الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *واهتز.عرش.المغرور.tt*
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖:
الجزء الخامس.....
كانت ليلاس سرحانة وهي عم تتغدى ماقالت لأختها شي بنوب...كانت غامضة كتير وكتومة لأبعد حد..
لينا:......لك ليلاس....يي شو باكي.
ليلاس:.....اي لينا شوفي.
لينا:......شو صرلك الي حصة عم ناديلك وانتي عم تلعبي بهالمعلقة واكلك متل ماهو....خير في شي.
ليلاس:.....ااااه لا مافي شي بس مالي نفس مو جوعانة.
لينا:......العمى...لك مين اللي وقت دخل البيت صرعني بدو ياكل مو انتي.
ليلاس:....هههههه اي بس مابعرف شو صرلي نسدت قابليتي....بعتزر لينا..والله مالي نفس خلص بس جوع باكل.
حاتم:.....ليلاس....حدا زاعجك او متعرضلك.
ليلاس:....لا طبعا....ليش بيسترجو.
حاتم:...انا هاد اللي كنت بدي قولو انو معقول حدا تجرأ عليلاس امين ودايقها بشي.
تركتهن وراحت لغرفتها.
حطت السماعات بأدنيها عم تسمع موسيقى هادية...
عم تتزكر شو صار بالقسم....وتزكرت كلام حاتم انو ماحدا لهلأ تجرأ وزعجني...
عم تحكي مع حالها (اااااخ ياحاتم اااخ لو تعرف انو رفيقك هو اللي بس تجرأ وعمل اللي ماعملو حدا.....لك انا ليلاس بيتحداني وبيتجرأ علي واحد متل سلطان...ليش....ليش هو بالزات ياللي طلع بأيدو اللي ماطلع مع حدا.....بس رح اعترف لحالي ولأول مرة لأن اللي مابشوف من الغربال اعمى ومافيي انكر انو شخصيتو قوية ماشفت متلو بكل حياتي......شو هالسلطان هاد...ماحدا بيسترجي يوقف بوشو ، لك حتى قدام المقدم كان آخد راحتو بالقعدة وبالحكي حتى انو كان مضيفو قهوة......شو قصتو...ليكون ساحر ولا مخاوي والا شووو...شووو....بس لا يمكن اتقبلو ابدا......تواقح معي كتير لهلأ ماعم تركب معي كيف بيلمسني وببوسني بجنون هيك ومو مرة مرتين...يااااااربي....حاسة حالي ضايعة..لك العمى شو هاد صرت عم حاكي حالي لأ و عم فكر فيه كمان......صار عندي فضول اعرف عنو كل شي ولازم اعرف وبطريقتي).
سلطان بطريقتو عرف انو عنتر هو اللي آخد مسدسو وانو هو اللي قتل وليد لحتى يورط سلطان وينتقم منو لأن ما وافق عصفقة السلاح اللي طلبها منو..
وتوعدلو سلطان الا يرجع مسدسو ويرجع حق وليد لولادو.
وصل الكلام لعنتر انو سلطان طلع من القصة بسهولة وقرر يكيلو بمكيال تاني ويمسكو من وتر تاني ليضغط عليه اكتر.
بعد اربع ايام.....
كان سلطان مشغول مع رجالو عم يجهزو لتسليم صفقة لتاجر وكان وقتها بيعرف انو رح يغيب قريب الأسبوع لهيك جهز حالو وعمل احتياطاتو لأن كان حاطط براسو عنتر وكان ناويلو ووعد مايرجع الا وهو جايب خبرو.
بعز الشغل والعجقة اللي فيها سلطان اجالو تلفون..
رد سلطان ومابيعرف مين المتصل..
سلطان:.....الو.
المتصل:......مبروك البراءة.
قدر يميز الصوت فورا..
سلطان:.....هاد انت......اي الله يبارك فيك....بس معقول هيك عم تباركلي عالموبايل مابدك تتحلى.
عنتر:......تعى لعندي وبناكلو عندي سوا.
سلطان بلهجة تهديد:.....لا مابصير هاد واجب عليي...بعدين حلوانك عندي غير......ماداقو حدا قبلك.
عنتر :.....المهم....حاكيتك بس لأتأكد انو اكيد اكيد مابدك تعمل معي صفقة؟
سلطان:.......لا ولو شلون هيك رح اعمل معك صفقة العمر.
عنتر فهم قصد سلطان من لهجتو لهيك قرر يختصر معو بالكلام.
عنتر:.....اي اتفقنا مشان تاخد بضاعتك اللي عندي.
سلطان:......بضاعة شو.
عنتر:......حبيبة القلب مابدك ترجع تشوفها.
ضحك سلطان بصوت عالي:....ههههههههههههه.ٌ....يامسكين لهلأ ماعرفت انو سلطان البو مسكر ومالو بقصص الحب.
عنتر باستفزاز:.....شو هالحكي...لكان القمر اللي عندي مين بتكون.
استغرب سلطان انوومين اللي عندو.
سلطان:.....مين قصدك.
عنتر:.....لحظة لسمعك صوتها لأن بجوز ماتلحقها.
البنت:.......امممممم اتركني ياحقير.......لك سلطااااااااان والله لأقتلك والله.....انا متأكدة نهايتي عأيدك او بسببك.
سلطان وقتا بطل يستوعب:......ليلاااس.
ليلاس:.......اي ليلاس......تعى شوف من ورا مشاكلك شو عم يصير فيني.....لك بكرهك بكرهك.
سلطان:.....ليلاس استني شوي...كيف وصللك هالواطي.
وقتا اخد عنتر الموبايل من ليلاس:.....اي صديقي...اقتنعت انو حبيبة القلب عندي.
سلطان :...عنتر....بحذرك ازا بتلمس شعرة منا عم تفهم.....البنت مادخلا باللي بيني وبينك.
عنتر:......كيف مادخلا....وانا شايفا بين ايديك من كم يوم عند الكراج.....ياباخد روحها يااما بتوافق عالصفقة شو قلت غير هيك ما عندي كلام.
وقتا سلطان خطرتلو فكرة وقرر ينفذها.
سلطان :....ماشي اللي بدك اياه رح بعملو بس لا تأذيها....هالبنت كل شي الي بهالدنيي.
عنتر:......يعني بتعمل اي شي كرمالا.
سلطان:......عالموت بمشيلا بس مايصرلا شي....ايمت بدك السلاح انت وقديش العدد.
عنتر:......العدد اللي طلبتو من قبل ووقت يكونوا جاهزين بتقلي وقت ارجع اتصل فيك اوك.
سلطان بنظرة حقد:.....اوك اتفقنا...بس البنت بدي اياها سليمة غير هيك مارح تشوف لو رصاصة...شو قلت.
عنتر:...وانا موافق.
جهز سلطان والرجال تلات شناتي سلاح منوعة....لياخدهن معو لعنتر...وكان راسم خطة مع بكر وبندر والشرطة ليقدر بس يخلص ليلاس من عنتر.
اتصل عنتر بعد ست ساعات بسلطان وكان وقتها على آخرو وهو عم ينتظر.
سلطان:......السلاح جاهز وين بتحب نلتقي.
عنتر:.....عالطريق الصحراوي سلمني وبسلمك.
سلطان:.ٌ...ماحزرت......مابسلم سلاح بهيك مناطق انا...قلي وين انت لأجيك هلأ غير هيك لأ هاد سلاح مو لعبة ومو سهلة تسلم هيك شغلة عالطريق الصحراوي عند قطاعين الطرق ورجال الجبل.
عنتر:.......بس....
قاطعو سلطان:.....انت من شو خايف انا بتهمني البنت اكتر من كل شي اكتر من روحي وحياتي....من بعدا مافي شي خاف عليه.
اقتنع عنتر وعطاه العنوان.
طلع سلطان ومعو بكر وبندر بسرعة البرق ولاقى الشرطة بطريقهن ليروحو سوا واطلعهن سلطان عخطتو.
كان هدفو الأول يخلص ليلاس ويمسك عنتر وياخد بتارو منو ويسلم رجال عنتر للشرطة لأن بيشتغلوا معو بالتهريب وهالشي طبعا من صالح الشرطة.
بعد ساعتين وصلو المكان..
دخل سلطان للمكان لحالو وبقي عأتصال مفتوح بينو وبين بكر وبندر والشرطة ليضلو معو خطوة بخطوة بحال صار عليهن شي هو او ليلاس....وقدرو يتخبو بمكان مايلمحهن في حدا لأن اكيد بكون عنتر آخد احتياطاتو.
كان المكان فخم وكبير كتير لكن مهجور من سنين.
اتصل سلطان بعنتر وخبرو انو وصل لحالو......وعطى عنتر الطريق ليوصللو..
استقبلوا لسلطان اربع رجال اخدو معهن لعند عنتر.
اول مادخل المكان دار براسو عم يدور عليلاس...انتبه عليها قاعدة عكرسي مربوطة.
اتطمن وقت شافها لساتها عايشة وتأكد من تيابها انو مو مشقوقة...يعني ماحدا لمسها.
عنتر:.....اهلا بالسلطان...شرفت والله.....ماكنت بعرف انو البك اللي رح يجيبك لو كنت بعرف كنت عملت هيك من الاول واختصرت عحالي كل هالعزاب.
سلطان:......هي السلاح كامل متل ماطلبت وهلأ سلمني البنت.
عنتر:.....لأ....سلمني السلاح بالأول وبعدا بتاخد حبيبتك.
حط سلطان الشناتي من ايدو وصار يقرب من عنتر بخطوات واثقة وهادية ويحكي برواق.
سلطان:......ليش قتلت وليد....فوق ماجنيت عليه ومارضيت تسعفو بتروحلو وبتقتلو...ليش.
عنتر حس بالخوف وقت شاف سلطان عم يقرب منو راح ناح ليلاس وقفها وكمشها من رقبتها وحط المسدس براسها.
عنتر: .......بدي اضغط عليك مالي غير هالطريقة لكن وقت شفت انو مازبطت معي وطلعت انت شاطر وقدرت تبري حالك من التهمة قلت مالي غير هالحلوة لإضغط عليك.
سلطان:.......شو عرفك فيها.
عنتر:......شفتكن عند الكراج وقت كنتو بحالة رومنسية....بس معك حق صحي هالبنت شرسة بس حلوة كتير.....خليك عندك اوعك تقرب اكتر والا بفجر راسها.
سلطان وعم يقرب اكتر لصار قدامو مباشرة.
سلطان:.....حساب وليد بنصفي بعدين...بس هلأ سلمني البنت.
ليلاس واقفة مصدومة لمحت خوف سلطان عليها واصرارو لينقذها.
عنتر عرقان وخايف وعم يحكي برعشة:....لاااا ماحزرت.....السلاح بالأول.
سلطان:......عطيني البنت والسلاح خدو....بس سلمني اياها.
عنتر:......مارح خليك تغدر فيي ابدا.
قرر سلطان ينتقل للخطة (ب).
وهو عم يحكي مع عنتر اتطلع بطرف عينو🙄 عجنب وهز براسو لتحت انو اي.
حس عنتر بشي غريب وبكل غباء التفت لورا.
انتهز سلطان الفرصة وسحب المسدس من ايد عنتر ودفش ليلاس لبعيد.
سلطان بصراخ:....اتخبي ورا الطاولة بسرعة.
عملت ليلاس متل ماطلب منها سلطان وهي خايفة.
كمشو لعنتر من راسو وعمل مع عنتر متل ماعمل مع ليلاس وحط المسدس براسو وصرخ برجال عنتر وقلهن.
سلطان:......نزلو سلاحكن والا مارح اكتفي بقواصو لأ رح عزبو بالأول قدامكن وبعدا ابلش فيكن واحد واحد.......انتو مابتعرفو مع مين علقانين ؟...... نزلووووووو.
بقيو رجال عنتر معندين بس خايفين.
سلطان:......قول لرجالك ينزلو سلاحهن لأن صبري عم ينفد وهالشي مو لصالحك.
عنتر بخوف:....لك نزلووووو السلاح ياحيوانات ماعم تسمعو شو عم يقول.
وقتها نزلو السلاح عالأرض مرعوبين.
سلطان :.....هلأ صار فيكن تدخلو.
بعد شوي دخلت الشرطة معهن بكر وبندر اتطمنو عليلاس انو هي بخير.
مسكتهن الشرطة ومسكت مجموعة برا البيت بعد ماااشتبكو معهن لوقت صغير.
سلطان:.....كنت مفكر انو فيك بسهولة تضحك علي موو ...مو عسلطان ياعنتر...وقت بقلك مابدي شغل معك معناها صار لازم تستوعب هالحكي.
عنتر:.......غدرت فيي ياسلطان وهالشي مارح سامحك عليه.
سلطان:......اي وانت وقت تخطف بنت لتضغط علي هي مو رجولة ابدا.
بعد مااتطمن بكر عليلاس فكلها الحبل اللي عأيديها واخدها لعند سلطان.
اتطلع سلطان فيها نظرة عميقة ماعرف سببها ، وحس بأنو بلش يورط هالبنت معو بلا زنب اول مرة بسبب قتل وليد وهالمرة بسبب السلاح وكلو بالنهاية بسبب عنتر.
اما ليلاس اتطلعت بسلطان لأول مرة بعيون مدمعين🥺.
جن وقت شاف دموعها :......ليه عم تبكي....خلص ماتخافي خلصت القصة.
ليلاس بصوت عم يرجف :.......سلطان هالحقير حط ايدو علي.
فتح عيونو عالآخر:.....كيف يعني حط ايدو عليكي.
ليلاس عم تبكي:........لمسني ياسلطان حط ايدو عجسمي.
بهاللحظة ضعفت ليلاس للمرة الأولى وحطت راسها عصدر سلطان وهي عم تبكي.....حط ايدو عراسها وغمر راسها بصدرو اكتر....كان لحظتها مقهور كتير والبو موجوع عليها لكن شعرت بحنيتو عليها وقت لمس شعرها وحست بقربو منها.
زم شفايفو بعصبية واتطلع بعيونها :....والله والله لندمو لهالواطي.
راح لعندو متل الوحش وبلش فيو ضرب بوكس ورا بوكس عوشو لنزللو الدم من انفو وتمو وكملها وقت ضم ايدينو لعنتر على بعض وضرب فيهن رصاصة دخلت من كفة وطلعت من الكفة التانية.
سلطان:........هي ياواطي كرمال تحط ايدك عبنت مو الك ومابتخصك........وكرمال وليد اللي قتلتو بلا حق وبلا ضمير.
وقع عنتر عالأرض عم يصرخ.
سلطان:....انت وعدتني تحافظ عليها لحتى اجي لعندك موووووو.
عنتر وهو عم يصرخ ويتوجع:.....ا اااااخ لكان وين وعدك اللي مالتزمت فيه انت.
سلطان:.......انا بلتزم بوعودي بس الغدر طلع من عندك وقت سرقت مسدسي وقتلت وليد لترميني بتهمة قتلو وخطفت البنت...انت مابتستاهل ينحكى عليك رجال لأنك مابتشبههن الا بالشكل.
حاول المقدم قد مافي يهدي سلطان بعد ماتركو ليفش قهرو منو كان بيعرف انو أذاه كتير لهيك مامنعو عن شي لوقت شاف انو بجوز يقتلو ويتورط فيه.
ليلاس عم تبكي وخايفة...
مسكها سلطان من كتافها :.....خلص ليلاس حاجتك بكى والله لو مامنعني حضرة المقدم لكنت قتلتو وخليتك تشربي من دمو بس لأنو فكر يلمسك.....بس خلص روقي...انتهى كل شي.
هالمرة تجرأ وضمها من جديد بس بشكل مختلف عن المرات السابقة وخصوصا وقت حس انها بحاجة لهيك حضن لتحس بالأمان وتحس بوجودها معو...وهي بدورها استسلمت لحضنو اللي بكت فيه كتير وشعرت فيو بالحنية والراحة.
لأول مرة مابتتدايق من وجودو معها على العكس حست بالأمان اكتر وقت شافتو داخل لعندهن.
عنتر ورجالو انقبض عليهن بتهم كتيرة ومن بينهن خطف ليلاس...
رجعت مع سلطان وركبت معو بالسيارة كانت هادية كتير متل القطة الأليفة.
حس سلطان عهدوئها:.....شو طمنيني كيف وضعك هلأ...ارتحتي.
هزت راسها بأي.
سلطان:.....انا بعتزر منك...رغم انو مالي علاقة بقصة خطفك من هالندل بس بعتزر لأنو دحشك بقصصي معو مع انو غلط هيك شي بس هيك تصرفات مابتطلع الا من ضعيفين النفوس اللي بيوصلو لشي عن طريق شي تاني وبيستغلو حاجة اللي قبالهن.....بس انا مو هيك مامستعد فكر اخطف بنت او طفل لأضغط عحدا حتى لو كان هالشي الحل الوحيد....في ناس بحياتنا خط احمر و التجاوز عنو ممنوع ومابصير نحطهن قدام مشاكلنا لنوصل لهدفنا حتى لو كانو هنن الوسيلة لتوصلنا لغايتنا.
كل هاد وليلاس ساكتة.
كان عم يسوق وكل شوي يتطلع فيها.
سلطان:.....ليلاس....مااتضلي ساكتة هيك سمعيني صوتك....ماتعودت تبقي ساكتة هههههه تعودت ععياطك علي وسبك الي....بعرف اتدايقتي من اللي صار بس بوعدك ووعد سلطان مو متل اي وعد......هالمرة اول وآخر مرة بصير معك هيك.
طلب منها تسترخي بلكي بترتاح اعصابها شوي.
مطت حالها عالكرسي تبع السيارة وغمضت عيونها.....اتطلع فيها سلطان بنظرات جديدة تأمل فيها ملامحها الحلوة البريئة ، شاف فيها بنت قوية بشخصية رائعة...اتزكر كلام بكر عنها وقت خبرو انها بتشتغل بمحل ابوها وقت اللي مرض وانو مافي شب قدر يدايقها ولا يسرق البها.
ابتسم تلقائيا لمااتزكر هالكلام وماعرف السبب.
وقت وصلو كانت لساتها نايمة....قرب منها ليفيقها استشعر جمالها ورقتها وانوثتها اللي مخبيتهن ورا عصبيتها وقوتها لحتى اتدافع عن حالها.
جال بنظرو عوجهها كامل ليتمعن عيونها النايمة ورموشها الطويلة وبشرتها الصافية وانفها الناعم وشفايفها المكتنزة الموردة اللي كان اول انسان بدوق طعمهن وبيتغلغل فيهن...ابتسم بهدوء و
بعد عنها لحتى ماتخاف منو.
سلطان:......ليلاس.....ليلاس.
حط ايدو عكتفها ليفيقها:......ليلاس.
فاقت بسرعة وزبطت قعدتها واتطلعت فيه:.....شو في.
سلطان:.....سلامتك بس عم فيقك لقلك انو وصلنا.
اتطلعت حواليها واتزكرت انو كل شي انتهى...
قبل لتنزل عطتو نظرة من عيونها الحلوة خلتو ينفتن فيها.
ليلاس:......شكرا ا سلطان......وبعتزر لأن غلطت فيك كتير.
ابتسم بهدوء وقلا:.....الحمدلله عسلامتك.
نزلت وبقيت واقفة لعطاها امر تدخل البيت.
انتهت مهمة سلطان انو رجع ليلاس بخير وسلامة بقي عليه شغلة تانية مهمة كتير والي هي اهل بيتو لوليد.
راح لبيتو واخد بخاطر مرتو ووعدها يتكفل بولادها ليكبرو ويصرفلها راتب كل شهر ويأمنلها مونة بيتها كاملة وخبرها اي شي بتحتاجو تبعتلو ومارح يقصر معها بنوب.يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`