الفصل 10
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عشق الأصيل`*
*❴🔢❵الـــبـــــــــــ❴0️⃣1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
..
محمد:خلص والله مسحتهن
حذف الصور قدامهن
عامر: قسماً بالله انك بلا ضمير
محمد:حلو الزيتي على عزمي 😂
عزمي: أنا لو بعرف ع شو بتضحك كنت عدمك حياتك
محمد:هههه بس مو لابق لعامر لانو متل الشلمونة
عامر: وبعدين وبعدين
محمد:خلص وحياة شواربك مابقى اعيدها
عزمي:حقير وبلا ذمة يلا اشلح
محمد:والله مابهمني انا مابستحي
عامر:مارح نصورك بس بدنا نسبحك بالمي
محمد:حرام برد
عزمي: اشلح بعدين بتبكي
محمد:بس لا تكتر والله ما بتحمل
عامر:اي قرب وين بعدت
حممو راسو بالمي بالباردة ورشرشوه ع الاخير وهو يشهق من برودة المي وتركوه بحالو
محمد:انت اتغذا عظمك دبحني
عامر:هههه تضرب
محمد:وهاد جحاشي كتير الله يعين المبتلية
عامر: يا خفيف انت
محمد:انا متل الفراشة
عامر:بغل ع الحل
عزمي:لك وين راحن البنات
محمد:استحن من عمايلكن بعدين كيف بتمسكوني قدامهن
عامر:بس بلسم شالت همك
عزمي:لا استحت من عمايلك
محمد:من عمايلكن انا رايح مشوار برجعلكن
لانو سامع صوت موتور ايوب ومتاكد رايح لحارتهن ركب الموتور وبسرعة البرق للحارة ليشوف ايوب ناوي يرجع لانو محمد مسكر الطريق بحجار وتواجهو نزل ورماه نظرات كلها حقد
ايوب:منيح اجيت جاي اخبرك
محمد:مو جاي مجاكرة
ايوب:لا لا هالمرة جد اجيت لانو بدي اسالك ايمتى مسافر
محمد:وفكرك اخدك معي
ايوب:شو عليه
محمد:معي اختي لانو
ايوب:والله مالي خبر على كلا ازا أسمعت حدا بدو يرجع من الشباب
محمد:مارح اخبرك
ايوب:ليكون زعلان مني
محمد:انا ما بحط لواحد متلك قيمة بس انك عم تتحداني كبيرة
ايوب: بس الشارع املاك دولة
محمد:وبيتسكر بكيفي يا ابن جدوع
ايوب:له صار هيك الحكي
محمد:اي هيك
قرب اكتر وهددو
محمد:كرامة لانس مارح اجعلكلك هالوش البشع بس تاني مرة مارح تتوقع شو ممكن اعمل
ايوب:زورني
محمد:بعزاك انشالله
ايوب: تصبح على خير
محمد:درب يسد مايرد
طلع ايوب من الحارة ويبتسم بمكر لانو الهدف اغاظة محمد والي بدو اياه عم يحققو
اتصل ب انس وطول لحتى رد عليه
انس:اهلين اصيل
محمد:انا متصل بس مشان تعرف ايوب شاغل حالو فيني
انس: شبو شو عامل
محمد:نعم طريق حارتنا وانت بتعرف قصدو اكتر مني
انس:خلص انا بحكي معو
محمد:انس لا تزعل مني انا حذرتو مرتين التالتة لا حدا يلومني
انس:خلص خلص انا بحكي معو حقك والله
محمد:...
فصل الخط وحاول يرجع طبيعي .
......
كنت مراقبة سلام وعامر وكيف اخدين راحتهن لانو محمد مو موجود وكل حكيهن مزح وضحك وسيدرا عم تتمشى مع عزمي وماسكين ايدين بعض وأنا حتى ما بعرف وين محمد بس لا مترك جاكيتو هون من صوت الموتور اعرفت انو رجع صفطو باول الكرم واجى تمشاية وكانو متحمم هيك طلع معي من شكل شعراتو
كان ببلوزة نص كم لاول مرة منشوفو بدون جاكيت عطول مستر لانو
عامر: الرجعة قريبة
محمد:اي
اخد الجاكيت ولبسو
سلام:نعيما
محمد:ما حلقت
سلام:لا متحمم
عامر:😂شغل ايديا وحياة عينيا
سلام:مو حرام
محمد:نمشي يلا
بلسم:ما اكلنا فستق
محمد:يا روحي ليش ما اكلتي
خجلني لو حكى بمسخرة
بلسم:كانو معك
محمد:والله جيابي فاضية
سلام:بكونو بالسيارة
محمد:بالسهرة خلص واليوم سهرتنا على شدة وفي شرط
عامر بصوت عالي:عزمي جهزلي خصرك
محمد:😂😂جبتلك زنااار
عزمي: لبكرى😂
محمد:الليلة عنا صباحي
عامر:نحن راجعين
عزمي:ونحن جايين
بس كانو سيدرا حكتو شي
محمد:اسبقنا
عامر:انا برجع مع عزمي انت خود الموتور
محمد:شو بدي فيه انا بدي امسك ايد بلسم
رفعت حواجبي مستنكرة
عامر:اسمع اخدها معك وامسك أيدها
بلسم:ليش انا برضى اركب معو
محمد:ليش شبني
بلسم:سواقتك بتخوف
محمد؛بخفف يلا تعالي
بلسم:لا عيب بستحي
محمد:طيب تعالي منتناقش ع انفراد
رحت معو مشان نتفاهم عند الموتور
محمد: بدي اخدك فتلة
بلسم:للجسر
محمد:اي للجسر
بلسم:وبلكي عزمي
محمد:لسى داحشيتلي عزمي وليكو مامعو خبر عامر لا هو ولا هديك
بلسم:.
اتطلعت لاخر مرة على عزمي واركبت ورا محمد اي بموت بهيك طلعات
محمد:هاتي ايدك
بلسم:لا هيك مهدية
محمد:هاتيها لشوف
غصب عن حطيتها على خصرو بس هو مسكها وحطها مع ايدو بجيبة الجاكيت
ومشي بهدوء لأسمع كلامو
محمد:مافي انعم مو
بلسم:مابعرف
محمد:ليكون في
بلسم:مجرب
محمد:ماسك لشبعان
بلسم:هاد حكي يعني
محمد:😂وبايس كمان
بلسم:والله بدون ما تحكي عيونك كلامك كلو بيدل على
محمد:صياعة مو
بلسم:انت ادرى
محمد:بس مابعملها ما بخونك
بلسم:شو عدا ما بدا
لف وشو شوي لعندي منظر شعراتو الطايرات مع ابتسامتو الخبيثة
محمد: لانو صرتي خطيبتي
بلسم:اه يا مخلص انت
محمد:بتعرفي انسينا ناخد كرز معنا.
بلسم:ليش في كرز
محمد:انا منو عليي شايف
بلسم:اطلع بطريقك لا نعمل حادث.
محمد:بس لا تظلميني رايق مو
بلسم:اي يخزي العين عنك اوقات ما منلمحك
محمد:ليش ع الجسر بدك
بلسم:لانو في اكتر من شارع
محمد:شو رايك نسافر هلا
بلسم:لوين
محمد:ع المدينة
بلسم:يخرب بيتك بدك تخطفني
محمد:ههههه في اغراء بالموضوع.
بلسم:اي اتضبصب لانو ايدي والكف
محمد:والله جكارة فيكي وتحدي اليوم لتنباسي
بلسم:هات ايدي
محمد:هههه اترجيني كمان
بلسم:لاتبلا عليك
محمد:يسعد دينك وبكرى العرس بصير مشان نلملمها.
بلسم:انت ما بينعلق معك
محمد:كوني رايقة ها
بلسم:ليش بقى
محمد:وقت البوسة
بلسم:اي نام واحلم
محمد:من جهة احلم عطول بحلم بس كانو اليوم رح يتحقق الحلم
بلسم:بدك تتصل ب مصطفى الاغا
محمد:مامعي وحدات بس عادي اتصال من نوع تاني
بلسم:ليك انا مسايرك لاننا بعدنا عن التلة بس حسابك هنيك
محمد:اديشك قوية لك بلسم
بلسم:اد ما انت ازعر
محمد:بتعرفي اني آدمي
بلسم:امبلا والعالم كلو بيشهدلك
محمد:ترى حرام تطعني فيني وانا بريء
بلسم:من ناح بريء اي الادمية بريئة منك.
محمد:صارحيني
بلسم:بشو
محمد:مغصوبة عليي
بلسم: انا مابحب زواج الاقارب
محمد:اها بدك حب وعشق وعلى راحتك
بلسم:لا مو هيك بس بسمع كلو مشاكل وكمان لا تنسى مشاكلنا قبل
محمد:اي والواحد بيعلق مع حدا متل ستي سمعها على قدو مو مع بلسم بجلالة قدرها ماشالله رادار مع ذاكرة حديد
بلسم:صارحني
محمد:الله يجيرني
بلسم:لا عنجد بحكي
محمد:بشو
بلسم:كيف اقنعت اهلك
محمد:ربك يسرها.
بلسم:...
بقلبي:اخر شي اتوقعتو يجو ويطلبوني عمي على امو ما كان يجي ويزورها
بلسم: خلينا نرجع.
محمد:لك والله دفيانين
بلسم: انا اتعبت
محمد:ليش ما بتحكي معي
بلسم:ليش شو عم نعمل
محمد:بدي نحكي هديك المرة ع أساس تسهري ونمتي.
بلسم:والحكي منيح
محمد:بجنن
بلسم:منحكي انت كانك تعبان
محمد:ليش حدا مخليني انام وارتاح
بلسم:😂اي كيف صحيناكن
محمد:ما احلى صوتك واتصبح فيه انتي ما بتعرفي كيف قلبي دق وصار يرقص
بلسم:بزنار ولا بدون
محمد:انتي باردة بلسم
بلسم: شو عرفك
محمد:هيك مبين وشكلي رح اضل اطلب الدفا منك
بلسم:...
محمد:بتعرفي ليش حبيتك
بلسم:😂مابعرف ليش
محمد:اركزي وليه احسن ما اطيرك
بلسم:بس اعرف بدونك ما اقدر اعيش
محمد:وقت تكوني رايقة بتتاكلي
سكتت مابقى حكيت ابدا
محمد:يا الله منك اسأليني ليش
بلسم:لاني حلوة
محمد:والله والي زرع محبتك بقلبي مو لانك حلوة
بلسم:لكن
محمد:لانك حنونة وانا متعطش للحنان
بلسم:انا حنونة مين ضحك عليك
محمد:لو نكرتي بلسم انا اربيت معك نحن اولاد عم واولاد حارة وحدة واولاد صف كمان وانا بعرفك اكتر ما بعرف حالي
بلسم: وطلع معك انو انا حنونة
محمد: واطيب من قلبك مافي
بلسم:مع الناس الي بحبهن اكيد حنونة
محمد:ما بتحبيني
بلسم: ليش بدي اكرهك
محمد:ننزل شو رايك
بلسم:اي حلو المنظر
انزلنا وقعدنا على طرف الطريق وقدامنا سهل والهوى غير شكل
مسكلي ايدي ما اقدرت اطلع فيه
محمد:ازا الله رزقني رح اشتري قطعة ارض وبدي ابني عليها بيت صغير ورح اعمر سياج كبير وبدي ازرع كل انواع الفواكه عندي ورح يكون فيه مسبح وبدي اشتري كل انواع الطيور شو رايك
بلسم:ليش شبو بيت اهلك
محمد:انتي ما افهمتي قصدي
بلسم:بدك تبعد عن الناس
محمد: وبدي يكون لسياج عالي والبوابة تكون من فولاذ
بلسم:اوف ليش بقى
محمد:لانو بدي انعزل عن العالم كلو
بلسم:انا ما بشوف انك مو مرتاح.
محمد:بس أنا تعبان تعب اوقات بحس انو عمري ستين او سبعين
بلسم:اوف اوف ليش هيك
محمد: انا اكبرت قبل وقتي
بلسم:كيف
محمد:يعني مو متزكر من حياتي الا مرحلتين الطفولة وكانت مشتتة ومرحلة الشيخوخة
بلسم 😂بس انت شب
محمد:لا فترة الشباب لا شفتها ولا شافتني
بلسم:ايوا انت ختيار يعني
محمد:اي قلبي شايب
بلسم:بتعاني انت
محمد:بس شكلي ما بيوحي صح
بلسم:اوصفك
محمد:اي
بلسم:انت حدا متسلط وبتحب المظاهر لاتزعل مني بحسك اوقات ظالم
محمد:مرة وحدة
بلسم:وعندك انانية
محمد:..
بلسم:وبتحب تكون احسن واحد وما بتحب حدا يكون احسن منك
محمد:وحرامي ليش خجلانة.
بلسم: انا بعرف انك كنت تسرق لانك بتغار وما بتحب حدا يكون عندو شي انت ما عندك اياه وبعرف ليش ضربت عزمي زمان
محمد:ليش
بلسم:لانو بوقتها فتح محل وكان بدو يصير احسن منك بوقتها انت كنت مشكل عصابة مع امين على مشاكل وضرب سكاكين واخي كان آدمي وكل الناس بتشهدلو
وقف دغري
بلسم:دايقتك
محمد:يلا نمشي
بلسم:ليش اتدايقت لانو حكي حق
محمد:...
بلسم:احكي جاوب لا تتهرب
محمد:بس انا اتغيرت ومو بس اتغيرت اتربيت من اول وجديد
بلسم:بس انا ما بنسى ومابتصورك الا محمد الي ما خلى حدا من شرو ضرب وسرقة وسلبطة.
لاول مرة بيحس بشعور غريب وكيف مابدو يحس بلسم الي بيحلم فيها ليل مع نهار هيك شايفيتو اي مابدو يرجع للتلة ومتمني هلا يختفي من جنبها
محمد:مشكورة بنت العم يلا روحنا.
بلسم:بس انا مابدي ارجع
محمد:اتركك يعني
بلسم:اتصل ب عزمي احكيلو انقطعنا
محمد:انتي هيك بدك
بلسم:اي
اتصل فيه قلبو معلنها حرب جواتو
محمد: أرجعتو
عزمي:وانتو طولتو؟
محمد:نحن ع الجسر انقطعنا من البنزين
عزمي:طيب مسافة الطريق بس
كل واحد واقف بجهة مافي الا الدخان يخفف عنو مواجهة بلسم
اجى عزمي ومعو عامر بسيارة محمد عبى الموتور بنزين
محمد:بلسم ارجعي معهن انا برجع لحالي
عامر:اطلع بسيارتك وهاتلي حبيب قلبي
محمد:عزمي سوق انت انا بدي اشم هوى
مستغرب عزمي وحتى عامر بس بلسم طلعت مع عزمي بالسيارة وعامر بالموتور ووراه محمد ورجعو للتلة
.........
اجى موعد السهرة وانا لانو دجيت محمد كل الحكي ما ارضيت اروح للسهرة ستي مو هنيك لشو اروح وشوي واجى عزمي كانت ماما عم تتزبط
عزمي:ماما في عنا دوا للسعلة
ماما:لا حبيبي في خافض حرارة
عزمي:لا ما بينفع
ماما:ليش مين مريض
عزمي:محمد
ماما:ماكان فيه شي
عزمي:مابعرف
بلسم:...
ماما:يلا بلسم
بلسم:انا تعبانة شوي
ماما:ما اشتغلتي شو تعبك
بلسم:تعبانة وبس
عزمي:لا تروحو ?
بلسم:تعبانة وبس
عزمي:لا تروحو محمد تعبان ومرضان
ماما:بدنا نطمن عليه
عزمي:ازا قلع سلام بدو يستقبلكن انتو
ماما:طيب متل ما بدك
حسيت بتأنيب الضمير بس انا شو دخلني وازا قلع سلام معناتو مابدو حدا يشوفو مريض او موجوع لانو متل ديك الحبش بحب ينفش بحالو
بقلبي:معقول كيف دجيتو الحكي بس بدو اياها لسى بيحكيني حكي ومفكر حالو شي شغلة
بس انا على نار وبدي اعرف شبو او المحو مشان اعرف ازا تمثيل ولا عنجد
......
لساتو برى حاطت ايدو على بطنو وعم يقاوم لحتى ما يستفرغ وكانو في معركة بمعدتو اخد نفس وغمض لانو على وشك يستفرغ بجية عامر وعزمي ومعهن دوا
عامر:خود اشرب
رفضو بدون ما يحكي
عزمي:ليك لا تجنني قعدتك برى بتزيد المرض
عامر:برد يعني
هز راسو ب اي بدو يخلص منهن
عزمي:راحت السعلة
محمد:اتركوني شوي
عزمي:مابعرف يمكن نحن السبب
عامر:كان قصدنا المزح
عزمي:مامنعرف انك نعنوع
عامر:فوت والله برد
عزمي:استفرغ بترتاح
غمض لانو مو قدران لا يحكي ولا يتحمل الوجع
عزمي:تعال اتمشى معنا بتغير جو
فات لجوى مطنش كلشي قعد ولف حالو بحرام لانو البرد مسببلو رجفة لا إرادية والحرارة مسيطرة على كل جسمو
عامر:بدنا نضل نلحقك.
محمد:ارتاحو وريحوني واتركوني لحالي
عزمي:بلااا ستي مو هون مين رح يسهر عليك
محمد:هي مو اول مرة بمرض
عامر:اووه طمنتني يعني مو نحن السبب
محمد:.
عزمي:كيف بدنا نتركك فهمنا
محمد:ما بصير شي عليي
عزمي:بدك يروح الوجع
محمد:ياريت
حكى برجاء لانو موجوع كتير
عزمي:طيب قوم معي
محمد:مابدي اشوف حدا
عامر: كلنا منتوجع يعني ع شو خايف
محمد:بتفرق ازا كنت فرجة بزيد الهم
عزمي:بالعكس بترتاح لانو في حدا شايل معك الوجع
محمد:بس ماحدا رح يدوقو عني
عزمي:طاوعنا يا زلمة شبك
سايرهن مو عرفان لوين رايحين فيه سكرو بيت ستهن وبطريقهن لبيت ابو عزمي وقف عند الباب
محمد:جايبني لهون
عزمي:اي لا تخاف رح نسهر لحالنا
محمد:خدلي طريق لكن
عامر:مافي حدا فوت انا شوي وراجعلكن
عزمي:لا تتركني معو لحالي بخاف
اطلع فيهن محمد ب غرابة وفات للغرفة واطمن انو مافي حدا خلى الصوبيا عزمي متل النار ومحمد قعد بزاوية الغرفة بجنب المخدات ورمى راسو عليهن
.......
فات عزمي لعند ماما للمطبخ
ماما:شبو محمد
عزمي:عم يتلوى من الوجع يمكن برد بس لا تفوتن الغرفة
بلسم:لهيك بعتلي فضو الغرفة
عزمي:لكن يضل لحالو
بلسم:كنتو نمتو عندو
عزمي:بلكي صابو شي انا مابعرف اتصرف
ماما: اتصل بابوك احسن
عزمي:المهم لاحدا يخبر سلام انو عنا
بلسم:بس اتصلت سألتني عنو
عزمي:هلا احكي معها وخبريها انو اتحسن وعزمي عندو
بلسم:متل مابدك هي لزهورات
ماما:خبر ابوك
عزمي:اي ماشي
تركنا وطلع وانا فضولية الحقتو على روس اصابعي وقت فتح الباب شفت محمد مرتمي بالزاوية واتزكرت وجع البطن اديشو صعب معقول بردان ولا زعلان ولا شو عم يصير معو بجية بابا فتحتلو كان مبسوط
بلسم:ايه لمين هالرواق اه
بابا:ليش لحتى اكون معصب شو بدي احلى من هالعيلة
بلسم:لكن فوت شوف ابن اخوك مرتمي
دغري فات للغرفة وانا ضليت عند الباب وشايفة شوي منهن قعد بابا بجنبو حتى ما اتكلف يرفع راسو عن لمخدات
.......
حط ايدو على كتفو ليحس برجفة جسمو
ابو عزمي:شبك وين الوجع
عزمي:مرة بيقول بطنو ومرة بيقول راسو
ابو عزمي:وين الوجع يا محمد
محمد:نااار
ابو عزمي:عليك حرارة يعني
محمد:لا نار بمعدتي
ابو عزمي:شو اكلت
محمد:ماني متزكر
عزمي:افطرنا كلنا فلافل
ابو عزمي:اول مرة بتاكلها يعني
محمد:لا عطول
ابو عزمي: ايمتى بلش الوجع
محمد:المغرب وهلا عم يزيد ماعم يروح
ابو عزمي:اول مرة بتصيبك
محمد:لا كتير بس اول مرة بتكون هيك قوية
ابو عزمي:برد يعني
محمد:والله لو بعرف ما بضل ساكت على وجعي
ابو عزمي:رحت للدكتور
محمد:رحت مرة وحكالي بدك تنظير وانا ما اهتميت
ابو عزمي:اشرلي وين الوجع
محمد:بمعدتي
ابو عزمي: الحرارة أبدا مو منيحة الك
عزمي:ليش رضي يشرب دوا
محمد:معدتي فاضية ومارح استفيد من الدوا
ابو عزمي:روح مع عزمي للصيدلية
محمد:...
عزمي:اقل شي بيعطوك ابرة بتخف الحرارة وبتروح
محمد:وبكون مناوب الصيدلي
عزمي:منجرب جهز حالك بكون جبت السيارة
اتجلس منيح وسكر الجاكيت
ابو عزمي:من ايمتى بصيبك هالوجع
محمد:اول مرة قبل نسافر للمدينة بس ما كانت هيك
ابو عزمي: وليش اهلك ما عالجوك
محمد:مابعرف
كان ابو عزمي مصدوم كمية الوجع غيرت لون عيونو ولون بشرتو صار شاحب
بقلبو:مو مرض ابدا
ابو عزمي:انت بتكوبس
محمد: شو دخل عمي
ابوعزمي: جاوبني
محمد:على طول بصحى يا مخنوق يا مربط وكانو كنت بسباق و بكون بمكان غريب
ابو عزمي: اجى عزمي
جر حالو جر لبرى بجية عامر ومستاء من الوضع ركب محمد بالمقعد الخلفي ودغري طلعو من الحارة
عامر: ماراح الوجع
محمد: زاد كمان
عزمي:بلكي عمار بيعرف يداويك
عامر:وازا بتكون اختو بتول لمناوبة رح يفز قدامها
عزمي: لك مو وقتك مشان الله
عامر:بس كتير متوجع والا بموت على ريحة النسوان
عزمي:صحيح محمد
محمد:ااااخ
عزمي:عنجد بتحب النسوان
محمد:قرفان حالي حلو عني انتو
عامر:ايه هلا منشوف
ركن السيارة باب الصيدلية ورافقو عزمي وكان عامر سابقهن
عمار:خير
عزمي:اشرحلو محمد
محمد: وجع مو طبيعي بمعدتي
عمار:اكلت شي
محمد:لساتني بلا غدا
عمار: بعطيك مسكن مؤقتاً لانو الوقت متأخر ولازم تشوفلك دكتور مختص
محمد:المهم يروح الوجع
كان عم يجهزلو الابرة
اخد عامر عزمي على جنب
عامر:ليش هيك متغير لونو
عزمي:مابعرف لساتو عم يتلوى
عامر:لك ليكون معو هداك المرض
عزمي:سد تمك انت من وين بتحيب الحكي
أعطاه كمان حبوب مسكن حاسبو عزمي ورجعو بس محمد على حالو
عامر:حكى لازم تاكل مشان تشرب الدوا
محمد:بس نوصل اتركوني بحالي اي
عزمي:اتوجع شو يعني مستحي مننا
محمد:لا مو خجل بس انا مابدي اشوف حدا مخنوق
عامر:مو بكيفك اصلا لازم امك ترقيه رح يتحسن على القرآن
عزمي: اي جبتها
محمد:...
نزلو بس هو ضل برى وقعد على حجار مقابل البيت
عزمي:فوت يا زلمة
محمد:بدي استفرغ اتركوني بحالي
عزمي:ليش شو اكلت
محمد:مابعرف بس في حجر ببطني والوجع ماعم يهدا
طلع ابو عزمي يشوف شو صار معهم
عزمي:احكي معو بابا
ابو عزمي:ليش قاعد عندك
محمد:..
عامر:خلصنا فوت ناقصك مرض انت
شحطوه بس ابو عزمي ما بيتفسر رجع محمد لنفس الوضع بس شلحوه الجاكيت ويتوجع ع الصامت
عزمي:بابا خلي ماما ترقيه
محمد: مابدي
ابو عزمي:بترتاح
محمد:اتركوني بحالي وبس
عامر:يمكن عين صابتو.
عزمي:مافي غيرك الله لا يوفقك رحت حممتو بالبرد
عامر:هو مريض من اول صح محمد
ابو عزمي: اشرب الكاسة
محمد:شو هي
ابو عزمي:زهورات
اخدها وأيديه يرجفو
اشرلهن ابو عزمي وانسحبو لتنين من الغرفة
ابو عزمي:انت بتاكل عند حدا
محمد:ليش بتسال
ابو عزمي:بتاكل عند حدا
محمد:كتير
ابو عزمي:ومتزكر وين اكلت
محمد:مابتزكر عطول بنعزم عند رفقاتي واهلي
ابو عزمي:ارتحت هلا
محمد:اي شوي عم يخف الوجع
ابو عزمي: وشو حاسس
محمد:حرارة بمعدتي
ابوعزمي:ارتاح لا تضل متجلس
اتمدد شوي وغمض ولانو ميت من تعبو غفي دغري
كان عم يقرأ عليه ايات قرآنية وابو عزمي متاكد في حدا حاقد عليه ومطعميه اكل فيو سحر
........
كنا واقفين بالصالون نحن الاربعة
ماما:يعني ارتاح ع الابرة
عامر: كانو هيك
بلسم:اخر شي شفتو نام
عزمي: وبابا ليش قلعنا
عامر:يمكن مشان محمد ما يتوتر من شوفتنا
ماما:بس غريب وجعو
عزمي:وانا ملاحظ هو ما بيأكل اغلب الاكلات معناتو منتكس قبل بمرة
عامر: الله لا يوفقكن لا بقى تطلبو فلافل
بلسم:ليش نحن ما اتاثرنا
عزمي:لانو مو مريضين هو يمكن معو كولون
بلسم:صاير دكتور
عزمي:احسن من تشخيص عامر
عامر:انت التاني لا تفضحنا
ماما:روحي جيبي حرام غطيه .
عزمي:المهم انو نام
عامر:صعبة الواحد يشوف حدا موجوع ما يقدر يعملو شي
رحت جبتلو حرام بطلعة بابا من الغرفة غطيتو كنت مصدومة من شحوب وشو اي ماكان فيه شي اليوم
اطلعت لافهم شو صاير معو
عامر:مدامو نام انا رايح
عزمي:جاي معك لا تعملي نظايفية وتطالعي صوت خليه نايم
بلسم: متابعة مسلسل
عامر:فايقة ورايقة والله
سكرت وراهن ورحت اتسمع على بابا وماما
بابا:لا مو شغلة مرض متل ما قلتلك
ماما:ومين الو مصلحة يضرو
بابا:الله اعلم وابصر شو الغاية
ماما:وكيف اعرفت
بابا:بس شرب الكاسة ارتاح
ماما:يوه والله شغلة ما بتتسدء
بابا:حسبي الله ونعم الوكيل
ماما:وكيف رح يتعالج
بابا:انا بشوف حدا يرقيه بس اوعك يا ام عزمي حدا يعرف لانو ازا دري الي عاملو هالشي يمكن يجددو
ماما:مابعرف بس مستحيل معقول في هيك شي
بابا: الحاقد بيعمل اكتر من هيك
كنت مستغربة ومافاتت لعقلي هالحكاية ورحتلو بدي
اتطمن عليه لاني زعلتو شغلت التلفزيون ونوصت للصوت وقعدت بجنبو بس لونو عم يتغير وكانو بلش يتحسن
.........
قصة #عشق_الأصيل 7
القسم السابع
بقلمي:مايا الحجازي
الصبح صحي وارتاح لانو الوجع راح استوعب انو ببيت عمو وشو صار فيه الليلة الماضية صوت ضجة حكي وشوي انفتح الباب سلام ملهوفة عليه اتجلس ودغري قعدت بجنبو واتخبت فيه
سلام: ما نمت الليل خفت عليك
محمد:الحمد الله اتحسنت
سلام:صار لازم حل لهالوجع
وطبعا فاتو كلهن يطمنو عليه
ابو عامر:كيف صرت
محمد:الحمد الله عمي
سيدرا:ما نمنا والانسة تنوح وتبكي
ابتسملها هو بيعرف اديشها حنونة عليه
عامر:يلا قوم اليوم خطبة ابن عمتك الحنونة
ابو عزمي:اي لازم نقوم بالواجب
عزمي: كلو كوم وروحت البنات كوم
عامر:بدهن مصع رقبة
ابو عزمي:لنموت بتتحكمو فيهن
بلسم:بعيد الشر عنك بابا
عزمي:وين القهوة بلسم
ابوعزمي:اتفضل اخي
اتوزعو كلهن وهو دغري راح ليغسل واخد جاكيتو فات للحمام وغسل ومشط ب مشط عزمي وطلع كانت بلسم على باب المطبخ طنش وجودها
كان عم يسكر الجاكيت
بلسم:اتحسنت
محمد:كانو هيك
بلسم:زعلان مني
محمد:قلتلك ما بتتواخذي
فاتت تركض لانو القهوة عم تغلى وهو رجع للغرفة يشاركهن القعدة وكل شوي يبتسملو عمو وهو مو فهمان شو القصة
ام عامر:بدك تروح للدكتور
محمد:اي اكيد
سلام:كل مرة هيك بيحكي ومابروح
عزمي:غصب عنو انا بدي اروح معو هالمرة
عامر: شفت والله ما نمنا
محمد:يمكن شخيرو من التسعة طلع
سيدرا:😂لا حرام عليك ١٢ بلش يعزف
عزمي:قلبو رقيق ابو عمير
عامر:ايي وبعدين انت طبت يعني لو كنت ولادة احسن اخر شي بتجيب يا صبي يا بنت
محمد:يعني قصدك كنت أطلق انا
عامر:هههه منيح محمد مو مراة لانو رح يستحي يطلق بين النسوان
فرطو ضحك عليه
محمد:انت بيعملولك قيصرية لانك متل الشلمونة
سيدرا 😂😂
عامر:وضحكة بقرة انشالله وعزمي ما حكيت عليه
محمد:ما حكى عليي
عزمي:هههه ياربي دخيلك
بجية بلسم ضيفت الكل وقعدت بجنبو
ام عامر:يلا انت عطول دفي حالك
محمد:احكي مين حممني
ام عامر:بطلو الولدنة يعني بتفكرو حالكن صغار.
عامر:لا منعرف انو الي من جيلنا معهن اوللاد
عزمي:يعني مو على ايدك ولد
محمد:يمكن ببطنو شو عرفك
ابو عزمي:على كلا جهزو حالكن مشان نروح سوى ونفوت سوى
......
كان مبين انو زعلان مني بس لازم اراضيه لو على عيوني وصحيح افتعلت المشكلة بس مبارح اندمت اول ما شفتو مريض خلص الاجتماع وكلهن اتوزعو حتى محمد راح لبيت ستي ما رضي يضل للفطور انا وسلام جهزنا كلشي وبعدها رتبت البيت وجليت ورحت اتحممت وجهزت حالي بس ما بالغت لا بالبس ولا بالمكياج اللبست مانطو جينز لفيت الشالة واطلعت لعند سلام الي جاهزة ومتلي مو مبالغة باللبس ورحنا لعند سيدرا لانو الانطلاقة من هنيك داهمنا غرفتها كنت اتمايز
كلشي عندها ولفتتني علبة فيها قطة ومبينة هدية
بلسم: شو من وين الهدايا وليه مقوصة
سيدرا:من عزمي
بلسم:ايمتى جابها
سيدرا:مبارح وصلتني
بلسم: ..
وسيدرا:ومو بس هي شوفي
طالعت من لخزانة علبة مليانة شوكولاتة واكلات طيبة
بلسم:ياااا من اولها هدايا
سلام:ليش ما جابلك محمد
بلسم:مو شغلكن
اي جابلي بس انا بدي متل هيك هدايا انتزع مزاجي وانا ما بغار الا شوي تركتهن يدردشن واطلعت اتمشى حطيت ايديي بجيابي واتمايزت دهباتي اي خلي عمتي تفرقع واكيد هنيك عمتي بدرية مو اقل منها وستي والله اشتقتلها والحارة بدونها مو حلوة وهلا انتبهت محمد جاي تمشاية وعم يرتب حالو واشرلي بمعنى فوتي لجوى بس انا رايحة اصالحو وكانو ما عجبو اني وقفت معو صار يتلفت حواليه
بلسم:لابسة لا تخاف
محمد:مو حلوة طلعتك لحالك
بلسم:ليكك معي
محمد:كنتي لحالك
كنت اتمايز بنطلونو والبوط وبعدها القميص والجاكيت
بلسم:سكر القميص منيح
محمد:هيك انا بحب
بلسم:لا مو حلوو مبين ازعر
محمد: ومين حكالك اني آدمي اه
بلسم:انا مشانك
محمد:ها جكارة فيكي
بلسم:لا لا خلص خليه مسكر ناوي تشلح برى
محمد:فوتي مو طايق حالي
ونده ل عزمي ب صوت عالي
محمد:عزمي يلااا ولوو
بلسم:راح يوصل لكبار
محمد:..
بطلعت البنات واجى عزمي وعامر سكر بيت اهلو منيح
واتجمعنا كلنا على شارع الحارة
محمد:يلا مشينا
عامر:انا حابب اروح مشي
محمد:لا انا بدي اتمشى
سلام:خلص منروح كلنا تمشاية
محمد:لا السيارة ضرورية
عامر:خلص انت وصل البنات
محمد:انا بدي امشي وصلوهن انتو
عزمي:اطلعن خليه يمشي لشوف ايمتى بدو يوصل
محمد:يلا لا تضلن بالشارع مو حلوة
عزمي:وقبل انسى مو تصير شوربا وترقصن قدام يحيى ومصعب
بلسم:انا ازا اتحركت من مكاني منيح
سيدرا:وانا لااا ولايمكن اعملها
محمد:ولا دبكة
سلام:ههه اتخيل
محمد:واسمع وحدة مطاوعة عمتي بشغلة
بلسم:يلا نمشي قبل تزيد الاوامر
اطلعنا مع عزمي وانصمدت بجنبو سيدرا بس ما حبيت اراقبهن وعامر ومحمد راحو من طريق تاني
وصلنا دغري وهنيك عمتي استقبلتنا نحن اولاد اخوها احسن استقبال وكونا لتلات خطبنا بلشت تزغرد وسلام فرطت ضحك علينا سلمنا عليها وفتنا لنشوف سعدية بكامل اناقتها ومولعة الحفل وعمتي بدرية ودرزن بناتها التزمنا اماكنا
........
وصلو عامر ومحمد واستقبلهم جوز عمتو وولاد عمتو وفاتو للمضافة اضطر يسلم على اولاد عمتو بدرية غصب عنو قعدو بجنب بعض هو وعزمي
عزمي:😂انصدمو
محمد: انا الي انصدمت
عزمي:بس ع فكرة الشباب مو متل عمتي
محمد:يسطفلو الي فيني مكفيني
عزمي:محمد راح الوجع
محمد:اي راح
عزمي:افطرت
محمد:خايف لهيك لساتني بلا اكل
عزمي:اتوكل على الله يمكن برد
محمد:خلص بعد ما تخلص الخطبة منطلع مشوار منتغدا برى
عزمي:خلص موافقين
اشعار من موبايلو ودغري مسكو
بلسم:لساتك زعلان مني
ابتسم ب مسخرة
محمد:كم مرة بدي اعيد الحكي
بلسم: انا مجنونة
محمد:بعرف ليش عم تخبريني
بلسم:افرجيك
محمد:كيف
بلسم:اسمنو الحارة مليانة رجال طالعة لبرى
محمد:يطعمني الله واللمحك برى
بلسم:بدك تضل زعلان
محمد:لا
بلسم:لانو بدي اطلع ها
محمد:والله مو زعلان كل حدا الو نظرة بالحياة وانتي حرة بوجهة نظرك
بلسم:اي ورح تضل مجافيني
محمد: شو بتفرق معك
بلسم:لانو سيدرا لاحظت وعم تسالني
محمد:يا الله اديشك حساسة خايفة من حكي سيدرا مو خايفة على مشاعري
بلسم:طيب شو بيرضيك
محمد: لازعل بتسأليني
بلسم:ماشي بس مارح اطلع معك بس نروح لبيت العروس
محمد:منشوف كلمة مين بدها تمشي
بلسم:انا عازمتك على السهرة
محمد:شو المناسبة
بلسم:بيشبه الاعتذار
محمد: اجهز حالي يعني
بلسم:لشو
محمد: مشان تصالحيني
بلسم:اي خلص
..........
شوي واجت بيلسان لعندي
بيلسان:بلسم تعالي شوفي محمد
بلسم:وينو
بيلسان:برى واقف
بلسم:وشو يعني
بيلسان:تعالي ما بتندمي
طاوعتها ورحت لباب البيت وشفتو ومعو كتير شباب وانا ما بحب ابصبص الا شوي وبس لمحت عزمي هربت لجوى مو ناقصني وعند العصر الكل اتجهز لنروح لبيت العروس وانا مجهزة حالي ورح اطلع مع محمد
بعتلي:بس اعلملك بتطلعي
النسوان بلشن يطلعن وانا استنيت لحتى علملي الافندي طبعا ولاشب بالحارة الا هو اركبت جنبو
بلسم:وليش مابدك اطلع يعني من بين كل جموع النسوان مين رح يطلع فيني
محمك:مو محبة فيكي بس هدول اغلبهن زملائي بالأمن وما بحب حدا يلمحك لمح معي
بلسم:وليش عازمهن
محمد:جايين يشاركو مصعب
بلسم:اي انسيت انو الافندي متلك بيشتغل
محمد:ومو معبيين عينك
بلسم:لا والله مو هيك ..بس سيدرا وسلام اختفن
محمد:بتلتقي فيهن هنيك
وصلنا لبيت العروس التقيت ب سيدرا وسلام فرطانات ضحك بس لمحن محمد هربن وانا رح اموت لاعرف شبهن مسكتهن عند الباب
بلسم:شوفي انتي وياها
سلام:يا الله ما عم اسدء.
سيدرا:راحت عليكي يا بلسم
بلسم:مشان الله شوفي
سلام : سعدية اتشركلت ووقعت
فرطت ضحك رغم اني ما شفتها بس من ضحكة هالجوز مبين الموقف محرج
بلسم:وانمزع الفستان
سلام:ما لحقنا نشوف دغري اتجلست
قضنها ضحك الله لا يوفقهه وانا عم ادور على سعدية بس ما بينت ليكون اتشوهت الله لا يحطني بموقفها
......
رجع لحالو لبيت ستو سكر الباب والبيت لسى مرتب على ترتيبتو لبس بيجامة واتمدد بفرشتو الدنيا على وشك غروب ولساتو بلا غدا بعت ل عزمي
محمد: أرجعتو
عزمي:كمان شوي عم ندور على بيلسان
محمد:بلا جد
عزمي:اي والله مو مبينة
محمد:طمني عليها
عزمي:ماشي
فتح على المحادثات المؤرشفة وشاف رسائل جيني
جيني:بياع عشرة وما الك صاحب .
بعتلها فويس
محمد:اهلين جيني شو عرفك...على كلا بس ارجع بشوفك
جيني:عاش مين سمع هالصوت الحلو بس توصل ضروري اشوفك في اخبار مو منيحة
محمد:اخبار شو
جيني:مشانك مافيني احكي اكتر من هيك
محمد:طيب ماشي مع انو انشغل بالي كتير
جيني:اي الخبر مو منيح كمان صحيح خاطب يا منظوم
محمد:عقبالك يا جيجي
جيني:بس مانك وفي صح
محمد:هلا خليني باخبارك
جيني:بشوفك اكيد ورح اخبرك
طبعا حط مية احتمال صفن صفنة طويلة
محمد:معقول عقوبة ومهران محرك ضياء بيك ضدي.....وكيف رح تكون العقوبة معقول والله قلبي قابضني انا لازم اقطع اتصالي ب جيني وب سلام لانو ما سمعني الا الاخبار السيئة وشو رح يعمل مهران معقول ياربي ليش ما عم ارتاح بنوب يعني لانو مرتاحة نفسيتي مشان الوجع اجتني اخبار زفت
حاول ينام بس مشغول بالو على بيلسان وبعد ساعة سمع صوت سيارتو جاية ما اهتم لانو بيعرف انو المفتاح مع عزمي ومن الضجة عرف انو الاجتماع ببيت ستو فتح الباب عزمي وبس شاف البنات دغري اتجلس
عزمي:ليش ارجعت مشي
محمد:وين بيلسان
عامر:اكلت نصيبها
عزمي:معلقة عند العروس
سلام:ولانو ماضل غيرنا اجينا نسليك
عزمي:وجبنالك غدا معنا صحيح انت وعدتنا بس نحن الي نفذنا
محمد:اجى بوقتو الاكل
عزمي:جهزن يا بنات
عانر: أفردها يا زلمة
محمد:....
عزل مكان ما بنام وراح يغسل سامع صوت البنات بالمطبخ
بلسم :😂😂😂شفتن كيف ممزوع الفستان
سلام:انتي ما شفتي كيف طبت على وشها
سيدرا: لقطة من العمر والله
بلسم:😂يا الله راحت عليي
سلام:بس ما لبسوها دهب كتير
بلسم:شفتي الحلق كانو لبقرة
سيدرا:اي اول مرة بشوف هيك حلق شفتي كيف ضل ساعة مصعب يلبسها
ابتسم محمد
بقلبو:يا حبيبي ما اشطرهن بالانتقادات
صوت ضحكهن عبى المكان
بلسم:مين هيك رقص
سلام:ولي عليكي شو قوية
سيدرا:يا بلسم عيدي الرقصة
بلسم😂😂شفتي كانو كهربا سرت فيها
سلام:😂حتى نسوان عمامي فرطن ضحك
سيدرا:امانة عيدي اللقطة بلسم
بلسم: حلي عني يا والله معاد فيني
سلام:بس الحركة خطيرة
بلسم:انفلجن النسوان
وهلا صوت الضحك زاد لهيك عزمي اجاهن ومحمد فرطان ضحك بدون ما يشوف او يعرف شو القصة وقف ورا عزمي
عزمي:ورصاص منك الها
طبعا كاتمات الضحكة
عزمي:والله لاخفي صوتك انتي
بلسم:مو لحالي أضحكت
عزمي:انا سامع صوتك لعندي
سلام:مافي حدا
عزمي:ع شو بتضحكن يلا فهمني
سيدرا:نحن جعنا يلا خلونا ناكل
تحلفلهن عزمي ومحمد فضولو رح يقتلو ليعرف على شو بيضحكن على الاكل ما اكلن بس يطلعن ببعض ويكتمن الضحك
عامر:شو كاينات بمسرحية
سلام:...اممم هيك شي
عزمي:وبعدين بدنا نعرف نتسمم
سيدرا:ساكتات
محمد:طيب احكن شو صاير
بس وزعن الابتسامات
محمد:لا حول ولا قوه الا بالله
عامر:اخر حفلة بتحضرنها
عزمي:انا ضد عقلي هالشغلات شفت اديش في شباب
محمد:بس نقطة ببحر النسوان
بلسم:اها لهيك كنت برى
محمد:انا
عزمي:اي ما فات للمضافة الا شوي
محمد:هربت من اولاد بدرية
عامر:ومنو بيبصبص شوي
محمد:هلا عندهن بنت صغيرة
سيدرا:اي ومبرومة متل البرميل
محمد:لك حرام عليكي
بلسم:ومابتفهم شفتي كيف سلمت
عزمي:خلص وبعدين
سلام: أنا طنشتها
سيدرا:ولا فستانها
وفرطن ضحك
محمد ضرب على جبينو وعزمي تحلفلهن وعامر ضحك على ضحكتهن
عزمي:يلا الي بتشبع تعمللنا ابريق شاي
عامر:ليش اكلن
محمد:مو فاضيات
رجعن ضحكن
عزمي:يلا قومن لشوف
قلعهن تقليع وبس طلعن فرطو هني ضحك
عامر:والله انهن نهفة
محمد:حرام الواحد يحضر معهن حفلة
عامر:انا خايف ازا خطبت اعلق معهن
عزمي:😂اي بربي بتاكلها
وصوت ضحكهن بالمطبخ استفز الكل
وراحلهن محمد ع اساس معصب بس شافنو سكتن
محمد:عنجد الله لا يعلق حدا معكن
سلام:لا تعصب خلص
محمد: سكرن ع الاخير انفضحنا صوت الليل بودي بعدين بيحكو فلتانات
سيدرا:اول مرة منضحك هيك
محمد:خلص بقى استحن وانتي حاجتك تقلدي
بلسم😂شو عرفك
محمد: اختصاص تنمر لانك
سيدرا:بلسم قلديلو كيف سعدية شغلت الرجاج
ضحك على ضحكتهن واجوه عزمي وعامر
عزمي:انت بدل ما تكحلها
محمد:سكتهن مشان الله
عامر: سيدرا خلص خلصنا
عزمي:وانتي حاجتك متخبية وبتتضحوكي
محمد:عيب والله انفضحنا
عامر:بشوفك اجيت تضحك معهن
محمد: والله غصب عني شوف كيف عم يضحكهن
كل واحد منهم شحط اختو ليربيها على جنب
....
بعد ساعة من الضحك المستمر ضلينا بس مبتسمات لانو لتلات متحلفين يضربونا
ومركزين بنظرهن علينا
عامر:كانو ستي ما بدها تيجي
عزمي:اي وحكت ديرو بالكن على البيت
محمد:ليش ما اجت بيلسان
سيدرا:ضلت مع ماما حابة تسهر مع العروس والعريس
محمد:بكون مصعب بدو ياخد راحتو
عامر:بس لشو الكزب شخصية
محمد:يحيى مبين عليه اكتر
عزمي:بتحسو اركز واحد بالعيلة
عامر:لا كل عيلة عمتك راكزة
كتمنا الضحكة
محمد:بلشنا يعني
سلام:طنشونا
محمد:لا مافي ممنوع الضحك
عامر:لا صارت قلة ادب الشغلة
عزمي:انا شايفك بلسم ها
بلسم:شو عاملة ها ساكتة
محمد:يطعمني الله واسمع صوت
عامر:او تتحركن
سلام:خلونا نسهر ببيت عمي
محمد:ناويات يعني
سيدرا:نحن بدنا نسهر بغرفة ستي
عزمي:لاااا ممنوع
بعتت لمحمد:مو ع أساس نسهر
محمد:تعالي لجنبي
بلسم:بدك ابين خفيفة وميتة عليك
محمد:لكن خليكي بمكانك
بلسم:انت ناديلي
محمد:بخاف من عزمي
بلسم:انت تعال طل من الشباك واقعد جنبي
محمد:لا انتي تعالي دوري بالفاترينة على شي واقعدي جنبي
بلسم:لا مبينة
محمد:لكن استني
بلسم:...
مابعرف طاوعتو بس ما كنت ادور اخدت شاحن والبور ع اساس اشحن موبايلي وقعدت جنبو بس هو غرقان بموبايلو ما اهتملي
بعتلو:ليكني اجيت
محمد:شو بدك يعني
بلسم:نتناقش
محمد:النقاش معك مامنو فايدة
بلسم:انا اصلاً الي بدي ازعل
دغري اطلع فيني
محمد:وليش بقى
بلسم:انت شو عامل معي
محمد:مابعرف شو عامل
بلسم:انت ادرى
محمد:احكي الدغري ها
بلسم:لا بدك تحزر
محمد:لانو اطلعت لبرى وفي بنات
بلسم:اي وكمان سبب اتقل
محمد:ليكون مسمعك حكي مبارح متل الي سمعتيني اياه
بلسم:لا ما عبرتني
محمد:تعالي نتتاقش برى
اطلعنا سوى ودغري لبرى البيت قعدنا جنب بعض على حفة باطون بس ما اطلعنا ببعض كل واحد يطلع قدامو
محمد:بشو مزعلك هاتي لشوف
بلسم:انت ما بتعاملني كأني خطيبتك
محمد:لانو انتي مابدك
بلسم:وكيف مابدي
محمد:لهجتك خلقتك دج الحكي رومنسيتك الزايدة معي
بلسم:طيب انا غلطانة بس انت مو ملاحظ على حالك
محمد:لا والله انا مافي مني
بلسم:مابعرف بس انت مو مدللني متل ما عزمي مدلل سيدرا
محمد:ليكي بس يصير مقارنة مارح نتفق ابدا
بلسم:لا بدي اقارن
محمد:لا تفتحي باب مسكر عليكي يا بنت
بلسم:لا بدي افتح
محمد:ازا هيك سيدرا ما حكت انو عزمي فرض حالو فرض عليها
بلسم:انت سدءت بنت صغيرة
محمد:اي وعقلي لسى اصغر من عقل بيلسان
بلسم😂لكن روح اقعد مع مصعب وخطيبتو
محمد: 😏مارح رد عليكي
كنت بدي اصالحو على طريقتي وصرت اقلد حركاتو بالاول حك دقنو بعدها مسك موبايلو وبعدها رفع ايدو ليتاكد اني عم اقلدو اطلع فيني مستغرب حك ايدو وعملت متلو
التفتت لعندي وانا قابلتو بتحدي
ومن حركة لحركة فتح جاكيت البجامة وفرط ضحك عليي لانو صدمني
محمد:😂بتموتي على لمجاكرة
بلسم:عنجد عيب عليك ليش عملت هيك
محمد:😂لانو مارح تشحلي
بلسم:مابتتساير انت بنوب
اوقفت بدي افوت بس دغري رجعني لجنبو وضل يتطلع فيني
محمد:عيونك حتى بالليل بيسحرو
بلسم:يلا نفوت هلا بيستفقدونا
محمد:بتشربيني قهوة
بلسم:بتنطرني
محمد:اي لانو الحارة مسكونة
بلسم:لااا تزكرني
محمد:بشو
فتنا ونحن نتناقش
بلسم:عامر حكى عنك
محمد:😂اي معو حق
بلسم:بلا عليك
محمد:شو علاقتك انتي بيتحكم فيني مو فيكي
بلسم:وانا بخاف من سيرتهن وازا عنجد فيك شي والله لموت
محمد:😂بس لا تخافي ما بعوي الجني جواتي
بلسم:بسم الله الرحمن الرحيم روح انا بعملها لحالي
محمد:ليروح يستفرد فيكي
هربت للغرفة وهو محقق مرادو رعبني
.......
هو عمل القهوة وانبسطو عامر وعزمي لانو بيخدمهن
عزمي:بلش من هون ابن عمي
محمد:ومين خبرك بدي اضيفكن تعالو خدو فوق ما عملتها
بس اخد ل بلسم فنجانها وقعد جنبها وغمزها بشقاوة
بلسم:لا تطلع فيني
محمد:مو انا
بلسم:محمد لا تخوفني ها بدي اعرف انام
محمد: نامي هون
بلسم:بلاا اصلا انا خايفة منك
محمد:ههههه ما باكل هلا اتعشيت
بلسم:لك على انو فيك شي
محمد:بخخخ
بلسم:عزمي احكيلك كلمة معو
عزمي:ما بحكي بقوملو هلا
محمد:تعال لشوف يلا
عامر:ايوا بلشنا
محمد:خليها من زلمة لزلمة يلا
سيدرا:عم تمزحو موو
عزمي:لا ما عم امزح قوم لشوف
محمد:ممنوع حدا يتدخل ها
عزمي:ايه منشوف
بلسم:هييي عنجد بدكن تتخانقو
محمد:وبدي افرجيكن انو بيتحالفو ضدي
بلسم:محمد بربك بلا المشاكل امانة
سلام:😂يلا بلشو ون تو ثري
وعلقت متل لولاد لصغار بس كانو خصمين بنفس القوة وانا مو هاين عليي لا فيه ولا ب عزمي والباقي عم يضحكو ودغري اتدخلت لانو محمد الي مسيطر على عزمي
بلسم:محمد بربك هلا بتقلب جد
محمد: ومين خبرك انها مزح
عزمي:بلسم روحي لشوف
بلسم:محمد مشان الله اتركو
عزمي:بلسم روحي
ما رديت عليه شديت محمد من كتفو
محمد:ما بتركو لو مين ما اجى
بلسم:لك ليش شو صار انا حكيت كلمة
عزمي:وانا حكيت بعدي لشوف لا تدخلي
محمد: خايف تقول فكتك بنت مو
وهلا عزمي استعاد قواه وودفش محمد وانا ما اتحملت اطلعت من الغرفة وتركت عامر يفك بيناتهن
بقلبي: لولاد استحو يتخانقو انا اصلا ما بحب اشوفهن يتخانقو لانو المزح رح يقلب جد طلعت سلام فرطانة ضحك
بلسك؛ليش مبسوطة
سلام:هههه بيضحكو والله
بلسم:ما خلصو
سلام:لا سيدرا فكت بيناتهن وعزمي طاوعها
بلسم: مين الي خسر يعني
سلام:لتنين اقوى من بعض انتي ليش هربتي
بلسم:ما شفتي كيف كانت رح تتحول لجد
سلام:تشربن اركيلة
بلسم:دخيلك ناقصنا
سلام:مارح يعرفو ع أساس منرتب غرفة ستي
اجت سيدرا مبسوطة كمان
بلسم:شو مكيفة ع لخناقة
سيدرا:لا بس عزمي طاوعني محمد مارد عليكي😂
اتدايقت بس ما بينتلها وحسيت رح تبلش لمجاكرة وانا اصلا بدي هدية واغلى من هدية سيدرا
سلام:شو بلسم
بلسم:طيب هربن الاركيلة أنا رح اشوف الوضع
راحن للمطبخ وانا دقيت الباب وفتت كانو متجمعين على موبايل محمد وما اهتمولي
بلسم:نحن بدنا نرتب غرفة ستي
عزمي:بهالليل
بلسم:اي احسن
محمد:احسن حل وسكري وراكي منيح
حسيت انو بتفرجو على بنت
بلسم:كانك قلعتني
محمد:لا مو هيك
بلسم:ع شو بتتفرجو
ضبو كلشي
عامر:على محمد يعني على مين
بلسم:بدها كل هاد ليكو قدامكن
محمد:شفتوني😂
عامر:دخيل قلبك مافي منك
عزمي:اي والله
استغربت وفكرو بتمرق عليي هالتلميحات اطلعت وسكرت الباب بس ما رحت حطيت ادني عند الباب
عزمي:مع انو متزوال منك من وقت غمرتها
عامر:لو صحلك ما قصرت
عزمي:بتعرف محمد شو بعمل
محمد:اي وضعي بدو مجاملة وانت زودتها
عزمي:انا رح انسى بس وقت الجد مارح يصير خير
محمد:احكيلو عامر امانة
عامر:والله بروح مع ابن حماه والباقي عندك
عزمي:هاد الي بلا شرف وانا ما بقبل عم تفهم
محمد:انت خود عامر وروح😂
عامر:هو معقد الله يصلحو
محمد:😂لازمك حدا متلي فري
عزمي:اخرسو وسدوه كمان
محمد:شوفلك على هالبنت بلا ما بتشق القلب
عامر:😂😂 والراس كمان
عزمي:اي حلوة بس يمكن بدون مكياج ما بتنطس
عامر:اديشو بريء ابن عمك
محمد:شايف المهم انت اعرفت
عزمي:هات لقلك
رحت للمطبخ يأسانة من هالوضع بس يمكن بستاهل هالشي اخدنا كل الاغراض للغرفة وقفلناها
سلام:اي سيدرا شو مشان المفاجأة
سيدرا: مابدي احكي قدام بلسم
بلسم: اديشك صايرة حقيرة
سيدرا:لك لااا مشان لا تنتزع
بلسم:اي قولي هيك وضحي بتعرفيني عقلي صغير
سيدرا:مو ناوية تجيبي لمحمد هدية
سلام:اكتر شي بحبو النسوان😂جيبيلو بنت حطيها ب علبة
سيدرا 😂تخيلي
بلسم:ليش مين بدو يهديه
سلام:انا بنسقلك هدية تطير عقلو لاصيل
بلسم:...
بقلبي بدو صرماية وعلى راسو فيها
سيدرا:انا بعيد الحب رح جيب ل عزمي بارفان وبدي انسجلو لفحة
بلسم:وسجادة صلاة بطريقك
سلام:يعني مو قلابية😂
بلسم:ومسبحة
سيدرا:ليش معصبة بلا
بلسم:من حالي
سيدرا:خدي اسحبي
بلسم:هاتي لقلك
كنت عم اتفشش فيها حاطة براسي بهدية سيدرا ورح افرقع وهني مزح وضحك وبسط لحد ما اندق الباب واتلبكنا
بلسم:مين
عامر:مابدكن تروحن
سيدرا:لا بكير
عامر: لايمتى يعني
سيدرا:خمس دقايق بس
عامر:اكتر لا
سلام:شو رايق
بلسم:طالعلك
سلام:مو متل المصارعين الي عندكن
بلسم:اخطبيه😂
سلام:ما انا مخطوبة
سيدرا:كانو ما بيتصل فيكي
سلام:محاربني
سيدرا:اوف من كل عقلو
سلام: يسطفل المهم انا مبسوطة
بلسم:اتركيه
سلام: ما بعرف
سيدرا:ياريتك مو مخطوبة كنا جوزناكي ل عامر وضلينا صحبة انتي كنتنا وبلسم كنتكن وانا كنتهن
بلسم:وشوفي بكرى اولادنا نص جدبان😂
سيدرا:ع اساس عنا حدا اجدب
بلسم:بس عنا امراض واثية متل الطرش
سلام:والحقد😂مرض نفسي
بلسم:اي امبلا
سلام:بكرى رح يطلعو اولاد بلسم زعران
بلسم:ها وانتي
سلام:لا انتي وراثة من الطرفين
بلسم:يعني انا ما بسوى
سيدرا:وخطيبك حرامي بزمانو
بلسم:لااااا فشرتي وحدة متلك حرامية
سيدرا:شو جبت الحكي من جيبتي
سلام:بس هو تاب
سيدرا:وولادو بسرقو بعدين بتوبو
بلسم:فشرتي بعدين رح يطلعو ل خالهن
سلام: يعني اصيل مو معبي عينك
بلسم:لا امبلا بس لانو مارح تحكي عن عزمي
سيدرا:😂 وبتلاقي اولاد بلسم بالحارة على تربايةوكلاب وحمير
بلسم: وبعدين
سلام:بس جننو لابو تحسين وهو يسرقلو لحمار😂😂
سيدرا: وكانت عطول حارتنا كلها كلاب😂
بلسم:...
الله لا يوفقك يا محمد على هالماضي راح اتعيب فيه انا
سلام:وازا ما سرقو موبايل بلسم
سيدرا:وانا بس يجو زيارة علينا رح اخبي الشغلات الثمينة
سلام:وفتشيهن قبل يطلعو
بلسم: ضريب منك الها واصلا ما بتستحن انتي وياها انتي عم تحكي على اخوكي
سلام:منمزح😂
بلسم:وانا شو علاقتي امزحي بس لا تحطوني بالنص
سيدرا:المهم جهزي حالك للمعناة وكل شوي تيجيكي وحدة ابنها مسفوق من ابنك كف او سارقلو الطابة
سلام😂لك رح تنجلط لا بقى تجاكريها
بلسم:...
مابقى اتحملت بس مقهورة عنجد من كل الحكي
بلسم:ليكن أنا بدي اروح كملنها
سلام:خلينا هون امانة
بلسم:خليكن انا عزمي بوصلني
تركتهن ورحت للغرفة كانت مطفية بس شاشة موبايل محمد
بلسم:عزمي
محمد:نايم
بلسم:ليش مابدو يرجع
محمد:لا
بلسم:وانا مين بدو يوصلني
محمد:اوصلك
خفت منو
بلسم:لا بابا بوصلني وعامر نايم
محمد:زماان
ارجعت لعند البنات اتصلت ب ماما
بلسم:كيفك ماما
ماما: اهلين حبيبتي
بلسم:شو طولتت
ماما:نحن زمان روحنا انتو الي وينكن
بلسم:ابنك نايم وين بابا
ماما:بعد صلاة العشاء دغري نام
بلسم:يعني بدي أضل ببيت ستي
ماما:سيدرا وسلام معك
بلسم:اي
ماما:خلص لكن نامن بغرفة ستك والصباح رباح
بلسم:طيب ماشي
بزيادة انقهرت فتحنا الشباك هوينا الغرفة ورجعنا الاركيلة ورجعنا للغرفة كل وحدة جهزت فرشة ونمنا
سلام:لك بلسم صحيح رح تصيري ام رسلان
بلسم:لا ام جود
سلام:😂😂لا حبيبتي رسلان وغصب عنك
بلسم:ليش انتي رح تصيري ام عثمان😂
سيدرا:اي بصير المهم عزمي يكون رضيان
سلام:😂قال ام جود والله ما يسمع اصيل ليشويكي شوي
بلسم:...
بقلبي:ازا تمت لجوازة وبدي افسخ الخطبة وارجعلو الدهب لفيت على جنب تاني واتزكرت طفولة محمد اي كلها سرقات خناقات مشاكل وكان عطول يتعالق مع شباب على كشى الحمام كان يسرق كل لطيور االغالية وكان كل ما يعمر بيت للحمامات يخربو مهران هون ببيت ستي عمل كشى بتجنن كلهن لونهن ابيض
بقلبي: لا مابدي اياه ومبين نسونجي كتير واكيد عامل شي لحتى عزمي متزوال منو ياربي ينقلع واخلص منو وارتاح كمان
سالو دموعي اي بكيت لانو ما جابلي متل هدية سيدرا انشالله ما بتتهنى فيها
......
الصبح كلهن صحيانين الا بلسم ومحمد برى على مزح وضحك الاربعة وجهزو فطور وتشاركوه ولا كانو موجودين برجعة ستهن واتحول الاجتماع عندهن ضحك ومزح وحكي انتقادات وبعدها صحي محمد غسل وطلع لبرى ما شاف بلسم بس سلم عليهن وقعد
سلام:ابو جود صحي
استغرب
سيدرا:😂كيفك ابو جود
محمد:مين هاد ابو بطيخ
سلام:هاد اسم ابنك بلسم هيك بدها
محمد:..
عامر:بدر احلى😂
عزمي:😂ابو بدر كيفك
محمد:فايقين ورايقين
بطلعة بلسم ما كانت منيحة لاحظ انها زعلانة ودغري قعدت بجنب امها وغمرتها
ام عزمي:اشتقتيلي مو
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`