الفصل 5
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *أنت.قدري.وما.أحلاك.من.قدر.tt* 🎀🥺
*❴🔢❵الـــبـــــــــــ❴5️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
بعد ما طلع زين من الغرفة حست اسيل بغبيائها بس هو كمان ما سمعها وعصب عليها بس قالت مو مشكلة زين بحبني ورح راضيهااااخ حاسة قلبي عم يوجعني عليه لك اوووف ليش هيك صار
بتضل اسيل بالغرفة وبتروح وبتحكي لسيلين كل شي صار وسيلين ما بيعجبها ردها لاسيل وزين بضل بمكتبوا قاعد وكأنو الدنيا صغرة عليه اول مرة بحياتو بحب ومن قبل كتير بنات حلوين حبو بس هو كان بدو يحتفظ بقلبو لمرتو يلي حبو لالها حلال ...ليش هيك صار معو افكار كتيرة كانت تجول بذهنو كان امشوش وكتير ضايع مو عارف شو يعمل هلق هو مكسور 💔 ومن الانسانة يلي حبها ويلي حبت اخوه
...............
بعد ما صارت الساعة عشرة ونص خلص زين اخد قراروا ما عاد يقرب ع اسيل هو ماعاد فيو يقرب ع مرة تكون معوا وعقلها وقلبها مع حد تاني رح يعيف حبها بقلو وما عاد رح يبينلها ياه رح يتعامل ولا كأنو موجودة
فات ع الغرفة كانت اسيل باركة بالتخت وعم تلعب بهاتفها اول ما فات صار اطلع عليه اخد مخدة وحرام وطلع وقبل ما يطلع قلها
زين:انا ما عاد قرب عليك لاني ماعاد في كون مع وحدة قلبها مو ملكي 💔رح نام بغرفة المكتب ولا تخافي انا ما رح هينك اواعمل شي يدايقك بتمنى انت تعملي نفس الشي وطلع
ضلت اسيل امعلقة عيونها مكان ما كان واقف كانت نبرة صوتو كتير حزينة
اسيل:يصطفل ..اصلا احسن وبالناقص ..ما ضل غير اركض وراه حتى فهمو هو يلي لازم يجي ويفهم مني ومو يحكم ع الموضوع هيك اوووف ياه
عدت هديك الليلة صعبة ع التنين من جهة زين يلي حس انو مالو قيمة عند اسيل ومن جهة اسيل يلي حسة بالذنب اتجاه زين وانو كان لازم تكون الطف
.....................
ما منعرف شو مخبية الحياة لأبطال قصتنا، القدر دائما بدو يلعب لعبتو بطريقة او بأخرى، مهما كابر الإنسان ع حاله فبضل القدر وراه عم يلاحقه طول حياته.
بعد يوم... وتحديدا ع الضهر، بكون صهيب عم يجهز حاله ليروح ع جامعته بحط عطره الرجولي كلمسه اخيرة، بينزل من الدرج وبيتوجه ع الصالون اللي بتكون فيو امه وابوه واخته نورسين اللي بتكون رجعانة بهداك الوقت من الجامعة،. بيتوجه صهيب عند امه وببوس ايدها وبقول
صهيب : بخاطرك امي رايح ع الجامعة،بدك شي اجبلك ياه معي؟
ام مجد : لا يا ابني ما بدي غير سلامتك الله معك يا ابني موفق، الله يوفقك ويسعدك
صهيب : تسلمي يا غالية
بيروح عند ابوه وببوس ايده
صهيب : بخاطرك بابا، بتؤمرتي بشي
ابو مجد : الله معك يا ابني، انتبه ع حالك
صهيب : بخاطرك نورسين
نورسين : الله معك
بيطلع صهيب من البيت وبيركب سيارته وبشغلها وهو عم يتحرك بينتبه ع سيلين طالعة من بيتها وهي عم تبكي ( طبعا سيلين عايشة بنفس الحي اللي عايشين فيو عيلة ابو مجد)
في شي جواتو بينزعج وقت بتكون زعلانة وبحركة لا إرادية بحرك صهيب السيارة باتجاهها وبنزل الشباك وهو عم يحكي
صهيب : شبك يا حلو ليش عم تبكي
سيلين ببكي : بلا مزحك البايخ صهيب ما بدي اشوف حدا خلص افرقني بريحة طيبة
صهيب : اي ما حزرتي، يلا اركبي
سيلين بترجي : ولك صهيب حل عني دخيل الله مو طايقة حالي
بينزل صهيب من السيارة وبيتوجه ناحية سيلين اللي بلشت تركض وصهيب يركض وراها حتى مسكها وحطها ع كتفه وهي عم تلبط باجريها وتضربه وتصرخ😂❤️
سيلين : ولك نزلنييييي والله بشكيك لخالة ام مجد والله
صهيب بضحكة عالية : هههههههه اي اشكيني مالي خايف
بيرجع صهيب ع السيارة وبحط سيلين بالمقعد اللي جنبه وبسكر الباب وبلف ع الطرف التاني ليقعد بمكانه واول ما بيدخل ع السيارة وبيقعد بتخبطه سيلين بوكس ع كتفه بتوجعه فيه
صهيب : ااااخ ولك انتي متأكدة انك من الجنس اللطيف عليم لله ضربتك يالطيف، تضربي بشكلك وبشكل اللي بدو يراضيكي
سيلين : اي مو قلتلك مالي طايقة حدا 😑
صهيب :احكيلي بالله شو صاير معك وليش عم تبكي
وهون سيلين بترجع تبكي وبتحكي
سيلين : ولك كل ما بيجيني عريس ما بعجبه كلهن ما بدهن ياني 😭💔والله مليت، تعبت، ما عاد بدي حدا ااااااكلهن بدهن ياني اتصنع ااااااوقال كمان انو انا شكلي مو حلوقال بحبو البنت تضحك بهداوة وما تفتح تمها وقت حدا ببهدلها وانا كل هالشي ما عندي ياه اااااامو بأيدي والله مو بأيدي ما بحسن اسكت اذا حدا بهدلني وضحكتي بتطلع بشكل عفوي بغير ارادة مني وانا ما خرجي اتصنعلهن كل شي 😭لهيك انا مليت قرفت الكل حاج تعبت ااااااا
بقرب صهيب من سيلين وبضمها وهو عم يحكي
صهيب : المفروض ما تبكي ع هيك شكيلات، المفروض تفرحي انو الله بعدك عن عالم ما هي مقدرة الشي اللي قدامها، وبعدين مين الحمار اللي حكا عن شكلك انو مو حلو ولك هادا بهيم، شو مالك شايفة شقد ملامحك ناعمة وانثوية، وليش لتسمعي من عالم ما بتفهم
بتوقف سيلين عن البكي وبتبعد عن صهيبي وهي عم تمسح دموعها بخجل وفجأة بتضحك
سيلين : اي والله عنجد بهايم شو مالهن شايفين ملاك قدامهن
صهيب : اي هيك ها، هيك بدي ياكي،. شو اي كلمة غبية بتطلع من واحد غبي بتردي عليه
سيلين : اي بس جرحوني بهالكلام ومو واحد ولا اتنين اللي حكو
بحط صهيب ايديه ع كتاف سيلين وبيحكي
صهيب : ولك أن شاء الله يكونو مية، خليكي قوية وواثقة بحالك، مشان ما حدا يهزك بكلام مالو طعمة
سيلين : اي والله معك حق، خلص انا ما عاد برد ع هيك عالم...........
بتصفن سيلين شوي بصهيب وبعدا بتحكي بشهقة
سيلين : ييييييي ولك اخرتك ع جامعتك، مو قلتلك روح، ولك شقدني غبية ليش ضليت، يااااي والله هلئ محاضرتك الأولى بتكون خلصت روح لحق التانية يلا سلام
بتجي لتطلع وفجأة بتحس ع حدا سحبها من ايدها ورجع قعدها ع مقعدها
صهيب : لا يا ستي مافي روحة وبعدين انا هلئ بطلت اروح ع الجامعة اصلا هية هالكم محاضرة اليوم باخدهن من رفقاتي، تاعي بدي اخدك ع مكان كل البنات بتحبه
سيلين بشك : وانت شو عرفك انو هالمحل كل البنات بتحبه ليكون......
صهيب : بلا هبل وليك، رأسا فكرك بشطح، ولك مو اخواتي بنات ولا شو 🤨
سيلين : اي اشبك عم نمزح معك خيو
صهيب : لا عم تتقلي دمك
سيلين : تمام تمام، يلا خدني بسرعة😁
صهيب : كني رجعتي لطبيعتك ما عدتي بحاجة تروحي ع شي محل، خلص قومي
سيلين : اي اذا هيك الشغلة هلئ برجع ببكي😒
صهيب : لا دخيل الله ناقصني تنقبيلي ادني
سيلين : بالله شو، خلص بطلت، انا رايحة سلام
بتجي لتفتح الباب وبيرجع صهيب برجعها وهو فارط ضحك
صهيب : خلص خلص، عم بمزح يلا خلينا نروح
سيلين :اي يلا، بس لا بقا تتغالظ
صهيب : اوامر تانية يا خانم
سيلين بضحكة عالية : لا ما يؤمر عليك ظالم، خلينا نروح خلصنا
بينطلق صهيب بسيارته هو وسيلين وبوصلو ع مول كبير كتير فيو محلات ملابس وفيو صالة كبيرة للألعاب، بتنزل سيلين بسرعة من السيارة وهي فرحانة متل ولاد صغار وبتفتح لصهيب باب السيارة وبتقله
سيلين : يلا يلا بسرعة خلينا نروح ع الالعاب🤩🤩
صهيب : اي هدي هدي، لما يطقلك شي عرق
بيطلع صهيب من السيارة وبيقفلها بجهاز التحكم وفجأة بتمسكو سيلين من زندو وهي عم تنطوط وبتحكي
سيلين : يلا يلا
وبتسحبه وبتمشي قدامه وهي ماسكة ايده، وصهيب حس انو الوضع غريب بس اللي بيعرفه انو قلبه عم بفرفح وقت بقرب من سيلين،. ما عرف شو هو هالشعور بس عجبه كتير ومشي وراها وهو عم يضحك على عفويتها متل الاولاد الصغار😂❤️اما سيلين كانت فرحانة انو في حدا هامو امرها وما بحب زعلها وكمان هي كانت بتعز صهيب كتير وبتعتبرو متل اسيل اخوها
بيدخلو ع صالة الألعاب وع حظهم بتكون شبه فاضية ما بكون فيها الا أشخاص معدودين لانو لسا الضهر والعالم بتتوافد ع المولات بالمسا، بتترك سيلين ايد صهيب وبتوقف قدامه وهي حاطة ايديها ورا ضهرها وبتحكي
سيلين : شو رايك نبدا بالسيارات بحبها كتيييير
صهيب : اي يلا خلينا نبلش
سيلين : وهي حلوة خلينا نجربها
صهيب : تمام امشي قدامي
سيلين : صهيب، صهيب تعا بسرعة ياااي ما أحلى هالدودة بدي اركب فيها
صهيب : بربك سيلين، ولك هي للولاد الصغار اصلا يمكن ما بتوسعك
سيلين : لا بتوسعني مجربتها من قبل واطمن بتوسعك كمان وشو فيها اذا كانت لولاد صغار خلص انا هلئ صرت طفلة، يلا امشي امشي
صهيب : اه يا ربي انا ايش بلاني فيكي، كنت طعميتك بوظة وريحت حالي ضروري انقلع واجيبك ع مدينة ملاهي
سيلين : شو يا بعدي ليكون ندمان بس بتعرف ذنبك ع جنبك بدي انبسط هلئ بكفي النكد اللي كنت فيو قبل شوي
بتمشي سيلين قدامه وبتدخل ع اللعبة بيلحقها صهيب وبيقعد جنبها وبيحكي
صهيب :انت مجنونة حرفيا، مو عيب عليكي ولك اللي وراك واللي قدامك ولاد صغار🤨
سيلين : اي وانا كمان بنت صغيرة
بتخلص اللعبة وبينزل صهيب وسيلين منها طبعا سيلين كانت مكيفة وابتسامتها ما فارقت وجهها ابدا واما صهيب فكان كتير مبسوط لانو سيلين فرحت وكل ما كانت تبتسملو كل ما كان قلبه عم يطلع من محله اكتر 😍❤️
صهيب : ديه يلا نقي اخر لعبة لنلعب فيها وبعدين خلينا نروح ع السوق شو رايك؟
سيلين : عنجد، ياااااااااااااي
صهيب :بربي طفلة
سيلين : اي شو رايك بالقلابة حلوة كتير وبتبين المدينة منها
صهيب : اي ما عندي مانع، تفضلي
بيتوجهو ع القلابة وهنن ماشيين جنب بعض بوقفو ع الدور، وهنن واقفين بتصدم بنت صغيرة عمرها تلات سنين بسيلين، بتلتفت سيلين عليها واول ما بتشوف البنت بطير عقلها فيها وبتنزل لمستواها وهي عم تحكي معها وتتصغرن متلها، بتحملها وبتقلها
سيلين بحنية : خبريني وين الماما يا قطة😍
البنت : امم انتي.... ماما.... انا حبك كتيير
سيلين : ولك دخيلو انا ولك وانا والله حبيتك يا أمورة،طيب وين البابا؟❤
بتاشر البنت ع صهيب، هون صهيب بيفرط ضحك هو وسيلين وبيحملها وبيحكي
سيلين : صهيب طلعت انت بابا
صهيب : انا بابا؟؟؟
البنت : اي... انت بابا... وهية ماما.... انا حبكن كتير وبعدين انتو مو متزوزين امم انا بثير بنتكن معلث؟
صهيب : ولك اي معلث معلث، دخيل الحلوين انا، خلص اذا بدك انا بصير بابا وهي بتصير ماما، لبين ما نلاقي اهلك ماشي يا عسولة؟؟؟
البنت : ماثي
سيلين : شو رايك تركبي معنا بالقلابة يا حلوة؟
البنت : ياااي اي اي بدي اركب🤩
بصير دورهن وبيركبو بالقلابة واول ما بتبلش تدور فيهن بتنزل البنت الصغيرة من حضن صهيب وبتروح عند سيلين وبتقلها
البنت : ماما... بدي اقعد بحدنك لانو انت دافية اكتر من بابا
بتفرط سيلين ضحك هية وصهيب ع كمية اللطافة اللي بهالبنت وبتحكي
سيلين : اي تاعي لهون تاعي، طلع البابا ما عندو دفا قلتيلي
بتقعدها بحضنها وبتطلع بصهيب اللي كان صفنان فيها وبهالبنت وبتحكي
سيلين :شو وين صفنت؟؟؟
صهيب : ولا شي بس كنت عم فكر اذا صرتي ام شقد رح تكوني ام حلوة وحنونة❤️
بتخجل سيلين وبيحمر وجههاو بترتفع حرارتها
بتحط البنت الصغيرة ايدها ع خد سيلين وبتحكي وهي موجهة كلامها لصهيب وعم تزوره
البنت : بابا بابا ليث هيك حكيت مع ماما ثوف ارتفئت حرالتها يا هرام قوم راديها يلا لانو انا ثوبت بحدنها من كتر ماهي ثاخنة😡
بيضحك صهيب من كل قلبو ع حركات هالبنت ولطافتها وكلامها اللي اكبر من عمرها، بقوم وبيقعد جنب سيلين اللي كانت متجمدة بارضها ووجهها احمر🤭 وبيحكي مع البنوتة
صهيب : تاعي لهون مو شوبت بحضن ماما، تاعي لحضن بابا مو حضني بارد
بتمد البنت ايدها عنده لياخدها صهيب من سيلين اللي كانت عم تراقب بصمت بدون ما تطلع بعيون صهيب، بقعد صهيب البنت بحضنه وببلش يلعب معها وفجأة بتقرب منه البنت وبتهمس بادنه بصوت مسموع
البنت : بابا لاذم ترادي ماما روح بوثها واعتذر منها، ثوف مو حرام، ذعلانة وبتلت تهكي
بيضحك صهيب ع ذكاء هالبنت وبقلها
صهيب : بس الماما ما بتريد حدا يبوسها، بعدين بتزعل اكتر
البنت : اي بث انت مو هدا انت زوزها صح؟؟ يعني معلث ما بتحكي ثي، روح روح يلا ثالحها😇
هون بتفرط سيلين ضحك من عفوية هالبنت وتفكيرها اللي اكبر من عمرها ووقت بشوف صهيب ضحكتها بفرفح قلبو وبيقرب منها وبيطبعلها بوسة ناعمة ع خدها، بتجفل سيلين وبيرجع وجهها بصير احمر متل البندورة 😂❤️
صهيب : شبك مو نحن متجوزين مو انا زوزك 😂
سيلين بخجل وعصبية : ومصدق كمان يا بعدي
البنت : بلافو بابا بلافو👏😌ماما لاذم تقبلي اعتذار بابا لانو باثك وثالحك يلا يلا دولك هلئ
سيلين بخجل : شو دوري ما دوري، بعدين يا حلوة انا ما كنت زعلانة ابدا من بابا بس هلئ خلاني ازعل اكتر
البنت : اي بث ليث مو هرام بابا، اتيه بوثة ع حده متل ما أتاكي، لازم ما تزئلي ابدا ابدا، ثح بابا؟
صهيب : صح يا عمري 😂
سيلين بعصبية : اي انت اضحاك لاشوفك انا بورجيك
صهيب : مو بأيدي، هالبنت بحياتي ما شفت متلها، ما شاء الله عليها
سيلين : اي والله معك حق بحياتي ما شفت متلها
البنت : اي كويث تثالحتو
بتفتح البنوتة ايديها وبتلف سيلين وصهيب وبتطبع بوسة ع خد كل واحد منهن🤗😘
بيضحكو ع تصرفها الطفولي والحلو كتير وببادلوها الحضن وكل واحد منهن ببوسها ع خدها من طرفه
بتوقف القلابة وبيخلص دورهن وبينزلو منها وبكون صهيب ماسك البنت من ايد وسيلين مسكتها بالايد التانية وهنن فرحانين ومبسوطين وخصوصي هالبنت كيفت كتير 😍😂
بتوقف القلابة وبيخلص دورهن وبينزلو منها وبكون صهيب ماسك البنت من ايد وسيلين ماسكتها بالايد التانية وهنن فرحانين ومبسوطين وخصوصي هالبنت كيفت كتير فجأة بتقول البنت
البنت : بابا بابا بدي اسرب اصير معلث ؟
صهيب : اي مو تكرم عينك يا أمورة، هلئ بشتريلك احلى عصير 😘
البنت : يسلمو بابا، انا حبك كتيير
فجأة بيجي صوت مرة من بعيد عم تنادي وصوتها مخنوق من البكي
المرة : قمر...... بنتي
بتلتفت البنت وبس شافت امها وتبوها بتركض لعندهن وهي عم تبكي وتحكي
قمر : ماما.. باباوين رحتو وتركتوني ااااااا
بتحمل المرة بنتها وهي عم تلفها هية وابوها وعم يبوسوها وكل هالشي كان تحت أنظار سيلين وصهيب اللي اتاثرو كتير من هالمشهد
ام قمر : ولك وين كنتي، ليش تركتي ايدي مو قلتلك ما بصير تتركي ايد الماما صح ولا لا؟
قمر : ثح انا اسفة........ ماما ماما تاعي ثوفي هدول ماما وبابا تانيين، ركبوني معهن بالقلابة وكانو كتير هبابين معي كتير، والله وما خفت معهن 🤗
بتكون قمر عم تاشر ع سيلين وصهيب بكلامها وامها وابوها عم يطلعو عليهن وهنن عم يبتسمولهن بكل امتنان
ام قمر : بتشكركن كتير كتير، الحمد الله انها وقعت بين ايدين عالم وناس متلكن والا لو كانو ولاد حرام الله يعلم شو كان صار فيها وفيني، عنجد يسلمو كتييير والله مالي عرفانة كيف اتشكركن ع السوا، بس شو رايكن اعزمكن ع الغدا، أمانة ما ترفضولي هالطلب اعتبروها متل هدية لأنكن درتو بالكن ع بنتي
سيلين : والله يا خالة ما في داعي، يعني نحنا شفناها ضايعة وكان دورنا بالقلابة فلعبناها معنا وكنا بدنا ندور عليكن وهينا لقيناكن، فما في داعي وبعدين بنتكن ما شاء الله حولها ما بتعذب طاول وبتنحب وبتفوت ع القلب بسرعة بحركاتها وبحكياتها الله يحميلكن ياها
ام قمر : الله يسلمك يا رب، بس لا تخجلوني هالمرة لو سمحتو ما هيك ابو قمر؟
ابو قمر : اي لكا ما بصير وما رح اقبل منكن اي اعتراض
صهيب : بس يا عمو...
ابو قمر : مافي بس يلا تفضلو قدامي، نفذ ثم اعترض يلا
بوقف صهيب وقفة معتدلة وبأدي التحية العسكرية وهو عم يحكي
صهيب : حاضر سيدي
بيضحك الكل ع خفة دم صهيب وبعدها بيحملو حالهن وبروحو ع قسم الاكل بالمول وهية عبارة عن صالة كبيرة كتير محاوطة بكل محلات الاكل بكل انواعه
ابو قمر : اي تفضلو تفضلو، شو بدكن تاكلو لنطلب
صهيب : والله اي شي مناكله ما عنا مانع متل ما بدكن انتو، مو هيك سيلين؟
سيلين : اي والله ع ذوقكن نحنا اي شي مناكله
قمر : اي لكن بدنا ناكل بيتذا ثو رايكن
سيلين : ولك دخيلو انا، متل ما بدك يا عسولة خلص نحنا بدنا بيتزا
بيروح ابو قمر وصهيب ليشترو بيتزا وبيتركو ام قمر وسيلين وقمر ع الطاولة عم يحكو مع بعض ويدردشو، بيرجعو صهيب وابو قمر ع الطاولة وبحطو البيتزا ع الطاولة وبيقعدو يمزحو ويضحكو مع بعض وفجأة بتحكي ام قمر بمكر
ام قمر : والله ما شاء الله عليكن لابقين لبعض كتير، شقد صرلكن بشهر العسر بالله 🤭
بطلع صهيب ع سيلين وهو مصدوم ووجهه احمر وطبعا سيلين ما كانت احسن بالمرة تلون وجهها بالوان قوس قزح
ابو قمر : ام قمر شو هالحكي هيك بتخجلي الاولاد ع كل الله يهنيكن يا ولاد وان شاء الله زواجة الدهر
صهيب :بس نحنا......
ام قمر : خلص خلص ابني بعرف خجلتكون اسفة ما في داعي لتبرر يلا الله يهنيكن يا ولاد ويرزقكن الذرية الصالحة
سيلين : اي بس...
بقاطعها صهيب وهو عم يبتسم ابتسامة هبلة
صهيب : تسلمي يا خالة
بتدعس سيلين بكعبها ع اجر صهيب من تحت الطاولة وهية عم تزوره بعتب وهو فجأة بنط وبيصرخ
صهيب : ااا ولك يا..... اااا...
ابو قمر : بسم الله شو صرلك يا ابني
صهيب وهو عم يكتم وجعه بكل قوته وهو عم يطلع ع سيلين بابتسامة واسعة
صهيب : ولا شي عمو ولا شي، بس في قطة مشاغبة كني خرمشتني وهربتبتكتم سيلين ضحكتها ع حجة صهيب وبكملو حكي وهنن عم ياكلو، بخلصو اكل وبيساذنو يروحو لانو لسا عندهن فتلة بالسوق........
سيلين : صهيب صهيب.. ولك صهوبة شبك شارد
صهيب : اا ولا شي، شو في؟
سيلين : تاعا شوف هالفستان ما احلاه ولك بجنن بشل بموت ااااا بالله مو حلو؟
صهيب : اي حلو كتير، ادخلي قيسيه
سيلين : عنجدياااااااااااااي🤩
صهيب : اي عنجد يلا روحي ع غرفة القياس وانا بتلاقيني ع هالكرسي عم بستناكي
فجأة بتنط سيلين ع صهيب وبتضمه لا شعوريا بكل قوتها وعيونها مدمعين
سيلين : صهيب عنجد شكرا كتييييير ❤️
بينصدم صهيب من ردة فعل سيلين بس بتعجبه كتير وبكون قلبه عم يدق كأنه عم يتسابق بالماراثون بس ما خبى ع حاله انو هالشعور اللي حس فيو اليوم عجبه كتير، بمسدلها ع شعرها وبيشرع بالحكي
صهيب بحنيه : عفوا، بس مافي داعي هاد واجبي، يلا روحي قيسي هالفستان خلينا نشوفه عليكي
بتروح سيلين بتقيس الفستان اللي كان عبارة عن فستان قصير كتير لفوق الركبة بلون ابيض وقماشته مرسمه بالورود وبيزينه فراشات ع طرف الياقة وباخر الفستان، كان كتير حلو واكابرلي
بتطلع سيلين من غرفة القياس وبتلاقي صهيب قاعد ع الكرسي وعم يشتغل ع موبايله واول ما بينته عليها بسكر المبايل وبوقف ع حيله وهو بحالة صدمة من جمال الفستان ع سيلين كان عم يطلع عليها ومو قدران يشيل عيونه عنها، بتخجل سيلين وبتنزل راسها وبتحكي
سيلين : اي.. شو رايك☺️
صهيب : كتير حلو
وبقرب منها
صهيب بهمس : بس اللي حلاه انت😍
بتخجل سيلين كتير وبترتفع حرارتها وبتصير متل البندورة وبتتلبك وما بتعرف شو بدها تحكي من الخجل بشوف صهيب كيف صار شكلها اللي عم يعجبه كل ما خجلت وتوردت خدودها وبيحكي وهو عم يقرص خدودها ليخفف من جو التوتر
صهيب :ولك والله بتناكلي يا سيلو يلا روحي اشلحيه وعطيني ياه لاشتريلك هو
سيلين بصدمة : عنجد عم تحكي
صهيب : اي عنجد، لكن ما شفتيه شقد لبقلك كتير طالع بطير العقل يلا يلا عجلي
سيلين : اي بس غالي كتير انا بس كان بدي قيسه وشوف شكله علي مو اكتر
صهيب : اي واذا غالي، بعدين اعتبريها هدية مني الك وما رح اقبل اي اعتراض يلا امشي
سيلين : صهيب كلمة شكرا ما بتوفيك حقك
صهيب : ولك يلا امشي
بتروح سيلين لتشلح الفستان وصهيب عيونه ما فارقتها ابدا وهو عم يبتسم باعجاب ملحوظ 🤭
بتطلع سيلين وبتعطي الفستان لصهيب ليشتريه وبتقله
سيلين : صهيب سابقتك ع السيارة ماشي؟
صهيب : تمام
بتطلع سيلين بسرعة وبتكون فرحانة كتير وبتقرر تشتريلو لصهيب هدية، بتروح ع محل للعطور الرجالية وبتنقي عطر فخم وريحته بتدوب اللي بيمشي من جنبه بتطلب من البياع يغلفلها ياه ويكتب ع البطاقة (شكرا كتير ع هاليوم الحلو ما رح انساه بحياتي) وبحطلها بكيس صغير، بتروح بسرعة ع السيارة وهي عم تدعي انو يكون صهيب لسا جوا عم يحاسب بس انصدم وقت شافتو واقف عند السيارة ومكتف ايديه وعم يزورها
صهيب : شو يا خانم مو ع اساس سبقتيني ع السيارة وين كنتي🤨
سيلين بتوتر : اممم ااا اي اي عطشت ولا قلت بروح عند شي دكان وبطلب مي وبرجع ع السيارة
صهيب عرف انو مو على بعضها وانو في وراها ان، بقرب منها وبيحكي
صهيب : ايواا بس كانو كان في السيارة قنينة مي وانت شربتي فيها ولا لا
سيلين بتوتر : اي نسيت
بقرب صهيب لعندها اكتر ومع كل خطوة بتحس سيلين قلبها عم يطلع من محله
صهيب : عنجد
كانت بدها تعملها مفاجأة بس قررت تكشفها بما انو ما ضللها مهرب
سيلين : ولك تمام تمام رح خبرك
طالعت الكيس من شنتايتها وعطتو لصهيب اللي تفاجأ فيو
سيلين :كنت بدي اعملك ياها مفاجأة بس ما حسنت 😣
بيطلع صهيب بالكيس
صهيب : شو المناسبة، وشو في جواته
سيلين : ما في مناسبة معينة بس كمان انت شو المناسبة اللي خلتك تشتريلي الفستان، وبعدين اللي جواته بناسبك كتير انت وشخصيتك ان شاء الله يعجبك
صهيب : شو ما كان رح يعجبني، مو منك
خجل سيلين وغيرت الموضوع بسرعة وبتحكي
سيلين : اااا كانو اتاخرنا يلا خلينا نطلع
بتطلع سيلين ع السيارة وهي عم تبتسم بسرها وبكون صهيب واقف مكانه وعم يبتسم ع برائتها وخجلها، بيطلع بسرعة ع السيارة وبشغلها وهو عم يطلع ع سيلين اللي عم تراقبه كمان وما شالو عيونهن عن بعض وبيحكو بنفس اللحظة مع بعض
صهيب : شكرا
سيلين : شكرا
بطلعو ع بعض وفجأة بيفرطو ضحك سوا، بينطلق صهيب بالسيارة وكل شوي بيخطفله كم نظرة ع سيلين اللي هية كمان كانت نفس الشي🤭
بيوصل صهيب عند بيت سيلين وبيحكي
صهيب : وهي وصلنا، تفضلي
سيلين بتوتر : ش شكرا كتير ع هاليوم كان اسعد يوم بحياتي شكرا عنجد، يلا سلام
بتنزل بسرعة من السيارة تحت أنظار واحد ابتسامته ما فارقته وقلبه ما كان يرضى يوقف ابدا💓
بيروح ع البيت بصف سيارته بالكراج وبيطلع بسرعة ع البيت وبسلم على عيلته وراسا بيتوجه لغرفته وبسكر الباب وبيطالع الهدية من الكيس اللي بتكون مغلفة باللون الابيض وملفوفة بشريط احمر، بيفتحها بسرعة وبشوف بقلبها عطر وملاحظة مكتوبة ببطاقة ع شكل دبدوب صغير بيفتحها وبيقرا اللي جواتها وهو عم يسرح بخياله وعم يبتسم ويتذكر حركاتها وتصرفاتها العفوية وكيف عطته الهدية وهية متوترة وكل تفصيل فيها ❤️ بحط صهيب ايده ع قلبه وبيحكي
صهيب بهمس : معقول اللي عم حس فيو
بتطلع نورسين من وراه بهدوء فجأة وبتحكي بهمس
نورسين : بشو عم تحس حسسني معك
صهيب : بسم الله الرحمن الرحيم ولك انت من وين اطلعتي😤
نورسين : اشبك خيو ولك عم نمزح معك هلئ جيت من اول ما حطيت ايدك ع قلبك وقلت معقول اللي عم حس فيو
كانت نورسين عم تحكي وتمثل بشكل درامي وهي حاطة ايدها ع قلبها وايدها التانية ع جبهتها
نورسين : بالله بشو حاسس ولمين هالاحساس فجأة
صهيب بعصبية : نورسين انقلعي برا الغرفة يلا ما بدي اشوف خلقتك عندي يلا برا برا
نورسين : ولك تضرب منك لغرفتك شقدني متشردقة فيها بس بالله هالعلبة المغلقة مين عاطيك ياها او الاحرى مين اللي عاطيتك ياها
صهيب : نورسين برا
نورسين : تمام تمام رايحة
بتطلع نورسين من الغرفة وهي عم تضحك وفرحانة ع اخوها انو أعجب بسيلين
لانو نورسين كانت واقفة ع الشباك وشافت سيارة صهيب وقفت عند بيت سيلين وطلعت منها سيلين وهو كان عم يبتسم متل الاهبل بالسيارة هون عرفت انو اخوها صار معجب فيها، ومن حماسها عملت اللي عملته😂😂......
.......................يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`