهزنا شي ..... مابعرف المهم انو رجع اي لاروح لعند مرت عمي واهنيها بسلامتو
عزمي:محمد رجع
ماما:اي وعمك خبر ابوك وكانو العرس بهالاسبوعين
انصدمت لا انصعقت
عزمي:وبابا
ماما:مستحيل يحضر بتعرف انت كيف سافر لاخبر ام عامر لنروح نهني ستك
خبرتها والتقينا فيهن وبطريقنا لبيت ستي مبين معها خبر لانو فرحانة لدرجة
ماما:الحمد الله ع سلامتو
ستي:الله يسلمك ويسلم عيلتك من كل شر
ام عامر:والله افرحنا بس وين كان
ماما:مضيع موبايلو ومنتقل لفرع جديد
بقلبي:هاد الي كان ناقص
عامر:ومقررين يجوزوه
سيدرا:اوف بهالسرعة
ستي:اي احسن بيتهن جاهز وخلينا نفرح فيهن
واتحولت السهرة لبيت ستي عمتي وسعدية وانا ناطرة اي اتصال منو نتناقش بالعرس الي ما علاقتي فيه
عزمي وعامر بس سمعو بسيرة لجهاز طلعو
عمتي:لا يوه انا بعرف محل تياب كل قطعة عندو اغلى من التانية
ام عامر:بس لازم تاخدي بلسم معك احسن ما تضلي رايحة جاية
سعدية:اي المقاس مبين
سيدرا:لا في تياب لازم العروس تختارها
عمتي:عروستنا اخر همها
ستي:يمكن مو مسدءة انو رجع
عمتي:يلا كم يوم وبتكوني بحضنو
خفق قلبي بقوة
ستي:الله يهنيهن يارب
سيدرا:عمتي شفتي البيت
عمتي:لو مو الدنيا ليل كنت رحت
ام عامر:يلا يوم تاني حتى انا ماصرلي اشوفو
سعدية:يلا بتنعزمي يوميا عند امك
ستي:لا يوه اصلا بدي اقفل عليهن
سيدرا😂بتخلصينا منها بتغار من حالها لانو
ام عامر:عيب وليه
سيدرا:اي قاعدة على قلبنا انا وعزمي
سعدية:هي لانو الخطيب كان مختفي
رحت لاعمل قهوة وبطريقي اتسمعت على عامر وعزمي
عزمي:بشوفو بالتلة وما بسدء
عامر:وانا متلك
عزمي:المشكلة ما بيحكي شي مارح نعرف وين كان
عامر:شو قصدك
عزمي:في من ورا غيبتو شي وقصة ضياع الموبايل ماعم تخرط مشطي
عامر:انت ادرى كانو الكل دريان
عزمي:اي صاير حديث المجتمع
عامر:بس مو حلوة تتجوز بلسم بغياب عمي وهي وحيدة
عزمي:يلا المهم عمي يحضر عرس سيدرا 😂
عامر: وانا يعني يلعن عمري
عزمي:ليكها سعودة فوت طبقها
عامر:اي انا بس اسمع باسمها بتروح كل رجولتي بالارض
عزمي:😂مثلا بدك عروس اسمها جميلة
عامر:لا اي اسم بس مو سعدية إنا مو مشاان شي مشان ولادي بكرى ما يتعيبو باسم امهن
فرطت ضحك على جنان عامر ورحت لاجهز القهوة وكانو مو متسكر على سيرة لجهاز وانا بعالم تاني ومابعرف مو مستوعبة انو بدي اتجوز خلال اسبوعين
........
كان بيتنا مكركب على جية بيت عمي ولو مارح ينزلو عنا ومو بس بيتنا الحارة كمان وصلت سيارة وفيها غرفة نوم وكان عامر وعزمي مهتمين بكلشي والمسا وصلو بس ما كان محمد معهن ولا مهران بس عمي والبنات ومرت عمي والا تخليني ماما اروح استقبل وكل وحده معها شنته كبيرة الظاهر المنافسة رح تكون مو سهلة وجايبات نص تياب المدينة معهن اخدت دور العروس ع الاخر وما دقرت ولا شغلة وبدي اتواصل مع محمد باي شكل بلكي يتاجل العرس لو شهرين او تلات اجتمعنا بغرفة ستي نحن البنات وحنان مستوية لانها بشهرها
سيدرا:اشتقنالك وليه
سلام:وانا كتير مو شوي
حنان؛وانا
سيدرا:هههه وانتي بس مو الك لحالك ل يلي ببطنك
حنان:اااخ لا تزكريني ميتة من تعبي
بلسم:ليش ما اجى محمد
حنان:اه مشتاقة لحبيب قلبها
سلام:عندو مشاغل مشان العرس
بلسم:وما اشترى موبايل
حنان:اي اشترى بس بدو يطالع شريحة جديدة على نفس الرقم
سعدية:ومبسوط
سلام:مو قاعدين بقلبو اسالي بلسم هي متربعة بقلبو
سعدية:عروستنا قالبة خلقتها
حنان:اي معها حق هي ناطرة العريس ويكون اللقاء بوس واحضان
سيدرا:😂اوبااا
سعدية: ياترى مين رح يسبق التاني
حنان: المشتاق اكتر
بلسم:وايمتى جاي
سعدية:اتحمست بلسم
بلسم: انا مسايرة قلة ادبكن ما اكتر
حنان:ما بعرف بس عم يجهز امورو
سلام:هي متعودة هو يزور التلة ونحن نكون مرافقينو مو العكس
سيدرا:بس رح يصير عندا غرفة نوم كلها مرايا😂
سلام:مشان كيف ما لفت تشوف اصيل
بلسم: انا بقول تسكنن معنا احسن
سلام:لا يوه منستحي
حنان:😂مو بلا
سعدية:وبعدين بدك تاخدي راحتك
سيدرا:والاغراء يشتغل شغلو
بلسم:مأثرة فيكن المسلسلات التركية
حنان:اي بالاخص جان دخيلو عضلاتو
بلسم:يا حبيبي وجوزك بيعرف انك بتحبي عضلات جان
حنان:لا يوه بس الكن بحكي
سلام:تحكي مع اصيل
بلسم:بلا خط؟
سلام:لا اكيد مهران معو
بلسم:لا مافي داعي...فرجني لتياب الحلوة
سلام:انتي جهزتي
بلسم:اي بس ما خلصت
كنت خايفة وعم يفسرنها انو شوفة حال مع انو ولا عبالي وكل حكيهن تلميح ارجعت للبيت مع ماما لانو عزمي سهران مع عامر وقلت بشكيلها بلكي تلاقيلي حل
بلسم:بدك تنامي
ماما:اي بكرى يومنا طويل العرس الاسبوع الجاي
رجفو ايديي
بلسم:ماما كانو مستعجلين
ماما:لانك رح تسكني جنبي مو مهتمة لو بكرى العرس
بلسم:بس انا خايفة
ماما:هاد مو خوف حبيبتي هاد خجل وكل عروس بتمر بهالمرحلة
بلسم:لا انا خايفة ومقبوض قلبي كمان
ماما:لا تضحكيني بلسم
بلسم:انا بحس انو ما رح نتفق انا ومحمد
ماما:ليش شو الزواج خناق ولا مقاتلة تفاهم وحب والاهم من كل هاد الاحترام الزلمة بدو يحس بقيمتو
بلسم: انا مو فايتة لعقلي
ماما: شو هي الي مو فايتة لعقلك
بلسم:زواجي منو انا ما حكيت معو طوال فترة الخطبة ما بعرف عنو الا شغلة وحدة انو سرسري
ماما:ايوا من وين اطلعتي بهالحكي اتخيلي عمك وولاد عمك جايين وشو الست بلسم مابدها وحجتها ما حكت معو
بلسم:اي شو ها لخطبة وشو هالعرس انا حاسة أنها لفلفة والسلام
ماما:جهزي حالك بكرى بدنا نخلص لجهاز
ما اخدت منها لا حق ولا باطل وتاني يوم رفضت اروح معها لاي محل رجعت مع مرت عمي هلكانة واجت سيدرا تتمختر والا تشوف شو لتياب
سيدرا:😂اي هاد اسمو جهاز
ماما:دخيلو الي بيفهم مو متل هالعنيدة
بلسم:يا حبيبي شو هاد
ام عامر:تياب
بلسم:وليش كلو مكشوف لك شو هاد انا مستحيل اللبس هيك شي
ام عامر:ونحن هيك كنا نحكي
ام عزمي:وصرنا نفتل بالمحلات وندور على شي يناسب زوقهن
سيدرا:😂 يعني بكون لعزمي زوق خاص
ماما:اي لكن انا بجهازي ماما جابتو اغلبو طويل قصيتهن بالمقص
سيدرا:😂 يا عيني
ام عامر:خلص وليه
سيدرا:😂 شوفي بلسم ما احلى هالشورت ولا هالحفرة رح يطلعو عليكي غير شكل
ماما: شوفي ما احلى هالقطعة
ام عامر:اللون الاحمر بجنن على بلسم
بلسم:اي رجعيهن أنا هدول ما بلبسهن
ماما:بلا جنانك
سيدرا:بعد شهر منلاقي بلسم عند ماجدة وتختار على زوق محمد
وفرطن ضحك
قلدتها ومقهورة منهن
وبس اندق الباب طار عقلي لميت كل هالقطع لمشرشحة
وخبيتهن وسيدرا وماما فرطانات ضحك ومنيح ضبيتهن لانو برى عزمي ومحمد واهلو اخجلت كتير وانا مخنوقة من هالظروف كلها وبدي معجزة لحتى ما يصير هالزواج رتبت الشالة وفاتت مرت عمي والبنات وهو واقف مع عزمي
بلسم:فوتو
عزمي:اطلعي استقبليه
كنت مترددة وعزمي كمل لعند عامر اطلعت لعندو بس ما اطلعت فيه
محمد:كيفك
بلسم:الحمد الله
مد ايدو ليسلم بالاول اتفقدت باب البيت واطمنت ما حدا منهن ع الباب ومديت ايدي وسحبني لعندو
محمد:اي شو هالحلاوة لازم ما ترتبي حالك
بلسم: ليش بدك يحكو اني مهملة حالي
محمد:لا مشان تفرقي بعد العرس
بلسم:...
محمد:وكانو مبارح متعشي عندكن؟؟
بلسم:ليش
محمد:اسالي حالك
بلسم:الحمد الله ع سلامتك
محمد: مبين مضروب مزاجك
بلسم:,...
محمد: انا رايح مع الشباب
بلسم:
محمد:بدك تخلصي مني
بلسم:مين حكى
محمد: انا بختبرك مفكرة جاي مشتاق الهن
بلسم:فوت
محمد:لا بعرسك انشالله
بلسم: ليش ما اتصلت
محمد:قلت بعملها مفاجئة
بلسم:انت قررت
محمد:لا والله اهلي بس قرارهن اسعدني
بلسم:يعني بدك تفوت ولا
محمد:خايفة ع ايدك ما باكلها
بلسم:شوف نحن برى
محمد:ومين الو عنا
بلسم:طيب خلينا نقعد
محمد:برجع بكونو راحو
بلسم: لانو بدي نحكي
محمد:بامرك منحكي
بالغصب لترك ايدي واتاريهن على الشباك وميتات ضحك وانا كتير اخجلت
سلام:تاني مرة خلي ايدك معو😂
حنان:مبين متولع فيها
سيدرا:ولا كيف أتطلع فيها
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`