الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *واهتز.عرش.المغرور.tt*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖:
الجزء الثاني.....
يربى بعزك ودلالك ....بس من هلأ هالولد حصتي بماانو عأسمي رح دللو انا اي ووقت يكبر شوي ويدخل المدرسة كل شي بخصو عحسابي ها .
بكر: .....يدوم العز معلم مابدنا غير سلامتك .
سلطان: .....مادخلك انت قلتلك هاد حصتي .
بكر: ....خلص متل مابدك اعتبرو ابنك واعمل اللي بدك اياه فيه .
***
بهالوقت كان الوقت المسا وكانت ليلاس بالمحل تبع ابوها حست بشي مدايقها من وقت اللي التقت بسلطان بالسوق .
سكرت المحل ورجعت للبيت ، حست عليها لينا انها مو عطبيعتها .
لينا: .....خير لولو شوباكي حبيبي من شو مزعوجة.
ليلاس: .....مابعرف يالينا اليوم من اولو مو زابط معي .
لينا: ....ليه شو صاير معك .
ليلاس: ....الصبح بالسوق ماقلتلك التقيت بهاد المتعجرف سلطان ....وبالمحل اليوم كنت موصية عبضاعة وحلو وماوصلو وناس كتير اجت وسألت عن الحلو اللي طلبتو من قبل وكملها سمير اجاني عالمحل ورجع كرر عرضو عليي ولما شافني رفضت متل قبل وعصبت عليه صار يهدد فيي الوقح ...لك يااختي مابعرف الزواج بالغصب هالأيام والا انا من زمن تاني صرت والا شو مابعرف.
لينا: ....العمى بألبو لك مازهق هاد وهو رايح جاي لعندك والله يااختي اكتر من مرة حاكاه حاتم وقلو لبقى تروحلها عالمحل ولبقى تعرض عليها طلبك بس شكلو مابيستوعب منيح ....(وقتا صارت لينا تغيظ بليلاس )اووووو انو بحبك كتير ياجميل ودايب بغرامك .
ليلاس: .....حبو عمى الهي لك انا بطقو فيوزاتي وقت شوفو داخل لعندي عالمحل بحس يومي كلو مكهرب يبعتلو قتلو شو غليييظ لك مابطيقو يااختي مابطيقو ....والله لو مابيصفى رجال غيرو ماباخدو .
لينا بنبرة مجاكرة: .....اي يعني لو اجى سلطان بتقبلي ومابتقبلي بسمير ماهيك .
ليلاس: .....مييين ...روحي من وشي لينا بلا مااشختك بهالسكينة هي 🔪قال سلطان ...لك مااسخم من هاد الا هاد .
لينا عم تضحك عليها: .....لك شوبيك عم نمزح ولوو ...بس للصراحة شو جاب سلطان لسمير .
ليلاس: .....لك مشان الله روحي لجوزك بلا مايصير ارمل الليلة .
طلعت من عندا وهيي عم تضحك عليها .
بعد وقت نسيت ليلاس موضوع سلطان ونزلت عالمحل لتشوف شغلها .
ليلاس قاعدة بالمحل وكان في زباين شي داخل وشي طالع ...
كان سلطان داخل عالمحل ومابيعرف انو هالمحل لألها كان بدو يحيب قهوة وحلو لرجالو بوقت الشغل كان مدللهن كتير ومو مقصر معهن ماكان يبخل عليهن بشي .
وقت دخل المحل ماانتبه لليلاس انو عم تمشي زبون دخل لعندها .
اخد علبة شوكولا وانتظر دورو ، وقت رفع عينو ابتسم ابتسامة صفرة وفهم فورا انو دخل لمحل ليلاس وماكان بيعرف .
انتبهت اخيرا ليلاس لوجود سلطان عندها ...مشت الزبون اللي عندها وحطت ايديها فوق بعض واتطلعت فيه نظرة غريبة ..
ليلاس: ......هاد انت ...خير شو بدك .
سلطان: ...ههههه ماكنت بعرف انو هالمحل الك .....عموما صرت آخد هالعلبة ومارح رجعها مع انو كنت بدي قهوة كمان بس ازا مارح تعتبريني زبون بروح من هون .
ليلاس: .....هالعلبة اللي بأيدك اعتبرا هدية مني وياريت ماترجع لهون مرة تانية لأنك زبون مو مرغوب فيه .
ابتسم سلطان وحك دقنو وقرب منها : ......شو عم تتمنني علييي بهالعلبة ...لا ياحلوة انا مابقبل هدايا من حدا وبالزات ازا منك ....هي حقا تفضلي .
لحقتو ليلاس وحطت المصاري بأيدو : .....خود مصاريك مابدي منك شي .....ولهون لبقى ترجع .
سلطان: .....هلأ انتي بتعاملي زباينك بهالطريقة .
ليلاس: ......لأ بس الغير مرغوب فيهن .....امثالك يعني .
سلطان: ....هههههه قلتيلي امثالي ....لك امثالي اللي مو عاجبتك غيرك قاتل حالو عليها.
ليلاس بضحكة بصوت عالي ورجعت راسها فيها لورا: ......هههههههه لك على شو بدي افهم ...عقلة زوئك والا قلة فهمك والا عدم اخلاقك .
سلطان: ....هههه اي لأني رجال .
ليلاس عم تحكي وتضحك بنفس الوقت: ...هههه لك ههههه اي رجولة هي .
حس سلطان انو صار لازم تخرس قام قلا: ....بتعرفي تخرسي والا لأ .
ليلاس بصدمة: .....لمين هالحكي ....الي انا .
سلطان بنبرة تحدي: .....اي الك ....اخرسي مابقى تحكي شي .
ليلاس بعصبية: .....لك مين انتي لتقلي اخرسي ااااه.
سلطان بهدوء: ...اخرسي .
ليلاس: ...مابسمحلك .
سلطان: ...اخررررسييي.
ليلاس: ...واحد متلك بيخ.....
وسكتت وقت دفشها سلطان عند الخزاين وطبق شفافو عشفافها ومسكها من خصرها وضمها لصدرو بقوة ....بهالوقت ليلاس كانت مصدومة باللي عملو لكن متل المشلولة ماقدرت تعمل شي حاولت تقاومو بس مافيها تحركو انش واحد .
بعد شوي حس بهدوئها تركها هو وهي واقفة وعيونها مغمضين ...
فاقت ليلاس عحالها اتطلعت فيه بنظرة غضب دفشتو وضربتو عصدرو واجت لتضربو كف مسك ايدها بقوة وقرب من شفافها كتير كمان مرة لكن ماباسها وقلها من بين سنانو: ......وقت بقلك اخرسي مابدي اسمع صوتك فهمتي .
ليلاس : .....لك كيف بتتجرأ ااااه ....كيف ...والله لتندم عاللي عملتو انا بأرجيك .
سلطان: ....ههه ارجعي احكي كمان كلمة وشوفي ازا هلأ مابرجع عيد اللي عملتو .
ليلاس: ...اياك ...
قرب اكتر وقتها ليلاس بعدت وجهها للجهة التانية .
ضحك سلطان من البو عشكلها ورجع لورا وقلها: ......اياكي تتحدي سلطان مرة تانية .
تركها وراح وبقيت هيي مصدومة انو مافي حدا تجرأ وتصرف معها هيك شي او تجرأ يقرب منها رغم انها كانت محبوبة وملفتة ومثيرة للأعجاب وللأهتمام بس ماكانو يقدرو يحاكوها لأن كانت تصد الكل .
راح سلطان وعلامات النصر عوشو باينة انو قدر يسيطر بهاللحظة عهالمهرة الجامحة اللي وقعت بين ايديه.
اما ليلاس صارت تبكي وتضرب عراسها انو كيف بيسترجي يعمل معها هيك شي ومافي حدا من قبلو قدر يعلي صوتو عليها.
ليلاس عم تحكي مع حالها : .....حقير ...ندل ....العمى بألبو لك كيف بيسترجي يعمل هيك شي ....ماشي ياسلطان الزفت ازا مابندمك مابكون ليلاس .
رجعت ليلاس عالبيت مقهورة من تصرف سلطان ماتوقعتو يتصرف معها هيك شي .
لينا حست عليها انو مزعوجة راحت لعندا .
لينا: لولو شو باكي حبي ليه مزعوجة هيك .
خجلت ليلاس تخبر اختها بهيك شي فضلت تبقى بقهرها واتضل ساكتة مدارية عن الكل شو عمل معها سلطان ولا تتعرض للأحراج اللي حست فيه من تصرفو الأهوج .
ليلاس: ......اااااه لا مافي شي بس تعبت كتير اليوم ووصلتني الطلبية اليوم لهيك حاسة جسمي مكسر وتعبانة بس .
لينا: ....بس هيك .
ليلاس بتوتر : ...اي بس هيك شو بدو يكون في يعني .
لينا: ....بسيطة حياتي الله يعطيكي العافية رح جهز العشا انا اي ....ارتاحي انتي ووقت يجهز بخبرك .
ليلاس: .....بدي قوم اتحمم وريح بدني شوي .
بالليل متأخر ماعرفت ليلاس تنام طلعت عالبلكونة قعدت عطرف البلكونة وضمت رجليها لعند صدرها وضل محصور كل تفكيرها بسلطان وشو عمل كل شوي تتحسس شفايفها وتعض عليهن بقهر وتسب وتلعن فيه .
اما سلطان كان نسيان الموضوع لوقت اجى يريح شوي من بعد شغل طول اليوم مع رجالو بالتحضير لتسليم شحنة سلاح تاني يوم ....واتزكرها وقت شاف علبة الشوكولا عالطاولة جنبو ....قرب منها وابتسم وبعدها ضحك بصوت عالي وقت تزكر شو عمل بليلاس .....ووعد كل ماتمادت معو او اتطاولت عليه الا يعمل معها نفس الشي ليستفزها اكتر بلكي بكون اول رجال بيقدر يسيطر عليها مو محبة لأ بس لأنو مافي حدا قدر يحكي مع سلطان متل ماحكت معو ليلاس .
بيوم المسا دخلت ليلاس عالبيت راجعة من شغلها شافت اختها عم تبكي وحاتم وضعو مو طبيعي ...استغربت هالحالة على غير عادة .
مست عليهن حطت الاغراض من ايدها وقعدت جنب لينا ...
ليلاس : ....خير لينا شو في ليه عم تبكي .
لينا : ....😭😭😭😭
ليلاس: ....لك شوفي ....حاتم شو في، طمنوني صاير شي .
حاتم: ......
ليلاس بعصبية: ......لك شوووفييي .
لينا: .....ماتاكلي هم لولو روحي غيري تيابك لتتعشي .
ليلاس: ....لك اي تياب واي عشا .....فهموني شو صاير .
لينا وعم تمسح بدموعا: .......من فترة اشهر .....حاتم كفل اخو حلمي ليقدر ياخد قرض كبير مشان يشتري بضاعة لمحل الكهربائيات تبعو ....وحلمي وقت تراكمت الديون عليه ترك البلد وسافر ...وهلأ البنك عم يطالب حاتم بالمبلغ لأنو هو الكفيل الأول لأخو .
ليلاس عم تحكي مع حاتم: ......اي واخوك مو دافع شي ابدا من القرض تبعو .
حاتم منزل راسو وشابك ايديه ببعض : .......امبلى دافع تقرببا نص المبلغ.
ليلاس: ......حلو ...بس ليه ليترك البلد ازا دفع النص يعني مو بقيان كتير .
حاتم: ....ترك البلد لأن اخي اخد من التجار كمان بضاعة كتير وكان من اربع شهور عم يدفع للتجار ومهمل دفعات البنك لتراكمت الديون عليه اكتر من اول ...ووقتها حس بحالو تورط لهيك الحقير راح وتركني انا ادفع تمن مساعدتي الو .
لينا : .....قلتلك من وقتها ماتكفلو ياحاتم قلتلي اخي ولازم وقف معو .
حاتم : .....يعني انا كنت بعرف انو رح يعمل هيك واتورط انا بالآخر .....ماتزيديها عليي يالينا مشان الله اللي فيني مكفيني .
ليلاس : .....وشو رح تعمل هلأ .
فتح حاتم ايديه بحيرة وضربهن ببعض : .....مابعرف من وين بدي جيب .....رح جن .
ليلاس. ...طيب اهلك مافيهون يساعدوك .
حاتم: .....اهلي عايشين مع حلمي بنفس البيت وهو اللي كان يصروف عليهن ....والمشكلة انو ترك مرتو وولادو التنين برقبة امي وابي .
لينا: ......يعني حلمي جنى عحالو وعالكل واولهن انت ياحاتم وهو بيعرف وضعك كيف .....لك كيف اجى من البو يعمل فيكن هيك .
ليلاس شافت حاتم مخنوق كتير غمزت اختها وحكت بنبرة تنبيه للينا.
ليلاس: .......اي.....شو صار اختي بحلها ربنا شوباكي .....يعني جوزك هلأ ماناقصو هيك حديث .
ووجهت كلامها لحاتم :......ولا يهمك ابو سمرة بتتدبر بأزن الله .
حاتم: .....كيف ياليلاس وانتي شايفة حالتي .
ليلاس: ...ولا يهمك وحياة عيونك مابصير الا اللي بيرضيك .
لينا:...كيف اختي والمبلغ اللي طالبو البنك هلأ كبير كتير ....هدول اربع خمس شهور والدفعة بالشهر كبيرة فكيف بهالأشهر هدول .
ليلاس: ....اي ولا يهمكن بتفرج ان شاء الله .
لينا كانت بتعرف انو ليلاس قوية وشاطرة وبتقدر اتدبر حالها بس ماقدرت تعرف منها شو رح تعمل.
كانت ليلاس غامضة بشغلات كتير ومو سهل حدا يقدر ياخد منها لا حق ولا باطل، لكن قوية بالحق وفيها تساعد غيرها ازا قدرت ومابتبخل عحدا بأي شي ...لكن بمشكلة جوز اختها كيف رح تساعدو وشو رح تعمل وعشو ناوية🤔.
ضلت كل الليل عم تفكر بحل لتقدر تساعد حاتم واتطالعو من المصيبة اللي انفرضت عليه .
انصدمت ليلاس لما عرفت حجم المبلغ المطلوب وكان اكبر من قدرتها وقت راحت للتجار اللي بتتعامل معهن لتاخد بضاعة للمحل تبعها ....وامنت مبلغ بس مو كبير ..
دخلت ليلاس بحيرة كبيرة انو مافيها تخلف بوعدها لحاتم ولينا وقت وعدتهن تحل المشكلة هيي ....لكن ماتوقعت يكون حجم هالمصيبة اكبر من طاقتها....لكن مع اصرارها وعنادها بقيت عوعدها انو لازم تساعد بأي طريقة مامهم.
مرق اسبوع ودفعت ليلاس دفعة للبنك من المصاري اللي امنتهن من التجار وكان هالمبلغ بسيط وسدد بس دفعة شهر واحد ...لكن بقي تلات شهور وقبل البنك بهيك مبلغ تعاطفا مع وضع حاتم ...ووضع ليلاس....والأدهى من هيك انو كانو داخلين عدفعة شهر جديد يعني رجعت ليلاس تحاول اتدبر مبلغ لأربع شهور .
مابقي قدامها الا حل واحد صحي كان صعب عليها لكن مابأيدها حيلة غير هيك .
وصلت مشكلة حاتم لسلطان وعرف فيها واتصرف هو بمعرفتو وحلها من آخرها.... لكن شو سر علاقة سلطان بحاتم وكيف عرف ؟.
قررت ليلاس على قرار وقبل لتعملو بساعات كانت متفقة مع تاجر يلاقيها عندها بالمحل .
رجعت ليلاس عالبيت قبل موعدها مع التاجر لتاخد اوراق بتخصها .
دخلت عليها لينا وشافتها عم اتدور بشنطة اوراق ابوها .
لينا: ....ليلاس متى اجيتي .....وعشو عم اتدوري .
ليلاس: ....عم دور عاوراق لازميني .
لينا: ....اوراق شو ؟
ليلاس: .....اوراق بخصو الشغل .
لينا: .......لشو بدك اياهن بشو بيلزموكي خبريني بلكي بساعدك وبدور معك .
ليلاس: .....ااااه ماتشغلي بالك اختي انا بدور عليهن .
لينا: ....يالطييييف شو انك غامضة لك اشتهيتك مرة تشاركيني بقرار بتاخدي او موضوع تستشيريني فيه لك مو اختك انا .
ليلاس: ....حقك علي اختي بس والله هالاوراق بدي اياهن مشان البضاعة ووصولات للتجار عرفتي شو القصة .يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`