الفصل 3
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم `* *أنت.قدري.وما.أحلاك.من.قدر.tt* 🎀🥺
*❴🔢❵الـــبـــــــــــ❴3️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
.........
بتخلص الخطبة وبيستأذن زين من عمو ابو مجد ليوصل اسيل ع بيتهن طبعا كانو صهيب واهلو قدامهن بالسيارةبيفتحلها زين الباب وبتفوت ع السيارة، بعدها بفوت هو وبيبتسملها ابتسامه دافية وهي بتبادلو بابتسامه برغم من كونها مو من قلبها بس بتفرح قلب زين ❤
كانت طول الطريق ساكتة وعم تلعب بمحبسها حاسة حالها تسرعت صارت تتذكر وقت رجعت من العرس كيف كانت طايرة انها لقت فارس احلامها بس هلئ كل شي تغير كانت افكار عم تاخدها وعم تجيبها
اسيل بقلبها: انو كيف انا قلت اني حبيتوا من النظرة الاولى وهلق قلبي ما عم يخفقلو معقول مو هو يا ربي، بلشت تطلع عليه بطرف عينها واتدقق بملامحو، العيون نفسهن بس كأنما كانو عسليات بجوز من الاضاءة لانها كانت ملونة طيب الطول امم بظن انو هادا اطول واكتافو اعرض وجسمو احلا كلو عضلاتاممم يا ربي شو عم يصير بس نفس لون الشعر والانف وبينما هي شاردة ببحر افكارها انتبه عليها زين انها عم تتطلع عليه
زين بنظرات كلها اعجاب :ما شاء الله طالعة متل الملاكانا قالتلي امي قبل ما افوت انو رح يطير عقلي بس ما قالتلي انو رح يطير قلبي وينحط بين ايديك كمان
اسيل بخجل:ميرسي هادا من لطفك وانت كمان ما شاء الله عليك طالع حلو(قالتها مجرد مجاملةلانها حتى رغم جاذبيتو واناقتو وريحة عطرو المميزة الا انها ما اهتمت لشي من كل هادا كان كل همها انو تعرف مين الشخص يلي معها وليش قلبها ما عم يدق متل اول مرة شافتو اذا هو )
اما زين كان مفكر شرودها وتوترها هو مجرد خجل بنات مو اكتر
واخيرا وصلو ع البيت فاتو لجوا اول الشي عيلة اسيل وبعدين فاتت اسيل وزين وبركوا بالصالون اسيل كانت كتير متدايقة من الفستان وخصوصي لانو كان كبير لاحظ عليها زين هالشي
زين:امم كأني الفستان امدايقك
اسيل باحراج:اي والله تقيل وكبيرومالي اخدة راحتي فيه
زين :اي عادي فيك تطلعي اتبدليه
اسيل:وانت مين رح يبرك معك
زين:عادي خلي صهيب يجي بدردش معو شوي وبتكوني انت خلصتي وهمس بادنها بس لا اطولي لاني لسا ما مليت عيني من شوفتك
خجلت اسيل وما عرفت شو ترد غير انها هزت براسها وطلعت ونادت ع صهيب حتى ينزل، بعدين كملت ع غرفتها اول ما دخلت غرفتها تنفست بقوة لدرجة حست رئتها رح اطق من كتر الهوا وبعدين طالعتوا براحة بركت عند الباب وبدون ما تحس دمعو عيونها، تعبت من كتر التفكير راسها رح يطق وكانت تحس حالها بمصيبة لمجرد تفكيرها انها صارت ع اسمو وحلالو، خلص بالشرع والقانون صارت مرتو صارت مرت واحد ما بتعرف عنو اي شي، بهديك الساعة ندمت كتير لانها تسرعت ندمت ع شغلات كتيرة بس شو بفيد الندم بعد ما كل شي صار وخلص لملمت حالها وقامت تبدل بدلتها ولبست فستان خمري حتى يتناسب مع مكياجها كان فستان قطع بدانتيل من فوق وبعدين الو زمة ع الخصر ومن تحت كلوش رغم بساطتو الا انو كان حلو كتير ومتناسب مع المكياج وطبعا شلحت سكربينتها العالية ولبست بوط ابيض🤍نزلت للصالون، وهي حاطة براسها شغلة وحدة وهي انو تعرف شو عم بيصير، مين هالانسان يلي متل ما عم يقولوا صارت مرتو،
اول ما نزلت اجت عينو عليها كانت شي ما بينوصف ❤صار قلبو يدق خلص هي صارت ملكو رح تشاركو بقية حياتو رح يحبها وتحبو كانت افكار كتيرة عم تجول بذهن زين بعد ما شاف اسيل نازلة لعندهن ابتسمت ابتسامة حلوة كتير لاخوها وبركت
واستأذن صهيب وطلع يبدل تيابو
قررت اسيل تبدأ
اسيل :اممم شلونك
زين:صرت احسن بشوفتك طالعة حلوة كتي
اسيل:يحلي ايامك يا رب ...بتعرف بعرس ضياء كنت عم تدبك بشكل كتير حلو صراحة بهداك اليوم اثرت اعجابي هلئ ما بعرف اذا انت يلي اثرت اعجابي بشكل كبير ولا دبكك لاني بصراحة كتير بحب الشباب يلي بتعرف تدبك وقتها ما لحقت اتعرف عليك وهلق شوف الصدفة
زين كان ذكي وفهم من كلامها انها انعجبت باخوه لانو بالحقيقة هو ما راح ع العرس ويلي عم تحكي عنو اخوه ادهم وبينو وبين حالو انزعج بس قال مجرد اعجاب وبروح
زين:اي بس انا ما رحت بجوز انت عم تحكي عن اخي ادهم
وطالع هاتفو وورجاها ياه اول ما شافت اسيل الصورة توسعوا عيونها وبلش قلبها يخفق مرة تانية🖤هادا هو يلي حبتو بس هلئ صارت مرت اخوه
زين لاحظ تغيرها بعد ما شافت الصورة ف بعد ما كانت هي يلي متحمسة حتى تتعرف عليه انقلبت لوحدة باردة وهادية وصارت تجاوب قد السؤال قال زين بينو وبين حالو بتكون تعبانة، واستأذن وراح ع بيتو..
طلعت اسيل ع غرفتها واول ما سكرت الباب نزلوا دموعها وصارت تبكي بدون صوت افكار مشتته هي هلئ ضايعة شو بدها تساوي شو تعمل كل شي انقلب، كانت مفكرة الحظ هالمرة وقف معها بس للاسف لاءجاهدت كتير لحتى تنام بس الافكار والشي يلي رح يصير في المستقبل كان سارقلها النوم من عيونها وع وجه الصبح لحسنت تنام نامت والدمعة في عينها وما كانت تعرف شو المستقبل مخبيلها........
" الحُب أقدارٌ والأقدارُ لا تُناقشْ ."❤
فاقت اسيل تاني يوم الضهر وضلت باركة بتختها ما كانت مستعدة تواجه المستقبل كان فكرها مشوش كتير افكار بتاخدها وافكار بتجيبها بعدين تشجعت وقامت من تختها، خلص هلئ هي رح تفكر بمنطقية ما رح تسمح لمشاعرها تتحكم فيها لازم تفكر وتختار الافضل بالمقام الاول لعيلتها لانهن ما ذنبهن غبائها وطيشها خلص رح تدوس ع قلبها وتكمل مع الشخص يلي عملها القدر مرتو لما تقول مرتو كانت تحس بغصة 💔
اسيل:انا هلئ خلص ما عاد فيني افسخ الخطبة لاني اذا فسختها رح خرب علاقة ماما وخالة فادية
وماما ممكن تتعب وتتدهور صحتها، كانت يوم الخطبة الدنيا مو وسعانتها من الفرحة انها رح تجوزني تابعت بمسخرة : هااه من الشخص يلي بحبو لا واذا فسختها رح صير مطلقة وانا لسى بعز شبابي بس لا انا هلئ حاسة انو زين انفرض علي، شي ولازم يصير سواء تقبلتو او لاء مسكت راسها بين ايديها وكملت: مجرد ما فكر انو شي انفرض علي ولازم اطبقو هالشي بخليني انفر منو، لااا والمصيبة اني بحب اخوه ااااه بعدين كملت بانكسار :وانا قول لاول مرة الحظ بكون معي ليش هيك عم يصير احسن الشي احكي لصهيب هو الوحيد يلي هلئ رح يحتويني ويساعدني
غيرت تيابها ونزلت حتى تشوف اهلها مكان مو مجتمعين
اسيل:صباح الخير
ام مجد وصهيب:صباح النور
ام مجد:منيح نزلتي كنت مفكرتك مرضانة وكنت رح اطلع لعندك
اسيل بحزن:لا ماما مافي شي بس كنت تعبانة من امبارحة وهيك
ام مجد:اخوك مجد بسلم عليك كتيير وبباركلك وبقلك كان مشغول كتير وما حسن يجي بس بيوعدك اكيد رح يحضر عرسك
اسيل: اي بعرف حكا معي مبارحة قبل الخطبة بشوي، ياالله شقد اشتقتلو اااخ منو بس دائما مشغول وناسينا الله يوفقو يارب
حس صهيب من طريقة حكي اختو انها مو على بعضها حس بريق الفرح يلي كان بعيونها اختفى وقرر يعرف السبب
صهيب:اي اسولتي شو عندك مشاريع اليوم رح تنزلي ع المرسم
اسيل :لا مالي نازلة مالي خلق رح ضل بالبيت اليوم انت شو عندك
صهيب :مالك خلق للرسم اممم طيب شو رأيك تطلعي معي ع غرفتي اخسرك كم مباراة
اسيل ابتسمت بدفا لانها عرفت انو صهيب حس فيها
اسيل :اي ليش لاء بس مو تغش متل كل مرة
صهيب:اي بلا علاك فاضي ولا مرة غشيت بس انت يلي دائما بتغشي بس اليوم لاء
اسيل:ماشي هلئ بتشوف يلا ورجيني عزماتك
طلعوا ع غرفة صهيب وفاتت اسيل اول وبعدها لحقها صهيب
صهيب برك ع تختوا وقال:اسيل تعي لعندي
اسيل بدون ما تحكي شي راحت لعندو وبركت مقابيلو وهي منزلة عيونها
صهيب:طلعي انا بعرف انك ما بترتاحي بالحكي غير الي حتى لنورسين ما بتحكيلها وكمان بتعرفي انو ما في غيري بحس فيكي،
مسكلها دقنها ورفعلها راسها.. اسيل شبك انا شايف بعيونك خيبة امل حاسك ضايعة شو في؟
اسيل بعد ما سمعت حكي اخوها بلشت تبكي وارتمت بحضنو وصارت تبكي وتشهق
صهيب بصوت حنون :يا روحي مين مزعل اميرتي قوليلي فشيلي قلبك واتأكدي اني رح كون سندك وملجأك واني رح وقف معك وارشدك واحميك لاني ماعندي اغلا منك ❤
اسيل : انت بتعرف انو انا حبيت الشب يلي شفناه بالحفلة وانت شفت شقد عجبني وطلبت منك تساعدني وبعدين عرفنا انو بكون ابن الخالة فادية
صهيب:اي مظبوط وهالحكي كلو بعرفوا وهو هلئ خاطبك شو بدك احسن من هيك قوليلي هو زعجك بشي
اسيل وزاد بكاها وشهقاتها اكتر:صه صهيب ..يلي خطبنيي مو ..مو نفسو يلي حبيتو ..انا ..انا كنت كمان مت ...متلك مفكرتوا نفسووو ..بس انا هل..هلئ بمصيبة لاني مو هو ..زين مو الشب يلي حبيتو ..انا وق...وقت اجت خالة فادية طلبتني ...كنت مفكرة انو ادهم الشب يلي شفناه بالحفلة ...وو مبارحة عرفت من زين انو هو ما راح ع العرس ...وانو وانو يلي انا حبيتو وشف.. وشفتو بالحفلة هو هوو اخوه ادهم😭
صهيب متفاجئ:والله ما بعرف شو رح قلك بس اسيل طلعي بعيوني انا بعرفك ما بتآمني بالحب من النظرة الاولى انا متأكد يلي عم تحسي فيه مو حب، راجعي حالك وحتى لو ما تجوزتي الشخص يلي بتحبيه انا من وجهة نظري وقعدتي مع زين شفت انو هو الشخص المناسب شب اخلاق ودين وكمان هو معجب فيك كان باين من نظرة عيونو، الحب يا اسيل مو مجرد احساس هو بمجرد ما يعطيك الحب والاهتمام والمودة انت رح تحبيه واتاكدي من هالشي
اسيل:صهيب ..انا بمجرد ما فكر انو هو انفرض علي انا عم بعد عنو مافيي حب شب صار علي بسبب سوء تفاهم وبسبب انو ماسألت مين رح يخطبني انا بدي حل انا ضايعة صهيب قلي شو اعمل
صهيب :الحل بسيط كتيير لا انا ولا انت منعرف الغيب وين الوحيد يلي بيعرف الغيب؟
اسيل:ربنا وحدو بيعرفو
صهيب :يا عيني عليك معناها مالك غير اتصلي استخارة وساعتها ربنا بيخترلك طريقك، ربنا رح يعطيك طريق متأمد رح تكوني بنهايتو سعيدة، ربنا اعلم بالاحسن الك رح يرشدك ويهديك انت بس استخيريه وشوفي
اسيل بعد صفنة :بتعرف صهيب انت معك حق بجوز زين يكون منيح ورح شوف شو بصير معي اصلا عرسي اخر الشهر لسا، ولوقتها ربك بيفرجها رح اعمل متل ما قلتلي ورح اسأل ربي يرشدني ويريحلي بالي
صهيب طبع بوسة ع جبين اختو:الله يرضى عليك ولا تخافي انا معك شو ما كان قرارك مع انو انا متأكد زين شب مافي منو، وادهم كان مجرد شخص عابر عجبك، بجوز انت ما جربتي الحب من قبل شو عرفك انو هالشعور حب اكيد لاء، الحب شي عظيم ورح يصير اعظم لما يكون مع الشخص الصح وبالحلال❤♥️
....................
بتاخد اسيل بنصيحة اخوها وبتعمل استخارة وبتروح ع تختها وبتدعي ربها انو يساعدها ويشيل الهم عن قلبها ويوفقها وبتدعي لاخوها واهلها وبتضل بتدعي لشغلات كتيرة متمنيتهن
اسيل:اممم شوضل بدي امم ادعي الله يجمعني بادهم ....اوووف ياه اسيل حاج تخبصي ادعي الله يحبب زين فيك ورجعت تدعي حتى غفية ونامت
..............
كانت لابسة فستان ابيض لتحت الركبة وكلوش من تحت وشعرها المموج عم تلاعبو نسمات الهوا عم تدور بعيونها ع حدا واول ما شافتو بكون واقف متل الملاك بتركض لعندو وهو اول ما بشوفها بيفتحلها ايديه وبتصير بحضنه
اسيل بابتسمامة دافية وكلها حنان :زين وين كنت
زين:كنت هون عم جمعلك وردات
اسيل بدلع:زين لا عاد تتركني لاني بضيع من دونك انت كل شي بدي ياه
زين :لا تخافي انا قدرك لو شو ماصار رح اضلي الي لانو القدر ما منو مهرب
اسيل بتغمض عيونها وبتحط جبينها ع جبين زين :وانا قبلانة في قدري يا احلا أقداري، زين انا بحبك كتير لا تتركني
زين:لك مجنونة، بحياتك اسمعتي قدر ماصار لصاحبو انا قدرك انا رح كون دائما معك مارح اتركك ورح ضل محافظ ع حبنا لاخر يوم بحياتي ورح ضل احميك واسندك لاخر يوم بحياتي
اسيل:زين انت احلا شي صار بحياتي انت اكبر نعمة من عند الله
................
فاقت اسيل من نومها مرتاااااحة وكل الهموم والتشويش يلي كان شاغلها راحت فاقت وحطت ايدها ع قلبها
اسيل:اوووووه حاسة جبال الهموم يلي كانت ع قلبي انزاحت بس شو حلو هالمنام انا هلئ خلص لازم ارضى بقدري، وشكلي كنت مبسوطة كتير مع هادا زين ان شا الله يطلع ابن حلال
بعدها بتغسل وجها وبتزل تساعد امها بحطان الفطور
اسيل:صباح الخير ماما
ام مجد:صباح الفل والياسمين حبيبتي
اسيل :كيفك اليوم
ام مجد:ما دام انت منيحة انا منيحة
بيجي صهيب وهو عم يفرك بعيونو وشعراتو منكوشين
صهيب:صباح الخير
اسيل:يسعدلي صباحك اخي
صهيب:وصباحك اختي شو كيفك اليوم شايفك منيحة
اسيل:الحمد الله صرت منيحة من بعد نصايحك يا قلبي
صهيب بقرب عليها وببوس راسها:ان شا الله دائما بتكوني منيحة وفرحانة
نورسين:صباحو يا عيلة
ام مجد:صباح النور
نورسين:ماشاء الله اليوم كل العيلة نشيطة وفايقة قبلي
صهيب بمشاكسة:طبعا رح نفيق قبلك شنو انت متل الكوالا نص يومك بالنوم
نورسين:انا متل الكوالا ، سامعة امي اذا انا كوالا انت دب قطبي
ام مجد :نورسين عيب عليك هادا اخوك الكبير ما بصير هيك يا بنتي الله يرضى عليكي، وانت صهيب هلئ اختك كل هالحلا والجمال وبتقول عنها كوالا قول اميرة نائمة يعني رقعها شوي
صهيب بقرب من نورسين وبلفها من ورا وببوسها ع خدها :لك شبكن استلمتوها ، كنت عم امزح معها والله عندي ياها هي واسيل بالدنيا ومابريد حدا يرميهن حتى بشوكة
اسيل كانت باركة وعم تتسمع لحكيهن ومزحهن ياالله شقد بتحب هالعيلة شقد بتكون فرحانة وقت تجتمع معهن اتجمعو الدموع بعيونها لما تذكرت انو عرسها قريب ورح تفارقهن، انتبه عليها صهيب وراح لعندها
صهيب:له له شبك اسيل هلئ كنت مبسوطة وفرحانة ليش عيونك عم يدمعو
اسيل:ولا شي يا روحي بس ماعم احسن استوعب اني رح طير من تحت جناحك وبعد عنك وعن اهلي
نورسين:هلئ هي هيه خلص بكرى كل يوم بتشوفينا ناطين بخلقتك لحتى تقلعينا انت وصهري
صهيب:وكمان تجهزي انت وزين لاني مقالبنا فيكم ما رح تخلص
اسيل :لاا ياه يعني ما رح ترحمونا من غلاظتكم ومقالبكم
صهيب ونورسين:لاء 😂
قربت عليهم امن وحضنتهن :الله يخليلي ياكن ولا يحرمني منكن
..........................
تلاتة اسابيع مافضيت اسيل ابدا من تجهيز هي وحماتها وامها، كانت حماتها ذوقها حلو كتير وما يعجبها شو من كان، واسيل حبت ذوقها كتير لاني كان متنوع بين الفخم والرسمي والبسيط واشيا كتير
بينما عريسنا زين ابوه هلكو بالشغل منشان يخلص شغلو لاني رح يطلع شهر عسل مو بس هيك اختصرلوا شهر العسل ليصير اسبوعين بس لانو بيعتمد عليه في كل شي، وهو مستلم اغلب الشركة
وبسبب ضغط الشغل كان زياراتو لاسيل قليلة وكانت اسيل وقت يزورها كتير رسمية معو وهو كان عم ينجذب كل يوم لهالانسانة يلي استوطنت بمكان من قلبو❤وجمالها اخد شقفة من عقلو
..............................
عدت الايام بسرعة الكل كان عم يشتغل ويجهز حتى ينتهوا بالوقت المحدد
باليوم المنتظر يوم العرس
بيوصل حدا ع فيلا بيت اسيل من الصبح بكير وبفوت ع الهدا وبيطلع ببدل اغراضو وبيرتاح شوي ووقت صارت الساعة 8ونص بروح ع غرفة اسيل وبيمسك بايدو وردة وبيصير يمررها ع خد اسيل يلي بتبلش تنزعج وتتدايق
مجد:شو ياه مابعرفك كسلانة كل هالشي، يلا قومي مشتقلك كتير
اسيل بنعس:لك امانة والله نعسانة كتير بس شوي
مجد:يا حيف كنت مفكرك مشتاقة لاخوك وبتحبيه وبدك تبركي معو بس شكلك بتحبي النوم اكتر مني يا خسارة جيت ع الفاضي، وسكت.
ثواني قليلة مرقت حتى استوعبت انو اخوها رجع من السفر وبلمح البصر نطت وقالت بصوت عالي
اسيل بفرح:اخييي مجووودة لك اشتقتلك كتيييييير وبتحضنو وبتبلش تبوسو من خدودو بشوق
مجد:اي اي ع مهلك .. ما رح طير انا اصلا جاي حتى شوفك يلا تعي احكيلي كيف حاسة
اسيل:ااااخ كتير مشتاقتلك
مجد 😑:ما احلاك وتكوني مو مشتاقتيلي.......اي قال اليوم عرسك يا قطة وغمزها
اسيل :اي هيك عم يقولو
مجد بشك:اممم بس كأنك مالك فرحانة
اسيل بمراوغة:لاامو هيك القصة بس يعني اليوم رح كون كتير مشغولة ...
وكمان اليوم رح تتغير حياتي و و و
ييي هلئ قلي انت شو اخبارك
مجد: انا عم دير فرع الشركة يلي بسويسرا ودافن حالي بالشغل
اسيل بمشاكسة:اي.. ومالك مفكر تجبلنا كنة وبعدها كتاكيت صغنطوطين
مجد شدها من انفها:والله هو من ناحية مفكر فانا لازمني مرة لاني رح موت من الوحدة وعلي هلئ ضغط كبير بالشغل ولسا بهالاجازة رح يزيد اما من ناحية الكتاتيت الصغار فهدول انت لازم تجيبيهن
اسيل ووجهها احمر :لاء لاء بتعرف انا ما عم فكر هلئ بهالشي، اول الشي انا لازم وقت انتقل ع حياتي الجديدة افهم الشخص يلي رح يشاركني حياتي يعني يا اخي لازم اول الشي افهم زين يعني بلكي لا سمح الله ما تفاهمنا، ما بدي يكون في ولد بالنص ويتشنشط وهيك قصص
مجد باندهاش:وليك اسيل ما شاء الله ما شاء الله، كبرانة ووعيانة وصايرة تعرفي تحكي يا ضرسنانة.
اسيل وهي عم تطلع لاخوها بحب :بعض مما عندك😜
مجد بلش ينكشلها شعراتها وصار منظرها بضحك:اي لكا ما انت تربايتي😂😝يلا خلينا ننزل هلئ بتكون ست الحبايب فاقت
بينزلوا وبتكون امها عم تحط فنجان القهوة
اسيل :ماما احسبيلي حسابي بالقهوة
ام مجد :على عيني يا عرووس
مجد : وانا كمان اشتقت لقهوتك
بتدير ام مجد لورا ووقت بتشوف ابنها بتفتح ايديها وبيرتمي مجد ع ايديها يبوسهن وهي لسا مو مصدقة وبكون لقاء مؤثر
نورسين:لك شو في؟؟ وبعدين معكن ما رح تهنوني بالنوم، بكرى بتفتح جامعتي ومافيني..😳مجد اخييييي
وبتنط عليه بفرحة وبتبلش تضمو وتبوس فيه
نوسين بلهفة: يا رووحي لك ايمت جيت شو هالمفاجأة، شو مشتاقتلك كيفك شو اخبارك
مجد :😂شوي شوي ع شو جاوب هدي
صهيب :الله يخليلي هالجمعة الحلوة اي شو هاد اخوي هون يا مرحبا يا مرحبا
مجد:اهلين فيك اخي
وبضمو بعض بعناق حار
ابو مجد:ايوااا اجا دوري ولا لسا
بيركض مجد ع ابوه وببوس ايدو
ابو مجد:الله يرضى عليك يا ابني ويسعدك وييسرلك امورك
مجد :الله يديمك فوق راسنا ولا يحرمنا منك.
بعد هالاجواء العائلة قامت عيلة ابو مجد ليتفطروا وبلشوا تجهيزات للعرس ووووو......
عند المغرب كانت واقفة اسيل بفستانها الابيض يلي كان متل فساتين الاميرات ومكياجها الهادي يلي زادها انوثة واغراء
قربت عليها نورسين يلي كانت لابسة فستان ببلش من الصدر وبكون كلوش من الخصر لتحت ومسرحة شعرها بتسريحة ناعمة ومكياج مناسب
نورسين:وهي الطرحة، والف مبروك يا عروس.
وبتبوس اختها
اسيل الله يبارك فيك ع قبالك يا رب
نورسين:🌚
صهيب :شو هاد شو هاد الله يعينك يا زين رح يصير ببيتك ملاك.
قرب من اختوا وباس راسها
صهيب: الله لا يحرمني منك ان شاء الله الف مبروك وان شاء الله بتتهني
اسيل:الله يبارك فيك ويديمك تاج فوق راسي ولا يحرمني منك يا روحي
طالع صهيب من جيبو علبة خمرية وفتحها كان فيها سلسال دهب وفيو لوزة ع شكل نص قلب وعلقها برقبة اختو
اسيل:ياالله شو حلو والاحلا انو منك
صهيب طالع سلسال نفس يلي هداه لاسيل من جيبو ورفعوا قدامها
صهيب :ليكي هلق انت معك نص قلب وانا معي النص التاني وبقلبهن في صورة بتجمعنا حتى تضلي دائما متذكرتيني
اسيل :يا حبيبي انا مو بحاجة لسلسال حتى اتذكرك، انت اصلا آخد قطعة من روحي
نورسين:ايييه وانا شو نسيتوني يا خونة
صهيب:لااا ما نسيناك بس اليوم يوم اسيل ولازم اندللها انت تجوزي ويومها بدللك 🌚
نورسين:لا تشكرات صهيب بيك 🌚
مجد وهو متوجه باتجاه اختو ليضمها:شو يا حلوين خلصتوا مناقرات وغزل ولا لسا
نورسين:خلصنا خلونا بقى نروح من هلئ مجد انا رح ارقص معك السلو منشان تعرف
مجد:من عيوني
صهيب:لااا وانا مع مين ارقص
مجد:لاقيلك شي هبلة ترقص معك 😂
صهيب :🌚😒اتاخرنا امشو امشو
مجد:يلا وهي امي اجت
طبعا ما في داعي حتى نوصف الشباب صهيب ومجد لاني من الاخير كانو بشلو بطقومتهن الرسمية يلي كانو لابسين عليها بناطيل جينز اسود
طلعت اسيل وصهيب بسيارة مع ابوهن ونورسين وامها ومجد بسيارة وانطلقوووا ع الصالة
اول مافاتوا ع الصالة استقبلوهن اهل العريس بالظلاغيط والصلاة ع النبي
توجهت اسيل للمكان المخصص الها وكانت وراها سيلين عم تساعدها وبعد ما بركت بلشو العالم يلي من طرفهم يجو كانت اسيل عم ادور بعيونها عليها
اسيل:لك وينها هالهبلة 😕
سيلين:بووووو
اسيل:ها اذكر ابليس بنط من الكيس
سيلين:يعني بالله هاد يلي طلع معك 😒
اسيل:لك شبك صدقتي والله هلئ كنت عم دور عليكي
سيلين:لك ييي نسيت لك ان شاء الله الف مبروك جيزة الدهر
اسيل:الله يبارك فيك وع قبالك
سيلين:ان شاء الله
اسيل:ولك سيلين ليش هالعيون الخضر 😒شو من اولها غش شو فيهن عيونك السود والله بشلو اكتر من العيون الخضر والزرق
سيلين:لك لاا مو غش ولا شي بس حبيت اغير وشفتهن لابقيلي وخصوصي شعر بني وبعدين صح عيوني حلوين بس الناس بترغب للملون لگ ييييييي ايش بدك، هو تغيير شكل
اسيل بمزح:تغيير شكل ولااا حتى تجذبي العيون الك😏😜
سيلين بانزعاج:اسيل ولا حرف ابلعيها🌚😐
اسيل:😂 ها بلعناها
طبعا متل ما تعودنا بكل حفلة بتبلش الاغاني بتمسك نورسين بايد اخواتها وبتقلن: يلا ع الفقش والرقص خلينا انفرح اسيل ونعملها عرس ما صار
بنزلوا ع الساحة وبعدها بتنزل سيلين وبتبلش ترقص مع اسيل بشكل حلو كتير وتتمايل بجسمها وتعمل حركات كيووت
وطبعا في حدا صفن فيها
...................
شبابنا ماعافو غنية اوحركة او رقصة، تحرم عليهن رقص ودبك وهبل لك ما تركو الساحة وعن جد ولعولها العرس لاسيل
برك مجد وهو عم يلهث من التعب:هووووه تعبت بس انبسطتت😂زمان ع العراس الخلع وهالرقص الشرقي الله وكيلكن بسويسرا بيرقصوا متل الاموات
نورسين:اخ يا امي هالكعب روح اجري العما
صهيب بتعب:اي لو ما كنتي قزمة ما كنتي لبستيه
نورسين:صهيب مو وقتك خلينا مبسوطين 😒
ارتاحوا شوي وريحوا اسيل وقال خطي خلو هالناس تنبسطط😅 وضل نص ساعة ليوصل العريس وفجأة قالوا بالمايك انو اخو العروس بيهدي اختو هالاغنية
نورسين ومجد طلعوا ببعض باستغراب بينما صهيب قام ومد ايدو
صهيب: اسولتي تعي ارقصي معي
اسيل بابتسامة كلها حب:على عيني
ونزلوا ووقفت اسيل قدامو وكان في مسافة نص متر بيناتن واشتغلت غنية شيلوها بعيونكم داروها برموشكم زفوها بتوب الفرح هي روحي صارتلكن خلوني ارقص معا اخر مرة ودعا............
كانت اسيل وصهيب كالعادة عم يرقصوا بشكل حلو ومتناسق طبعا هالشي طبيعي لانهم بالبيت دائما مقضينها رقص ومقالب واغاني
كانت الغنية مؤثرة كتير وبنص الغنية ما حسنت اسيل تمسك حالها وصارت تبكي وصهيب وقت شافها عم تبكي قرب عليها وضمها وهداها وطبع بوسة ع جبينها وقامت نورسين ومجد وصاروا تلاتتن لافين اسيل وبعدها قامت امهن لعندهم
ام اسيل:الله يرضى عليكم ويخليكم سند لبعضكم
اسيل بعد ما بعدت عن حضن صهيب ارتمت بحضن امها
اسيل:ويخليلي ياك يا احلا ام انت وبابا واضلوا تاج فوق راسنا
سمعوا صوت الطبول معلنة وصول العريس زين😍مسك مجد اختوا من اليمين وصهيب من اليسار وبلشوا يمشوا ليوصلوها لعريسها حتى يفوتوا سوا
مجد:زين اسيل امانة عندك بتشيلها بعيونك واوعك تزعلها
كمل صهيب:هي غاليتي ومدللتي واخده نص روحي ياويلك بشي يوم تهينها
زين:اسيل بامانتي وبقلبي لا تهكلو همها هي هلق من الشخص يلي رح يصونها ويقدر قيمتها فاتو العرسان بعد العراضة والزلاغيط وقعدوا شو وبعدها بلشت اغنية الرقصة الاولى وقف زين بكل اكابرين ومسك ايد اسيل وباسها
زين:بتسمحيلي بهالرقص
هزت اسيل راسها بخجل ووقفت ونزلوا بلشوا يرقصوا
نورسين وهي لافة اجل ع اجل وعم تتطلع بمجد :شو مجد مو ناوي ترقصني سلو
مجد:قومي خلصيني
نورسين :هلق هيك اطلب متل الاكابر لقوم
نورسين:وامصدقة حالك ...اوووف نورسين خانم بتسمحيلي بهالرقص
نورسين:بسمح مجد بيك😇😅
صهيب:مجنونة وما رح تكبري
نورسين:يالله انت كمان دبلك شي بنت ترقص معها وراست هي ومجد
صهيب اتشجع وقام لعندها كان كل فترة يخطف نظرة لالها
صهيب:اممم انسة سيلين بتسمحيلي بهالرقصة ومدلها ايدوا
سيلين:انسة سيلين جديدة هي من امت هالرسميات ولك صهيب
صهيب:تضربي بشكلك قال حبينا انوجبك وشفناك ملانة قلنا نجي انرقصك بس مو الحق عليك
سيلين بماقاطعة:لككك اييه شبك بسمح
وقامت وصاروا يرقصوا كانت هي بتعد صهيب اخوها بما انو هو اخو رفيقتها اما صهيب كان معجب فيها وبما انو اختو بتحبها كتير فهوا كمان بستلطفها
كانت رقصة سلو حلوة كتير كل تنين كانو عم يرقصوا مع بعض وخلصت الرقصو رجعت اسيل وزين لمحلاتن ونورسين واخوها رجعوا لطاولتن
سيلين:اممم صهيب خلصت الرقصة معلش تتركني😅
صهيب بنبرة غريبة خلت جسم سيلين يقشعر:ليش لابسة عدسات انت من دونن حلوة وعيونك السود الكبار احلا لا عاد تحطين لاني بحب طلع بعيونك ماشي وباسها من خدها وراح
سيلين هون جمدة بارضها وكأنو الله اخد امانتو
سيلين:وليي شبو هاد
خلص العرس والناس راحت ع بيوتها واهل اسيل ودعوها واهل زين وصلوه ع الفندق وراحو ...............
هلق رح تكون لحالها هي وياه رح يتسكر عليهم باب واحد رح يصير جوزها عن جد
اسيل اخدت نفس وطالعتو:هدي اسيل كل شي رح يكون تمام لا تشغلي بالك بس هدي حالك
بفوت لعندها زين وبوقف قدامها وبيطبع بوسة ع جبينها وبعدها بلزق جبينها ع جبينو
زين:وااخيرة رح تصيري مرتي واميرتي عن جد ياااللله مالي مصدق حالي بعدين بلش يهدي صوتوا انت هلق صرتي ملكي وحبي ورح تزيني حياتي اسيل انا بحبك قلبي برقص وقت تكوني جنبي عيونك صعب اتجاهلن فيهم سحر بيجذبني
وبعدها حط اديه ع ضهرها ونزل طبع بوسة خفيفة ع رقبتها وبعدها نزللها سحاب بدلتهاوكل هالشي واسيل مستسلمة كانت ناوية تمضي هالليلة ع خير وبالفعل عدت هالليلة ع اخير
والف مبروك
......................................
........يتبع
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`