الفصل 2
*؏ــڜــٱق✍🏻 اڵــڔﯣايــات📚📖🧡*
_*بإدارة محمـــــــود*_🧡
*`قصة اليوم جمان`*
*❴🔢❵الـــبـــــــــــ❴2️⃣❵ــــــــــــارت*
➖➖➖➖➖➖➖➖➖
*❴📝❵↵تـنـسـيـق:جــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
*❴📚❵↵الـجـروب:خـاص لـنـشـر ٲحـدث الـروايـات بـكـل الانـواع والـلـهـجـات 🧡🖇️*
*|✒️|↜لـلإشـت͜ـࢪاڪ بـ قناة*
*📚*https://whatsapp.com/channel/0029VadbWnd89inYkEVrpG0C
*📖📚؏ــڜــٱق✍🏻 اڵــڔﯣايــات📚📖*
➖➖➖➖➖➖➖➖➖
.
➖➖➖➖➖➖➖➖➖
*❴🧡❵↵ *مـــحمـــود* 🧡
➖➖➖➖➖➖➖➖➖
*❴📝❵↵تـنـسـيـق:جــــروب:*
*📚ᘓɹ̈Ł᎗ɹ̤lɠȷᒧl✍️ᘓᓆŁɹɹ̈̇ɹɕ🌸🧡*
https://whatsapp.com/channel/0029VadbWnd89inYkEVrpG0C
`
*{😍}قــرا۽ة ممتعــه للجميــع*
*{🪷}شڪرآ لــڪم لانضــمامڪم اتمنــى مشــارڪۿٖہِ رابــط قنــاتــي لکيۡ نستمــر بنشــر اجمــل الــروايــات الممتعــة*
Stories 📖:
ــ جمان
الجزء التاني
كنت بدي انزل عندا لولا ايد جاد
جاد:شو جنيت؟
مشت السيارة وكانت جمان تابعتنا بالماتور هجمو عالسيارة القطيع وجمان عم تراقبن
منيح السيارة قزازها قوي كان رحنا فيها
كانت عيون جدي عليها هجم عليها ذئب قبل مايوصل عليها كان راسو طاير بالهوا فتحت عيوني عوسهن كان سيفها يقطر دم من دمو كملت طريقها ولا كنو شي صاير
استمر الهجوم اكتر والسيارة ماشيا
ادم:جدي لازم نعمل شي
ابو نضال:جمان قدها
زادت السرعة وتوجهت بعيد عن السيارة
جاد:وين راحت؟
ابو نضال: عم تبعد الخطر عنا
كنت عم حاول افتح السيارة والحقها بس كانت مقفلة
كان خالي جواد عم يسوق
ادم:خالي فتاااح
جواد:اطلع علي بالمراية وكمل طريقو
عشر دقايق وكانت عم تمشي جنب السيارة على قميصها دم
معتز:شو يابي اختي عم تنزف
ابو نضال:هاد دم القطيع
كنت رح جن على برودهن
بعد ساعة وقفت عند استراحه شلحت الخوذه عن راسها بلش الهوا يطيرهن كان كلشي فيها مميز
ابو نضال:خلونا ننزل نرتاح
نزل الكل وكانت عيون العالم علينا عمنظرنا المقرف التراب مغطي تيابنا ووشنا وغير الي عم يعرج كان الانيق الوحيد فينا جدي الختيار مردغنا بالتراب
عطاولة
ابو نضال:كل يوم عم تفاجئيني اكتر جمان كلمة فخور فيكي ما توفيكي حقك
جمان:ماعملت شي قايمة عالحمام
عند باب الحمام مسكتا من ايدها لفت وشها مستعدة للهجوم
جمان:خير؟
ادم:انتي كيف تعرضي حياتك للخطر؟جنيتي اه جنيتي
جمان:تروك ايدي
حاصرتا مع الحايط
ادم:خفت عليكي
جمان:......
ادم:لاعد تعملي هيك
شبكت اجريها باجريي جابتني بالارض
جمان:ايدك ماتنمد علي واصلا بأي حق تدخل فيني بعمل شو مابدي خليك بعيد عني
تركتني وراحت
جمان عم تحكي
لما قرب مني حسيت بشعور اول مرة بحسو....ماعندي خبرة مع الجنس الاخر كانت حياتي بين الاسلحة والتدريب من وين طلعلي هاد؟عم حس بمشاعر تجاهو معقول؟؟؟لا لا انا عم هلوس رجعت قعدت عالطاولة
ياسين:شو هاد الي على قميصك
جمان:هه دم
معتز:دمك؟
جمان:تخيل
جواد:دم القطيع؟
جمان:طبعا
ابو نضال:قتلتيهن ؟
جمان:قتلت نص والنص التاني هرب
ابو نضال:كفوو
نضال:خلونا نمشي
وصلنا البيت الساعة عشرة المسا كان يوم متعب كتير
كانو نسوان خوالي ناطرينا
اجت هبة ملهوفة على ابنا
هبة:شبها رجلك شو صاار
جاد:ولاشي جرح بسيط
ابو نضال:اليوم اثبتولي ولادي واحفادي انهن افشل ماكنت اتوقع
ام ادم:خير يابي شو عملو
ابو نضال:هجمو علينا قطيع من الذئاب بدل ما يواجهون راحو يركضو عالسيارة متل الحريم الوحيدة جمان الي دافعت عن حالها وعننا بعد ماعرفت رح يحاصرونا ويئذونا خاطرت بحالها كرمالنا
كان الكل ساكت تابع ابو نضال
ابو نضال:الوحيد الي يستحق كل املاكي هوا جمان
ترك الكل بصدمتهن وطلع على غرفتو
تاني يوم كنت قاعد بالحديقة عم راجع شوية اوراق تخص مرضاي وجدي جنبي عم يقرأ كتاب
ابو نضال:ادم
ادم:اي
ابو نضال:18 سنة لكبرت جمان ووصلتها للي هيا اليوم
سكت شوي وتابع حديثو
ابو نضال:لا تخبرلي كلشي عملتو بهي السنين انا ملاحظ اعجابك فيها ادم ابعد عنها
ادم:.....
كنت عم عيد الحكي الي قالو براسي لما دخلت عضهر حصانها ووراها ياسين وجاد بالميتورات
نزلت من على ضهر الحصان واجت تجري
جمان:جدي انا ماعد اشتغل مع احفادك
ابو نضال:شوفي
جمان:احفادك واشرت ع جاد وياسين تحرشو بالعاملات ولما اجيت لفلف القصة بهدوء بلشو يعيطو ولمو كل العمال علينا وعرفو بالقصة وكلن راحو ماعد حدا يرضا يشتغل معنا ومقبلين عموسم حصاد من وين بدنا نجيب عمال ياجدي؟
ياسين:كلو بسببك لو ما دحشتي حالك بشي ما يعنيكي ماصار هيك
ابو نضال:خرااااس
جمان:جدي لو مابنات العالم مو معتازين ما اجو اشتغلو بالاراضي نحنا بدورنا لازم نحترمهن ونصونهن ما اروح اتحرش فيها
ابو نضال:كم بنت تشتغل عنا؟
جمان:22
ابو نضال:وكم شب
جمان:31
ابو نضال:يعني33
جمان:اي وكلن تركو الشغل عننا
ابو نضال:حرس
اجو الحرس عصوت جدي
ابو نضال:خدولي هل بغال ربطوهن هنيك
واشر بنص الحديقة
جاد:جدي غلطنا ومنك السماح
ياسين:هاي اخر مرة
ابو نضال:خرسوو
اجو شحطوهن الحرس وعملو متل ماقال جدي
كل الي بالبيت طلع عالحديقة يشوف شوفي
هبة:شوو في ليش ولادي عاملين فيهن هيك
ابو نضال:نضال
نضال:حاضر يابي
ابو نضال:خود هل صوط واجلد ولادك33 جلدة
نضال:ليش يابي؟شو عملو
ابو نضال:نفذ من تم ساكت
قلب لون خالي نضال للون الاحمر وعيونو دمعو راح اخد الصوط ووقف قبال ولادو كانت مرت خالي هبة تبكي
ابو نضال:بلش
كان صوت صراخهن معبي القصر وانا لهلق مصدوم بعد 33 جلدة رما نضال الصوط وقعد عالارض جنب ولادو يفك اديهن وهوا مخنوق
ابو نضال:هاد درس صغير انت وياه لتتعلمو تحترمو بنات الناس
كانت جمان راكبة حصانها وعم تتفرج بدون اي ردة فعل ملامح باردة
جمان:جدي انا مابدي شي من املاكك مابدي كون وريثك وزع املاكك عكل احفادك انا مابدي شي
ابو نضال:شو عم تخبصي
جمان:هدول الاملاك صارو فتنه بيني وبين ولاد عمومي من لما قلت انا وريثتك قلبو علي يعز علي ولاد عمومي اكتر من المال
قالت كلامها ولفت حصانها وطلعت من القصر
ابو نضال:فااشلين
عسفرة العشا كان الكل مجتمع الا جمان لسا مارجعت كان جاد وياسين راسن بالارض شكلو ندمانين
فااتت جمان بحالتها الي كل يوم تجي فيها تيابها مغبرة
جمان:مسالخير
ابو نضال:وين كنتي
جمان:بعد ما طلعت من القصر توجهت عبيوت العمال اقنعتن يتابعو معنا في منن رضي وفي لا بعدين توجهت عالضيعة التانية كملت العدد من هنيك
ابو نضال:هي حفيدتي
جمان:يلا انا طالعة على غرفتي
منال:مابدك تاكلي
جمان:خبريهن يطالعولي اكلي عغرفتي
جواد:جمان عن عشر رجال
ابو نضال:ازا في حدا مخليني عايش هوا جمان
ام ادم:بتشبه عزام بشبابو
ودمعت عيونها
عزام كان ابن جدي الاصغر مات بعمر ال23 بحادث
ابو نضال:ربنا عوضنا بجمان
نضال:الله يرحمو
كنت طالع على غرفتي لما شفت الخادمة ماخدا صينية الاكل
ادم:انا باخدها
غيرت طريقي وتوجهت على غرفتها دقيت الباب ماكو رد
فتحت الباب ودخلت كان الديكور باللون الفضي والابيض التصميم كان مميز كان في مكتبة كبيرة تعجبت ماكنت متوقع تكون تقرأ كانو تيابها مشلوفات بكل اتجاه بالغرفة طلعت من الحمام لافة المنشفة عحالها لفيت وشي ناطر صراخها بس الغريب ماسمعت شي رجعت تطلعت كانت عم تختار تياب لو بنت مكانها كان لمت الحارة
جمان:ليش انت جايب الاكل
ادم:حبيت نقعد ندردش شوي
فكت المنشفة من عند منطقة الصدر.... كانت عاطيتني ضهرا لبست حمالة الصدر وانا مصدوم لبست القميص بنفس الطريقة نزلت المنشفة لخصرها ولبست شورت للركبة تعجبت من وقاحتها هوا صح ماشفت شي كانت تتحكم بالمنشفة بطريقة احترافية بس هاي وقاحة
اجت اخدت صينية الاكل من ايدي وقعدت عالتخت
ادم:انتي طبيعية؟
جمان:شو لزومو هالسؤال
اطلعت عالشوكة وضحكت بمسخرة رمتها وغرقت بوسط الاكل تستخدم اديها فتحت تمي مستغرب وين الانوثى؟؟قضت عالطبق خلال ثواني مسحت اديها بالشرشف وتسطحت عالتخت
ادم:انتي متاكدة انك بنت؟
جمان:بتحب فرجيك؟؟؟
ادم:تفرجيني شو
جمان:سكر الباب وراك حيل نعسانة
طلعت من الغرفة وانا فكر بحكيها شو معقول تفرجيني فتحت عيوني عوسهن ليكون قصدا انوو... انو ياربي دخيلك كملت عغرفتي وانا عم عيد الاحداث لغفيت
مرقت الايام وسجلت جمان بالجماعة متل ماقال جدي هندسة زراعة
بيوم كنا عالفطور لما قال جدي
ابون نضال صار لازم نجوز ياسين وجاد
نضال:اي يابي حاجتهن
هبة:انا بقول جمان لياسين و لين بنت اختي لجاد
اطلعت ع جمان متل العادة ملامحها باردة
جواد:شو رئيك جمان
جمان:لا
منال:بس يا...
قاطع حكيها جدي
ابو نضاال:تركوها على راحتها
جواد:جمان ابن عمك اولا من الغريب
اكلت حبة زيتون وهيا قايمة
جمان:تجوزو انت
احتقن وش عمي عاضض عشفايفو يالطيف شقد وقحا هالبنت اجت مرتو تهدي
جواد:ماسمعت حفيدتك شو قالت يابي
ابو نضال:قالتلك مابدها ليش تصر عليها وانت بتعرف بنتك لسانها اطول منها؟
كانت تجهيزات العرس عم تتحضر لعرس ياسين وجاد
كانت زوجة جاد لين بنت خالتو
وياسين لجين بنت من معارف العائلة الكريمة
بلشت المعازيم تجي كانت حفلة كبيرة عملناها بحديقة البيت دخل جاد مععاروستو
وياسين متلو
الكل بلش يسفقلن كانو نجوم الحفلة كنت عم دور بعيوني عليها عم الصمت وكل العيون توجهت لــ مدخل القصر التفت شوف شو القصة وكانت الصدمة.....
كانت جمان لابسة فستان اسود قصير كعب عالي عاملا مكياج ومسبلا شعراتها الكيرلي موصلين لتحت كتافها وتمشي بثقة عالية معقول هي جمان؟؟لا لا مستحيل وقفت جنب جدي مابعرف شو قلها وضحكت بانو غمازاتها عرفتا هيا كيف فيها تكون كتلا من الاغراء بنفس الوقت؟؟كنت عم اتأمل تفاصيلها جمسها الرشيق بياضها نعومتها عيونها الشهل شعرها الاسود كانت لوحة من الجمال راح جدي يستقبل الضيوف وتقدمت عليها
ادم:شو عاملا بحالك
جمان:شو شايف
ادم:فاجئتيني
جمان:بحب المفاجئات
ادم:متاكدة انك طبيعية؟
جمان:وشو شايف؟
ادم:عجزت اوصفك
راحت باركت للعارسان وتركتني مشتت ....
الكل نزل عالساحة يرقص تقدمت عليها مديت ايدي
ادم:تسمحيلي برقصة
جمان:نوو
ادم:الكل عم يطلع علينا كيف مادد ايدي متل الاهبل لا تطالعيني بالخجلة
جمان:انت الي تحط حالك بمواقف غبية
تركتني ونزلت عساحة الرقص
كانت ترقص وتمايل بخصرها الشي الي جنني من وين متعلما الرقص ازا كل عمرها قضتو بين الاسلحة والتدريب؟نزلت عالساحة وانا عم اغلي اجيت امسكها مدري كيف زاحت عني ماحسيت غير ببنت بحضني الكلبة دفشتها علي .....
كانت البنت عم تبتسم جاملتها ورقصنا سلو وعيوني عليها
تركت االبنت وتوجهت عليها شافتني بطرف عينها وراحت ترقص مع شب تاني سلو كان ماسك خصرها وعم يتمايل معها مسحت عوشي ورحت ضربتو بوكس جبتو بالارض اطلعت علي نضرات مافهمتها وراحت اخدت كاسة عصير وقعدت عالطاولة وعم تبتسم ابتسامة خبيثة شكلو كانت بتعرف شو رح يصير
تقدم جدي معصب
ابو نضال:شوفي
الشب:لو كنت بعرف تضربو ضيوفكن ماكنت جيت
بلشت العالم تتمتم وتطلع عالموقف
ابو نضال:ادم اعتذر منو
ادم:بس ياجدي
ابو نضال:عم قلك اعتذر
اطلعت عليها كانو نفس النضرات كتمت غيضي وعتذرت وتركت الحفلة
بعد العرس ناداني جدي
ادم:طلبتني
ابو نضال:كيف تمد ايدك عالضيف..؟؟
ادم:....
ابو نضال:احكييي
ادم:كان يرقص مع جمانة
ابو نضال:اي؟
ادم:....
ابو نضال:ماقلتلك تبعد عن البنت؟
ادم:.....
ابو نضال:ازا تكرر هالموقف لاتلوم الا حالك نحنا مش بكندا هون عنا عادات وتقاليد الضيف قبل كلشي
طلعت من غرفتو وانا مدايق كنت عم ضب تيابي خلص رح ارجع عكندا انا ما بنتمي لهاد المكان
نزلت الصبح حامل الشنتا
تقدمت امي مستغربة
ام ادم:وين رايح؟
ادم:راجع عكندا
ام ادم:وتتركني؟؟
ادم:رح انزل كل فترة
كانت جمان عم تتابع الموقف بصمت
توجهت عالباب مقرر السفر سمعت صوت حدا ارتطم بالارش التفت كانت امي ببالارض تركت الشنتة وركضت عليها
ادم:اميي امي ....... فيقي..... جيبولي مي
جابت جمان كاسة مي حاولت تفيقها مافاقت
جمان:لازمها دكتور
حملت امي الي غايبة عن الوعي وتوجهت عالباب بسرعة ¹ وقفت سيارة قدامي
جمان:طلاع
كنت حاطط امي بحضني خايف اخسرها غصب عني نزلت دمعة انا السبب
جمان:لا تبكي متل النسوان ان شاء الله مافيها شي
هزيت راسي وتطلعت وراي كانو سيارتين من العائلة ورانا
وقفنا عند مشفى حكومي
ادم:مابدخل امي غير بمشفى خصوصي
جمان:هاي اقرب مشفى وشيل تكبرك عجنب
جمان:هاتو نقالة
بعد ربع ساعة طلع الدكتور
ادم:دكتور طمنا
الدكتور:صار وضعا منيح لازم تبعد عن التوتر والزعل فيكن تطمنو عنها
دخلت ملهوف لقيتها صاحية
ادم:امي الحمد لله عسلامتك
ام ادم:ليش ما سافرت
ادم:خفت عليكي
ام ادم:....
ادم:رح الغي السفر اهم شي تكوني بخير
طلعت جيب الادوية اللازمة لقيت جمان بطريقي
جمان:هروبك مما يؤلمك سيؤلمك أكثر لا تهرب، تألم حتى تشفى..
تركتني وطلعت من المشفى وانا بقيت صامت عم فكر بحكيها
معها حق كان تصرف سريع عسبب تافهه
بعد كم يوم
كنت قاعد مع ياسين وجاد مع دخلة يوسف وجمان كانت مندمجة معو بالحديت
ياسين:عن شو عم تحكو
جمان:مدخلك
يوسف:كنت عم اسألها عن كتاب
ادم:شو اسمو
يوسف:بساتين عربستان
ادم:هاي رعب
يوسف:هاد زوق جمان بالروايات
ادم:خيال؟
جمان:ربا خرافة خير من الف واقع
ياسين:تلعبو؟
يوسف:تحدي صراحة
ياسين:موافق
ادم:وانا
يوسف:روحو نادو زوجاتكن
كنا قاعدين حول الطاولة
لما توجهت القنينا عجمان ولين
لين:تحدي صراحة
جمان:صراحة
لين:حبيتي من قبل
وجهت نضري عليها كانت عم تدخن ومرتسما عوشها ابتسامة سخرية
لجين:شو هالسؤال لين شفتي زلمة يرتبط بزلمة؟
جمان:الانوثى مش بالعلاك الي لابستي
تطلعنا كلنا علبس لجين الي عبارة عن فستان احمر
تابعت حكيها
جمان:ولا بالاحبال الصوتية
لجين:لكن كيف الانوثى
جمان:تبقي عطبيعتك بدون تصنع
لين:ماجاوبتيني عن سؤالي حبيتي من قبل؟
جمان:اي
ادم:مين
جمان:انتهى السؤال
نقهرت من جواتي مين معقول حبت؟ولهلق علاقتهن ولا انتهت
اجت القنينة علي و يوسف
ادم:تحدي صراحة
يوسف:صراحة
ادم:تمنيت شي يوم انك ما تنتمي لهاد المكان؟
جاد:شو هالسؤال
يوسف:اي حلمي يكون عندي عيلة ما تحكمها العادات والتقاليد ولا من نعومة اضافرك تخضع لتدريب حلمي عيش ببيت صغير مع عيلة كلا حب ودفا
كان يوسف عم يحكي وفي لمعة بعيونو
اجت القنية ع جاد و ياسين
جاد:تحدي صراحة
ياسين:تحدي
ارتسمت شبح ابتسامة خبيثة عوش جاد
جاد:بتحداك تبوس جمان
تلبك ياسين ولجين نخطف لونها
يمكن لو مابعرف مستحيل جمان تخلي يوصل الها كان خربتطلو وشو
كانت جمان عم تنفذ دخان سيكارتها وعم تطلع عليه ببرود تقدم عليها وهوا متوتر وقف قبالها وانا ناطر كيف رح تهرلو سنانو
بثواني طبع شفافو عخدها وهيا عم تطلع علي بنظرة تبع خيبتلك امالك نار وشتعلت بقلبي بس حاولت كون هادي
اجت القنية علي وعلى جمان
جمان:تحدي صراحة
ادم:صراحة
جمان:راضي انك تخليت عن كندا وجيت عبيت متل ماقال يوسف يحكمو العادات والتقاليد؟
ادم:في شخص هوا الي مهون علي العيشة هون وباقي كرمالو
كنت اقصدها بكلامي هزت راسها بتفهم
اجت القنية ع جمان وياسين
جمان:تحدي صراحة؟
ياسين:صراحة
جمان:كم بنت حبيت من قبل مع غمزة
تلبك ياسين عم يطلع ع لجين
جمان:في غير ميس وبتول وبيان؟
لجين:شوووو
جمان:وشمس
اطلعت عليه بنضرة انتصار وخبث
طلعت لجين على غرفتها
ياسين:نبسطي ست جمان
جمان:هه كتير
يوسف:شو رئيكن نتابع فلم؟
جمان:رعب
لين:رعب وليي
جاد:خلي درامي
جمان:شو ليكون خايف
كنت عم تابع حديثن بصمت اتفقو اخر شي عفلم رعب
كان يوسف عم يجهز الفلم ولين اكلات السهرة
كان مو بس رعب فضيع لين خبت وشها بصدر جاد وياسين كان باين عليه خوف شوي ووجاد عم يحاول يكون باتمان قدام مرتو ويوسف عم يطلع عادي اما جمان كانت مستمتعة
مرق ساعتين وخلص الفلم وكان الجو عتما سمعنا صوت خرابيش وصوت مرعب
الكل انتفض ولين تصرخ وتبكي
كنت عم حاول شوف بالعتمة من وين مصدر الصوت
صار صوت تكسير قوي وبعدا عم الهدوء التفتت ع جمان كانت عم تدخن وعلامات البرود ما فارقت وشها مو طبيعية هالبنت
بعد دقيقة اشتغل الضو وسمعنا صوت ضحك اتاري كان معتز عامل مقلب
معتز:ههههههههه اخخخ بطني ماعد فيني هههههههه منضركن بضحكك
توجه ياسين عندو متل الاعصار وراح يركض فوق
جمان: هههههه عنجد منضركن بضحك
جاد:ماكان ناقصنا غير جمان واخوها
طلعت جمان عالطابق التاني وهيا عم تضحك
لين:اجريي بعدن عم يقصفو
جاد:امشي معي
طلع جاد ومرتو عغرفتهن بقينا انا وياسين ويوسف
يوسف:بكرة جدي يربي بالتدريب
ياسين:رح يطالع منو الخمير والفطير
يوسف:شفت جمان ما تحركلا جفن بس بدي اعرف من وين مخلوقة
ياسين:لا تصدق جمان هشا من جوا
ادم:مش باين عليها هيك
ياسين:ماشفت كمية الحزن بعيونا
ادم:حكيلي عنها
ياسين:جمان كانت طفلة بريئة كان عمرا اشهر لما امها تركتها وابوها جبلا مرت اب
يوسف:صح مرت ابوها منيحة بس ماتعوض مكان الام
ياسين:حطها جدي تحت التدريب من كانت بنت 10 سنين كانت فترة صعبة عليها ونكسرت بأماكن متفرقة اكتر من مرة
يوسف:العجيب كانت حابا هالشي ومحدا جبرها
ياسين:جمان تفتقد امها غير انها تتصرف غير هيك
ادم:ليش امها تركتها
يوسف:امها من المدينة وماقدرت تعيش بهيك جو
ياسين:صابها سكري من القهر
يوسف:لما جمان كانت بنت 17 كانت عم تتعلم السواقة جديد وشائت الاقدار يطلع قدامها رجال سكران حاولت تبعد عنو لدرجة رمت حالها عن الطريق بس مالحقت وضربت بالزلمة ومات
ياسين:كانت اصابة جمان بليغة قعدتها بالمشفى 8 ايام بهي الفترة جدي حلها بالمحاكم وتسكرت القضية
يوسف:بعد هي الحادثة تغيرت جمان كتير كنا نفيق عصوت صراخها بالليل كانت تكوبس
كنت عم اسمع وهز راسي وعم اتخيل كيف كان شعورها بعد ساعة راح كل واحد على غرفتو
كان كل يوم عم اتعلق بجمان اكتر صح كانت ناسبا حالها للشباب بس في شي بشدني الها اكتر بطبعي كنت حب البنت الخجولة الناعمة بس لما شفتها مابعرف شو صرلي صرت حب كلشي فيها
ابو نضال:بكرة رايحين ع تركيا بعد شهر عرس بنت رفيقي
جواد:ليش لنروح قبل بشهر
كنت ببعرف في مصيبة بعد هالقرار
جمان:جدي بدو مننا نلحقو تهريب عن طريق الجبال
ابتسم جدي وكمل
ابو نضال:متل ما قالت جمان
ياسين:طيب ياجدي ليش الشرشحة نروح كلنا بالطيارة
ابو نضال:قلت الي عندي
جواد:انا واخي كيف نروح
ابو نضال:انت واخوك ونرجس وهبه ومنال معي
ياسين جاد يوسف معتز جمان لين لجين تهريب
لين:بس ياجدي مافيني عهي المخاطرة
لجين:ولا انا
ابو نضال:مابدي اسمع اعتراض الكل رح يروح جهزو حالكن لبكرة
تركنا وقام
جواد:جمان فيكي تخاطري؟
جمان:هاي مو اول مرة اخاطر
جواد:قبل يختلف
جمان:فهمت عليك لا تقلق رح يكون كلشي تمام
فقت الصبح جهزت حاالي ضبيت شنتة صغيرة وطلعت كنت متحمس هي اول مغامرة الي
نزلت عالصالون ماكان موجود الا جمان عم تقرأ كتاب
ادم:صباح الخير
جمان:صباحك
ادم:طالعة حلوة اليوم
جمان:ممم
كانت لابسة بنطلون اسود مع كنزة زيتي وفوقا جاكيت اسود طبعا لبس شبابي
ادم:مين حبيتي؟
جمان:عفوا
ادم:قلتي كنتي بعلاقة
جمان:عدل كنتي
ادم:شوو يعني لهلق بعلاقة؟
جمان:مم
ادم:مين؟
جمان:مدخلك
ادم:كيف ما دخلني
قطع حديثنا دخلة معتز
خلال نص ساعة نزل الكل
ابو نضال:نحنا رح نستناكن هنيك خلاال شهر رح تكونو عنا
وصلنا عالمهرب الي رح ياخذنا كان اصلع وقصير
المهرب:ممنوع الاسلحة
اطلعت عجمان الي كانو سهامها عضهرا وسيفا عخصرا غير المسدس الي تحت جاكيتها ورصاصو
جمان:عندي مافي شي ممنوع ولا تحب افصل راسك؟
توتر المهرب ووافق
طلعنا باالسيارة مع المهرب دخلنا بمكان خالي كان معنا شي 10 منن بنات وشباب كان الجو بارد
بعد ما عطانا المهرب تعليماتو مشينا وراه حل الليل
المهرب:رح ننام هي الليلة هون وبكرة الصبح نكمل طريقنا ارتميت عالارض وانا مرهق من ساعات المشي
فقت الصبح لقيت جمان واقفة عم تتأمل طلوع الشمس
اطلعت حولي مالقيت لا المهرب ولا العالم الي كانت معو
ادم:وينو؟
جمان:راحو
فاق الكل عصوتنا
ياسين:شو صاير؟
ادم:راح المهرب ونحنا نايمين لينتقم من جمان عيلي عملتو بموضوع السلاح
جاد:ماكان تسكري تمك وتتحاشي المشاكل؟
زورتو بلع ريقو ودار وشو
جمان:عمل هيك بطلب من جدي ولا كيف وافق بكل سهولة احمل اسلحتي معي؟كل هاد فخ جدك حطنا فيه
ادم:ليش ليعمل هيك
جمان:هه بدو يختبر قوتنا
ياسين:ماكفاه عبرونا من هداك الجبل
معتز:خلونا نرجع عالبيت
كانت جمان عم تجهز اسلحتها
جمان:ارجعو لحالكن انا رح كمل
تركتنا ومشيت
لملمت غراضي ولحقتها وكذلك معتز
لحقونا الباقي كانت جمان تمشي بالمقدمة
لين:ييي نتزعو شعراتي
لجين:حالي مو افضل من حالك
لين:جمان انتي متاكدة انك بنت؟
جمان:افرجيكي؟
فتحت عيوني عوسهن مع كلامها
لين:اه هههه لا لا
وقفنا الضهر نتغدا
ياسين:معقول سالكين الطريق الصحيح
طالعت جمان خريطة ومدتها قدامنا
جمان:حسب الخريطة ماشين صح
لجين:شقد باقي ونوصل
جمان:هههه اقل شي اسبوعين او اكتر
جاد:الله يصلحو جدي عهي الورطة
مرقو 4 ايام صارت حالتنا بالويل تيابنا طين وخلص الاكل كنا ماشين شفنا قدامنا غزال بدون رحمة وجهت سهمها فيه جابتو قتيل راحت تركض سحبت خنجرها من صباطها وبلشت تجهزو للعشا
لولها حسيت حالي انا والشباب الي معي انو نحنا البنات هيا الي شوتو وجهزتو ونحنا قاعدين نتفرج
خيم الليل ستارو
جمان:المنطقة خطيرة رح ننام عالشجر خدو هي حبال شدو حالكن فيها مع الغصن
معتز:عم تخوفيني
جمان:مافي شي يخوف رح تبقا معي
طلع جاد ومرتو عشجرة وياسين عمل متلو
انا ويوسف طلعنا عشجرة جمان ومعتز بشجرة كان الشجر قريب من بعضو.....
كانت جمان عم تربط خصر اخوها عصرتو عصر نقطة ضعفا معتز
سمعنا صوت زئير قشعر بدني
طلع من الضباب قطيع ذئاب كان منضرن مرعب
البنات بلشو يبكو طبعا مارح انسب جمان للبنات كانت صافنة فيهن
جمان:هاد يلي ما يسمع مني ويجيب سلاحو يلا خلصو حالكن
ياسين:ممكن تاكلي هوا وتخلصينا من الورطة الي نحنا فيها؟
جمان:لا مو ممكن لا اعتراض عحكم االله نحنا اليوم عشاهن لهي الحيوانات اللطيفة
بلش صوت بكا البنات يقوا الشي الي خلا جمان تطلق اول سهم صاب الذئب بنص راسو جابو قتيل هاج القطيع وبلش يقفز يحاولو يوصلو لعنا
صوبت ع 8 بالاسهام لما تاكدت منن ماتو طالعت مسدسها وصوبت عليهن هربو من صوت الرصاص
ادم:الولد الي بالصف الاول بيعرف الحيوانات تخاف صوت الرصاص لي من الاول ما اطلقتي عليهن؟
جمان:راقب
كانت عم تاخد فرو القطيع والكل عم يراقبها بصمت
ادم:شو بدك تاخديهن معك؟كمان فرون نادر
نزعت 8 من فرون ووزعتهن علينا
جمان:دفو حالكن فيهن علشان ما تموتو من البرد
كانت بنت ذكية بتشتغل اكتر ما تحكي
راحت شعلت نار عكل الاتجاهات وطلعت عالشجرة عند اخوها
ماكنت اقدر نام بهي الوضعية
تاني يوم الصبح
فقت عصوت العصافير تطلعت تحت كانت النار خامدة مو باين منها غير دخانها عم يتصاعد وجنب منو ضباع عم تفترس القطيع كانت الشمس عم تشرق
زحت نضري عن الضباع منضرن وهنن عم يقتاتو يقلب المعدة كانت جمان حاضنة اخوها ونايمة بعمق صفنت فيها
فاقو الكل كملنا طريقنا
لين:انا جعت
جمان:هلق رح ناكل وجبة الفطور بمطعم خمس نجوم يطل عالبحر
لين:وقت تقل دمك هلق رح موت من الجوع
جمان:كان افترستي كم ذئب مع الضباع
لين:اععع
لجين:مافي مصدر مي هون بدي اتغسل صارت حالتي بالويل
جمان:مبلا فيه لقدام شوي حمام عربي رح نفوت ناخد دوش
ضحكت عحكياتها عنجد مجنونة
جمان:انا رح شوف شي ناكلو خليكن هون
ادم:رح اجي معك
اصدتنا كم ارنب
جمان:انا تعبت من السلخ كل شوي واحد فيكن يجهزن
لجين:عم حس حاالي بجيل ادم وحواء
تقدمت انا نضفهن مع انو اول مرة وكتير بقرف بس كنت بدي اثبت حاالي قدام جمان بهاي الطريقة هه عطريقتها السلخ والدبح
كانت القداحة ماعم تشتعل شكلو خلص غازها
جمان:لا تطلع علي قداحتي ما بعطيها فرضا اجا عبالي سيكارة نص الليل شو اعمل؟
ادم:بالله عليكي عم تحكي جد يعمي نموت من الجوع؟
جمان:دبرو حالكن
راح جاد جاب حجر لصقهن ببعضن مدري كيف وشتغلت نار
هي اول مرة بنحس برجولتنا قدام جمان هه
بعد الاكل فرشت الخريطة قدامنا
جمان:ع بعد منا في نهر بدو يومين نوصلو
معتز:يومين؟مارح يكفي المي الي معنا غير لبكرة
جمان:طيب ازا مشينا لاخر الشارع نكون بالطريق العام اكيد رح يجي باص وينقلنا يلا يلا قومو ماعنا وقت
يتبع...
يـــــــــ͢ـོ͓ـــتبــــــــــــــོـ͓ـــ͢ــ؏
➖➖➖➖➖➖➖➖➖
❴📖❵↵*تنسيق مشرفين مجموعة:
❴📚❵↵*قصص وروايات عالمية📚🧡
❴🧡❵↵*ننشر جميع انواع القصص والروايات العالمية
حـب🧡.
حـزن🧡.
اكشن🧡.
رعب🧡.
❴👑❵↵*أن كنت من عشاق ومدمني القصص مكانك عندنا🧡
❴🧡❵↵*رابط المجموعة للاشتراك:
https://whatsapp.com/channel/0029VadbWnd89inYkEVrpG0C
`