الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم عشق الأصيل`*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
قصص وروايات 📚📖:
محمد:الله لا يوفقك يعني انا ما كنت اتوهم
امين:ليش
محمد: انا عطول بخلي السيارة ببيت ستي وانا طالع اسمعت صوت خطوات
امين:لك لااا لساها بعز السهرة بيجو بعد نص ليل
محمد:لكن مافي امان
امين:بنوب دير بالك ع ستك😂
محمد:على كلا هي ما بتسمع بيحمل وبيمشي
امين:هههه اتصل ب ايوب
محمد:اتصل منكزب عليه كم كزبة منتسلى فيه
اتصل فيه امين صار يهمسلو محمد
محمد:شيماء يا شيماء
امين خاف كتير صار يعضلو على شفافو بس محمد مكمل
ايوب:مين عندك في حدا بيحكي
امين: لا ماحدا اتصلت ب اصيل
ايوب:ازا اصيل جاي بيجي يلا مسافة الطريق.
سكر امين ودفشو
امين:لك لو سمعك
محمد:مو اختو شيماء حبيبتك
امين: الله يفضحك لك شو بتخبص انت
محمد:بس اشوفها بنسى اخت مين بتزكر بتحب مين
امين:سكر ع السيرة مشان الله
محمد:بس ع شو حابيتك وشك متل الكازوزة ودقنك بدها نتف
فرطان ضحك ع امين الي مو هامو انتقاد محمد
محمد:لاااا ولسى بتلبس سماوي
امين:شايفها اليوم
محمد:ما هي رفيقة بنات عمي
امين:بلسومة يعني
محمد:بتعرف تخرس
امين:ههههه
محمد:اوعك تعيدها ها
امين:ها شوف كتير خفت منك
محمد:ضريب ريتو اجى الحرامي واعلقت مع منيب .
امين:بروح فيها الله وكيلك
بجية ايوب على موتور انصدمو فيه
امين:ابن الحرام
محمد:بيتعاطى ولا تقنعني
سلم عليهن وانضم الهن مشغلين نار وصار الشاي وضيفهن امين
ايوب: كيفو اسأل علينا والله منحبك
محمد:انت اسأل عليي
ايوب:ما بتطيق افوت حارتكن
محمد:منيح بتفهم
ايوب: شو وين اولاد عمك
محمد: وشو بدك فيهن
ايوب:والله حاببهن كتير
محمد:الله لا يحبك
امين:هههه كيف اوصلت منيح ما اغتالوك
ايوب:شو بدهن فيني زلمة عايف حالي
محمد:انووو عايف حالك بتكزب عينك عينك
ايوب:شو شفت مني
محمد:كل ردية
ايوب:هههه ايمتى راجع
محمد:فكرك احكيلك
ايوب: انا السبت طالع
محمد:دربك شوك
امين:هههه حرام عليك
ايوب:بمون
محمد:فهيم اتعلم منو اي صحيح امين كنت تحكيلي عن حبيبتك
ايوب:ليش حابب
امين:اعوذ بالله انت شو بتخبص
محمد:امبلا وكان اسمها
امين:وحد الله مافي منو انا نهايتي اخد وحدة من بنات عمي
ايوب:مأمن حالو يا عمي وانت اصيل
محمد:ماعندك اخوات بنات بينحبو
ايوب: تضرب بشكلك شو بدك باخواتي
محمد:ازا بدك بصير صهرك
دغري وقف امين وراح لبعيد قبل يتهور ويضرب محمد
ايوب:لا ما عنا بنات
محمد:امبلا شفتها شو بتكزبني
ايوب:يعني انت ناوي تتمشكل
محمد:هههه بمزح معك امين تعال ايوب ناوي يجوزك اختو
ايوب:اي وبعدين انت ما بتستحي
محمد:لا زمان طلقتو😂
امين:شيلونا من هالسيرة خلونا بالحرامية
محمد:هاد مدير العمليات
طبطبلو على كتفو هد حيلو لامين
ايوب:هههه الله عليك انت ما بينعلق معك
امين:عنجد اعلق مع رقاصة بتسترك هاد اللعن من النسوان
محمد:عيب السرقة مثلا انا بعترف انو بسرق
ايوب:بلا جد
محمد:لو تعرف شو سرقت اخر مرة
ايوب:متل
محمد:شغلة تقيلة من حدا تقيل
ايوب: لعمى مو معقول
محمد:لهيك خبو اغراضكن مو مشان شي مشاننكن ومشان ما امد ايدي ع الحرام
امين:اخدها عادة
محمد:ايدي ما بمون عليها مرة سرقت موبايل احزرو لمين طلع
ايوب:لاخوك
محمد:لك لاا الي بس كنت مغيرر الكفر وفكرتو مو الي
غرقانين بالضحك عليه
محمد:ورصاص منك الو
امين:والله انك نهفة
ايوب:قصدك داهية
..........
ثار رصاص بالجو كنا طالعين نوصل سلام وستي وبديع
سلام:هون مو
عزمي: لا بعيد
سلام:وين أصيل
عزمي: عند رفيقو
سلام:الله يسامحو ليش طلع
عزمي:هلا بشوف عليه
وصلناهن وضلينا عند الباب لحتى فاتو وسكرو وارجعنا تمشاية اجيت معو لاني بخاف عليه
عزمي:هاد ما بيرد
بلسم: شو بدو يصير عليه
عزمي: متدايق
بلسم:خلص بقى والله مخنوقة مدايقة اكتر منك
عزمي:كيف ما اسمعتي كان صوتنا عالي
بلسم:شبعرفني والله لساتني خايفة من الموقف لا تزيدها عليي
عزمي: ماشي
رجع اتصل بمحمد رد عليه ونحن فايتين للبيت وضليت واقفة اعرف شو الموضوع
عزمي:مو عندكن......اي مين معك....ماشي لا وصلتهن لا تخاف بس لا تتاخر ارجع بكير مافي امان اي هلا بفتح سلام
بلسم:شو
عزمي:بعيد قلتلكن
........
سيدرا مهمومة متدايقة من عزمي وحابة تلمحلو بس خايفة من ردة الفعل
بقلبها: لو معجب كان بين عليه محمد اليوم ما شال عيونو عن بلسم وكان مهموم ما بنسى كيف اتأملها قبل يطلع يرد على موبايلو نيالك في حدا معجب فيكي ومين محمد اي والله مافي منو يارب يحبني عزمي ويصير من نصيبي يارب يتغير كلشي واتجوزو شو بدي احلى ولا ارتب ولا أأدب منو بيكفي زلمة وبيغار وهي احلى صفاتو بس مو حنون متل محمد
..........
عامر لسى ما راحت سلام من بالو نظراتها الو كانت كلها اعجاب لو كزب حالو واتزكر انو شاف صورة خطيبها مع محمد وزاد القهر والغيرة
بقلبو :بتحكي معو بيتغزل فيها بحبها بتحبو وانا هون بدي اطالعك من راسي ما افكر فيكي بس ماني قدران جمالك نعومتك انتي ملاك من عالم تاني ااااخ دخيل قلبك شو حلوة وطيوبة مو لئيمة لمين طالعة حنونة هيك
عامر:حسي فيني امانة
......
سلام عم تقرأ مختصرات بعتها كمال
كمال:مارح احكي معك ولا اتواصل اتهني بالضيعة اتهني مع اخوكي ولا تحاولي ترجعي العلاقات الي بيكسر كلمتي رح يشوف مني شي كتير
بقلبها: ما بحبك ولا بحب تحكمك فيني انا بنت هالضيعة بعشق ترابها وأرضها وناسها كمان يا الله شو حلوة لمة الاهل ما احلى المزح معهن بالاخص عامر
اتزكر ضحكتو ومزحو وكتير دمو خفيف
بقلبها: مستحيل اشوف حدا اروق منك ومبين حباب ومتسامح وبقلبو مافي حقد يا الله ليش ما يكون عامر من نصيبي واقضي حياتي معو ببساطة بدون رسميات بدون زعل بدون حقد وتحكم واذية اوووف يضرب كلشي مجبورة عليه
.....
محمد بعالم تاني صحيح عم يتسايرو بس هو مو سامع الحكي منتبه للنار وعم يتزكر كل اللحظات الي جمعتو ب بلسم حتى وقت كانت طفلة ما كان بيعرف انو هاد حب بأيام المدرسة وقت كان محامي دفاع عنها السبب الاول لانها بنت عمو والتاني لانها بنت وضعيفة وهلا متأكد السبب المهم انو كان يحبها من هديك الايام
وقت استاز الرياضة سألها بأهتمام عن اسمها وبنت مين بيتزكر انو انقهر كتير لانها بلسم بتخصو مو بس بنت عم اقرب بكتير شي مافيه يفسرو
اخد نفس ليرجع للواقع لمنظر مابروح من بالو ل شعراتها
ولانو صارلها زمان متحجبة بالنسبة الو ملفته ومغرية بكلشي
امين:جبناك تصفن
محمد:..
ايوب:ليكون حابب
امين:يمكن هي صفنة الحب
محمد: انتو سهرانين
ايوب:هلا حلوت السهرة
محمد:انا ميت نعس تصبحو ع خير
امين:وانت من اهلو
رجع للبيت مرتاح لانو متاكد من حبو الها
بس ما عجبو انها زعلانة وهو السبب لانو عزمي جحش نظامي وبيغار عليها غيرة جنونية صفط السيارة قريب من الشباك لحتى يسمع اقل حركة ستو وسلام نايمات وبديع بالغرفة نايم وهو اخد فرشة وحرام ونام تحت الشباك وفتح برنامج ليتواصل مع عزمي الي اون لاين كل الوقت
محمد:وينك
عزمي:روحت مو
محمد:هي وصلتي
عزمي:بدك تنام
محمد:مو جاييني نوم
عزمي:غريب صاحي بكير
محمد:مو مرتاح حاسس في شي
عزمي:بلا جد
محمد: بدي امزح يعني
عزمي: سامع شي
محمد:اي
عزمي:اطلع خلينا نسهر برى
محمد:لا مو حرزانة انا سهران
عزمي:انا مشانك
محمد:لا تشيل همي
عزمي:ازا بدك اي شي بس علملي تعليمة
بقلبو:انت وحيد اهلك اما انا متخليين عني كلهن بناقص مني
.........
يوميات متشابهة سهرات واجتماعات يومية بس نجاح بيلسان غير كل المود واتاريه محمد واعدها بحفلة والتحضيرات ببيت ستي ونحن الي اعلقنا عامر وبديع زينو الغرفة ببوالين من كل الالوان ونحن جهزنا تبولة ويبرق وعصير سيدرا مستلمة الاغاني وسلام عم نترجاها تخلص مكياج ولبس وانا كمان رح اللبس واجهز حالي طليت على نهائيات التزيين بس الي وقفني لعبهن كانو هالمرة متفقين على محمد ماسكو عزمي بس هو متمكن من حالو وعامر هرب بس عزمي مو مستسلم وبديع من صف محمد وعم يحاول يبعد عزمي عن محمد غرقانين بالضحك متل لولاد لصغار ارجعت للبيت ماراح منظرهن من بالي حلو يكونو هيك منسجمين مع بعض بالبيت ماما عم تجهز حالها
بلسم:نيالك
ماما:لكن ليش بنحسد عليكي اخدتي مكاني كيف التحضيرات
بلسم:تركت ابنك يلعب مع اولاد عمو
ماما:يقبر قلبي
بلسم: رايحة
ماما: ناطرة مرت عمك
اللبست فستان ابيض وعليه ورد جوري احمر واتمكيجت مكياج خفيف لفيت الشالة واجتمعت مع ماما ومرت عمي بجية عمتي وسعدية والا تبوسني واتمايزتني
عمتي: بجنن فستانك من هون
ماما:لا من ابو عزمي
عمتي:بيجنن
ام عامر:قصدك القالب غالب اسم الله عليها
بيلسان لابسة فستان زهري فاتح وسلام عامليتلها مكياج هادي وموديل شعر وهلا محمد راح ليجيب الكيك الي موصي عليه
عمتي:لا تتأخر
محمد:مسافة الطريق بس
سعدية:حدا يروح معو
عامر: انا جاي
لاحظت سلام متأمليتو ولي على عيونها وهلا هو خجل وطلع مع محمد ضليت مصدومة من هالمنظر وسيدرا مبتسمة ب خجل
فيهن وشة البنات
بلسم: يلا نجهز الاكل
سيدرا:يلا اجيت
بالمطبخ غمزتها
بلسم:عشقان الحلوو
سيدرا:لا ولوو
بلسم:بس في شي
سيدرا:حسدت بيسو
بلسم: وانا غيرانة ياريت حدا يعملي حفلة
سيدرا:شغلت سلام اغاني
بلسم:بتعبر عن الحب اكيد
اجت تركض بيلسان
بيلسان:بلسم تعالي شوفي امك واخوكي عم يرقصو
رحنا ركض كان منظرهن بيجنن وعمتي مبتسمة بدون نفس بس سعدية تضحك وخجلانة وستي مبسوطة كتير
هيك كانت اجواء الحفلة طلع بديع وعزمي ونحن بلشنا رقص كنت اجاكر بعمتي اتمايل عندها جننتها من الاخر
وبس اجى محمد دغري جهزنا مكان الحفل شغل لشموع وطفينا الاضوية لحتى طفت بيلسان لشموع تسفيق وتصفير وبلشنا بالاكل اهتمام عمتي بمحمد كان واضح ومبين
ضجة على صوت ضحك وحكي وعزمي شغل اغنية على زوقو وصفو حد بعض للدبكة بمشاركتنا مسكت بأيد عزمي والباقي وراي حتى ماما وعمتي ومرت عمي وستي مبسوطة فينا عيلتها مجانين بس محمد وسلام عملو جو جديد علينا
ومحمد وعامر وعزمي على الاول نفس الحركة ونحن نطلع ببعضنا ونوقف عن الدبكة بس كانت حفلة بتجنن
.......
ترك دغري وقت شاف موبايلو عم يعطي اشعارات
شاف مكالمة من ضياء بيك ودغري طلع لبرى يحكي باهتمام بعد ما اخد نفس
محمد: احترامي سيدي
ضياء:بالتلة انت
محمد:اي سيدي
ضياء:شو صاير عندكن بالتلة
محمد:ما اسمعت في شي
ضياء:كيف ما اسمعت جيبلي الخبر بسرعة
محمد:حاضر سيدي
فات للغرفة وطفى الاغاني
محمد:من وين بتجيبو اخبار الضيعة
عزمي:في شي
محمد:مابعرف والله بس صاير شي
عامر: امين مافي غيرو
دغري اتصل فيه
محمد: وينك انت
امين:بالمزرعة اسمعت
محمد:شو صاير
امين:ما اسمعت التفجير
محمد: هون يعني
امين: من بيت عبد القادر هيك اسمعت
محمد:سكر سكر برجعلك
عزمي باهتمام:شو صاير
اخد نفس محمد واتصل ب ضياء بيك وطلع يحكي برى
محمد: احترامي سيدي
ضياء:شو يا اصيل
محمد: كأنو من بيت عبد القادر بس مو متأكد
ضياء:على كلا أنا بعتت رتل عسكري جهز حالك انت وكل الشباب الي بالتلة بدي استنفار بدي حماية كاملة مو بس الو لاهلو
محمد:حاضر سيدي انا جاهز ورح اخبر الشباب
اتصل فيه امين رد متوتر محمد كتير
محمد: شو بدك انت
امين:بيقولوو رايح فيها
فصل الخط وزاد توترو
عزمي:فهمنا
محمد: بدي احكي من موبايلك
عزمي:مع مين
محمد:هاد بدو يجيب اخرتي
اتصل ب امين من موبايل عزمي
محمد:لا بقى تخبص على خطي يا ابن الحرام لا تجيب سيرة حدا
امين:بس الخبر
رجع فصل الخط فات مستعجل وهو يحكي مع ايوب
محمد:ايوب لم الشباب انا ناطرك بأول الحارة
ايوب:ماشي انت جاهز
محمد:بس بدي ابدل تيابي
..........
كنا مو عارفين شو القصة وكلنا واقفات بالصالون شفنا كيف محمد متوتر وكانو خايف
عمتي:شو صاير
عزمي:شبعرفني
عامر:خوفنا اتصل ب امين
عزمي: دخيلك مو ناقصنا
طلع محمد جاهز وكانو على حرب لهيك سلام بلشت تبكي
سلام:شوفي اصيل شو صاير
محمد:انا يمكن ما ارجع لهون الشنتة فيها شغلات مهمة خلي كمال يجي ياخدك
سلام:لك للاا انا اجيت معك
محمد:شو حكيت اتصلي ب كمال وارجعي انا مابعرف شو بصير معي.
عمتي:شوفي عمتي
محمد: مابعرف متلي متلكن
ستي:يعني فهمنا
محمد: السيارة خليها عند حدا منكن انا ببعت مين يجيبها
وهلا رن موبايلو فصل الخط وسلام هجمت عليه وبلشت تبكي
سلام:ما ضل فيني حيل امانة وين رايح
محمد:خلص بربك لا تبكي ديري بالك ع حالك
ودغري طلع لحالو والظاهر انو في حدا ناطرو
عامر: كيف انتزع كلشي
.........
باول الحارة طلع ب ب هايلوكس عليها رشاش واتوجهو لبيت عبد القادر اهم ضابط مسؤول عندهن
ايوب:شوكة الشقي بفراشو انزلنا اجازة
محمد: أنا ما اسمعت
ايوب:شو انهزت الضيعة هز
محمد:حكى معك ضياء بيك
ايوب:لا
وصلو بعد ما كانت المنطقة محاوطة بالامن سيارة اسعاف طالعة من المكان واتقدم محمد ليحكي مع الضابط بعد ما ضربلو تحية
محمد:احترامي سيدي
فاروق:انتو جماعة التلة
محمد:اي سيدي
فاروق: بدي تمشطولي المنطقة كاملة
محمد: حاضر سيدي
فاروق:في ممرات فرعية
محمد: مو كتير سيدي
فاروق:لكن بتبعت مجموعة على كل طريق فرعي بعد ما يأمنو لعيلتو الحماية
محمد:الاحسن يباتو بالضيعة طلعة الليل مو مأمنة ويمكن يصير شي غير متوقع
فكر ب كلامو واشر للعنصر
فاروق:بعد ما يمشطو المنطقة بتسحب العناصر على اقرب نقطة عسكرية
وانتو بتضلو هون للصبح والتعليمات رح توصلكن اول بأول
رجع ضربلو تحية
محمد مصدوم وين كان وهلا وين صار الهوى قوي لدرجة البرد سيد الموقف اتوزعو بعد ما مشطو المنطقة وخايفين من اي هجمة عليهن بس التعليمات ما ممكن تتخالف لهيك حاطين ارواحهن على كفهن
بنص الليل هدوء بس صوت تنبيح لكلاب محمد متمدد بأرض السيارة والبرد عم يطلعلو من كل مكان وايوب قاعد على طرف السيارة متل القرد والشباب بالسيارة سهرانين على دخان
محمد:ما بيطلع الضو والا روحي طالعة
ايوب: اتجمدت يا ابن الحرام
محمد: انا اتحممت المغرب انت متلي
ايوب:هههه بمناسبة متحمم مثلا
محمد:كان في حفلة لبنت عمي لصغيرة وبتعرف لازم الواحد يهتم بحالو بس عليي ما عليي لو بعرف انو طالع مهمة ما بتحمم لو شو ما كان
ايوب:هههه
محمد: انا اتخيلت حالي نايم متهني تحت لحرام مو هون
ايوب:غيرك صار بمكان تاني
محمد:لا اله الا الله انا متسكرة الدنيا بخلقتي
ايوب:عنجد بحكي والله الواحد لازم يتوب عن الشغلات العاطلة
محمد:بدك تحج يادوب تكفر عن ذنوبك
ضحكو من بردهن
ايوب:انت مقدس ع اساس
محمد: انووو انا كلي بلاوي
ايوب:عملي ولا نظري
محمد:هههه شو هالاحراج من جميعو بس ناوي اتوب ادعيلي
ايوب:ازا لحقت
محمد:مو بلاا هلا ليش نحن برى
ايوب:كلاب حراسىة
محمد:ياريت اشكل فرار هلا
ايوب:ويقوصوك بنص الليل
محمد:انت جاهز
ايوب: حل عني اصيل بربك
فرط ضحك عليه
ايوب بقلبو:ما فكرتك هيك شو رايق ومبسوط والله مبسوط
محمد بقلبو:رغم كلشي بس انتي اليوم ملكة قلبي بأناقتك بفستانك يا روحي انتي اديشك حلوة ومغرورة وبيطلعلك معقول اموت قبل ادوق منك لو بوسة صغيرة والله بنفسي كلشي والظروف كلها ضدي يا ترى خايفة عليي ولا بناقص مني
..........
صفط السيارة عزمي تحت الشباك دغري
الاخبار بالتلة ما بطمن وحكو انو مليانة امن وعساكر اكيد محمد معهن بس شو بيعملو بهيك وقت وليي شغلتهن صعبة برى البرد ما بينطاق بنوب
فتنا للبيت شغلت الصوبيا وقعدت افكر بمحمد كيف طلع مو شايف بعيونو وكان متوتر كتير وكانو معصب كمان وفوق منها غمرتو سلام خايفة عليه ياحرام تركناها تبكي بعدين مين جبرو يتطوع بالأمن وهو بيعرف انوو شغلة صعبة قليلة شو راح شباب من هالبلد ياترى معو ايوب بعتت ل شيماء
بلسم:كيفك
شيماء: منيحة
بلسم:شو صاير
شيماء:متل ما اسمعتو
بلسم:وين ايوب
شيماء:استنفرو كمان بالمكان الي صار فيه
بلسم: اي لا تخبصي مو ناقصنا
شيماء:راح ابن عمك
بلسم:اي متل البرق
شيماء:وكمان ايوب اجو اخدوه جماعة ما منعرفهن
بلسم:مع انو برد
شيماء:اي كتير برد الله يعينهن
بلسم:بدك تنامي
شيماء: خايفة على ايوب كتير
بلسم: الله يحميهن كلهن
شيماء:امين يارب
اتزكرت الحفلة وكيف خرب كلشي بثواني يمكن صبنا حالنا بالعين بس الحفلة كانت رايقة وبتجنن والكل مهتم بحالو بالاخص محمد وسلام شيك كتير بس بعدين طلع بجاهزية كاملة كانو رايح للحرب
اتزكرت اسئلة بيلسان ونحن مروحين
بيلسان: يعني سافر
عامر:لا هون
بيلسان: كيف راح مشي والله بعيد
ماما:اجو اخدوه رفقاتو
بيلسان:وليش مسلح
عامر: اجباري بدو يتسلح لانو متطوع بالامن
بيلسان:بتكون مرت عمي خافت عليه متل سلام لسى عم تبكي
ام عامر:الله يحميه احسن شي
عامر:.بس محمد ما كان على بعضو
ماما:لانو مو عارف حالو وين رايح
ام عامر:ما اتوقع يصير شي هو نازل اجازة
عامر:بس متوقع كلشي شغلتو هي والا ما اتجهز بثواني
اجى عزمي ومجهز امور السهرة قهوة وبزر
عزمي:حطيلنا على مباراة
بلسم: فاضي لحالك
عزمي:شو اعملو يعني اروح معو
بلسم:وعنجد حدا ميت
عزمي:مابعرف ليش هو حكى اسمعنا من مصعب شو صاير
بلسم:وليش هيك خايف كان
عزمي:شبعرفني بس كانو خطو مراقب هيك افهمت منو
بلسم:شغلتو صعبة شو عاجبو فيها مابعرف
عزمي:ايه كلو متطوع
بلسم: شباب التلة كتار
عزمي:اي لهيك ما عليهن خوف فرقة كاملة
قضى السهرة يتفقد سيارة محمد وخايف عليها هاد الي جايينا منو للافندي
........
الصبح كانت سلام جاهزة بجية كمال على عيونو مجبور بس مافيه يرفض طلبات ابوها ودعت ستها وحط الشنتة بالسيارة وركبت حدو
سلام:ما كنت بدك تيجي
كمال:هيك بصير بس تروحي من كيفك
سلام: أصيل مسكر موبايلو
كمال:انا شفتو مع شباب التلة طالعين للمدينة مع رتل عسكري
سلام:ايمتى
كمال:بنص الطريق شفتهن
سلام:يعني راجع للمدينة
كمال:هيك بدو يكون الاستنفار مو طبيعي الاخبار وصلت متل النار للفروعة
سبام:لكن ما شفت أصيل كيف طلع انا كلشي اتوقعتو الا هالشغلة
كمال:وكيف كانت زيارتك
سلام:بدي بس نتجوز نسكن بالتلة
كمال:اي احلمي انا اترك مدينتي شغلي واسكن بهيك مكان مقرف
سلام:...
اتزكرت تواضع عامر وغصت كتير ومهمومة لدرجة والسبب اصيل وشغلو وانو مجبور كمان وكلشي بيخليها تكون مهمومة بقلمي مايا الحجازي
#يتبع
........
قصة #عشق_الأصيل 4
بمكتب ضياء بيك كان ناطر أصيل العنصر الي بالنسبة الو موثوق وأصيل ضربو تحية عند الباب وانبسط بشوفتو
ضياء:اتفضل لا تضل واقف عندك
سكر الباب بهدوء واتقدم
ضياء:ارتاح
قعد كان هلكان من نومة السيارة من البرد الي عشش فيه من طريق طويل اتخدر لحتى استرخى شوي على الكنباية
ضياء:كيف كانت اجازتك
محمد:منيحة
ضياء:انا قلت عم يعمل شهر عسل مو مخبرني
محمد:لا بس بتعرف اهل بابا هنيك
ضياء:وايمتى بدنا نفرح فيك
محمد: انشالله بأقرب وقت
ضياء: ورح تعمل العرس هون
محمد:لوقتها ببين
ضياء:اكيد لساتك ما ارتحت
محمد:من مبارح مستنفرين
ضياء:فيك ترتاح وتداوم الصبح
محمد:حاضر سيدي.
طلع من مكتبو مو مسدء يوصل لغرفة الحرس شلح الجاكيت والبوط واتمدد على التخت وغمض لتروح فيه نومة كأنو بعمرو مو نايم رمى كل هموم الدنيا ورا ظهرو
بعد ساعات طويلة حس على نفس قريب منو فتح عيونو ليشوف انس ابتسملو
انس: سألت حالي ليش منورة الدنيا
محمد: اديشك مزعج
انس:مبين مو نايم
محمد:ما دقنا طعم النوم
انس بهمس:مدبر
دق قلبو بقوة
محمد:لفلفها دخيلك
انس:اجى معك ايوب
محمد:لا اخوك مدبر حالو
انس:وكيف بدو يرجع
محمد:بسيارتي
انس:ازا هيك منيح اتغديت
محمد:ميت من جوعي
انس:صحصح بكون جبت الغدا
بقي يتأمل كلام أنس
بقلبو:حسيت إجراءات روتينية قدام اهل المغدور ونحن مشان إجراءاتهن مستنفرين ونوم ما نمنا اخ بس من الي كان السبب بالشغل انا مابدي اكون بخطر بدي اكون فلاح ازرع واقطف واحصد صرت فرجة مبارح للكل ولساتهن بسيرتي متأكد
يارب يرجع عمي بخير وسلامة خلص بقى بدي اتصل فيكي بدي تحبيني متل ما بحبك بلسم......اخ انا مشتاقلك كتير
غسل وصحصح اتغدا مع انس غدا مدعوم والسبب محبة ضياء بيك الغير محدودة لمحمد أو اصيل متل ما الكل بالمدينة بيندهولو
........ ...
في فراغ انترك بعد سفر محمد وسلام ما كنت مسدءة انو خلص رجعو وكنت مفكرة رح يرجع محمد مشان سيارتو بس بوقتها اجى ايوب كنت عم رتب قعدة برى وخفت لانو عزمي جوى لهيك فتت ركض ع جوى قبل يحكي معي
عزمي: شبكي
بلسم: في شب جاي كانو علينا
اهتم ودغري طلع وانا راقبتو من الشباك كيف سلم عليه ورجع فات عزمي ليحكي مكالمة وانا اهتميت اكتر لانو سامعة صوت محمد
محمد:ايمتى طالع....ازا بكرى لا خليها عندك....انا بحكي معو خلص سكر يلا
والي افهمتو جاي لياخد سيارة محمد ويرجعلو اياها رجع اتصل فيه محمد
عزمي:شو صار معك
محمد:هلا طالع اعطيه المفتاح
عزمي:متل مابدك شو عندك هلا
محمد:مناوب بحكي معك بس اخلص
طلع عزمي وطالعلو السيارة للشارع
ماما:ارتحنا من همها مو ناقصنا بلاوي
بلسم:اي لانوو ابنك ما عم ينام الليل من وراها
ماما:وانا خفت يصيرر شي وبتعرفي عقل اخوكي
بلسم:انا الي بعرفو
ماما:مو هاد ابن وصال
بلسم: اي اخو شيماء
ماما:مشالله الله يحميلها إياهن
........
ايوب لساتو عم يتمايز فيها وسايقها بهدا ويتزكر كلام محمد
محمد:ليك ماعندي ولا مخالفة مرور يعني مشان لا تعملي فيها سباق ورأساً لبيت اهلي
بقلبو:وكالة والله ....ايه لو بابا ابو مهران كان عندي متلها طلبو مو مرفوض وهو حدا الو واسطة والا ما بيهتم فيه ضياء بيك اجازات مفتوحة ويمكن لو بيطلع بايدو بيخليه ينام بأوتيل هو شقفة مرافق لا اكتر ولا اقل
ايوب:بس لازم اخدشها لو خدش يخرب بيتو كانو مو مستعملها ولا مهتم فيها متل مو مهتم بحالو يضرب شايف حالو
بقلبو:ومتمني اخد مكانو لو يوم الو حضور شو نكزب على بعض منيح ما عم اداوم بنفس الفرع مشان لا اتحسر على حالي يا هيك الواسطات يا اما بلا بعد سفر ساعات وصل ايوب اتوصل مع محمد لحتى خلا مهران يستلمها منو ورأساً ايوب على شغلو بدون استراحة بدون قسط راحة حامل شنتة تيابو وقت اتزكر بلسم ارتاح
ايوب:راجعلك رح ادفع وارجع كرمال عيونك اوووف لا تخبص ولووو بس هي عسل بشهدو
.........
بالفيلا كانت سلام ماسكة موبايلها ومتسطحة على التخت وتتأمل صور عامر من بروفايلو ومبتسمة نصف ابتسامة مغامرات الضيعة كانت بتجنن بالنسبة الها طلعت من مود المدينة واجواء مملة بالنسبة الها بتتزكر النسمات الي تفوت من شباك الغرفة كان كلشي مميز
فاتت حنان ودغري دارت الموقف وطلعت من لبروفايل
حنان:شووو جاية ومابدك تشوفينا
سلام:مين حكى هيك
حنان:لكن شو القصة
سلام:..
حنان: كيف كانت زيارتك
سلام: ازا بحكيلك رح تقولي عم تبالغي
حنان:لا ما بحكي هيك
سلام:شي فوق الوصف المنظر الناس السهرات الطرقات كلشي حلو بتسدءي حنيت من هلا
حنان:وليش اخوكي متعلق هنيك
سلام:معو حق انا لو بقدر برجع من هلا.
حنان:لا تسمعك ماما بتكره شي اسمو تلة
سلام:هي حرة انا عن نفسي كتير ارتحت هنيك
حنان: وكيف كنتنا المستقبلية
سلام:غير شكل لو تشوفي كيف بيكون ببيت عمي ابدا واحد منهن
حنان:مبين عليه صهر العيلة
سلام:ولو تشوفي نظراتو لبلسم ما بتقولي هاد نفسو اصيل اخي
حنان: ايه الله يحضرنا وبوافقو
سلام:في قبول بس هون اهلك
حنان: ولايمكن ترضى ماما هي ازا اقتنع بابا اي وهلا وين أصيل
سلام:بدوامو
حنان: نطلع سوى
سلام: لوين
حنان:حيلا مكان دايق خلقي من البيت
يلام: منطلع
.......
كان بجاهزية تامة بلبسو المعتاد وروسيتو على كتفو وعم يتمشى باب مبنى الفرع شاف سيارات اخوه وابتسم نصف ابتسامة وقف عند البوابة واتقدم للشباك محمد نزل البلور مهران وكل نظراتو تحدي
محمد:هويتك
مهران:بلا شو
محمد: الأوامر من فوق
طالع الهوية واعطاها لمحمد دقق فيها
محمد:كيفو رسلان بيك
مهران: انت عم تتمألس وين معلمك
جلس وقفتو واتأمل الجو
محمد:مخبرو قبل بوقت لانو ناطر ناس مهمين
مهران: اكيد مخبرو
غمزو
محمد:لهدرجة انت مهم
مهران:اصيل افتح البوابة داق خلقي
محمد:شبك ضايج روق
بلش يفتش المقاعد والدرج ومهران عم ياخد نفس ومتدايق منو
اشر للعنصر وفتح البوابة طبطبلو على السيارة وفات وبقيو مرافقة اخوه برى
كمل تمشاية
بقلبو:اجتماع يا ترى بخصوص شو معقول مهران الي..
انسى انت ما دخلك انا شغلي هون وبس
طبعا الجو مع نسمات الهوى الباردة تزكرو ب التلة ومو حيلا حدا عبالو بس بلسم اتزكر وقت اجت لتنظف البيت ابدا بنفس هالتوقيت وكمان متل هالجو ابتسم وقت اتأملها بخيالو وكانها واقفة وناطريتو يطلع وشو يخطر عبالو لانو حكى معها وهني لحالهن وشو اتمنى لو ما اجت عمتو كان بدو يطمنها انو حاسس فيها وحاببها كمان وانو معها لو كل العالم ضدها والحفلة؟؟؟ لسى صورتها ببالو جمالها الملفت
محمد:معقول في حب هيك وليش انا مابدي غيرها بس والله بحبها حب ما حبيتو لاهلي
مابيعرف كيف مضى الوقت وهو يفكر فيها بس شاف مهران طالع من الفرع لهيك انفتحت البوابة ووقف ليحكي مع أصيل
مهران:بس ما يكون تعطلت اجازتك
محمد:لا خلصنا
مهران:وايمتى بتزورنا
محمد: حالياً مافيني
مهران: حاول تيجي يوم الجمعة لازم نحكي
محمد:ازا ما رفض ضياء بيك
مهران:بابا بيحكي معو
اتأمل سيارات اخوه
بقلبو:سلطة وعز والنهاية شو؟؟؟الله وحدو بيعلم
.........
كانت جيني تتمشى هاد وقت رجعة ابوها وهي سمعت انو أصيل رجع للدوام لهيك متحمسة تشوفو ولو بيجامة البيت الي مفصلة جسمها عم تسمع اغاني وناطرة على نار لحد ما انفتحت البوابة ودق قلبها لانو الشوفير أصيل نزل ابوها وغمرتو
جيني:طولت يا روحي
ضياء: دخيل قلبها حبيبتي
جيني:الك ولا للديب
ضياء:ولو ادللي انتي
جيني:بدي انزل للسوق ويمكن اتاخر
ضياء:خدي راحتك
جيني:بس انا مابدي اسوق السيارة بتعرف
ضياء: أصيل بيوصلك وبينطرك كمان
رجعت غمرتو وفاتت ركض تجهز حالها
اشر لأصيل ودغري نزل
محمد:امرك معلم
ضياء:جيني عندها مشوار بدي توصلها
محمد: حاضر معلم
فات ضياء للفيلا وهو اكتر حدا بيعرف بنتو كيف عاجبها أصيل بس المهم عندو راحتها
..........
اخد نفس ولساتو ناطر بالسيارة لحتى اجت بكامل أناقتها بس محمد مو منتبه الا لفتحت الباب وركبت ورا
جيني:كيفك
محمد:تمام
جيني:يلا حرك ليش واقف
طلع من الفيلا ببطء
محمد:لوين المشوار
جيني:مابعرف نشرب عصير
محمد:انا حاليا بدوام نظامي
جيني:ولو بتكون بمهمة رسمية معي بدك تخالف كل التعليمات
محمد:وهلا لوين
جيني:للمنتجع
محمد:...
كمل طريقو هو ملاحظ أنها مركزة معو وبنص الطريق حس على لمسات على كتفو اتأثر من لمستها
جيني:ما اشتقت
محمد:...
جيني: انا ما سدءت اشوفك بالفيلا
محمد:...
جيني:شبك اصيل صاير معك شي
محمد:انا ما كنت بعرف انو خطي مراقب
جيني: والمعنى
محمد:لا بقى تتصلي عليه
جيني:وكيف بدي اسمع صوتك
محمد:بدون ما تسمعيه
جيني:اي شوفتك بتكفي دخيل كلشي فيك وبالاخص صلابتك
شال ايدها
محمد:مارح يصير الي ببالك
جيني:مارح تقاومني انا ما بروح من بالي هداك اليوم
غمض بيأس لانو جيني مارح تحل عنو وهو بيعرفها اديشها مدللة وحبيبة ابوها
..........
رجعة ابو عزمي وابو عامر غيرت مجرى الاحداث كان مبين على ابو عزمي انو مهموم عكس ابو عامر طبعا لولاد كبرانين ومتغيرين ووصفية كانت بتبخ سم من تحت لتحت بزيارتها الخاصة لتسلم على ابو عزمي انسمحلها مجال لتحكي معو على انفراد
وصفية:كبرانين لولاد
ابو عزمي:اي والله
وصفية:وناوي تفرح ب عزمي
ابو عزمي:ازا الله راد
وصفية:وبلسم ازا اتقدملها حدا بتوافق
ابو عزمي: انا ماعندي الا هالبنت ومستحيل ارميها حيلا
وصفية: بس ابن اخوك لساتو رايدها
ابو عزمي:والمعنى
وصفية:مسموعياتو مو كتير انا مشانها والله
ابو عزمي:لا اختي انا بنتي مابدي تبعد عني
وصفية:وازا اتقدملها يعني
ابوعزمي:ليش عم تحطي فرضيات مو موجودة
وصفية: افهم منك رافض
ابو عزمي:انا مشكلتي مع اخي
وصفية:يعني ازا اتصالحتو
ابو عزمي:اتركيها للايام اختي ما قلتيلي كيفو بديع
وصفية:انت احكيلنا عن ابو بديع
ابو عزمي: امورو اتحسنت وزبطت امور زيارة بديع
وصفية:بلكي الله يعملو العملية
ابو عزمي:الله كريم
وصفية: يلا اخي بشوفك بكرى جاي لبيت اهلي
ابو عزمي:انشالله بس خليكي
وصفية:انت تعبان
طلع ودعها اخد نفس طويل منها ومن كلامها وابتسم وقت اتزكر شمعات بيتو بلسم وعزمي وكيف صايرين شباب ورح يشوف حالو فيهن
.............
بيوم الجمعة بدل تيابو وطلع بإجازة ساعية لبيت اهلو بدو يعرف شو الموضوع وصلو انس وفات للفيلا وطبعا هدوء بس جوى اجتماع العيلة كان مشتاق هو ما بينكر انو جواتو الهم محبة
محمد:صباح الخير
ام مهران:صباح النور مبكر
محمد:مبين حماتي ما بتحبني
ام مهرام:روز قهوة لاصيل
رمى الجاكيت وقعد بيناتهن وغمز سلام ع الطاير
مهران:بس بدك كلمة
محمد:قلت يمكن شي مهم
ابو مهران:الحمد الله ع سلامة عمك
محمد:مين عمي
ابو مهران: ابو عزمي ولا الك عم تاني
محمد:الله يسلمك
ام مهران:شو حالتو بالويل
محمد:كيف يعني
ابو مهران:وصفية حكت انو سفرتو مو زابطة
محمد: وأما مثلا شو علاقتي
مهران:لا بس ابو الطيرة
محمد:في شي تاني
ابو مهران: وايمتى ناوي بدي اجوزك
محمد:حاليا مأجلها
حنان:منيح مرتبط بالهوى
محمد:ليش شايلين همي اكتر مني
مهران:نحن مشانك صار عمرك تلاتين
محمد:اه خايف يفوتني القطار
مهران:ليش صاير كل كلامك مسخرة
محمد:مافكرت الاجتماع هيك
حنان:اي نحن ما اتوقعنا تيجي
ضيفتو روز القهوة
مهران: وحساب الزيت كامل لك أصيل
حط رجل على رجل وشغل سيكارة
محمد:لا
مهران:اديش طلعلك
محمد: بركة من الله
ابو مهران:احكي اديش
محمد:تسعة مليون
ابو مهران:بدون ما تشاورني
محمد:والله انا ابدا من صافي
حنان:بس هاد اسمو سرقة
محمد:انتي ما الك بيت يضبك جوزناكي نخلص منك
حنان:حابة اريح حالي هون
محمد:بتجردي لكن وانت متدايق
مهران:بدي اعرف وين رحت فيهن
طالع المسدس الي على خصرو وحطو على الطاولة
محمد:بدي أأمن على حالي مابقى في مزح
مهران: خايف ع حالك
محمد:اي خايف انا هنيك شبيح بالنسبة لاكتر العالم ما بنطاق الا من جماعتي بدي اامن على حالي لانو مابعرف لرصاصة الي رح تفوت بصدري عيارها شو ومن ايد مين ويمكن ما تكون رصاصة عبوة ناسفة والله اعلم وين منيتي رح تكون
ابو مهران:عم تلومني يا ولد
محمد:الومك!؟؟ مو بس لوم وازا بصير عليي اي شي ما بسامحكن لو كنت تحت سابع ارض
مهران:نحن كنا بالزيت صرنا بالموت
محمد:ليش عم تتهرب مهران انت اكتر حدا بتعرف شو عم تزرع بطريقي
مهران: لا تخبص الحيطان الها ادان
محمد:انا لا حدا يلومني على اي شي وانا استلمت الكرم ومحصول السنة الجاي الي
بتحدي حكى وابوه يتأملو
ويتزكر شبابو أصيل نسخة منو بالفعل والتصرفات
ابو مهران:اعمل الي بدك اياه
اخد المسدس مهران واتمايزو
مهران:لقطة من وين
محمد:دبرتوو
مهران:مابقى تنفع الروسية
محمد:هاد اسهل
مهران:اي ايمتى رايح تسلم على عمك
محمد:حاليا مافي اجازة
مهران:مناخدلك ولووو
محمد:لا حابب دوامي كتير
ابو مهران:بيكفي ضياء بيك بحبك شو بدك احسن من هيك
وقف واخد المسدس حطو على خصرو وشف اخر شفة من الفنجان
محمد: مابدي احسن من هيك
طلع ل غرفتو ولعيون عليه مية على مية
بقهر مهران:ابنك بلش يرفرف
ابو مهران:اتركو رح يهدي لا تخاف
مهران:انا لا تلومني كمان
ام مهران:خلصنا بقى
حنان:التلة خربت عقلو
طلعت سلام وهي بس من صف اخوها
ابو مهران:أصيل بيعرف يتصرف اتركو
مهران:لنشوف لايمتى
بغرفتو كان عم يتزكر جيني اهتمامها فيه محبتها الي متأكد انها مؤقتة وما كان بيعرف ايوب على شو ناوي بالضيعة وهو الي دبر شغل ل عزمي عند ايوب
.......
كان ايوب عم يتقرب من عزمي ل غاية بنفسو عملو براد شاي كان معو شغيل صغير بالعمر
ايوب:كلو تمام
عزمي:بس اخلص بندهلك تشوف التصميمة
ايوب: يعني بدي معلم بلاط احسن منك لك صحيح الحمد الله على سلامة ابوك
عزمي: الله يسلمك انا قلتلك انو يمكن ب عشر ايام اخلص
ايوب:ايه الله وايدك شغلك مرتب فرجاني اصيل كم ورشة انت مستلمهن
عزمي:انشالله يعجبك
ايوب:بيعجبني اكيد
ومتأكد ايوب انو بلسم معجبة فيه متل ما هو معجب فيها وشايفها بنت مختلفة لدرجة
اتزكر كلام شيماء
شيماء:والله ابن عمها بدو اياها
ايوب:البنت معجبة فيني
شيماء:شو بدك فيها
ايوب:حلوة اكزب عيوني يعني
شيماء:ومحجوزة
ايوب:هاد مو زمن تخلف ومو ضروري البنت لابن عمها انا عم اتقرب من عزمي وخلص شو بدك انتي
شيماء:براحتك انا حذرتك
ايوب:انقلعي وليه عم تهدديني مووو
طلع لبرى المحل
بقلبو:ازا ضربت صحبة مع عزمي وامي وافقت تخطبلي رح امدد الاجازة
طبعا صار بعالم تاني وكانو بلسم صارت خطيبتو و ويوميا هي عندو او هو عندها وصار يسرح بعالم ما بيشبه الواقع بنوب
.........
كليوم عزمي عم يرجع هلكان بس اليوم رجع بكير لانو سهرتنا ببيت ستي بحضور الكل وعماتي اتجهزنا والتقينا مع بيت عمي ابو عامر امشيت مع سيدرا وابتسمنا لبعض وورانا عامر وعزمي
سيدرا:بلاقيكي مروقة
بلسم:وعدني عزمي يجيبلي هدية من المدينة
سيدرا:ليش رايح
بلسم:مو لحالو ومعو عامر
سيدرا:وانا اسال حالي ليش عم يجهز ويشتري ليكون رايح يتجوز
بلسم: بجوز بدو يحب وينحب
سيدرا:....
وصلنا لبيت ستي وبتفرح وقت تشوفنا اتوزعنا بأماكنا وسعدية قايمة بالبيت بدال عمتي وهيك بلشت السهرة
اتصل عزمي ب محمد وفتحو كاميرا بس انا خطرلي دغري سهرتو معنا هو وسلام ايام حلوة رغم انها مليانة مجاكرة بس هو بمكان عتم ومو مبين شي منو
عزمي:وين بدك تستقبلنا
محمد:وين مابدك
عزمي:الاحسن لحالنا
محمد:تعال وبصير خير شو عند ستي
عزمي: وبتسلم عليك كتير
محمد:الله يسلمها سلملي على الجميع عندك وينو ابو المشاكل
عامر:كانك عم تسأل عن حالك
محمد:تبت والحمد الله شو مشان الكرم
عامر:ع كيفك يا معلم
محمد: ايمتى استناكن
عزمي: أنا بخبرك ما عليك
محمد:انتو مرتاحين
عزمي:هههه كتير
محمد:انا بأستراحة وازا ما نمت بتروح عليي
عامر:نام لكن منعرفك خمة نوم
محمد:سلام
عامر:الله معك
سكرو معو
عزمي:ههه سلاام ببيت اهلها
عامر:ههه وهيك خطرلي ارد عليه بس مبين منطفي
بابا:نويتو
عمي:بس ممنوع تتأخرو
بابا:وتخبصو
عزمي:خطيتنا برقبة ابن اخوك
وصفية:هو بايعها بايعها
ستي:لا حدا يحكي عن محمد
بابا:بتحبو من ريحة ابنها
عمي:ياريتو اخ
ستي:هو منيح بس مرتو
بابا:مافي رجال بيطاوع مرتو بكلشي ازا كرمالنا مو مهم بس مشانك انتي اديش الك مو شايفة ابو مهران
ستي:ما بتزكر الله يصلحو بس انا وقت اشوف محمد كأني شفتو.
وصفية:ايه ما اغلى من الولد الا ولد الولد
اتخيلت يكون ايوب صهر العيلة ياريت بس يوميا عم اشوفو صبح ومسا واوقات بكون عزمي بالورشة وهو بيضل رايح جاي قدام بيتنا ياترى شو بصير ازا بحكي معو ومنتبادل الحب
نقزتني سيدرا
سيدرا:ليش صافنة استحي
بلسم:لا بس حلوة اللمة
سيدرا:اتزكرتي ابن العم
بلسم:انو واحد منهن
سيدرا: اكيد مو مهران
بلسم:..
سيدرا:بس استفقدتي لنظراتو
بلسم:ولا مستفقدة لحدا
سيدرا: بس اتوقعي يرجع مع عزمي وعامر وتبلش المغامرة
بلسم:بس هو متغير
سيدرا:اي صاير راكز وعاقل
بلسم:معناتو كان مجنون
سيدرا:بس اكيد بس تتجوزو رح ينجن ويجننك معو
بلسم:مستحيل على جثتي اصير مرتو ناقصني
سيدرا:بدك احلى ولا أهيب
بلسم:بدي حدا فهمان وواعي
سيدرا:انا لو مكانك ما بضيع الفرصة وببادلو الحب رح يدللك وعلى هدايا رايحة هدايا جاية وتعملو متل العشق الممنوع
بلسم:يا حبيبي
سيدرا:لك اي يلمسلك ايدك يقربك منو
بلسم:داق خلقي
سيدرا:هههه او تكوني بالمطبخ ويلحقك و
بلسم:لككك قرفتيني مشان الله اسكتي
كانت غرقانة بضحكتها بس انا كنت متوترة من كلامها وهو كلام ما بتخيل يمسك ايدي مو الي عم اسمعو من سيدرا انا من نظراتو بخاف
........
كان عم يتواصل مع عزمي وناطرهن ومشتاق الهن وبنفس الوقت مو قدران يستقبلهن بسبب الشغل
محمد:انا حكيت مع انس وين صرتو
عزمي:هي وصلتنا وينو صاحبك
محمد:لساتو ناطركن
عامر: يعني مو جاي حضرتك
محمد:والله ما اقدرت بس بحاول انتو خدو راحتكن وانا ازا اقدرت بيجي
عزمي:بس ما قلتلنا هيك
محمد:خلص بعدين بخبركم
عزمي:ماشي ليكو صاحبك
سكر وطلع ليحكي مع معلمو بعد ما سلم الحراسة لرفيقو دق الباب وفات بعد ما سمحلو
ضياء:شوفي يا اصيل
محمد:بدي احكي معك بموضوع
ضياء:فوت لكان
بقي واقف بنص المكتب
ضياء:ليش واقف عندك اتفضل
قعد يرتب الكلام
محمد:بدي اخد اجازة يومين
ضياء:ليش شوفي عندك
محمد:اولاد عمي جايين وحابب
ضياء:بس أنت ممنوع من الإجازات
محمد:ليش معلم شو عملت
ضياء:ما عملت شي بس اخدت راحتك بأخر فترة
محمد: يومين مو اكتر
ضياء:وبتضل ست شهور
محمد:...
داق خلقو هو مو متحمل يضل شهرين بدون اجازة
محمد:ليش ست شهور
ضياء:ما عندك تراكم
محمد:يعني طلبي مرفوض
ضياء:اكيد مرفوض وعلى شغلك يلا
طلع مقهور ولو بيطلع بأيدو بفجر المكان بلي فيه
بقلبو:اجتماع مهران فيه غيرو ما بقتنع فجأة يحرمني الاجازة
رجع لمكانو قعد على الكرسي وشغل سيكارة
مصطفى:معكر
محمد:لا رايق
مصطفى:لا معصب ومفرقع كمان
محمد:فيك تحل عني
مصطفى:روق يا زلمة احكيلي
محمد:...
بقلبو:جيني رح تطلب منو ما رح يرفض انا وعدت ولازم اقضي معهن يومين
محمد:شو رايك احكي من موبايلك
مصطفى:ها ليش بقى
محمد:مكالمة سرية
مصطفى:مع بنت ولا شب
محمد:لك شو فرقت
مصطفى:يعني بسمع صوتها
محمد: بنت هات
مصطفى:خود بس مامعي رصيد
محمد:هلا بحولك بس اعطيني
بعد إجراءات وعبالو رصيد اتصل فيها
جيني:مين معي
محمد:احزري
جيني:مغير رقمك
محمد:لا
جيني:اشتقتلي
محمد: وبدي اشوفك
جيني:هلا
محمد:انوو هلا ابوكي حارمني الاجازة
جيني:شو هالحكي
محمد:مع انو بشوفك بمنامي ومو متحمل تضلي بعيدة
جيني:هلا بحكي معو ايمتى بدي اشوفك
محمد:انا اليوم تعبان بكرى اكيد
جيني:بحكي معو
محمد:ناطر منك خبر
غمزو مصطفى:اللعب غيرها
محمد:شو بدنا نعمل صرنا نترجى النسوان
مصطفى:كيف بدها تخبرو
محمد:شغلتها
مصطفى:ياعمي واسطك واسطة
ناطر يطلبو معلمو ويسمحلو بأجازة
.......
كان بمكتبو ويسمع طلبها بكل رحابة صدر
ضياء:شو بدك انتي
جيني:بدي اصيل ينزل اجازة
ضياء:هو طلب منك
جيني:اكيد لا
ضياء:متواعدين
جيني:اي
ضياء:كرمالك بسمحلو
جيني:يخليلي اياك يا روحي
ضياء:اوامر تانية
جيني:سلامتك يا روحي
اتصل فيه دغري
ضياء:لساتك مصر على الإجازة
محمد: والله ياريت
ضياء:بس بشروطي
محمد:امرني معلم
ضياء:اديش الساعة هلا
محمد:١٢
ضياء:الساعة ستة بتخلص نوبتك وبتروح وين مابدك
محمد:حاضر
ضياء:وبدون ما تدخن كمان
اتمايزها محمد لانها بأيدو
محمد:وغيرو معلم
ضياء:وبترجع بكرى الساعة ستة المسا
محمد:...
ضياء:شو
محمد:متل مابدك معلم
ضياء:نفذ الاوامر
فصل الخط وهو مراقب أصيل كيف طفشان وقف ورمى السيكارة وبلش يتمشى قدام مبنى الفرع
.........
كانت الشمس حارقة لو شتوية بس مجبور تبدلت نوبة الحرس الي معو اكتر من مرة وهو لساتو مناوب
بقلبو:ذل....واوامر....يعني ما بيخلص اليوم إلا وأنا منطفي وكمان بدون دخان عادي بتحمل بدي انام هلكان وطفشان وقرفان كل هالشغلة متأكد مهران ورا العقوبة
محمد: ايمتى بدك تعاملني على اني اخوك مو عدوك ليش عم يعاملني بهالقسوة اصلا نحن عيلة قلبها اسود بيخلص اليوم وبرتاح وبكرى الجمعة وبرجع لنفس المود اجازتي مطولة بتكون روحي طلعت عفنت روحي هون
اطلع بتيابو بحالتو
بقلبو:صرلي اسبوع بدون حمام الله يخلصني من هالقرف كلو ليش انا مجبور ااداوم دوام حمير حتى لحمار بيعطوه قسط راحة الله ينتقم من كل واحد متجبر
ما صارت الساعة ستة الا وكان هلكان فات لغرفة العناصر حط الروسية بالامانات وحط مسدسو على خصرو ولبس الجاكيت وطلع من الفرع مشي يتفقد موبايلو المصاري وسحبها للبيت الي مستضيف فيه اولاد عمو فتح بمفتاحو طبعا حاطين على مباراة وانتبهولو
محمد: مسالخير
عامر عزمي:مسالنور
كانو بدهم يوقفو
محمد:بدي اتحمم راجعلكن شافهن يطلعو فيه بغرابة
........
كانو معيرين على الساعة لحتى طلع محمد لابس بيجامة وعم يمسح شعرو ودغري وقفو وسلمو عليه
عزمي: نعيما
محمد:ينعم عليك شو طولت
عامر:ما اتوقعنا تيجي
محمد:اكلتو اشربتو
عزمي:من شوي
محمد:...
قعد وحس براحة محرومها من ساعات استرخى اكتر
عزمي:شبك ليش هيك حالتك
محمد:هي حالتي كليوم
عامر: انت شبه نايم
محمد: منطفي والله
عزمي:لو منعرف ما اجينا
محمد:بلعكس اجيتو بوقتكن مو متحمل ساعة زايدة بالفرع
عامر:وكم يوم
محمد:كم ساعة قصدك
عزمي: شو هالحكي
محمد:انتو مرتاحين هيك
عامر: نام نام شوبدك فينا
اتمدد واتكتف
اطلعوا ببعض عامر وعزمي وبقلة حيلة رجعو اتأملو محمد الي راحت فيه نومة
جابلو حرام عامر وغطاه كانو ايديه متلجين
عزمي:ملا شغلة
عامر:شو عاجبو بالشغل مابعرف
عزمي:لك راح فيها عنجد نام
عامر: ابصر من اي ساعة صاحي
ليصحى بعد ساعات طويلة ولساتهن عم يتسلو ابتسم لانو اتاكد الساعة لساها عشرة
عامر:صح النوم
محمد:يصح بدنك
اتجلس وواتنشط
عزمي:خليك كمان ساعة
محمد: بكفي
عامر:صحصحت
محمد:اي شو رايكن نطلع
عزمي:والله ياريت
عامر:انت جاهز
محمد:بثواني بجهز جهزو حالكن
طبعا تحت ينطروه لحتى شرف وريحة بارفان قوية طالعة منو
عزمي:لك ساعة
محمد:قرفان حالي والله
عامر:اي وين بدك تاخدنا
محمد:مليان كافيهات كباريهات شو بدكن
عزمي بصدمة:لا حبيبي مو ناقصنا
محمد:هون في كافيه قريب
طبعا الصبايا رايحات جايات ولتلات ما يوفرو لو نظرة وما يكتفو يرجعو يطلعو وراهن لحتى يقطعنهن
محمد:شو ليش بتتطلعو
عزمي:هدول كيف دفيانات
محمد:منو وفيه
عامر:هههه بلا قلة ادبك
محمد:وبدهن نصمد كمان
عزمي:انا شفت بس مو عاالواقع
محمد: هون كلو رخيص
عزمي: الحمد الله على نعمة التلة
محمد:انو نعمة هون النعمة
عامر:هههه دخيلووو
كان عم يلطش صبية ولتنين يضحكو عليه
فاتو للكافيه واخدو مواقعهم قدام الصبايا الي صوت ضحكهن عالي
محمد:ليش ما اجى بديع
عامر:بدو يسافر
محمد:يعني احسن
عامر: اكيد عند اهلو احسن
محمد: نعمة الاهل مو
عزمي: اي اكبر نعمة بدونهن نحن ولاشي
محمد:اي والله
عامر:نفهم انو اجازتك يوم
محمد:اي
عامر:بس تعبان انت
محمد:ليش هاد سبب يخليك تاخد اجازة
عزمي:لك محمد شو بدك بهالشغل
محمد:منيح احسن من ولاشي
عزمي:هلا انا مو بس لاني وحيد ولو عندي عشر اخوة مو مستعد اشتغل متلك
محمد:قلتلك منيح اتعودت
عامر:انوو اتعودت الي بشوفك وانت راجع من دوامك ما بشوفك هلا
شلح الجاكيت ورتب حالو وابتسم
محمد:هيك احلى
عزمي:هههه بكتير وانت بالتلة احلى واحلى
محمد: وكيف الأجواء بالتلة
عزمي:ع كيفك
محمد:وكيف الاهل
عزمي:مع زيارات عمتي شو بدك يكون الجو
محمد:دخيلها شو بتحب تخرب
عامر:انشالله البنات ما يطلعن ل عمتهن
عزمي:هههه غصب عنك مو بكيفك
طبعاً اتصالات من جيني كان يطنشها وعزمي عينو على موبايلو
عزمي:رد
محمد:مو مناسب الوقت
عزمي: مين
محمد:مو مهم
عامر:ازا مو مهم سكر موبايلك
بعتتلو
جيني:انا جاية لعندك انت وين
محمد:ليش
جيني:بدي اشوفك انت بالبيت
محمد:لا طالع
جيني:ع اساس تعبان
محمد:انا بالكافيه بس لا تفوتي معي ضيوف
جيني: اوكي حبيبي
عزمي:انحلت الامور
محمد:لا رفيقي بيسأل عن شغلة
علمتلو ودغري لبس الجاكيت
محمد:شوي وراجع اطلبو لارجع
طبعا لعيون لاحقتو وبس شافوه طلع لبرى انتبهو اكتر
كانت جيني وطريقة السلام استفزت عزمي يمكن لانو الموضوع متعلق ببلسم
......
غمرتو بس هو ما حرك ساكن
محمد:شغلتي بالي
اطلع بالكافيه ولانو كل الواجهة بلور ما عرف ازا شايفينو
جيني: اشتقتلك ما بكفي
محمد:بس اولاد عمي بزيارتي ومو حلوة اتركهن
جيني: بكرى
محمد:خلص بكرى انتي اجيتي لحالك
جيني:اي
محمد:بشوفك بكرى
جيني: غمرة أخيرة
كانت عم تستنشق من ريحتو اكبر كمية ممكنة
محمد:بكفي يلا روحي
جيني:بعشقككك
تركتو وبالغصب لحتى بعدت عيونها عنو نطرها لحتى راحت ورتب حالو قبل يفوت الكافيه
.......
عزمي مقهور
بقلبو:اي احلى هون اخد راحتو الزلمة
عامر:شفت
عزمي:وانصدمت
عامر:بس شقفة البنوتة
عزمي:ونحن هيك اتربينا مين ما اجى منلتحش فيه
عامر:وضعنا مو من وضعو
عزمي: ليش بقى اعتزل مثلا
عامر:انت متدايق
عزمي:استفزني الموقف
عامر:ليش
عزمي:...
عامر:لا تبينلو خلص ليكو اجى
غمض بقهر بس حاول يتمالك اعصابو
محمد:طولت
عامر: انا لو مطرحك مابرجع
محمد:بتكون بنت لمعلم
عامر:شقفة
محمد:شبو عزمي
عزمي:لا بس مو متعود ع هيك مناظر بتعرف اجواءنا انت
محمد:...
عزمي:كنت غمرتها
محمد:طلبتو
عزمي:بس انا لو بمكانك بعيش الجو
محمد:انت متدايق
عزمي:انا بعرف انو المغريات كتيرة بس كنت مفكر انك زلمة
محمد:انت شفتني ملتحش فيها
عامر:لا هي ونيالك
عزمي:بس رايد
محمد:وما ممكن ارفض هي حياتي بالنهاية وانا حر فيها
بقلبو عزمي:واحلم ب ظفر بلسم
عامر: وما الها اخت
محمد:شو بتحبو تشربو
عزمي:قهوة وسط
اشر محمد للجرسون وطلب قهوة
ضيفهن سكاير محمد كان عامر مبسوط ومبين عليه بس عزمي مزعوج وكمان مبين عليه ومحمد مبسوط من زيارتهن ومن اهتمام جيني فيه
عامر بقلبو:معقول اشوف سلام
محمد بقلبو:معقول مزعوج عزمي من هيك شي
عزمي بقلبو:اديش بحكي عنك ام راس وبقرة بس بتفهمي ولو مو مرتاحة شو ناطرة لحتى توافق بس عرفانة انو شخص سيء
عامر:شو صاير ليش سكتو
محمد:انت ب مين بتفكر
خجل كتير
عامر:لا بس بتخيل اصاحب متلك
محمد:شو مسكتوها سيرة
عزمي:بس لا تقنعنا مافي مشاعر بقلبك الها
محمد:ل مين
عزمي:لبنت معلمك
محمد:انا عندي مشاعر فائضة وما بصمد وعادي بحب اكتر من وحدة بنفس التوقيت
عامر: كفوو.
محمد:لو صحلك بتقول لا
عزمي:اي بقول لانو انا بالنهاية بشر ومو اي شي بيغريني وماعندي غريزة حيوانية وبس بدي اشبعها انا وقت انوي اشوف بنت حلال وركزلي على بنت حلال رح اصونها وما اخونها مع اني مو مررتبط بس ما بسمح لحالي ولا ديني بيسمحلي اغمر وابوس قلي مو بايسها
محمد:خلص يا عمي انت شيخ وانا...
عامر:ههههه عيب ولوو
محمد:انا غريزتي حيوانية وعادي لو مع حيلا بنت بعطيها مشاعري وانت لا تدخل فيني
عزمي:هيك مبين عليك
محمد:فيك توضحلي سبب انزعاجك انشالله ما غمرت اختك
وهون ضرب عزمي بقوة على الطاولة خلا عامر ينصدم
عزمي:اوعك تجيب سيرة اختي على لسانك
محمد:اي انا فهمان ليش انت مزعوج بنظرك خنت اختك الي ما بتتحاكى وشايفة حالها ومو مسدءة
عزمي:لا مزعوج لانو انا ما فكرتك هيك وهي معها حق
محمد:بشو دخلك
عزمي:ترفضك وترفض كلشي فيك
محمد:انا ما اتقدمتلها انا حاطتها ببالي وبس
عزمي:ممنوع تفكر فيها
محمك:مو مشاورك بفكر بمين مابدي
عامر:انتو عم تتخانقو
عزمي:بس كلو خير وجيتي لهون لاعرفك
محمد: حبيبي أنا ماني خايف منك ولا من غيرك وانا زلمة بدي امشي مصالحي
عزمي:كتير عليك تمشيلك اياها بنت
محمد: خلص خلصنا سكر ع الباقي
عزمي:لاخر مرة بحكيلك شيلها من بالك
تركهن عزمي وراح بس محمد واضح انو انزعج وانفعل كمان حاول يتسلى بموبايلو
عامر:بس مين قصدوا تشيلها من بالك
محمد:اكيد مو جيني
عامر:لو ما اجت كان
محمد:هو مفكر انو فيه يتحكم فيني .
عامر:هو مشانك
محمد:لا مشان بلسم انا متفهم الوضع منيح بس ما الو حق يتدخل فيني بالنهاية انا ما خطبتها ولا اتزوجتها بعدها بحقلو
عامر:لك بعرف واحد وابن حماه دايرين على النسوان وعينك عينك
محمد:لو سمحت هاد شيخ مو حيلا
عامر:خلص انت لا تزودها هاد عقلو صغير ليروح يرجع للتلة
محمد:...
رجع عزمي والتزمو الصمت لتلات
...............
غياب عزمي وعامر خلونا ناخد راحتنا انا وسيدرا يوميا نطلع نتمشى على الشارع ع اساس رايحات لعند ماجدة هي تاني مرة بيمرق ايوب وكنت كتير خجلانة منو بس ما بينمع ابادلو الابتسامة
سيدرا:لك ليش عم تعطيه وش
بلسم:معجبة مغرمة
سيدرا:لك يا بلسم الشغلة مو شغلتك
بلسم:جكارة ب عزمي ومحمد كمان
سيدرا:ليش بقى
بلسم:مو هني بيتحكمو فينا
سيدرا:بس محمد بحبك
بلسم:وينو الحب
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`