الفصل 8
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *أنت.قدري.وما.أحلاك.من.قدر.tt* 🎀🥺
*❴🔢❵الـــبـــــــــــ❴8️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
بيطلع زين واسيل من المشفى بعد ما فكو الجبيرة واصطلحت ايدو بتقترح اسيل على زين اقتراح
اسيل : شو رايك نروح نتغدا بشي مطعم لاني مو جاي عبالي اطبخ
زين ببرود : اي ماشي
هون اسيل بتكون كتيييير مزعوجة من برود زين بهالفترة ومع هيك بتكتم هالشي وما بتبينه....
بيوصلو ع المطعم وبيقعدو بيطلبو الاكل وبيستنو ليجي وكل واحد حاطط راسه براس هالمبايل وماهو مهتم بالتاني
*هي ساكته 🙂
وهو ماعم يحكي شي 🍃🍂
#والتنين محتاجين بعض 💔💤
وكل واحد فيهن مفكر انو التاني ما بدو يا 🖤🍁*
.. فجأة بتجي بنت حلوة بعيون زرق وشعر اسود بتكون لابسة شورت جينز وبلوزة سومو نص كم، بيلمحها زين وبوقف فجأة وهو فرحان ومصدوم وبس شافت زين بتروح لعندو بتضمه وبتبوسه
هيام : كيفك ولك زين من زمان ما شفتك، والله شقدني مشتاقتلك
زين : ما بتبطلي عادة التبويس هي😂
هيام : لا طبعا، شو نسيت اني ما بحب التسليم ع الناشف
زين : ههههه ما تغيرتي طاول
هيام : اي لكن
زين : اي تفضلي اقعدي معنا
هيام : تسلم، كان بدي عنجد بس عندي كم شغلة بدي اقضيهن
بتقرب ع ادن زين وبتقلو
هيام : بس عرفنا مين هالحلوة
واشرت ع اسيل،
زين : لا يطير فكرك لبعيد آنسة هيام هي..
فجأة بتقاطع اسيل كلام زين وبتوقف وبتشبك ايدها بأيد زين وبتقول
اسيل بمجيكرة : انا مرته، في شي
هون لاحظ زين انو اسيل اشتعلت غيرة فقال زين ليجاكر اسيل
زين : اي وليش عم تحكي بهالطريقة، هي رفيقتي من ايام الجامعة
اسيل : اي واذا رفيقتك، وبعدها انا لا عيطت عليها ولا شي لتبهدلني مشانها تمام
زين : لا اله الا الله هالنكد ما بدنا نخلص منه، اسف ع الشي اللي شفتيه يا هيام بس هلئ هية معصة شوي.
هيام : ولا يهمك، الحلو ما بينزعل منه بس بدي احكي معك كلمتين بسرعة وتعطيني جوابك بسرعة لاني تأخرت ع موعدي
زين : اي تفضلي
هيام : ولك مو قلتلي انو ابوك مسلمك فرع بالشركة
زين : اي....
هيام : بدي تلاقيلي عندك وظيفة سكرتيرا متل ما بتعرف ففي محل شاغر ولا لا
زين : في عندي، والله وجيتي ع اجريكي يا هيومة، كنت بدي اطلب سكرتيرا لتساعدني بس كني من نصيبك هالمنصب
هيام : لكن بكرا بداوم وبجيب وراقي، يلا سلام
ورجعت قربت منو وباسته ع خده كشكر لالو
وقربت من اسيل ومدت ايدها لتسلم وهون اسيل سلمت عليها بمضض وما خلتها تبوسها
هيام : سلام يا حلوة
اسيل ببرود : الله معك
هون اسيل بتطلع بزين تطليعة فهمها عليها بسرعة
زين : اقعدي لاحكيلك
اسيل : تفضل وهي قعدة
زين : هي يا آنسة اسيل بتكون رفيقتي من أيام الجامعة
اسيل بتقاطعه : هي فهمتها غيرو
زين بعصبية : لا تقاطعيني وانا عم بحكي فهمانة، ولما كنت بالجامعة اعترفتلي بحبها بس انا ما كنت بحبها مشان رفيقي رامي لانو هو كان بحبها واتفقنا نضل رفقة انا وياها، وهلئ اجت لتدور ع شغل بشركتي بما اني رفيقها، ارتحتي يا خانم
اسيل براحة : اي.. ، بس ليش لتكون سكرتيرتك يعني انا ما عم افهم، ماضل بالشغل مكان الا لتكون هية سكرتيرتك وبعدها ليش لتقلها هيومة وبطيخة وامبسمرة
زين : يا خانم انت مالك علاقة بشغلي سمعانة وين ما بحطها انا حر وبعدين ليش لما احطها، بنت كويسة وحلوة وأخلاق شو بدي اكتروكمان شو ما ناديتها اناديها، انت شو دخلك
اسيل : بالله شو اي شو عليه يا استاز زين عميل وكتر
زين كان فرحان ومكيف لانو اسيل عم تغار عليه بس لسا جرحه اللي بقلبه ما التئم بسبب حبها لاخوه لهيك هلئ بدو ينتقم ع طريقته وخاصة بعد ملاحظته لاسيل
بهاللحظات بيجيبو الاكل وبيتغدو وهنن قالبين وجههن وعم يطلعو ببعض نظرات تحدي
بيرجعو ع البيت وبيروحو ببدلو تيابهن وبنامو طبعا كالعادة اسيل بتنام ع التخت وزين ع الكنبة..
في اليوم التاني بفيق زين بكير بيطلع ع الغرفة بهدوء ببدل تيابه بسرعة لما تحس عليه اسيل، وبروح لعندها وبيتامل وجهها الملائكي بيطبع بوسة رقيقة ع خدها وبيحمل حالو وبيطلع ع الشركة.
بتفيق اسيل وبتغسل وجهها وبتنزل لتحت لتعمل الفطور وما بتلاقي زين مكانه بتلمح ورقة ع الطاولة مكتوب فيها:
طلعت اليوم بكير مشان الشغل لا تستنيني ع الاكل.
بتجعلك اسيل الورقة وترميها بالزبالة وهي عم بتبرود ع هيام
اسيل : اي لكن بيطلع بكير ع الشغل مشان الانسة هيام وما بيتفطر مع مرته، بسيطة يا زين
بترتب البيت وبتقعد بعدها ع التلفزيون
وبالشركة عند زين.....
بينهي زين إجراءات توظيف هيام وبيحكي
زين : وهي خلصنا توظيفك يا افندية وغيرو
هيام : دخيل قلبك تسلملي يا رب
زين : الله يسلمك، وينك بدي احكيلك شي بيني وبينك
هيام : خليني احزر، بدك تحكيلي شي بخص حبيبة القلب
زين : طول عمرك شاطرة وبتلقطيها ع الطاير
هيام : احم احم، شكرا لتعزيز الثقة بالنفس
وهون بيحكيلها زين كل شي صار معه وكيف اتسمع ع المحادثة وهيك
هيام : يعني هلئ هية باين انها حاببتك كتيييير
زين : صراحة ما بعرف احيانا بحسها بتحبني واحيانا تصرفاتها بتقلي شي تاني
هيام : لا بالعكس يا اجدب اصلا باين انها بتحبك الك كانك زوجها ولك ما شفت شلون نطت وانا عم احكي معك ومسكتلك ايدك عنجد حسيت بتأنيب الضمير ع كل اذا مو مصدق دقق فيها وبتصرفاتها اكتر وبتشوف وبعدين هية مو حبت أدهم لانه بيعرف يدبك أدبك قدامها بلكي بتعجب فيك
زين : شو انتي جدبة ادبكلها هيك من الباب للطاقة
هيام : هي بسيطة، يا سيدي عرس اخوي بعد يومين وانتو اكيد معزومين ع العرس بتجي وبتجيبها وبتفرجيها الرقص والدبك ع اصوله كيفني معك شريك
زين : والله واحلى شريكة، برافو عليكي، بس عندي خطة كمان وهية انو يوم العطلة بتجي معي ع البيت ومنقعد منشتغل وانت حاولي قدر الإمكان تغيظيها فيني واحكي معي كلام حلو وهيك، بدي شوف ردة لما الحدا يلي بتحبو ما يعبرك ويغيظك بس مو هلئ نبلش فيها بعدين او بس شوف انو الوضع مناسب.
هيام : ولك مو حرام عليك تغيظ هيك ملاك، بس بيني وبينك بتستاهل لكن ماهي شايفة قدامها هالملاك كمان
زين : برافو عليكي تعلمتي بسرعة، هيك بدي ياكياي وشو اخبارك انت والسيد رامي
هيام:اااخ يقبر قلبي رمرومي
زين:يقبر قلبك وهلق ما تجوزك
هيام:لككك ايه بس يجي ع البلد رح نتجوز فورا هي شغلة وقت مو اكتر
زين:الله يعينو ويصبرو ..شقد شقي وتعب لحلبيتيه
هيام:اي صبر ونال
زين:ما شا الله الثقة
هيام : صحي ولاك تاعا لهون، وانا ما فكرت فيني اذا صرلي شي بسبب مرتك او انها تشوهلي وجهي، لانو باين عليها ما بتسكت لحدابس والله كدعةبتنحب بسرعة
زين فرط ضحك ع هالحكي
زين : اي والله نسيتك ️هلئ يمكن تنتفلك شعرك وتمسح فيكي الاراضي
هيام : لا والله وفالح كمان، انا ما عاد بدي ️بلكي شوهتني من غير شي عرسي ضاللو كم شهر
زين : ولك لا شو ما عاد بدك بحاول اضل جنبك قد ما فيني وبعدها عم بمزح بس هيك متوقع تساوي
هيام : طيب ماشي بس مشانك، خلي يبين فيك
زين : وليك شو قصدك
هيام : ولا شي يا روحي، يلا قوم تيسر ع شغلك، شو بلطت بمكتبي
زين : ولك تضربي بين الصحبةسلام
هيام : مع السلامة
بيكمل زين وهيام شغلهن بكل طبيعية واحترام قدام الموظفين
بصير المسا وبيجي زين ع البيت بيلاقي السفرة جاهزة وعم تستناه اسيل
زين ببرود: مسا الخير
اسيل : مسا النور
بيروح بيلبس بيجامته وبنزل لياكل وهو عم ياكل بيحس انو اسيل عم توجهله نظرات عنيفة وعصبية
زين : شو في؟؟؟
اسيل هون بتفلت فرد فلتة تقولي كانت مو مصدقة حدا يقلها اشبك
اسيل بعصبية : اي لكن يا بعدي شو في، وكأنك ما بتعرف ما، ولك بتروح من الصبح بكير ع الشركة وما بتفطر معي مشان مين مشان ست الحسن والجمال رفيقتهعميل وكتر زين عميل وكتر
بيبتسم زين بينه وبين حالو
زين ببرود : اي وهلئ شو بدك😒
بتعصب اسيل وبتقوم من السفرة وبتتوجه لغرفة النوم وبتبدا تتذكر كيف كانت تعامل زين ببرود متل ما هلئ عم يعاملها وعم يكسر قلبها وكيف كان من الصبح يقعد يبوسها ويتغزل فيها شعور ما فهمته وقت بتتذكر كيف كان زين معها وكيف صار هون بتنزل دمعة من عينها بتتبعها شلالات دموع وشهقات هون بكون زين واقف ع الباب وعم يسمع صوت شهقاتها، حس بقلبه عم يتفتت شقفة شقفة وما حسن يتمالك حاله وفتح الباب ودخل ع الغرفة ولاقاها ع الارض ضامة رجليها لصدرها ومنزلة راسها وعم تبكي بحرقة،
"كانت هي الغلطانة بس وقت صارت تبكي صرت انا الغلطان💔"
واول ما شافته في الغرفة كانت بدها تقلعه كانت بدها تقله ما بدي شوف خلقتك عندي، بس هو كان اسرع منها ونزل لعندها وضمها لصدره
زين بحنية : اسيل دخيل الله لا عاد تبكي والله عم تقطعيلي قلبي بس اسمع صوت بكاكي
اسيل ببكي : بالله عم يتقطع قلبك، اصلا لو عم يتقطع ولو بس شوي ما كنت تعاملت معي بهالطريقة دائما قالب خلقتك بوجهي
زين : خلص انا اسف ما عاد اطلع بدون ما افطر معك تمام؟
اسيل :هاد اللي هامك...... بس تمام
شد زين اسيل ع صدرو اكتر وحكا بقلبه:بحبك يا مجنونتي
ضل زين ضامم اسيل لصدره لحتى حس عليها نامت بين ايديه، حملها وشطحها بالتخت وغطاها منيح وطفا الضو وطلع من الغرفة.
ونزل لتحت ليلم السفرة ويحط راسه وينام وبقلبه غصة ع حالة اسيل، شقد تمنى بهيك وقت يكون معها بالتخت وضاممها وعم يلعب بخصلات شعرها حن للايام وقت كان يتصرف متل اخوها، وللمواقف اللي صارت معهن ولعنادها ولكل شغلة فيها ......
بيفيق الصبح بكير، بس هالمرة بتكون اسيل سابقته ومجهزة الاكل، بيقعد بطلع فيها ووجهها اللي متنفخ بسبب البكي فبيحكي وهو عم يطلع بعيونها
زين : كيف صرتي اليوم
اسيل : الحمد لله احسن.....، بدي اروح اليوم عند بيت اهلي
زين : ماشي، بدك اوصلك لعندهن
اسيل : لا لا بدي اروح مشي لعندهن منه بغير جو ومنها رياضة
زين : ع راحتك
بيخلص زين اكل وقبل ما يطلع بيحكي
زين : صحي ما صرلي مجال أخبرك امبارحة، بكرة ان شاء الله معزومين ع عرس اخوها لهيام، فجهزي حالك
اسيل : اي تمام
زين : بخاطرك
اسيل :الله معك مع السلامة
بيطلع زين ع شغلو واسيل بتشتغل شغلها وحوستها ع السريع وبتطلع بتلبس بنطلون جينز وعليه بلوزة سودة نص كم وبتفرد شعرها المموج.
بتمشي لعند أهلها وهي عم تفكر بزين طول الطريق، فبيخطر عبالها فكرة 🙄
بتكمل طريقها لعند أهلها وبتقعد معهن شي ساعتين وبيصر عليها اخوها يوصلها وهي بترفض، لانو عندها مخطط مهم بدها تنفذه
بتهرب من صهيب هريبة وبتطلع بعد ما ودعت أهلها بتاخد تاكسي وبتروح فيو ع شركة زين😁
بتنزل من السيارة وبتدخل بسرعة ع الشركة وكل الانظار بتكون مسلطة عليها من شدة جمالها وبساطتها😍بتتوجه لمكتب زين وبكون مكتب هيام قبل مكتب زين، بس ما بتلاقيها بالمكتب وبتبدا تسرح بخيالها وقت بتسمع صوت زين من ورا الباب وهو عم يحكي مع هيام
زين بمزح : شو هالحلاوة اليوم، شلون بدي اشتغل معك وانت بهالمنظر
هيام بضحكة عالية اخدت عقل اسيل وما عاد شافت قدامها
هيام : وين اسيل لتشوفك......
وما بتلحق تكمل جملتها الا واسيل فاتحة الباب بكل قوة وعيونها عم يقدحو شرر وهي عم تطلع بزين وهيام اللي كانت لابسة تنورة قصيرة كتير لفوق الركبة وبلوزة بتبين جزء من بطنها هون كان في شوية براغي عند اسيل وطارو😂🤯 وكانت عم تاكلهم بنظراتها النارية، فجأة صفقت وبلشت تقرب منهن وهنن بكامل صدمتهن من ظهور اسيل بشكل مفاجئ
اسيل : والله برافو عليكن، وهي ليكني انزرعت قدامكن ست هيام، بدكن تفهموني شو عم يصير ولا لاء
زين بعصبية :شو جابك لهون، مو عاساس رايحة عند اهلك😤
اسيل بنبرة استفزازية : اي رحت، بس حبيت امر عليك واعمل لك مفاجأة بس كني جيت بوقت غلط استاز زين ،ليكون دايقتكن، كملو كملو ليش وقفتو وقت جيت، ولا اكمل السيناريو عنكن وبعدين مين لازم يعصب يا أفندي انا ولا انت اه؟ 😤
زين بتجاهل لكلامها: تعي معي رح وصلك ع البيت
اسيل باستفزاز: لا ما بدي هلئ بعطللك شغلك😏كملو شغل حبايبي، سلام
بيلف زين لعند اسيل وبيمسكها من ايدها وبيطلع من الشركة قدام كل الموظفين اللي قعدو يتهامسو بينهن وبين بعضهن، انو هي كني مرته وانهن لابقين لبعض ومن هالكلام
بيدخل زين اسيل ع السيارة وبيطلع من الطرف التاني وبشغل السيارة وبيشرع بالحكي
زين : ولك بس فهميني شو جابك ع الشركة، وشو خطرلك
اسيل : انا اللي لازم فهمك ولا انت يا.... زوجي😒والله برافو هي عم تتقرب منك وانت عاطيها مجال ع كيف كيفها، شو انا مو موجودة بحياتك وبعدها مين الحلاوة يا روحي اه مين؟ رد؟ جاوب؟ ليش ساكت؟
زين : ليش تركتيلي فرصة لاحكي، ولك بالعة راديو ولا شو قصتك هالايام، وبعدين كم مرة بدي فهمك انو هيام مجرد رفيقة.. رفيقة مو اكتر ولك ايمت بدك تستوعبي والحلاوة اللي عم تحكي عنها، كنت عم امزح مزح عادي بين الرفقة
اسيل : والله لا تواخزني صايرة عم اتحيون وما ركز، وكملت بصوت عالي، ولك شو شايفني عمية ولا شو ولك شفتها وهي عم تضحك بصوت عالي ولا لاء، ولا كمان ما شفت لبسها اللي ما بناسب وحدة نازلة ع الشغل، ولسا بتقلي رفيقتي، وبعدين اينا مزح هاد اللي فيو غزل، وعندك مرتك ما بتحكيلها كلمة حلوة
فتحت اسيل عيونها ع وسعهن وحطت ايديها ع تمها وقت حكت اخر جملة،طلعت منها بشكل عفوي، وزين عجبتو اخر جملة وضحك بصوت عالي
زين : غيرانة😏😂
اسيل بعناد: لا طبعا يا روحي انا بدي اغار من شقفة رفيقة، خلص خلص كمل خلينا نروح ع البيت
بيطلع زين ب اسيل باستغراب وهو عم يحكي بينو وبين حالو، شبها هي قبل شوي فلتت علي
بيوصلها ع البيت وفورا بيرجع ع شغله.
هون اسيل ما برد دودها وغيرتها ع زين ومنظر هيام ما انمسح من ذاكرتها فبتروح بتطالع شورت جينز قصيييير ببين كل معالم جسمها وبتلبس عليه بلوزة حفر وقصيرة شوي، وقبل ما يجي زين من الشغل بشي ربع ساعة، بتبخ ع حالها عطر مغري وبتفرد شعراتها وبتنزل تحت لتحط السفرة وتستنا زين.
بعد بفترة قصيرة....
بيدخل زين ع البيت لينصدم بمنظر اسيل اللي كان ملفت ومغري بشكل مو طبيعي، وحاول قد ما فيو يكافح لما يطلع عليها من كتر جمالها
زين : مسا الخير
اسيل : مسا النور، تفضل
زين : رايح ابدل تيابي وجاي
بيطلع ع الدرج وهو مو مصدق كيف عم تتغير مرته بشكل مو طبيعي وانها عم تغار ع اتفه شي ️طبعا هو عرف من لبسها انها غارت عليه من هيام وانو بدها شي كلمة حلوة بس ما بدو يحكيلها شي ليجاكرها مو اكتر
ببدل زين أغراضه بسرعة لينزل ع الدرج ويلمح اسيل قاعدة مكانها وعم تطلع فيه، تبادلوا نظرات للحظات وبعدها كل مين وجه نظرو لصحنه، بيقومو وكالعادة بشيل زين السفرة مع اسيل، لانو رغم كل هالمشاكل ومع هيك قلبو طيب وما بيريد اسيل تتاذى او تشتغل كل شغل البيت لحالها
بتخلص اسيل جلي وبتروح ع الصالون اللي بكون زين قاعد فيو وعم يتفرج ع التلفزيون، هون بتجي وبتقعد قريبة منو، وزين بحاول فيو وما فيو ما يطلع فيها
طبعا اسيل بتنقهر من زين، انو ما حكالها ولا كلمة حلوة متل ما كان يحكيلها من قبل، مع انو هالمرة لابسة ومتظبطة وكل شي، يعني لو حدا غير زين الزعلان كان أكلها بنظراته
فجأة بيندق الباب وبتروح اسيل لتفتح،. وبوقفها صوت زين المعصب
زين بصوت عالي : وين مفكرة حالك رايحة لتفتحي بهالبهدلة، اطلعي غيريهن بسرعة. 😤
هون بتنصدم اسيل صدمة ثلاثية الأبعاد، وبتحس بغصة وكسرة خاطر
اسيل بقلبها :اي لكا لبس الست هيام المبهدل بيتغزل فيو ولبسي يلي بشل بقول عنو امبهدل بيتخطا زين اسيل وبفتح الباب ليشوف سيلين جاية، بخليها تفوت وهو بيطلع برا البيت ليتركهن ع راحتهن
وطول ما هو عم يتمشى ما عم يفكر غير باسيل وكيف كان شكلها المغري وريحتها اللي زادت من هالشي وغيرتها الي بدوب فيها🥰، للحظة كان بدو يرجع ع البيت ويضمها لصدره ويقلها انا بحبك قد الدنيا كلها وينسى التخطيط ليغيظها بس بيرجع بفكر بالشي اللي سوته فيه وتجاهلها الدائم والمستمر لزين وبرودها معه واعجابها باخوه 💔......
منرجع عند اسيل اللي كانت قاعدة ع الكنبة وعم تبكي بحرقة 💔وجنبها سيلين عم تخفف عليها وتواسيها
اسيل : ولك يا سيلين هي هيام ما طقتها ولك بحسها بدها تتقرب من زين وزين عاطيها مجال ولا وقال رفيقته كمان، رح طق يا😭
سيلين : خلص حبيبتي هدي يا عمري والله انا بحس انو زين مو بس بحبك، لا وبعشقك بس ليش عم يتصرف هيك ما عم افهمو
اسيل : كان يحبني زين يا سيلين كان💔
بتضل سيلين تواسي باسيل وبعد ما فهمت منها كل شي، بتنام اسيل ع الكنبة وهي فرطانة وتعبانة، ما بتسخا سيلين تفيقها وبتظبطلها نومتها وبتطلع برا البيت
الصديق الحقيقي هو صديق الفصول الأربعة ، أما الآخرون فهم أصدقاء صيف لا أڪثر 🕊.
.🖤🖤
بيرجع زين ع البيت وبيدخل ع الصالون بيلاقي اسيل نايمة ع الكنبة وعلقانة دمعة بعينها بيقرب منها وبيمسحلها دمعتها وبشم ريحتها اللي اشتقلها كتييييير بيطبع بوسة سطحية ع شفايفها وبمسد ع شعرها وبتنزل دمعة من عينه ع هالشي اللي عم يسويه فيها وفيه😭💔
بوقف ليحملها ويدخلها ع غرفة النوم وبس حطها ع التخت بتحس اسيل عليه وبدون وعي بتحكي وهي لافة رقبتو ووجهها قريب من وجهو
اسيل ببكي: لا ت.. ت.. تروح ز. ز. زين، أمانة لا ت. تروح ض.. ضل جنبي ما.. ما بدي حدا غ.. غيرك، الله ي.. يوفقك لا.. لا.. لاتتركني اااااااالا.. لا تروح ع.. ع. عند هيام وتت... وتتركني اااااا
وهون بكون زين مصدوم من ردة فعلها وبعدها ما حس الا جسم اسيل ارتخى ونامت، ابتسم بهدوء وغطاها واجا ليطلع من الغرفة بس ايد اسيل منعته وهي عم تحكي
اسيل : نام معي اليوم 🥺بس اليوم لا تنام ع الكنبة الله يوفقك
بيفتح زين تمه من الصدمة اللي عم يتلقاها بهالمسا
بيقرب من اسيل وبيتشطح جنبها وبتحط اسيل راسها ع صدره، وهو الزلمة لا من تمه ولا من كمهبينه وبين حاله، شو هالتغيير الجذري، ياخوفي بكرا تنكر اللي عم تسويه هلئ🥺 بس بدي عيش هاللحظة💕
بينامو هالاتنين هالليلة وهنن ضامين بعض
بيصير الصبح وبتبلش اسيل تفيق بسبب أشعة الشمس اللي تسللت لوجهها، بتفتح عيونها بصعوبة وبتلاقي زين جنبها نايم متل الملاك، تذكرت كل شي سوته امبارح وكل شي حكته، نزلت دمعة من عينها ومسحتها بسرعة وطبعت بوسة خفيفة ع خد زين وحكت بصوت واطي
اسيل بهمس : صباح الخير يا قلبي.
بتنزل لتحت وبتعمل الفطور وبتحطه ع الطاولة وبترجع بتطلع عند زين لتفيقه
اسيل : زين.... زين يلا قوم رح تتأخر عن شغلك
بيفتح زين عيونه وبلاقي اسيل قدامه وبحركه عفوية ولا ارادية منه بيسحبها لعنده وبضمها لصدره بقوةبتنصدم اسيل منه بس بتحاول تعيش هاللحظة اكتر وتتعمق فيها لأنها اشتاقت لحضنه، لعيونه، لعطره، لحنيته، اشتاقت لكل شي فيه💔
بيوعا زين ع حاله وبيترك اسيل من ايديه، اسيل عرفت انها حركة عفوية منه وانه ما كان قاصدها وبتوعا هية كمان وبتحكي
اسيل : اسفة ع الشي اللي صار امبارح
اول ما سمع زين اعتذارها ع اللي صار مبارح جن جنونه وحس بغصة، بتتابع اسيل كلامها
اسيل : بس مالي اسفة عن نومك جنبي، لاني عنجد ما بدي ياك تضل تنام ع الكنبة
هون زين ارتاح وقت سمع هالكلام
زين : ومن هلئ ورايح ما رح نام غير بالتخت، حتى لو اتخانقنا، اتفقنا
ومد الها ايده، مدت اسيل ايدها ع ايده وشدتها بقوة
اسيل : اتفقنا......... يلا تفضل ع السفرة
زين : تمام، اسبقيني
بينزل زين لعند اسيل وببلش ياكل وبيتزكر انو اليوم عرس اخوها لهيام
زين : جهزي حالك اليوم، عنا عرس اخوها لهيام متل ما قلتلك
اسيل : تمام
بيقوم زين عن السفرة وبقول
زين : دايمة........ ، يلا سلام بدك شي
اسيل : لا الله معك، ان.. انتبه ع حالك
بهاللحظة اقشعر جسم زين من آخر جملة وابتسم ابتسامة عريضة ع وجهه خلت اسيل تدوب بارضها😍
زين : وانت انتبهي ع حالك وكمل جملته بقلبه... يا نبض قلبي
بتطلع اسيل معه وبتودعه وبتدخل ع البيت بتكمل أكلها وشغلها الروتيني.......
وفي المسا
بيجي زين ع البيت وبيتغدا مع اسيل وبقوم يلبس عبين ما اسيل تلم السفرة وتجلي الجليات.. بينزل لتحت وبكون لابس قميص ابيض وبنطلون جينز اسود ومسرح شعره لفوق ولابس بايده ساعة وحاطط عطر رجالي بياخد العقل، باختصار كان لبسه عاطيه هيبة ورجولة مو طبيعية، واللي بيطلع فيه ما بيشبع منه..... بتطلع اسيل ع زين وبتدوب بارضها من شدة اناقته وانو ابسط شي عليه بيعطيه هيئة الملوك بتبتسم بوجهه ابتسامة عريضة بتخلي قلب زين يدق بقوة وكأنه صار في إعصار بقلبه بسبب ضحكة منها♥️
* ضحكة واحدة منكي كفيلة بقلب المدينة رأسا على عقب، انتي اضحكي وانا مستعد لاعادة بناءها مرة اخرى *💓🥀
بتحس اسيل انو زين عم يطلع عليها باعجاب وببتسم مع ابتسامتها، بتقرب منه وبتقول
اسيل : استناني شوي رايحة البس واتظبط ونازلة تمام؟
زين ببرود :تمام
بعد شي نص ساعة لبس وتحضير ومكياج وحركات البنات المعتادة بالتاخير😂 بتنزل اسيل ع الدرج وبتكون لابسة بلوزة سكرية بكم وبتبين اكتافها البيض وتنورة سودة كلوش فوق الركبة ولابسة تحته كولون اسود ومطبقة ع أغراضها قندرة سكرية بتتناسب مع البلوزة، وطلع منظرها بشل من كتر مو حلوة♥️😍وخصوصي انو فاردة شعرها المموج وحاطتله قوس معرق بلون فضي ومنزلة خصلة رفيعة من كل طرف ومزينة حالها بطوق معرق ناعم مع حلقه وبلون فضي تناسب مع قوسها عطاها أنوثة وجاذبية مو بالعقل 🤩وطبعا ما ننسى عطرها المغري والناعم ومكياجها الهادي 💕
بيلتفت زين لاسيل اللي بتكون واقفة وراه وعم تستنى يلتفت عليها ويتغزل فيهابهاللحظة بيفتح زين عيونه ع وسعهن، كيف اسيل بكل مرة بتخليه يدوب بارضه بس من نظرة وحدة لالها، بيفيق من شروده واندهاشه للحظات وببدل ملامحه للبرود
زين : اي شو ساعة عم تجهزيلي حالك
وطبعا اسيل ام نص لسان ما بتسكت لانو ما كانت متوقعة هالبرود كانت متوقعة انو يتغزل فيها حتى لو بأبسط كلمة
اسيل بصوت عالي : اي والله هاد اللي طلع معي، بعدين انا أنثى متل كل البنات طبعا بتاخر ومن حقي اتأخر انت شو دخلك
زين بعصبية : قال شو دخلني، اولا انت مرتي فالي دخل فيك ان عجبك وان ما عجبك، تانيا تأخرنا وانا مابدي اجادل فيكي واعكر مزاجي بالقتال معك، تفضلي الحقيني
بيطلع زين من البيت وهو راسم ع تمه ابتسامة واسعة، وبيتوجه ع السيارة بينما اسيل متجمدة بارضها من كلام زين وهالتغيير اللي ما عم يعجبها وعم يحطمها تدريجياً
بتلحقه وبتطلع ع السيارة وطول الطريق هو وياها قالبين وجههم ببعض وما فتحو تمهن ولا بحرف...........
بيوصلو ع الصالة وبيطلع زين واسيل من السيارة واول ما بيدخلو بلاقو هيام لابسة فستان قصير وديق ببين كل معالم جسمها ولونه اسود وشيال واله زمه ع الخصر دهبية وياقته محفوفة كمان بلون دهبي طالع منظرها بشل 😍وطبعا لافة شعرها ومظبطة حالها ع سنغة عشرة، وكانت عم ترحب بالضيوف واول ما بتشوفهن عم يجو باتجاهها بتروح بسرعة لعندهن وبتضم زين وبتبوسه
هيام : اي يا اهلا وسهلا، صرلي ساعة عم استنى فيكن
وبتقرب من اسيل وبتضمها كمان وبتبوسها
زين : اي لا تواخذينا بس في عالم بتضل ساعة عم تلبس
هيام : اي اذا هيك معلش، والله طالعة بتشلي يا اسيل
اسيل ببرود : تسلمي هاد من ذوقك وانت كمان طالعة حلوة
هيام : تسلميلي، اي تفضلو تفضلو هلئ رح يبدا العرس
بيدخلو هالتلاتة ع الصالة وبيلفتو الانتباه من شدة جمالهن😍وفورا بتشتغل الاغاني والرقص والخلع بتروح هيام وبترقص مع مرت اخوها، واسيل وزين بيضلو قاعدين ع طاولتهن وعم يطلعو بالعالم وبالرايح والجاي وكل شوي بيخطفو نظرة ع بعضهن.... بعد شي ربع ساعة بيصير وقت الدبكة، وبينزلو هالشباب والصبايا ليدبكو مع بعض، كانت اسيل بدها تقله لزين انو يدبك معها بس ما حست ودرت الا طلعت هيام من بين كل هالعالم ومسكت ايد زين متجاهلة اسيل اللي كانت عم تأكلها بعيونها اكل، وقالتلو
هيام : ما بدك عزيمة يا حلو
بيبتسم زين وبروح مع هيام وما بيعبر اسيل ابدا وهون بجن جنون اسيل وبتضرب أجرها بالارض وعيونها عم تقدح شرر وعم تراقب حركاتهن المتناسقة وخصوصي حركات زين اللي طيرتلها عقلها وصدمتها انو بيعرف يدبك هيك دبك بشل، وفجأة بتسمع بنتين عم يتهامسو مع بعضهن وعم يحكو
البنت الاولى: ولي ع قلبي، ريته يجي يدبك ع قبري، دخيل الله ما احلاه، قولتك نروح نحكي معه ونتعرف عليه😚😉
البنت التانية : اخ يا ربي شو هاد ولك والله شقفة، بشل بشل ولك انا بدي أعرض عليه الزواج 😍😂
البنت الأولى : اي بطني فرطتيني ضحك😂😂، شو شقدك جدبة بحياتي ما شفت وحدة بتطلب الزواج من شب
البنت التانية بولع : ااااااااه اي لكن شوفي😍، اذا ما هلئ بعد ما يخلص دبكة أعرض عليه يتزوجني انا ما بعرف شي
وهون اسيل بتموت غيرة وما بتلاقي الا اجريها عم يمشو باتجاههن بسرعة وما بتحس ع حالها الا بتشد شعر هالبنتين بقوة وبتضربهن وهي عم تحكي
اسيل بصوت عالي : شو يا حقيرة منك الها ع مين عم تطلعو وتحلمو بامانيكن اه، ولك هاد زوجي زوجي يا وقحة منك الها وبعدين مين بدو يعرض الزواج انتي؟؟
وبتقعد بتضرب فيها يحرم عليها اذا تركت مكان وما ضربتهم فيه وع وين اكتر شي بيوجعك 😂
والكل عم يطلع عليها ومصدومين من هالشوفة وفجأة بتطفا الاغاني وبحاولوا العالم تخلص هالبنتين من اسيل اللي ما كانت تتركهن😂حتى اجا زين من بين هالعالم وهو حاسس انو هالمشكلة اسيل حاطة ايدها فيها لانو شال عيونه عنها للحظات وما شافها، وبالفعل احساسه كان بمحله وقت شاف هالبنتين بالاراضي واسيل فوقهم وهالعالم عم تخلصهم من ايديها، هون اجته الضحكة لزين وهو عم يطلع ع اسيل شلون عم تضربهن وتفش خلقها فيهن، وبحركة سريعة منه بيشيل زين اسيل ع كتفه وبيعتذر من هالبنتين ع تصرف مرته وبياخدها لمكان فاضي قريب من الصالة وهي طول الطريق عم تقله
اسيل :ولك تركني نزلني لاخلص عليهن لهالندلات ولك تركنييي 😡
وقف زين ونزلها عن كتفه ووقفتها تحت الشجرة وحط ايديه عليها وحكا بعصبية
زين :ولك بدي افهم انو ما بتعيشي بدون ما تتمشكلي مع عباد الله، وبعدين شو عملولك هالبنتين لحتى نتفتيهن متل المجانين اه؟
اسيل بانفعال : لا بالله، شو رايك أوقف واتفرج عليهن وهنن عم يتغزلو بزوجي وانا اضل مصمودة وما اتحرك ولك مو هون المصيبة بس لا وفي وحدة قال بدها تعرض عليك الزواج ولك تفو ع هيك شكيلات
هون زين فرط ضحك وصوت ضحكته كان عالي كتير ونسي انو عنده خطط بهاللحظة ، وهمس فجأة بادن اسيل
زين : بتغاري لهالدرجة؟ 😂
اسيل بانفعال واضح : اي يا سيدي بغار وكتير كمان لسا هي هيام الا وما يجي يوم واورجيها كمان وانت اضحك لاشوفك والله يا زين اذا بدك اتضل تضحك وتاخد الامور بضحكة ومسخرة وانا عم احكي معك بجدية ليجيك الدور😡
رجع ضحك زين من قلبو وضمها لصدرو وهو متابع ضحكته وقال
زين: ولك دخيل الغيور انا، اه بطني رح يطق ولك يا اسيل بربي انك نهفة، الله لا يحرمني منك يا مرتي الغيورة😂😘
وطبع بوسة ع جبينها، وكمل
زين : بس لا تعيديها تمام، لانو العالم اخدت فكرة انك متوحشة 😂😂(بعدين كمل بجدية)ما بتحبيني وكل هالغيرة كيف لو كنتي تحبيني وفات لجو
اما اسيل وقت حكا هيك حسيت انو هي كتير غلطانة بحق زين
اسيل:لك بحبو بس ما عم لاقي الوقت المناسب لقلو لك المشاكل كلها عم تجي ورا بعض
..............................
رجعت اسيل ع الصالة وبركة ع الطاولة مع زين وبعد فترة بتبلش اغنية السلوبمد زين ايدو لاسيل وقلها
زين : عم يرقصو هلئ السلو، بتسمحيلي بهالرقصة يا غيورة
اسيل: اي الغيورة بتسمحلك😑
زين : شبك ابو عبدو عم نمزح معك
اسيل : لا كل هالانوثةوطلعت ابو عبدو😒فعلا يلي استحو ماتو😑
زين : ولك حاجتك دلع يلا تاعي
مشي زين وهو ماسك بأيد اسيل ودخلو الساحة وهنن ماسكين ايدين بعض وبسرعة سحب زين اسيل لعنده حتى لزقت بصدره وحط ايديه ع خصرها وهي حاوطت رقبته بايديها وبلشو يرقصو بكل تناغم والكل عم يطلع فيهن وهنن عم يطلعو ببعض وكأنو مافي حدا موجود بالصالة غيرهن بينو بالفعل متل العشاق ❤️😍 واول ما خلص السلو طبع زين بوسة ع خد اسيل قدام الكل واسيل هالمرة اتشجعت وطبعت بوسة ع خده كمان وبلشو يطلعو ببعض بكل حب واشتياق، هون اجت لاسيل فكرة وهي انها تعترف لزين قدام الكل بحبها بس فاجاها كل الحضور بتصفيقهن لالهن ولمحبتهن واعجابهن لبعض، وهون خجلت اسيل وتلون وجهها متل البندورة ونست شو كانت بدها تقول وما حست الا وزين ضاممها لصدره وعم يمسدلها ع شعرها وهمس بادنها
زين : قبل شوي فتحتي العيون عليك وقت غرتي وهلئ صرتي خجلانة،ولك يسلملي الخجول انا
وقرصها من خدودها
رجعو ع الطاولة اللي كانو قاعدين عليها واشتغلت اغاني حماسية وبلشت هالعالم ترقص وفجأة نطت هيام عند زين مرة تانية وغمزته
هيام : شو ما بدك تولعلنا هالرقصة كمان
طلع زين باسيل وابتسملها وحب يجاكرها كمان لانو عم يستمتع بهالشي وعم يحس اذا ضل يعمل هيك رح تعترفلو بحبها وحكا لهيام
زين : اي شو عليه منولعها كمان
سحبته هيام من ايده وكان زين وهو عم يمشي معها عم يطلع ع اسيل اللي كانت عم تسويله حركة بمعنى بسيطة كل شي بوقته حلو😂ومن هالحركات رجع زين وفرط ضحك وطلعت فيه هيام وقالتله
هيام : شبك ولاك، صاير مجنون اليوم يا حوينتك كنت اركز من هيك قال جوزناك لتركز ولا انجنيت
زين : اي والله بدها تجنني القطة اللي عندي
هيام : ولك شو قصتها قبل شوي ليش كانت عم تضرب هالبنتين يا حرام؟
زين وهو عم يضحك: قال شافتهم عم يحكو علي ويتغزلو فيني ولا ما سكتت وصار اللي صار، والله هالبنت عم توقعني بشباكها يوم بعد يوم
هيام بتوتر : والله يا زين صرت اخاف منها، ولي هي اذا رحت عندك ع البيت واشتغلت والله بتمسح فيني الأراضي عنجد خلص انا ما عاد بدي
رجع زين فرط ضحك وهو عم يطلع باسيل اللي لساتها عم تزور فيه وتتوعدو
زين : والله كل شي وارد، بس أمانة بدي شوف ردة فعلها بالبيت، بكرة من الصبح بتجي عندي تمام
هيام بمزح: اه بس أمري لله، بس والله يا زين اذا بصرلي شي من تحت رأس مرتك انت بتدفع تكاليف المشفى ها
زين وهو عم يضحك : اي تمام ولسى اذا بكرى بتقلي انها بتحبني الك هدية😅
وكملو رقص وعيون زين ما فارقت اسيل ابدا، وفجأة لمح شب طويل وظريف قاعد عم يحكي مع اسيل وماددلها ايده وباين عليه عم يطلب ترقص معه، هون اسيل بتلتفت ع زين وبتغمزه وبتبتسمله وبتمد ايدها لايد هالشب وبتوافق وبتنزل ع ساحة الرقص وبتبلش ترقص بكل إثارة لتغيظ زين اللي صارت عيونه متل الجمر عم تلهب لهيب وما بحس وبيدرا ع حاله الا بكون مزروع قدام اسيل وهو بكامل عصبيته وشاددها لعنده بكل قوة وهو عم يطلع بعيون هالشب بتحدي
زين : مين انت ولاك
الشب : وشو دخلك انت وبعدين ليش هيك سحبت البنت مو عيب عليك
فجأة اجته لهالشب لكمة من زين ع وجهه خلته يتشطح ع الارض وحكا بعصبية وبصوت عالي
زين : عيب عليك انت يا واطي، قال اخد مرتي وعم يرقص معها وشو دخلني
وطلع ع اسيل وزورها
زين : وانت تفضلي معي
طلع زين برا الصالة وهو ماسك بايده اسيل وفتح باب السيارة ودخلها فيه وسكره بقوة وفتل لمكانه وقعد بالسيارة وحكا
زين :شو مفكرة حالك عم تعملي يا فهمانة اه
اسيل باستفزاز : لك لزين عيب يلي عملتو حرام ليش ضرب الشب هادك الشب الحلو ما غلط بشي لازم تروح تعتزر ع تصرفك
زين : لا تجننيني اسيل ليش وافقتي ترقصي مع واحد غير زوجك ليكون مو عاجبك
اسيل : بالله شو انت بتطلع علي وما بتطلع ع حالك ما؟ وانا ليش يا ترا لو جوزي موجود كنت رح ارقص مع غيرو ما انت رحت ارقصت مع هيام وكنت قدامك ولا مالي عاجبتك لحتى كل ما تجي عندك الانسة هيام ما ترفضلها طلب شو انا اجر كرسي ولا شو فهمني
وكملت بانكسار وهي حاطة ايدها ع قلبها
اسيل : عرفت هلئ بشو عم بشعر وقت بتكون مع هيام
زين : ااااااه يا ربي ولك لهلئ ما عم تفهميني ولك هيام مجرد رفيقة مو اكتر والله اما انت رحتي مع شب غريب وما بتعرفيه لتخليني اطق من غيرتي
اسيل فتحت عيونها بفرحة
اسيل : يعني انت غيران كويس حسيت متل ما عم حس مشان ما تمسكها علي
زين : ولك هلئ نسيتيلي الموضوع المهم ورحتي مسكتيلي هالكلمة ولك والله عقلك صغير
اسيل باستفزاز : اي متل عقلك
زين بعصبية : شوو متل عقلي، بسيطة يا اسيل
اسيل : اي لو ماكنت متل عقلي الصغير ما كنت ضربت الزلمة خليته بالاراضي
خلخل اصابعه بين شعره وحكا بهدوء
زين : اااه بس الله باليني بطفلة
اسيل : اي وشبها هالطفلة احلى من هي هيام
هون عرف زين انو اسيل عم تلمحله انو يتغزل فيها وانها احلى من هيام فضحك بصوت عالي
زين : ولك والله انت بتقلبي مزاج الواحد بدقيقة يا اسيل ولك عندي احلى طفلة بالعالم
ضحكت اسيل وطلعت بعيونه
اسيل :هلئ ما بتعرف تشيل طفلة، بس يلا مقبولة
زين : والله وما عم نعجبك
اسيل : لا مو هيك، اقلك خلص خلص خلينا نرجع ع البيت
زين : أوامر تانية اسيل خانم
لفت اسيل اجر ع اجر وقالت بغرور
اسيل : لا ما في شي حاليا
زين : قلتيلي حاليا اه؟ ومصدقة حالها كمان
اسيل :اي يلا يلا بدي نام كتير تعبانة
زين :اي شو عليه
شغل زين السيارة وبعد بشي ربع ساعة وصلو ع البيت دخلو وراحت اسيل لتتحمم وزين طالع أغراضه وقعد يستنى اسيل لتخلص.......
بتطلع اسيل من الحمام وبتكون لافة المنشفة عليها وشعرها عم ينقط مي، شافها زين بهالحالة وحاول قد ما فيو ما يطلع ع منظرها المغري وريحتها الطيبة بعد الحمام وقرر يهرب بسرعة ليتحمم
بتطالع اسيل بيجامة وهي عبارة عن بلوزة نص كم وشورت قطن وبتتشطح ع الفرشة وبتحط راسها وبتنام......
بيطلع زين من الحمام وهو لابس البرنص وبلاقي اسيل بسابع نومة بيبتسم وبيطبعلها بوسة ع خدها وبروح ليلبس وبيتشطح جنب اسيل وبيقعد يلعب بشعراتها وهو عم يتذكر كل شي صار معه اليوم بحط راسه وبينام وقت بتذكر انو بكرة رح تجي عنده هيام، وهو متحمس كتييير ع الشي اللي بدو يشوفه من مرته بكرة
بيفيق زين واسيل من الصبح بكير وبتقعد اسيل بتعمل الفطور وبيفطرو وبعد ما يخلص بتروح اسيل بتشيل السفرة وبتجلي وبكون زين بالصالون وعم يحكي مع حدا ع مبايله وهو عم يدله ع طريق بيتهن
زين : اي ع الشارع الرئيسي بتدخلي ع المفرق الأول ع ايدك اليمين بشارع كبير............ اي البيت التالت ع اليسار........ تمام عم استناكي
اسيل : شو مين جاي لعنا
زين : هي هيام قلتلها مبارحة تجي مشان نشتغل لانو تراكم علينا شوية شغل
اسيل : ما شاء الله عليكن، بالله مو اليوم عطلة وليش حتى تجي لعندك ع البيت
زين : اي وشو فيها قلتلك بدنا نلحق الشغل اذا زاعجتك جيتها انا بروح لعندهت
اسيل : بالله شوو شو تروح لعندها لا مافي خليها تجي بس اليوم والله يصبرني ويمرء هاليوم ع خير
وفجأة بيرن جرس الباب وبيقوم زين وبيفتحه وطبعا كالعادة بتدخل هيام وبتسلم عليه وبتضمه وبتبوسه وبتروح عند اسيل اللي قاعدة وعم تجاريها مجاراة واضحة
زين : اي تفضلي يا حلوة
هيام :تسلم يا قمر
بتطلع اسيل بزين وبتزوره،. بيبتسم زين لاسيل بكل برود وبيدخلو ع البيت وبيتعمد زين يقعد ويشتغل بالصالون لتشوفهن اسيل واول ما ببلشو يفتحو أوراق الشغل بنادي زين لاسيل
زين : ا
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`