الفصل 1
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *واهتز.عرش.المغرور.tt*
*❴🔢❵الـــبـــــــــــ❴1️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*قصص وروايات 📚📖:
صبايا القصة صارت كاملة تحت الصور بس للأسف بعد ماعدلتها وصرت بدي انشرها طلعت من الفيس وراحت القصة وراح تعبي بتعديلها.....ازا بدكن ماتقرأوها هلأ لوقت ابعتلكن منشور وقلكن صار عندي وقت عدل الاخطاء اللي فيها وقتها بقرأها معكن بدون اخطاء .....والله تعبت الي من ساعتين ونص عم عدل فيها وراح تعبي عالفاضي😭😭😭
عموما هي تحت الصور هلأ😢
#واهتز عرش المغرور#
بعد ماضبت ليلاس شنتاية تيابها قعدت بغرفتها شوي عم تستعيد زكرياتها فيها وقت كانت هي واختها لينا تزكرت كل شي مرق معهن ، كل زكرى كان الها طابع خاص بحياتهن ....و ضحكت لما تزكرت كيف كانت تجي امها تفيقهن ويعملو حالهن نايمين ويصيرو يضحكو من تحت الغطا وتصير لينا تمثل انو عم تحلم وخايفة وتفضحها ليلاس بضحكتها العالية ....
ودعت غرفتها وراحت للصالون مرقت زكريات كتير حلوة كمان ..
اخر شي راحت لغرفة ابوها بكيت كتير وقت دخلتها لمست كل شي بالغرفة وانفجرت اكتر لما ضمت مخدة ابوها ...
ليلاس: .....ااااخ يابابا لو تعرف شو اشتقتلك ياحبييي ....ارجع وبخدمك عمري كلو ...بس خليك معي .
دخلت لينا لعندها وعم تمسح دمعتها:.....وبعدين معك اختي ..والله حرام هيك لك انتي ما ارتحتي من يوم اللي راح بابا ...فكرك يعني هو هلأ رضيان باللي عم تعملي ...اكيد.لأ واكيد هو زعلان منك لان ماعم ترحمي حالك وماعم تنشف دمعتك وهيك بتعزبي اكتر .
ليلاس: ...بعرف اختي بس مو بأيدي ....اتتي بتعرفي قديش كان بابا حنون وقديه كنت متعلقة فيه.
لينا: .....اي بعرف وكان يميزك كتير لان كنتي عنيدة و شقية لهيك كان يداريكي كتير ويحرص عرضاكي .
زكرتها لينا بموقف لتضحكها لليلاس ولتغير نفسيتا شوي ....ضحكو كتير واختلطت وقتا الضحكات مع الدمعات.
كانت ليلاس رايحة لبيت اختها لتقعد عندا بعد وفاة ابوها .
سكرو البيت وراحو ....وهنن طالعين قابلتها جارتهن وخبرتها ليلاس انو تاخد بالها من البيت من بعيد بغيابها وانو رح تجي كل فترة وتشق عليه وتسقي الزريعة اللي فيه .
سلمت ليلاس ع جوز اختها حاتم وقعدت معو شوي .
حاتم: .....شو لولو كيف صار واقتنعتي تجي وتقعدي معنا .
ليلاس :...مابقيلي غيركن ياحاتم ....بس كان صعب عليي اترك بيت اهلي واترك زكرياتي اللي فيه .
قرب منها حاتم وحط ايدو بحنية عأيدها: .....لك ليلاس هاد بيتك كمان وانتي بتعرفي شقد بحبك وبحترمك انا لك والله مابشوفك الا متل اختي سهى ويمكن اعز ....يلا بقى قومي حطي اغراضك بغرفتك وساعدي لينا بالغدا وهيك فرفشيلنا البيت بضحكتك الحلوة وشقاوتك .....(قرب منها وقال بمزح) بلاها حياة الملل اللي عايشينا انا واختك .
لينا عم تحط الأكل عالطاولة: .....سامعتك حبيبي .
حاتم: .....احم .....اي حبي عم قلا يلا مشان الليلة عالسهرة العب انا وانتي ولينا دق طاولة واغلبكن .
ضحكت ليلاس من البها عحاتم كيف غير كلامو بعفوية وصارو يضحكو تلاتتهن .
كان الجو هادي كتير ببيت لينا وحاتم وخاصة لأن ماعندهن ولاد .....ومع الوقت صارت ليلاس تحس بالملل بسبب الهدوء اللي عايشين في.
بعد اسبوع راحت ليلاس لبيت خالتها اللي ساكنة بالشارع التاني .
ام رياض: طمنيني عنك خالتي شو اخبارك ان شاء الله منيحة .
ليلاس: .....الحمدلله خالتي اموري تمام وبلشت اتعود عغياب بابا بس مانسيتو اكيد .
ام رياض: ...ولا رح تنسي الغالي مابينتسى ياخالتي وخاصة ابوكي الله يرحمه كان رجال مافي منو ...لكن عمرو وخلص شو بدنا نقول .
دمعت ليلاس وكانت رح تبكي لكن وقفتها خالتها: .....لا ياروحي انا ماعم احكي هيك لتبكي حقك علي ...انا قلت هيك بس لزكرك انو الموت علينا حق وكلنا رايحين بالآخر.
قعدت عند خالتها لقبل المغرب واستأزنت بدها تروح قبل لتغيب الشمس .
وهيي بالطريق كانت ليلاس سرحانة عم تفكر تروح لبيت اهلها قبل لترجع عبيت اختها ....لكن قطع تفكيرها السيارة اللي جاي صوبها واللي كانت عشوي رح تضربها .
خبطت ليلاس فيها شوي بس ماتأزت .
ليلاس بعصبية وصوت عالي: .....لك شو هاد انو اعمى انت مابتشوف او حمار سواقة مابتعرف تسوق .
وقفت السيارة واخد وقت اللي فيها لنزل .
نزل بهدوء وركازة شلح نضارنو الشمسية وركى ايدو عسقف السيارة .
ليلاس: .....شوووو بدا كل هالوقت لتنزل حضرتك وتعتزر .
صار الشب يضحك عليها بأسلوب مستفز: ....ههههههههههههههه.
ليلاس: ....ماقلت شي بضحك....وقلة زوء كون عم احكي وانت عم تضحك .
قرب منها ومسح عشعرو برواق .
الشب: ......شو قلتي .
ليلاس بثقة: .ً......اي قلة زوء منك كون عم احكي معك وتضحك بلا سبب .
الشب: ....الي انا هالحكي .
ليلاس: .....مافي غيرك قدامي ....اكيد الك .
الشب: ...حدا قبلي قلك انو لسانك طويل .
ليلاس: ...احترم حالك ازا بتريد .
الشب: .....واللي عم تعملي انتي هلأ شو اسمو ااااه ....مو قلة زوء وقلة ادب كمان .
ليلاس: ....والله ....ووين قلة الأدب باللي قلتو بلا .
الشب: .....بتعرفي اول مرة حدا بيتجرأ وبيحكي معي بهيك وقاحة .
ليلاس جنت: ......احترم حالك ....مين مفكر حالك انت ااااه ومين بتكون لحتى ماحدا بيسترجي يحكي معك هيك.
الشب: .......انا سلطان .....عرفتي مين بكون .....صحي انتي اول حدا بيحكي معي هيك .....بس رح تكوني اخر حدا وهالمرة اخر مرة مشي ياحلوة .
ليلاس: ....واثق من حالك كتير .....هاد عواض ماتعتزر انك كنت رح تضربني .
سلطان: ......كنت بدي اعتزر بس لقلة زوئك مارح اعتزر ...واخبطي راسك بالف حيط .
ليلاس: ....لك فوق مالك قليل زوء مغرور كمان .
صار يضحك سلطان لأن قدر يستفزها: .....ههههههه اي بجوز كون مغرور بس بعرف كيف اتعامل مع الناس وخصوصي مع امثالك .
ليلاس بغيظ: ......وامثالي مابشرفا اتضل واقفة مع امثالك .
تركتو ومشت شوي قام وقفا بصوتو.
سلطان: ......انتي بنت مين .
التفتت لعندو : .....شي مابخصك .
تركتو وراحت .
اتطلع فيها وضحك عليها لكن قال بحالو (مافي حدا لهلأ تجرأ وحكى معي بهالطريقة .....بس شكلا مابتعرف مين انا )
دخلت ليلاس عالبيت عم تلعن فيه وتسبو بعصبية .
لينا: .....لك شوفي عن مين عم تحكي .
قرب حاتم منها بقلق: ....خير ليلاس شو في حدا اتعرضلك .
ليلاس: ......واحد مغرور قليل زوء عديم اخلاق ماعندو حس بالمسؤولية .
لينا: ....لك مين هوووو.
ليلاس: ......الغبي اللي كان رح يضربني بسيارتو شكلو يااما مابيعرف يسوق يااما سكران يااما مستهتر ومابهمو حدا .
حاتم: ....لك فهمنا بس مين هو شو اسمو شو شكلو وين شفتي .
لينا: قبل كل شي ....صارلك شي اختي .
ليلاس: ......لا اختي اتطمني ماصارلي شي ....لك تصوري حتى اعتزار مااعتزر .
لينا: .....العمى بألبو وماعرفتي مين هو .
ليلاس: .....مابعرفو يبعتلو حمى مااغلظو .
حاتم: .....طيب كيف شكلو.
ليلاس: .....ماانتبهت لشكلو منيح كنت معصبة منو .....بس قال اسمو سلطان .
اتطلعت لينا وحاتم ببعض: .....سلطان .
ليلاس: ......اي سلطان شوباكون انصدمتو هيك وكأني قلت اسم عفريت .
حاتم : ....مافيكي توصفيلي اياه .
ليلاس: ....لك بقلك ماانتبهتلو منيح .
لينا: ....طيب مابتتزكري ولا شي منو .
ليلاس: ....مبلى بس مو كتير عيونو واسعين وعنيدين ملامحو قاسية ...بس مابتزكر اكتر ....بس ليش عم تسألو .
لينا: .....معقول يكون هو ياحاتم.
حاتم : .....ازا عوصفها وكلامها اكيد هو .....هههههه بس شكلا اختك مابتعرف مع مين علقت .
لينا: ....هههههه اي ....حتى هو مابيعرف مع مين علق ......وبينطبق عليهن المثل (وافق شن طبقة ).....وتنيناتن اجقر من بعض .
صبايا القصة ان شاء الله تلات او ورابع ايام بأزن الله لتكون جاهزة....ورح نزلها كاملة متل العادة ورح اعمل تعديل ونزلها مع المقدمة...حلو لهون...
صبايا سامحوني ازا تأخرت بالقصة يوم زيادة لأن مابعرف شو بجد علي اتفقنا....
القصة مشوقة وفيها احداث حلوة....ومفاجأتي الصغيرة الكن وانو بعد ماانسرقت قصة الاغتصاب...قررت بالقصص اللي بعدها مااكتبلكن جرأة ابدا بس بعرف بتحبو هيك شي 😁.....بس بهي عملتلكن فيها شوية صغيرة جرأة خفيفة...
حبكن كتير سلومة😘
الجزء الاول.....
ليلاس : .....هلأ رح تفهموني شو في ومنو هاد سلطان والا شو .
لينا: .....ازا سلطان اللي قابلتي معناها مافي خوف منو ....صحي هو عصبي وجقر بس بصراحة رجال ومافي منو تنين .
ليلاس: ....شو هالحكي ....لك هاد مغرور وقح مابيفهم ..لك مافكر يبرر ليش هيك عمل ولا حتى يعتزر .
حاتم: ....ههههه لك حتى لو كان متل ماعم تقولي بس سلطان غير كل الرجال اللي شفتيهن او رح تشوفيهن بحياتك كلا .
ليلاس: ...حاسستكن عم تتغزلو بشي امبراطور او شي ملك ...كل شقفة رجال بلا احساس .
حاتم: ....هاد لأنك مابتعرفي عم تحكي هيك.
اتدايقت ليلاس وقامت وقالت قبل لتروح: ....ومابدي اعرفو هيك شيكلات مابحب اتعامل معها انا .
اتطلعت لينا بجوزها ورفعلها كتافو انو مابأيدو يعمل شي .
دخلت ليلاس غرفتها متدايقة من اللي صار معها من دفاع اختها وجوز اختها عن اللي اسمو سلطان .
تاني يوم راحت ليلاس ولينا وحاتم عبيت اهلها وقضو اليوم كلو فيه عملو مشاوي ولعبو طاولة وقضو يوم حلو كتير ماحست ليلاس كيف اليوم مرق بسرعة عليهن وحست انو من زمان ماانتعشت متل هيك ....لكن وقت رجعو للبيت حست ليلاس بشي غريب وبلا سبب صارت تبكي كتير وكأنو حدا عم يخنقها .
دخلت عليها لينا وقت سمعت صوت بكاها.
لينا: ....لولو ...حبيبتي خير ليش عم تبكي .
ليلاس عم تبكي كتير وماعم تقدر توقف بكى .
لينا: .....ولك اهدي يااللبي وطمنيني صاير معك شي لك من شوي كنا مناح وعين الله علينا شو صاير عليكي .
تمالكت ليلاس حالها ووقفت شوي عن البكي ..
ليلاس: .....مابعرف يااختي مابعرف شو صرلي وقت دخلنا بيت اهلي حسيت روحي انردتلي وكنت مبسوطة كتير لكن وقت رجعنا لهون تأكدت خلص انو امك وابوكي راحو وماعاد يرجعو .
لينا: ....هللا هي هيي القصة وخوفتيني فكرت صار معك شي .
ليلاس: ....ليش هالشي قليل يعني ....لك لينا بحس روح امك وابوكي لساتا عايشة بالبيت وكأنو عم يقولولنا نرجع للبيت .
لينا بخوف: .....بسم الله الرحمن الرحيم ....لك شو هالحكي لولو انا بخاف من هيك قصص مشان الله لا بقى تحكي متل هيك ...مرة سمعت من وحدة عرافة بتقول انو ازا بتفكري بهيك شغلات بتصيري بتشوفيها او بتحسي بوجودها ....مشان هيك لا بقى تحكي هالحكي قدامي انا نجمي خفيف وبخاف من اي شي وبصير بتخيل هالشغلات لو مو حقيقة .
ليلاس تركت دموعها عخدها وصارت تضحك ع لينا اللي بتكبرها بالعمر بتلات سنين ....ومن قد ماضحكت صارت تصرخ ..
ليلاس: ......هههههههه ولك اااخ يابطني ..لك من وين بتجيبي هالقصص انتي ااه ومن قلة عقلك بتسمعيلي للعرافة شو بتقول ...هلأ مو عيب انتي اكبر مني وانا قلك هيك صح وهيك غلط .
لينا: .......لك اي والله العرافة مرة قالت شي عن برجي وطلع مزبوط.
ليلاس رجعت تضحك عليها: .....لك اختي مابدك تتركي شغلة الأبراج هي لك حرام كلا والله حرام حتى لو قالو شي مزبوط والرسول عليه الصلاة والسلام شو قال *كذب المنجمون ولو صدقو* وانتي لسا دايرتيلي ورا هي العرافة وورا هي الفتاحة .
لينا: .....لك لاااااا ما كل شي بسدقو بس ....والله عم بحضر واقرأ هيك اشياء بس للتسلاية .
ليلاس: ....اي حتى لو للتسلاية كلو حرام وكزب .....قال بتصيري تشوفي الارواح وتحسي فيها لك شو هالهبل ههههههههه.
لينا :لك ها شفتي شلون خليتك تغيري شوي وتضحكي .
ليلاس: ....اي عم بضحك بس عجهلك وهبلك .
زورتا لينا وقامت : ....طيب يلا قومي لنشرب القهوة بلا دموع وبكي من يوم يومك بتحبي النكد وقوية مابتخافي قومي .
ليلاس: ....اي يلا لاحقتك.
مشيت لينا شوي .
ليلاس بصوت عالي وبخوف: ......لك ليناااااا خدي بالك اهربي ....في ارواح لاحقتك .
هربت لينا عالصالون وتفركشت بالسجادة ووقعت عالأرض .
لحقتها ليلاس فارطة من الضحك عليها ....راحت لعندها وساعدتها لتوقف قام رمتها لينا بالمخدة وصارت تلحق فيها وهي عم تعرج من رجلها.
ليلاس عم تضحك بجنون عمنظر اختها وهي عم تركض وتعرج وتحاول تلحقها لتكمشها .
صار حاتم يضحك عليهن ترك الكتاب من ايدو وحط ايدو عخدو عميستنى يخلصو هبل .
حاتم : ........لك ماحتبطلو هبل وتعقلي منك الها .
ليلاس: .....هههههههه لك حاتم هي مرتك الهبلة قال ازا بتقول عن الارواح بتصيؤ بتشوفهن وبتحس فيهن .
حاتم: ...ههههه لك شو هالتخبيص حبيبتي .
ليلاس: .....ههههه قال هيك العرافة قالت .
حاتم: ....اي اي العرافة اللي مابتعرف شي عرفتا هي اللي بتجي كل يوم بالتلفزيون ..لك لينا ماحتبطلي هبلك هاد حبي.
قعدت لينا عالكنباية ورمت حاتم بالمخدة : .....اي وقت مسخرتك انت كمان ....لك اااااخ يارجلي شكلي انكسرت وانا عم الحق فيكي يادبة .
ليلاس بمسخرة: .....ازا بدك تتأكدي انك مكسورة او لأ ماالك الا تتصلي بالعرافة تبعك وتسأليها ههههههههههه.
لينا: ....اااااخ اي اي ضحكو كمان لأن ناقصتكن انا ....والله شكلي انسكرت .
تاني يوم تعبت رجل لينا كتير بس كانت رضة قوية ماقدرت تطلع من البيت عأثرها .
اتضطرت ليلاس تروح عالسوق عواض لينا لتجيب اغراض للبيت .
كانت ليلاس متعودة تجيب اغراضها من محل معين ....وهي بالسوق وبعد ماخلصت اغراضها ماحست الا ع موتور جاي من وراها ووقف حدها وكان رح يضربها .
صاحت ليلاس ووقعو الاغراض من ايدها .
ليلاس بعصبية : ....لك العمى بعيونك شو اعمى ..
انصدمت وقت شافت الي نازل من الموتور .
ليلاس: .....هاد انت ......لك شو جنسك انت ااااه شو مستقصدني يعني والا حدا دافشك عليي والابتنعمى عيونك وقت بتحس بوجودي .
قرب منها سلطان وصار مقابيلها: ......ههه شو هاي انتي ...لك لساتك عايشة .
ليلاس بعصبية وقهر: .....اي شكلي رح موت تحت كراج الاستعراض تبعك يوم سيارة ويوم موتور ....شو هالأستهتار هاد .
سلطان بلهجة استفزازية: .....روحي عمو روحي العبي بعيد من هون .
ليلاس: .....بحياتي مامرق عليي رجال بوقاحتك .....لك هي تاني مرة بتروح ماتخبطني ومع هيك مامرة فكرت تعتزر لأ وعم تقلل ادب كمان.
سلطان : هههه مين اللي هلأ عم يحكي بقلة ادب مو انتي .
ليلاس: ...اي وقت شوف اللي قبالي مو محترم بدي اتضطر احكي معو بنفس الطريقة ليستوعب .
سلطان: ..هههه لا مو هيك القصة شكل بطبيعتك نورية لهيك بتتعاملي مع الناس بعجرفة وقلة احترام.
ليلاس بغيظ: .....احترم حالك بلا ماارجيكي وجهي التاني ها .
سلطان عم يضحك بصوت عالي: ...ههههههههه صحيح انا ماسألتك ولا مرة انتي شواسمك .
ليلاس: .....شي مابخصك .
سلطان عم يستفزها : .....اي مافي داعي بعرف شو اسمك ....مو اسمك ام لسان ....لك اي وام وجهين كمان .....ههههههههههه لك طلعتي ام الكل انتي ههههههههههه واكيد رح بتقليلي ام اربعة واربعين مو ..هههههههههه.
ليلاس وكان باين عليها انو مزعوجة: .....هاهاها.ً....عم تنغش حضرتك .
رفعت اصبعها بوجهو وقالتلو: ...ًبتمنى ماارجع شوفك مرة تانية وتختفي .
ضحك عليها سلطان ...لبس نضارتو وركب موتورو وراح وصوت ضحكتو مافارقت مسامعها لوقت اختفى من قدامها.
بعد الحادثة هي راح سلطان عالهنغر تبعو ...
نسيت خبركن عن سلطان مين بكون 😁...
سلطان شب شخصية مهيوب لأبعد حد شخصية قوية مستفزة بعنادها وصعوبة التعامل معها مو سهل اي حد يقدر عليه او ياخد شي منو بدون رضاه ومو من الشباب اللي بتهمو البنات او انو يلاحقهن وهالشي ماكان بحسابو ابدا لأن كان كل وقتو بالشغل وبس ، وشخصيتو هي هيي اللي خولتو ليختارو خالو انو يسلمو هيك شغلة من وقت كان شب بأول العشرين .
سلطان عند هنغر تقريبا تحت الأرض بيعيد صيانة الأسلحة الخربانة او تجميع اسلحة بياخد من كل نوع سلاح قطعة بتلزم لسلاح تاني وبهيك صار عندو زباين كبار من تجار السلاح وعندو رجالو اللي بهابو وبيسمعو كلامو ومابيعترضولو عشي ابدا .
شغلو نظامي وقانوني يعني مابيشتغل لا بالتهريب ولا ببيع سلاح لمهربين ببيع لتجار سلاح معهن رخصة من الحكومة بهالشي وصفحتو بيضا ونضيفة ومعروف انو ماعليه اي مشاكل ابدا.
هلأ بنرجع للقصة ...
وهو بالهنغر مع رجالو عم يتابع شحنة سلاح بدو يبعتى هو ويسلما بأيدو للتاجر ....اجى لعندو واحد مم رجالو اسمو بكر وكان بكر ايدو اليمين لسلطان هو وبندر .
بكر: .....اي معلم ان شاء الله رايق هلأ .
اتطلع فيه سلطان بطرف عينو وهو عم يتأكد من قكعة سلاح بأيدو ....قام صوبو عوجه بكر وعيونو كانو ين المسدس عم يقدحو شرار . ...وقتا ضل بكر واقف مصدوم انو ماحكى شي ليزعل المعلم منو لهالدرجة .
بعد وقت من الصمت نزل سلطان السلاح من ايدو وحطو بأيد بكر وقلو : ارجعو عيدو صيانة هالمسدس بدو تجليس اكتر لأن في عوج .
غمض بكر عيونو براحة واخد نفس عميق وقت فهم انو سلطان صوب المسدس صوبو ليتأكد من هيكل المسدس ازا سليم او فيو شي غلط .
بعت بكر المسدس للشب اللي عملو ليعيد تجليسو اكتر وخبرو ينتبه مرة تانية .
رجع بكر لعند سلطان بس ماحكى شي .
سلطان : .....هات لشوف ليه سألتني ازا رايق او لأ شو كنت بدك تقول .
بكر بتردد: ....اي معلم .....كنت بدي اسألك ازا بتعرفا لليلاس .
اتطلع سلطان فيه : .....مين ليلاس؟
بكر: ....البنت اللي كنت معها اليوم بالسوق .
سلطان باستغراب : ...قصدك ام لسان .
ضحك بكر عتعليقو: .....اي هيي ام لسان .
سلطان: ....وانت من وين بتعرفا.
بكر: .....معلم هي بتكون اخت مرتو لحاتم .
سلطان: ....حاتم مرزوق ماغيرو .
بكر : ....اي معلم .
سلطان: .....هلأ ام لسان بتكون اختا للينا .
بكر: ....اي معلم حقك تستغرب .
سلطان ابتسم بطرف تمو😏: ...شو جاب لينا الها ....لك لينا كل الهدوء والركازة فيها اما هي لسانا متبرى منها مبري بري .
ضحك بكر: ...اي مزبوط هيي اقوى من اختها.....بس قد حالا بتطلع قد عشر رجال والله مافي حد بيقدر يحط عليها كلمة .
سلطان: .....اي بس هالنوع من البنات انا مابحبو .....بحب البنت الرقيقة الهادية مو النمرودة هي مابتمشي معي .....خود هاد وعطي للبغل اللي نضفو قلو بدو تنضيف بمخزن الرصاص عم يطالع دخنة ....لك انتبهو عالشغل اكتر ليش هيك صايرين .
بكر: ....امرك معلم ....ياعلي خود هاد وعطي لأسامة وقلو ينضفو منيح وخصوصي المخزن تبعو وقلو المعلم عصب كتير .
رجعلو بكر وضبو السلاح مع بعض ورافقو ليروحو لعند التاحر ويبعتوو الشحنة سوا .
وهنن بالطريق ...
سلطان: .....وانت كيف بتعرفا لهي النمرودة .
بكر: ......بتكون رفيقتا لبنت اختي وانت نسيان مين بكون حاتم وكيف كانت علاقتي فيه .
سلطان : ....لأ مو نسيان بس مابعرف انو عندو بنت احمى قوية متل هيك .
بكر: ....بس معا حق تكون قوية معلم.
سلطان: ......لك اي فهمت بس مو هيك .
بكر: .....امبلى معلم هيك واكتر .....هيي بالأصل البنت بتختلف عن مرتو لحاتم بالهدوء هي شقية كتير بس زادت اكتر من وقت اللي مرض ابوها واكتر من مرة تعرضو للسرقة بييتهن وبالمحل تبع ابوها كتير شباب حاولو يتحركشوها ويتغالظو عليها .
سلطان عم يضحك: ....هههه لك هي مين بدو يتحركشا متل الضابط وقت بتحكي معها .
بكر: ....اي ماعم قلك معلم بسبب اللي صار معهن اتضطرت بوقتا تصير هيك وحاول مرة شربكزابوهاوبالمحل بعد.ماتعب ابوها وماعاد يقدر ينزل للمحل يلهف من غلة المحل بس هيي فهمت عليه ووقفتلو عكل شي وطالعت حقها تالت ومتلت منو لفضت هيي الشركة بينهن وفتحت محل صغير الهن وقالت بلا مايسرقنا مرة تانية .
سلطان: ليش شو بتشتغل وشو المحل اللي عندهن .
بكر: ...عندهن محمص صغير كان كبير قبل تفض الشركة مع شريك ابوها وهلأ حاطة البضاعة بالحاصل اللي جنب بيتهن زبطتو وجهزتو وقعدت هيي فيه .
سلطان: ....اي عال .....كمان بتقعد بمحل لازم يقعدو فيه رجال شو هالبنت هي .
بكر: ....لأنو ماعندهن شباب مافي غير هيي واختها لينا وحاتم بتعرف وضعو صعب يشتغل .....هي قبل ليمرض ابوها ماكانت تنزل للمحل ابدا لكن وقت مرض صار الزامي تنزل هيي والا بيشحد اللقمة من الناس.... والله يامعلم انو هالبنت مافي منها .
سلطان : ....شو شكلو البنت عاجبتك لحتى عم تمدحا هالقد .
بكر: .....لا معلم انت بتعرف انا متجوز بس كتير بتعاطف معها .
سلطان: ....اي ماشي بس هاد مابأثر يكون عندا شوية انوثة ....ليك قيمنا من سيرتا وهات قلي شو سميت ابنك .
بكر: .....سميتو سلطان عأسمك .
اتطلع سلطان فيه : .....لك ليش هيك ليه ماسميتو اسم عالموضة ليه ماسميتو اوس او غيث او فارس .
بكر: .....لا معلم قصدا سميتو عأسمك بدي اياه يطلع ابضاي متلك .
ابتسم سلطان وحط ايدو عكتف بكر وقلو: ......تسلم ياطيب .`يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`