الفصل 12
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *أنت.قدري.وما.أحلاك.من.قدر.tt* 🎀🥺
*❴🔢❵الـــبـــــــــــ❴2️⃣1️⃣والأخييير ❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
بيخلص العرس وبيطلع العريس مع عروسته بعد ما ودعوهن اهلهن ورفقاتهن وتمنولهن جازة العمر كلو، طلعو المعازيم من الصالة وكل مين بروح ع بيته....
وعند اسيل وزين بكونو تعبانين من العرس لانو ولعو عرس رفقاتهن وخلو عم يشعل حماسة،ورغم تعبهن الا انو زين ما نسي ابدا الوعد اللي قطعته اسيل واخدو بوسة صغير وهي تعبانة ومو قدرانة تقاوم ابدا استسلمت بشكل تام لزين ....
بتمر الايام ع أبطالنا بكل اعتياديةحتى اجا هداك اليوم ...
كان بارك والجو متوتر شوي بس رغم هالشي كان واثق من حالو ، بهداك اليوم كانو نتائج امتحاناته النهائية رح تطلع اليوم.. وفجأة وبدون سابق انذار بيسمع صوت زلاغيط امه وعيونها ملانين دموع
ام مجد : ولك لولولولولولولواولولولولوليش، ان شاء الله الف مبروك يا دكتور، تاعا لعندي تاعا تقبر قلبي
بروح صهيب عند امه وهو طاير من الفرحة
صهيب : يعني نجحت!!
ابو مجد : اي اينا نجاح، نجحت وجبت علامة بترفع الراس، تاعا لهون يا ابضاي، الله يرضى عليك يا دكتور
بروح صهيب عند ابوه وبلفه وهو طيران من الفرح لانو بعد سنين من الصبر والتعب والجهد وقلة النوم اخيرا فيو يقول انه دكتور عن حق وحقيقة فيو يقول انو حقق حلمه وطموحه اللي كان عم يسعى وراه
نورسين ببكي : صهيييبي ولك الف مبروك يا عمري ولك الف مبروك يا سندي
بقرب صهيب من نورسين وبيمسحلها دموعها وهو لاففها وعم يحكي
صهيب : الله يبارك فيك، بس ليش هالدموع انت وامي
نورسين : ولك هي دموع الفرحة ما بتنزل الا لاغلى الحبايب ما هيك امي؟
ام مجد وهم عم تمسح دموعها : اي لكا يا أمي، والله فرحانة فيك قد الدنيا ولك رح اعملك حفلة كبيرة اليوم قبل بكرة، شو قلت ابو مجد؟
ابو مجد : غالي والطلب رخيص، والله لنعمله احلى حفلة تخرج
نورسين : انا رايحة اعزم قرايبيننا واختي اسيل وبيت حماها ورح اعزم سيلين
حكت اخر اسم وهي عم تغمز لصهيب، اللي ابتسم وفرفح قلبو اول ما انحكى اسمها للي سرقتله قلبه يوم ورا يوم
صهيب : وانا رح اعزم رفقاتي
ابو مجد : وانا هلق بوصي ع شغلات الحفلة من بوالين وكاتو وجوز الهند.........مشان نعمل الحفلة ورا البيت عند المسبح منو منظر حلو ومكان واسع
ام مجد : اي والله وجبتها يا ابو مجد، وانا رح اعمل كم صينية حلو من اللي بتحبوها
صهيب : ولك تسلمولي يا احلى عيلة بالعالم
وفجأة برن تلفون صهيب، واول ما بشوف الاسم بيفتح ع السريع
مجد : ولك والله وكبرت يا ضرسان وصرت احلى دكتور، ان شاء الله الف الف مبروك يا روح اخوك
صهيب : الله يبارك فيك، والله مشتاقلك كتيييير
مجد : اي اطمن جاي، حجزت اول طيارة لعندك
صهيب : عم تحكي جد !!! ولك والله اليوم احلى يوم بحياتي كلها، عم بستناك
بينهي صهيب مكالمته لتحكي نورسين
نورسين بفرح : رح يجي؟؟؟؟
صهيب : اي وحاجز اول طيارة اليوم للبلاد
ام مجد ببكي : الحمد لله، الله يديم هالاخوة، يا ابو مجد مشان خاطري خلي هالولد يجي لهون ويشتغل بالبلاد والله حرام مشنشطينه بسويسرا لحاله وما في مين يطبخله، قلبي عم يشتقله كل ثانية دخيل عينه انا
ابو مجد : أمسحي دموعك يا روحي، اساسا انا كنت مستني يجي من سويسرا لاخبره بخبرية تفرحو وتفرحكن
صهيب : رح تخليه يشتغل بالبلد؟
ابو مجد : اي يا ابني ورح سكر الشركة اللي بسويسرا، حاج الله منعم علينا عدة شركات ومنها بالبلاد وابني أولى من غيرو ليشتغل ببلده
ام مجد ببكي : الله يرضى عليك دنيا وآخره يا ابو مجد، والله لا يحرمني منك يا تاج راسي
ابو مجد : الله يسلمك يا روحي
نورسين : احم احم انا رايحة اعزم العالم، وانت ماما اعزمي بيت حماها لاسيل لانو مو حلوة انا اعزمها وانتو موجودين
ام مجد : صح كلامك يا بنتي،. يلا كل واحد ع شغله
..........
بتروح نورسين وبتتصل ع اختها اسيل
نورسين : الو.. اسولة اليوم انت وزوجك معزومين ع حفلة تخرج صهيب
اسيل بفرح : ولك الف مبروك أن شاء الله، رح اجي قبل الموعد انا وزين مشان نساعدكن بأمور الحفلة
نورسين : اي تمام، ولك صحي نسيت خبرك، كمان اخوك مجد حجز اول طيارة للبلد وجاي لعنا اليوم مشان يحضر معنا الحفلة
اسيل : ياي ولك شو هالاخبار الحلوة اليوووم ااااه ما أحلى هالنهار، ولك نورسين بدي اعزم رفيقة الي هية وزوجها واختها، لانو بيني وبينك اختها عجبتني كتير لمجد فمنه هي بتحضر الحفلة وبتغير جو ومنه بتشوفها امك واخوك اذا عجبته مشان نخطبله ياها، شو قلتي
بهاللحظة تحولو عيون نورسين لقلوب وحكت
نورسين : يااااي، سكري سكري رايحة خبر ماما انو لقينا لمجودة عروس، صحي وليك حلوة ولا بشعة؟😂
اسيل : لا ما شاء الله عليها حلوة وهادية ومبين عليها انها راكزة وبتفهم متل اخوك مجد طباعها هيك حسيت وبتنحب كتير هي واختها
نورسين : اي ممتاز، لكا رايحة أخبر امك وفي كم شغلة رح خبرك ياهن بس تجي لعنا يلا بسرعة تاعو
اسيل : تمام حبيبتي، جايين
بتسكر نورسين الخط وبتروح بتخبر ام مجد عن العروس اللي عجبت بنتها اسيل وبتطير من الفرح، واخيرا رح تزوج ابنها الكبير ويصير عندها أحفاد منو♥️وبعدين بتحمل حالها ع بيت سيلين وبتروح لتعزمها
وعند ابو مجد بكون عم يوصي ع قالب كاتو كبير ومكتوب عليه (الف مبروك النجاح) وبوصي كمان ع بوالين باللون الاحمر والأبيض وبكونو محطوطين ع شكل قوس وووو
وعند صهيب، عزم كل رفقاته وراح ع محل ببيعو فيو خواتم دهب، ورجع ع البيت وبايده صندوق احمر صغير وعم يطلع فيو بكل إعجاب وفجأة بيقطعله شرودو صوت امه
ام مجد : شو لمين هالصندوق وشو فيو
صهيب بلبكة : اممم هاد ااا هاد خاتم دهب
ام مجد بصدمة : شوو... ولمين.... وليش ما الي خبر
صهيب : امي والله كنت جاي لاحكيلك
ام مجد : تفضل هلئ احكيلي
بيحكيلها صهيب كل شي لأمه وعن إعجابه بسيلين اللي عم يزداد كل يوم لحتى صار حب حياته وانو هلق بما انو اتخرج وصار فيو يشتغل ويأمن مصروف خاص فيو بدو يتزوجها ع سنة الله ورسوله
ام مجد : اي طيب ليش لما خبرتني من زمان كنت خطبتلك ياها
صهيب : لاني لسا ما كنت متأكد من مشاعري وهلق انا متيقن من حبي الها
ام مجد : والله وكبرت يا روحي، خلص بكرة بروح عند اهلها وبطلبها ع سنة الله ورسوله
صهيب : ماشي امي بس اول شي بدي اضمن موافقتها
ام مجد : وكيف؟؟؟؟
صهيب : لا تأكلي هم انا مخطط لكل شي، واليوم بعرف اذا هية بتوافق او لا
ام مجد : ولك يا أمي بلالك هالحركات وخليني اخطبلك ياها عادي متل كل البشر
صهيب : ببوس ايدك امي، الله يوفقك
ام مجد : امري لله، بالتوفيق يا قلبي
بتروح ام مجد لشغلها وهية فرحانة ع ولادها اللي صارو شباب بهالسرعة ، وصهيب بكون كتير فرحان انو امو موافقة ع هالشي وما اعترضت ابدا لانو كان متوتر يفتح القصة مع أمه
بمر شوية وقت وبتكون اسيل جاية ع البيت هية وزين ليساعدوهن، فاسيل راحت لتساعد امها واختها بعملان الحلويات وع شوية مزح من هون وشوية ضحك من هون
وعند ابو مجد وزين وصهيب كانو قاعدين عم يظبطو برستيج المكان ويحطو مكان البوالين والورود وينسقو أماكنهن وفجأة بيجي من وراهن حدا وهو عم يركض ويحكي
مجد : صهييييب اخي
بيلتفت صهيب لمكان الصوت وهو طاير من الفرحة
صهيب : مجد يا سندي
بيركض هو التاني لعنده وبلفو بعض بكل قوة
مجد : الله لا يحرمني منك يا دكتور، هيني جيت
صهيب : اهلا وسهلا فيك يا غالي
زين : الحمد الله ع السلامة ابن حماي
مجد : الله يسلمك يا رب، تاعا لهون والله اشتقتلك انت كمان
بقرب زين من مجد وبسلم عليه وبلفو بعض
ابو مجد : ولك الحمد لله ع السلامة
مجد : الله يسلمك، ويديمك تاج فوق راسنا يا رب، والله يديم هالابتسامة ع وجوهكن كلكن
بروح عند ابوه وببوس ايده وراسه وبلفه بشوق
ابو مجد : الله يرضى عليك يا ابني، عندي خبر حلو كتير الك
مجد : وشو هو
وفجأة بيسمعو صوت شهقة قوية من اسيل ونورسين وأم مجد وعيونهن مغرغرة بالدموع وحكو بنفس الوقت
ام مجد، اسيل، نورسين : مجد😍❤️
بروح مجد لعندهن وبلفهن كلهن مع بعض وببوس راس كل وحدة فيهن وببوس ايد امه
ام مجد ببكي : الحمد لله ع السلامة يا نضري
مجد : الله يسلمك يا غالية
اسيل : الحمد لله ع السلامة مجودتي
نورسين : الحمد لله ع السلامة مجودة
مجد : الله يسلمكن يا رب، ويخليلي ياكن
ابو مجد : تاعا يا ابني فوت ع البيت واقعد ريح ع الكنبة لاحكيلك هالموضوع المهم
مجد : خير شو في؟؟؟
ام مجد بفرح : كل الخير يا ابني، تفضل ادخل مشان تسمع هالخبرية الحلوة
بيدخلو كلهن ع الصالون وبيقعدو
مجد : شو في بابا ؟
ابو مجد : يا ابني انا قررت قرار ما رح ارجع عنو ابدا وهو اني رح الغي الشركة اللي بسويسرا ورح عينك بأكبر شركة عندي هون بالبلد، فشو قلت؟
مجد بفرح : اي والله يا ابي واحلى خبرية كمان، ولك هيك بحسن ضل جنبكون، ااااااه والله اليوم حلو بشكل مو طبيعي
ام مجد : وكمان صار وقت ازوجك يا ابني، حاج كبرت وصرت شب متل الوردة، وطبعا لازمك مرة ترعاك وتدير بالها عليك
اسيل : اي والله يا امي، وصراحة يا مجودة انا شفت بنت ادب وأخلاق وجمال ومن عيلة كويسة كتير وهالبنوتة بتكون اختها لرفيقتي ورفيقة زين
زين بصدمة : قصدك نايا
اسيل : اي، بالله شو رايك،. بعرف صدمتك، بس بالنهاية اذا عجبت مجد رح نخطبها ونزوجو ياها، وانا شخصيا عزمتها مع هيام ورامي، قلت منه بتغير هالبنت جو ومنه بشوفها مجد
زين : والله منيح اللي عملتيه، برافو عليكي اسولة
اسيل : اي.... شو قلت مجود؟
بعد ما كانت علامات الصدمة الواضحة ع ملامح مجد بهالقرار المفاجئ من عيلته، صفن شوي وحكى
مجد : انا موافق، رح شوفها واذا عجبتني رح اتزوجها، مع انو المواصفات اللي حكيتها يا اسيل حلوة بس لا مانع من اني اشوفها ما هيك
ام مجد : كلامك صح يا ابني، معناها ع التيسير، يلا كل واحد يرجع ع شغله وانت مجودة حبيبي روح بدل اواعيك وارتاح شوي من السفر وبس خلصنا منفيقك
بيطلع مجد ع غرفته ليريح وياخدلو دوش ويحط راسه وينام والباقي كل واحد قعد يشتغل شغلو، ولما خلصو شغل ، جابو اكل جاهز واتغدو وبعدها رجعو زين واسيل ع بيتهن ليبدلو تيابهن لتياب بتلق بشي مناسبة فمثلا اسيل كانت لابسة بلوزة خمرية بكم وعليها تنورة ترابية قصيرة ولابسة قندرة خمرية وفالتة شعرها الطويل المموج وحاطة عطر ناعم وخفيف كتير
وزين لبس قميص ابيض وفتح اول زرين منهن ورفع اكمام القميص ولبس عليه بنطلون جينز اسود وعليه خفافة رياضية بيضة ومسرح شعره ورافع غرته لفوق ومع لمسة العطر الجذاب طبعا
بيطلع زين واسيل من البيت وكل واحد فيهن عم يتغزل بالتاني ومن شياكته واناقته والاهم جماله
بيركبو بالسيارة وبيتوجهو لبيت ابو مجد، واول ما بيوصلو بدقو الباب وبيدخل لجوا وبشوفو الكل متهندس ومتظبط وع الاربعة وعشرين، بيقعدو شوي مع بعضهن وهنن عم يحكو ويتذكر ايام زمان وشو كانو يعملو من مقالب وقصص وحركات وفجأة بتقوم اسيل وبتطالع هدية عبارة عن كرتونة مستطيلة مغلفة بالأبيض ومزينة بشريط اسود ومكتوب عليها (الف مبروك النجاح يا غالي)
اسيل : وهي الهدية مني ومن زين، حبينا نجبلك ياها بهالمناسبة الحلوة
زين : الف مبروك ابن حماي، الله يتمملك ع خير و ع قبال ما تصير من الدكاترة الناجحين والمشهورين بمهنتهن واحترافيتهن
صهيب : الله يسلمك صهري، وشكرا ع الهدية بس شو هي
اسيل وزين : بتستاهل اكتر، الله يهنيك
زين : يا سيدي هادا احدث لابتوب بالسوق، الله يهنيك فيه
صهيب : الله يسلمك، عنجد شكرا كتير
نورسين : وانا جبتلك هدية كمان
بتطالع نورسين علبة مغلفة بورق ابيض وعليه قلوب حمر ومزينة بشريطة حمرة ومكتوب عليها (إلى أجمل دكتور بالعالم) بتعطيه الهدية
نورسين : تفضل، عقبال ما نفرح فيك😉
صهيب : ولك تسلمي يا غالية، شو فيها العلبة
نورسين : عطر ماركة من افخم نوع وافخم ريحة
صهيب : ولك يسلملي القمر اللي بتهتم بريحة اخوها وشكله
نورسين : اي لكن😌
بنط فجأة مجد وبروح بضم اخوه بقوة وبطالع هدية وبحكي
مجد : صار دوري، تارا رارا
بكون صندوق متوسط الحجم مغلف بورق مخطط ومكتوب بالبطاقة (إلى احلى دكتور منتظم بوقته)
صهيب : شو هي؟؟
مجد : هي يا سيدي ساعة سويسرية من سويسرا ومتل ما بتعرف الساعات السويسرية ماركات عالمية، صرفت كتير مشان اشتريلك ياها ولاك حافظ عليها منيح، بس والله بتستاهل ها واكتر، الف مبروك وتشوف ع وجهها الخير يا رب
صهيب : ولك تسلم يا غالي
بقوم وبلف اخوه بقوة وهو متأثر كتير
ام مجد : اي وهلئ اجا دور هدايانا انا وابوك
صهيب : والله انتو كلكن هدية من الله الي، الله يخليلي ياكن يا احلى عيلة بالكون،. وطبعا زين من ضمن هالعيلة الحلوة😉
زين : تسلم صهيب
ابو مجد : امسك
بيشلف ابو مجد مفاتيح سيارة لصهيب وبقله
ابو مجد : وهي احلى سيارة المانية، لاحلى شب ودكتور بالعالم
صهيب بصدمة : عنجد، ولك ولييي هي احلى هدية بالكون الله يديمك فوق راسنا ابي، وانت الله يحفظك امي
بروح لعندهن وببوس ايدهن بكل حب
كان الجو بهداك الوقت عائلي ومفرح كتير،. بمر الوقت وبتبلش العالم تجي اول باول
بتجي عيلة زين كلهن ومن ضمنهم أدهم اللي طار عقله وقت قالولو انو معزومين ع حفل تخرج ابن حماه لزين، طبعا الفرح ما كان ع الحفلة قد ما كان لشوفة نورسين، اللي احتلت قلبه غصبا عنه، قعد يدور بنظراته ع نورسين من اول ما فات ع البيت لحتى لقاها عم تضحك وتمزح ع غير عادتها بالجامعة لأنها كانت بالجامعة ما تعطي وجه لحدا، والزورة دائما بوجهها الا مع كم وحدة من رفقاتها، اما هلئ فهية عم تضحك بطريقة خلت أدهم يصفن فيها وضحكتها خلت قلبه ينط ما يحط، ويوم عن يوم عم يزداد إعجابه فيها، بس هالمرة تيقن انو مو إعجاب هاد حب وحب عميق كتير نابع من جوا قلبه
بتروح عيلة زين وبتسلم ع عيلة اسيل وبتبارك لصهيب وبتعطيه هدية بتليق فيو، وكل واحد التهى مع التاني فمثلا ابو زين قعد مع ابو مجد وصارو يحكو مع بعض وأم زين قعدت مع رفيقتها ام مجد وصارو يحكو مع بعض وزين واسيل كانو مع بعض وعم يرقصو ع الاغاني اللي كانت محطوطة وطبعا الغزل ما وقف ولا للحظة، واما بالنسبة لصهيب فكان عم يدور بعيونه ع شخص محدد، وهي اكيد سيلين اللي استوطنت قلبه وأعلنت انها ملكة عليه وحكمت عليه بالسجن المؤبد بعشقها، بس لسا سيلين وعيلتها ما كانو جايين، طبعا صهيب ما يأس ابدا وضل يروح من مكان لمكان ليشوف اذا اجت ولا لا
حتى شافها داخلة ع الحفلة بمنظر بياخد العقل كانت لابسة الفستان يلي اشترالها ياه صهيب يوم يلي كانت طالعة من بيتها زعلانة وعاملة شعرها تسريحة نااعمة مع رفعة خفيفة ومكياج هادي وبسيط وهالشي يلي خلها تزيد جمال وخلا قلب صهيب ينفتن فيها اكتر اول ما شافت صهيب رسمة ع وجهها ابتسامة بتاخد القلب قبل العقل وراحت ولاول مرة بتحضن صهيب (طبعا بحركة عفوية من باب الاخوة 😅)
سيلين:لك ان شا الله الف الف مبروك دكتورنا فرحانتلك قد الدنيا وهي احلا هدية لعيونك😍
صهيب وهو مو متمني تبع عنو كان بدو يحملها ويروح فيها لمكان بعيد كان بدو يعيش هاللحظة وتوقف الدنيا كلها
سيلين بعد عنو وطلعت عليه بغرابة
سيلين:هاااي صهيب شبك
صهيب:ااه الف الف مبروك ...اااااااا قصدي للله يبارك فيك😅
سيلين:شبك مين اخدك عقلك تتهنى وغمزتوا وراحت
وصهيب ضل يطلع ع هالانسانة يلي صار حبها يجري بدمو كانت سيلين جذاابة بشكل كبير خلت صهيب طول الحفلة صافن فيها وعم يطلع عليها بهيام
اما أدهم فاتوجه عند نورسين لينتهز هالفرصة ويحكي معها بما انو ما ضل حدا جنبها وكل واحد التفت لشخص معين
أدهم : كيفك
نورسين بابتسامة : منيحة، وانت
أدهم : طاير من الفرح.... اااا قصدي انو منيح
نورسين : اي كويس
أدهم : اي كم سنة ضللك لحتى تخلصي جامعة؟
نورسين : شو خصك؟
أدهم : بس حبيت اعرف، اذا ما بدك تجاوبي عادي
نورسين : اوك ضللي اربع سنين
أدهم : اي شو عليه
نورسين : حاسة بدك تحكي شي
أدهم : والله ليش الكذب اي والله بدي ترقصي معي، بتسمحيلي
بتطلع نورسين بعيون أدهم وبتحس انو في شي بعيونه بيجذبو البني آدم وبتحكي بدون وعي
نورسين : اي بسمحلك
بمد أدهم ايده لنورسين مشان تحط هية التانية ايدها فوق ايده وبينزلو ع الساحة بتكون الغنية المحطوطة هادية وبتشبه السلو، بحط أدهم ايديه ع خصرها وهي بتحط ايديها ع رقبته، لأول مرة بحس أدهم بقرب نورسين وبتعمق بملامحها اكتر، ونورسين لأول مرة بحياتها بتكون بهالقروب مع شب، بتتفحص ملامحه وقوامه الطويل وبتتحسس لمسة ايده ع خصرها، كل تفصيل كل حركة عم يعملها كانت عم تتحسسها بكل جوارحها، ولأول مرة بتحس باحساس غريب، شعور ما حست فيه من قبل، قلبها عم ينبض بشكل مخيف كتير، مع انه خوفها هالنبض الا انه بنفس الوقت حبته واستمتعت فيه، وعيونها ما فارقو عيونه ابدا، وما كان حالة أدهم احسن منها اطلاقا بالعكس تماما كل نظرة طلعتها نورسين عليه شلت حركته ووقفت أنفاسه، كل لمسه حاوطت رقبته وبعدين استقرت ع كتفه كانت بالنسبة الو حلم وما بدو يفيق منه، للحظة اجا ع بالو يخليها بين ضلوعه، كل شي فيها كان بالنسبة الو نعيم، بقرب أدهم نورسين عليه اكتر لحتى لزقت فيه تماما ضمها بشكل لا إرادي منه، جسمه لأول مرة عم يتحرك بدون ارادة منه، كانت علامات الصدمة طاغية ع ملامح نورسين ومع هيك هالقرب خلاها تشم ريحة عطره عن قرب اكتر، خلتها تسمع نبض قلبو اللي ما هدي ولا لثانية وحدة ومع هيك تماسكت وحكت
نورسين بعصبية : شو عم تعمل بعد عني؟
ببعد أدهم عنها وبستنى تضربه كف او يجيه شي بوكس منها وهو مستسلمتماما لأي شي رح تعمله فيه لانو بيعرف طبعها ما بتمرق شي بسهولة😂
أدهم : آسف يمكن زعجتك
قعدت نورسين تطلع ع ملامحه شلون كان مستسلم لأي شي رح تسويه فيه ، بتمسك ايده وبتسحبه وراها بعصبيةبعيد عن أهلهن،. بتوقف قدامه وبتتطقطق اصابيع ايديها وهون ادهم بصير شكلو هيك 🙂 لاني عارف انو رح ياكل نصيبوا من هاللبوة الشرسةوبعدها بتلقى بوكس ع بطنو وهو بيتوجع وبحط ايدوا ع بطنووبعدها بتدعسلو ع اجلو
ادهم : ولك العما شو ايدك قوية مو عم قلك اسف ضروري الضرب عندك لك انت يلي بشوفك شلون كنت من شوي دايبة بين ادي من الخجل متل البنات مستحيل يقول هيديه جواها جعفر
نورسين:نعم نعم يا استاذ مين كان دايب بين اديك وبعدين لسى هي بس فركة ادن حتى ما تعيد هالحركات يلي بلا طعمة ..ممكن اعرف ليش هيك عملت
ادهم: اصلا ضميتك بغير ارادة مني، يعني باللا وعي، لا تكبري القصة يعني لش فيها🙂
نورسين بعصبية : باللاوعي، ولك تضرب بشكلك وبشكل اللاوعي تبعك
بتلتفت نورسين وبتطلع ع غرفتها، ما عرفت ليش حكت هيك بس في شي جواتها انجرح، بتدخل ع الغرفة وبتنزل دمعة من عينها
نورسين : طلعت بلا وعي، ولك وليش انا مزعوجة يعني كان بدي يكون قاصدها مثلا ، لك اشبي عم خبص وعم دمع متل المجانين عمرينه ان شاء الله، والله صرت متل المجانين عم ناقض حالي ولك ليش لانزعج اذا كان لفني بدون وعي، لا وكمان اسف ولك يا ربي رح جن شو هاد يا
فجأة بيندق باب الغرفة وبيدخل منها أدهم، بتلتفت نورسين وبتعصب كتير
نورسين : ليش دخلت بدون ما اسمحلك تدخل
ادهم : لانو في شي ضروري تسمعيه مني
نورسين : ما بدي اسمع، ما بدي حل عني
بقرب أدهم منها اكتر ليصير ما بيفصلهن الا شبر بين بعضهن
أدهم : شو بكيانة؟
نورسين بانزعاج : لا، وليش لابكي، اطلع من الغرفة احسن ما يصير شي ما بيعجبك
أدهم : اي فرجيني شو بيطلع بايدك
نورسين : أدهم اطلع لبرا
أدهم : عيدي اللي قلتيه
نورسين : اطلع برا
أدهم : لا لا اللي قبله
نورسين بنفاد صبر : أدهم...
وما لحقت تكمل الا وكان أدهم شايلها وعم يدور فيها
نورسين : نزلنيييي ادهممم
أدهم : يا الله شو حلو اسمي
بينزل أدهم نورسين ع الارض
أدهم : جيت لقلك انو تسامحيني اذا زعجتك وزعلتك وما عاد بلفك بدون علمك بس اول ما سمعت اسمي من تمك، رجعت فقدت السيطرة ع حالي
بيحكي هالكلام وبيطلع لبرا الغرفة تارك وراه نورسين اللي انصدمت من كلامه وقعدت تفسره تفسيرات كتيرة بمخيلتها، بتنزل لورا البيت اللي بكون العالم زادت عن قبل بتروح بتدور ع أدهم كتير بدها تسأله وتستفسر منه شو كان قصدو بهالحكي لحتى لقت أدهم قاعد لحاله تحت الشجرة بعيد عن العالم وعم يشرب عصير وصفنان بالفراغ
نورسين : اخيرا لقيتك، قلي شو قصدك باللي حكيته قبل شوي
أدهم : ولا شي، لا تحطيه براسك
نورسين : لا يا سيدي حطيته براسي، قلي شو كنت قاصد....
فجأة بتنطفى الاضوية وبهاللحظة بتدخل هيام ورامي ونايا ع الحفلة، والعالم كلها هادية ومتسلط الضو ع مكان واحد وهو مكان صهيب وهو ماسك الميكروفون
صهيب : بهالمناسبة الحلوة، بدي اتشكرك كلكن لتلبية الدعوة، ولكل هداياكن الحلوة، بدي اشارككن قصة بتعنيلي كتير، بيوم من الايام بتكون في بنت طالعة من بيتها وهي زعلانة وعم تبكي بيجي شب ظريف وبراضيها بتمر الايام وهالشب ما كان يحسن الا ليطمن ع هالبنت قبل ما يطلع ع جامعته، كان اذا ما شافها بشي يوم يحس انو قلبو عم ينقبض بدو يشوفها ويتطمن عليها، هالشب حبها لهالبنت يوم ورا يوم تملكت قلبه وسيطرت عليه تماما، وهالشب بكون انا، والبنت بتكون....... سيلين
هيام : ولك شو صاير هون، رامي دور ع زين واسيل لنعرف شو صاير، انا تحمست كتير، ولك هادا عم يعترف لبنت بحبو بطريقة بتجنن😍
بدور رامي ع زين واسيل بعيونه لحتى لاقاهن
رامي : تاعو، تاعو، لقيتهن
بروحو لعند اسيل وزين
رامي بهمس : ولك زين، هينا جينا، شو شو صاير عندكن
زين : هششش ولك هاد ابن حماي اعترف بحبو، هدو شوي لنعرف شو بدو يعمل
بيتقدم صهيب لعند سيلين تحت أنظار كل الموجودين واكيد تحت نظرات الصدمة منها ومن أهلها ومن اهلو كلهن ما عدا امه اللي بلشت دموعها تنساب ع خدودها وهي فرحانة لابنها، ونورسين اللي وقفت مصدومة وما عاد يطلع الحكي من تمها، هية بتعرف انو صهيب بحبها لسيلين بس ما عرفت انو مستعجل ليتزوجها، وأما اسيل ع قد ما كانت مصدومة قد ما كانت فرحانة لاخوها والبنت اللي بدها تصير مرته هي اعز رفيقة الها انبسطت كتير للاتنين، اما ابو مجد ومجد فكانو مصدومين من هالشب اللي كبر وصار يعرف شو بدو
بوقف صهيب مقابيل سيلين وبينزل ع ركبه وبيفتح علبة حمرة جواتها خاتم دهب الو الماسة
صهيب : سيلين، بتتزوجيني ؟
بتنصدم سيلين صدمة ثلاثية الأبعاد وبتطلع ع امها وابوها اللي كانو لافين بعض وعم يهزو براسهم الها مشان توافق و بترجع بتتطلع ع رفيقتها اللي دمعو عيونها وعم تاشرلها لتوافق، بترجع بتطلع ع صهيب وبعيونه اللي ملانين حب
سيلين بخجل : اي، موافقة
بقوم صهيب وبضمها بقوة وبعدها بشيلها وبيفتل فيها
صهيب بهمس : انت الي وحدي
خجلت سيلين كتير وصار وجهها احمر متل النار
سيلين بهمس :بحبك
صهيب بصوت عالي : وانا بحبك كتير
هيام :ياااي ما احلاهن، ولك اسيل انا جيت
اسيل : ولك اهلا وسهلا بالغالية، شو ليش اتاخرت، راح عليكن كتير
نايا : لا والله احضرنا الاعتراف من أولو، الله يهنيهن ويبعتلهن ايام حلوة
اسيل : تسلمي يا حلوة ع قبالك
سيلين : صهيب حاج نزلني دخت رايحة استفرغ 🤢
بنزلها صهيب وبلبسها الخاتم باصبعتها وبيهمس بادنها
صهيب : حضري حالك بكرة جاي لاخطبك
سيلين بخجل : تمام
بروح صهيب وبسلم ع أهلها وبيضمن موافقتهن، واول ما بروح عند أهله بيسلقوه بالاحضان والزلاغيط وبالتهاني، بيرجع عند سيلين وبتشتغل اغاني السلو بحاوطها من خصرها وهية بتحاوط رقبته وعيونهن معلقين ببعض
اسيل : تاعو تاعو لاعرفكن ع اهلي
بروحو كلهن وراها
اسيل : ماما بابا مجد رح عرفكم ع رفقاتي انا وزين
وبلشت تاشر عليهن واحد واحد
اسيل : هي هيام وهاد رامي زوجها
ام مجد وابو مجد : اهلا وسهلا، اهلين فيكن، شرفتونا
هيام ورامي : تسلمو ، الشرف النا
اسيل وهية عم تاشر لمجد بعيونها ع نايا
اسيل : وهي نايا الأمورة
ام مجد وابو مجد : اهلين يا حلوة، شرفتينا
مجد بصفنة : اهلين نايا، اهلا وسهلا
بهالحظة نايا صفنت لثواني بمجد يلي كان طالع متل شقفة من القمر
نايا بخجل : اهلين فيكن، الشرف الي
اسيل : طبعا هاد بابا وهي ماما وهاد اخي الكبير مجد
رامي وهيام ونايا : تشرفنا
زين وهو عم يأشر براسو لاسيل : يلا اسولة شو رايك نرقص رقصة السلو مع بعض😉
اسيل : هيني جاية
رامي : وانت هيومة تاعي لنرقص هالرقصة مع بعض
هيام : تمام
بروحو هالثنائيين وبضلو الباقي واقفين وعم يطلعو ع بعض، بتتدارك ام مجد الموقف
ام مجد : ابو مجد، شو رايك نرقص نحن كمان 😊
ابو مجد : اي تفضلي، السيدات اولا
ام مجد : ولك تسلملي يا احلى واذكى رجال بهالدنيا
بروحو هنن التنين مع بعض ليتركو نايا ومجد واقفين وكل واحد فيهن يسرق نظرة من التاني، ليقطع هالتوتر ايد مجد
مجد : اممم نايا بتسمحيلي بهالرقصة؟
نايا بخجل : اي
بتمسك بايده متل الاميرات وبنزلو ع الساحة، بحط مجد ايديه ع خصرها وهية بتحط ايديها ع رقبته، وبيتركو عيونهن تحكي الاحاسيس اللي جواتهن
بهاللحظات بيتشجعو ابو زين وأم زين من ابو مجد وأم مجد وبيمسكو بايدين بعض وبنزلو ع الساحة.......
وعند نورسين وادهم، بتكون نورسين لسا واقفة ومصدومة من أخواتها وكانو كل واحد لقا عروسته
أدهم : نورسين، بترقصي معي هالرقصة ؟
بتطلع نورسين بادهم وعيونها مدمعين
نورسين : اي بس بشرط
أدهم : شو هو؟؟؟
نورسين : قلي شو كنت قاصد بهداك الحكي
أدهم : رح قلك ونحن عم نرقص
بتمد نورسين ايدها بسرعة وبتقول
نورسين : اي يلا لكن ع السريع خلينا نرقص
بيفرط أدهم من الضحك عليها وبكون فرحان انو عم يعرفها ويكتشفها اكتر عن قرب، بيمسك ايدها وبقربها لعنده لحتى تلزق فيه وبينزل لمستواها وبهمس بادنها
أدهم : بحبك بجنووون
ببلش يرقص هو وياها بمكانه ولسا نورسين مو مستوعبة شو حكالها، لسا عم تحلله بعقلها بعدها بتستوعب و
بتخجل وبصير وجهها احمر متل البندورة وبتفلت حالها من بين ايديه وبتركض ع غرفتها، بدون ما تحكي ولا كلمة معه، قلبها كان عم ينبض بشكل فظيع وجهها عم يلهبها من كتر ما خجلت، كانت مبسوطة وفرحانة كتير، صح مو اول مرة بيعترفلها سب بحبو بس هالمرة غير هالمرة هي كمان عم بتحس بشي ما كانت تعرف تفسروا اذا كان اعجاب او انجذاب او...حب❤.....
هالمرة وقف أدهم مكانه وقعد يتذكر ملامح نورسين وخجلها وعزم انو يخبر اهلو عنها مشان يتزوجها......
............ 👑 ............
بتنتهي الحفلة بتقطيع صهيب وسيلين كاتو التخرج وبلشو ياكلو منها هننوالمعازيم، وبعد بفترة قصيرة كل واحد رجع ع بيته لحتى فضي بيت ابو مجد من الضيوف وبلشو هالصبايا والشباب وبترتيب المكان سوا، لحتى خلصو وقعدو شوي ليريحو،. بتقطع اسيل الهدوء
اسيل : صحي مجود شو طمني عجبتك ولا لا؟
مجد : اي والله وكتير كمان ادبها واخلاقها وشكلها كتير عجبوني فيها، فيا امي لو سمحتي اخطبيلي ياها
ام مجد : اي مو تكرم عينك،. والله وانا عجبتني كمان البنت واضح عليها انها اكابرية ومذوقة
زين : اي لكن لنقلك مبروك ابن حماي، الله يتمملك ع خير
مجد بفرح : الله يبارك فيك يا احلى صهر والله
نورسين : الله يهنيكن يا اغلى ناسي ويباركلكن الهي
مجد وصهيب : الله يسلمك يا عمري
بتروح لعندهن وبتلف كل واحد فيهن وهية عم تبكي
مجد : ولك اشبك شو صرلك
نورسين : ولا شي بس هلئ عرفت انو رح تتركونا وتتزوجو
صهيب : اي وشو فيها،. يعني ما رح نجي عندكم ولا خلص اذا تزوجنا كل حين ومين بنجي نزوركم،. اي طبعا لا ، لتلاقيني عندك كل يوم انا وسيلين😉
نورسين : الله يخليلي ياكن يا رب
اسيل : يلا زين قوم لتروح عالبيت، تأخر الوقت وتعبنا كتير اليوم، بخاطركن
زين : يلا قومي، بخاطركم جميعا
الكل : الله معكن مع السلامة
بيطلعو وبودعو اسيل وزين، وبعدين كل واحد بروح ع غرفته وببلش يسرح بأحلام ويرجع يعيد شو صار معه اليوم
.............
وصل زين واسيل ع بيتن
اسيل:ياااخ مين كان متوقع انو اخي يحب سيلين ولاا بدو يتجوزها وانا شوو حاسة حالي اجل كرسي
زين:لازم تنبسطي انو رح يصير عند مرة اخ متل سيلين يعني مارح تحسني تعملي عليها بنت الاحما الشريرة
اسيل:بس والله كنت حابة اعيش الدور وانكد عليهم وبكل شي ادخل
زين:يخليلي الماركة العالمية بالنكد
اسيل:بالله هلق انا نكدية يا زين
زين:لك لااا ياروحي مين حكا انا النكد انا يلي مابهنيك بشي وع كل شغلة بزعل وبتمشكل مع الرايح والجاي
اسيل :يعني انت ما بتحب هالشغلات فيو (ومدت شفتها التحتانية متل ولاد الصغار وصارت اطلع فيو ببراءة )
زين وهو عم يقرصها من خدودها:ولك هبلة انا بحب كل شي فيك حتى لو هالاشيا ما بيعجبني فيك انا لازم احبك باخطاءك وعيوبك بمرحك وجنانك غير هيك ما اسمو حب
اسيل:يعني مابتحب هالشغلات فيني
زين:اسيل ابلعيها ومشي انام
اسيل :ماشي
......................................................
تاني يوم كان عطلة عند زين اتفطرو واجو بدن يخططو لوين بدن يروحوا بهاليوم وفجأة برن تلفون زين
اسيل:مين عم يدقلك
زين باستغراي:ابي عم يدقلي خير هو اذا بدو شي بخلي امي تخبرني غريبة
اسيل:اي رد خلينا انشوف شو بدو
زين:وعليكم السلام...الحمد الله منيح.....ولاشي اليوم عطلة ....هلق بدك نجي ...خير صاير شي لامي ....طيب ماشي ..تمام ..
اسيل:شو بدو
زين:قال بدو انروح لعندو ع البيت
اسيل:ما قلك ليش
زين:لاء
قامو لبسو وراحو ع بيت اهلو لزين وفاتو ع الصالون يلي كان الكل مجتمع فيو
زين واسيل:السلام عليكم
الكل :وعليكم السلام
وبعدها بركو
زين:خير ابي قال طالبني
ابي:خير يصيبك انا جمعتكم اليوم لاني بدي اعطيك شي انت بتستحقو
زين:شي الي انا
ابو زين:اي ورمالو مفتاح
زين:مفتاح شو هادا
ابو زين:مفتاح شركة الجديدة يلي رح تكون مديرها
زين :شركتي انا ..انت متأكد انك بدك ترجعني ع الشغل
ابو زين:لا مارح رجعك ع الشغل لاني انت رح تكون مدير الشركة ومارح تشتغل معي رح تشتغل لحالك انا شفت انو انت صرت بتستحق هالشي انت يا ابني من اول حياتك عم تتعب وتشتغل ع حالك وماشا الله عليك صرت رجل اعمال الو مكانتو بين رجال الاعمال وصار وقت تفتح شركة لحالك لانيك برأي ما عاد بحاجتي وصرت فيك تعتمد ع حالك بشكل تام
زين ما بيعرف شو يحكي وبروح بيركض ع ابو وببوس راسو
زين:الله لا يحرمني منك يا تاج راسي اذا انا صرت رجل اعمال ناجح فهالشي بفضلك ..بفضل تعبك علي انا لولاك كنت يمكن هلق اكون رجل فاشل ماعندو انجازات كلو بفضلك
ابو زين:الفضل لله يا ابني وانت كمان تعبت ع حالك وصرت بتستحق شركة الك لحالك
زين:ونعم بالله
ام زين وادهم واسيل :مبروك زين بتستاهل
زين:الاه يبارك فيكم يا رب ع قبالك ادهم
ادهم:ان شا الله اخي ان شا الله .....يا جماعة في موضوع انا حابب حاكيكم فيو
ام زين:خير ابني شو في
ادهم بثقة:انا قررت اتأهل
زين:يا حبيبي ومين تعيسة الحظ
ادهم تجاهلو وكمل حكيو:امي انا قررت اخطب نورسين اخت اسيل بقى شو قلتي
ان زين:يوم المنا يا امي والبنت ع سلامتها بتاخد العقل هادا غير ادبها واخلاقها يلي بشرفونا بس ما بدك تاخد رأي ابوك
ادهم:معلوم ..شو رأيك ابي
ابو زين:انا مو موافق
ادهم بصدمة:لل..ليش يعني البنت كاملة مكملة وعاجبتني كتير كتير بقى ليش مو موافق
ابو زين:متل ماقلتو البنت كاملة مكملة ومتلها ما رح اتلاقي وخصوصي انها اخت اسيل بس انت يلي مو كامل
ادهم :كيف يعني
ابو زين:والله يا ابني انت لسى لامس كنت تاخد مصروفك مني انا مافي اخطباك غير وقت اتأكد انو فيك تصرف على حالك وع البنت يلي اخترتها يعني اقل الشي شي سنتين تلاتة حتى اخطبلك
ادهم :بس يا بابا
ابو زين:ادهم لا بس ولا شي لا تتوقع اغير رأي وانا بعرف منيح شو عم احكي
ادهم بحزن:حاضر بابا
رجع زين واسيل ع بيتهم وكانو طايرين من الفرحة
اسيل:شفت انو حكي صح
زين:ياااخ يا اسيل شقد كنت ظالم ابي
اسيل:حتى تعرف انو انا عندي عقل كبير وذكاء خلاني اعرف شو ابوك بفكر
زين:ولك يسلملي حبيبي الذكي انا ونكشلها شعراتها كالعادة😂
اسيل:لك يا ابني ليش صاير كل هالقد غليظ كل ما بقول صاير ما اشبك شي بترجع تتغالظ وهاااه (خربطتلو شعراتو)
زين:هيك يعني تعادلنا ماا 😈اي شو بدك تعطيني هديك الشركة الجديدة
اسيل وهي فاهمة قصدو :شو بدي اعطيك ما رح اعطيك شي
زين:لاا انا بدي هدية ..وبدي كمان هالهدية بيبي صغير
اسيل وهي رايحة ع الغرفة:يا روحي مين قال انك بدك هدية وحتى لو بدك هدية من وين بدي جبلك بيبي
زين وهو عم يحملها:هلق بقلك من وين بتجيبيلي بيبي😈
اسيل:هااااي لك نزلني هلق بطبني والله بخاف
زين:بتخافي وانت معي
اسيل وهي عم تتطالع بعيونو بحب وعم تلفو من رقبتو:لك انا مابحس بالامان غير معك مستعد اترك كل الدنيا بس لاكون معك انت حبي الاول والاخير
"أجملَ مافَي آلآهتمآمَ ، هَو آنَ تصبحَ شيء ثمينَ لدىَ شخصَ يخآف فقدآنكَ يومآَ مَا 💙🍃
بعد سنتين💙
زين:يا وتينو لبابا
اسيل:بالله ووين انا رحت
زين:اذا بنتي الوتين انت القلب كلو❤
اسيل:الله لا يحرمني منك ...بتعرف يا زين بهالسنتين يلي عدو شو صار في تغير بحياتنا لك من سنتين لهلق انقلبت حياتنا قلب
زين:اي والله معك حق رامي وهيام تزوجو بعدنا وابنن اكبر من بنتنا
اسيل:واش فيها يعني اذا تزوجوا قبلنا عادي وهنن كم شهر و بكرى بجوز وتين لابنن لاني ماشا الله ابنن بطير العقل
زين:ما شا الله من هلق دبرتيلها لوتين عريس لسى ما طبقت السنة
اسيل:اي نيالها ع هيك عريس وهيك ام
زين:دخيلو انا
اسيل:كمان بهالسنتين تجوز مجد وحبيبت قلبي نايا ما شا الله هالبنت عسل
زين:وكمان لا تنسى صهيب وسيلين
اسيل:وادهم واخير خطب نورسين
زين:ونحن جبنا بنوتة بتاخد العقل
اسيل:ولسى الخير لقدام
زين:شو ضل ليش
اسيل:انا حامل
زين والدنيا مو وسعانتو من الفرحة:يا اللللله يا اللله اسيل لك انا بعشقك لك بحبك يا روحي
اسيل:ونحن بحبك يا احلا اقداري ❤
انتهت.
*الـــــــــ͢ـོ͓ـــنهـــــــايـــــــོـ͓ـــ͢ــة*
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`