الفصل 4
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *أنت.قدري.وما.أحلاك.من.قدر.tt* 🎀🥺
*❴🔢❵الـــبـــــــــــ❴4️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
بعد اسبوعين...
بكونو اسيل وزين راجعين من فرنسا 🇫🇷 والكل عم يستناهم في المطار ليستقبلوهن، بينزلو من الطيارة وبكونو عم يتممو إجراءات الدخول وبيستلمو شناتيهن وبيتوجهو ليطلعو على قاعة الاستقبال ليلاقو عيلة زين وعيلة اسيل كلهن متجمعين وعم يستنو على احر من الجمر، هون اسيل بتروح عند امها وابوها وبتبوس ايديهن
ام اسيل : الحمد لله ع سلامتكن بنتي
اسيل: الله يسلمك يا روحي
ابو اسيل : كيفك بنتي الحمد لله ع سلامتك
اسيل : الله يسلمك يا غالي ويديمك تاج فوق راسنا وانا الحمد لله منيحة كتير وخاصة بشوفتكن
صهيب : ولك تاعي لهون تاعي شو ما اشتقتيلي🤗
بتروح اسيل عند اخوها وبتضمه بقوة
اسيل : وشلون ما بدي اشتاق لاحلى اخ بالدنيا كلها
مجد : احم احم وانا وين رحت
نورسين : وانا كمان تضربو بشكلكن انتو الاتنين خلص نحنا زعلنا ما هيك مجودي
مجد : اي والله اصلا الحق مو ع حدا الحق ع اللي اجا ليستقبلها
بتروح اسيل بتنط عليهن وبتضمهن تنيناتهن بقوة
اسيل : ولك شو كل هالغيرة والله بحبكن كلكن
نورسين : خلص خلص ما بدي اخرب هالفرحة هلئ رح نصدقك
بيجي زين من وراهم وبروح عند عمه وحماته وبسلم عليهن واسيل بتعمل نفس الشي مع عيلته بتسلم عليهن واحد واحد لحتى وصلت عند بنت ما شافتها بعرسها
بتسلم عليها وبتحكي هالبنت،
اية : كيفك شو اخبارك انا اية اختة لزين، بعرف هلئ تفاجئني انو عندو اختلاني ما حضرت عرسكن بس شقد تمنيت احضره بس للاسف سوا عرسه وانا بكندا هالخاين
اسيل :تشرفت بمعرفتك
اية :والله يا مرت اخي قالولي انك كويسة وحلوة وقمر بس ما توقعت بتطيري العقل لهالدرجة
اسيل بخجل : ولك تسلمي، عيونك الحلوة
زين : شكلكم تعرفتو ع بعض لحالكن ما شاء الله
اية : شو يعني بدنا نستناك ولا نستأذن منك استاز زين ليكون بعلمك انا لهلئ زعلانة منك لأنو ما استنيتني هالكم يوم لاجي
زين بحنية : يا قلبي يا اختي الحلوة شو اعمل لك إذا بابا بدو ياني استعجل مشان ارجع ع الشغل بسرعة، واصلا حتى ما سوينا شهر عسل متل العالم كلها، شوفة عينك اسبوعين عسل بس مو لازم تعذريني هلئ يا غالية
قربت منه اية وضمته وباسته ع خده
اية : ولك انت شو ما سويت معذور يا قلبي انت دلولي اشتقتلك يا عمري
زين : وانا اكتر يا روحي
وطبعلها بوسة ع جبينها
زين : تاعي اسولة بعرفك مرة تانية هي اختي الكبيرة اية هية متزوجة صرلها أربعة أشهر وهي عايشة بكندا مع زوجها وآية هي مرتي الحلوة اسيل ❤
اية : لسا في شغلة تانية ما ذكرتها..
زين :شو هي؟؟؟؟؟؟
اية : انا حامل وصرلي اسبوع
زين بصدمه ممزوجة بفرحة : عنجد
اية : اي عفتلك ياها مفاجئة
زين : والله واحلى مفاجئة يعني رح صير خال
كانت اسيل عم تطلع ع زين وشلون صار متل ولاد صغار وهو فرحان انه رح يصير خالضحكت ضحكة عفوية وحكت
اسيل : الله يتمملك ياها ع خير وسلامة يا رب وان شاء الله بيطلع متلك حلو وظريف
اية : ولك تسلمي مرت اخيعقبال عندك، بدي شوف قطقيطكن
اسيل طلعت بزين بخجل وهو بادلها نظرة حب وهو عم يطلع تطليعه شوي شريرة
اسيل : لسا بكير ع هالحكي شوي😳د
زين : حكت ملكة قلبي انو لسا بكير فأنا عندي كمان بكير
هون بتتدخل ام اسيل وأم زين وبيحكوا
ام اسيل وام زين مع بعض : والله نحن ناطف قلبنا ع شوفة احفادنا قال بكير قال😂
هون الكل بلش يضحك لانو طلعت هالجملة منهن مع بعض الا اسيل اللي كانت مو متخيلة انو يصير عندها اولاد من شخص هي ما بتحبو ورغم انو بهالاسبوعين بفرنسا ما ترك زين مكان الا وفرجاها ياه لاسيل اللي كانت تقعد وتجامل وتساير زين مسايرة طبعا زين كان حاسس ع اسيل انها ماهي مرتاحة وبحاول يريحها بكل شي بس هية ما كان يعجبها العجب
زين:اي شو وينوا ادهم ليش مو جاي معكم
ايه:ليش ما دريت هالمغضوب اخوك ئال شو ما عجبتوا البركة هون ورجع ع دبي من اسبوع اهلك فاقوا ما لقوه ع هالاخوة يلي عندي
زين:مو مشكلة هو من البداية مو حابب هالبلاد
ام زين :الله ييسرلوا ويسعدوا وين ما كان وبعدين خلي يخلص دراستو وبعدها امجوزتو وحاطتتوتحت جناحي
زين : امين طيب هلئ اعذرونا يا جماعة اليوم شوي تعبانين من السفر فبدنا نرتاح اليوم وبكرا بإذن الله منقعد ومنحكي ومنزوركن كلكن شو قلتي اسولة؟
اسيل : اي والله معك حق
ام زين : معناها نحن رايحين ع بيوتنا بس لزمكن شي اتصلو تمام
زين : تسلمي يا غالية، يلا بخاطركن
وراح بأس ايد امو وابوه وعمه وحماته
واسيل عملت نفس الشي وودعو بعض وكل مين راح ع بيته....
بيدخل زين اللي كان حامل الشناتي وبفوتهن ع البيت وبتلحقه اسيل.
زين : انا رايح اتحمم، ويمكن بعدها انام شوي
اسيل : وعبين ما انت تتحمم بكون رجعت الأغراض ع الخزانة، وإذا بتقدر تطلبلنا اكل جاهز ما عندي مانع لاني صراحة تعبانة من السفر
زين : اي مو تكرم عينك حبيبتي
بروح زين ليتحمم واسيل بترجع الأغراض ع الخزانة وبترتب شوي البيت ولما خلصت فتحت ع التلفزيون وقعدت تتفرج، وما بتحس الا ايد اجت ضمتها من ورا وهمس بصوت حنون : بحبك
هون اسيل ماعرفت شو تعمل او شو تحكي فدرات حالها عنده وبلشت تطلع فيه
اسيل : نعيماً
زين : الله ينعم عليك، شو ما بدك تتحممي
اسيل : اي يلا هلئ قايمة وانت لا تنسى تطلب الاكل لاني عنجد جوعانة
بحط زين ايديه ع وجهها وبيطبعلها بوسة ع خدها وهو مبتسم
زين : شو بتحبي تأكلي ع الغدا يا قلبي
اسيل:اي شي ع ذوقك
زين : معناها روحي تحممي عبين ما تتحممي بكون جبت اكل جاهز وجيت
اسيل : تمام
بتروح بتتحمم اسيل وبيطلع زين برا البيت ليجيب غدا..... بعد فترة قصيرة بتطلع اسيل من الحمام وبتلبس بلوزة سودا وبندكور لتحت الركبة وبتمشط شعرها وبتنزل لتحت بتلاقي طاولة السفرة مليانة اكل جاهز من بيتزا وشاورما وبطاطا مشوية
بتروح عند زين بطريقة عفوية كتير وبتضمه بهدوء
اسيل : يعطيك العافية عنجد شكرا
زين : اولا نعيما يا أميرة وتانيا مو انا زوجك وكل شي بدك ياه بيرخصلك
اسيل : الله ينعم عليك، وتسلم يارب
بلشو ياكلو وما شاء الله تيناتهن كفو ووفو وطلعو مقشطين الصحون😂 بيقومو وبلمو السفرة وبيقترح زين ع اسيل انهن يتفرج شوي ع التلفزيون لبين ما يتهضم هالاكل وبعدها ينامو، بتوافق اسيل وبيتفرجو، لحتى غفلت اسيل ع ايد زين وهون بطفي زين التلفزيون وبيحملها ع الغرفة بحطها ع التخت وبيبوسها ع جبينها وبيطفي الاضوية وبينام جنبها.............
باليوم التاني..
بتفيق اسيل وهي نشيطة وبتلاقي زين متكشف او بالأحرى هية ساحبة الغطابتغطيه بهدوء وبتطلع من الغرفة وبتنزل ع المطبخ لتعمل الفطور.. بتجهز الفطور وبتحطه ع السفرة وبتطلع عند زين وبتفيقه
اسيل : زين.. زين.. ديه يلا قوم صار الفطور جاهز
بيفتح زين عيونه وبدون ما يحكي شي بيتجلس لعندها وبيطبعلها بوسة ع جبينها وخدها ليوصل لشفايفها
زين بحب : صباح الخير حبيبتي
اسيل بخجل : صباح النور، ديه غسل وجهك وتاعا فطار لانو الفطور صار جاهز
زين : تمام، يالله
بيقوم زين بغسل وجهه وبتنزل اسيل تستناه تحت، بعد شوي بينزل زين وهو لابس قميص ابيض ورافع اكمامه وعليه بنطلون جينز
اسيل : شو اليوم رايح ع الشغل
زين : اي والله، شو بدي اعمل كنت بدي ضل مع حبي بس للاسف عندي هالشغل وبوعدك اجي اليوم بكير شوي لنروح نزور الاهل
اسيل : تمام، يلا تفضل
بيقعد زين وبيبلشو ياكلو...... بيشبعو وبتقعد اسيل تشيل السفرة وبساعدها زين بهالشي
زين : كان بدي ضل اساعدك بالجلي بس اتاخرت يلا بخاطرك، بدك شي؟؟؟
اسيل : لا سلامتك، الله معك
وقبل ما يروح زين ع الشغل بيسحبها لعنده وبيطبعلها بوسة عميقة ع شفايفها
زين بهمس : بحبك، يلا سلام
بيطلع زين ع شغله وبتكمل اسيل شغل قامت وصارت تتعرف ع البيت اكتر كان بيت كبير نوعا ما فيوا غرفتين فاضين ومسكرين كانو للاولاد وغرفة نوم لالهن وصالون كبير وفي غرفة مكتب لزين وفي غرفة فيها ديوانات فخمة وحلوة كتيير واخر غرفة يلي كانت غرفة مختلفة كان فيها بالقسم الاول معدات تدريب وجهاز مشي وحديد طبعا زين متل ما قلنا جسموا رياضي وشي طبيعي يكون عندو هيك اشيا وفيها بلاستيشن وكان في طاولة بليارد واشيا كتيرة يعني كانت غرفة الالعاب بتخلص اسيل شغل البيت بيرن تلفونها بتتناوله وبتشوف رقم سيلين
اسيل : الو
سيلين : ولك كيفك شو اخبارك، الحمد لله ع سلامتك
اسيل : الله يسلمك
سيلين : ناوية اجي عندك، فاضية شي؟؟
اسيل : هلئ اليوم عندي طلعة عند بيت حماي وبيت اهلي فإذا بكرة بتجي يا مية اهلا وسهلا
سيلين : اي خلص تمام، بكرة ان شاء الله بكون عندك
.............................
والمسا بتكون اسيل لابسة بلوزة بيضا عليها الماسات ناعمة وشيال ولابسة فوقها جاكيت جينز وعليه بنطلون جينز رغم بساطة لبسها الا انه كتير ملفت ولابقلها😍ورافعة شعرها الطويل ورابطته...
بتنزل ع الدرج وبتقعد بالصالون وبتكون عم تستنا زين ليجي، فجأة بينفتح الباب وبيدخل منه زين وبكون باين عليه التعب، بتروح اسيل لعنده وبتحكي
اسيل : الحمد لله ع السلامة شو باين عليك تعبان، شو رايك ناجل الروحة لغير يوم
زين : الله يسلمك، بس ما بدي ناجل هالروحة اليوم خلينا نتغدا ونتيسر
اسيل : ماشي، لكن تفضل ع السفرة
بياكلو وبخلصو اكل وبتحوس اسيل وبتجلي عبين ما زين يرتاح شوي من الشغل اللي تراكم عليه باسبوعين 🙃.......
بتخلص اسيل شغل وبتروح عند زين اللي كان مغمض عيونه وعم يريحهن
اسيل : زين شو رايك تطلع تنام فوق لانو هون ما بتريح النومة وخلص مناجل هالروحة لغير يوم
بيفتح زين عيون وبضم اسيل لصدره
زين بحنية : انا مالي نايم يا قلبي كنت عم ريح عيوني شوي وبعدها كانك خايفة علي اليوم وع راحتي🤭
اسيل ببرود : لا والله مو شغلة خايفة وقلقانة عليك بس لاني شفتك تعبان قلت تروح تنام احسن
زين : شبك عم نمزح معك خيتو ع كل هالروحة علينا وعلينا، يلا تفصلي
بيروح زين واسيل وبيطرو ع بيت اهله وبيقعدو بينبسطو وبيرجعو ع البيت، هون بكون زين هلكان كتيييير وعايف حاله بروح رأسا ع الغرفة ببدل تيابة وبيتشطح لينام بالفرشة بتدخل اسيل بتبدل أغراضها بتلاقي زين متشطح بالفرشة وعم يستناها بتبدل أغراضها بالحمام الداخلي للغرفة وبتطلع بتقعد جنب زين اللي يادوب عم يحسن يفتح عيونة من التعبهون بيفتح زين عيونه وبيطبع بوسة ع خد اسيل وبيحكي
زين : تصبحي على خير ملاكي
اسيل : وانت من اهلو
بينامو بسرعة بسبب التعب واليوم التاني............
واليوم التاني كالعادة ع التامنة بتفيق اسيل بتعمل فطور وبتصحي زين بدلع شوي وبعدها بقوم بيتفطر😅 بتصير تسعة الا تلت بودعها وبروح ع شغلو بعدها اسيل بتقوم بتخلص شغل البيت بدق بتستريح الشوي وبعدها بتمسك هاتها وبتحاكي سيلين
اسيل:صباحو يا حلو
سيلين:اي صباح انا ساعتين تانيات ورح اتغدا
اسيل:مابتتغير همك بطنك وبس ...اي شو بدي قلك تعي لعندي اليوم انا فاضية
سيلين:يالله اصلا انا مالة رح البس واجي
بعد ساعة بندق الباب بتقوم اسيل تفتح
سيلين:يا روحي اشتقتلك قد الدنيا❤🤭
اسيل :وانا كمان اشتقتلك يا قلبي تعي تعي فوتي نقعد بالغرفة
بفوتوا وليقعدو
اسيل:شو امت جوزك بيجي
اسيل :لسى للتلاتة حتى يجي يعني بدو ساعة خدي راحتك
سيلين :يارب رايحة ع المطبخ
اسيل:بركي بارضك وليه فورا ع الحش
سيلين :يعني اذا انت ما حطيتيلي ضيافة شو اعمل
اسيل:قايمة قايمة
راحت اسيل ع المطبخ ورجت ومعها جاط فواكه
اسيل:تفضلي سيلين خانم
سيلين:يزيد فضلك انسة اسيل
اسيل وهي بتلف اجل ع اجل:شو هي انسة شو نسيتي اني صرت مدام يا بعدي
سيلين:لا والله مصدقة حالك كمانوالله يا عمي بيلبقلك 🤭🤭
اسيل:اي لكا لكا
سيلين :اسيييييل
اسيل بنظرة شك:الله يجيرنا من هالمطرة خييييير
سيلين:كيف اخبارك انت والحلو
اسيل وهي بتضم تمها:الحمد الله ما شي حالنا
(هون زين بيجي بكير ع البيت نوعا ما بس اسيل بما انها قاعدة بالغرفة فما بتسمع انو جاه وهو وقت حس انو في ضيوف قرر يفوت ع غرفة النوم بهدوء بس في حديث اسيل وسيلين وقفو😅)
سيلين🙃:ماشي الحال قلتيلي ولااليه انا رفيقتك احكيلي انت بتحبي لزين ولاااا لسى بتحبي ادهم
اسيل:ااااخ يا سيلين هلق شوفي هو زين مافي منو وبحبني وحنون وبعاملني منيح بس ما بعرف ليش ما عم احسن حبو حاسة انو لسى في شي جواتي ناح ادهم ماا بعرف ليش هيك عم يصير معي لك حتى انا مو راضية عن هالشي بس هي مشاعر ونحن مافينا نتحكم فيها
سيلين:ياقلبي لا تهكلي الهم بكرى مع الايام بتتعودي ع زين وبتحبيه وادهم يلي ما بعرف كيف حبيتيه هيك خبط لزق يلي لهلق مو فاهمة كيف انعمى ع قلبك هيك ااااخ بس لا تخافي حسب ما قلتي زين كتير معك وربنا وقت قال وجعلنا بينهم رحمة ومودة يعني بس كانت الرحمة والمودة موجودة بين الزوجين رح ينوجد الحب بس بدو شوية وقت وانت اعطي مجال لحالك حتى تحبي زين كملت وهي راسمة وجهة شريرواذا ما حبيتيه جوزيني ياه لانو جوزك بياخد العقول
اسيل بغضب:شو هادا ست سيلين حاطة عينك ع جوزي انا بورجيك تعي لهون وضربتها بالمخدة
(هون زين حس شي وانكسر عقلو ما عاد حملو هلق فهم ليش اسيل كانت بارة معو كل هالشي هو كان يفكر بدها وقت حتى تتعود وما ربط هالشي ابدا انها بتحب حدا تاني لا وهالحدا اخو🔥💔 )
رجع ع باب البيت وفتحوا
زين:اسيييل انا جيت
اسيل مجرد ما سمعت صوتوا قامت
اسيل:اهلا وسهلا
زين:اهلين فيك انا تعبان رح روح ع الغرفة اتسطح ومشي وتخطاها
اسيل باستغراب:شبو هادا ليش ما باس راسي وخدي لك احسن يسطفل ورجعت عند سيلين بركت سيلين ساعة وبعدها ودعت اسيل وراحت وبعد ما راحت
زين بينده لاسيل من الغرفة :اسيل تعي شوي لازمك بموضوع
اسيل :يالله جاية......بابتسامة شو اليوم جاي تعبان ان شا الله هلق صرت احسن
زين هز براسوا بدون ما يحكي وبعدها قال
زين:تعي اقعدي قدامي
اسيل:وهي قعدنا خير
زين :خير خير...بدي اسألك ليش وافقتي تتجوزيني ما دامك ما بتحبيني ..ليش حتى تخليني حبك وقلبك مع شخص تاني ...شلون حبيتي ادهم لك هو شو بيفرق عني حتى ما تحبيني اسيل قوليلي
اسيل:انت كيف عرفت سمعت حديثي مع سيلين
زين:هادا يلي هامك ما هامك انك كسرتيني 💔اسيل ليش عملتي هيك (وبعدها عصب كتير وبلش يعط عليها )لك ليش انا شو عملتلك عاملتك احسن معاملة وما اذيتك لك تحملت برودك وجفااك لككك ليش هيك عملتي
اسيل انقهرت كتير كتير من طريقة حكيو وصياحو عليها
اسيل:لك شبك ليش هيك عم تحكي معي ..اي انا حبيت ادهم وانت سألت ليش وافقة عليك صح ..رح جاوبك انا وقت وافقت كنت امفكرة انو يلي جاي يخطبني ادهم مو انت بس كنت غبية وما سألت لك حتى اسمو ما كنت بعرف...بس شو اعمل وقت شفتو بالعرس حبيتو وانا مافي اتحكم فيها
زين:يعني انت وقت وافقتي ما وافقتي علي وافقتي ع ادهم
اسيل بتردد: ا ايه
زين مسك راسو بين اديه
زين :يالله يا ربي شو عم يصير لك اسيل انت بحكيك دمرتيني لك طلعي بعيوني واحكي ومسكها بايديه التنتين من كتافها انت ما بتحبيني
اسيل وهي عم تتطلع بكمية القهر والغضب يلي بعيونوا ما حسنت تقلو لاء لاني حتى هي ما بتعرف وضلت ساكتة
زاح زين اديه عن اسيل وتحولة نظرة عيونو لاانكسار
زين:مافي داعي وصلني الجو ...بس بدي قلك يا خسارة حبي فيك ...يا حيف كيف كسرتيني بهالطريقة البشعةومشي وقبل ما يطلع من الباب
زين:انت الخسارة ...خسرتي قلب حبك بصدق وكان مستعد يعمل اي شي منشانك وطلع
" نحنُ يُندَم علينا وإننا لسنا بِنادِمين، نحنُ الخسائر وليس الخاسِرون. "🖤🌎
يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`