الفصل 11
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عشق الأصيل`*
*❴🔢❵الـــبـــــــــــ❴1️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
بلسم:كتير
نوارة:كيف بدك تتركيها
بلسم:لا ما بقبل بدي اسكن عندها
عامر:العب يلااا
عزمي:منعمرلو غرفة فوق ع الاسطوح
سيدرا:بتقيل
محمد:اكيد لا
نوارة:ليكو البيت جنب البيت
سلام:ودوامو
محمد:بلكي اتركو
عامر:ساعتها بترضى عليك ام جود
بلسم:...
سلام:روقونا بقى
عزمي: مطولة عندك انتي
بلسم: شو بدك
عزمي:كل تيابي بالغسيل وبوطي بدو مسح
بلسم:بكير ع الغسيل
عزمي:لا مو بكير يلا ع البيت
اوامر عزمي مع ضحكات سيدرا وسلام خلت محمد يعصب وفات لجوى .
......
كنت عم ابكي بحرقة ودموعي ما نشفو خلصت غسيل واطلعت نشرتهن وضليت ع الاسطوح حطيت راسي على ركبتي وكملت بكي اي بدي اهرب من كل هالدنيا انا مابدي حدا واي لو انخطبت لايوب كان احسن وازا ما بتنتهي هالخطبة مابكون بلسم
بلسم:😭 مابدي اياه وبكره كل هالعيلة لكن انا اصير مسخرة سلام وسيدرا وعامر
- الي بيحكي قدامهن كلمة بينفصح ومبارح اتمنيت اموت وما يحكن بماضي محمد أسمعت خطوات ودغري اتجلست وع اساس خلصت نشر وما كنت اعرف انو محمد الا وقت سعل
محمد:خلصتي
بلسم بدون نفس:اممم
محمد:شبكي بلا
بلسم:شو بهمك
محمد:شو مزعلك انا يعني
بلسم:معقول يكون حدا غيرك
محمد: نطلع مشوار
بلسم:لا يسلموو
محمد: مستاهلة تبكي مشان غسيل
بلسم: انا بنص عقل منيح
محمد:ليش قالبة خلقتك فيني افهم
بلسم:وازا بقلك منك
محمد:والسبب
بلسم:كلشي
محمد: انا تاركلك التلة
بلسم:بكون اريح
نزل دغري خفت من ردة فعل اهلي ليروح يحكيلهن اوقفت عند الدرجات واسمعت ماما
ماما:وين رايح
محمد:عندي شغل
ماما:عم اطبخ مشانك
محمد:يسلمو بس بكفي
ماما: مو بدكن تطلعو مشوار
محمد:اي بس ما زبطت
ماما:ليكون اتخانقتو
محمد:معقول
ماما:يمين عظيم ما بتروح ....بلسم ..يا بلسم
انزلت دغري واتاريها واقفة عند الباب لحتى ما يروح
ماما:جهزي تنين قهوة الك ولمحمد
محمد:...
ماما:فوت مشاني يلا
طاوعتها غصب عني وهو استحى يضل يجادل فيها جهزت القهوة بعد بهدلة طويلة عريضة ورحت لعندو وهو مو اعند مني الا شوي ضيفتو ودغري بعدو من قدامو
بلسم:...
محمد:ازا مشاني الغدا طفو عليه
بلسم:انت بتعرف انو مبارح كنت مصدر مسخرة ل سيدرا وسلام .....وانت السبب
محمد:وشو علاقتي
بلسم:لااا بس طالعو ماضيك كلو وصارن يتمسخرن حتى على لولاد الي رح نجيبهن
محمد:بتتعيبي فيني
بلسم:لا بس ازا اختك حكت عليك ولو تشوف ضحكة سيدرا
محمد:شو بدك يعني
بلسم:بدي توقف هالمسخرة
محمد:....
بلسم:😭مبارح وقت انا حكيتلك بعد عن عزمي ما رديت بس وقت سيدرا حكت ل عزمي دغري طاوعها وكمان جايبلها هدية بتجنن
محمد:قلتلك مافي داعي للمقارنة
بلسم:وهي هلا عم تزبطلو هدية
محمد:شو بدك بلسم خلصيني
بلسم:بدي افهم ليش خطبتهن غير عن خطبتنا
محمد:مابعرف يمكن هي راكضة ورا اخوكي
بلسم:بدك اركض وراك يعني
محمد:بدي تحلي عني وبس
بلسم:اوف وليكون جبرتك على حالي
محمد:لا انا فرضت حالي فرض منيح
بلسم:ليش معصب اه
محمد:لانو النقاش معك عقيم
بلسم: ازا هيك الخطبة انا اكرهتها
محمد:من ايدك بلسم من ايدك والله
بلسم:مابقى اتحمل هالمعاملة
محمد:شو احكي انا مابقى اتحمل نشافة وشك وطريقة كلامك لكن بتتعيبي فيني
بلسم:انت ما اسمعت ضحكتهن ما اسمعت شو حكن عليك
محمد:انا صاحب العمايل انتي ليش متحسسة اكتر مني
بلسم:لانو هني قاصدات يصغرني
محمد: والمطلوب بلسم
بلسم:...
محمد:بدك نترك
بلسم:..
محمد:منترك ازا بدك انا كنت ناوي ع الاستقرار مو على الهم والغم
بلسم:طيب ليش ما جبتلي هدية فخمة
محمد....
نفخ كل نفسو
بلسم:ليش مبارح وقت قلتلك بعد عن عزمي ما رديت
محمد:لانو ما بمشي من تحت اوامرك
بلسم:طيب اشرب قهوتك
دففشها بايدو وكبها
محمد:قهوتك ما بتنشرب
حسيت جسمي عم يخدر وخفت يزيد الزعل وامي عرفت انو انا السبب
دغري وقف كان عم يسكرر الجاكيت وانا اوقفت وعند الباب قبل يفتح منعتو
بلسم:طيب خلينا نحكي
محمد:بشو؟
بلسم:انا غيرانة
محمد:من الاخر
بقلبي:مابدو يجيبلي
محمد:هي من الاساس كانت الك بس لحمار خربط بالعنوان وبعتها لبيت عمي وعزمي كان هنيك وسالني وحكيتلو خلص خليها ل سيدرا لانو مفكريتها منو ووصيتلك على وحدة تانية ومشان لا تزيد الحساسية قلتلو يغير شكل العلبة وتكون اكبر واغلى افهمتي هلا
فتحلي على محادثتو مع صاحب المحل
كان كاتبلو المسا بتكون عندك واسف مشان الخربطة الي صارت
بلسم:طيب فوت لا تضل واقف
محمد:لا انا راجع بكفي
بلسم:😭انا متدايقة والله
محمد:من ايدك بلسم
بلسم:لا تروح خليك
محمد:انا مليت بدي ارتاح كم يوم قبل تخلص اجازتي
بلسم:بوعدك هي اخر مشكلة
محمد:...طيب منحكي بعدين لازم اروح اشوف تحسين بدو اياني
بلسم:مابدك تشرب القهوة
محمد:ازا ما صفي قلبي منك ولايمكن ادوق من تحت ايدك شي
بلسم:مارح تيجي ع الغدا
محمد:مابعرف
فتح الباب وطلع ضليت واقفة عند الشباك شفتو كيف سلم على بابا ع الماشي وضل مكمل لحالو
نظفت مكان القهوة ورجعتهن للمطبخ طبعا ماما تتزاورني
ماما:انتي لوين بدك توصلي
بلسم:لا ولا مكان
ماما:الزلمة شاريكي
بلسم:ليش انا شو عاملة
ماما:حرام عليكي الي عم تعمليه والله انو ادمي ومافي منو
بلسم:خلص انا وحدة ما بسوى ارتاحو انتو
ماما:الله يهديكي يارب
بلسم:ولشو المقلوبة
ماما: عازمة خطيب بنتي
بلسم:وخطيبة ابنك
ماما:وعزمي معزوم على مقلوبة
بلسم:طيب ليش ما عملتو عزيمة جماعية وببيت ستي
ماما:غير مرة انشالله
بقلبي:ازا ضل
........
بالكرم قاعد لحالو مهموم ومقهور هو بيعرف انو كل حركاتها وحكيها لحتى يتركها هو
بس قلبو مو مطاوعو
محمد:يعني واقعة بين نارين والا بتترك شو هالمخلوقة بتحكيلي غيرانة وانا الي وصيت على اغلى انواع الشوكولا لنشوف يا بلسم لوين رح توصل معك
زمرلو امين ودغري انتبه
محمد:حول
امين:فكرت معك الخطيبة
محمد:لا والله
امين:اي شبك ولوو
محمد:شايفني عم انتف شعراتي
امين:في احتمال😂ازا ضليت بالتلة
محمد: وين رايح
امين:فتلة بالحارة
محمد:فتلني معك لكن
عملو جولة ماشي امين بهدوء على الموتور وعم يتبادلو الحديث
محمد:اخطب شو ناطر
امين:ليش ما بتعرف انو مطول دوري
محمد:انت مبين عروستك جاهزة
امين:بستنى كمان
محمد:ولايمتى
امين: لحتى تفرج لانو ازا امي ما وافقت مارح يصير خير طمن كيف هالخطبة
محمد: ماشي الحال
امين:😂بلا جد مو حلوة
محمد:عم احاول اتأقلم على الاهتمام
امين😂يااااخ مبين مطلعة قلبك
محمد:لاااا انووو مطالعة قلبي هنية الله يهنيها
امين:😂😂😂
محمد:دهورتنا ولاه
امين:بس حليان ع الخطبة
محمد:يحلى وبرك ازا صحيح
امين:وبتنام ببيت حماك
محمد:لا عند ستي
امين:وايمتى بدنا نفرح فيك
محمد:مابعرف والله
امين:وناوي تسكن ببيت ستك
محمد:مو مفكر حاليا وين اسكن
امين:شو بدك تتغدا اليوم
محمد:معزوم عقبالك
امين:الله يسمع منك
قضى لنهار معو مطنش اتصالات عزمي لكتيرة
...........
صحيح وصلت الهدية بس كانت طالعة من نفسي وعزمي اتصل فيه كتير لانو الغدا جاهز بس هو مطنش وماحدا يقنعني موبايلو بايدو بس مابدو يرد
بابا:مارد
عزمي:اتصل انت
بابا:بتفرق
عزمي: اكيد بتفرق
زورني عزمي
ماما:روح مشان لا تتاخر على العزيمة
عزمي:ماشي
بلسم: ومشان ستي
ماما:روحي انتي جيبيها بكون اجى محمد
ما الي نفس بشي بس مجبورة تركت الهدية برى ما اتكلفت افوتها لجوى ورحت لبيت ستي كانت عم تتوضا
بلسم:ناطرينك نحن
سلام:ليش اجى اصيل
بلسم:اتصلي فيه انا انسيت موبايلي
والقهر انو دغري يرد عليها
سلام:اصيل وينك ...منستناك يلا اي لا تتأخر
بلسم:شو
سلام:بالمزرعة مع امين وهلا جاي
ستي:يلا انا خلصت
اطلعنا وسكرت ستي الباب
سلام:تخانقتو
بلسم:لا ابدا
سلام:بس احساسي خبرني غير هيك
بلسم:...
وقت شافت الهدية استغربت
سلام:يييي شو حلوة الك
بلسم:يمكن ل عزمي
سلام:مبين الك اكيد غيرانة من سيدرا وطلبتي هدية
بلسم:شو عرفك
سلام:حسيت
طنشتها فاتو لجوى بس انا ناطرة الافندي لحتى جابو امين لباب بيتنا ما شبعو من بعض ضلو يحكو وشوي اجى بنفس المود
محمد:شو بتعملي
بلسم:ماكنت ناوي تيجي
محمد:شو حلوة الهدية
بلسم:..
محمد:هلا وصلت
بلسم:من شوي
محمد:منفتحها سوى
تبادلنا نظرات ابدا ما بتشبه الحب او الحنية شلتها وفتنا لجوى حطيتها ب غرفتي كانت ماما وسلام بالمطبخ وساعدتهن اتعشينا وماما وبابا مهتمين فيه كتير وبعد العشى انعزمنا على سهرة ببيت عمي الشي الي خلى سلام تهتم بحالها وفاتت ل غرفتي تزبط حالها وانا كنت مشغولة بالمطبخ خلصت جلي واطلعنا سوى غريب مضافة بيت عمي مضواية وما كنت بعرف انو سهرت العرسان لحال نحن فتنا للغرفة ولمحت سيدرا معها عصير ورايحة للمضافة اطلعت ب محمد الي مشغول بموبايلو بس الي متأكدة منو نحن ما منشبه المخطوبين ابدا داق خلقي بس ما اظهرت انو مو عاجبني وقبل تروح تجهز مرت عمي الشاي امي تبرعت
ماما:بلسم روحي اعملي الشاي
ابتسمتلها ورحت ومن حالي قررت هي اخر زيارة الي لهون اجت سيدرا ومبسوطة
بلسم:شو انسيتي كاسة
سيدرا:لا بدو يدخن عزمي
بلسم:..
سيدرا:سو بتعملي شاي
بلسم:شو رايك انتي
سيدرا:ووين اتغديتو
بلسم:ليش بتسالي
سيدرا:اكيد مو لحالكن
بلسم:لا مع العيلة
سيدرا:لكن ما جربتي الرومنسية بالاكل
بلسم:وفي رومنسية بالعصير
سيدرا:يييي شي بجنن
بلسم:طولي بالك مو منيحة تكوني قاتلة حالك عليه
سيدرا:ليش غيرانة ليش ما عملتي جو الك ولمحمد
بلسم:تركت الحب الك.
سيدرا:اي متل مابدك
كنت بقمة القهر بس مجبورة اتحمل
.........
بالمضافة كان قاعد ومستني سيدرا الي مهتمة فيه كتير
شغل سيكارة فاتت وسكرت الباب
عزمي:هون اهلي
سيدرا:اي قبل اجيب العصير اجو
عزمي:يلا نسهر معهن
سيدرا:لككك ليش
عزمي:حكي وحكينا ما ضل شي
من حالو قرر وطلعو بسس هالشيي دايق سيدرا قعد مع محمد وعامر وستو تتاملهن كلهن ومبسوطة فيهن جابت الشاي بلسم واخدو عنها عامر وقعدت بعيد عن البنات
ابو عزمي:شو عامر ما نويت
عامر:لا بكير
ابو عامر:ونحن بدنا نفرح فيه
طبعا اطلعوا ببعض هو وسلام واتغير لونهن
ام عامر:يأشر على اي بنت
محمد:اسعيلو ب عروس ستي
نوارة:شبها سعدية
عامر:اهووو علينا خلص مابدي حدا انا
ام عزمي:لو بعرف كنت جبت كمان بنت
عامر:😂الله يصلحك
بلسم:انا ما بقبل اختي تكون كنة ل سيدرا
سيدرا:صحلك اصلا اكون بنت حماها
بلسم:😂سدءت اصلا منيح انو ماعندي اخت
بيلسان:ياريت عندك اخت كنت اتسليت معها
محمد:ههه انتي ستي شو رايك
نوارة:منيح بلسم وحيدة لانو رح تظلم اختها.
عزمي:اوووف ليش بقى
نوارة: لانو بلسم اخدت كل جمال العيلة ومارح تحصل شي
سيدرا:هلا بيكبر راسها هيك ومو متحاكية
سلام:امبلا وعمتي متلها
عزمي:يعني اتخيلن كل وحدة منكن طالعة لعمتي بلسم ل عمتي وصفية واكيد سيدرا لعمتي بدرية
سيدرا: لااااا ما بقبل
بلسم:امبلا متلك هيك نحيفة😂
نوارة: بناتي ما بيسوو يعني
محمد: منيح اتجوزت
نوارة:يوووه صحلكن
محمد: الله يصلحك يا ستي كنت شلتي شي تقيل وروحتيها
ابو عزمي:هههه حرام هالحكي
محمد:او اندعست وهي صغيرة😂
بلسم:كان عنا شهيدة هلأ
عزمي:ستي سفر وكل ما تتزكر ولادها وبديع بتبكي
نوارة:اي والله الله يردلي اياهن بالسلامة
محمد:وكيفت مات جدي وهي صغيرة
عامر:اي يا حرام ترملت صغيرة😂
ام عامر:عيب يا ولاد
محمد:امبلا كان جابتلها كمان بطنين😂😂
بلسم:بكون من جيلنا هيك
محمد:يلا خيرها بغيرها
انفجرو ضحك
عامر: ستي خلينا نجوزك لواحد معو مصاري
عزمي:محمد معلمك ابوه عايش
محمد:بس طالبها اصغر من ستي بسنة
ابو عزمي:يا عيب عليكن هيك اخرتها
ام عزمي:خليهن بيمزحو
محمد:بس يمكن ما تلاقي فستان حلو
سلام:قفطان بيلبق الها
نوارة:عن شو بتحكو
محمد:عن جدي الله يرحمو
نوارة:الله يرحمو
محمد:عم اسالهن بشو زفوكي ستي
نوارة:لا تزكرني
عامر:😂فتحتلها جروحاتها
محمد: اكيد بمرسيدس
ابو عزمي:لا كان على ايامهن على حصان
محمد:😂😂اتاريها اميرة
بلسم:وحلوة ايامكن ستي
نوارة:كانت ايام بتجنن بس انا كنت اكره جدك
ابو عزمي:ايوا انتو على شو ناويين
عامر:نعرف قصة حب ستي العميقة
محمد:كان يبوسك ايام الخطبة
نوارة:كنت اقرف منو
صوت الضحك واصل لاخر الدنيا حتى ابو عزمي وابو عامر
عزمي:محمد عيب عليك
محمد:يعني ما استفرد فيكي .
نوارة:لااا كنت قوية وواعية
محمد:كفوو والله
عامر:طيب مادامك بتقرفي منو من وين جبتي هالتشكيلة الحلوة
ام عامر:خلص ولاه استحي
محمد:بالغلط صح ستي
نوارة:لا بعدين صرت احبو
سلام:طمنتينا
سيدرا: وليش صرتي تحبيه
.نوارة:طالعني من عند اهلو وانا كنت اول كنة بتطلع لحالها
محمد:بيلبقلك والله
نوارة:وبعدين اتعودت عليه واكتشفت انو زلمة والو قيمتو بالتلة
عامر:بس لازم تحكيلنا كيف خطبك
نوارة:يووه زمان ...كنت انا وبنات من حارتي نجيب للبقرة عشب
محمد:وكان خيال لا تقوليلي
نوارة: اي كان عندهن خيول عربية اصيلة وهو الابن لمدلل عند اهلو شافني مع البنات وسألني بنت لمين انتي وانا كنت غشيمة خبرتو ودغري بعت اهلو يطلبو
محمد:عنجد قصة عميقة بقرة وعشب وخيول
عزمي:وعرس متل هالوقت
نوارة:اي وزفة كمان
محمد:وطولت خطبتك
نوارة:لا اسبوعين كنت عندو
محمد:يلا بالرفاه والبنين انشالله
ابو عزمي:وبتحبك اكتر واحد
محمد:بتحبيني ستي
نوارة: الله يحميك ماعندي اغلى منكن
محمد: كلنا مو واحد
........
مليت كتير وما سدءت ايمتى قرر بابا نرجع للبيت وسلام علقت ببيت عمي
سلام: خليكي بلسم
بلسم:لا بكفي
سيدرا:خليكن منلعب شدة
كانت قاصدة عزمي
عزمي:لا بكفي هاد المنظوم علمني انام بكير
عامر:خليكن بلا منتسلى
محمد:انا عازميتني بلسم على سهرة
استغربت بس ما حكيت
عامر: ايه حقك لكن
سيدرا:خليك عزمي
عزمي:غير مرة
سلام:لا تنساني اصيل
محمد:الواحد بنسى موبايل جزدان مو سلام بحالها
سلام:😂
اطلعنا سوى انا وعزمي ومحمد بس عزمي سبقنا ونحن ماشيين على مشية ستي
مدلي ايدو وما رديتو وكالعادة حطها مع ايدو بجيبة الجاكيت
بلسم: شو عدا ما بدا
محمد:وقت اللمس ايدك بسدء اننا خطبنا
بلسم:منيح ما اشربنا قهوة
محمد:ولو عملوها كنت مارح اشربها الا من تحت ايديكي
بلسم:لا تخاف عامليني خدامة العيلة
محمد:ستي بدك تسهري معنا صح
ستي:جيب بلسم وتعالو اسهرو عندي انا تعبانة
محمد:مارح نطول
ستي:لا تخاف انا عيوني عشرة على عشرة عليكن
محمد:يلا لكن معزومة عند ستي
بلسم:مارح تشاورهن
محمد:ع أساس نوصل ستي
بلسم:وهو هيك
وصلو اهلي بالاول ونحن كملنا لبيت ستي وكالعادة ستي فاتت ل غرفتها بعد ما توضت وانا جهزت القهوة ودغري لعند محمد كنت مستعجلة تركت الباب مفتوح وقعدت جنبو
محمد:بتعرفيلي شو قصة سلام
بلسم: أنو قصة
محمد:معلقة ببيت عمي ابو عامر
بلسم:الحيايا بلتمو على بعض
محمد:😂بلا جد
بلسم:لو مو مخطوبة كنت شكيت
محمد:لا انا متاكد
صدمني
بلسم:من شو
محمد:يمكن تمرق نظراتهن على واحد اجدب
بلسم:لااا مو معقول
محمد:ولو كزبت عيوني كل حركاتهن بتدل على شي واحد
بلسم:قصدك حابين بعض
محمد:مافي غير هالحكي
بلسم:وانت متدايق
محمد:بدي اتدايق اكيد مع خطيبها شحم ونار وهي هون ولا عبالها
بلسم: بس هي صغيرة ع الخطبة
محمد:هي بقى ما دخلني فيها
بلسم:وشو قصدك
محمد:هي اخر زيارة للتلة
بلسم: ومشان عامر
محمد:لو ما شايف منها اهتمام ولا يمكن ترف عينو عليها
بلسم:اتاريك بتحلل
محمد:يعني مفكرة ماشية الشغلة عليي
بلسم:...
هزيت راسي ببراءة
محمد:دخيل هالحركات
بلسم:يعني بتنشرب قهوتي
محمد:مو بس قهوتك وبتتاكلي
وقبل يقرب مني دفشتو
بلسم:هييي ليك ستي قاعدة
محد:مارح تحكي
بلسم:محمد بربك
محمد:انتي الي بربك خليني ابوسك بوسة وحدة
بلسم:شو كل شوي برأي
محمد:لو انك جاية على كيفي لاخليكي ملكة ع الكل
بلسم:...
ابتسمت لكلامو
محمد:هاتي بوسة يلا
بلسم:انت بترضاها عليي
محمد:اي
بلسم:وشو رح تحكي ستي
محمد:انتي وافقي انا رح ابين انو ما دخلك
بلسم:وليش هلا حبكت
محمد: لانو ستي موجودة مشان لا ازودها
بلسم:يعني ما
محمد:هههه لا بمون على حالي والا ما بتركك على طول
بلسم:لا انا مابحب
محمد:يلا اسمنها عم تصلي
بلسم:😂 قوم صلي احسنلك
محمد: يلااا ولوو
بلسم: شو اعمل انا
محمد:قربي شو بدك ارمي حالي رمي عليكي
بلسم:لااا انت مو معقول وما لازم اصالحك
قربني منو غصب عني حسيت قلبي رح يوقف من الخوف واخجلت من هالموقف
بلسم:لا بقى تعيدها
محمد:وبوسة منك ترويني
بلسم: يلا تعال وصلني
محمد: حاضر
سبقتو لباب البيت وكان يحكي مع ستي
محمد:ما بطول ربع ساعة
ستي:اي خود مفتاحك معك
محمد: تصبحي على خير
اطلعنا سوى كان في هوى ومتغير الجو والا يفوت يكمل سهرتو عنا وعزمي سهران على موبايلو فتنا عليه
عزمي:وين طولتو
محمد:لحتى اشربنا قهوة
عزمي:فوت
محمد:بس مابدي اسهر معك
عزمي:الله معك
سكر عليه الباب
بلسم:وين بدك تسهر لكن
محمد:عندك بالغرفة
بلسم:مو مرتبة
محمد:احسن
بلسم:..
محمد:والله لو غرفتي لاعزمك عليها كل شوي
ما عجبني كلامو بس طاوعتو شغلت الضو ورتبت شوية كركبة بس هو يتمايز كل الغرفة
محمد:بتنحسد غرفتك
بلسم:ع فكرة فهمانة عليك
فات لنص الغرفة
محمد:نيال هالمرايا .
بلسم:بس ليك ما حبيت الهدية
محمد:لانك ما فتحتيها
بلسم؛ازا متل هدية سيدرا مابدي
محمد:خلينا نشوف
قعدنا جنب بعض كان عم يفتحها وحبيت التصميمة كل انواع الشوكولا وبعدها علبة فيها قالب شمع ومكتوب اسمي بلسم واسمو اصيل وورد جوري مجفف
محمد:حلوو
بلسم:كتير
محمد:بتشبه هديك لهدية
بلسم:لا ابدا بس ايمتى زبطها
محمد: شغلتو
بلسم:مو لانك جبتلي هدية بس انا من زمان عاملة هاللفحة
طالعتها من خزانتي واعطيتو اياها
محمد: شغل ايدك
بلسم:اي
محمد:مارح ابرد بعد اليوم
بلسم:عجبتك
محمد:مو كانت بخزانتك ومعششة فيها ريحتك خلص هي احلى واغلى هدية بتجيني
مسكلي ايديي
محمد:بكفي هالانامل نسجوها
بلسم:كنت خجلانة منك حسيتها مو حلوة
محمد:هي رح تواسيني كل هالفترة
بلسم:...
اسمعنا صوت باب انفتح ودغري سحبت ايديي وعزمي طل علينا
عزمي:ياعمي الهدايا لناس وناس
محمد:هات حاسب عن هديك
عزمي:😂😂الله يسعدك سامحتني
محمد:تعال لقلك
تعالقو بمزح وعزمي ضيف حالو شوكولا
عزمي:طيب..... اخطبني انا
محمد😂بنفع يعني
عزمي:ازا هيك الدعم بنفع
محمد:انت شو جابك
عزمي:شكيت بشي مو نظيف
محمد:وانت مين شك فيك
عزمي:انت اوصل لنص اخلاقي
محمد:يلا حرك من هون
عزمي:طيب اسهرو بالمضافة
محمد:لك خلص لا تترجاني انا رايح اجيب سلام
عزمي:لو ما كزبت ع سيدرا كنت رحت معك
محمد:تعال وبتتخبى
عزمي:وانت جبتها
محمد:تعالي بلسم
عزمي:اي ناقص كم خطوة ليصيرو مية😂
اطلعنا سوى نفسيتي اتغيرت لانو الافندي روق طلعت سلام وطبعا عامر وعزمي متخبي عن سيدرا ومحمد مو عاجبو
محمد:فوت اتضبضب يلا
عامر:لك ليش ما اجى عزمي
محمد:بالاول لحتى نطمن شبعت سلام من سيدرا
سلام:يلا بخاطرك سدورة
بلسم:فوتي سدورة لا تنلفحي
سيدرا:نايم عزمي
محمد:اي مكوع😂
سيدرا:سلمو عليه
محمد:تعالي سلمي عليه وبوسيه كمان
عامر:حرك انت اصلا بلا ترباية
فاتو وسكرو ونحن كملنا بس طلع عزمي خافت سلام
سلام:لك من وين اطلعت
عزمي:هههه كنت ماشي بنومي
محمد:اسم الله عليك
بلسم:😂😂
محمد:بلسم خبي المفتاح عنو ليروح يفضحنا 😂يطلع بلا تياب
بلسم:محمد مشان الله خلص
عزمي:خفتي
سلام:عنجد ماشي بنومك
عزمي:ها شوفي
محمد:مبين غفيان يعليي
سلام: ليش عم تتمسخرو
محمد:اعويلكن شوي
هربنا لانو صرنا عند بيت عمي ابو مهران
محمد:😂ما اسرعكن مشالله
بلسم:ما بتترافقو
عزمي:فوتو
سلام:لا حاجتنا
محمد:كملي عند سيدرا
بلسم:يلا لا تتخانقو
سلام:باي بلسومة
محمد:شو هي يا عيون امك
سلام:بلسومتي
محمد:بلسمك ابو ملعون
عزمي: بلسمة محمد
محمد:ونقطة انتهى .. تصبحي على خير حبيبتي
متت من خجلي
بلسم:..
عزمي:وانت بخير حبيب
بلسم:وانت بخير
سلام:ايه الله يثبت علينا
اتنفست براحة ودغري لغرفتي صورت الهدية وبعتتها ل سيدرا
بلسم:حلوة؟؟
سيدرا:بتجنن
بلسم:شوفي اسمي شو حلو
سيدرا:ايمتى وصلتك
بلسم: اليوم
سيدرا:تتهني
بلسم:الله يهنيكي
.......
تاني يوم جاهزين للسفر رغم انو سلام ما بدها بس محمد حسم الامر بكلمة وحدة
محمد:حاجتنا
سلام:طيب انت جاهز
محمد:اي
سلام:وستي؟
محمد:عزمي ما بيتركها
سلام:تكة وبجهز
رغم انو حاولت فيه ستو بس هو مابدو يتعلق بزيادة بالتلة راح تمشاية يودع عزمي ودغري حزر انو راجع
عزمي:لك وين
محمد: مطلوب حي او ميت
عزمي:بربك
محمد:بكفي
عزمي: خليك كمان
محمد: الإجازة الجاي دغري لهون
عزمي:بتشرفنا
طلعت مرت عمو
ام عزمي:ليكون بدك تمشي
محمد:اي مليتو مننا بس خجلانين
ام عزمي:يوه بيتكن ومطرحكن وبالعكس سليتونا
محمد:شو وين بلسم
ام عزمي:بتجلي
عزمي:فوت فوت ودعها
شلح البوط وفات بالاول اتأملها بس بعدها بعد نظرو كانت بتياب البيت بلوزة وبنطلون وبدون شالة
محمد:احم احم
انتبهتلو وكانها اتلبكت
بلسم:ا..اهلين
محمد:لو بعرف انك مشغولة مافتت
بلسم:لا عادي
كانت تنزل عن زنودها ومسحت على شعرها
محمد: قبل امشي حبيت اودعك
بلسم:تروح وترجع بالسلامة
محمد:حاكيني ها
بلسم: انشالله
صارت قريبة منو كتير مدلها ايدو
محمد: ضلك منيحة
بلسم: وبأنو معنى
محمد: لتنين
بلسم: ماشي هلا طالعين
محمد:لحتى تتزبط انديرا غاندي
ضحكتها حركتلو مشاعرو
محمد:وصيني
بلسم: مابدي غير سلامتك
محمد:الله يسلمك
بالزور لحتى ترك ايدها وطلع وهي لبست شالة وطلت من الباب
عزمي:البسي متل الخلق
بلسم:وين رايحين انتو
عزمي:نودع خطيبك
محمد:بس يزعلك هالدب خبريني
عزمي:😂اي اوصلت
......
ازعلت لانو رح تتغير كل الأجواء واصلا عطول بيعملو جو بعودونا عليهن وبروحو ما بقى كملت شغلي ضليت ناطرة لحتى شفتهم طالعين من الحارة واختفو وصار الجو كئيب كتير
......
قصة #عشق_الأصيل 8
القسم الثامن
بقلمي:مايا الحجازي
بطريقهن للمدينة كان يطفي سيكارة ويشغل سيكارة لوصلو بعد مسافات وتعب صفط السيارة وقبل ينزل الشنتة اعترضوا مرافق مهران
جراح:لمعلم ناطرك بمكتبو
محمد:هي وصلتي
جراح: مابعرف هيك الاوامر
اطلعت فيه سلام ومستغربة
محمد:فوتي خلص
ضل يستنى لحتى فاتت
محمد: وشو بدو فيني معلمك
جراح:هنيك بتعرف
محمد:ومافي مجال ارتاح
جراح:هيك الاوامر
حاوطوه كم لوح واتاملهن لانو ولايمكن يقدرلهن
محمد:طيب لنشوف
ركب بسيارة من سيارات مهران مع مرافقة كتيرة
بس ما كان متوقع شو بدو فيه عند مكتب مهران نزلوه كان بدو يمسكو من ايدو بس دغري محمد سحبها منو
محمد:اوعك تحاول تلمسني
وطلع بسرعة للمكتب فات ووراه تلات من رجال مهران كان قاعد ورا مكتبو ومبتسم بخباثة
مهران: اصيل في ديارنا يا مرحبا يا مرحبا
محمد:هي وصلتي من التلة
مهران:تك تك يعني ما ارتحت
محمد:شو بدك خلصني
مهران:له له كانو جبتوه بطريقة محترمة
جراح:نحن مشانك معلم
مهران:لازم مشاني شحطوه متل الكلب لهون
محمد:لوين بدك توصل فهمني
مهران:شوفو شغلكن
بالاول صد اول ضربة بس بعدها اتحكمو فيه وخلوه يركع واجى مهران وقف قبالو وخلى رجلو بمستوى نظر محمد
مهران: فرخ ورح تضل فرخ لتموت
محمد:هي مو مرجلة
مهران:لا مو مرجلة بس لحتى تضل متزكر هاد مستواك عند كندرتي
مهران:...
كان جراح ماسك أيديه ومثبتهن ورا ظهرو لهيك مشلولة حركتو
محمد:متأزمة حالتك يعني
مهران: وقلت بتسلبط اصيل لانو عريس
محمد:انا لحد هاللحظة
مهران:داعس على راسك وبكيفي
محمد:شو بدك او لشو بدك توصل
مهران:بتعرف ليش حرضت بابا ما يخليك تكمل دراسة.....لانو بعرف ازا اتعلمت رح يطلع منك شغلة كبيرة
محمد:....
مهران:اتعبت مو
محمد: كتير مو شوي
مهران:يلا شباب الحديث عائلي
تركوه ضل بمكانو جلس حالو واتامل مهران وخباثتو
مهران:اوقات بسال حالي لك ليش مو طايق اخوك يا ولد ما بيطلع معي الجواب
محمد:شو بدك مني مهران
مهران:جلس لنتفاهم
قعد ورا مكتبو ومحمد رتب حالو وقعد طبعا شغل سيجارة وحكى بكل ثقة
مهران:بتتشلح خطيبتك
محمد:ها شو قلت
مهران:دهبها
محمد:بأي حق
مهران:بحق انو انت دوبك تطالع حق رغيف خبز
محمد:بس المصاري من بابا وأنا كأني ابنو
مهران:بس انا ما كنت موافق
محمد:موافقتك برجلي
مهران:اوعك يا طرطور ضياء بيك تغلط
كأنو بركان ثار جواتو واتزكر بأي طريقة سلموه لضياء بيك وشو كانت الغاية
محمد:مو بكيفي بنجاستك صرت لتمشي صفقات سم الهاري
مهران:وطي صوتك بمكتبي
محمد:لك والي خلقك وخلقني ما بتركك عايش لحظة ولابكي عيون امي عليك
مهران:لاااا بعرفك حنون
محمد:والله قلبي صوان
مهران:انا طلبت
محمد:شو بدك
مهران:دهبات خطيبتك
محمد: ما ضل شي تطلبو
مهران:لكن انا تخليني اقنعهن وبعدها انت وابوك وامك تلعبو عليي اتفاقنا كان غير هيك
محمد:اتفاق شو وانا وين كنت
مهران:ما بتتلبس كل هالدهب
محمد:ولا قوة بالارض بتخليني اخدهن منها عم تفهم
مهران:لكن بيتقيمو وبتحولي اياهن
فات بموجة ضحك بتشبه القهر
محمد:انت بتحكي جد
مهران:وجد الجد
محمد:انا مفلس
مهران: المشكلة السيارة صارت من املاكي
محمد:وانا ماعندي شي
مهران:كيف ماعندك
محمد:مافي غير تبيعني قطع
مهران:لاااا انا ما بتحمل اشوفك مقطع ولوو لساتو دم الي بعروقي ماصار مي
محمد:حللت يعني
مهران:😂اخ منك بحب مزحك
محمد: انا ميت من تعبي
مهران:وانا ميت من قهري ومن اللعبة الي العبتها عليي
محمد:بشو احلفلك ما دخلني واصلا امي الي كانت معنا
مهران:بيترجعو اسرقهن منها مو شغلتك
محمد:..
غمض تعبان وهلكان
مهران:معك مهلة شهرين وساعتها لا تلومني يا ابن رسلان
محمد:يعني امشي
مهران:مشي اوعك تفكر حدا رح يوصلك
محمد:...
طلع من المكتب متحلف ل جراح اكتر شي ومو ناسي مهران بنوب
ليرجع للبيت منطفي متجاهل الكل وناسي سيرة حياتو كلها رمى حالو بهمومو على التخت وغمض بس ما كان يحلم احلام منيحة كان يكوبس وكل احلامو مطاردة وحيوانات مفترسة.
......
بالتلة الدنيا ليل وصوت بس تنبيح لكلاب
سهران امين ومولع نار وبجنبو ايوب وساكتين بعد لحظات نطق ايوب
ايوب:قال وصل ابن ابو مهران
امين: ما حكيت معو
ايوب:ما بيحكي مع حدا بس يكون بالشغل
امين:اجازتو ماخلصت
ايوب:يومين وبتخلص....بتعرف اني ضربت فيه تقرير
امين:ليش انت من جماعة التقارير
ايوب:احيانا بطير اولاد صغار
حكى بكل ثقة
امين:انت من عقلك بتحكي
شغل سيكارة وبتحدي حكى
ايوب:الا ما تسمع انو نقلوه
امين:اوف وشو بغير ازا انتقل
ايوب:وقت يفوت لمكان فيو فاروق بيك انسى رح يصير يلمع صبابيط
امين:بتعرف انو هو رفيقي وما بهون عليي فيه
ايوب:اي الحرامية بحبو بعض
في متل.... يا الله على راس لساني ...اي السارق من السارق ك الوارث من ابيه
امين:سرقنا حمارة جدك 😂
ايوب:اصلا شوفي مشاكل دور وراها بتلاقي أصيل اس البلا
امين: أصيل لك والنعم من أصلو لك زلمة فشرو كل زلم التلة يتشبهولو انا مابنكر انو بزمانا شلينا التلة بس هلا الكل بيضربلو تعظيم سلام
ايوب😂هون لانو ابن ابو مهران وحتى انا ما بخفيك بخاف من مهران لانو ابن حرام بس هنيك اصيل مسيح جوخ وراكض يلمع صفحتو عند ضياء بيك وانشالله ينتقل هالمرة لعند فاروق بيك ليتمنى يرجع لعند صرماية ضياء بيك
امين: عمي من الآخر ازا بدك تحكي على محمد بالعاطل فرجيني عرض كتافك
ايوب:خلص خلص لا تنسعر بس شوفلي كيف التلة مضواية
امين:والله اليوم التلة بدون بهجة بدون هيبة
ايوب:اي حاجتك كش خوتتنا بأصيل وبطيخ
امين:ليضل شوكة بحلق كل العالم
ايوب:ويكون ملعقة شو باثر😂
امين:يارب دخيلك رح يموت غيرة
ايوب:فشرت وأصلا تاركك تحرس متل الكلب
امين:مع السلامة يا حمامة
ايوب حقق مرادو وهو حكى ليوصل ل محمد الحكي في حال استجاب فاروق بيك وضمو لرجالو كان متمني تزبط لو بالصدفة ليتكبر على محمد رغم انو محمد مو طالب ينافس حدا بس ايوب ماخدو ند الو وبدو يتحداه ع الطالعة والنازلة وببالو بلسم وهلا التلة رح يتجول بطولها وعرضها ورح يتمعشق ب غياب محمد
........
بعد يوم طويل العيلة كلها بانتظارو بس هو مستغرق بنوم عميق دقت الباب سلام وفاتت كان نايم على بطنو ومغطي راسو تحت لمخدة
سلام:اصيل من مبارح انت نايم حاجتك نوم
ما اتحرك لهيك حركتو من كتفو
سلام:بابا ناطرك خلصنا
بعدت لمخدة كان غرقان بالنوم ونفسو تقيل
عند ادنو همست
سلام:بلسم ....بلسم
فتح عيونو شوي وحرك رجليه
سبام:يخرب بيتها اكلة عقلك الانسة
محمد:مين
سلام😂ستي
محمد: شبها ستي صرلها شي
اتجلس باهتمام
سلام:😂لا بتسلم عليك اخي من مبارح حضرتك نايم
محمد:شو اليوم
سلام:خميس والساعة تمانية المسا
محمد:بربك
سلام:والله فكرتك متت😂
محمد:عظم الله اجرك لكن
خربطتلو شعراتو
سلام:دخيلو الفايق والرايق
محمد: في اكل ميت من جوعي
سلام:شو سفرة على كيف كيفك
محمد:يلا لكن لا حدا يدقر شي الا لانزل
سلام:بامرك اصيل بيك
تركتو يغسل ويزبط حالو لموعد مع جيني لبس قميص اسود وجينز واخد الجاكيت ونزل
ام مهران:الحمد الله شفناك
حنان:قلنا مات
نيفين: بعيد الشر
مهران: بيطلعلو عريس
رسلان: يلا عمي متنا جوع
ابو مهران:هي اول مرة منعمل اكل على شرفك
محمد: اتفضلو لكن
بلش بالاكل وسلام تدعملو صحنو وامو تتمايزو وتتزكر بلسم وكيف حليانة وعلى شو ابنها قاتل بدو اياها
ومهران متحلفلو
وابوه مبسوط لانو محمد سبب رجعتو للتلة الي كان بس ينزكرها يحس انو من سابع المستحيلات يفوتها
محمد: حنان زودي
استغربت لانو لسى ما شبعت
حنان:ليكني باكل
محمد:مو مشان شي مشان الي ببطنك
مهران:بنت فيها
محمد:بدي اصير خال ياعيني
سلام:وحنان بحالها رح تربيها
محمد:اي شو رح تطلع حنونة يمكن تمشينا على السكين
مهران:كانو وراك مشوار
محمد:اي عاوزني يعني
مهران:لا بس مبين مزبط حالك
ام مهران:ما خبرتنا كيف ...كيف ستك وعمامك
محمد:على ما يرام
مهران:بلش يتفصحن
ام مهران:وايمتى بدك تتجوز
محمد:بكرى ازا بطلع بايدي
ابو مهران:وليش ما بيطلع بايدك
محمد:اول شي بدي إجازة شهرين تاني شي ماحابب اسكن عند ستي تالت شي مفلس وهو الاهم
ابو مهران:الاخيرة لا تشيل همها
مهران رماه نظرات كلها غيرة
ابو مهران:ولشو تسكن عند ستك خلي عزمي يجيب ورشة ويرممو البيت من جديد
ام مهران ب صدمة:انت ناوي ترجع للتلة
ابو مهران: اكيد لا بس وقت اقرر انزل بلاقي بيتي احسن ما انام هون وهون
مهران:وبالنهاية بابا لمين
ابو مهران:لاصيل لمين يعني
مهران:اوووف الله يقرب الشام ع الصالحية
سلام:من طول عمرو البيت للصغير
مهران: والكبير متل لحمار يكد ولحيوان لصغير يحوش كلشي وقت بيحكو انو نفاق فعلا نفاق
ابو مهران: لا تطول ولا تقصر وين بدك يسكن اخوك يعني
مهران:بس نحن ما النا شي ومافي شي اتقسم وبدو يصير البيت لهاد السرسري
محمد:احسن منك انت بلطجي
نيفين:نحن ع الاكل ياجماعة
مهران:ولاننا ع الاكل لازم نتناقش شو ابو مهران بلاقيك متغير وصاير حنون عليه هاد الحرامي حرامي العيلة
ابو مهران:متل ما قلت يا اصيل بتحكي مع عزمي ومشان اجازتك انا بحكي مع ضياء بيك
ودغري وقف مهران بعد ما ضرب الملعقة بالصحن وطلع لبرى معصب طبعا مو لمكان ناطر يطلع محمد ليهددو وبعد انتظار طلع ومسكو من كتفو بجاكيتو وجرو
محمد:شو عم يصير معك فهمني
كمل فيه لوصلو لبرى الفيلا وبكل قوتو ضربوا لحتى خلاه يلسق بالحيط
محمد:ليش عم تطاول يا وقح
مهران:لك انت عم تلعب فينا على كيفك
محمد:كيف مين مبارح اوصلت ما اتواصلت مع حدا
مهران:لك انت بتعرف انو ابوك معطي ابو عزمي بهديك الحسبة مصاري ليجوز ابنو
محمد:....
مهران: وانا اسال حالي من وين الهن طلع ابوك كريم وشهم وياترى مين حننو عليه غيرك يا طرطور
محمد:هلا لاعرفت منك انا ما خصني وبين ابوك....الي صار ابي لحالي وبين اخواتو ما بتدخل
مهران:ولا رح تدخل يا روح امك شو بدك احسن من هيك بدك تعز اهل حبيبتك وعلى حساب تعبنا وقت الي طلع بابا من التلة طلع على عيونو طلع لانو ماحدا طايق وجودو
محمد:وشو محلي من الاعراب
مهران:والله لتندم
محمد:انت بتمون على ابوك انت اتحكمت فيني وتحت إشرافو او العكس
انا هلا حياتي مرهونة رغم انو واحد متلي ما بيرضى يكون مرافق واهلو عايشين بعز.....ازا انت بتنام دفيان وعلى ريش نعام غيرك بنام ميت من بردي وعلى فرشة الحجر انعم منها بتفوت للفرع بكل شموخ بينما انا واقف بالشمس وبالحر فكرك ما بتحسر على حالي نازل طالع بضرب تحيات بكلمة وحدة عم يجرجرني من مكان لمكان وعلى اوامر شو احكي؟؟ ليش ساكت
مهران:وقت عملت عمايلك بالتلة هيك بتكون النتائج بس انت ما حسبتها
محمد:عمايل مين أفضح تاريخك وتاريخ غيرك مين فيكن ما كان طايش انا يا عمي اتركوني طالعوني من الشغل وساعتها لا تطلعو فيني
مهران:الموت اقرب من انو تفتك من عند ضياء بيك
محمد:اي مصالحك ابدا وانا كبش الفدا تبع العيلة
مهران:ليك لا تخبص الدنيا بدي اعرف المبلغ الي ابوك وهبو لاخوه
محمد:وكيف بدي اعرفو
مهران: مابعرف مو شغلي المهم انا اعرف اديش معطيه
محمد:وازا اعرفت
مهران: انا بعرف كيف ارجع حق عيلتنا
محمد:...
مهران:اوعك تنقلع بالسيارة كمل مسيرتك مشي
ترك مهران واقف ياخد نفس وهو انصاع لاوامر مهران مو خوف بس جيني ناطريتو فتحتلو الباب وركب حدها حتى ما سلم كلام مهران عم يصول ويجول ببالو
جيني:هيك الخاطبين بيحلو
حطت ايدها على ايدو كان قلبو يدق بسرعة
جيني:بتعرف بعشق بروز عروق ايدك
محمد: شوفي عندك جيني
عضتلو على شفافها بجراءة
جيني:بدي استمتع بصلابتك
محمد:بتعرفي مورايق لشي
جيني:رح اروقك
محمد: قلتي في شي ضروري
جيني:وبدو مكان مغلق
محمد: حركي لا تضلي هون
لانو شاف مهران و معو مرتو وابنو
بطريقهن لكافيه هو بعالم وهي بعالم تاني تتأمل شرودو عصبيتو وحتى انفاسو السريعة حركات أيديه وهلا وقت غمض عيونو اخدت نفس طويل فايتة بنوبة عشق وصلو للكافيه ونزلو بالبداية استغرب بس دغري وصلتو المعلومة اخديتو لقسم فاضي بس الها والو
قعد يتأمل ديكور المكان عكسها كانت تتأملو هو وسارحة فيه
محمد:يلا احكي
جيني:مو قبل ما تبوسني متل هديك البوسة
محمد:بدها جو خاص انا منفعل شوي
جيني:له والمنفعل ما بيلفتو اي شي
محمد:بتعرفي لقرود
جيني😂 اي
محمد:عم تنط قدامي
ضحكت ضحكة عالية وهو مستاء لدرجة.
طلبت على زوقها مكسرات ومشروب ونزلت الها اركيلة حطت رجل على رجل نوع من انواع الآغراء الي ما ممكن يقاومها
جيني:ما فرجيتني صلابتك
محمد:بالاول احكيلي
جيني:بس بشرط
محمد:اشرطي
جيني: احضني
بالاول فكر بالموضوع ودغري حط ايدو على كتفها وقربها منو وهي اتخبت فيه
محمد:يلا وهي حضنتك
عضتلو على شفافها.
جيني: مابدك نجرب شي غير الحكي
محمد:متوتر كتير
جيني:اي انا حاسس انو اعصابك مشدودة
محمد:احكي جيني بلشت اعصابي تفرط
جيني:بابا يمكن يستغني عنك
محمد:معقول
جيني:اي
محمد:وكيف اعرفتي
جيني:....
محمد:كيف اعرفتي
جيني:بس اسمع باسمك بهتم لاي موضوع بخصك
كان يحكي بابا مكالمة والي فهمتو رح تنتقل من عند بابا بس لوين مابعرف
محمد:...
بقلبو: معقول
جيني:شو ليش ساكت
محمد:انا اصلا مو رايق مع اخبارك كملت معي
جيني:وانا كيف بدي اشوفك اتصبح بهالشخصية الحلوة واتمسى فيها ازا انتقلت ولا يمكن اشوفك
محمد:يمكن مجرد حكي مو اكتر
جيني:ما قلتلي حلوة الخطبة
محمد:...
كان عم يفكر بجواب لسؤال خلاه يتزكر حبيبة قلبو ام عقل صغير واتزكر مغامرات جمعتهن وبس وصل ليوم الخطبة ما اتحمل لانها كانت بتشبه الحورية بفستانها الاحمر
جيني:يا ويلي اديشك عشقان
محمد:شو عرفك
جيني:مبين وانا قلتلك ماعندي مانع المهم نكون مع بعض
محمد:بس انا مرتبط حاليا
جيني:مارح تخونها
محمد:انا بقدس اي علاقة بالدنيا خطبة زواج وحتى صداقة وبحس ازا خنت رح تخوني واتعاقب
جيني:يعني مارح يصير بيناتنا شي
محمد:مابعرف ولو في احتمال انا اليوم مستحيل ابادر باي شي
شال ايدو عنها واتكتف
جيني:انت شغلت بالك يمكن ما يكون صح
محمد:...
بقلبو:ويلي التلة ومين تركت فيها بالاخص ايوب ويلي مهران الي مترك العالم ولاحقني وويلي شغلي الي ممكن يتغير وحالتي تصير للاسوأ
ببالو افكار كتيرة
جيني: اصيل ركز معي
محمد:ياريت تتركو اصيل بحالو اوقات بس حدا يندهلي واتزكر حالتي ولوين اوصلت بقول معقول هاد انا وهيك عايش
جيني: ووقت بتتزكر شكلك
محمد:دخيلك انا ما بهمني شكلي وكيف الناس بتشوفني انا بهمني نفسيتي وكيف محطمة كل الوقت
جيني:لانك ما جربت تكون مع وحدة متلي تعطيك بحب وبدون ما تطلب
محمد: وانا مو لازم اعطي بحب
جيني:انت فيك تمنح مو بس تعطي...وبالدليل داعمتك بالمكسرات
محمد:انا بدون دف عطول برقص يعني اكسبي الاجر ولا تلمحيلي
جيني:يعني بتعرف انو عم اغريك بجمالي
محمد:وانا بهمني شكل الانثى الي معي وباناقتك لهيك بدي ما تزعلي مني
جيني:بس ما لحقنا حتى نشرب كاس سوى
محمد:ومين خبرك انو بشرب
جيني:في حدا ما بشرب
محمد:ما جربتو ومستحيل اجربو انا صحيح مو ملتزم بس بحترم ديني تخيلي شب اسمو محمد يشرب
جيني:وانا بحترم رأيك ووجهة نظرك بس لا تحكيلي محرمة المكسرات
محمد: لا محللة
اكل حبة وحدة وأشر للجرسون
جيني:انت ناوي تمشي
محمد:في معركة بقلبي وبعقلي وحتى ببطني
جيني:😂 وشو الاخيرة بلا
محمد:انا وقت اعصب بتتشنج معدتي كمان
جيني: لو طاوعتني كنت رح تعيش معي ليلة ولايمكن تنساها
محمد:يمكن بيوم اكون بحاجة حدا يحبني اكيد رح اكون بس معك انتي
طالع الجزدان
جيني:انا الي عزمتك
محمد:المرة الجاي خلص بتحاسبي انتي
وهو بيعرف انو اخر لقاء
كانت عم تجهز حالها حاسب و طلعو سوى
جيني:ليكون ناوي ترجع مشي
محمد:اي متعود
جيني:ازا خايف مني ما بعمل شي
محمد:مو هيك بس النفسية محتاجة مسافة طويلة وحوار بيت القلب والعقل
جيني: والمعدة
محمد:رح تدخل بيناتهن لا تخافي
جيني:رح اشتقلك ازا عنجد انتقلت
محمد:وانا رح استفقد الك كتير
جيني:هات غمرة طيب
محمد:والي حكيتلك اياه
جيني باستياء:على راحتك بس النا لقاء ومارح احل عنك ابدا ودعها وكمل مشي ومخربط وضايع بنفس الوقت بعد مسافة طويلة شارع مليان سيارات وقف تكسي ورجع للفيلا مو عاجبو الوضع ابدا
......
كانت السهرة عنا وسيدرا بجنب عزمي واكيد على غزل وحب عامر مشغل أيديه بالكتابة ولكبار صرعونا ما خلو اسعار ماخلو مواسم وحتى بلشن يجهزن ومن وين رح يشترن تيابنا وانا وحيدة وفكرة انو اتحركش ب محمد مستحيلة الاخ مسكر من يومين واكره شي عليي هو شخص معو موبايل وما بيفتح لانو مافي اي سبب بس اكيد تقلان عليي وفكرو اموت او ينقطع نفسي ما حزر وازا هيك الخطبة انتصرنا عنجد لاتحركش سلام
اوف متصل الآن اطلعت ب عامر كان مبسوط انا مو غشيمة عنو وكمان هو متصل يا حبيبي
بلسم:مرحبا يا حلوة
وطولت لحتى ردت
سلام:كنتنا الحلوة اهلين
بلسم:وين خطيبي الحلو 😂
سلام:هي وصلتو
صورتو وهو فايت للبيت انا ما اطلعت فيه كنت اتمايز باب الفيلا والأرضية كمان بعدين انتبهت للافندي
بلسم:ما بيحكي مع حدا يعني
سلام: ابعتيلو مسج عادي
بلسم:لا مافي داعي كان بمشوار يعني
سلام:اي
بلسم:سلميلي على مرت عمي وعمي كتير
سلام:وصل ولا يهمك
مو مسدءة يجي بعد بكرى وارجع لعند جورية كنت اتسلى واشوف شيمو دخيل قلبها والله اشتقتلها كتير
روتين يومي وباخر السهرة عزمي وعامر يرجعو مع ستي مشان يونسو وحدتها
اتزكرت انو محمد كان مستلم هالمهمة
..........
بعد مرور شهر
بمكتب مهران كان قاعد وناطر خبر عن أصيل اتصل فيه ضياء بيك دغري رد
مهران:اهلين ضياء بيك طولت عليي
ضياء:كنت باجتماع ضروري
مهران:شو مشان أصيل
ضياء:اخر شي راح للمفرزة ومابعرف
مهران ب حيرة:كيف يعني ما اجى قرار نقلو مثلا
ضياء:انت ليش مهتم فيه
مهران:موبايلو مغلق واول مرة بيختفي هيك فجأة
ضياء:فيك تسأل عليه
مهران: ضياء بيك معارفك كتار بالبلد
ضياء:بس انا خلص أصيل من عندي دور بفروعة تابعة للأمن العسكري
مهران:يعني مافي غير هالكلام
ضياء:اي
مهران: يعطيك العافية
بقلبو:شو بدي اخبر بابا وكيف ضياء بيك مابيعرف وين نقلوه وليش موبايلو مغلق بدي افهم
ضرب الموبايل بالارض ودغري طلع من مكتبو ووراه مرافقتو وصل للبيت ولعيون راقبتو بس طنش الكل وطلع ل غرفتو فاتت نيفين لعندو
نيفين:شو صار معك
مهران:مين بعتك
نيفين:الكل ناطر منك خبر
مهران:ليش مني
نيفين: ليش معصب عليي
مهران:اتركيني بحالي
طلعت وسكرت وصار يتمشى ويحاول يعرف لو طرف خيط عن اخوه بس كأنو اختفى اندق الباب اخد نفس ونفخو ب غضب
روز:مهران بيك السيد رسلان بدو يشوفك
مهران:شوي وجاي
شلح الجاكيت غسل ونزل لتحت والكل ناطر منو خبر
ابو مهران:وين اخوك
مهران:...
ام مهران:وهي صرلو شهر لا حكى ولا اتصل وين اخوك
مهران:وليش عم تلوموني شو صغير ابنكن مابيعرف يتصل فينا من حيلا موبايل
ابو مهران:ليش نحن منعرف وينو شو صاير معو
مهران:اتواصلت مع اغلب رفقاتو الكل بيحكيلي اخر شي راح للمفرزة لوين مع مين لصالح مين مابعرف
حنان:ليكون مخطوف
مهران:انتي هبلة الي بدو يخطفوو بدو يتواصل معنا مشان ندفعلوا
سلام:😭يعني مابقى نشوف اصيل
ام مهران: بعيد الشر عنو لا تفاولوو عليه
ابو مهران:انت بتتحمل المسؤولية
مهران:لك لا تجنني ضياء بيك وما بيعرف وينو شو اعمل
اروح ادور عليه
ابومهران:ليكون عامل فيه شي
مهران:لاااا انت مو معقول عم تتهمني يعني
ابو مهران:مابعرف قبل يطلع الضو بدي اعرف وين راح اصيل وين اختفى
طلع ل غرفتو معصب وامو متوترة ومبين انها خايفة عليه وسلام تبكي
مهران بقلة حيلة: اتصلي ب بلسم بلكي بحاكيها
سلام:ما دخلني ما بتصل بحدا
ام مهران: وين بدو يكون
مهران:ببين يعني واصلا خبر السوء دغري بتطلع ريحتو انا حسب توقعاتي اصيل انفرز وصار بغير محافظة
سلام: بلا موبايل معقول
حنان:يمكن مضيع موبايلو
ام مهران:معقول مو حافظ ولاا رقم النا
سلام:مابظن
حنان:ودوامو شهرين
ام مهرام: يعني بدي اضل كمان شهر مابعرف شي عنو
مهران:صبرنا كل هالوقت رح يبين بس لا بقى تتهموني فيه
طلع ل غرفتو تارك الكل على نار
.........
كنا طالعات من عند جورية غياب محمد بيقهر اخر ظهور بيجلطني وما بعرف كيف بدي اسأل عنو
سيدرا:اي بلسم شو اخر التطورات
بلسم:مع انك بتعرفي اكتر مني
سيدرا: معقول ما بتتواصلي معو
بلسم:تعدميني ازا بعرف عنو شي
سيدرا: سلام حكت انو يمكن يكون مخطوف
بلسم:لا ما خبرتني هيك
سيدرا:في احتمال
بلسم:لا ما بظن
سيدرا: من قبل ما كنا نعرف عنو شي بس ولا مرة سألنا عنو او انشغل بالنا عليه
بلسم:بس انا حاسة انو مافيو شي وهو متعمد الغياب
سيدرا: ما منقدر نحكم عليه من حالنا
بجية ايوب وعلى شوي كان رح يدعسنا
سيدرا:ما اوقحو
بلسم:رعبني والله
سيدرا:هاد مافيه دم
بلسم:رح اخبر شيماء عنو
سيدرا:😂شيماء قال ازا بيضربها كل كف بيعلم فيها اسبوع
بلسم:وانتي شو عرفك
سيدرا:جورية حكتلي بس مابدها اخبر حدا
بلسم:مشالله عندك للسر مطرح
سيدرا:استعجلي بلسم كانو صوت موتورو
فتنا دغري ل حارتنا بس هو ما استرجى يلحقنا التقينا ب ماما ومرت عمي قاعدات تحت شجرة التوت والتنتين مشبشبات ومتزبطات
بلسم:هههه وين رايحات
ماما:حردانات
سيدرا:احردن عند ستي
ام عامر:مو هي حرضت اولادها علينا
بلسم:😂تيتة ما بتعملها بس لوين رايحات
ماما:ولا على مكان بس عقوبة الهن
سيدرا😂بس طالع منظركن بيضحك
ام عامر:شفتي لك ام عزمي قال ام مهران بتسوانا
ماما:لك من طول عمرها بتحبهن قشة لفة بس ما تمدحهن ونحن هون شايلاتها على كفوف الراحة
بلسم:بحبشن وراها بتكون عمتي وصفية محركة الجو
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`