الفصل 9
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *أنت.قدري.وما.أحلاك.من.قدر.tt* 🎀🥺
*❴🔢❵الـــبـــــــــــ❴9️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
زين وقت شافها هيك ابتسم ابتسامة النصر وقال اكيد هلق بس تروح هيام رح تنفجرو تعترفلي بحبها بس يالله خليني زودعا عليها شوي
زين:اسيل عمليلنا شاي
هيام:انا ما بدي شاي
زين:لكا شو بدك قولي واسيل بتعملك
هيام وهي عم تحاول تكتم ضحكتها:بدي نسكافبة
زين:اسيل عمليلي كاسة شاي ولهيام عمليلها كاسة نسكافية كبيرة
اسيل:حاضر طلبات تانية
زين:لا ما بدنا هلق غير هو بعد شوي امنطلب شي تاني
بتروح اسيل ع المطبخ ولتعمل شاي ونسكافية وبتودين ع الصالون
اسيل والشرر عم يطلع من عيونها:تفضلي هيومة
هيام بخوف:والله ما كان في داعي يعطيك العافية
اسيل:الله يعافيك...تفضل زين
زين:يسلمن بس انا بستأذن انا بدي روح ع الحمام
وبروح هون اسيل بتبتسم ابتسامة عريضة وهيام بتبلع ريقها وبتعمل حالها ملتهية بهاتفها
بتقوم اسيل وبتمسك كاسة النسكافية وبتصبها ع راس هيام
هيام:هااااه يا مجنونة شو عملتي
اسيل:والله لسى ما شفتي شي من جناني وبتمسكها من شعرها وبتبلش تشده
لها ياه
اسيل:ليك وليه حرباية بدك اتضلي املزقة بزين يا شاضومة العما يخرب بيتك بتبركي وبتتغزلي فيو وانا موجودة شو امفكرتني قطة مغمضة وحياتك فهمانة عليك يا شرنة بدك توقعي زين بشباكك
هيام:لك اسيل حاج تخبيص وتركيني نتفتيلي شعري
اسيل:والله لسى بدي انتفك كلك طلعي وليه حرباية ما عاد بدي شوفك عم تحوم حولين جوزي عم تفهمي والاه بدبحك بارضك
هيام:لك يااا زين تعى شوف مرتك لك زييين
اسيل :ولييك بكل عين وقحة لسى بتستنجدي فيو والله لربيك وبتبلش تضربها
بفوت زين وبشوف اسيل عم تضرب هيام وهيام ما عم تحسن تخلص حالها بجي وببلش يخلصن
زين:لك اسيل خلص عيفي البنت بحالها لك شبك ليش هيك كابة عليها النسكافية
اسيل:هيك والله ..انا من الاول قلتلك مالي طايقتها
زين:ما بطيقيها افهمناها بس ليش حتى تأذيها البنت ما عملتلك شي
اسيل:وانا ما عملتلها شي كلن عم كف وشدة شعر منشان ما ترجع وتقرب عليك
وبعدهااسيل بكل برائة بتشيل كاسة المي😈
اسيل : ييي اسفة لسا ضل كاسة المي ما انكبت بس حرام يعني أقل شي الحمام
وبتكب كاسة المي ع هيام بتعبيها من فوق لتحت
اسيل : نعيما......... هيومة ههههه
زين بعصبية : ولك شو عم تعملي يا مجنونة
اسيل : اي لسا ما سويت شي استنى
وهون ما بتحس وتدري هيام المسكينة الا واسيل شادتلها شعرها وعطتها كف وهي عم تحكي
اسيل : شو بدك تتربي ولا لا والله من اول ما شفتك وبدي اعمل فيك العمايل يا حرباية انا بورجيكي عم تتقربي من زوجي اللي مفكرك رفيقته.
وهي عم تضربها وزين عم يشد باسيل ويحاول يهديها ويبعدها عن هيام، لحتى حسن يبعدها عنها وطالع اسيل ع غرفة النوم وقفل الباب عليها وهي عم تخبط
اسيل : ولك زين افتحلي الباب لاورجي هالحيوانة ولك افتحليييييي زيييييييين
زين ما برد عليها وبينزل لتحت بيلاقي هيام قاعدة ع الارض وهي مصدومة من حركة اسيل المفاجأة، بيقرب زين منها وبساعدها ع الوقفة وبعتذر عن مرته وهو عم يطلع ع هيام ورايح يفرط ضحك
زين : صرلك شي
هيام : لا لسا ما متت،(وبتمسح دموعها) ولك انا الغبية اللي ساعدتك، انا شو دخلني بالله، ولك انا حمارة
زين وهو كاتم الضحكة : هدي هيوش شبنا يعني بالله مالك متوقعة
هيام : اي اضحلك يا زين اضحاك ولك تضرب منك لمرتك،لك اول ما شفتها فكرتها ملاك طلع الجن الازرق بيتعوذ منها بس الحيونة مني طبعا لاني كنت حاسة انو رح يصير شي ولك مرتك طلعت متوحشة، يا سيدي خلص توبة اذا بقا بعيدها توبة طلع اذا مرتك بتضل هيك ما بتجيبها ع عرسي انا رايحة
زين : اي تاعي تاعي لاوصلك ع البيت لتاخديلك حمام ع هالمنظر
هيام : لا دخيل الله انقلع عند مرتك واعتقني ناقصني هلئ تعرف انك رحت لتوصلني لتجي عندي وتضربني كمان لاااااا شكرا اكتفيت منك ومنها وبعدين سيارتي موجودة، سلام وتضرب منك لمرتك مرة تانية والله يعينك طلع اوعك تعصبها لهي مرتك والله بتهجم عليك بتروحك
زين : ولك كم مرة بدي اعتذرلك خلص الله معك فتحتيلي الراديو اللي عندك كمان
هيام :هه هلئ انا الراديو اي روح غير المحطة وشوف الراديو ع اصوله عند مرتك لكن
زين :عم تشمتي وليك، ولك يضرب اللي خلصك من اسيل
هيام : لا مالك حق ها، كمان عم يمنن ولك تضرب منك ليلي بدو يساعدك قال اغيظ مرتك حتى تغار عليك والله كنت رحت بشربة مي سلام رايحة ع البيت لاتحمم
زين وهو عم يضحك : الله معك
بيودع زين هيام وبيدخل ع البيت وفورا بيطلع ع الغرفة وبتكون اسيل لسا عم تخبط ع الباب بيضحك من قلبو عليها وبجهز حالو نفسيا للسنفونية اللي بدها تغنيها اسيل
بيفتح الغرفة بالمفتاح وما بحس الا اسيل نطت عليه وعم تضربه وتقلو
اسيل : راحت ما؟ راحت هالعفريتة ولك ليش ما خليتني اخلص عليها ولك....
وما قدرت تكمل بسبب زين اللي حط ايدو ع تمهاو مشي فيها زين لوصل ع الحيط ولزقها عليه وحاوطها بكل قوته لبلشت قوة اسيل تهدا واسكت ولما تأكد من هدوئها تماما بعد عنها وحكا
زين : بتعرفي اللي عملتيه قبل شوي عيب كتيير وانو غيرتك عم تزيد عن حدها وانو يا غبية هيام مجرد رفيقة ولك هالكلمة لحالها من كتر ما عدتها طلع ع لساني شعر ولك لبش ما عم تفهمي
اسيل : اي والله كل ما بحاول افهم بتجي هية وببطل افهم بسبب تصرفاتها وحكيها، وانت مالك أنظم يا أفندي، بعدين ع شو عم تعاتب اه ع شو، ع انك عم تستفز مرتك
زين : اسيل حاج بقا حاج يا، لسا بحكي بالشرق بتحكي بالغرب، ولك لو تعرفي شو في جوا هاد
واشر ع قلبه وكمل
لما حكيتي طاول
وترك الغرفة ونزل ع غرفة المكتب وقعد فيها وهو عم يفكر باللي صار معهن من اول زواجهن لهلئ وشوي بيضحك وشوي بيعبس
وما كانت حالة اسيل احسن لانو قعدت تبكي وتخبط ع صدرها وتحكي مع حالها
اسيل : قال ما بعرف شو جوا قلبه لكن لو يعرف اللي عم يصير بقلبي شو بدو يحكي 💔
بيمر هاليوم ع اسيل وزين كالعادة بس ببرود اكتر من قبل رغم انهن اكلو مع بعض ونامو مع بعض بس كل واحد اخد البرود طريقة ليخبي البراكين الحامية اللي بقلبه
💛...
وسقيتك من روحي عشقا و دعوت عليك...
بأن لا ترتوي من بعدي أبدا ♥️
.........
تاني يوم بعد ما اسيل تخانقت مع هيام راح زين ع شغلو ومشي كل شي روتيني كالعادة بس بهداك اليوم كانت اسيل مقررة تعترف لزين بحبها خلص ماعاد بدها تكبر راسها وماعاد بدها يضل مفكرها نكدية كان بدها تقلب حياتها
بعد ما رجع زين وتغدو بيحكي زين فجأة
زين :اسيل جهزي حالك بدي اخدك مشوار
اسيل :ماشي😊بخلص جلي وبلبس
زين :ماشي
خلصت اسيل شغلها ولبسو واخدها زين ع محل فساتين فخم كتير وقلها تنقي احلا فستان
طبعا اسيل طار عقلها وضلت ساعة حتى أخيراً اشترت احلا فستان بكل المحل بعد ما خلصو دفع زين حق الفستان ورجعو ع البيت ووقت اجت اسيل تنزل من السيارة وتاخد معها الفستان
بيحط زين ايده ع كيس الفستان وبيحكي
زين :عيفيه هادا مو الك 🙃انزلي ع البيت وانا شي شوي وبجي
اسيل :اذا مو الي لكن لمين
زين :اسيل بعدين بعدين هلئ انزلي
انقهرت اسيل كتير من تصرفو ونزلت من السيارة وهي متنرفزة وسكرت الباب وراها بقوة ومشت وهي معصبة، بيبتسم زين ع تصرفها وبيحكي بينه وبين حاله
زين : دخيلو المعصب انا 😍♥️ بس يلا خليني اعذبك شوي 🤭♥️
بلف زين السيارة وبيطلع من الحارة وهو متوجه عند هيام، بدق الباب وبيستنى لترد
هيام :اهلا وسهلا تفضل
زين :غير مرة هيام بدي منك تحطيلي هالفستان عندك
هيام :بالله😒 يعني مو الي، والله وقلت شلون صرت مذوق وجيت اعتذرت عن مرتك
زين :هيام خلص لفيها وبعدين بتستاهلي يلي عملتو فيك اسيل😅😂
هيام :ماشي يا زين انا بفرجيك لسا فوق ماعم ساعدك
زين :هيام مو رايق مو وقت تضربيني منية هلئ، انا قلتلك من الاول وبعدين حصل خير
هيام :ماشي هات هالفستان بصير قيسو؟
زين :هيام الله يخليك هالفستان اشتريتو لاسيل بشتريلك غيرو😗
هيام :ماشي
وراح زين وكان عندو شوية شغل قضاهن وبعد ساعتين رجع ع البيت
اسيل :اهلا وسهلا بكير
زين :خير شو بدك 😒
اسيل :لمين عطيت الفستان 😡
زين :ليش 😒🤨
اسيل :هيك بدي اعرف
زين :عطيتو لهيام😏
اسيل :ما شاء الله عطيتو لست الحسن وكل هالوقت كنت عندها يا بعدي
زين بحدة :اسيل ما دخلك انا بعمل شو ما بدي، وبضل عند مين ما بدي، عيفي البنت بحالها، وين بروح وين بجي ما دخلك فهمانة😤
اسيل :لا ماني فهمانة شلون مالي دخل مو انا مرتك ولازم اعرف وين بتكون ولا اجر كرسي بهالبيت
زين بعصبية :مرتي !!!!🤯 بالله لساتك متذكرة انك مرتي، لك شو هالمرة يلي بتعيفني انام ع الكنبة، يلي كل ما اعمل شي بتنكد علي ، ولك يلي ماهي مهنيتني بشي، يلي شو ماعملت ما بيعجبها ، يلي بحياتها ماحبتني، لااا والاحلا من هيك بتحب اخي، 😏اي شو هالمرة هي، لا وكمان يلي بتكسر بخاطري وبتكبر حكي معي، لك بالله مفكرة حالك مرتي، 😠لك بس بدي افهم ليش ما بتحبيني انا شو عملتلك، 😖لك انا دائما اعمل جهدي حتى اسعدك واصبر واتحمل وشو بالاخير ما بلاقي منك غير كسرت الخاطر ولا بتهتمي بمشاعري، انت مكرهتيني حياتي، لييش شو عملت انا ..لك انا حمااار اني حبيتك. 😠
بتكون اسيل واقفة ومصدومة من حكيو وماعاد يطلع معها الحكي، ماكانت متوقعة انو زين مخبي كل هالشغلات بقلبو ماكانت بتعرف مقدار الاذى وخيبة الامل يلي مسببتو لزين 💔
- لكِنها الخَيبة ياعَزيزي إذا أصابَت قلبًا هَدَمَت مَشارِقَهُ وَمَغارِبَهُ 🖤.
زين وقت شافها ساكتة حمل حالو وطلع من البيت، فتل شوي بالسيارة وهو حاسس حالو مخنوق بس حس بالندم لاني ماكان لازم يحكي هيك 🤦🏻♂️
وبعدها راح لعند هيام حتى يلاقو حل
.........💔.........
وعند اسيل كانت قاعدة وصافنة ودموعها عم ينزلو متل الشلالات 😭 كانت حاسة قلبها عم يوجعها، كلام زين كان تقيل عليها، صح هي غلطت بس كانت رح تصلح غلطها، بعد شي نص ساعة من التفكير بتحكي اسيل مع حالها وهي عم تشجع وتعطي حالها ولو نقطة من الامل 🌿
اسيل :خلص انا رح صلح كل شي ... اي رح صلح كل شي ... هلق رح خلي زين يرجع ورح قلو اني بحبو ورح اعتذر منو ... رح قلو اني رح عوضو ... انا تعبت من حياتنا الباردة ... هو بحبني ورح يسامحني ... ورح انكمل حياتنا بحب وسعادة ... خلص اسيل هدي خدي نفس ... كل شي رح يتصلح ، رح دق هلئ لزين
بتمسك المبايل وبتدق على زين وهي متوترة ومتشوقة لتسمع صوته وتفهمه كل شي...
وعند زين بكون بارك ع الكنبة عند هيام وحاطت راسو بين ايديه
هيام :اي وشو رح تعمل هلئ
زين : مابعرف حاسس حالي خبصت بالحكي
هيام :بس حكيك كان طالع من قلبك .... زين بدك نصيحتي حاجتك انت واسيل .. لازم تبركو وتحكو وتتفاهمو، يعني رح تضلو كل عمركن هيك مثلا؟؟ ... شوف اسيل وشو بدها اذا ما بدها ياك او اذا لسا بتحب ادهم خلص طلقها
زين بصدمة :طلقهااا😨 .... لك هيام هي روحي مافيني عيش من دونها 😢💔
هيام بحدة :لكا اذا ما بدها ياك انت بتقبل تضل معها😡 .... بس انا متأكدة انها بتحبك ♥️
زين :لو بتحبني كانت قالتلي
هيام :والله انت وياها بدكن واحد يحبسكن بغرفة وما يطالعكن حتى تفهمو بعض ... صدقني هالايام يلي عم تعدي و هالتخبيص يلي عم تخبصوه مو بس رح تعضو اديكن ندم عليه رح تعضو قلبكن كمان💔
كان هاتف زين ع الكمدينا جنب هيام وقت رن
اخدت هيام الهاتف وردت
اسيل :زين
هيام :اهلين😅
اسيل :وينو زين ؟؟🤔
هيام حطت ايدها ع الهاتف وحكت مع زين
هيام بهمس : اسيل بدها ياك
زين بصوت هادي بس اسيل سمعتو
زين :قوليلها زين تعبان ومتسطح جوا وقال لاحدا يزعجو
هيام :امم اسيل زين....
اسيل بمقاطعة ونبرة كلها حزن :مافي داعي سمعتو 🥺 ماشي 😢💔
وسكرت الخط
هيام :لك زين خطي عليك ليش هيك عملت
زين :خلص بكرى انا رح اخدلها هدية ورح راضيها وانحل مشاكلنا
هيام :ماشي
زين :بدك شي انا رايح
هيام :لوين ع البيت؟
زين :لا بدي روح نام بشي فندق
وراح زين ع فندق ينام فيو حتى تمرق هالليلة ع خير
اما عند اسيل بعد ماسكرت الهاتف مع هيام
بلشت اتكسر كلشي قدامها شو ماتشوف قدامها تضربه واتكسره، تجروحو ايديها وصارو ينزفو دم وبعدها انهارت بالبكي😭😭😭😭😭💔💔💔💔💔
بعد شي ساعة وهي عم تبكي مسكت هاتفها ودقت ع سيلين
اسيل ببكي :سي .سيلين ..تعي ..لعنديي انا ..انا بحاجتك
كان صوت اسيل فيو غصة وحزن خلا سيلين تلبس وتجي لعندها باسرع وقت
اول ما وصلت دقت الباب وفورا قامت اسيل بتعب وفتحتلها الباب، واول ماشافت سيلين قدامها ارتمت ع كتفها وبلشت تبكي وسيلين دمعو عيونها ع حال رفيقتها وبلشت اتهديها♥️🍃
" نحتاج أحيانًا لصديق نخبرُه عن حالنا الحقيقي وليس الحـال الذي دائمًا بخير ."🖤
سيلين :خلص يا قلبي خلص بس قوليلي مين زعلك لهد الدنيا فوق راسو🖤
اسيل ببكي :سي..سيلين ..انا .انا وحدة ..غبية كتيير ..انا ..انا اذيتو لزين ...انا وجعتلو قلبو ..هو هلئ عند ..ه.هيام...راح بدو يرتاح عندها....اانا ..انا عم عذبو معي ...💔هو ..ندمان لانو حبني ..هو م..مفكر انو .. لساني بحب ادهم ...سيلين بدي زين ...انا والله بحبو ...هو راح وتركني ...طيب شلون تركني وهو بحبني ...انا هلئ تعبانة . .وينو ...قلي رح كون دائما معك ...ليكو تركني
سيلين :يا روحي هي شوية مشاكل وسوء تفاهم انتو التنين عم تضيعو وتضيعو بعض، انت لازم تقربي وزين لازم يقرب حتى تلتقو ابركو احكو انتو ماعم تعملو شي غير عم تأذو بعض وبعدين ليش هيك اذيتي حالك ومجروحة ايديك تعي لطالعلك القزاز منهن
قامو تنانتهن وعقمتلها سيلين ايديها لاسيل وحطتلها لزقات جرح وبعدها عطتها حبة منوم حتى تنام واخدتها ع تختها وغطتها
اسيل :يا حسرة ..كنت مفكرة حالي اغلى من هيك💔😭
سيلين بصوت حنون :لا تخافي بكرى كل شي بيتصلح♥
بعد ما سيلين اتأكدت انو اسيل نامت اخدت رقم زين من هاتف اسيل و مسكت هاتفها وبعتت رسالة لزين
((لك انت شو عملت برفيقتي ..هيك يا زين شايلها بعيونك ...لك انت لو شفتها كيف كان صوتها والغصة يلي بقلها ونظرة الكسرة والحزن يلي بعيونها ...لك لو انك شفتها شلون كانت عم تشهق وتبكى للعنت حالك الف مرة ..لك بس بدي افهم شو ذنبها ...يا زين حن عليها وداريها ولا تخليها تنطفي لاني اذا انطفت الدنيا كلها رح تنطفى معها🌌 ))
...........................
وصلت رسالة سيلين لزين
زين :لك شو عم يصير هلئ انا الظالم والغلطان انا كل الحق علي!!طيب وقت يلي كسرتني وين كانو هالناس ليش ما حملوها ذنب ولا بس انا يلي بشوفو غلطو .....
وع الساعة 1ونص بتفيق اسيل وعيونها مورمين من البكي وشعرها منكوش والتعب حالل عليها بتقوم بتثاقل من تختها وهي عم تطلع ع مكان زين، كانت عم تحس بوخز بقلبها كانت عم تحس انو في شي انطفى بروحها وقفت قدام مرايتها وطلعت بحالها لوهلة استغربت من منظرها حطت ايدها ع انعكاس صورتها بالمراية كانت ايدها املزقة بلزقتين للجرح كان كل شي غريب كانت بهداك الوقت عم تسترجع كل شي صار معها ليلة امبارحة وكيف زين حكى معها وشقد كان مخبي بقلبو 💔
اسيل:ليش وصلت لهون، انا كنت رح صلح كل شي ...لك في شي غلط .. انا كنت عم جهز حالي لحياة كلها فرح وحب مع زين ... ليش هيك صاار💔انا لازم صلح كلشي .. حياتي صارت مهزلة .... هلئ رح روح عند زين وقلو اني بحبو وخلينا نكمل حياتنا بحب وتفاهم ونحل كل مشاكلنا وسوء الفهم يلي فيها .... خلص ما عاد تحملت لازم صلح كل شي ... كل شي رح يكون منيح💙
قامت بتعب ووهن وبلشت تلبس اخدت وقت لحتى خلصت لبس، كانت تعبانة كان بس بدها ❤زين❤الشخص الوحيد يلي قلبها بينبض باسمو بدها حبها بدها سندها بدها ياه حتى ترتمي بحضنو وتقلو انها بتحبو وبدها يرمو كل شي ماضي وراهن ...
اخدت اسيل تكسي وتوجهت ع شركة زين حتى تشوفو لانها ما عاد عندها صبر حتى يرجع ...
اما عند زين كان طالع من الشركة بكير لاني كان بدو يروح يشتري هدية لاسيل ويصالحها ما هان عليه يزعلها خلص المهم انو هو بحبها
هيام :زين .. استناني
زين :عم استناكي ، ساعة حتى تجي
هيام :منيح مني جيت ...قلتلك بدي ظبط مكياجي وبعدين انت يلي بدك اروح معك مو انا يلي بدي روح 😒
زين :اي يلا يلا😒خلينا نلحق نخلص، لهلئ ما بعرف شو بدي اشتريلها هدية لاسيل منشان هيك اخدك معي
هيام :دخيل الله وكأنما انا اللي بعرف😒 .. ليك بتقلها لاسيل انو لاعاد تقرب علي ولا انا عاد بقرب عليك، الله وكيل شعري لهلئ عم يوجعني ووجهي لهلئ ورمان من كفها تقول ايدها مخباط
زين هو عم يضحك😂:اي لكا بتستاهلي مو بدك تتغزلي بجوزها قدامها 😝
هيام بانزعاج :ماشي يا زين مو الحق عليك الحق ع الدبة يلي ساعدتك وبالاخير بطلع من المولد بلا حمص .. وهاه ما عاد بدي روح معك😠
وبتروح وبتمشي قدامو وهي معصبة ومتنرفزة، بيضرب زين ايدو ع جبينو وبيحكي
زين :انا الله باليني بكل بنت مجنونة اكتر من اختها🤦🏼♂لك هيام تعي
بروح وبيمسكها من زندها وهي بتكون راسمة ع وجهها ابتسامة شريرة 😈
هيام :خير يا طير ليش راكض وراي
زين :هيام مو وقتك هلق امشي
وبيسحبها من ايدها وهو عم يضحك ع هبلها 😂
فجأة بتوقف اسيل قدامو وعيونها مليانين دموع🥺كانت عم تتطلع ع هيام وزين وكيف زين لحقها لهيام وهلئ ماسك ايدها بتجي اسيل لتحكي وفجأة ببلشو عيونها يغبشو وراسها يفتل فيها وهي عم تتطلع ع زين بكسرة وبتدوخ وبتنطب ع الارض بيركض زين وهيام عليها وهنن ميتين من الخوف عليها😢💔
زين :اسيل .. اسيل شو صرلك
هيام :زين ع السريع خلينا ناخدها ع المشفى
زين :يلا
بيحملها زين وبحطها بالسيارة من ورا وبيقعد قدام وبتبرك هيام معها من ورا
بوصلو ع المشفى وفورا بياخدها زين وبفوتها لجوا بعدها بحطوها بغرفة وبفوت عليها دكتور
هيام :خلص اهدا اكيد منيحة مافيها شي، هلئ بيطلع الدكتور وبخبرنا
زين :اذا بصرلها شي ما رح سامح حالي 😓
هيام :ان شاء الله ما بصرلها شي، هلئ بيطلع الدكتور وبطمنا
بعد ربع ساعة بيطلع الدكتور وبيركض زين هو وهيام لعمدو حتى يطمنهم
زين بلهفه :دكتور الله يخليك شبها اسيل
الدكتور :انت زوجها؟؟
زين :اي
الدكتور :صراحة هي صار معها انهيار عصبي هلئ عطيناها ابرة مهدئ ومنوم بدها شي ساعتين لتفيق
زين :طيب دكتور الانهيار العصبي شو سببو
الدكتور :المرضية بآخر فترة متعرضة لضغط نفسي كبير وهي يمكن من النوع الحساس وبظن تعرضت لموقف صعب صدمها وخلا اعصابها تنهار لازم بالفترة الجاية تريحو اعصابها وما تخلوها تنضغط لاني اذا ضل الضغط عليها احتمال يصير معها جلطة بالدماغ
زين :ماشي دكتور ايمت فيني طلعها
الدكتور :بس خلص السيروم فيك تطالعها ومعافاية ان شاء الله
زين :الله يعافيك
سند زين حاله ع الحيط وبعدها بلش يضرب راسو وايدو بالحيط، بتجي هيام وبتمسكلو ايدو وبتحكي
هيام :خلص زين قال الدكتور رح تكون منيحة
زين :لك انا واحد حيوان كل شي عم تعاني منو اسيل بسبب غبائي 💔
هيام :لك لاتزيدها ع حالك انت كنت رح تصلح كل شي ... خلص وهلئ كل شي بيتصلح مافي داعي لكل هالشي وبكرى بتعوضها عن كل هالايام
زين :ان شاء الله....اذا بدك تروحي روحي تعبتك معي اليوم، انا رح استنى حتى يخلص السيروم واخرج اسيل
هيام :لك لا تعب ولا شي هادا واجبنا .. بس رح روح منشان وقت اسيل تفيق ما تشوفني😅
زين :ماشي انا رح فوت هلئ لعندها
بفوت زين لعند اسيل وبطلع عليها، كان وجهها دبلان وبشرتها شاحبة 💔
قرب منها ومسك ايدها وقعد جنبها، ضل يتأملها يا الله شقد بحبها بس ليش هيك عم يصير معو
زين :اسيل يا روحي ❤فيقي ورح عوضك لو شو ما صار ما عاد زعلك رح صونك وحطك جوا قلبي ويحرم علي اذا بقى بزعلك بس تفيقي رح نرجع ع بيتنا ونعبيه حب وسعادة ❤رح اعمل المستحيل حتى تحبيني وما عاد رح عذبك وخليك تغاري من هيام .. والله اني ندمان ....
وضل زين جنبها حتى فاقت واول ما فاقت فتح زين عيونه بلهفة وحكى
زين :اسيل يا عمري فقتي
كانت اسيل عم تفتح عيونها بصعوبة وعم تحاول تتذكر شو صار معها وكيف وصلت لهون، بيشرع زين بالحكي
زين :يا روحي انت منيحة هيك خوفتيني عليك
اسيل :ليش انا هون 😨
زين :كنت جاية لعندي ع الشركة بعدين دختي وجبناك ع المشفى طمنيني انت منيحة؟
هون اسيل تذكرت كل شي وكيف زين ركض ورا هيام ومسكلها ايدها وكانو عم يضحكو
اسيل بهدوء :اي ....
زين :يلا هلئ رح اجيب الممرضة حتى تشيل لك السيروم ونرجع ع البيت يا عمري
هزت اسيل راسها بدون ما ترد، واول ما طلع زين من الغرفة
تجلست اسيل وقربت اجريها ع صدرها وحطت ايديها عليهن كانت حاسة بهدوء .. بسكون ... بفراغ جواتها .....💔كأنو ما ضل الها نفس لشي حاسة انو في شي طلع من روحها كانت بس بدها تبقى لحالها بسلااااام وهدووء🌃
اجت الممرضة وشالت السيروم من ايد اسيل واطمنت اذا هي منيحة، وبعدها قالتلو لزين انو فيو يخرجها
طلعو من المشفى وركبو بالسيارة واسيل كانت هادية بشكل مخيف كان هدوئها متل هدوء ما قبل العاصفة بالنسبة لزين بس هدوؤها كان العاصفة بحد ذاتو☄🌪
زين :اسولتي شو بتحبي تاكلي اكيد جوعانة
اسيل بهدوء :مالي جوعانة اي شي ....
زين :ماشي رح عدي جيب اكل بعدها منكمل ع البيت حتى ترتاحي❤
ضلت اسيل هادية وما حكت شي واكتفت بانو تطلع من شباك السيارة
نزل زين واشترى اكل وبعدها كمل ع البيت.........
وصلو ع البيت وغيرو تيابن وبعدها اكلو
راحت اسيل تتسطح بغرفة النوم بعد ساعة لحقها زين
زين :شو اسولتي لهلئ ما نمتي؟ 😊
اسيل :لا
زين :شو رأيك تنامي بحضني والعبلك بشعراتك او احكيلك قصة
اسيل :لا ما بدي مالي طفلة😒✋🏻
زين بانزعاج :مين قال انك مالك طفلة شو نسيتي انك طفلتي☺
اسيل :هداك زمان...تصبح على خير
راح زين وبرك جنبها وصار يطلع بعيونها الدبلانين وصار يحكي معها بحنان
زين :اسيل طلعي فيني بعرف انك تعبانة واعصابك متوترة بس ليكي انا من اليوم ورايح قررت اطوي الصفحة الماضية وافتح صفحة جديدة ❤صفحة كلها حب وحنان اسيل قلبي عم ينبض بحبك ورح يضل ينبض لآخر حياتي انا مو بس بحبك انا بعشقك ❤كان عم يطلع بعيونها يلي ما عادو متل قبل وكأنو البريق يلي كان فيهن انطفى
اسيل بهدوء :بما انك قررت لحالك افتحها لحالك انا ما دخلني
ودارت ع الجنب التاني وعافت زين بصدمة وخيبة امل كبيرة وتذكر بهديك اللحظة كلام سيلين(اذا انطفت رح تنطفى كل الدنيامعها💔)بعدها قرر يعيفها للزمن وانو كل شي بينحل وهي فترة وبتعدي........
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`